Presidenti: Rama te ndali shantazhin ndaj presidences, prokuroria te hetoje

[Albo]

Presidenca, Ramës: Ndal urgjent fushatën e ulët.Prokuroria, hetim shantazhit ndaj Nishani

TIRANE- Presidenca, duke i quajtur shpifje akuzat e perfaqesuesve te shumices se re, qe pretendojne se familja e bashkeshortes se Nishanit ka lidhje pronesie ne truallin ku ndodhet sot selia e PD, deklaron se ky eshte vijim i sulmeve te maxhorances se re qeverisese ndaj tij dhe institucionit te tij.

Permes nje deklarate per mediat, Presidenca i ben thirrje kreut te PS-se, kryeministrit te zgjdhur, Rama te ndale fushaten e ulet te shpifje ndaj tij dhe i kerkon Prokurorit te Pergjithshem te nise hetimin per shantazhin qe po i behet Kreut te Shtetit.

Deklarata e plote

Sot, përfaqësues të lartë të shumicës së re qeverisëse, në vazhdën e shpifjeve të neveritshme dhe të përsëritura të këtyre ditëve, kanë adresuar publikisht akuza të paqena ndaj familjes së Presidentit te Republikës për të ashtuquajturën lidhje në pronësi mbi truallin ku sot ndodhet godina e selisë së Partisë Demokratike.

Institucioni i Presidentit të Republikës duke hedhur poshtë me përbuzje dhe neveri të tilla shpifje, deklaron me vendosmëri se familja e bashkëshortes së Presidentit nuk ka lidhje pronësie mbi truallin e godinës në fjalë.

Ky akt i turpshëm shpifjeje dhe ky sulm i rëndë antikushtetues me ngjyrim të qartë politiko-propagandistik, synon të terrorizojë psikologjikisht familjen e Presidentit të Republikës dhe të ndalë ushtrimin e funksioneve kushtetuese nga ana e Kreut të Shtetit.

Me këtë rast dhe në këto rrethana, Presidenti i Republikës i kërkon Prokurorit të Përgjithshëm të nisë procedurën e hetimit penal ndaj këtij shantazhi që po i bëhet Kreut të Shtetit shqiptar.

Presidenti i Republikës, lidhur me të njëjtin problem, i kërkon gjithashtu Zotit Edi Rama, Kryetar i Partisë Socialiste propozuar nga shumica e re për postin e Kryeministrit, ta ndalë urgjentisht këtë fushatë të ulët, të padrejtë dhe të padenjë, kundër Kreut të Shtetit.

Ftoj me këtë rast cilindo shtetas shqiptar që çdo pretendim për shkelje të Ligjit nga ana e Presidentit të Republikës ta denoncojë normalisht në institucionet përkatëse të Drejtësisë.

Institucioni i Presidentit të Republikës, në asnjë rast dhe për asnjë arsye, nuk duhet, nuk mund, dhe nuk është përfshirë kurrë në luftën politike mes shumicës dhe pakicës parlamentare.

Presidenti i Republikës i siguron qytetarët shqiptarë dhe partnerët ndërkombëtarë të Shqipërisë se do të vazhdojë pa u ndalur asnjë çast të përmbushjen e detyrave kushtetuese, sado të rrejshme qofshin shpifjet, dhe sado të ulëta dhe të padenja shantazhet.

Panorama

[Albo]

Zonja e Parë: PS mund të më heqë nga puna, nga këta njerëz unë pres gjithçka

Nga: Valentina Madani

TIRANE- Odeta Nishani, bashkëshortja e Presidentit të Republikës prej disa ditësh është bërë pre e sulmeve të Partisë Socialiste dhe shkak është bërë trualli mbi të cilin ndodhet aktualisht selia qendrore e Partisë Demokratike. Por për "Gazeta Shqiptare", Zonja e Parë e vendit thotë se familja e saj nuk ka asnjë lidhje me pronësinë e selisë së PD-së, duke i konsideruar shpifje të ulëta, presion, kërcënime dhe shantazhe që mazhoranca e re po bën ndaj institucionit të Presidentit. Znj.Nishani ka vendosur të presë edhe dy javë, që t'ia lërë në dorë hetimin e të gjithë këtyre trillimeve qeverisë së majtë, e bindur se në fund do t'i kërkojë falje për akuzat e ngritura ndaj familjes së saj. Odeta Nishani shprehet se nga ata njerëz pret gjithçka, deri dhe largimin e saj nga puna sapo të vijnë në pushtet.

Znj.Nishani, si u ndjetë përballë akuzave të disa deputetëve të PS-së se trualli i selisë aktuale të PD-së është pronësi e familjes suaj? Jam surprizuar. Kam mbetur e çuditur kur pashë në gazeta akuza të deputetëve të majtë

Erjon Braçe dhe Pirro Lutaj, se gjoja trualli ku është ndërtuar selia e PD-së qenka pronë e familjes sime. Prej disa ditësh, eksponentë të Partisë Socialiste, dezinformojnë opinionin publik mbi një marrëdhënie të pavërtetë pronësie timen dhe familjes sime me ambientet ku është selia aktuale e Partisë Demokratike.

Realisht, a ka lidhje familja juaj me këtë truall?

Absolutisht jo. Familja ime as ka pasur, as nuk ka dhe as nuk do të ketë lidhje me atë truall. Nuk është pronësi e familjes sime dhe e kundërta është shpifje e ulët. Me përgjegjësi të plotë pohoj para opinionit publik që asnjë marrëdhënie pronësie e imja dhe familjes sime nuk ekziston me selinë e PD-së; gjithashtu pohoj se asnjë interes privat nuk e lidh familjen time me atë objekt dhe të ardhmen e tij.

Atëherë, pse po sulmoheni pikërisht ju nga e majta?

Në këtë rast po sulmohet Presidenti i Republikës, dhe ky është qëllimi i partisë që pritet të marrë pushtetin. Fatmirësisht, në një shoqëri demokratike askush nuk është i përjashtuar nga debati publik, qoftë familja e Presidentit të Republikës, qoftë Presidenti vetë, dhe ky është një standard tashmë edhe i demokracisë shqiptare, por kur debati instrumentalizohet për qëllime politike dhe degjeneron në shpifje, fyerje dhe kërcënime, ky standard është cenuar në thelbin e tij dhe duhet të preokupohemi. Ky është një presion që po ushtrohet mbi familjen presidenciale, janë kërcënime, është një shantazh që duhet të ndalë, pasi ato janë të padenja.

Ju, do të ndërmerrni ndonjë hap konkret ligjor si kundërpërgjigje ndaj akuzave të ngritura nga PS-ja?

Familja ime donte të bënte procedim penal, ndërsa unë procedim civil. Por duke mos dashur të marr para prej tyre, - pasi jam e sigurt se do të fitoj përballë shpifjeve të PS-së, - do të pres edhe dy javë.

Atëherë do t'ia lini në dorë PS-së që të hetojë?

Për dy javë Partia Socialiste bëhet forcë kryesore qeverisëse dhe ka të gjitha mjetet e duhura ligjore dhe administrative për të hetuar me imtësi mbi këtë çështje. Ata do ta shohin shumë qartë përmes hetimit se unë dhe familja ime nuk kemi asnjë lidhje me pronësinë për të cilën ne akuzohemi me pa të drejtë. Por pas dy javësh jam e sigurt që PS-ja do të më kërkojë falje, pasi pas hetimit do të rezultojë se akuzat e tyre janë vetëm trillime dhe shpifje dhe që nuk kanë asnjë bazë vërtetësie.

Pse ky nxitim i së majtës me sulme ndaj jush ndërkohë që PS-ja ende nuk ka marrë pushtetin?

Fakti që nisën sulmet pa marrë ende pushtetin nuk është shenjë e mirë, megjithatë unë u kërkoj që të mos përziejnë punën time me politikën. Unë nuk jam pjesë e politikës dhe nuk jam përzier asnjëherë me politikë. Po ashtu të lënë të qetë Presidentin e Republikës që të ushtrojë detyrën e tij kushtetuese dhe të qëndrojnë larg shantazheve dhe kërcënimeve. Ky nxitim për të më vendosur në qendër të një alibie dhe lufte politike që nuk më përket, nuk më demoralizon, nuk më frikëson në asnjë çast të jetës dhe punës sime të përditshme. Unë besoj tek drejtësia dhe moraliteti i së drejtës, ndaj jam e bindur që shpifësit do të marrin qëndrimin që meritojnë nga opinioni publik shqiptar dhe shumë shpejt kauza e tyre do të vetërrëzohet.

Ju vazhdoni punën në Ministrinë e Turizmit?

Po, vazhdoj të punoj në Ministrinë e Turizmit, në Drejtorinë e Përgjithshme të Turizmit dhe Trashëgimisë.

"Trembeni" se, sapo Partia Socialiste të marrë pushtetin do t'ju largojë nga puna ku jeni aktualisht?

Unë vazhdoj të bëj detyrën time siç e kam bërë deri tani, por nga ata njerëz mund të pres gjithçka.


Gazeta Shqiptare

[benseven11]

Si gjithmone ai qe bie nga fiku I pushtetit do shahet fajesohet,akuzohet do I nxihet vepra e tij dhe ne fund do peshtyhet dhe propozohet te hidhet si qen burg
Mentalitet tipik hakmarres,cmirexhi,ziliqar dhe I lig anti opozitar.
Sa ishte Enveri I gjalle,ai nuk ishte thjesht nje udheheqes,ai ishte Zoti,the Lord per shqiptaret,te Enveri dhe nen emrin e tij shqiptaret premtonin se do jepnin jeten.
Cfare ndodhi pasi Enveri vdiq.
Ai u be armiku nr 1 i te gjithe koherave ne historine e Shqiperise,u sha u poshterua publikisht u fajesua per evrithing dhe ne fund u peshty lol.
Ja ky eshte mentaliteti I opozites,eshte tradite ne politike.
Partia ne pushtet dhe opozita ne kete pike jane njelloj.Nuk ka as objektivitet ne gjykim as vlersim te drejte as respect.Mohohen te gjitha
sukseset dhe arritjet e PD-se qe eshte e padrejte.
Kesaj I shtohen edhe shpifjet ne shtyp,media.Eshte bere fenomen normal dhe stil komunikimi te behen shpifje nga te dyja anet e partive.
Edi Rama personalisht duhet te propozoje ligj ne parlament per denim te ashper te cdo lloj shpifjeje per personalitete te politikes,shteterore te ekonomise artit dhe kultures.
Shpifja publikisht duhet te ndalohet dhe te mos tolerohet.

[Xinxerfilli]

Si gjithmone ai qe bie nga fiku I pushtetit do shahet fajesohet,akuzohet do I nxihet vepra e tij dhe ne fund do peshtyhet dhe propozohet te hidhet si qen burg
Mentalitet tipik hakmarres,cmirexhi,ziliqar dhe I lig anti opozitar.

Sapo pershkrove ne menyre te detajuar Sali Berishen.

Edhe sa keq po me vjen per kete nusen e Nishanit qe nuk paska prona fare... Nishani mne deklarimet e KLD ka justifikuar pasurine nga vjelja e te ardhurave te pronave te gruas...

Ska problem. Do durojme dhe nja 20 dite per te marre vesh te verteten...

[skender76]

Arta Dade ; - Nese Berisha nuk arrestohet, une lej mandatin

Namik Dokle: - Edhe une jam dakort me Arta Daden. Berisha duhet te perballet me drejtesine.

Erjon Brace ; - Te hetohet Presidenti, Berisha ... Lulzim Basha vrasesi i 21 janarit nje dite do perballet me drejtesine.

Eduard Shalsi dhe Erjon Brace; - Hetim Sokol Olldashit ne shtator

Taulant Balla ; - Hetim Genc Pollos ne shtator

Armando Prenga ; - Hetim Arben Imamit ne shtator

Piro Lutaj ; - Presidenti do perballet me drejtesine.

PS ; - Rihetim Lulzim Bashes per skandalzin Durres- Kukes ne Shtator


Keto dite akoma pa u formuar qeveria e re, disa deputete te saj kane krijuar sulmet ndaj opozites se ardhshme me nje organizim mediatik te rreshtuar ne emer te korrupsionit duke na paralajmeruar nje konflikt te ashper politik dhe protesta. Top channel , televizioni qe nxorri videon e Metes per korrupsion eshte media me e angazhuar ne sulmet ndaj opozites, Presidetit dhe sistemit te drejtesise duke mobilizuar gazetaret dhe opinioniste militantet te saj. Qe do te thote qe demokracia eshte ne rrezik pasi paralajmerojne qe do hetojne ne menyre politike disa deputete te opozites duke perfshiren edhe institucionin me i larte i vendit Presidenti i Republikes.
Deputetet e PS me sulmet e tyre kane bere deklarata mediatike qe te hetohen ne menyre politike njerezit e opozites , Presidenti dhe cdo pushtet qe nuk eshte i tyre. Te hetohen dhe te denohen me burg deputetet e opozites, kryetari i opozites dhe Presidenti. Nje shtet pa opozite , me President te shkarkuar do ishte qellim final i nje mendesie diktatoriale, te nje pushteti te konsoliduar si shkemb graniti - sic thoshte Enver Hoxha dikur { jam i ri kete shprehe e kam lexuar }. Ky organizim mediatik ka edhe per qellim te shpendaje vemendjen qe priten nga mosmbajtja e premtimeve ne shtator dhe ne vazhdim nga qeveria e re duke zbatuar shprehjen { Mbrotja me e mire eshte sulmi}. Nuk ka te beje vetem me faktin se duan vendin ne nje diktature pa opozite e pa President , por edhe me faktin te vemendja e larte ndaj premtimeve te pamundura. Ata e dine shume mire se pjesa derrmuese e votave te fituara vijne nga premtimet elektorale. Noellag

Ksaj i thone: Ma mbaje njeçik kete kopilin tim sa t'ja tregoj qejin asaj kur#es....

E harruat Shalsin çfare tha tek Balla para ca muajsh??!!