Kisha e Permetit: Komuniteti i krishtere reagon me nje ze ne mbrojtje te Kishes

[Archon]

Kryepiskopi i Tiranës, Durrësit dhe i gjithë Shqipërisë, Fortlumturia e tij Anastas Janullatos rrëfen historinë e Kishës dhe negociatat që janë bërë rreth këtij objekti.

“Historia zë fill qysh në shekullin XVII. Atëherë u ngrit në qendër të Përmetit kjo kishë. Shumë njerëz të tjerë bënë përpjekje që ta shkatërrojnë në kohë të ndryshme. Dhe e dimë shumë mirë se çfarë ndodhi në kohën e pushtimit gjerman, kur disa bashkëpunëtorë të tyre i ndihmuan për të bërë pikërisht këtë gjë. Faktet dhe ngjarjet janë të njohura. Pra këtë kishë të shenjtë e shkatërruan dhe thanë më pas të bëjnë një vatër kulture, një Shtëpi Kulture. Qoftë edhe sikur ta bënin këtë gjë, qeveria shqiptare e di mjaft mirë se çfarë kishash ka konfiskuar në kohën kur u bë persekutimi.

Ai ka bërë pyetje rreth ngjarjeve, duke dëshmuar për atë që e quajti, "dhunë kundër klerit dhe besimtarëve, vandalizëm dhe akte sakrilegji në kishën e shenjtë të Virgjëreshës Mari në Përmet”. Dhe ata nuk kishin nevojë as për të bërë hetime, as për të bërë komisione për të marrë vesh se çfarë kishin konfiskuar ata vetë. Ka foto të qarta që tregojnë kishën aty në qendër të qytetit. Ishte shumë e lehtë që ata të na kthenin këtë vend të shenjtë. Dhe kanë bërë ligje të veçanta ku thoshin se në rast se shteti ka vënë 5 gurë më shumë në atë vend, kisha nuk mund ta marrë mbrapsht këtë vend dhe bënë ligje që ishin të pa mend dhe ligje që ishin mjerane në vetvete. Në fund fare, në fund të vitit 1998, vendosën që të na e kthejnë kishën përsëri. Dhe paguam 700 mijë lekë të reja për gjoja disa punime që ata kishin kryer vetë në ndërtesë.

Më vonë nisën vënien në dyshim të kësaj të drejte dhe gjyqit, dhe ata të cilët donin që ta përdorin këtëvend në qendër si truall për të bërë pallate dhe për të fituar para për veten e tyre, ata paguanin shumë njerëz të ndryshëm që të vinin në pikëpyetje se kjo kishte qenë dikur një kishë. U bë një gjyq i dytë dhe na dhanë aty të drejtë. Dhe pastaj u bë një gjyq tjetër i cili në bazë të dëshmive të disa personave autoktonë gjoja aty, thanë se kjo nuk kishte qenë kurrë kishë. Pra, gjetën dëshmitarë të gënjeshtërt të cilët deklaruan dhe vunë në pikëpyetje ato gjëra që sot janë të kuptueshme dhe të ditura më së miri.

Ata thonë se gjoja të gjithë muret e kishës ishin shkatërruar dhe kushdo që do të dojë sot mund të shkojë dhe të shohë muret e stërmëdha të kishës së vjetër që ende ndodhen brenda ndërtesës së sotme ekzistuese. Nuk duan të dinë se cila është e vërteta, nuk ju intereson. Ata jetojnë, lëvizin brenda gënjeshtrës. Dhe në vitin 2002 morën një vendim, por e dinin se kjo ishte diçka e gënjeshtërt. Dhe prandaj, për gjithë këto vite nuk guxuan ndonjëherë që të zbatojnë këtë vendim të tyrin të marrë në mënyrë të padrejtë. Dhe shikoni. Këtu nuk bëhet fjalë thjesht për një truall. Nuk bëhet fjalë për disa ullinj. Bëhet fjalë për një vend të shenjtë, ku për shekuj të tërë kryhet mesha hyjnore. Dhe sikundër ka theksuar Asambleja e Kishave të Europës, që të gjithë vendet e shenjta, çfarëdolloj qofshin ato, kisha, xhami teqe, duhet t’u kthehen komuniteteve fetare që ju përkasin.

Kjo Asamble në mënyrë zyrtare dy herë ka bërë një deklaratë të tillë. Dhe ne që të lehtësojmë situatën, shkova unë personalisht dhe u thashë atyre që ne nuk jemi kundër Qendrës Kulturore, kemi për t’ju ndihmuar ne që të blejnë një seli tjetër dhe ta kthejnë në vatër kulturore, në një qendër kulturore të qytetit kur ju dhanë ishshtëpinë, ku atë e kishin oficerët. Por, për ne ky vend është një vend i shenjtë. Pra, është diçka e pakonceptueshme që këta do të vazhdojnë ta ndotin dhe ta përdhosin. Vunë në lëvizje shumë njerëz, madje edhe intelektualë të njohur,që të thonë gënjeshtren e madhe, që të thonë se kishat tona dhe kryepeshkopi qëndrojnë kundër qendrës sonë kulturore. Ne jemi kundër kësaj qendre kulturore?..brenda kësaj kishës katedrale,poshtë saj kemi bërë një qendër kulturore, dhe kisha ortodokse ishte ajo që mbështeti qytetërimin, kulturën këtu në Shqipëri. Dhe që të gjitha ato që shfaqen në botë si trashëgimi kulturore, elementë nga kultura janë ortodokse.Ne qenkemi kunder qendrës kulturore? Nëse kishat tona ortodokse qenkan kundër qendrës kulturore, siç thonë ata, kush e ka kultivuar më shumë se sa ne arkitekturën, pikturën, muzikën, ndihmën reciproke ndaj njëri-tjetrit më shumë se sa kisha jonë. Pra, çfarë qytetërimi, kulture këta kanë ndërmend? Pra, që të vënë kumar dhe bilardo aty brenda. Këto janë ngjarje të hidhura, dhe ne të gjithë e dimë që të gjitha ortodoksët në Shqipëri marrin pjesë në këtë fyerje që na është bërë. Mendoni diçka e cila është shumë e thjeshtë.

Në rast se një grup ortodoksësh , diçka që kurrë nuk mund të shkojë ndërmend nga mendja jonë që mund të ndodhë, të merrte kuranin e një xhamie dhe ta flakte në një kamion. Nuk do të ndodhte revolucion? Dhe, kjo do të bëhej me të drejtë në rast se do të ndodhte.Dhe neve na thonë perse juve protestoni. Sigurisht që kemi për të protestuar. E përsëris që problem ynë nuk bën fjalë për një ndërtesë, por fakti është që kemi të bëjmë me një përdhosje. Të gjithë vendet europiane, sakrilegjin e quajnë vepër penale të dënueshme. Pra, cilët janë ata që duan të na kthejnë mbrapsht në kohë të tjera apo në vende të tjera ku nuk ka qytetërim fare. Pra, kemi thënë diçka shumë të rëndësishme, një marrëveshje që është bërë midis kishës dhe Këshillit të Ministrave dhe kjo marrëveshje u bë edhe ligj. U votua dhe nga Kuvendi, Parlamenti i Shqipërisë. Në këtë ligj të 22.01. 2009, aty thuhet me shumë qartësi: “Qeveria do të kthejë mbrapsht të gjithë monumentet që kanë ngelur dhe që i takojnë kishës ortodokse. Thuhet qartë që shteti garanton lirinë fetare, lirinë e kulti , madje e mbron diçka të tillë. A nuk është ky një ligj i shtetit?

Gjykatat a nuk janë të shtetit? Komisionet a nuk i ka caktuar shteti?Ligjet që mbrojnë komunitetet fetare dhe kishën tonë nuk kanë vlerë dhe paskan vlerë urdhrat që japin disa për të përfituar disa të tjerë? Pra, e përsëris. Këtu nuk bëhet fjalë për një truall. Edhe pse duhet ta dini se trualli ku ndodhet ndërtesa 6 dynym i takojnë kishës me dokumente. Ne nuk diskutojmë fare për truallin, diskutojmë për vendin e shenjtë. Lartësojmë zërin tonë, protestojmë për sakrilegjin që është kryer, jo vetëm kundër ortodoksëve, por kundër çdo njeriu besimtar që beson në Zot. Kundër ortodoksëve është kryer kjo në mbarë botën dhe të të gjithë të krishterëve që janë anembanë botës. Të gjithë respektojnë vendet e shenjta të komuniteteve të tjera nëpër botë.

[Archon]

[Meriamun]

Ne Greqi sensibiliteti orthodhoks eshte i madh,....dhe sigurisht qe nje ngjarje e tille si kjo e Kishes te se Tereshenjtes ka bere shume pershtypje dhe duhet te kete skandalisur shume njerez dhe bile edhe ne sistemin qeveritar,...nderkaq nuk eshte nevoja t`ju rikujtoj se prekja e orthodhoksise ne nje vend cfaredo, duhet te preke dhe te veje ne levizje cdo orthodhoks kudo ne bote qofte dhe jo me nje shtet fqinj si Greqia.

Edhe ne Serbi sensibiliteti orthodoks eshte i madh por nuk pati asnje reagim politik. Me thua dot pse Serbia dhe shtete te tjera qe kane sensibilizim te madh orthodoks nuk reaguan politikisht ndersa qeveria laike greke ne menyre te menjehershme futi hundet ne nje ceshtje kryekeput shqiptare, midis gjykates dhe komunitetit orthodoks shqiptar? Me thua dot perse?!

ga ana tjeter problemi eshte ngritur prej saj dhe bile sot me duket deri ne BE, per faktin se orthodhokset ne Shqiperi jane afer nje persekucioni nga shteti i tyre, ne mos jane realisht nen persekucion.., pra eshte problemi i te drejtave te njeriu qe po shkelen diten per diell ne rastin e Kishes Orthodhokse, dhe ajo ka te drejte plotesisht te jete sensibel ndaj ketyre te drejtave, si vend i BE-se qe eshte,..,..gjithcka qe them eshte e vertetuar me ze dhe me figure: rrihen prifterinj dhe nuk i mbron kerrkush, zaptohet Kisha dhe perdhoset ajo si dhe enet ku pergatitet Kungata: E shenjta e te shenjtave,.hidhet Shkrimi i Shenjte si objekt pa vlere, perdhosen ikona, ,,jane deri me tani 4 a me shume te plagosur,..dhe gjithe keto nga forca paramilitare, (sepse shtetit nuk ja mban te perballet),...

Kush ju ka persekutuar juve mo Ilia ? Kush? A e di ti qe ne 28 mije km katror te republikes sone te cunguar prej vllezerve tuaj ideologjik sllave e greke, ka me shume kisha orthodokse se xhamia e teqe? Persekutim te duket ty kjo pune?
Kush ti ka mbyllur dyert ty? Me thuaj nje emer? Te ka percmuar kush sepse je i krishtere? E ke kishen ne mes tiranes sa stadiumi San Siros. Ta gezoni, s'them gje une, por ska lezet te beni kshu. Jemi te persekutuar thote. Kjo eshte te shkrihesh gazit.

Kjo eshte aresyeja edhe e reagimit te shtetit grek dhe grekerve ne pergjithesi dhe s`na mbetet gje tjeter vetem se t`i falenderojme..

Shteti grek perfaqeson besimtaret e shtetit te tij, ndersa persa u perket besimtareve te shtetit shqiptare i takon ketij te fundit ti zgjidhe problemet qe mund te kene dhe jo shtetit grek. Me te drejte Albo, admin i ketij forumi thote: Mos harroni qe orthodokset jane votues te rregullt dhe ndeshkojne apo favorizojne me vote. Shume mire bejne qe votojne. Domethene qe besimtaret orthodokse kane perfaqesuesit e vete qe mund ti ndihmojne dhe ndermjetesojne ne kete ceshtje.
Reagimi politik nga ana e greqise tregoi dhe njehere qe greqia eshte element destabilizues i rajonit.

[pirro10]

Analiza jo korrekte dhe ateisto-radikaliste që bëri z. M.Nazarko problemit të largimit me dhunë të priftërinjve dhe objekteve të shënjta nga Kisha Shën Mëria e Pazarit dhe radikaliteti acarues me të cilën u mundua të spjegojë mënyrat e zgjidhjes si për konfliktin Kishë Ortodokse më Bashkinë Përmet, ashtu dhe për raportet me Greqinë- tregon edhe njëherë që ky analist ka dizinformuar dhe dizinformon vazhdimisht publikun shqiptar për këto probleme ndoshta jo se i bën me qëllim por se aq e ka kapacitetin e tij mental.
Pa i hyrë imtësirave, ajo që ndodhi në Përmet ka dy aspekte të rënda:
- Mohimi i Pronave të Kishës Ortodokse në Përmet dhe dhunimi i klerikëve e objekteve të tyre të shënjta që i kujton kujtdo- 1967-n,
- Cvendosja me qëllim e ketij konflikti pronësie, me konfliktet politike që ka qeveria shqiptare me Greqinë, kryesisht për pa-aftësinë 22 vjeçare të qeverisë shqiptare për të gjetur rrugë-zgjidhjet
Në të dy këto aspekte banana-analisti Mentor Nazaro i ka hedhur benzinë zjarrit, dhe sipas argumenteve alla Nazarko, kushdo që e dëgjon, duhet pa tjetër `të marrë armët`, `të luftojë grekët dhe ortodoksinë` në Shqipëri, sepse sipas tij, arsyet e acarimit të gjëndjes me Greqinë qënka Kisha Ortodokse e cila ndihmokërka Greqinë në përvehtësimin e Jugut të Shqipërisë dhe të detit?!
Konkluzionet e këtij analisti të famshëm për nga absurditetet, anash kalojnë dhe injorojnë të vërtetën për të dy aspektet të cilat largojnë fqinjësinë e mirë midis dy vëndeve dhe shmangin e përbuzin komunitetin ortodoks në Shqipëri, të drejtat e liritë e tij fetare të mbrojtura me ligj.
Përse është një analist bananesh, ky person, dhe përse banania duhet të simbolizoje një ilaritet dhe buzëqeshje kur përmëndet? Sepse termi `banana` është përdorur nga komediani dhe aktori amerikano-çifut me emrin Harry Steppe (1888-1934) në komeditë e tij` Top Banana`, duke përdorur fjalën banana dhe përpjekjet për të hapur bananen sepse s`kanë punë tjetër- si një mjet komik.
Po kështu, ky analist, duke mos gjetur argumente realë për problematikën e rëndë të krijuar nga qarqe të caktuara anti-ortodokse në Shqipëri, dhe duke mos treguar të vërtetën për konfliktin e fundit Kishë Ortodokse-Bashki Përmet, - krijon për vehten e tij, figurën e një analisti-bananesh apo `banana-analist`, i cili me komizmin e tij në interpretimin e këtyre ngjarjeve tragjike, nuk bën gjë tjetër përveç se rëndon nëpërmjet medias televizive- gjëndjen e krijuar .
Historiku i këtij babana-analisti është në përputhje me etiketimin e tij, sepse M.Nazarko ka botuar dhe një libër në anglisht, botim i shtëpisë botuese hollandeze "Strengthening Religious Tolerance for a Secure Civil Society in Albania and the Southern Balkans" (forcimi i tolerancës fetare për një Shoqëri Civile të Sigurtë në Shqipëri), botim nga iOS, së bashku me Profesor Xhejms Petifer.
Hipokrizi më të pastër dhe hipokrit më të dalluar nuk gjen në Shqipëri se sa banana-analisti Mentor i cili bën të kundërtën e asaj që ka shkruar në librin e pëkthyer në anglisht duke shpresuar kështuttë bëjë të zakonshmen e disa intelektualëve shqiptarë ateistë e servilë: të flasë e të shkruajë si e duan të huajt, dhe të veprojë fsehtas në shtëpi ashtu si i a do zemra.
Kurse në librin e tij të dytë (jo të përkthyer në anglisht ), është libri `Lufta e Fundit`, kushtuar problemit të pasurive shqiptare në Greqi, njëlloj monografie juridike historike me këtë temë, edhe në këtë libër spikat karakteristika e tij më e qartë: hipokrizia dhe derdhja e lotëve të krokodolit për pronat çame, në një kohë që derdh vrer kundër Komunitetit të respektuar Ortodoks, pronave të tij, dhe kundër Kryepeshkopit të nderuar, të cilit i jep mënd se si duhet të veprojë…?!
Ky është analisti ynë i nderuar z. Menthor Nazarko që për shkak të favorve të shumta që ka në media, `i jep mend` (por për së prapthi), qeverisë në ikje dhe asaj në ardhje: …se si të prishet edhe më tepër marëdhënia delikate me Greqinë në vënd që të rregullohet`,… jep mënd` se si `t`ja fusin` Komunitetit Ortodoks, duke justifikuar marrjen e pronës dhe dhunimin e klerikëve e të objekteve të shënjta kishtare,…. jep mënd sesi të vonohet edhe më integrimi për në BE.
Ky është z. Mentor Nazarko me analizat e tij `live` në `ABC`, sepse mendon meqënëse ka qënë këshilltar në presidencën e kohës së qeverisjes së majtë, paska të drejtën (t`ja fusi rroma për toma) me këshillat e tij tip bananesh të kalbura,.. se si të qeveriset Shqipëria.
Zaten nga shkaku që ka shumë analistë si lloji i tij, Shqipëria ka ngelur këtu ku është. Kushdo që sheh `Linkedin` mund të shohë se vetë analisti ynë i nderuar është një analist në top banana: (Mentor Nazarko-Banana Analyst at top banana (http://ëëë.linkedin.com/pub/mentor-nazarko/a/993/12b).
Së fundmi le të shpresojmë që analistë të tillë bananesh t`I dëgjojmë dhe ti shikojmë sa më pak në media sepse janë këta njerëz që dis-informojnë publikun e shkretë shqiptar, i cili krahas papunësisë, krahas gjykatave të korruptuara, krahas emigracionit masiv, është i detyruar të marrë mesazhe të gabuara nga analistë të tipit banana.

[Besoja]

Nuk te kuptoj!
Problemi ketu eshte Nazarko apo problemi eshte ne Permet?!
Nje komunitet fetar qe predikon nga mengjesi deri ne mbremje,paqen,nuk duhet te perdore dhunen!
Une jam dakort qe besimtaret ortodoks te kene shtepine e tyre dhe te kryejne ritet fetare.
Po ata "besimtare" artiste?
Ku t'i kryejne "ritet" e tyre?!
Ashtu si askush nuk ka te drejte te luaj me ndjenjat e ortodoksve,ashtu edhe te tjeret nuk duhet te luajne me ndjenjat e artisteve.
Persa i perket fqinjesise te mire,pervec te tjerave,shoh akoma "gjendjen e luftes" te pa shfuqizuar dhe pretendimet teritoriale!Keto nuk me kane bere edhe aq optimist.
Gjithsesi,ceshtjet shqiptare duhet te zgjidhen ne Shqiperi.
Mos valle duhet te rrembejne armet te tjeret?!

[Besoja]

Ketu ne Perrenjas,jane vetem 4 apo 5 familje ortodokse dhe ju ngriten nje kishe.
Mire bene.
Per problemin e kishes ne Permet,a mund te na flase ndonje prift shqiptar?
Pse duhet te shprehet prifti grek?!

[ilia spiro]

'Përmeti', Janullatos: Ne vend të Kishës kumar. Po ta hidhnin Kuranin në kamion, Revolucion?

TIRANË- Kryepiskopi i Tiranës Durrësit dhe gjithë Shqipërisë Anastas Janullatos ka postuar në youtube një video në gjuhën greke ku shpjegon historinë e Kishës së Përmetit, dhe procedurat që janë ndjekur për të.

Video më pas është shpërndarë në rrjetin social ‘Facebook’ nga Partia Bashkimi për të Drejtat e Njeriut. Duke iu shmnagur argumenteve juridikë të pronësisë mbi Pallatin e Kulturës, dhe duke këmbëngulur në shenjtërinë e truallit ku ka qenë Kisha Shën Maria e Pazarit, kryepiskopi Janullatos ka bërë pyetje rreth ngjarjeve, duke dëshmuar për atë që e quajti, "dhunë kundër klerit dhe besimtarëve, vandalizëm dhe akte sakrilegji në kishën e shenjtë të Virgjëreshës Mari në Përmet”- shprehet Janullatos.

Sipas tij, ka foto të qarta që tregojnë Kishën aty në qendër të qytetit, por janë bërë ligje të vecanta ku thoshin se në rast se shteti ka vënë 5 gurë më shumë në atë vend, Kisha nuk mund ta marrë mbrapsht këtë vend dhe bënë ligje që ishin të pa mend dhe ligje që ishin mjeranë në vetvete.

Janullatos hedh akuza se janë paguar shumë njerëz që të vinin në pikëpyetje se kjo kishte qenë dikur një Kishë. “Shume gjyqe kanë pasur deshmitarë të genjeshtërt të cilët deklaruan dhe vunë në pikëpyetje ato gjëra që sot janë të kuptueshme dhe të ditura më së miri..Nuk duan të dinë se cila është e vërteta, nuk ju intereson. Ata jetojnë, lëvizin brenda gënjeshtrës. Dhe në vitin 2002 morën një vendim, por e dinin se kjo ishte diçka e gënjeshtërt. Dhe prandaj, për gjithë këto vite nuk guxuan ndonjëherë që të zbatojnë këtë vendim të tyrin të marrë në mënyrë të padrejtë. Dhe shikoni. Këtu nuk bëhet fjalë thjesht për një truall. Bëhet fjalë për një vend të shenjtë, ku për shekuj të tërë kryhet mesha hyjnore”, thekson ai.

Janullatos shprehet se është Kisha Ortodokse ajo qe e ka kultivuar më shumë se cdo qendër tjetër kulture arkitekturën, pikturën, muzikën, ndihmën reciproke ndaj njëri-tjetrit .“Pra, çfarë qytetërimi, kulture këta kanë ndërmend? Pra, që të vënë kumar dhe bilardo aty brenda. Këto janë ngjarje të idhta, dhe ne të gjithë e dimë që të gjitha ortodoksët në Shqipëri marrin pjesë në këtë fyerje që na është bërë. “ –shprehet kryepiskopi, duke shtruar një pyetje ne fund te postimit te tij: “Në rast se një grup ortodoksësh do të merrte Kuranin e një xhamie dhe ta flakte në një kamion. Nuk do të ndodhte revolucion? E përsëris që problem ynë nuk bën fjalë për një ndërtesë, por fakti është që kemi të bëjmë me një përdhosje. Ne nuk diskutojmë fare për truallin, diskutojmë për vendin e shenjtë. Të gjithë respektojnë vendet e shenjta të komuniteteve të tjera nëpër botë”.
(e.m/News24/BalkanWeb)


Lidhje te tjera
VIDEO: “Përmet”, Janullatos: Ja kujt i përket Kisha!

[BLEDI_SH]

Përmeti”, deputeti i djathtë grek në Parlament: Athina të ndikojë në BE


Anila Jole


Edhe në Parlamentin grek është shtruar çështja e ngjarjeve në Përmet, pasi deputeti i partisë “Demokracia e Re”, Nikitas Kaklamanis i ka drejtuar disa pyetje ministrit të Jashtëm, Evangelos Venizelos mbi veprimet që ka ndërmend të bëjë Athina zyrtare, lidhur me atë që e quajti “vandalizmin mbi Kishën e Përmetit”.

Në fjalën e tij deputeti i djathtë është shprehur ndër të tjera se “ngjarjet që ndodhën në qytetin e Përmetit në Shqipëri kanë cënuar konceptin e së drejtës ndërkombëtare dhe evropiane. Në të njëjtën kohë, ato kanë krijuar një ndjenjë shqetësimi për të gjithë grekët”.

Ai ka përmendur veçanërisht, “përdhosjen e relikeve të shenjta, Ungjillit, Grailit të Shenjtë, ikonat e hedhura mbi një kamion, veprime që kanë zemëruar klerin ortodoks grek dhe njerëzit”.

Duke vijuar deputeti i djathtë grek pyet: “Cfarë do të ndodhte nëse dikush do të kishte hedhur Kuranin në një kamion? Ndoshta do të digjej gjysma e planetit”, ka shtuar ai.

Më pas Kaklamanis i drejton ministrit të Jashtëm, Evangelos Venizelos këto pyetje:

*Përveç përgjigjes diplomatike rutinë të Ministrisë së Punëve të Jashtme, cilat janë hapat shtesë që keni ndërmend të merrni?

*A do të ndërhyjë Greqia në institucionet e BE-së, si për sa i përket financimit të një vendi aderues, ashtu edhe për procesin e pranimit, pasi qeveria shqiptare jo vetëm nuk e pengoi aktin, por e fshehu vandalizmin dhe dhunën.

Ky zhvillim ndodh paralelisht me pyetjen që eurodeputeti grek, Jorgos Kumutsakos ngriti në Komisionin Evropian, për çështjen në fjalë dhe me të njëjtën përmbajtje.
(Balkanweb)

[BLEDI_SH]

ua ca koincidence,janulla tha te njejtat fjale qe tha dhe deputeti shovinist grek....dhe janulla ne video perseri flet greqisht,kujt i drejtohet valle?!

[Archon]

ua ca koincidence,janulla tha te njejtat fjale qe tha dhe deputeti shovinist grek....dhe janulla ne video perseri flet greqisht,kujt i drejtohet valle?!

ore ti nuk e kupton dot,se nje person qe meson nje gjuhe te huaj mbi 60 vjec si ai,nuk mund ta flase rrjedhshem gjuhen e mesuar,ti shiko nje person qe eshte mbi 40-50 vjet,te mesoje te perdore celularin apo kompjuterin e ka te veshtire,jo me nje gjuhe te huaj

pastaj kjo deklarata qe e nxoren sot mediat,ka qe diten e diele,por "ju erdhi sinjali me vonese" ketyre,deklarata e deputetit eshte bere dje