Premtimet e Edi Rames! Ne do t'ja kujtojme ketu perdite.

[DYDRINAS]

PS: Urgjent pr/ligji për dëmshpërblimet

Lajmi i Fundit e Martë, 9 Tetor, 2012 | 10:13 am

Nga mbledhja e komisionit te ligjeve

TIRANË- Mbledhja e Komisionit të Ligjeve është shoqëruar me debate për situatën e ish të përndjekurve politikë. Në mbledhjen e sotme, deputeti i PS-së, Fatmir Xhafaj, duke iu referuar situatës aktuale në të cilën ndodhen grevistët ka kujtuar se një ditë më parë deputeti Pandeli Majko kërkoi seancë dëgjimore me ministrin e Drejtësisë, Halimi, i cili sipas opozitës duhet të vijë në komision. Ndërkohë, Xhafaj ka thënë se ligji për dëmshpërblimin e ish të përndjekurve nuk ka hyrë akoma në parlament, ndërkohë që në komision, sipas tij ka ardhur që në muajin janar. “Në këto momente ky ligj duhet të kalojë me urgjencë”-tha ai.

http://www.panorama.com.al/2012/10/09/te-perndjekurit-ps-urgjent-prligji-per-demshperblimet/

[DYDRINAS]

Opozita, projekt serioz për borxhin moral dhe financiar ndaj ish- të përndjekurve

24 Shkurt, 2013 | Postuar në: Aktualitet,Ekonomia,Opinion | Shkruar nga: TemA

Nga Keti Bazhdari

Ne përulemi përpara martirëve dhe viktimave të rezistencës antikomuniste. Çmojmë fort gjakun e derdhun, sakrificat dhe vuajtjet e të gjithë atyre që nuk u thyen por qëndruan si heronj. Të përndjekurit politikë i mbijetuan asaj që nuk i la me marrë frymë, diktaturës më të egër komuniste. Madhështia e të përndjekurve është në faktin që ata nuk ushqejnë urrejtje në zemrat e tyre por vetëm kërkojnë drejtësi. Shembujt e tyre do të frymëzojnë brezat për tu qëndruar besnikë idealeve të shenjta, që shqiptarët i çmojnë aq shumë, burrërisë e atdhedashurisë dhe do të forcojnë nismat për rilindjen kombëtare.

Është e pafalshme që në këto 20 vjet të postdiktaturës komuniste, për ish të përndjekurit politikë nuk pati asnjë moment drejtësie por vetëm keqpërdorje, tallje dhe fyerje. Ish të përndjekurve politikë u grabitën idealin, votën, dinjitetin dhe me ngjarjet e fundit edhe jetën.

Për Partinë Socialiste ish të përndjekurit politikë nuk janë një grumbull votash, por një kauzë e drejtë për tu fituar, një padrejtësi që pret drejtësinë, një plagë e hapur shoqërore që pret shërimin.

Ne marrim përsipër t’i japim fund hipokrizisë dhe abuzimit 20 vjecar me të përndjekurit politikë.

Partia Socialiste në programin e saj për një rilindje kombtare ka në qendër të vëmendjes ish të përndjekurit politikë dhe sëbashku do të punojmë për tua shlyer borxhin moral dhe ekenomik që mbarë shoqëria shqiptare i detyrohet.

Programi i Partisë Socialiste për ish të përndjekurit politikë i hartuar përgjatë një viti në këshillim intensive me grupet e interesit shtrihet në tre rrafshe kryesore, atë ekonomik, moral dhe social.

Skema jonë e kompensimit për të përndjekurit politikë do të zbatojë një shpërblim prioritar në varësi të moshës ku:

Në vitin e parë të qeverisjes socialiste do të dëmshpërblehen të gjithë ish të burgosurit, gra mbi 70 vjec, burra mbi 75 vjec

Brenda 2 viteve në vijim, do te dëmshpërblehet pjesa tjetër e ish të burgosurve politikë.

Ndërsa në dy vitet e tjera, do të vijojë dëmshpërblimi i trashgimtarëve të të pushkatuarve dhe ish të burgosurve politikë.

Të gjithë ish të përndjekurit që disponojnë letra me vlerë, gjatë dëmshpërblimit nuk do u zbritet shuma në vlerën nominale te tyre, por vetëm vlera reale e tregut ose do u jepet mundësi reale për t’i përdorur në privatizime apo transaksione të ngjashme.

Të gjthë ish të përndjekurve, që kanë privatizuar shtëpi, nuk do u zbritet vlera aktuale e tregut për shtëpitë, por vetëm vlera reale e tregut ne vitin 1992, i cili është edhe viti i privatizimeve masive të ish banesave shtetërore.

Politikat tona publike dhe sociale do ta respektojnë Statusin e ish të Përndjekurit politik. Të gjitha shërbimet publike për ish të përndjekurit do të përballohen nga shteti.

Do të krijojmë azile të vecanta për ata Ish të Përndjekur, të cilët nuk kanë asnjë të afërm që mund të kujdeset për ta.

Përvec detyrimeve që na nxjerrin ligjet dhe konventat për dëmshpërblimin material dhe moral të kësaj shtrese, integrimi social është dhe do të jetë detyrë parësore e jona duke i dhënë kësaj shtrese përparësi në punësim, strehim dhe në të gjithë sektorët social-ekonomikë.

Ne do të ngremë një institucion europian të kujtesës historike që do të dokumentojë dhe bëjë të aksesueshme për publikun historinë e persekucionit nën regjimin komunist.

Do të rishikojmë tekstet e historisë me një këndvështrim realist përsa i përket veprës dhe vlerave të të përndjekurve politikë.

Do të bëjmë të mundur ngritjen e varrezave monumentale për të gjithë ata që u pushkatuan nga rregjimi komunist, si dhe krijimin e të gjitha lehtësive ekonomike dhe administrative nga ana e qeverisë për gjetjen dhe nderimin e eshtrave të të pushkatuarve dhe të burgosurve.

Do të bëjmë hapa konkretë në dekomunistizimin e shoqërisë shqiptare sipas modeleve më të mirë të vendeve ish komuniste të Europës lindore duke përfshirë edhe dënimin i figurës së ish diktatorit.

*Keti Bazhdari është Sekretare e Departamentit të Ish të Përndjekurve politikë në Partinë Socialiste. Babi i saj ka vuajtur 17 vite në burgjet e regjimit komunist, akuzuar si disident pas revolucionit hungarez të vitit 1956

[DYDRINAS]

[DYDRINAS]

[DYDRINAS]

[DYDRINAS]

Lotaria Kombëtarë, Edi Rama letër kancelarit austriak

1 Gusht 2012 | : Politikë | Autor: Gazeta Shqip

Rama: PS do i bëjë thirrje Austrian Lotteries që të tërhiqet nga ky proces

Kryesocialisti, Edi Rama, i ka shkruar një letër Shkëlqesisë së tij, kancelarit austriak, Werner Faymann, për t’i shprehur shqetësimin me atë që e ka cilësuar skandalin e Lotarisë Kombëtare. Rama shkruan në këtë letër drejtuar Kancelarit të Austrisë Faymann se mbrojtja e interesit publik është themelore: “Duke pasur parasysh mbrojtjen e interesit publik si prioritetin tonë më të lartë, unë do të dëshiroja të sillja në vëmendjen Tuaj se, në disa raste të ndryshme, muajt e fundit, unë kam denoncuar publikisht procesin që është ndjekur nga Qeveria aktuale Shqiptare, për të dhënë një Licencë të Lotarisë Kombëtare, si një proces qartazi të manipuluar kundër interesit publik.”

Lideri i opozitës po ashtu në letrën dërguar Kancelarit të Austrisë e informon se PS do i bëjë thirrje Austrian Lotteries që të tërhiqet nga ky proces, i cili nuk është transparent, i cili shkon kundër interesave të Shtetit Shqiptar dhe publikut Shqiptar, si edhe të gjitha rregullave e standardeve nën të cilat e njëjta kompani vepron në Austri.

“Partia ime dhe unë, synojmë që të ndërmarrim çfarëdo veprimi të mundur ligjor për të hetuar të gjithë procesin, trukimin e pretenduar dhe për të riparuar dëmin që i është shkaktuar publikut Shqiptar përmes këtij akti të rëndë papërgjegjshmërie. Unë shpresoj të kem mirëkuptimin tuaj për qasjen tonë, pasi besoj se edhe ju do të kishit vepruar në të njëjtën mënyrë në një rast ku interesi i publikut Austriak do të ishte kompromentuar apo abuzuar nëpërmjet një akti korruptiv. Unë dëshiroj t’ ju informoj mbi qëllimin tonë për t’i bërë thirrje Austrian Lotteries që të tërhiqet nga ky proces, i cili nuk është transparent, që shkon kundër interesave të Shtetit Shqiptar dhe publikut Shqiptar, si edhe të gjitha rregullave e standardeve nën të cilat e njëjta kompani vepron në Austri. Duke u përfshirë në një proces të tillë ata janë duke i tradhtuar po ato parime të paanshmërisë, përgjegjshmërisë sociale dhe transparencës që ne do të prisnim të shikonim nga një kompani e këtij standardi”, thuhet në letrën e Ramës.

1 gusht 2012 (gazeta-Shqip.com)

[DYDRINAS]

Rama-skeptikëve: Lotaria Kombëtare do të rilindë sportin

Tiranë – Kryesocialisti Edi Rama është frymëzuar nga performanca e ekipit britanik në Lojërat Olimpike Londër 2012, që u rendit në vendin e tretë për numër medaljesh të fituara, pas SHBA-së dhe Kinës.

“Shkëlqimi i skuadrës britanike ka në bazë financimin nga Lotaria Kombëtare”, shkruan Rama në Twitter, ndërsa premtoi se do të ndjekë të njëjtën strategji edhe për sportin shqiptar kur të vijë në pushtet.

Duke iu drejtuar atyre që i cilëson si “skeptikët mbi programin e PS”, Rama pohoi se “me Lotarinë Kombëtare në dispozicion të Sportit e Rinisë, ne do ta rilindim sportin shqiptar”.

Sipas numrit një të socialistëve, shembulli i Britanisë së Madhe mbi Lotarinë Kombëtare është rruga e duhur për t’u ndjekur.

Pak ditë më parë, Ministria e Financave ka shpallur fituesin paraprak të Lotarisë Kombëtare në Shqipëri, që është kompania austriake “Austria Lotteries”. Por opozita ka deklaruar shpesh herë se nuk do ta njohë këtë rezultat, duke akuzuar mazhorancën se ka shitur shumë lirë Lotarinë Kombëtare në kurriz të shqiptarëve, me qëllim për të mbushur xhepat e saj.

Lideri i PS-së, Rama ka shkuar edhe më tej, duke i shkruar një letër kancelarit austriak Werner Fyman, ku ftonte kompaninë me seli në Vjenë që të tërhiqej nga gara në Shqipëri, të cilën ai e cilësoi si jo transparente.

Në letrën drejtuar kancelarit austriak, Rama pohonte se “procesi për dhënien e Lotarisë Kombëtare është i manipuluar dhe shkon kundër interesit publik” shqiptar. (LajmeShqip.com)

[DYDRINAS]

Tryeza e biznesit, Rama: Lotarinë Kombëtare do ia kthejmë publikut

TIRANE- Partia Socialiste ka zhvilluar sot tryezën e dytë me biznesin e madh. Kryesocialisti Rama u shpreh para tyre se programi i Rilindjes Kombëtare ka për qëllim të rrisë komunikimin me grupet e interesit, duke shembur kështu barrierën e vendosur deri më tani, sic tha ai.

“Të mbyllim njëherë e përgjithmonë aksesin e privilegjuar me grupet e interesit. Të hapim një kapitull të ri ku si qeveria dhe opozita të komunikojë lirshëm me grupet e interesit. Të lëmë pas kapitullin e zymtë të moskomunikimit. Është e domosdoshme për sipërmarrjen që të flasë hapur, pa frikën se pasi flet i vjen shantazhi, presioni apo dëmi i radhës. Është e domosdoshme që edhe të gjitha forcat politike të dinë në detaje situatën ku ndodhet sipërmarrja”, tha Rama.

Kryesocialisti u shpreh më tej se “Sipërmarrja nuk ka ngjyrë politike, nuk duhet ndarë në vazhdën e ndarjes së përgjithshme që sot e pengon Shqipërinë të shkojë përpara, në blu dhe rozë”, tha ai.

LOTARIA KOMBËTARE
Rama deklaroi gjatë punimeve të kësaj tryeze se do rishikojë të gjitha marrëveshjet në dëm të sipërmarrjes, duke përmendur këtu edhe marrëveshjen për Lotarinë Kombëtare. Nuk mund ta pranojmë, tha Rama, duke nënvizuar se do t’i kthehet publikut.

“Do rishikojmë të gjitha marrëveshjet në dëm të sipërmarrjes. Nuk mund ta pranojmë Lotarinë Kombëtare, ku shqiptarët humbin çdo ditë e fitojnë po atë, këtë s’mund ta pranojmë, do ja kthejmë publikut”, tha Rama duke shtuar se vlera themelore mbi të cilën pretendon të ndërtojë rrugën e së ardhmes është liria.

TAKSA PROGRESIVE
Lideri i opozitës e ndali vëmendjen e tij edhe tek taksa progresive, për të cilën tha se jo vetëm që nuk e kërcënon biznesin e madh, por e ndihmon atë, pasi duke lehtësuar taksat e shtresës së mesme ju jep atyre mundësinë të konsumojnë më shumë.

“Vlera e progresivitetit nuk ju kërcënon, ju mund të shërbeheni më mirë. Qeveria nuk ka bilanc, nxit frikën dhe pasigurinë referuar opozitës. Taksa progresive që ne kemi në planin tonë, në mesatare do ta ketë ngarkesën 8% j0 10%, do lehtësojë 90% të njerëzve të punësuar në këtë vend. Lehtësimi i shtresës së mesme është një vlerë që kthehet tek ju, tek biznesi duke rritur konsumin. Këtë vit Shqipëria pati nivelin më të ulët të konsumit, që kur është vendosur taksa e sheshtë”, tha kryesocialisti.

ARSIMI
Rama ka bërë të qartë para biznesmenëve që nuk është kundër arsimit privat në Shqipëri, por është kundër diplomave të pavlera. Ai tha se në programin e Rilindjes Kombëtare parashikohet sistemi i akreditimit të institucioneve.
“Jemi kundër atyre që e shohin studentin si klient. Do fusim në sistemin e akreditimit të gjitha universitetet si kudo në botë. Pastaj e njëjta gjë do ndodhë me shkollën e mesme, ku s’ka klikentelë, miq, kushërinj që kanë lidhje, por që ka vetëm një test që tregon cilësinë”, tha ai.

SHËNDETËSIA
Kreu i PS dekloaroi ndër të tjera se në Shëndetësi do të aplikojë modelin anglez.
“Sot ka 1 milion shqiptarë të papunë. Këta të papunë janë të pasiguruar, me këtë sistem ju thuhet mos u sëmur se po s’pate lekë, mund të vdesësh dhe po u sëmure drejtohu zotit se doktorri do lekë. Ne i jemi referuar sistemit britanik, ku është shteti që e blen shërbimin dhe shërbimi i’u jepet të gjithëve sipas nevojës”, saktësoi Rama.

http://www.lajmeshqip.com/kombetare/tryeza-e-biznesit-rama-lotarine-kombetare-do-ia-kthejme-publikut

[DYDRINAS]

Edi Rama: Fshati shqiptar si në mesjetë, me PS rilind

Rrezarta Dobrovoda

Partia Socialiste ka mbledhur dje tryezën për zhvillimin rural, të cilën ia ka kushtuar bujqësisë, në kushtet kur rreth 40% e popullsisë shqiptare jeton në fshat dhe burim të ardhurash ka këtë sektor. Sipas kreut të selisë rozë, gjendja e bujqësisë sot është e mjerueshme, nevojiten reforma radikale dhe programi i PS-së do t’i japë jetë zhvillimit rural.

Akuzat e Ramës

Në tryezën e socialistëve për bujqësinë, kryetari Edi Rama tha se “fshati shqiptar është si në mesjetë dhe do të vijojë të mbetet në atë gjendje nëse nuk kryhen reforma që do ta transformonin dhe t’i kthenin rëndësinë”. Rama theksoi se për zhvillimin e bujqësisë dhe për ta nxjerrë nga gjendja e mjerueshme, nevojiten një sërë reformash radikale. “Bujqësia dhe zhvillimi rural në tërësi të jetë pjesë integrale e planit kombëtar të zhvillimit të Shqipërisë, si vend evropian. Dhe jo të jetë territor eksperimentesh dhe territor, ku politikat e qeverisë ndryshojnë sipas stinëve të menduarit të Kryeministrit apo të ministrit të rradhës”, tha Rama. Ndërsa ai shtoi se ferma shqiptare aktualisht është nën kërcënimin e vazhdueshëm të konflikteve të pronësisë, ndërsa prodhimi bujqësor sa vjen e shënon rënie dhe në eksporte, pasi importet bllokojnë tregun vendas. Rama gjithashtu vuri në dukje marrëveshjet e lira me vendet e tjera që sipas tij e kanë vënë prodhimin bujqësor shqiptar përballë një konkurrence të egër. “Shqipëria bën pjesë në marrëveshjet e lira dhe është ekspozuar përballë një konkurrence të fortë. Ndërkohë që ka mbetur e pazhvilluar në hapësirën e vet rurale”, tha Rama.

Programi i PS-së

Gjatë fjalës së tij, kryesocialisti Rama deklaroi se partia socialiste do të punojë shumë për zhvillimin e bujqësisë, dhe programi i partisë që ai drejton, do t’i japë jetë një zhvilli rural. “Kur flasim për zhvillim rural ne vendosim një vijë të qartë ndarëse me ata që sot e keqqeverisin fshatin dhe të gjitha marrëdhëniet që e mbajnë të mbyllur në kornizën e pamjaftueshëm të zhvillimit rural. Zhvillimi rural është shumë më tepër se një zhvillim bujqësie pasi furnizimi i tregut të brendshëm me produkte bujqësore lidhet me zhvillimin rural si një koncept bazë për zhvillimin e fshatit”, ka theksuar Rama. Gjithashtu Edi Rama ka kujtuar premtimin e pambajtur të kryeministrit Berisha për t’ia shitur fermerëve naftën me 400 lekë për litër, ndërkohë që çmimi saj tashmë kap vlerën e 1,800 lekë. Kryesocialisti Rama ka ritheksuar nevojën e pasjes së një Ministrie të Zhvillimit Rural.

http://www.tiranaobserver.al/2012/03/13/edi-rama-fshati-shqiptar-si-ne-mesjete-me-ps-rilind/

[DYDRINAS]

Rama në Kutalli: Fshati si në mesjetë, pas 23 qershorit shteti do të jetë përkrah jush

7 Qershor 2013 | : Kryesoret,Politikë,Shqipëria voton 2013 | Autor: Gazeta Shqip


Kryetari i PS, Edi Rama ka zhvilluar pasditen e së premtes një takim me banorët e Kutallisë, në qarkun e Beratit, ku ka premtuar zgjidhjen e problemeve të tyre.

Gjatë fjalës së tij, Rama e ka vënë theksin tek infrastruktura bujqësore, që sipas tij është njësoj si në mesjetë.

“Uji është bërë si legjendë, njësoj sikur jetojmë në Sahara. Gjithashtu, nuk e di se ku janë rrugët e shtruara nga kryeministri Berisha. Që nga kthesa e Lushnjes nuk kam parë asnjë rrugë të shtruar”, ka deklaruar Rama.

Duke vënë në dukje mungesën e kushteve për favorizimin e prodhimit vendas, kreu i opozitës u ka premtuar mbështetje fshatarëve pas zgjedhjeve të 23 qershorit.

“Pas 23 qershorit çdo fermer do ketë pranë qeverinë. Ne do ta heqim taksën 20 për qind për bukën, miellin, qumështin, vezën e vajin”, ka shtuar Rama.

Fushatën e tij kreu i PS bashkë me skuadrën e Rilindjes e ka vijuar në Kuçovë, ku ka bërë premtimet e radhës përpara elektoratit socialist.

“Ne nuk tregojmë përralla. Katragjyshi me anti-plumb i tregon ato dhe mashtron shqiptarët, të cilët i ka lënë në harresë”, ka thënë Rama, i cili ka premtuar ndryshimin e situatës.

“Ne do të rrëzojmë murin e padrejtësisë. Ne do vendosim taksimin e ndershëm. Partia Socialiste do të jetë një qeveri në krah të qytetarit”, ka theksuar Rama.

Rama: Rrugët, ndëshkim për qeverinë. Qarku i Beratit është lënë në harresë

Kreu i opozitës Edi Rama e ka zhvendosur “Këndin e fjalës” në Poliçan dhe Berat ku ka diskutuar për problemet që shqetësojnë banorët e këtyre zonave. Kryesocialisti duke iu referuar rrugëve që të shpien ne Qarkun e Skraparit, tha nga Poliçani se ato janë ndëshkimi i qeverisë, që duhet t’ia japin jo vetëm socialistët por dhe demokratët.

“Dëgjova se Saliu qenka në Çorovodë. Nuk e di se çfarë do i thotë popullit të Skraparit dhe nuk e di sesi mund të jetë ndjerë që nga kthesa e Beratit deri aty ku ka mbërritur nëse ka mbërritur në këtë rruge dhe nëpër këto rruge që janë mjaft, që jo socialistët dhe progresistet, por dhe demokratët e thjeshtë të mos ja japin votën se nuk ka turp më të madh se gjithë ky qark është kthyer në një xhep fallco, që ngjajnë me rrugë pas lufte. Këto rrugë janë akuza më e rëndë që vjen nga ky qark për këtë qeveri që pretendon se ka ndërtuar 10 mijë kilometra rrugë. 10 mijë janë shiritat,për inaugurime nga 7 deri në 8 herë të rrugëve dhe rrugicave për të manipuluar këtë popull për propagandë”, tha Rama, teksa duke iu përgjigjur interesit të banorëve, shtoi se Berisha nuk mbajti as premtimin për rrugën që të çon në Malin e Tomorrit.

Duke iu referuar raporteve ndërkombëtare, kreu i PS-së theksoi se lidhjet e krimi me qeverinë kanë stopuar zhvillimin e vendit, ndërkohë premtoi se pas 23 qershorit do të rikthehen në punë të gjithë ata punonjës që janë larguar jo vetëm nga Kombinati i Poliçani, por në çdo institucionet dhe qytet. Kreu i PS-së ka sulmuar edhe kryeministrin Berisha në lidhje me deklaratat e tij se do të japë rrogën e 13-të për punonjësit e administratës në fund të vitit.

“Ai dëgjoi atë tonën që me taksimin e ndershëm të gjithë ata që kanë një rrogë në shtet do të përfitojnë mesatarisht 40 mijë lekë në muaj kursim dhe mesatarisht një rrogë në vit. Dëgjoi këtë dhe doli dhe tha që do t`ju jap rrogën e 13-të. Dëgjoji se do t`i japim certifikatën e tokës dhe doli dhe tha që votoni për mua se do t`jua jap certifikatën deri në fund të vitit. Po ka më shqiptar që e beson këtë” tha Rama.

Rama në Berat: Berisha shpif, bashkimi me Metën historik

Kreu i PS-së Edi Rama i është përgjigjur nga Berati, akuzave që kryeministri Berisha bëri në adresë së tij në takimin elektoral në Çorovodë. Kryesocialisti Rama tha se Berisha shpif kur thotë se kreu i LSI-së Ilir Meta duhet ta dërgojë në Skrapar për të kërkuar falje për fyerjet kolektive.

Kreu i opozitës e cilësoi historik bashkimin e PS-së dhe LSI teksa tha se bashkë do mbyllin një kapitull dramatik të qeverisjes së vendit nën drejtimin e demokratëve.

“Sot vërdallë është katragjyshi, që shkon në Skrapar dhe u thotë, që Edi Rama duhet të vijë këtu të kërkojë falje se ka ofenduar skraparllinjtë. Shkon lartë e poshtë dhe thotë se ka ofenduar kuksianët u ka thënë shpellar ejt. Të gjitha shpifje të ulëta të një burri në moshë që duhet të ishte sot duke lexuar Çufon dhe Bubin Kaçurrel sic bëjnë të gjithë gjyshërit vjen vërdallë dhe u thotë përralla gjithë Shqipërisë. Cfarë mund të bëjë me ai që ka 8 vjet që mbretëron jo sepse populli i ka dhënë me shumicë votën po sepse shumica natyrale ka vjedhur vota për të vjedhur Shqipërinë dhe ka përfituar ndasirat dhe situatat e krijuara brenda nesh. As vota nuk vjedh dot më për të qëndruar aty ku është, se do jenë një lum i madh për PS dhe kaalicionin tonë dhe as nuk përfiton më nga ndasi. Bashkimi PS dhe LSI është historik për të mbyllur një kapitull dramatik të historisë politike, ekonomike dhe sociale”, theksoi Rama gjatë këndit të fjalës së zhvendosur mesditen e sotme në Berat.

Rama rikonfirmoi se PS- nuk do t’i çojë komisionerët e saj në KQZ, pasi ajo do fitojë edhe sikur votat të vidhen. “Ne nuk bëhemi pjesë e Saliut në atë organizatë partie. Si me ne, si pa ne aty, ata janë një çetë kusarësh, të gatshëm të gllabërojnë votën e popullit – tha Rama, duke iu përgjigjur kërkesës së një mësuese nga Berati.

Në qytetin 2400 vjecar, kreu i PS-së, shprehu shqetësim për trashëgiminë kulturore të vendit që po degradon dita ditës. Ndërkohë, që duke iu referuar vendeve fqinjëve, Rama i bëri thirrje banorëve që më 23 qershor të largojnë qeverinë si detyrim ndaj të parëve dhe fëmijëve.

“Ne nuk kemi ardhur për të premtuar se do e bëjmë Beratin si Zvicrën apo Venecian apo destinacion të famshëm, por kemi ardhur të zotohemi se do merremi me Beratin shumë seriozisht. Do e fillojmë nga kjo kala këtu që nuk ka një punonjës të vetëm për mirëmbajtjen. Po ta kishim Beratin e 2400 vjetëve fqinjët tanë të jeni të sigurtë që do e bënin dritë për të ndriçuar hartën Evropës. Po ja që në vendet fqinje ka shtet, kam parasysh dhe shtetin me të të ri Kosovën, ndaj Berati është katandisur kështu, ndaj dhe Kruja është katandisur sic është katandisur. Ky shtet dhe pushtet, ky kryeministër sot ka ardhur këtu dhe nuk di se me cfarë fytyre i del këtij qarku, po i bën Krujës ato që nuk i bënë dy sulltanë. Po e masakrojnë duke lejuar që ‘mostrat’ prej betoni ti sulen nga sipër kalasë. Shikoni Gjirokastrën sikur të ishte nën mallkim. Në qyet i qëndisur me gurë si asnjë qytet tjetër, për të cilin ka dhe një libër me famë botërore, shikojeni si e kanë lënë. Shikoni cpo i punojnë kalasë se Shkodrës, Lezhës apo dhe Butrintit. Ne nuk synojmë të ulim një flamur dhe për të ngritur tjetër. Ne duhet e mbrapsim qeverinë për detyrimin që u keni të parëve tanë dhe borxhin që u kemi fëmijëve tanë”, u shpreh Rama.

7 qershor 2013 (gazeta-Shqip.com)