Fituesit prezantojne programin qeverises 3 muaj pas fitores

[mesuesi_1]

0

Share

10 SHTATOR 2013 - 16:45 PS mbledh Grupin Parlamentar pritet të diskutohet Programi

nesër në Kuvend. Programi shoqërohet edhe me një letër personale nga Kryeministri Rama për secilin prej tyre.

Po ashtu, PS-ja do të mbledhë sot në orën 18:00, Grupin e saj Parlamentar për të diskutuar Programin e Qeverisjes dhe çështje të tjera që kanë të bëjnë me zhvillimet e ditës së nesërme në Kuvend. Mbledhja do të bëhet me dyer të mbyllura dhe pas saj nuk pritet ndonjë deklaratë për mediat.

Ndërkohë që të majtët po përgatiten për ta diskutuar nesër, programin, të djathtët kanë refuzuar sot që debati të bëhet kaq herët, pasi koha është e shkurtër për ta studiuar

Redaksia online (ar.sh/shqiptarja.com)

[Breshka]

Programi per reference ne te ardhmen.......

Programi qeverise 2013-2017

Shkarkoheni e ruajeni......

[derjansi]

Sa te jet ne fuksion linja e unazes e sa te ket mcusi abone ne ket linj do kemi lajme te freskta perdite

Breshka dje na tha se qeveria shqiptare asht fondamentaliste islamike dhe persekutuse e eger e krishterve pranej po i man syt qel qe as kjo e reja te mos shkoj ne at drejtim

[Albo]

Rama “bind” LSI për taksat dhe shëndetësinë, 5 shtyllat e programit

Aleksandra Bogdani

Qeveria “Rama” premton 5 mega-reforma dhe një numër të madh operacionesh për Shqipërinë e 4 viteve të ardhshme. Programi në 57 faqe i qeverisë së re, i kthyer dje në “mollë sherri” mes mazhorancës dhe opozitës nuk ofron ndonjë surprizë, përtej premtimeve të dëgjuara dendur gjatë fushatës elektorale. Projekti “Rama” qëndron mbi 5 shtylla kryesore, që e dallojnë nga programi i Berishës: reformë në sistemin fiskal, shëndetësi, polici, drejtësi dhe ndarje e re administrative. Nga ana tjetër, qeveria e re premton të vërë nën kontroll territorin, të luftojë korrupsionin, të heqë taksat për biznesin e vogël, të legalizojë falas si dhe të mbyllë njëherë e mirë çështjet që na kanë shoqëruar përgjatë 22 viteve tranzicion me pronën private dhe ish-të përndjekurit politikë. Programi qeverisës, një renditje en-block e premtimeve të fushatës mbart megjithatë të njëjtat paqartësi sa i takon kostove apo afateve kohore, si normës së taksimit progresiv. Sfida kryesore mbetet ekonomia dhe modeli që pritet të zgjidhet, për të siguruar rritje afatgjatë, ulje të borxhit publik dhe punësimit të 300 mijë shqiptarëve.

Rendi: një shtet, një polici

Qeveria e re synon të vërë në jetë parimin “një shtet, një polici” për të garantuar rendin dhe sigurinë, si dhe të krijojë Byronë Kombëtare të Hetimit për të luftuar krimin e organizuar dhe korrupsionin. Shkrirja e disa agjencive ligjzbatuese dhe përqendrimi i kompetencave tek Policia e Shtetit pritet të jenë hapat e parë që do të ndërmerren. Si rrugë për parandalimin e krimeve dhe hetimin efektiv, është parë me vend të shkurtohen hallkat e tepërta të strukturave drejtuese në polici, përforcim të strukturave bazë, rishpërndarje të forcave policore dhe forcimin e bashkëpunimit me qeverinë vendore dhe komunitetin. Përgjigja për luftën kundër krimit të organizuar është Byroja Kombëtare e Hetimit. “Sofistikimi i veprimtarisë kriminale kërkon përgjigje të menjëhershme, ndaj ngritja dhe fuqizimi i Byrosë Kombëtare të Hetimit do t’i japë një ritëm të ri luftës me krimin e organizuar dhe korrupsionin në çdo nivel. Ngritja e kësaj byroje do të jetë në zbatim të Strategjisë së re dhe Planit të Veprimit kundër Krimit të Organizuar, të cilën qeveria do ta hartojë gjatë vitit të parë të qeverisjes e do ta vërë në zbatim në vitet në vijim”,-thuhet në program.

Reforma në drejtësi

Programi qeverisës PS-LSI parashikon ndryshime ligjore për KLD-në, Ministrinë e Drejtësisë dhe Gjykatën Kushtetuese. Gjithashtu, pritet që Kodi i Procedurës Penale t’i nënshtrohet një tjetër ndërhyrjeje, vetëm pak muaj pasi mazhoranca dhe opozita votuan me konsensus ndryshimin e tij. Por programi nuk shpjegon se si do të ndryshojnë këto institucione dhe për çfarë arsyeje. Më pas, qeveria e re premton të çojë përpara reformat e kryera me Gjykatën Administrative, shërbimin e provës, përmbarimin apo instalimin e sistemit audio-viziv nëpër gjykata. “Qeveria do t’i japë mbështetje të plotë Prokurorisë së Përgjithshme dhe KLD-së, për të përfunduar vlerësimet e prokurorëve dhe gjyqtarëve”,-thuhet në program, ku parashikohet që Gjykata e Lartë të shndërrohet në gjykatë karriere. Rritja e pagës së gjyqtarëve shikohet se një mënyrë për luftën kundër korrupsionit në drejtësi, ndërsa një “Grup i Posaçëm Pune” do të hetojë sjelljet dhe aktet korruptive. Qeveria “Rama” premton gjithashtu se do të mënjanohet çdo ndikim politik mbi gjyqtarët dhe forcimin e mekanizmave që do të garantojnë ndarjen dhe balancimin e pushteteve. Koordinatori Kombëtar kundër Korrupsionit do të jetë një strukturë e re, me tagrin për të propozuar nisma ligjore dhe monitoruar zbatimin e politikave antikorrupsion të qeverisë.

Ekonomia; taksa progresive…

Kryeministri i ardhshëm është i vendosur të kalojë nga taksa e sheshtë, tek ajo progresive për të ardhurat, megjithë divergjencat e shprehura nga aleati strategjik, LSI. Megjithë kritikat e shumta, kalimi tek taksimi progresiv është një ndër premtimet që përforcohet edhe në programin qeverisës. Zhvendosja nga politika e taksimit të sheshtë, drejt politikës së taksimit progresiv, ku “kush përfiton më shumë, të kontribuojë më shumë”, do të jetë lëvizja më e rëndësishme…”,-thuhet në program, ku nuk specifikohet se sa do të taksohen të ardhurat dhe kur do të fillojë të vihet në praktikë kjo politikë fiskale. Ashtu siç ka premtuar në fushatë, qeveria synon të shkrijë në një administratën tatimore dhe atë doganore. Edhe pse e paqartë mbi ç’shina ekonomike do të ecë, qeveria e re ka vendosur si sektorë prioritarë manifakturën, energjinë, turizmin, bujqësinë, agroindustrinë, arsimin dhe shërbimet. Por duket se fokusi do të shtrihet tek rritja e prodhimit të brendshëm dhe e eksporteve. Sa i përket biznesit të vogël, qeveria premton heqjen e taksës së biznesit të vogël dhe reduktimin e barrës fiskale të këtij biznesi brenda vitit 2014.

Shëndetësia dhe arsimi

Përveç Maturës Shtetërore dhe rritjes së GDP-së për arsimin, qeveria “Rama” nuk synon ndërhyrje të mëdha në këtë sektor. Ndryshe nga shëndetësia, ku është e shkruar e zezë mbi të bardhë se Shërbimi Kombëtar Shëndetësor, do të jetë paguesi i vetëm i faturës shëndetësore. Në programin qeverisës është shmangur termi “shëndetësi falas” dhe parashikohet një kalim gradual tek financimi i këtij sektori nga taksimi i përgjithshëm. Në këtë “kontratë” me votuesit, qeveria Rama parashikon heqjen e TVSH-së për mallrat mjekësore në fillim të 2014, kontrollimin e çmimit të ilaçeve dhe ngritjen e Shërbimit Kombëtar të Urgjencës. Sa i përket pensioneve, sistemi i kontributeve duket se do të mbetet i njëjti, edhe pse ka një perceptim të gjerë se skema është e falimentuar.

Ndërtimet pa leje, 3 moratoriume dhe “momenti zero”

Programi i qeverisë zbardh disa detaje të reja për operacionin e prishjes së ndërtimeve pa leje, të paralajmëruar nga Rama. Plani i Përgjithshëm Kombëtar do të jetë hapi i parë që do të ndiqet, i shoqëruar me tre Moratorume. “Miratimi i planit, do të paraprihet nga miratimi i Zonave të Rëndësisë Kombëtare, mbi bazën e së cilave do të vendosen 3 Moratoriume të rëndësishme për ndalimin e aktivitetit ndërtimor në Bregdet, në burime pyjore dhe sipërfaqe ujore e në të gjitha zonat me rëndësi për Turizmin”,-thuhet në program. Fillimisht do të vlerësohet informaliteti në territor, do të identifikohen objektet që do të legalizohen, e më pas do të vijojë prishja. “Do të shpallet Momenti ZERO, pas të cilit çdo ndërtim është subjekt prishjeje të menjëhershme. Do të hartojmë dhe zbatojmë Programin për Bregdetin e Jonit që konsiston në pastrimin e territorit nga informaliteti dhe keqpërdorimi e do të paraqesë modelet e para të rigjenerimit të qëndrueshëm të hapësirave urbane dhe natyrore”,-shtohet më tej. I detajuar është edhe projekti për Turizmin, ku do të synohet krijimi i paketave turistike. Qeveria e re parashikon të krijojë 4 programe: për turizmin Kulturoro-historik, Eko-turizmin, Maloro-bregdetar dhe programin e fashës rajonale “Korridori i Kaltër”

Pronat

Qeveria e re synon të zhdukë zarfat e 3 hallkave të korrupsionit: AKKP, ALUIZN, Hipotekë. Për qeverinë e re nuk do të ekzistojë më termi “ish-pronar” dhe premton zgjidhjen e çështjes së pronës.

Media

Premtohet kuadër i ri ligjor për rritjen e pavarësisë së mediave dhe transparencës. Gjithashtu, RTSH do të ristrukturohet, e në Këshillin Drejtues do të ketë profesionistë. Dixhitalizimi do të mbyllet në mesin e vitit 2015

Punësimi

Angazhim për krijimin e 300 mijë vendeve të reja pune. 40 mijë vende të reja pune në industrinë

prodhuese dhe 12 mijë vende pune shoqëruese të lidhura me to. Riorientim tërësor i arsimit profesional drejt nevojave reale të tregut.


Energjia

Njësoj si qeveria paraardhëse, edhe të majtët do të synojnë ta kthejnë Shqipërinë në vend eksportues të energjisë elektrike. Ngritja e sistemit të interkonjuksionit me Kosovën dhe hartimi i një strategjie afatgjatë janë rrugët…

Aksidentet

Numri i aksidenteve rrugore synohet të ulet në masën 20%, vetëm gjatë vitit të parë të këtij

mandati qeverisës. Qeveria e re synon të përmbyllë rrjetin rrugor të vendit, sipas saj me rrugë të standardeve europiane

MAPO

[Albo]

Islami: Rama qeveri klienteliste, ministrat e LSI, kombinim mes të resë e eksperiencës

TIRANE - Deputeti i PD-së Kastriot Islami akuzon kryeministrin Rama se ka lënë jashtë qeverisë personalitete me eksperiencë në PS, për ti hapur rrugën një qeverie klienteliste. I ftuar në rubrikën “Opinion” me gazetaren Nisida Tufa në “News24”, Islami vlerësoi ministrat e LSI-së, duke theksuar se kryetari Meta ka zgjedhur një ndërthurje mes të resë dhe personaliteteve me eksperiencë.

Si u ndjetë në seancën e parë dhe në të tjerat që keni marrë pjesë?
Isha nisur me mendimin që të paktën ky sesion parlamentar do të ishte ndryshe. Mendova se do të kishte mundësi të shkonim në një fillim normal duke parë rezultatin e zgjedhjeve dhe pranimin e humbjes. Në seancën e dytë fillon të vihet në jetë teknologjia e vjetër e mosrespektimit të rregullave të lojës dhe konfrontimit politik. Mazhoranca nuk i dha asnjë minutë kohë opozitës, duke e detyruar të vinte në parlament të nesërmen në orën 10:00. Rama kishte një qëndrim urrejtje do të thosha unë, ishte ndryshe nga ajo që u predikua. Në këtë moment, praktikisht kjo futet dhe në rregullat e parlamentit, edhe mund të braktiset salla për një moment. Nuk ka asnjë vendim bojkoti, ditën e shtunë opozita do të marrë pjesë në seancë. Është një largim nga një seancë që u mendua se nuk po trajtohej çështja e rendit të ditës, dhe kishte edhe disa elementë ofendues.
Çfarë ju ofendoi konkretisht?
Nuk mu duk një gjuhë etike për një debat parlamentar të shëndetshëm. Në legjislaturën e kaluar një nga arsyet e fuqishme që nuk u arrit të merrej statusin kandidat ishin marrëdhëniet relativisht të tensionuara mes mazhorancës dhe opozitës, që praktikisht kishin bllokuar vendimmarrjen, siç ishte rasti i 3 ligjeve. Kryeministri i dekretuar po bënte një retorikë që nuk kishte lidhje me rendin e ditës.
Çfarë pretendonit, një program të zotit Rama që do ta dëgjonit deri në fund?
Ne nuk e kishim marrë programin e PS. I gjithë grupi i PD ishte në sallë dhe deri në orën 2 nuk kishte asnjë njoftim nga ana e parlamentit. Na thanë se ishte shpërndarë në orën 4, kur ne nuk ishim. Prisnim që kryeministri me një hyrje të shkurtër të shpaloste më pas programin e tij.
Ju e keni tashmë në dorë atë, po njiheni, ju mjafton koha?
Koha mjafton. 48 orë janë të mjaftueshme për të studiuar atë material që quhet programi i qeverisë. Secili po përgatitet, ka një vlerësim të parë të paktën në këndvështrimin tim është një material që nuk ka as përmbajtjen as formën e një programi qeverisës. Këtë e shikoj jo thjesht nga këndvështrimi politik, sepse dihet që mazhoranca do ta vlerësojë programin dhe opozita do ta kritikojë. Por unë e shikoj si një ekspert, si një specialist. Unë kam shkruar disa programe qeveritare, e di shumë mirë se si shkruhet një program, çfarë përmban një program.
Çfarë mungon tek ky program?
Ky program ka formën e një hartimi. Nuk ka strukturën farë të një programi qeveritar. Programi është negativist. Ka ndryshuar struktura e qeverisë. Është bërë një qeveri e madhe dhe e copëzuar. Sepse nga 14 ministri janë bërë 19, disa ministri janë copëzuar. Eshtë një strukturë që bazohet në elementët e ndarjes klienteliste. Problem tjetër është cilësia e përbërjes së këtij kabineti. A është ky kabineti me cilësinë e duhur dhe eksperiencën për të përballuar krizën. Përjashtoj LSI-në, që ka kombinuar të renë dhe eksperiencën. Në rastrin e PS-së, përveç zotit Cani që ka pasur një eksperiencë, të gjithë të tjerët nuk kanë asnjë eksperiencë. Kemi njerëz pa eksperiencë në nivelin e lartë të menaxhimit politik dhe kemi rreth 25 veta me eksperiencë që janë lënë jashtë. Kjo është një qeveri klienteliste.
Ju kur i prisni nëse i prisni shenjat e para të rilindjes?
Rilindja ka rënë në datën 1 prill, kur është bërë koalicioni mes PS dhe LSI. Vetë analistet që kishin bërë thirrje për bashkimin e tyre, thanë se do të fitohen zgjedhjet por rilindje nuk ka.
Zoti Islami, 91 vota për zotin Meta, si i patë këto vota, duhet të trembet PD nga kjo?
Nuk është bërë një analizë. Për PD është e rëndësishme cilësia e të bërit opozitë. Do të jetë një opozitë në themel konstruktive, ballore, alternative dhe në mënyrë të veçantë do të jetë integruese. Përsa i përket integrimit, kjo është personale, do të bëhen sakrifica në kurriz të PD-së vetëm që integrimi të arrihet.

(er.nu/BalkanWeb)

[mesuesi_1]

Sa te jet ne fuksion linja e unazes e sa te ket mcusi abone ne ket linj do kemi lajme te freskta perdite

pa problem .... abonene e kam bere vjecare ....