Tragjedia e Sirise dhe "lutjet" e Vatikanit

[Ceni-1]

Tragjedia e Sirise dhe "lutjet" e Vatikanit

Dr. Shefqet Krasniqi

Siria vazhdon të mbetet lajm kryesor në pothuajse mbarë mediat botërore. Tashmë jo vetëm masakrat makabre, të pushtetit ndaj popullatës, por edhe mënyra dhe qasjet se si duhet trajtuar dhe zgjidhur ky problem po zënë ballinat e faqeve të para të gazetave gjithandej globit.

Në tavolinë është edhe opsioni i ndërhyrjes ushtarake, i cili, me gjithë konfuzionin për formën dhe mënyrën, është parë si një hap frenues për dhunën e atij pushteti brutal. Ka mjaft kohë që kur u lëshua kushtrimi i parë për intervenim, në mënyrë që të parandalohej vrasja e qindra mijëra njerëzve dhe shkatërrimi i dhjetëra mijëra vendbanimeve, fshatrave, shtëpive, banesave, xhamive, etj.

Nuk kanë munguar përpjekjet diplomatike për kinse zgjidhje të duhur, por në terren nuk janë parë rezultatet. Përkundrazi, çirrja nga larg pa ndonjë veprim konkret i dha kurajë pushtetit të tregohet sa i fuqishëm dhe i pamposhtshëm është, saqë përdori edhe armë kimike për të treguar brutalitetin.

Tërë bota u tmerrua, vdiqën më shumë se njëmijë njerëz, shumica e të cilëve fëmijë. OKB dërgoi ekipet për të verifikuar nëse armët kimike ishin përdoruar me të vërtetë. Disa vende perëndimore, në krye me SHBA-të, kërcënuan për ndërhyrje ushtarake në rast të vërtetimit të përdorimit të këtyre armëve. Presidenti Obama ka marrë vendim. Ka mbetur edhe drita jeshile nga Kongresi e cila si duket po jepet. Por prapë asgjë konkrete, intervenimi le që po zvarritet, por ai mund edhe të mos ndodhë!

Sido që të jetë, kur jemi të intervenimi, jo të gjithë u pajtuan me SHBA-të për intervenim ushtarak. Nuk e kam fjalën për bllokim politik e as kërcënim për përdorim vetoje nga Rusia apo Kina, ngase qëndrimet dhe interesat e tyre tashmë janë të njohura për opinionin, por për çudi kundër intervenimit u radhit edhe një shtet, jo i rëndësishëm politikisht, por mjaft i rëndësishëm moralisht, pra Vatikani.

Thirrjet e Vatikanit për negociata paqësore dhe shmangie të përdorimit të dhunës, duke u arsyetuar se intervenimi “mund të sjellë luftën e tretë botërore”, me duken jo vetëm jopolitike, por edhe pesimiste e ogurzeza. Për çudi vrasja e mbi njëqind mijë njerëzve, madje edhe përdorimi i armëve kimike ndaj popullatës civile, nuk i mjaftuaka Vatikanit të bindet se duhet të ndërhyhet për të ndalur tragjedinë njerëzore në Siri.

A thua vallë, kush qenka më i rrezikshëm, krimineli apo viktima, pra anën e kujt po e mban Vatikani?

Çfarë po e frikëson në të vërtetë Vatikanin? A mos fakti se me rënien e kriminelit Asad, Siria do të udhëhiqet nga shumica myslimane?

Përse këto paragjykime dhe frikë e panevojshme nga Islami dhe sistemi i tij juridik/sheriati?

Përse gjaku i civilëve, ani pse myslimanë, nuk paska vlerë?

Ku na mbetën reflektimet e Jezusit (Isait) se gjaku është i shenjtë dhe se duhet të mbrohet, dhe se ‘të bekuar janë paqebërësit’, siç pohon Ungjilli.
Përse nuk thërret ‘ndërgjegjja’ e krishterë se krimineli duhet të ndëshkohet?

Përse Vatikani nuk ndjek një vijë më racionale?

A është i vetëdijshëm Vatikani zyrtar se në mesin e të vrarëve ka edhe shumë të krishterë dhe se regjimi i Asadit vret secilin që e kundërshton pavarësisht nga feja, prejardhja, konfesioni apo besimi?

Ta themi të vërtetën. Askush nuk e pyet Vatikanin se çfarë duhet bërë. Por ironia qëndron pikërisht në faktin se pse ‘Selia e Shenjtë’ nuk e shfrytëzon rastin për të fituar, së paku, simpatinë e njerëzve e të mbaj qëndrim pak më human ndaj këtij problemi, që po shndërrohet në katastrofë njerëzore, e jo të dalë me deklarata dhe qëndrime që në këtë kohë duken mjaftë qesharake?

Përse Vatikani bën thirrje për lutje në kohën kur duhet intervenim për ta ndalë diktaturën, dhunën dhe shkatërrimin masiv? A thua a u lut Vatikani dhe suita e tij për intervenimet e Francës në Mali. A thua a kanë vend lutjet e ‘thata’, në heshtje, ndaj një kaosi që po shkaktojnë disa njerëz dhe mund ta ndalin disa të tjerë.

Për keqardhje është dhe qëndrimi i Kishës Katolike në Shqipëri. Edhe ata kanë mbështetur qëndrimin e Vatikanit, me gjithë që shteti shqiptar ka qëndrim tjetër. Kryeministri në largim, Sali Berisha, disa herë ka bërë thirrje për intervenim ushtarak të bashkësisë ndërkombëtare në Siri. Qëndrimi i këtillë i Kishës konsideroj se ka fyer rëndë ndjenjat e komunitetit shumicë atje. Besoj se bota është e rrumbullakët dhe se drejtësia do ta mund padrejtësinë herët a vonë, por komunitetet kanë nevojë për njëra tjetrën, ndaj a thua vallë a do të ketë arsye për ta arsyetuar mbështetjen e së padrejtës.

Thirrjes për intervenim iu kanë bashkëngjitur edhe krerët tanë politikë, për çka meritojnë mbështetje, admirim dhe mirënjohje.

Ditët në vijim na mbajnë me shqetësim se si do të veprohet. Çdo vonim i intervenimit është përfitim në kohë dhe shtim i krimeve ndaj njerëzve të pafajshëm. Kriminelet sigurisht se do të nxjerrën para drejtësisë një ditë, qoftë edhe me vonesë. Por ata që mbështetën krimin, edhe pse mund të mos nxirren para drejtësisë, a thua vallë si do të përgjigjen para Zotit.
Lutemi që Zoti të na gëzojë të gjithëve me lajmin e përfundimit të dhunës në atë vend dhe kthimit të normalitetit të jetës njerëzore. Zoti është i të gjithëve dhe të gjithë do të japin llogari para Tij!

Deri në javën tjetër, Selamu alejkum.

ZeriInfo/com

[dielli1]

....sido qe e jete,vendet islamike jetojne ferrin...Lindet pyeja,perse nuk interrvenojne vendet islamike,per te vene drejtesne ne siri???!!..-Perse i duhet botes se Krishtere te interrvenoj ne vendet islamike per te vene drejtesine,perderisa eshte allahu qe(sipas jush bene drejtesine ne bote e gjithesine mbare????!!!... Mandej,nga Vatikani mos prisni qe te thyej rregullat Kishtare dhe te Kishtera,qe te kerkohet gjak,ngase Jezusi me mesimete eTij nuk kerkon gjak,porse motoja e Krishtere eshte paqe dhe dashuri harmoni dhe falje.Kurse nga mesimet e Izraieliteve(e keto mesime i gjen edhe ne kura) kemi mesime tjera,gjak per gjak,sy per sy etj....

[Ceni-1]

....sido qe e jete,vendet islamike jetojne ferrin...Lindet pyeja,perse nuk interrvenojne vendet islamike,per te vene drejtesne ne siri???!!..-Perse i duhet botes se Krishtere te interrvenoj ne vendet islamike per te vene drejtesine,perderisa eshte allahu qe(sipas jush bene drejtesine ne bote e gjithesine mbare????!!!... Mandej,nga Vatikani mos prisni qe te thyej rregullat Kishtare dhe te Kishtera,qe te kerkohet gjak,ngase Jezusi me mesimete eTij nuk kerkon gjak,porse motoja e Krishtere eshte paqe dhe dashuri harmoni dhe falje.Kurse nga mesimet e Izraieliteve(e keto mesime i gjen edhe ne kura) kemi mesime tjera,gjak per gjak,sy per sy etj....

Po ku e shehe ate rregulle dhe vlere te Vatikanit bre ?! Vatikani bene lutje aty ku nuk duhet ! Pse Vatikani nuk beri lutje per nderhyrjen ne Mali kete vite ? Sepse lutjet i ka ruajtur per Asadin dhe krimet e tij njerezore !

[Albo]

Lufta ne Siri nuk eshte nje lufte e Asadit kunder popullit te tij, por eshte nje lufte e shiajve kunder suniteve muslimane. Dhe ne loje nuk eshte vetem Asadi dhe forcat e ushtrise se tij, eshte edhe Irani, eshte edhe Hezbullah nga Libani, eshte edhe Izraeli qe eshte pergatitur per cdo situate emergjente. Dhe problemi i nderhyrjes ushtarake nuk eshte se duhet nderhyre apo jo, por edhe se po te nderhyet, nuk eshte e qarte se cili eshte objektivi i kesaj nderhyrje. SHBA nuk ka dale hapur qe te thote se do nderhyjme per te rrezuar Asadin nga pushteti, pasi ne Siri sot jane mbledhur gjithe forcat islamike nga te gjitha cepat e botes, ku cdo grup ka nje agjenden e vete. Dhe nuk eshte e qarte se me rrezimin e Asadit, kush do te vije ne pushtet. Rrezimi i Asadit mund te sjelli nje lufte akoma me te keqe civile per pushtet mes gjithe ketyre forcave. Dhe SHBA nuk dergon ushtaret e vete ne Siri por do te godasi nga ajri dhe deti.

Frika e konfliktit eshte se do te pershkalloje shume kollaj: nje rakete e hedhur mbi Izrael nga Hezbullah se kunderpergjigje, mund te beje qe Izraeli te hyje ne lufte me Sirine dhe Libanin. Dhe 2 milion refugjatet qe jane strehuar ne Turqi e Jordani, mund te bejne qe edhe keto dy vende ta gjejne veten brenda ne konflikt. Dhe kur konflikti pershkallezon ne kete pike, atehere do apo nuk do amerika qe te dergoje trupa, do apo nuk do ajo qe te nderhyje ne Siri, do t'i duhet te hyje ne konflikt, per te parandaluar nje konflikt me te gjere.

Albo

[neokastra]

Eshte e thjeshte, pse bota e krishtere rezervohet dhe Obama e ka te veshtire nderhyrjen. Cfare do te behet me te krishteret atje? Eshte shembulli i Irakut pas luftes ai u zbraz nga te krishteret, tashme atje pothuaj nuk ka fare te krishtere, e njejta gje ndodhi ne Libi, po ndodh ne Egjipt ku vllazeria myslimane i ka kthyer armet drejt tyre, ka ndodhur ne Siri sado qe ata kane qene mjaft asnjanes, por perseri ka disa masakra te tmerrshme dhe para disa ditesh masakrimi i nje fshati te tere nga rebelet. Kjo eshte arsyeja se senatoret jane perballe nje zgjedhjeje dhe trysnie te poshtme nga komuniteti amerikan te mos sulmojne se me te pambrojturit jane keta njerez, pasi luften nuk po e zhvillojne ata. Keshtu qe derisa ne terren nuk jepet asnje garanci per komunitetin e krishtere nga rebelet, kuptohet qe te krishteret jane skeptike dhe kane marre nje leksion ne Irak, Libi dhe Egjipt ku mbeshtetja e pranveres arabe ishte fillimi i dimrit te acarte per kristianet e Lindjes se Mesme.