Vendimi i qeverise: Ish-shtëpinë e Oficerëve do të kthehet në seli të PD-së

[Xinxerfilli]

Paksa e cuditshme qe lajmi i meposhtem nuk eshte pasqyruar ne kete forum... mbase jo dhe aq e cuditshme kur merr parasysh qendrimin politik te drejtueseve dhe faktin qe lajmi nuk ka gjetur pasqyrim ne mediat pro-qeveritare, lajmet e te cilave sillen shpeshhere ne forum...

Duket se FSH mban te njejtin qendrim si dhe qeveria per fshehtesine e ketij akti...

-----------------------------------------------------------------------------------------

Shtëpia e Oficerëve, seli e PD

Partia Demokratike tani nuk ka vetëm një kryetar të ri, por ajo mund të ketë edhe një godinë të re për seline qëndrore të saj.

Të paktën sot, me letra, e ka. Sepse në mbledhjen e së mërkurës, qeveria, e cila është në fund të mandatit të saj, ka marrë vendim t'i kalojë Partisë Demokratike një nga pronat më të lakmueshme të Ministrisë së Mbrojtjes. Bëhet fjalë për Shtëpinë Qëndrore të Ushtrisë, përbri Parlamentit.

Vendimi në fjalë nuk gjendet i publikuar në faqen zyrtare të Këshillit të Ministrave së bashku me vendimet e tjera, por burime zyrtare konfirmojnë për Top Channel se qeveria e kryeministrit Berisha e ka miratuar atë.

Nuk dihet me saktësi se çfarë do të bëhet me godinën historike të Partisë Demokratike, e cila nuk është në pronësi të kësaj force politike dhe gjendet në një territor që ka pronarë privatë.

Ajo që dihet është se ka qenë kreu i ri i demokratëve, Lulzim Basha, njëkohësisht kryetar i Bashkisë së Tiranës, ai që ka bërë propozimin për marrjen e një godine tjetër për Partinë Demokratike dhe për këtë është piketuar Shtëpia Qëndrore e Ushtrisë, e cila ka një territor dhe një ndërtim shumë më të madh sesa selia aktuale e Partisë Demokratike.

Është shumë herët të flitet se çfarë qëndrimi do të mbajë kryeministri i ardhshëm, Edi Rama, rreth këtij vendimi, që transferon një pronë publike nga Ministria e Mbrojtjes tek forca kryesore e opozitës së ardhshme.

Por, deri tani Partia Socialiste ka mbajtur një qëndrim të ashpër për futjen në proces privatizimi të disa pronave të tjera të Ministrisë së Mbrojtjes, duke deklaruar se do të kthejë mbrapsht çdo vendim që mazhoranca e re konsideron se ka cënuar interesin publik.
/Top Channel

----------------------------------------------------------------------------------------

Ish-ushtarakët në protestë

Fillimjava i bashkoi ish-ushtarakët në një protestë dy orëshe gjatë të cilës u kundërshtua vendimi për tjetërsimin e godinës së SHQUP-it që parashikohet te kthehet në seli të Partise Demokratike.

Ish-ushtaraket u mblodhën në oborrin e jashtëm të Shtëpisë Qendrore të Ushtrise ne nje kohe qe ky tubim u mbikeqyr edhe nga forcat e poicise, ndersa u vu re edhe rikthimi i ushtrise ne ambientet e jashtme te nderteses.

"Ata nuk duan të dinë që këtu ka qenë Ansambli i Ushtrisë; këtu ka filluar punën Vaçe Zela; këtu muzikanti Kujtim Laro ka përpiluar muzikë për filmat kryesorë shqiptarë; këtu janë bërë ditëlindje, festa; këtu është vendi i familjeve të dëshmorëve, invalidëve, veteranëve, shoqatave ushtarake", tha kolonel Mikado Shakohoxha.

Ish-zevendesministri i Mbrojtjes përgjatë viteve 1982- 1990, Bajram Bane shprehet për Top Channel se vendimi per marrjen e SHQUP-it perpos gjithckaje eshte nje perpjekje per te prekur historine e Forcave te Armatosura Shqiptare.

"Shtëpia Qendrore e Ushtrisë është pronë e ushtarakëve dhe ajo nuk duhet të tjetërsohet dhe të kalojë në seli të kujtdo partie. Kjo është historia e Ushtrisë, është muzeu i Ushtrisë është memorja e Ushtrisë, prandaj ne do të protestojmë fuqishëm jo vetëm këtë herë, por do të protestojmë edhe herë të tjera dhe nuk kemi për të lejuar që kjo shtëpi të tjetërsohet", tha Bajram Mane.

Ish-drejttuesi i katedres se Historise Ushtarake, profesor Shahin Leka i ben apel qeverise aktuale qe ta korrigjoje ne kohe kete gabim.

"Në 15 vitet e fundit kjo shtëpi u bë një mbështetje e fortë e shumë shoqatave me karakter ushtarak.Ky është një veprim amoral. T'i injorosh të gjitha këta njerëz dhe krejt befas t'u thuash se do t'u marrim këtë shtëpi është tepër amorale. Gjithë ushtarakët aktivë duhet të mos pranojnë ekzekutimin e një vendimi të tillë. Do të desha që edhe kjo qeveri që është në ikje le ta rregullojë paksa atë faj që ka bërë duke anuluar vetë vendimin", thotë profesor Leka.

Pas tubimit para godines se SHQUP-it, ish-ushtaraket vijuan marshimin para godines se Kryeministrise ku percollen te njejtin apel.
/ Top Channel

------------------------------------------------------------------------

“SHQUP-i do t’i kthehet ushtrisë”

Mimi Kodheli, Ministre e Mbrojtjes në qeverinë Rama e quan të jashtëligjshëm vendimin e qeverisë për t’i kaluar për përdorim godinën e Shtëpisë Qendrore të Ushtrisë Partisë Demokratike.

Në një intervistë për Top Channel, zonja Kodheli sqaron se ku është shkelur ligji me këtë vendim të Këshillit të Ministrave nga ana e qeverisë në ikje.

“Ky vendim është marrë në mungesë të plotë të transparencës. Nuk është shpallur në faqen zyrtarë të Kryeministrisë. Ajo që është më e rënda dhe më e rëndësishmja është marrë në shkelje të ligjeve dhe Kushtetutës sepse SHQUP-i konsiderohet një unitet ushtarak që është pjesë e një plani të shpërndarjes të Forcave të Armatosura të Republikës së Shqipërisë. Duke qenë pjesë e kësaj liste duhet të merret një miratim i Presidentit të Republikës së Shqipërisë, njëkohësisht i Shefit të Shtabit të forcave të armatosura pa përjashtuar këtu Ministrinë e Mbrojtjes”, thotë zonja Kodheli.

Ajo shton se vendimi shkel hapur ligjin 8671 datë 26.10.2000, i ndryshuar me ligjin 9194, datë 19.2.2004, ku në piken 3 thuhet se Komandanti Përgjithshëm i Forcave të Armatosura, “miraton planin e vendosjes dhe përhapjes së Forcave të Armatosura në kohë paqeje….”

Mimi Kodheli deklaron se gjatë një bisede telefonike që pati me Shefin e Shtabit të Përgjithshëm, Gjeneral Gjunkshin për këtë çështje, ai i ka pohuar se nuk ka firmosuar asnjë shkresë për nxjerrjen jashtë inventarit të pronave të Ministrisë së Mbrojtjes të ndërtesës së SHQUP-it.

“Unë kam kontaktuar e Shefin e Shtabit më shumë se një rast dhe kjo gjë nuk ka ndodhur. Gjë që më bën të besoj se kjo VKM, ky vendim i marrë dje nga ana e qeverisë është plotësisht në shkelje të ligjeve të shtetit shqiptar”, deklaroi Kodheli.

Por si do të veprojë për këtë çështje qeveria e ardhshme kur të marrë detyrën në shtator?

“Ju siguroj se ne do t’i kthejmë në situatën e mëparshme, statusin e asaj që ne e quajmë SHQUP. Do të vëmë përpara përgjegjësisë të gjithë ata të cilët me vetëdije kanë shkelur ligjet e shtetit shqiptar”, deklaroi zonja Kodheli.

Jo vetëm për godinën e SHQUP-it, por edhe për të gjitha pronat e Ministrisë së Mbrojtjes që po përpiqen të shiten me urgjencë nga qeveria Berisha, zonja Kodheli premton një hetim të hollësishëm.

“Kudo ku është abuzuar dhe shkelur ligji të gjitha procedurat do të kalojnë në një auditim të hollësishëm dhe unë besoj se abuzuesit do të marrin përgjigjen që meritojnë. Ligji duhet të jetë mbi gjithçka dhe ne duhet të jemi të gjithë të barabartë përpara tij. Nuk bën përjashtim këtu, qofshin edhe njerëz me pushtet, sic janë njerëzit që sot në shkelje të plotë të ligjeve kanë marrë këtë vendim i cili ju siguroj që do të jetë një vendim që do të rikthejë në vend këtë godinë e cila konsiderohet një godinë e rëndësisë së veçantë”, u shpreh Ministrja e ardhshme e mbrojtjes.
/ Top Channel

----------------------------------------------------------------------

SHQUP-i, çështja trajtohet edhe nga BBC

Çështja e ndërtesës së Shtëpise së Oficerave që do të shndërrohet në selinë e Partisë Demokratike është trajtuar edhe BBC, që e cilëson këtë veprim si “aktin e fundit shpërblyes që partia në pushtet i bën vetvetes”.

Media prestigjoze britanike i referohet lajmeve të ditëve të fundit në Top Channel. Javën e kaluar - shkruan BBC - qeveria nënshkroi të drejtën mbi ndërtesën pranë Parlamentit në kryeqytetin Tiranë.

Vendimi ndezi protestat e dhjetëra ish-ushtarakëve, të cilët protestuan përpara zyrës së kryeministrit për t’i kërkuar atij kthimin e saj në një qendër historike dhe monument kulture.

BBC i referohet kronikës së Top Channel dhe deklaratës së kolonelit Mikado Shakohoxha, i cili tha se ndërtesa ka një domethënie kulturore për Forcat e Armatosura.

Megjithatë veteranët nuk duhet të shqetësohen - shkruan BBC - pasi me sa duket ministrja e ardhshme e Mbrojtjes është zotuar se do t’ia rikthejë ndërtesën ushtrisë.
/ Top Channel

-----------------------------------------------------------------------------

Prapaskenat e tjetërsimit të SHQUP

Shtëpia Qendrore e Ushtrisë (SHQUP) ka qenë përherë në qendër të vëmendjes së qeverisë dhe kryeministrit Sali Berisha për të ndryshuar destinacionin e saj.

Si një ambient në qendër të Tiranës, e lakmueshme për hapësirën e madhe që ka institucioni, qeveria duket se ka menduar më herët që godina e SHQUP dhe ambienti përreth të tjetërsohet, kjo për qëllime biznesi. Sipas burimeve të gazetës “Shqip”, ideja e kryeministrit Sali Berisha për këtë godinë me vlera për ushtrinë ka qenë edhe për t’u privatizuar dhe për ta kthyer atë në një hotel.

Mësohet se ideja është hedhur nga vetë kryeministri Sali Berisha gjatë bashkëbisedimeve me shefat e Shtabit të Përgjithshëm të ushtrisë shqiptare, të cilët kanë qenë kohë më parë në detyrë. Sipas burimeve mësohet se Berisha ka pasur një përplasje me ish-shefin e Shtabit, Maksim Malaj, në lidhje me SHQUP-in, për faktin se ai kishte si synim ndryshimin e destinacionit të kësaj godine, duke e tjetërsuar, privatizuar dhe duke e kthyer në një hotel. Mësohet se një ide e tillë është kundërshtuar nga gjeneral Malaj, i cili i ka kërkuar kryeministrit mosndryshimin e destinacionit të godinës së ushtrisë.

Ai i është drejtuar kryeministrit duke u thënë se ushtarakëve vetëm kjo ndërtesë u ka mbetur “në të mirë dhe në keqe”, duke nënkuptuar si për në gëzime dhe në hidhërime. Mësohet se kjo përplasje mes Berishës dhe Malajt ka ndodhur pak muaj përpara se gjenerali të shkarkohej nga posti i shefit të Shtabit të Përgjithshëm të Ushtrisë. Ndoshta kjo “artificë”, pengesë, ka qenë edhe një ndër arsyet që sollën shkarkimin e gjeneral Malajt nga posti i shefit të Shtabit të Përgjithshëm të Ushtrisë Shqiptare. Maksim Malaj qëndroi në këtë detyrë deri në korrik të vitit 2011, për t’u zëvendësuar nga Xhemal Gjunkshi.

Kthimi në seli të PD-së

Qeveria “Berisha” është tërhequr nga ideja për ta privatizuar ambientin e ushtrisë shqiptare, duke bërë që objekti i cilësuar si vendi i shenjtë për ushtarakët të tjetërsohet në zyrë partie. Një vendim i fshehur i qeverisë në ikje me kryeministër Berishën ka bërë që së fundmi kjo godinë të kthehet në seli të Partisë Demokratike.

Ky vendim u shoqërua menjëherë me reagime të forta të ish-ushtarakëve dhe të përfaqësuesve më në zë të Partisë Socialiste. Mimi Kodheli, e cila pritet të marrë postin e ministres së Mbrojtjes në qeverisjen e re socialiste, reagoi duke theksuar se do ta anulonte atë.

“Ky vendim është marrë në mungesë të plotë të transparencës. Nuk është shpallur në faqen zyrtare të Kryeministrisë. Ajo që është më e rënda dhe më e rëndësishmja, është marrë në shkelje të ligjeve dhe Kushtetutës sepse SHQUP-i konsiderohet një unitet ushtarak që është pjesë e një plani të shpërndarjes të FA-së së RSH-së. Duke qenë pjesë e kësaj liste duhet të merret një miratim i Presidentit të Republikës së Shqipërisë, njëkohësisht i shefit të Shtabit të Forcave të Armatosura pa përjashtuar këtu Ministrinë e Mbrojtjes”, deklaron Kodheli. Socialistja, në një intervistë për “Top Channel” bëri të ditur se “kam kontaktuar e Shefin e Shtabit më shumë se një rast dhe kjo gjë nuk ka ndodhur. Gjë që më bën të besoj se ky VKM, i marrë nga qeveria, është plotësisht në shkelje të ligjeve të shtetit shqiptar”. Ndërsa ish-ushtarakët kanë protestuar fuqishëm ndaj një vendimi të tillë përpara selisë së qeverisë dhe Ministrisë së Mbrojtjes. Një nga ushtarakët më të njohur në vend, gjeneral major Sandër Lleshi, ish-zëvendësshef i Shtabit të Përgjithshëm të Ushtrisë, aktualisht i liruar, shpjegon se tjetërsimi i pronës nuk mund të bëhet lehtësisht, pasi SHQUP-i është një instalim i Forcave të Armatosura dhe bën pjesë në planin e shpërndarjes së tyre. Për ish-zëvendësshefin e Shtabit të Përgjithshëm të Forcave të Armatosura, gjeneral Sandër Lleshi, vendimi për ta transformuar Shtëpinë Qendrore të Ushtrisë, nga një institucion ushtarak në një seli partie, është në shkelje të legjislacionit.
/ Top Channel

[Xinxerfilli]

Imami e Noka kërkojnë SHQUP-in

Intesifikohen përpjekjet nga ana e Qeverisë shqiptare në detyrë për t’ia kaluar me çdo kusht godinen e SHQUP-it, Partisë Demokratike.

Këtë e verteton korrespondenca intensive zhvilluar te merkuren date 14 Gusht 2013 mes Sekretarit te pergjithshem te Ministrisë së Mbrojtjes dhe shefit të Shtabit të Përgjithshem Gjeneral Xhemal Gjunkshit, përfshi atë të datës 13 Gusht me Ministrine e Brendshme.

Top Channel nga burime brenda Ministrise se Mbrojtjes ka siguruar ne menyre ekskluzive, kete korrespondence prej te ciles del ne drite nje fakt i ri dhe i panjohur deri me tani, perfshirja ne kete histori e Ministrise se Brendshme drejtuar nga Flamur Noka, njekohesisht sekretar organizativ i PD.

Bie ne sy se i gjithe dokumentacioni per t’i marre godinen ushtrise eshte kryer ne vetem dy dite, ku te gjitha shkresat, edhe ato me te cilat Imami ka marre formalisht miratimin e vartesve te tij qe drejtojne Shtepine Qendrore te Ushtrise dhe qe permenden ne leterkembime mbajne datat 13 dhe 14 gusht.

Duhet theksuar se godina e SHQUP, pavaresisht vendimit te qeverise nuk mund te kaloje apo ndryshoje pronesine nga nje institucion ne tjetrin pa marre miratimin e shefit te Shtabit te Ushtrise dhe Presidentit te Republikes me pas.

Por cila eshte pergjigja e gjeneral Gjunkshit dhe korrespondenca mes Nokes, Imamit dhe vete Gjunkshit?

Top Channel do te percjelle zhvillimet me te fundit dhe do te publikoje te gjithe keto dokumenta ne edicionin qendror informativ ne oren 19:30. / Top Channel

Duket se e gjithe qeveria eshte vene ne levizje per grabitjen e ketij ambjenti ne mes te Tiranes. Cfare valle mendojne PeDe-istat e FSH per kete?

[Ziti]

mos u merni me diskutime te kota

[Brari]

nuk me duket veprim i drejte..kjo qe pd kerkon shpin e ushtarakve..
kjo eshte cmenduri..

shpija e oficereve duhet ti mbetet ushtrise..ose ne se ska financa ushtria ta mbaj le te behet universitet ose ose nje klinike moderne mjeksore.. ose ose nje shpi femijesh ose sic i quanim dikur..shpi pionieresh..

[Ziti]

nuk me duket veprim i drejte..kjo qe pd kerkon shpin e ushtarakve..
kjo eshte cmenduri..

shpija e oficereve duhet ti mbetet ushtrise..ose ne se ska financa ushtria ta mbaj le te behet universitet ose ose nje klinike moderne mjeksore.. ose ose nje shpi femijesh ose sic i quanim dikur..shpi pionieresh..

e ke gabim brari
PD-ja duhet te tregoje muskujt, qe ta marin vesh te gjithe se shqiptaret nuk kane ngele ne dore te mafies se edvinit por kane nje opozite te forte, e cila per seli meriton nje vend dinjitoz, jo atje ku i do qejfi ish-sigurimsave te ppsh.

[benseven11]

A perdoret shtepia e oficerave nga oficerat?Ka aktivitet hyrje dalje?
Apo ka ngelur si ndertese pa jete qyqe e abandonuar dhe ska shkelur
kemba e askujt.
PD-ja me mire te marri me vendim qeverie nje kat komplet nga 15 kateshi,kati 3 te psh
dhe ti konvertoje dhomat ne zyra.Ka edhe holle aty ka edhe salla per mbledhje
ka edhe lokal per te pire dhe ngrene.I ka te gjitha eshte me komod dhe ne pozicion shume te mire, centrik,nga ku mund te vijne gjithe pd-istat nga mbare Shqiperia.

[Xinxerfilli]

Gjunkshi: SHQUP-i, pronë e ushtrisë
Intesifikohen përpjekjet nga ana e qeverisë shqiptare në detyrë, për t’ia kaluar me çdo kusht godinën e SHQUP-it, Partisë Demokratike.

Por, kjo tentativë ka hasur në kundërshtimin e hapur të shefit të shtabit të përgjithshëm të ushtrisë, gjeneral Gjunkshit.

Ndërkohë, bie në sy se e gjithë korresponednca, që përfshin Ministrinë e Brendshme, Ministrin e Mbrojtjes, vartësit e Imamit në drejtim të Shtëpisë Qëndrore të Ushtrisë dhe ato më Gjeneral Gjunkshin janë bërë në vetëm dy ditë, 13 dhe 14 Gusht, një tregues nxitimi për të mbyllur këtë çështje përpara se qeveria e re të marrë detyrën.

“Top-Channel”, nga burime brenda Ministrisë së Mbrojtjes ka siguruar në mënyrë ekskluzive këtë korrespondencë, prej të cilës del në dritë një fakt i ri dhe i panjohur deri më tani.

Përfshirja në këtë histori e Ministrisë së Brendshme, drejtuar nga Flamur Noka, njëkohësisht sekretar organizativ i PD. “Me anë të shkresës së protokolluar me Nr 7374 datë 13.08.2013 në Ministrinë e Mbrojtjes kërkohet kalimi në përgjegjegjësi administrimi tek Ministria e Brendshme i pronës nr 32 me emërtim “Shtëpia Qëndrore e Ushtrisë me vendodhje Bulevardi Zhan Dark Tiranë”, thuhet në fillim të shkresës dërguar Gjeneral Gjunkshit.

Paragrafi i tretë i kësaj shkrese zbulon një detaj tjetër, kur citohet shkresa me numër 7375/2, datë 13 Gusht 2013, dërguar Ministrisë së Mbrojtjes nga QKMBM ku thuhet: “Kjo godinë shumë shpejt nuk do të përdoret nga ana e tyre pasi është në përfundim e sipër godina e re e ndërtuar posaçërisht për zhvillimin e aktiviteve të saj. Kjo godinë është ndërtuar me qëllim plotësimin e misionit të QKMBM me të gjitha kriteret e standartet teknike, çka nuk i ofron godina ku zhvillojnë aktivitetin aktualisht”.

Në përgjigje të kësaj shkrese vjen ajo e datës 14 Gusht 2013 nga Shtëpia Qëndrore e Ushtrisë me këtë përmbajtje: “Plani i ri organizativ është parashikuar që, aktiviteti i saj, për shkak të bilancit negativ dhe në kuadër të reduktimit të aktiviteteve, të zhvendosë aktivitetin pranë Hotelit të Ushtarakëve, me qëllim rritjen e efikasitetit të veprimtarisë së saj dhe uljen e shpenzimeve financiare”.

Për sa më sipër, sekretari përgjithshëm i Ministrisë së Mbrojtjes kërkon prononcimin e gjeneral Gjunkshit, për nxjerrjen e kësaj prone nga plani përhapjes dhe vendosjes së Forcave të Armatosura dhe vijimin e procedurës ligjore, për këtë qëllim pasi pa miratimin e shefit te shtabit, prona nuk mund te tjetërsohet.

Por, po në të njëjtën ditë, pra datë 14 Gusht 2013, gjeneral Gjunkshi i përgjigjet sekretarit të përgjithshëm të Ministrisë së Mbrojtjes dhe jep vlerësimin e tij në lidhje me këtë pronë të ushtrisë. Një vlerësim që me pak fjalë rrëzon kërkesën e Imamit dhe Nokës.

Fillimisht, gjenerali nënvizon faktin se plani përhapjes me terminologjinë e NATO-s është një ndër elementët kushtetues të Forcave të Armatosura dhe se rishikimi këtij plani bëhet në kuadër periodik të dokumenteve të strategjik kryer, vitin e kaluar.

“Në dokumentin e rishikimit strategjik të mbrojtjes, të miratuar nga Këshilli Ministrave me vendim nr 269 dt 03.04.2013 është vlerësuar ekskluzivisht që kjo qendër të mbahet si një ndër tre asestet themelore të burimeve të mbrojtjes së Republikës së Shqipërisë”.

Gjeneral Gjunkshi, në shkresë jep detaje që vërtetojnë se SHQUP-I është një qendër funksionale kur ai përmend së në të zhvillohen aktivitete të nivelit të lartë të NATO-s, takime konsultative, konferenca planëzimi apo pritje delegacionesh pasi infrastruktura e ngritur lejon zhvillimin e tyre, madje nënvizon Gjunkshi, me cilësi të lartë.

Përballë të gjithë kësaj situate, shefi i Shtabit të Përgjithshëm të ushtrisë mbërrin në këtë përfundim: “Vlerësimi ynë është që, për vetë pozicionin dhe infrastrukturën kjo qendër ka shërbyer dhe gjykojmë se duhet të vazhdojë të shërbejë dhe në të ardhmen si institucion prestigjoz për aktivitetet/ceremonitë protokollare, jo vetëm të Forcave të Armatosura, por edhe shtetit shqiptar. Në përmbledhje të vlerësimeve të bëra për këtë pronë, prononcohemi se nuk jemi dakord për tjetërsimin e saj dhe nxjerrjen nga lista e Planit të vendosjes dhe përhapjes së Forcave të Armatosura të Republikës së Shqipërisë”.

Ky qëndrim i gjeneral Gjunkshit e fut në një kurs të pastër përplasje dhe të paprecedent në 23 vitet e fundit, ushtrinë shqiptare me qeverinë e kryeministrit Berisha, e cila me një vendim të mbajtur të fshehtë kërkon tjetërsimin e kësaj prone të ushtrisë dhe kalimin në seli të opozitës së re shqiptare. PD-s. / Top Channel

-------------------------------------------------

Nishani firmos: SHQUP-i, seli e PD

Burime nga Ministria e Mbrojtjes pohuan se Presidenti Republikës, në kapacitetet edhe të Komandantit të Përgjithshëm të Forcave të Armatosura ka firmosur dekretin për nxjerrjen jashtë invetarit të ushtrisë të godinës së SHQUP-it.

Ky dekret ka mbërritur në zyrat e Ministrisë së Mbrojtjes pasditen e të enjtes. Sikurse edhe vendimi Këshillit të Ministrave për kalimin e SHQUP-it, në godinë të PD-s, që nuk u bë asnjëherë publik në faqen zyrtare të Këshillit të Ministrave edhe dekreteti i presidentit, deri këto momente ka pësuar të njëjtin fat.

Zyra e shtypit e Presidencës, kontaktuar nga “Top-Channel” për të pasur version zyrtar dhe detajet e dekretit, të vetmen përgjigje që dha ishte “keni telefonuar jashtë orarit zyrtar”.

Lëshimi i këtij dekreti nga Presidenti Republikës, Bujar Nishani e përfshinë atë në një shkelje të pastër të ligjit.

Ja se çfarë thotë ligji 8671 datë 26.10.2000, i ndryshuar me ligjin 9194 datë 19.2.2004 kreu dy pika 3: Komandanti përgjithshëm i Forcave të Armatosura, Miraton planin e vendosjes dhe perhapjes se Forcave të Armatosura në kohë paqeje.

Por, përpara se presidenti Nishani ta ndërmarrë këtë hap ai duhet të ketë mbi tavolinë shkresën me firmën e shefit të shtabit të përgjithshëm, i cili bën kërkesën për çdo tjetërsim të pronave të ushtrisë.

Mimi Kodheli, ministre e ardhshme e Mbrojtjes deklaroi se gjatë një bisede telefonike me shefin e Shtabit të Përgjithshëm, gjeneral Gjunkshin, ai ka pohuar se nuk ka firmosuar asnjë shkresë për nxjerrjen jashtë inventarit të pronave të Ministrisë së Mbrojtjes, ndërtesën e SHQUP-it.

Ky qëndrim i gjeneralit përforcohet edhe nga shkresa që ai ka dërguar sekretarit të përgjithshëm të Ministrisë së Mbrojtjes, përmes të cilës ai kundërshon kalimin e SHQUP-it për t’u përdorur si seli e PD-së.

Pavarësisht vendimit të Këshllit të Ministrave, firmave të Arben Imamit dhe Presidenit Nishani, mjafton firma e munguar e shefit të shtabit të përgjithshëm që i gjithë ky operacion me SHQUP-in të jetë i paligjshëm.

Rama: Akt i babëzisë së një të marri

Kryeministri i zgjedhur, Edi Rama, në një reagim të menjëhershëm pas publikimit në “Top-Channel” të provave eksluzive të zbuluara nga televizoni ynë, për firmosjen e dekretit të tjetërsimit të SHQUP-it në selinë e PD-së, nga presidenti Nishani, e konsideroi këtë veprim si “aktin e babëzisë së një të marri”.

“Ç'turp: Partia humbëse që ende qeveris një vend të NATO-s, grabit Shtëpinë Qendrore të Ushtrisë për ta bërë seli të vetën! Dhe kundër Ligjit!”, komentoi Rama.

“Çdo ditë e qeverisë pas zgjedhjeve tregon sa të merituara kanë qene 1 milionë shuplakat që i dha Populli në 23 qershor pushtetit plaçkites! 8 vjet duke gënjyer, vjedhur, vrarë, u ndëshkuan si askush me keq prej '92shit e po ikin duke e ngrënë përdite turpin me babëzinë e të marrit!”, shtoi Rama në “Twitter”.

Megjithatë, kryeministri i ardhshëm i vendit, u tregua i kujdesshëm, të paktën për momentin, për të mos përfshirë institucionin e Presidencës në kritikat e tij drejtuar qeverisë.
/ Top Channel

-------------------------------------------------

Sic mund ta shihni me siper Gjeneral Gjunkshi ka nenvizuar se ky aset i ushtrise ka infrastrukturen e nevojshme dhe perdoret per pritje delegacionesh te NATOs, funksione te ndryshme te ushtrise etj. Si e tille ai ka theksuar se ajo duhet te mbete prone e ushtrise dhe nuk duhet te tjetersohet.

Pavaresisht kesaj, ne kundershtim te hapur me ligjin, kryeministri, ministri i brendshem, ministri i mbrojtjes dhe presidenti kane firmosur per tjetersimin e kesaj godine.

Firmosja e aktit nuk permban firmen e shefit te shtabit te pergjithshem Gjeneral Gjunkshit ndaj dhe si vendim eshte i paligjshem.

Me te drejte qeveria e ardhshme do ta ktheje mbrapsht si kete vendim ashtu edhe te tjere...

[Xinxerfilli]

Ja dhe nje perle e idiotizmit te matufit Sali Berisha: "Ish-ushtaraket qe protestuan per SHQUP t'u hiqet statusi dhe te marrin pension normal"

Keta festojne pershendesin bejne deklarata idiote, por asnjeri spermendi qe vendimi eshte anti-ligjor pa firmen e Gjunkshit...

Ishalla nuk fillojne levizin gjerat sepse kane per ti hedh ne rruge ne shtator sic hodhen familjet rome

P.S. Prapa ketij vendimi per marrjen e kesaj godime fshihet dicka akoma me e madhe. Godina qe ka ne perdorim aktualisht PD eshte ne pronesi private, ndaj dhe me levizjen e saj, pronarit i lind e drejta te beje ndonje pallat apo qender biznesi ne mes te Tiranes tani qe dhe lejet i leshon Luli...

[Noellag]

Ju qe komentoni ketu e keni pare ndertesen ? Ushtria nuk kishte asnje fuksion aty, te vetme gje qe kishte ishte prona qe e dispononte .. Tashme nga nje objekt i kantadisur pa asnje fuksion te saj eshte kthyer ne nje objekt qe do perdoret nga Opozita sepse selia ku eshte tani do u kthehet ish pronareve. Se cfar bejne pronaret pastaj me pronat eshte pune e tyre.
E rendesishme eshte qe opozita te kete bazen e saj dhe te fuksionoje sa me mire , kjo i sherben demokracise. Kurse te tjeret duan ta flakin opoziten ne rrugen ne vend qe pergatiten te punojne se si do realizojne premtimet e tyre ndaj qytetareve.

Kur ishte PS 8 vjet ne pushtet , ish gjenerale e kolonele apo zyrtare me familjaret e tyre privatizuan ndertesat qe ishin prone e ushtrise ose M. Mbrojtjes dhe tani jane bere me vila e me pallate disa kate.

[BOKE]

Per ata qe s'ja kane idene se c'eshte SHQUP-i

Restoranti i SHQUP-it

SAMI NEZA

Nuk besoj se ka njeri në Shqipëri që konsideron seriozisht se SHQUP, ajo godinë e zymtë, por e bollshme buzë Lanës, përbën një simbol për Ushtrinë shqiptare, qoftë ky simbol kulturor e qoftë historik. Por shumë njerëz që kanë jetuar në Tiranë apo kanë vizituar Tiranën para vitit 1990, mund të kenë të drejtë ta mbajnë atë si simbol të kulinarisë. Në kushtet e mjerimit dhe varfërisë që kishte pllakosur vendin në vitet ’80, ishte e vështirë të gjeje një restorant të hairit për të ngrënë diçka me mish. Në restorantin e hotel “Arbërisë”, atë të hotel “Drinit”, lulishtet “1 Maji”… (kanë qenë disa), bërxollat apo biftekët mbaronin që 20 minutat e para të shërbimit. E njëjta histori ishte edhe tek “Tymi” dhe te “Derri”, i pari te Rruga e Barrikadave dhe i dyti në krah të bustit të Qemal Stafës. Këto dy lokale gatuanin bërxolla e shërbenin birra, por ishin në këtë funksion jo më shumë se dy orë në ditë. Nga mesi i viteve ’80, edhe tri-katër lokale të tjera të ngjashme me to, nga të cilat njëri përballë Postës, një te Fakulteti i Mjekësisë, morën fund si lokale mishi apo birrash. Ajo çfarë mund të shërbehej atje ishin më së shumti imitime të gatimit të mishit, siç janë romstekët, qofte me perime etj. Gjithë Shqipëria ishte futur në sistemin e tallonit, ku ndër ushqime të tjera ishin racionuar edhe produktet e mishit, kafja, gjalpi etj.
Por, mes këtij kërcënimi prej urisë dhe mungesës së proteinave në ushqimet shqiptare, në Tiranë kishte ende dy oaze ku shkëlqente gatimi, në kuptimin atëhershëm të shkëlqimit, njëri prej të cilëve ishte restoranti i SHQUP-it, përveç atij të Ministrisë së Brendshme. Ky akronim për Shtëpinë Qendrore të Ushtrisë Popullore nuk ka shërbyer ndonjëherë për të na orientuar drejt një vendi i cili përbën një ekstrakt shpirtëror për ushtrinë, por thjesht për ta kujtuar restorantin ku mund të gjeje ndonjë të shtunë bërxolla dhe birrë, natyrisht jo pa stres dhe jo kaq thjesht. Për të hyrë në SHQUP, pra në restorant, duhej të kishe një fletëhyrje, gjë që ishte pothuajse e pamundur për njerëz joushtarakë. Por mund të futeshe në restorant nëse shoqëroheshe më një ushtarak në rastin më të thjeshtë, ose njihje ushtarët roje të SHQUP-it. Kjo ishte një arsye që ndonjë i njohur në shkollën “Skënderbej” (begsat) të merrte rëndësi të madhe.
Nuk ka dyshim se në atë ndërtesë janë bërë konferenca, takime, koncerte, funerale, siç janë bërë edhe në dhjetëra godina të tjera të Tiranës. Sa konferenca, takime, tryeza debati, përkujtimore, ceremoni të të gjitha llojeve dhe me gjithfarë vlerash bëhen këto vite në hotel “Tirana”, “Rogner”, “Sheraton”, hotele të tjera të Tiranës si “Monark”, “Mondial”, “Grand”, “Iliria”, në qendra biznesi si “ABA”, “Zayed”, “Sky” etj. Por asnjëra prej tyre nuk është kthyer në ndonjë simbol për shkak të përditshmërisë së tyre, dhe nuk është shkak që dikush të dalë në protestë nëse ndonjëra prej këtyre ndërtesave që përmenda të vendosë të ndryshojë funksionin.
Por nuk ka buruar prej SHQUP-it ndonjë frymëzim kulturor apo kauzash për ushtrinë e komunistëve shqiptarë, ndonjë farë simbolike për fuqinë apo cilësitë e asaj ushtrie. Aq më pak të jetë godinë e rëndësishme për Shqipërinë për shkak të Ansamblit të Ushtrisë, selia e të cilit nuk ishte aty, por andej nga Tregu Elektrik, apo pse pjesë e tij kanë qenë talente si Vaçe Zela. Mendo tani sa qesharake është të thuash se reparti i Zall-Herrit së shpejti do të nxjerrë një këngëtar të famshëm. Ç’punë ka një ushtri që ndërton 700 mijë bunkerë me këngëtarë, me muzikën, me meloditë, regjinë, kompozimin e talentuar, përveç me pjesën e indoktrinuar të kulturës që e ndihmonte aplikimin e teknologjisë së izolimit nga ushtria te njerëzit?
Ish-oficerët kanë nxjerrë në dritë këto ditë shumë argumente lidhur me ruajtjen e funksionit të SHQUP-it edhe në të ardhmen. Pavarësisht se ajo çfarë thonë ata nuk ka kurrfarë baze reale, përveç problemit të restorantit që nuk di pse nuk e përmendin, sërish iluzionet e ish-oficerëve të protestës janë argumente që shërbejnë për ta shndërruar SHQUP-in një orë e më parë nga një godinë e indoktrinimit-dje, apo godinë pa kurrfarë funksioni serioz-sot, në një godinë të vlefshme në vijim.
Vendimi i qeverisë për t’ia kaluar një partie politike atë ndërtesë e ngarkon ndërkohë me histori atë, një merak që mund ta kenë vetë ish-oficerët e ushtrisë së kuqe të Shqipërisë. E ngarkon me historinë e një partie që shembi sistemin më brutal, pjesë e të cilit ishte edhe ushtria, përveç restorantit të SHQUP-it.
Politizimi i një vendimi rutinë prej një grupi të vogël enveristësh ka përfshirë në vorbullën e tij edhe ministren e re të Mbrojtjes së vendit, Kodhelin, e cila nuk ka pse ngatërron NATO-n me SHQUP-in që ditën e saj të parë në krye të Ushtrisë.

Panorama