Agim Çeku, kandidati i PDK-së në Prishtinë

[sheneri]

Thaçi, 100 milionë euro për Prizrenin
03.10.2013 | 18:58
Kryetari i Partisë Demokratike të Kosovës (PDK), Hashim Thaçi ka premtuar të enjten se do të investojë edhe 100 milionë euro në Prizren.
Këtë premtim Thaçi e ka dhënë në hapjen e fushatës zgjedhore të PDK-së në Prizren. “Qeveria e Kosovës deri më tash në Prizren ka investuar 90 milionë euro. Unë ju premtoj se në të ardhmen Qeveria e Kosovës do të investojë edhe 100 milionë euro në Prizren”, ka thënë Thaçi.
Mijëra simpatizantë të PDK-së kanë marrë pjesë në Qendrën Sportive “Sezair Surroi”. Thaçi para tyre ka lavdëruar punën që ka bërë kryetari i Komunës së Prizrenit, njëherësh kandidat i PDK-së, Ramadan Muja. Sipas tij, Muja në dy mandatet e kaluara ka bërë investime të mëdha në Prizren. “Muja jo që i ka realizuar, por i ka tejkaluar premtimet e dhëna”, është shprehur Thaçi.
Ai ka ftuar të gjithë që të dalin në zgjedhje dhe të votojnë sërish kandidatin e PDK-së, Ramadan Muja. “Muja do të jetë garanci e fitores së radhës në Prizren”, ka thënë Thaçi. Sipas tij, PDK-ja në zgjedhjet e 3 nëntorit do t’i fitojë shumicën e komunave në Kosovë. “Në mesin e këtyre komunave sigurt do të jetë edhe Prizreni”, është shprehur Thaçi, duke kërkuar që të bëhet një fushatë e qetë dhe me standarde demokratike. (Prizrenpress)

Kur per deshiren e IMPERATORIT dhe familjes se tij organizohet ne arene lufta e glladiatorve me luaj, a e dini ju qe glladiatori duartrokitet vetem i vdekur kur te nxirret jasht arene, ne kete rast glladiatori Agim eshte nje paqavure per imperatorin e shtin ne loje te parabart qe tia humbe emrin e madhe qe kishte. Kaq eshte ''pompoziteti'' qe i ipet si kandidat per humbje.

[Llapi]

Thaçi: Prishtina është e jona
05.10.2013 | 18:15
Partia Demokratike e Kosovës (PDK) ka hapur fushatën zgjedhore në Prishtinë, me moton “PDK për Prishtinën Europiane”. Kryetari i PDK-së, Hashim Thaçi, është shprehur i bindur se do të fitojnë zgjedhjet në kryeqytet.

Thaçi e pranoi se është i emocionuar para se ta shpallë kandidaturën e Çekut për Kryetar të Prishtinës. “Prishtina është e jona, ne do të fitojmë. Çdo herë që kam pasur përgjegjësinë që të marr vendime bashkërisht me gjithë miqtë tjerë, të marr vendime për ta ngarkuar kryetarin Agim Çeku me përgjegjësi, çdo herë kemi fituar. Prandaj, jam i bindur se edhe kësaj radhe do të fitojmë”, ka thënë Thaçi, raporton lajmi.net.

Thaçi ka thënë se Çeku e ka përgatitur shpalljen e pavarësisë. “Ai e ka përgatitur pavarësinë e Kosovës, ndërsa unë e kam shpallur”, ka thënë Thaçi, duke iu referuar periudhës kur Çeku drejtoi Qeverinë e vendit deri në fund të vitit 2007. “Prishtinën evropiane mund ta shndërrojë vetëm njeriu me idetë e reja, me vizion evropian, e ai është Agim Çeku”, ka thënë Thaçi.
Kandidati për kryetar të Komunë së Prishtinës, Agim Çeku, u ka thënë prishtinasve se po fryn era e ndryshimit, duke aluduar në numrin 99 si numër të fatit të Kosovës, të PDK-së, dhe të Prishtinës. Ai për më shumë se 10 minuta ka premtuar për shërbime efikase, ndryshime infrastrukturore dhe zhvillim ekonomik.

Çeku ka thënë se PDK-ja është skuadër që ka potenciale për të sjell ndryshime në vend. “Skuadër që i ka të gjitha potencialet dhe vlerat që garantojnë fitore më 3 nëntor, skuadër më të mirë të mundshme që mund ta ketë Prishtina, skuadër që do ta bartë barrën e qeverisjes dhe ndryshimeve që i duhen Prishtinës në katër vitet e ardhshme”, ka thënë Çeku.

[Llapi]

Rinia do të jetë motor i zhvillimit të Prishtinës


Kosova ka shumë vlera europiane, por njëra prej tyre, me të cilën mund të mburret është edhe rinia. Kjo vlerë për kandidatin e PDK-së për kryetar të Prishtinës, Agim Çekun, është shumë e qartë. Sipas tij, rinisë i është dhënë hapësirë nga qeverisja e PDK-së në nivelin qendror dhe një praktikë e tillë, do të bartet edhe në qeverisjen e kryeqytetit. "Unë nuk do të eci para jush, por përkrah jush", u ka thënë Çeku qindra të rinjve prishtinas, në një tubim të organizuar sot në mbrëmje në "Sheshin 21". Ai para tyre ka premtuar projekte të shumta, të cilat ka thënë se do të jenë motor zhvillimi për qendrën përfaqësuese të shtetit të Kosovës, Prishtinën.

Bashkimi Evropian, strategjinë e vet për rininë e bazon në 8 pika dhe këto pika, sipas Çekut, janë edhe plani që ai do të ndjekë në Prishtinë. Veprimi i parë ka thënë se është edukimi dhe trajnimet. "Për këtë ne kemi plane të qarta. Ne do të investojmë në hapjen e shkollave profesionale, që janë një model dhe praktikë shumë e mirë e plot vendeve. Përmes kësaj, ne do të edukojmë shumë të rinj në drejtime profesionale, që janë edhe kërkesë e tregut të punës", ka thënë Çeku.

Në pikën që ka të bëjë me edukimin, Çeku rëndësi i ka dhënë edhe ndërtimit të një qendre inovative, e cila do të ketë për fokus trajnimin dhe punën e të rinjve në ide inovative që lidhen me teknologjinë. Vullnetarizmi, sipas Çekut, do të jetë një pikë e rëndësishme për përfshirjen e të rinjve në jetën publike, për të dhënë në këtë mënyrë edhe kontribut për shoqërinë. "Ne do të hartojmë një kalendar të aktiviteteve rinore apo nismave, të cilat do të menaxhohen apo organizohen nga të rinjtë në mënyrë vullnetare", ka thënë Çeku.

Ndër këto pika për rininë, kandidati i PDK-së për kryetar të Prishtinës, theks të veçantë i ka dhënë edhe kulturës dhe kreativitetit. Ai ka thënë se do të organizojë edhe “Javën kulturore të rinisë”, ku në vende të ndryshme, p.sh. në teatër, do të ketë shfaqje të të rinjve, do të ketë ekspozita dhe shfaqje filmash. Gjithashtu, Çeku ka premtuar se do të krijojë hapësira edhe për shprehje artistike në rrugë, që është një trend në botë, qoftë me grafite apo skulptura të ndryshme postmoderne.



Sa i përket infrastrukturës, ai ka premtuar se në bashkëpunim me Qeverinë e Kosovës do të ndërtojë qendrën rinore, terrene dhe salla sportive, si dhe ka përmendur projektin për qendrën sportive "Arena", e cila do të jetë e ndërtuar me arkitekturë në formë të katër plisave, e cila simbolizon njëherësh edhe tifozërinë e kryeqytetit, Plisat

[Lordlover]

ketu eshte tregu shum i zgjut hasha..ke nuk e ka dashur prane vetes e ka djege ne kryeqytet..dy here ja theu turinjet fatmir limajt dhe ja ku perfundoj fatmiri..pastaj tjetrit dhe tani don tja ule koken edhe cekut..te jeni te bindir qe qellimisht e ka kandiduar cekun ne kryeqytet per kryetar bashkie..partia e tij eshte ne zgrip si cdo parti ne pushtet dhe e di mire qe kandidati i saj nuk fiton..pas zgjedhjeve nuk e le me agimin ti afrohet postit te tij..thjesht i peshperit ne vesh '' ty nuk te dashti kryeqyteti keshtu qe as partia nuk te do.. shihe mire ku ka perfunduar fatmiri dhe merr mend ''..
bravo hashe...

Un mendoj ndryshe nga ti . Thaçi e kandidoi Limajn në ate kohë per kryetar të Prishtines, jo për tia ulur koken sepse në atë kohë nuk ishte në interesin e ti kjo gjë. Por duke ditur popullaritetin e Limajt si njëri nga komandantet e sukseshem të UÇK-së permes ti ënderronte fitoren në Prishtinë, dhe fatmiresisht nuk ndodhi kjo. Mos harrojmë se ne kohen për te cilen ti po flet, Limaj ishte akoma argat i dreqit dhe ndër bashkpunetorët me te aferm te ti. Sa për Agim Çekun ai koken e ka të ulur qe nga koha kur hoqi uniformen e ushtrisê dhe ju fut politikës. E di edhe Çeku se i ka hyrë nje gare ku do del humbës. Dhe mendoi se ky do jetë fundi i ti. Thaçit nuk i ka mbet kush tjeter ta kandidoi per kryetar te Prishtinës sepse me Memli Krasniqin e rrugaqer te tillë nuk e fiton dot asnjë lagje e lermë kryeqytetin.

[Llapi]

Agim Çeku për Prishtinën Europiane

[prishtina75]

.....po po, ama rruga juaj per ne EU i bie nga serbia,

[Llapi]

.....po po, ama rruga juaj per ne EU i bie nga serbia,;)

valla spo te shiten hiq more prishtinali
po qysh more po perpiqesh me i shit keto rrena qe si han as qeni
ju qe gjat luftes bat pazare prej ma se te ndryshme me shkie
e rrishi deri ne oret e vona te nates tuj pi me meze e raki
po qysh jau zen goja me ju than ketyre qe luftuan
se rruga e juaj per europ kalon per serbi.

[Llapi]

Çeku: E sigurt fitorja e PDK-së në Prishtinë
25.10.2013 | 17:45
Kryetari i PDK-së, Hashim Thaçi, sot në lagjen “Dardania” në Prishtinë, në takime “dorë më dorë” me qytetarë, ka kërkuar nga prishtinasit mbështetje masive për kandidatin e PDK-së, Agim Çeku, që Prishtina të shndërrohet në një kryeqytet evropian.
"Bashkë me kryetarin e ardhshëm të Prishtinës, Agim Çeku, takuam banorët e lagjes ‘Dardania’. Jam jashtëzakonisht i kënaqur për mbështetjen që qytetarët e Prishtinës në përgjithësi po i japin Çekut. I inkurajoj që të dalin në mënyrë sa më masive dhe të votojnë Partinë Demokratike, të votojnë për Prishtinën evropiane", ka thënë Thaçi.
Ndërsa, kandidati i PDK-së për Prishtinën, Agim Çeku, ka thënë se qytetarët po ia dëshmojnë se do ta ketë mbështetjen e tyre për të ndryshuar Prishtinën. “Këto takime me qytetarë janë mënyra më e mirë, më njerëzore dhe më e drejtpërdrejtë, për t'i përcjellë mesazhet më të mira te qytetarët. Dhe vërtet qytetarët po e mirëpresin. Kudo që po shkojmë, po e shohim se kemi mbështetjen e duhur nga qytetarët, po gëzojmë mbështetjen edhe nga rrethi i gjerë i tyre familjar”, ka thënë Çeku, duke shtuar se fitorja e PDK-së është e sigurt dhe qytetarët do të jenë pjesë e kësaj fitoreje.

[_MALSORI_]

o llap..si ka mundesi qe komandantin general na e mundi edhe vetfundosja more..turp valla per pardtine demokratike te kosoves..qe nga perfundimi i luftes e deri me tash partia demokratike e kosoves i ka turperuar kandidatet e vet ne prishtine..nese me pare edhe i afroheshin deri diku lidhjes demokratike te kosoves ne keto zgjedhje jua dha nje shuplake te mire populli i prishtines dhe sidomos vetfundosja..turp..

me kan si ti o llap nuk llapi ma ne kete forum pasi me duket se ti e ke kamben e keqe per PDK-ne..pdk-ja nuk fitoj as ne llapin tand keshtu qe kot llap ma..e ke mbushe forumin me shkrime nga me bajatet dhe perfundimi pdk po del me kepuce te kuqe..

ik prej forumit pasi nuk i duhesh ma HASHIMIT..

[Llapi]

Thaçi: PDK-ja mori 230 mijë vota
04.11.2013 | 00:43
Kryetari i Partisë Demokratike të Kosovës (PDK), Hashim Thaçi, rreth orës 00:02 minuta është shfaqur para simpatizantëve të kësaj partie në “Sheshin 21” në Prishtinë. Duke i uruar simpatizantët e PDK-së, Thaçi ka thënë se kjo parti në zgjedhjet lokale ka marrë 230 mijë vota.
Thaçi është shprehur i kënaqur që partia e tij i ka fituar shumicën e komunave dhe që zgjedhjet janë mbajtur edhe në veri të Kosovës. Sipas Thaçit, Prizreni, Mitrovica, Ferizaj e disa komuna do të qeverisen nga PDK-ja.
Lideri i PDK-së ka thënë se në këto zgjedhje ka pasur tri objektiva. “Kemi pasur tri qëllime në këtë proces elektoral. E para, Kosova ta kalojë testin evropian për zgjedhje të lira e demokratike; E dyta, pas 14 vjetëve zgjedhjet mbahen në tërë territorin e Kosovës. Nga sot kemi edhe integrimin e veriut. Objektiva e tretë ka qenë qe PDK-ja ta fitojë shumicën e komunave”, ka deklaruar Thaçi.