HIMARE –Tre-vjetori i vdekjes së të riut Aristotel Guma në Himarë, i cili u përplas nga një automjet në hyrje të qytetit, ka shkaktuar tensione në qytetin e mbushur me turistë.
Gazetari i “News24”, Artan Hoxha bëri të ditur nga vendi i ngjarjes se forcat ekstremiste greke kanë kryer akte antishqiptare gjatë ceremonive përkujtimore në kishë dhe në varreza, ne përpjekje për ta kthyer Aristotel Gumën nga një viktimë e aksidentit, në një martir që ka rënë për të mbrojtur interesat e Greqisë në Himarë.
Mësohet se eksponentët e “Agimit të Artë” kanë kërkuar të kryejnë një rit brenda kishës në Himarë-Fshat, por prifti është larguar nga kisha. Ndërkohë në ceremoninë që është zhvilluar në varrezat e fshatit, një grup të rinjsh të veshur me bluzat e zeza të “Agimit të Artë”, ndërsa familjarët e të ndjerit Guma kryenin ritet, ata shpalosën flamurin e Vorio-Epirit dhe Agimit të Arte dhe lexuan një deklaratë antishqiptare dhe antikushtetuese.
Eksponentët e Agimit të Artë kanë sulmuar reporterët shqiptarë duke tentuar t’i ndalojnë për të filmuar. Policia e cila ishte prezente nuk ka ndërhyrë për të shmangur sulmin dhe si pasojë mediat u larguan nga varrezat e Himarës.
Aristotel Guma, banore i HImares humbi jetën më 12 gusht 2010 si pasojë e një aksidenti mes tij dhe pesë të rinjve vlonjatë.
Ngjarja 3 vjet me pare Një përplasje e rëndë automobilistike mes një automjeti dhe një motoçiklete ka shkaktuar, mbrëmjen e datës 12 gusht 2010, vdekjen e minoritarit 35-vjeçar, Aristotel Guma. Kjo ngjarje tragjike, që pasoi një konflikt mes viktimës dhe një grupi të rinjsh shqiptarë nga Vlora, ka ngjallur reagimin e ashpër të banorëve greqishtfolës së Himarës, të cilët bllokuan për 13 orë aksin nacional Vlorë-Sarandë, me pretendimin se “ky është një krim i qëllimshëm”. Ngjarja e rëndë u regjistrua në orën 21:00 të ditës së premte, në vendin e quajtur “Avli”, në aksin që lidh qytetin e Himarës me Himarë-Fshat. Para aksidentit, të rinjtë nga Vlora kanë konfliktuar pak minuta me fjalë me njëri-tjetrin. Pikërisht në këtë vend, motoçikleta e cila drejtohej nga 35-vjeçari Aristotel Guma është goditur nga një “Audi-A3” ngjyrë gri, që më vonë u mësua se drejtohej nga Ilir Muka nga Vlora. Nga përplasja, fillimisht motoçikleta ka goditur një shtyllë dhe më pas, është përplasur dhjetëra metra zvarrë në rrugë. Për pasojë, Guma ka gjetur vdekjen e menjëhershme. Duke e quajtur “aksident të qëllimshëm” atë që ndodhi në hyrje të qytetit, me parulla në duar ku shkruhej “Të zbardhet e vërteta”, “Është vrasje e qëllimshme”, banorët greqishtfolës të Himarës ngritën barrikadë gurësh në rrugë, duke mos lejuar lëvizjen e asnjë mjeti për 13 orë. http://www.balkanweb.com/TV/index.php?id_categoria=42&id_ansalive=20791
(er.nu/d.b/BalkanWeb)
Përgjigju Duke Cituar
Postuar më parë nga Sayan2003
Krijoni Kontakt