Kisha e Permetit: Komuniteti i krishtere reagon me nje ze ne mbrojtje te Kishes

[violativo]

Fatkeqesisht per ty ka edhe dokumenta tapish, edhe foto, por ajo qe eshte me e rendesishme eshte se nje pjese e kishes nuk u prish por u adaptua. Po qe se nuk lodhesh shko deri ne Permet dhe verifikoje. Mos i beso kaq shume mediave sepse sot Frasheri i komunisteve shtoi dhe 5 m2 katror te tjera kishes duke e bere me 30m2 krahasuar me Bezatin qe thoshte 25m2. Shpejt do te shkojne dhe tek sip. reale qe duket nga fotot.

Me ne fund e mesut fotoshopin edhe juve jeniceret e Kishs greke dhe po kerkoni t'iu tregoni shqiptareve ortodoks se kush jane dhe si kane qene objktet e tyre te kultit ? Prona eshte me dokumenta dhe aty kane jetuar shqiptare qe kur u krijua bota ! Mos valle do na thuash neser se deri n Boboshtice e Kosine jane territore greke pse aty keni varrezat e ushtarve greke me eshtra shqiptaresh ? Duhet te derdhni shume gjak akoma , sic keni bere ne te kaluaren per te marre token shqiptare ! Na trego edhe fotografite e AT STATH Melanit me koke te prere dhe me trup pa koke ! Po nuk nxorre ti po t'i dergoj une !

[Archon]

Ka disa persona qe jane te paafte te diskutojne. Po iu drejtove me argumenta per te mbrojtur kishen, o te pergjigjen duke folur per ngjarje te 150 vjeteve me pare, mungesen e aftesise per tu pergjigjur me argumenta e plotesojne me sharje e fyerje...

[mitjuk]

Ju anti shqiptart doni te nxjerrni nga loja çdo shqiptar qe flet per shqiptarizem,ktu nuk po behet fjal vetem per ortodoksin shqiptare ktu po flitet sipas gjuhes Greke nga disa shqip foles,ktu nuk eshte Greqi ktu eshte shqipri,çkerkon Greqia te na mesoj ne se si eshte e drejta dhe e pa drejta,sjan greket ata qe duhet te na japin leksione ne ,ne jemi vendi i vetem ne gjith ballkanin dhe europen qe kemi ber bashk jetes nder fetare si ash nje shtet tjeter ,ne jemi ata qe duhet tu japim leksione europes ballkanit me ne krye Greqin se si bashk jetohet,a ka ne greqi komunitet Musliman a ka ne greqi shtetas te ndonje vendi islamik qe jeto ne greqi me tedrejta te barabarta si çdo qytetar grek nese ka a kan tedrejt keta shtetas islamik qe te ken shtepin e zotit per tu fal e per tu ndjer mir si ne shtepin e zotit ashtu siç kerko Kleriçizmi shovinist dhe politikanucat e Greqis,po na thuni ju qe deshironi janullatesin ne shqipri,mos vall muslimant nuk kan tedrejta fetare ne greqi,ateher kush na qenka greku te na tregoj ne per tedrejtat e shtetasve tan ne shtetin ton ame,kur ata skan drejtesi per veten e tyre,ata jan shteti qe kan vulen e pabesis u trego vet krenaria qe kan me pabesin neper mes Kalit te trojes,dikush del ktu e na thot qe flitet pa lidhje qe gjoja po flitet per 150 vite me perpara,pa na thuj ti zotni ç ndryshim kan Greket e 150 viteve me perpara se sa sot ,na thuaj sa miq i kemi ne greket qe na mbajn ligjin e luftes ne fuqi,per arsyen e vetme duan te na bejn presion,na e rrujn prapanicen sot nuk len europa me hanger fort M.T greqin as serbin as maqedonin e aq me pak Turqin,Greku mban ligjin e luftes ne fuqi sepse nuk duan te u jepen tedrejtat e çameris per pasurit e tyre ne trojet e tparve tan qe sot i ka nen administraten e Greko filve,nuk e di por disa me duken idjot fare,ose nuk din ndryshej ose ose kan interesa financiare per te ken anti komb,nuk eshte çudi ne jemi mesuar te luftojm vetveten,dikush thot jam i knaqur me Janullatosin e kleriket Grek qe jan ne shqipri,pse keta qe quajn veten te knaqur,mos vall keta tipa do nderronin baban me njerkun sepse njerku premto me shum se babai i tyre,kshu do i krahasoja une kenaqesin e ktyre qe perkrahin klerikt Grek,me thuani ju o vellezer shqiptar me fe ortodokse po kjo pyetje eshte edhe per mua dhe ata qe perqafojn fen time si katolik,po kete pyetje edhe per vellezrit tan musliman jemi nje gjak jemi nje komb,si thuani ju me mir eshte te kesh baban fukara e kryetar familje apo njeerkun me baban gjalle e i pasur se ai ti plotsoka kushtet e babai jo,kte pyetje i a bej teparit Albos qe sme pergjigjet atyre qe shkruaj une dhe perkrahesit e ti,nese kan sado pak ndergjegje tu pergjigjen pytjes time.

[mitjuk]

Mir apo keq ku ministri i yne eshte shqiptar, dhe mjaft mir i eshte kunderpergjigj,Greko filis

Zv.ministri shqiptar i përgjigjet Greqisë: Ne jemi model, mund t’u japim leksione
26 Gusht, 2013 | Postuar në: Aktualitet,Politika | Shkruar nga: TemA Online
Sélectionner une langue​▼

collakuZëvendësministri i Jashtëm shqiptar, Kreshnik Çollaku, i është përgjigjur homologut të tij grek, Dimitris Kurkulas, që e cilësoi si të papranueshme atë që po ndodh në Përmet me Kishën Ortodokse. Çollaku thotë se Shqipëria mund t’u japë leksione vendeve të BE-së, me në krye Greqinë, për bashkëjetesën dhe harmoninë fetare.

“I pabazë pretendimi i zv ministrit të Jashtëm grek për respektimin e komuniteteve fetare në Shqipëri. Në çdo plan historik apo aktual, individual apo shtetëror, shqiptarët dhe Shqipëria kanë qenë e janë model i harmonisë e tolerancës ndërfetare…Në këtë plan, Shqipëria mund t’u japë leksione harmonie e bashkëjetese fetare shumë vendeve të BE dhe ndër më të parëve, Greqise...”, shprehet Çollaku./b.l

[Kreksi]

Mitjuk, ju kuptoj mirë permes ketij postimi, e kuptojmi edhe parullen e Ministrit tonë: "toleranca fetare shkelen sot në Shiperi dhe jemi gati t'ju japim mesime edhe vendeve tjera të BE-ne" ky refren duket si i fryer teper, sikur te thoshim, po, ishim tolerant ne shekullin e XIX-te po, ose para 30 vitesh, që nuk kishte dallime fetare, kishte rrespekt e barazi, por jo sot, sadoqe duajmi ta mbrojmi kete status te nje vendi ku gjoja se mbretnon bashkejetesa 'fetare" por mjerishte eshte kthyer ne nje "tirani" te perditshme ku secili komunitet fetar sulmon haptas tjetrin dhe kete ta quajmi toleranc fetare ? Ju lutemi, lexoni temat e hapura keto 9 vite vetem ne kete forum, nje tem e hapur rreth ndonje problemi rreth fe, kishes apo xhamis...sulemi si mizat qe te shahemi mes veti dhe guxojmi te themi ende se, ne jemi tolerant rreth pytjeve fetare ?
Duhet ta pranojmi; asnjehere nuk kemi kene më te acaruem mes veti se keto 10 vitet e fundit, per reklllama qe iu eshte pergjigjur Ministri i yni homologut greke eshte si thoe; fol e rruaj vôé...!
Se athua ne jemi kalamaj e nuk e kuptojmi problemin tone sot ? Po neser apo brenda 50 vitesh, çfare do na thote Ministri yni, çfare parashikimesh ka per te ardhmen, apo ndoshta do mbrohet gjithnje me moton; "jemi shembulli me i shkelqyer ne bote per tolerancen fetare" apo si do te perfundojmi, deri ku eshte kufiri i kesaj tolerance ?
Si mund te themi se, kemi toleranc fetare kur 80% te kohes e te aktualiteteve ua kushtojmi sot kesaj problematikes fetare ?
Toleranca nder-fetare zevendsohet me Tirani absolute=me i zoti sundon !
Ju lutemi, duhet te pranojmi se, nuk jemi ne terezi..!

[Sorkadhe_Kelcyre]

E verteta e zbuluar nga historiani me i vjeter ne shqiperi , Prof. Dr. Kristo Frasheri


Skandali i Kishës së Përmetit, pazaret për vetëm 25 metra që u takojnë
» Dërguar më: 26/08/2013 - 15:27


Prof. Dr. Kristo FRASHËRI

Ka disa ditë që në Përmet disa priftërinj të krishterë ortodoksë të shoqëruar nga një grup qytetaresh apo qytetarësh të zbritur në qytet me autobusë nga Gjirokastra, Leskoviku, Erseka, vunë kujën sikur vajtonin para një "lipsani", i cili ende nuk ishte varrosur. Kush nuk e di arsyen e kësaj kuje të jashtëzakonshme habitet kur mëson se nuk është fjala për një lipsan, për një njeri të vdekur, por për një Shtëpi Kulture, e cila nuk shembet, por kthehet në identitetin e saj. Përse atëherë kjo kujë e priftërinjve dhe e këtyre pak vajtorëve të grumbulluar me porosi nga lart? Për ata që nuk e dinë, le ta mësojnë!
* * *
Dikur në qendrën e qytetit të Përmetit, në periferi të Pazarit, ekzistonte një kishëz e vogël me dimensione afërsisht 6x5 m, kryesisht për pazarakët dhe për pronarët e dyqaneve të pazarit. Quhej Kisha e Shën Mërisë së Pazarit. Për qytetarët dhe familjet e tyre, ekzistonin dy kisha të mëdha, të cilat janë në funksion edhe sot - Kisha e Shën e Premtes dhe Kisha e Shën Kollit. Vlerë të veçantë ka pasur, ashtu siç e ka edhe sot, Kisha e Shën e Premtes. Në këtë kishë meshonte edhe Mitropoliti i Korçës, nga i cili varej edhe Kisha e Përmetit, kur ai vizitonte qytetin. Me sa thuhet, Kisha e Shën Mërisë së Pazarit është ndërtuar në shek. XVII. Nuk ka pasur vlerë historike apo artistike të veçantë. Pavarësisht nga kjo, ajo ishte një objekt i shenjtë për qytetarët.
Nuk dua të flas për rrethanat e dëmtimit që ajo pati kur Përmeti u dogj më 6 korrik 1943 nga fashistët italianë, mbasi ndonjë përmetar i moshuar mund të ketë tjetër pikëpamje. Unë e mbaj mend Kishën të parrënuar, siç ishte më 1938 kur unë kalova pushimet në Përmet, dhe të dëmtuar, kur shkova në Përmet më 1949. Rëndësi ka fakti se pas çlirimit qytetarët e Përmetit nuk patën mundësi ta rindërtonin Kishën, pasi qenë të angazhuar me rindërtimin e qytetit të bërë shkrumb e hi më 1943. Veç kësaj, përmetarët e paktë në atë kohë, nuk e ndjenin nevojën për rindërtimin e saj, mbasi dy kishat e tjera të qytetit kishin shpëtuar pa u dëmtuar.
Në planin urbanistik të hartuar pas luftës, më 1962-shin, për qytetin e Përmetit, në pjesën ku ndodhej Kisha e Shën Mërisë me disa baraka të parëndësishme që zëvendësuan objektet e djegura, shteti vendosi të ndërtonte dy objekte për të cilat kishin nevojë të ngutshme qytetarët - degën e Bankës së Shtetit Shqiptar dhe Shtëpinë e Kulturës në qytet, të rrethuar nga një lulishte e vogël. Trualli i Shtëpisë së Kulturës, e cila mori emrin "Naim Frashëri", prej rreth 600 m², përfshiu edhe truallin e Kishës rreth 25 m². Qeveria komuniste e kohës mund të kritikohet përse nuk e rindërtoi Kishën, e cila u shërbente vetëm banorëve ortodoksë, por ndërtoi Shtëpinë e Kulturës, e cila u shërbente të gjithë banorëve, pavarësisht nga përkatësia fetare. Përgjigjen e kuptojnë të gjithë, po të kemi parasysh se shteti komunist deri më 1967 nuk interesohej për objektet fetare të çdo riti, kurse pas vitit 1967 ai jo vetëm i braktisi, por edhe u ngrit kundër tyre.
Pas përmbysjes së regjimit komunist, kur u rimëkëmbën institucionet fetare, filloi dhe interesimi për rimëkëmbjen e faltoreve të rrënuara. Në këto rrethana, Kisha Ortodokse Autoqefale Shqiptare u interesua dhe për Kishën e Shën Mërisë së Pazarit të Përmetit. Organet e KOASH-it (Kisha Ortodokse Autoqefale Shqiptare) kërkuan kalimin në favor të Kishës së Përmetit jo të truallit të Kishës së Shën Mërisë, por të gjithë Shtëpinë e Kulturës "Naim Frashëri", me motivacionin se ajo i takonte Kishës së Shën Mërisë, pasi kishte përfshirë edhe truallin e saj. Kisha siguroi një vendim të lëshuar në 26 maj 1995 nga Komisioni i Kthimit dhe i Kompensimit të Pronave. Komisioni i njohu asaj pronësinë vetëm mbi truallin. Kisha mbeti e pakënaqur, mbasi kërkonte të shtinte në dorë edhe ndërtesën. Këtë kërkesë Bashkia e Përmetit e quajti në atë kohë të padrejtë, për arsye se sipërfaqja e Shtëpisë së Kulturës ishte gati 25 herë më e madhe se trualli i Kishës së Shën Mërisë. Veç kësaj, edhe çmimi i Shtëpisë së Kulturës si objekt ndërtimor ishte shumë herë më i lartë se Kisha e Shën Mërisë, e cila, kur u ndërtua Shtëpia e Kulturës ishte gati gërmadhë. Bashkia e qytetit u orvat të hynte në kompromis. Kisha nuk pranoi të shpërblehej me një sipërfaqe me vlerë të barabartë sa ajo që kishte trualli i Shën Mërisë së Pazarit. Kështu, çështja u kaloi organeve gjyqësore. Gjykata e Shkallës së Parë i dha të drejtë Bashkisë së Përmetit, por Kisha nuk u kënaq dhe çështjen e ngriti në Gjykatën e Apelit në Gjirokastër, e cila e ripohoi vendimin e Gjykatës së Shkallës së Parë. Përsëri Kisha e Përmetit mbeti e pakënaqur dhe e ngriti çështjen në Gjykatën e Lartë, e cila e ripohoi në vitin 2002 vendimin e dy Shkallëve të tjera. Më në fund, me kërkesën e Kishës çështja i kaloi Gjykatës Kushtetuese. Edhe Gjykata Kushtetuese më 2004 ripohoi vendimet e tri Shkallëve të Gjyqësorit. Vendimi përfundimtar i kaloi për zbatim Zyrës së Përmbarimit të Përmetit. Pikërisht në këtë moment, çështja u bllokua. Për habinë e të gjithë qytetarëve, Zyra e Përmbarimit "me urdhër nga lart", nuk e zbatoi vendimin e Gjykatës Kushtetuese. Kjo do të thoshte se në Shqipërinë demokratike nuk vlen vendimi i Gjykatës Kushtetuese dhe se më tepër se Gjykata Kushtetuese vlen vullneti i një kryepeshkopi, i cili vazhdon të pretendojë se për çështjet e "shenjta" nuk vlejnë ligjet e shtetit, madje as Kushtetuta. Kështu, Shtëpia e Kulturës u kthye në mënyrë arbitrare në Kishë, kurse qytetarët e Përmetit mbetën pa Shtëpi Kulture. Veprimi i Zyrës së Përmbarimit, ishte jo vetëm një shkelje e padëgjuar e vendimit të Gjykatës Kushtetuese të Republikës së Shqipërisë nga një zyrë lokale si Zyra e Përmbarimit të Përmetit, por edhe diçka më tepër. Nga ana e arkitekturës, ajo ishte ndërtuar si Shtëpi Kulture me sallë për konferenca dhe sallë për bibliotekë, për zyra administrative dhe për ambiente pune, me korridore dhe me ambiente për nevoja personale. Orientimi i saj nuk ishte siç e kërkon Kisha Ortodokse, nga perëndimi në lindje, por nga veriu në jug. Dukej qartë se frymëzuesit e kësaj kërkese kërkonin ta linin Përmetin, këtë pararojë të Rilindjes Kombëtare, pa Shtëpi Kulture shqiptare. Ata kërkonin, siç vazhdojnë të kërkojnë, të zbojnë nga Përmeti Naim Frashërin për qëllime të errëta. Ndryshe nuk mund të kuptohet përse me fondet e shpenzuara për adaptimin e saj në Kishë mund të ndërtohej një Kishë ortodokse moderne, në vend të një karikature, siç doli e ashtuquajtura Kisha e sotme e Shën Mërisë së Pazarit.
* * *
Të vjen jashtëzakonisht keq kur mendon se Përmeti, qyteti i luleve, i kulturës rilindëse apo i këngëve dhe i dasmave të kulturuara, qyteti i harmonisë fetare dhe i bashkëjetesës kulturore, të nëpërkëmbet nga një rrufe në qiell të kthjellët. Këtu lind pyetja: Kush e shkrepi këtë rrufe në qiell të kthjellët? Dy qenë përgjegjësit hipotetikë: ose Kisha Ortodokse ose Gjykata Kushtetuese. Dihet se Kisha si institucion fetar, madje jo vetëm Kisha Ortodokse, por të gjitha institucionet fetare monoteiste - kanë pretenduar, sidomos gjatë Mesjetës, të përvetësojnë funksionet e shtetit. Pra, kanë pretenduar që ta mbërthejnë në kthetrat e tyre pushtetin politik, financiar, juridik, ushtarak dhe mbi të gjitha pushtetin shpirtëror mbi popullsinë e vendit të tyre.
Përkundrazi, shteti ka qenë dhe vazhdon të jetë shtet modern kur është shkëputur nga Kisha dhe e ka zhveshur Kishën nga pushteti i dikurshëm politik, ekonomik, juridik, ushtarak dhe e ka lënë të lirë të ushtrojë vetëm pushtetin e saj fetar. Madje, në viset ku ka pluralizëm fetar, pushteti i Kishës kufizohet nga shteti deri në atë masë sa ta ushtrojë veprimtarinë e saj vetëm brenda mureve të faltoreve. Kjo, për arsye se shteti është përgjegjësi kryesor i përparimit, i mirëqenies, i sigurisë, i pronës, i lëvizjes dhe i unitetit kombëtar të shtetasve që banojnë brenda kufijve të tij. Arma më e fuqishme juridike që ka shteti përballë institucioneve politike, ekonomike, shoqërore, ushtarake dhe fetare është Kushtetuta shtetërore dhe organi që vendos mbi të gjithë është Gjykata Kushtetuese.
Po të gjykojmë nga ky këndvështrim ngjarjet që ndodhën këto ditë në Përmet, duhet të pranojmë se veprimi i Kishës së Përmetit, i cili nuk e përfilli vendimin e Gjykatës Kushtetuese të vitit 2002 dhe ngriti dorë kundër tij, duhet dënuar juridikisht.
Ku e gjeti Kisha e Përmetit kurajën për të sfiduar Gjykatën Kushtetuese? Nuk ka dyshim se prapa Kishës së Përmetit qëndron kryepeshkopi Anastas Janullatos, i cili doli haptas kundër vendimit të Gjykatës Kushtetuese. Ai e justifikoi këtë aksion me argumentin e sajuar se Përmeti ka nevojë për Kishën e Shën Mërisë së Pazarit. Të vjen me të vërtetë rëndë kur dëgjon nga goja e një prelati, i cili ia ka falur jetën fesë së Krishtit, që të justifikohet prapa gënjeshtrave. Para së gjithash, Krishti nuk ka predikuar dhunë dhe mosbindje, por përulësi dhe urtësi. Në rast se dikush të godet në njërën faqe, Krishti të porosit t'i kthesh dhe faqen tjetër. Nuk ka dyshim se ata priftërinjtë e Përmetit që mashtruan Kryetarin e Bashkisë dhe përdorën dhunën ndaj policëve për të hyrë në Shtëpinë e Kulturës, Hirësia e tij duhej t'i dënonte publikisht dhe jo t'i ledhatonte. Me ç'kurajë Hirësia e tij deklaroi se në Përmet po përsëriteshin ngjarjet e shëmtuara të vitit 1967? Ngjarjet e vitit 1967 mos u përsëritshin kurrë, por ngjarjet e ditëve tona nuk kanë asnjë ngjasim me ato të vitit 1967. Më 1967 kishat dhe xhamitë pa përjashtim u mbyllën të gjitha, madje shumë prej tyre u rrënuan ose u adaptuan për funksione të tjera. Përkundrazi, tani në vitin 2013 nuk është e vërtetë ajo që thotë Hirësia e tij se Përmeti mbeti pa Kishë. Kjo është gënjeshtër me brirë. Përmeti ka dy kisha historike, të cilat funksionojnë rregullisht për besimtarët ortodoksë. Në Përmet nuk u ndalua Kisha Ortodokse, siç aludon zoti Janullatos, por u mbyll vetëm një ndërtesë, e cila përdorej abuzivisht si kishë. Askush nuk e pengon bashkësinë ortodokse të Përmetit që ta rindërtojë Kishën e Shën Mërisë së Pazarit, por jo atje ku ka qenë mbasi trualli i saj tani i përket Pallatit të Kulturës. Hirësia e tij Janullatos kërkon medoemos që Shtëpia e Kulturës në Përmet të kthehet në kishë, sepse në një cep të tij ndodhet trualli i Kishës së dikurshme të Shën Mërisë, të cilin perëndia e kishte kthyer në një truall të shenjtë. Shikoni djallëzinë: për 30 m² kërkon të marrë 600 m² dhe për një gërmadhë të marrë një pallat modern.
Ne dimë se perëndia e ka bekuar gjithë rruzullin tokësor. Para së gjithash, Zoti ka bekuar tokën e bukës e cila na mban gjallë. Tokën e kthen në një truall të shenjtë jo Zoti, por bashkësia njerëzore që e ndërton faltoren mbi të. Nga historia e krishterimit kemi mësuar se në truallin e saj dikur varroseshin shenjtorët ose vendoseshin eshtrat e tyre. Për këtë arsye, ato adhuroheshin si troje të shenjta. Dihet se shumica e kishave të sotme janë ndërtuar nga bashkësitë fshatare dhe qytetare për nevojat e tyre shpirtërore, pa pasur në truallin e tyre eshtra shenjtorësh apo dëshmorësh. Ato janë për besimtarët të shenjta, mbasi në to kryhen shërbesat liturgjike. Ka raste kur bashkësitë fshatare e kanë shpërngulur kishën e vjetër në një truall të ri dhe askush nuk e ka quajtur këtë veprim si sakrilegj. Kishën e bëjnë objekt të shenjtë ikonat ose afresket e shenjtorëve dhe të martirëve, të cilët zëvendësojnë eshtrat e tyre.
Tirana, kryeqyteti i Shqipërisë, dikur ka pasur dy kisha. Më e vjetra ishte Kisha e Shën Prokopit, trualli i së cilës tani ndodhet në sheshin "Nënë Tereza". Tjetra, Kisha Katedrale e Hyjlindëses, e cila ndodhej afërsisht atje ku sot është ndërtuar Hotel "Tirana Internacional". Në vitet '60, plani urbanistik i kryeqytetit i shembi të dyja këto kisha. Ato u zëvendësuan me dy kisha të tjera. Pyesim Hirësinë e tij, përse nuk kërkon ta aneksojë Hotelin "Tirana Internacional", i cili ka përfshirë në cepin e tij verior edhe truallin e Katedrales së Hyjlindëses? Ku vajti shenjtëria e truallit të Katedrales?
Tani le të kthehemi te Kisha Shën Mëria e Pazarit në Përmet. Pyesim: Përse zhurmë për një kishëz periferike dhe heshtje për një katedrale kryepeshkopale? Ne dyshojmë se në këtë mes lëvrijnë motive të tjera. Duket sheshit se këtu lëvizin motive politike, madje të një politike të djallëzuar. Përmeti është një qytet në të ashtuquajturin "Vorio-Epir", trevë të cilën Athina e lakmon ta aneksojë. Meqenëse në Përmet nuk ka banorë grekë, nacionalistët e Athinës përpiqen ta helenizojnë me rrugë të ndryshme, me helenizimin e përmetarëve që banojnë në Greqi, me përhapjen e ritualit greqisht në kishat e qytetit, me anën e pensioneve sociale nga ana e administratës greke, me shkollat greke që Hirësia e tij mendon të hapë së afërmi dhe me rrugë të tjera. Në këto rrethana, Shtëpia e Kulturës e cila mban emrin e "Naim Frashërit", nuk mund t'i shërbejë në asnjë çast platformës heleniste të Athinës. Kjo është arsyeja përse Hirësia e tij ngul këmbë që Shtëpia e Kulturës të kthehet në Kishë Ortodokse.
* * *
Shtypi ynë i përditshëm së bashku me median elektronike i ka dhënë hapësirë aksionit që ndërmorën priftërinjtë e Përmetit kundër Shtëpisë së Kulturës "Naim Frashëri". Duke shfrytëzuar lirinë e shtypit, gazetarët tanë demokratë shkruajnë mbarë e mbrapsht për këto ngjarje. Së bashku me disa të vërteta, jo pak prej tyre përcjellin tek lexuesit edhe njoftime të pasakta, madje në ndonjë rast edhe të dëmshme për çështjen që ata mendojnë se e mbrojnë. Ngrihet një qytetar në Korçë dhe flet sikur është ministër apo kryeministër, kur thotë: "Në emër të Komunitetit Ortodoks të Shqipërisë, ne dënojmë veprën e Bashkisë së Përmetit, e cila e ka rrëmbyer Kishën e Shën Mërisë së Pazarit". Dua ta pyes këtë korçar të fantaksur: Kush ta dha këtë të drejtë që të dënosh edhe në emrin tim Bashkinë e Përmetit? Ngrihet një tjetër gazetar, i cili shkruan në gazetën e vet se në Përmet ndodhi një përleshje midis banorëve ortodoksë dhe policisë private. Dua ta pyes këtë gazetar: Ku e gjete këtë të drejtë që dhjetë apo dymbëdhjetë njerëz të ardhur me autobus nga Gjirokastra apo Leskoviku u përleshën me policinë private të Bashkisë dhe këta t'i quash banorë të Përmetit? Përse jo pak gazetarë i fyejnë si pa të keq përmetarët duke i rreshtuar në falangat e Janullatosit? Një tjetër gazetar shkruan se në përleshjen midis përmetarëve ortodoksë dhe policisë private u plagosën dy vetë dhe kur jep emrat e tyre del se ata nuk janë përmetarë, por njëri nga fshati Musi e Sarandës dhe tjetri nga fshati Xarë po ashtu i Sarandës. Ju lutem, të dashur vëllezër gazetarë, mos e shpërdoroni penën tuaj, as lirinë demokratike duke nëpërkëmbur sikur lozni domino emrin e nderuar të përmetarit. Nuk dua të them se të gjithë përmetarët janë për t'u lavdëruar. Midis tyre ka edhe njerëz të mbrapshtë, por etiketojini si të tillë kur bëjnë prapësira.
Midis shkrimeve që këto ditë kam mundur të lexoj, më ka bërë përshtypje analiza që u ka bërë ngjarjeve të Përmetit personaliteti i njohur i minoritetit grek: Panajot Barka. Panajot Barka, në artikullin me titull "Kisha e Përmetit, puçi i Berishës për qeverinë e re", botuar në gazetën "Shekulli" në datën 19 gusht 2013, shkruan ndër të tjera: "Në simbolikën e veprimeve që e bëjnë këtë ngjarje tepër të rëndë, tërheq vëmendjen fakti që u hoq (nga Shtëpia e Kulturës - K.F.) kryqi dhe u vendos flamuri kombëtar. U hoq emri i Shën Mërisë dhe u vendos emri i poetit të Rilindjes…(!!!)".
Me gjithë respektin që kam për këtë militant të Partisë Socialiste, le të më falë por do t'ia them troç se po të mos kishte vënë emrin e tij në këtë shkrim do të mendoja se do ta kishte shkruar ndonjë prift grek, i paçliruar ende nga mentaliteti mesjetar, pasi vetëm për ta Shën Mëria vlen më tepër se një hero kombëtar, siç është Naim Frashëri. Arsyetimi im është i thjeshtë, i nderuar Panajot. Shën Mëria nuk më çliroi nga zgjedha osmane. Ai që më çliroi ishte Naim Frashëri. Vëlla, me bashkatdhetarët e mi të feve të tjera nuk më bëri Shën Mëria, por Naim Frashëri, madje ajo më përçau me bashkatdhetarët e mi të besimeve të tjera. Identitetin tim kombëtar nuk ma kaliti Shën Mëria, por Naim Frashëri me shokët e tij. Kjo nuk do të thotë se nuk e çmoj Shën Mërinë, por si yll polar kam Naimin dhe rilindësit e tjerë. E vlerësoj Shën Mërinë si nënën e Krishtit për dhembshurinë që ajo përhap tek njerëzit dhe për frymëzimin që më jep të dua atdheun.
Në artikullin tuaj ju shkruani: "Ortodoksia në Shqipëri është vënë në pozita inferiore. Inferioriteti buron prej pretendimit absurd të identifikimit të kësaj kishe me helenizmin". Është e vërtetë ajo që thoni ju, se ortodoksia në Shqipëri është vënë në pozita inferiore. Kjo ndjenjë inferioriteti më ka prekur edhe mua, pasi i përkas me rrënjë e me degë bashkësisë ortodokse shqiptare, ndonëse në të vërtetë nuk jam ortodoks praktikant. E njoh ortodoksinë jo vetën nëpërmjet ambientit tim familjar, por edhe nëpërmjet historisë së saj. Ka disa vite që po merrem me historinë fetare të Shqipërisë, të cilën shpresoj ta botoj përpara se të mbyll sytë. Kam lindur në Stamboll më 1920 dhe jam pagëzuar në Kishën e Shën Triallës së Bejollës, e cila ndodhej në juridiksionin e Patriarkanës Ekumenike të Kostandinopojës. Im atë, Anastas Frashëri, më 1922 ka qenë korrespondenti i gazetës "Shqipëria e Re" të Kostancës, Rumani, kur zhvillohej Kongresi i Beratit, i cili themeloi Autoqefalinë (Pavarësinë) e Kishës Ortodokse Shqiptare. Madje, ai ka shoqëruar si gazetar delegacionin kishtar shqiptar në takimin që pati më 1922 me Patriarkun Ekumenik të Kostandinopojës. Prej tij kam mësuar jo pak hollësira rreth luftës që zhvillohej brenda për brenda Kishës Ortodokse Shqiptare për t'u shkëputur nga presioni i Kishës Ortodokse greke. Ndoshta ju mund ta dini, por unë dua ta përsëris për ata që nuk e dinë, se kisha ortodokse përvetësoi që në fillimet e saj se krishterimi u përket kombeve dhe jo një kombi të vetëm, sado që ky komb mund ta ketë konsideruar veten e vet të privilegjuar nga perëndia, siç mendojnë priftërinjtë grekë. Në bazë të këtij parimi universal, lindën kishat nacionale në çdo shtet-komb. Kështu, gjatë shekujve lindën Kishat Ortodokse Autoqefale bullgare, ruse, serbe, rumune, derisa erdhi viti i bekuar 1922, kur edhe kombi shqiptar shpalli Kishën e vet Autoqefale.
Parimi i dytë i ortodoksisë universale, të cilin duhet ta përsëris gjithashtu për ata që nuk e dinë, ka qenë dhe vazhdon të jetë solidariteti midis kishave ortodokse autoqefale të kombeve të ndryshme, por jo zgjedha e njërës nga tjetra. Secila kishë autoqefale e ka për detyrë të shenjtë të respektojë dhe jo të gllabërojë pavarësinë e simotrës kishtare. Me keqardhje jam i detyruar të them se Kisha Ortodokse Autoqefale greke nuk i ka respektuar asnjë nga të dyja këto parime ndaj KOASH-it. Ngjarjet që ndodhën para Luftës së Dytë Botërore, nuk është nevoja të përsëriten. Ato i ka përfshirë tashmë historia. Më në fund, Kisha Ortodokse greke u detyrua në atë kohë ta respektonte KOASH-in. Përkundrazi, pas Luftës, Athina si qeveri apo si kishë, kjo është punë e saj, u kthye qindra vjet mbrapa. Meqenëse Kisha Shqiptare ishte shthurur organizativisht nga regjimi komunist, ajo kishte nevojë të rimëkëmbej me institucione, me kuadro dhe me faltore. KOASH-i nuk kishte peshkopë për të krijuar një Sinod. Iu drejtua për ndihmë Patriarkatit të Kostandinopojës. Këtë nevojë të domosdoshme e shfrytëzoi Athina. Në bazë të porosisë së Patriarkatit të Kostandinopojës, Athina dërgoi në Shqipëri një misionar për ta ndihmuar si ekzark Kishën Shqiptare të rimëkëmbej. Ky misionar me emrin Anastas Janullatos do ta ushtronte misionin e vet si ekzark dhe jo si kryepeshkop, pra si misionar i përkohshëm. Si ekzark, sapo të realizonte detyrën e ngarkuar, pra sapo të formohej Sinodi i Shenjtë duhej të largohej nga Shqipëria. Me largimin e tij, Sinodi i Shenjtë duhej të zgjidhte kryepeshkopin e Shqipërisë. Ardhjen e tij me detyrë si ekzark, në Shqipëri e miratuan edhe Presidenti i Republikës, Ramiz Alia edhe kryeministri, Fatos Nano, edhe kryetari i opozitës, Sali Berisha. Por ç'ndodhi? Ju, i nderuar Panajot, duhet ta mbani mend, se Hirësia e tij e shkeli fjalën. Me kombinacionet e ndryshme që kurdisi mbrapa skenës dhe me një skenë teatrale që organizoi te Hotel "Tirana Internacional", ai e shpalli veten Kryepeshkop i gjithë Shqipërisë. Me keqardhje të thellë duhet ta them se ai veproi si një hileqar.
Hirësia e tij Janullatosi nuk është shqiptar, siç e kërkon Statuti i KOASH-it. Ai është grek jo vetëm nga kombësia, por edhe nga ideologjia nacionaliste greke. Ai nuk është misionar ortodoks por një agjitator i nacionalizmit grek, i cili ka për detyrë të përgatisë rrethanat e aneksimit të Shqipërisë së jugut nga Greqia. Kjo është arsyeja përse ai nuk shqetësohet për katedralen e Hyjlindëses së Tiranës, kurse po bën çmos që Shtëpia e Kulturës në Përmet të qëndrojë si kishë e Shën Mërisë. Atë e tërbon emri i Naim Frashërit.
I nderuar zoti Panajot! Në qoftë se do t'i gjykosh ngjarjet e Shqipërisë me syzet e Athinës, nuk ke për t'i kuptuar kurrë rrënjët e vërteta të ngjarjes. Ortodoksinë në Shqipëri nuk e kanë diskretituar të huajt, as priftërinjtë apo hoxhallarët e huaj. Ortodoksinë në Shqipëri e ka diskretituar vetë qeveria greke me politikën e saj antishqiptare, të cilën e ndihmon me sa mundet kryepeshkopi Anastas Janullatos. Aluzioni që bëni ju, zoti Panajot Barka, se Greqia do ta pengojë Shqipërinë të hyjë në Bashkimin Europian, mund të ndodhë. Ndoshta këtë kërcënim ju nuk e keni nga vetja juaj. Mbase është edhe porosi apo sugjerim. Por unë nuk e besoj. Europa nuk është Greqi. Udhëheqësit e Europës së përparuar nuk janë grekë të fantaksur. Nuk është Europa ajo që varet nga Greqia, i dashur Panajot, por është Greqia që varet nga Europa, sidomos tani që është e mbytur në borxhe. Udhëheqësit e Bashkimit Europian janë çliruar prej kohësh nga mentaliteti mesjetar ballkanik, i cili ua turbullon ende kokën ministrave dhe prelatëve të Athinës. Mjafton të kujtojmë atë që ndodhi të mërkurën, më 21 gusht. Në mëngjes Greqia, duke shkelur vendimin e Shengenit, ndaloi hyrjen e shqiptarëve në Greqi, kurse disa orë më vonë u detyrua të tërhiqet. Përfundimisht, britmat e priftërinjve të Përmetit janë shashka që trembin vetëm laraskat. E drejta nga çdo pikëpamje qëndron në anën shqiptare. Shqipëria ka për detyrë t'i kthejë Kishës së Përmetit tokën e Shën Mërisë së Pazarit, mbase dhe ndonjë pëllëmbë më tepër, kurse priftërinjtë që shkelën vendimin e Gjykatës Kushtetuese dhe prishën rendin publik, duhen dërguar para gjyqit. Ndërkohë, Hirësia e tij kryepeshkopi Anastas nuk është keq të përgatisë baulet dhe të shkojë nga ka ardhur. E siguroj se do ta përcjellim me një "udhë të mbarë!". Atëherë, i them zotit Panajot Barka, do të shohë se si do të lulëzojë ortodoksia në Shqipëri.

[mitjuk]

Kreksi JAM DAKORT ME GJITHA ATO QE JU keni then,une personalisht nuk jam si do grkofil qe duan Anastasin me klerikt shovinist,se kuptok pse gjith ky entuziasem,tepakten nga dy fet njera per islamizem kjo eshte tek kosovart dhe tek shqiptart maqedonas,ndersa gpro greqizimit jan do Grekofil si ky Spihuni greko fil qe paguhet per te ber rreklama per klerikt Grek dhe per ti lartesuar ne piedestal,e shum e shum si ky,pra me habit edhe ky Spiro edhe Albo qe nuk flasin per shqiptart qe u bllokuan e per çfar se u teket ***** Greqis se gjoja problemi i kishes ortodokse kjo i tako shqiperis ska tedrejt Greqia te nderhyj ne politiken e brendeshme te shqipris,po keta Greko filt si Ky Spiro,pse nuk kerkojn te kerkojn tedrejtat e çameris qe i kan pasurit ne trojet e tparve te tyre qe sot i ka nen administraten Greke shoviniste qe largoi shqiptart me dhun duke i djegur fshatrat me shtepi e katandi,ky po qe eshte problem madhor por jo problemi i nje kishe gjoja eshte tok e shejt,o zotni kisha e ben truallin e kishes te shejt sa her ti doj qefi isaj pa pasur problem se ku ndodhet ajo toke ne mal apo ne fush,problemi eshte qe shovinizmi grek me ne krye Anastasin dhe klerikt ortodoks grek duan destabilizim te qytetarve shqiptar,duan qe te fusin ngatrres shtetin me ortodoksin,duan qe te greqizojn jugune shqipris,pra kerkojn ate qe ne vend qe ta kerkojm ne te na bashkangjiten trojet tona ,greku kerko ate qe si tako me as nje tedrejt nderkomtare e njerzore,kta jan shtet i vogel menderisht por qe bejn shum pun per poshtersit,jan gabel ne paraqitje,jan gabel nga shpirti dhe trupi,por ja edhe te pabes,pra shqetsimi im eshte personal po aq sa dhe komtar,une smendoj siç mendojn keta mendje shkurtrit ,te shfrytzojm ate qe ne e quajm rehatldhek pa e menduar se kush na e jep e pse na e jep ,kta mendojn shkurt interesin personal,kta jan thjesht halet e kombit kshu i konsideroj une keta tipa flm per mirkuptimin,nje pjes e bashkekombasve tane nderrojne sipas kohes dhe interesit.

[Kreksi]

Pse, a nukj qenka nderhyrje e Arabve dhe e turqve ne trojet tona ? ..ata mbaruan dhe ende nuk e perfunduan missionin e tyre duke ndertuar xhamia njera pas tjetres dhe gjiuthnej edhe me te medhaja..lol ! Si eshohim vella i dashtun, te gjithe synojne se si ta na sundojne permes feje...por ende nuk jemi duke e pare...
Mendoj se kjo pytje se a duhet te lejohen besimtaret te luten ne kete ndertese apo jo i'u takon vetem qytetarve qe jetojne aty, pra, le te dalin ne Referandum !
E pabesueshme kjo, per 25 metra katrore(siç e tha K.Frasheri) te behet gjithe ky nam ne media..

HArapet po na mbjellin ne arat tona te bukes xhamia qe shumohen si kepurdhat dita me dites e ne tregojmi me gidhte gjurmet e ujkut e jo ujkun..

Po ju tregoj nje rast te vertete; gjate nje shfaqje te nje filmi shqiptar ketu ne Paris, qe ishte me tematik aty edhe toleranca fetare, sepse problemi vinte nga zhurma kembanes së kishes dhe tjetren anë zëri i myezinit.. dhe kur mbaroi filmi, u ngrit nje shikues qe vinte nga Somalia, i habitur me skenat e filmit qe kishte pare, ai tregoi rastin e xhaxhait te tij atje ne Somali qe i kishte ndoshur para ca vitesh, se, besimtaret kishin ndertuar nje xhami mu afer shtepise se tij por ky xhaxhai i tij nuk arrinte te pushoje si duhet nga zhurma 5 here ne ditje e autoparlantit...dhe kishte vendosur te padiste imamin, duke kerkuar nga gjykata se, ta largonin xhamin 100 metra pertej shtepise se tij, dhe pas sa e sa perpjekjesh ia kishte arritur dhe me te drjete e kishte fituar procesin..!
...imagjinojeni ne Somali dhe ka drejtesi !..ne shqiptaret qe ishim aty prezent, mbetem gojhapur..ç'te thoshim ?

Si shihet, ne kemi hyre ne nje rruge qorre...

[shitesi]

E verteta e zbuluar nga historiani me i vjeter ne shqiperi , Prof. Dr. Kristo Frasheri


Skandali i Kishës së Përmetit, pazaret për vetëm 25 metra që u takojnë
» Dërguar më: 26/08/2013 - 15:27


Prof. Dr. Kristo FRASHËRI

Identitetin tim kombëtar nuk ma kaliti Shën Mëria, por Naim Frashëri me shokët e tij. Kjo nuk do të thotë se nuk e çmoj Shën Mërinë, por si yll polar kam Naimin .....



Përfundimisht, britmat e priftërinjve të Përmetit janë shashka që trembin vetëm laraskat. E drejta nga çdo pikëpamje qëndron në anën shqiptare. Shqipëria ka për detyrë t'i kthejë Kishës së Përmetit tokën e Shën Mërisë së Pazarit, mbase dhe ndonjë pëllëmbë më tepër, kurse priftërinjtë që shkelën vendimin e Gjykatës Kushtetuese dhe prishën rendin publik, duhen dërguar para gjyqit. Ndërkohë, Hirësia e tij kryepeshkopi Anastas nuk është keq të përgatisë baulet dhe të shkojë nga ka ardhur. E siguroj se do ta përcjellim me një "udhë të mbarë!". Atëherë, i them zotit Panajot Barka, do të shohë se si do të lulëzojë ortodoksia në Shqipëri.

I gjithe shkrimi i zotit Kristo ishte i shkelqyer.Tre kater vete qe shkruajne ne mbrojtje te greqerve ketu ne forum nuk krijojne dot opinion te ndryshem nga ai i ortodokseve Shqiptare.Manipulimi i njerezve nepermjet fese eshte i turpshem dhe i neveritshem.Sa mire do ishte te kish zot ..........

[shitesi]

LETER E HAPUR

ME RESPEKT OLTI PANARITI

Kush jeni ju qe na detyroni te mendojme si ju ?? Une jam Ortodoks puro jo nga keta te viteve te fundit !! Jam nga ata pasardhesit e fshatit Panarit qe greket e rropen per se gjalli !! Na vrane gjysher, na vrane nena, baballare, e lyen ne gjak fshatin tim !! Une jam nga ai fshat dhe jam Ortodoks nuk do ta mohoj kurre !! Kam dite qe duroj dy lloje rrepresionesh … njeri vjen nga ata qe na quajne greke por ne nuk jemi grek sepse e kemi lyer me gjak Shqiperine ne cdo cep te saj, e nga krahu tjeter jane ca Ortodokse te tjere qe jane verbuar aq shume sa jane leshuar si demi ne lecke te kuqe per ti rene kujtdo qe mendon e tregon ndryshe !! Biles edhe te gjykojne te thote se po mendon ndryshe je i shitur je turk, je agjent, je sirian e kushedi se cfare ! Jo more zoterinj une jam krenar qe jam Ortodoks nga nje krahine e madhe e me emer qe quhet KOLONJE , jam krenar qe kjo zone i ka dhene Shqiperise klerike shqiptare me zemer e shpirt me vepra te paepura nder shekuj !!
Jam nga vendi i Fan Nolit, i Papa Kristos, i Petros, por edhe i Sali Butkes, Spiro Bellkamenit, Themistokli Germenjit , Zylyftar Podes, Konices, Qiriazeve e sa te tjereve !! Jane Myslimane e Ortodokse qe kane qene si vellezer me njeri tjetrin !! Petro rrinte ne shtepine e Bukes ashtu si Spiro Bellkameni , Mihal Grameno e Themistokliu sepse ata skishin ndarje fetare !!! Po jam Ortodoks nga ai sua une…. E pikerisht se jam nga ai sua nuk behet dot me nje prift qe u kap me rrecka ne dore sepse kish vjedhur kocka per ti shitur si ushtare !!! E nese e them kete mendim ka disa Ortodokse qe me shpallin armik, te çmendur, te paudhe , te mallkuar … keshtu bene edhe atehere po po keshtu edhe atehere ne fillim vitet 1900 kur u masakruan Ortodokset patriote ne Erseke , Leskovik, Korce e Permet …..
Pse nuk restaurohen dy kishat e tjera ne Permet ja keni thene njerezve o ju qe me shpallni armik ??? Jua them une sepse tek njera meshonte ne shqip At Stath Melani dhe ne ate vend ju pre koka nga greket e ai u varros aty pa koke , ndersa ne kishen tjeter ka meshuar Fan Noli !!! Jap se nuk restaurohen dy kishat e tjera , pikerisht per kete !!!
Feja o ju qe me keni shpallur armik nuk eshte nje prift apo ca prifterinj, feja eshte besim, eshte dashuri, eshte bashkepunim, eshte ndermjetesim, eshte paqe, nuk eshte dhune e kercenime jo nuk eshte !!!
Doni te me shpallni armik asnje lloj problem nuk ka, shpallmeni …. Ju nuk e kuptoni qe ju sot po krijoni padashje Heronj te tjere . Duke I shkuar pas jo besimit Ortodoks Shqiptar por verberise ju po krijoni Luarase te tjere, Papa Llambro Ballamaçe te tjere, Visarion Xhuvane te tjere… kete nuk do ta ndalni dot ju me mallkimet tuaja …. Une jam ORTODOKS krenar me shpirt te lire Shqiptar me te njejtin gjak si ai I KOLONJAREVE qe dhane shpirtin per Shkronjat SHQIPE !!! Mallkomeni por mua nuk me zene paçavrat siç thoshte Migjeni sepse une kam besim te paster ne shpirt , besim ne ate zot qe per ne flet shqip e jo greqisht , sic per ruset flet rusisht, per bullgaret bullgarisht, per maqedonasit maqedonisht…. Tani Mallkomeni ju te verber veç diheni se kur mbijetuam nen pushtimin Osman e ate Grek per shekuj me rradhe keto mallkime na duken lojra, e na forcojne , e na bejne me te vetdijshem per misionin tone , ate mission qe Petro Luarasi e cilesoi te domosdoshem , misionin per ti folur Shqiptareve ne gjuhen e memes!!
Tregojuni njerezve qe ungjillin e ka perkthyer edhe Petro Luarasi, At Stath Melani, Papa Kristo Negovani … pse nuk kerkoni ato rradhe ??? nuk kane ndryshim , thjesht nuk jane greqisht, por jane ne gjuhen e memes ne shqipen tone !!! Une jam Ortodoks si ata e si ata do vdes e dijeni ju qe shumica jane si une , jane nga ai gjak qe leu jugun e shqiperise me patriote te medhej !!!!

TANI MALLKOMENI JENI TE LIRE

OLTI PANARITI

Olti Panariti i ka hequr masken kesaj tragjikomedie qe po luhet keto dite.Pra kishat e verteta Shqiptare jane lene ne meshire te fatit vetem se aty lutjet beheshin Shqip.