Kisha e Permetit: Komuniteti i krishtere reagon me nje ze ne mbrojtje te Kishes

[Albo]

Ngjarjet në Përmet, Berisha censuron deklaratën e vet

Brenda pak orësh, kryeministri i Shqipërisë Sali Berisha ndryshon deklaratën e tij mbi ngjarjet në Përmet.

Pas reagimit zyrtar për ngjarjet në fjalë, me anë të një deklarate të publikuar nga zyra e shtypit pranë kryeministrisë, kryeministri në detyrë Sali Berisha postoi edhe në profilin e tij në Facebook qëndrimin mbi këtë cështje, por aty mungonte pjesa ku ai denonconte ndërhyrjet e Athinës në punët e brendshme të Shqipërisë.

Në facebook Berisha shkruan ndër të tjera se “Zbatimi i vendimeve te gjykatave eshte themeli i funksionimit te shtetit ligjor, por skenat e rrembimit te objekteve te shenjta nga permbarimi gjate ekzekutimit te vendimit rikthyen ne kujtese pamje te kohes se barbarise hoxhiste mbi institucionet e kultit”.

Më tej kryeministri vlereson dialogun e nisur midis autoriteteve te bashkise dhe kishes ne Permet per zgjidhjen e problemit dhe thekson se i ka kerkuar Kryetarit te Komitetit te Kulteve te bashkepunoje me palet per nje zgjidhje perfundimtare jashte te gjitha abuziviteteve dhe praktikave ateiste.



Pikërisht këtu përfundon postimi i tij, ku është hequr paragrafi në të cilin thuhej: “Kryeministri konsideron të papranueshme dhe ndërhyrje absurde në punët e brendshme të Shqipërisë deklaratën e autoriteteve greke. Shqiperia i ka të gjitha mundësitë dhe mjetet ligjore për garantimin e shtetit të së drejtës, veprimtarisë normale të institucioneve të vendit dhe atyre të huaja si dhe për t’iu përgjigjur shkelësve të rendit dhe provokimeve të cdo lloji.”

Nuk dihet pse e ka bërë këtë ndryshim kryeministri Berisha, përderisa në faqen e kryeministrisë deklarata mbetet e njëjtë, sic u publikua në fillim.

(a.j/Balkanweb)

[Albo]

Konflikti për Pallatin e Kulturës, priftërinjtë meshë në rrugë në shenjë proteste

PERMET - Policia private ka rimarrë dje në orët e para të mëngjesit godinën e Pallatit të Kulturës së Përmetit, që prej vitesh ishte shndërruar në kishë me emrin "Shën Maria e Pazarit" dhe që para disa ditësh iu rikthye Bashkisë së qytetit, e cila fitoi betejën gjyqësore me kishën mbi pronësinë e objektit.

Pas rimarrjes së godinës nga policia private, Bashkia e Përmetit ka izoluar dritaret e godinës së Pallatit të Kulturës me tulla, një masë kjo e marrë me qëllim që besimtarët ortodoksë dhe priftërinjtë të mos hyjnë më në godinë.

Por priftërinjtë ortodoksë duket se nuk dorëzohen lehtë. Raportohet se që në orët e para të mëngjesit ata kanë vendosur në trotuarin para Pallatit të Kulturës ikonat dhe objektet kishtare.



Ndërkohë që pak më vonë priftërinjtë nisën të mbajnë një meshë jashtë ambienteve të Pallatit të Kulturës, në shenjë proteste për largimin e tyre nga kjo godinë.

KONFLIKTI
Godina dykatëshe, dikur krenaria e përmetarëve, ka heshtur së funksionuari në vitin 1997. Prej 16 vitesh objekti në fjalë është bërë "mollë sherri" midis Bashkisë së Përmetit dhe Kishës Orthodokse.Të dyja palët kanë pretenduar pronësinë, por Gjykata ka vendosur që kjo godinë t'i rikthehet bashkisë. Pallati i Kulturës u ndërtua 51 vjet më parë, në vitin 1962. Pas Luftës së Dytë Botërore, në truallin ky është ngritur Pallati i Kulturës dhe lulishtja e qytetit, jetonin në baraka 30 familje. Në vitin 1958 u shpërngulën, pasi sistemi komunist hartoi një plan rregullues. Në nëntor të vitit 1962 u inaugurua lulishtja e qytetit sëbashku me Pallatin e Kulturës. Gjykata Kushtetuese në vitin 2002 ka vendosur në favor të pushtetit vendor, por prej 11 vitesh ky objekt u përdor nga Kisha Ortodokse. Pallati i Kulturës funksionoi si objekt fetar prej 26 majit 1997, falë një vendimi të Komisionit të Pronave të rrethit të Përmetit. Pallati i Kulturës, me sipërfaqe rreth 6000 metra katror, figuron me Nr.pasurie 16/9, ndërsa Zyra e Përmbarimit ka tentuar 15 herë të ekzekutojë vendimin e Gjykatës Kushtetuese, por fatkeqësisht janë penguar nga përfaqësuesit e Kishës. Pak ditë më parë përmbaruesit të mbështetur dhe nga policia private kanë ndërhyrë me forcë, duke larguar nga Pallati i Kulturës, ikona të Kishës, këmbana, si dhe materiale të tjera. Përmbaruesit kanë hequr kryqin nga godina e Pallatit të Kulturës dhe kanë vendosur atje flamurin sh- Flamuri i krishterë i vendosur brenda ambienteve të Pallatit të Kulturës në Përmet qiptar, duke zbatuar kështu vendimin e gjykatës. Për largimin e objekteve të kishës dhe priftërishve nga kjo godinë ka pasur edhe reagime të Athinës zyrtare.

(m.a/BalkanWeb)

[Breshka]

Nuk dihet pse e ka bërë këtë ndryshim kryeministri Berisha, përderisa në faqen e kryeministrisë deklarata mbetet e njëjtë, sic u publikua në fillim.

Sido qe te kete ndodhur, apo dhe po ndodh, jam shume i befasuar nga sjellja dhe reagimi i kryeministrit shqiptar prej 8 vjetesh, qe ceshtjen e diskuton si forumist nga facebook-u. Turp, sa shqiptar i presin vendimet nga facebook-u, c'fare dreqin politike shteterore eshte kjo??? Po kryeministri i ardhshem, c'fare mendimi ka per ngjarjet, cfare do beje ai mbas dy javesh???? Apo shumicen e votave i marrin nga muslimanet, le te vrasin veten orthodoksit..... kjo eshte domethenia.....?! qe ti mos i marrim gjerat me mend/konspiraci duhen deklarata publike nga podiumet e institucioneve, jo interneti. Palacollek.

[Albo]

Konflikti për kishën/Bashkia rimerr Pallatin e Kulturës, Jaçe: Dialog me priftërinjtë

Mesha e së hënës në ambientet e Pallatit të Kulturës në Përmet ishte e fundit për besimtarët ortodoksë, të mbledhur nga jugu i vendit, pasi prej dy ditësh këto ambiente janë në pronësi të bashkisë së qytetit. Policia private, e kontraktuar për ekzekutimin e vendimit të gjykatës ka rimarrë ambientet gjatë ditës së djeshme, të cilat tashmë po i nënshtrohen rikonstruksionit. Disa punonjës të bashkisë Përmet kanë nisur nga puna për mbylljen e dritareve, ndërsa gjithë Pallati i Kulturës është rrethuar me urdhër të pronarit të ri, bashkisë Përmet, e cilët duket se e fitoi betejën me kishën Ortodokse. Tensioni dhe dhuna nuk munguan në përplasjet e ditëve të fundit, aq sa Pallati i Kulturës “Naim Frashëri” një ditë ishte kishë, e një ditë qendër kulture. Por tashmë, duket se gjithçka është qetësuar dhe besimtarët ortodoksë i janë bindur fjalës së drejtësisë, edhe pse të pakënaqur nga ky vendim. Besimtarja Elefteria K., thotë se kurrë në jetën e saj nuk ka përjetuar një trishtim të tillë. “Të gjithë mëkatarët do të përgjigjen një ditë përpara Zotit”,- thotë Elefteria, e cila nuk e beson dot se kisha ku ajo është falur prej 10 vite me radhë tashmë ka një pronar të ri. “Prej 10 vitesh jam falur pranë këtij objekti. Këtu kam pagëzuar dy fëmijët e mi. Zoti të ketë mëshirë për mëkatarët”, – thotë Elefteria. Por pavarësisht lutjeve të besimtarëve dhe mallkimeve të kishës, përfaqësues të pushtetit lokal në Përmet thonë se është zbatuar vendimi i gjykatës. Gilberto Jaçe, kryebashkiaku i Përmetit në reagimin e parë për këtë çështje thotë se bashkia është përgjegjëse jo vetëm për pronën publike, por edhe për mbarëvajtjen e jetës së qytetit. Gjatë ditëve të konfliktit, Jaçe ndodhej në Itali dhe ka mundur të informohet prej medias dhe bashkëpunëtorëve të tij lidhur me situatën e krijuar në qytetin që ai drejton. “Qëllimi ynë është zbatimi i ligjit dhe nuk ka zgjidhje të tjera përveç ligjit”,- thotë Jaçe. Sipas tij, Përmeti ka nevojë për një hapësirë kulturore, sigurisht edhe për komunitetet fetare, por gjithçka do të zgjidhet me dialog e mirëkuptim. “Përmeti është qytet që mund t’i zgjidhë problemet me mirëkuptim. Objekti është pronë e pushtetit vendor dhe askush nuk ka të drejtë ta tjetërsojë. Asnjë zë i fortë nuk është në favor të zgjidhjes së problemeve. Jemi larg veprimeve të dhunshme dhe larg çdo gjëje tjetër që ka lidhje me ekstremizmat”, – thotë Jaçe. Por reagimi i parë zyrtar i kryebashkiakut për çështjen e Pallatit të Kulturës nuk është pritur mirë nga besimtarët e paktë ortodoksë, që qëndronin përpara godinës që tashmë është zyrtarisht në pronësi të bashkisë. Edhe pse nën zë, besimtarët nuk janë pajtuar me këtë fakt, por ndryshe nga dy ditë më parë ata kanë ndjekur të qetë punimet që po kryhen brenda dhe jashtë ambienteve të pallatit të Kulturës. Dy ditë më parë, dy autobusë me afro 40 besimtarë dhe priftërinj ortodoksë nga qarku i Gjirokastrës kanë zbritur në Përmet dhe i janë drejtuar Pallatit të Kulturës për të rimarrë godinën. Fillimisht ata janë konfliktuar me rojet private që ruanin objektin, të cilët ushtruan dhunë ndaj tyre. Një prej policëve privatë ka hedhur sprajt me gaz lotsjellës në drejtim të protestuesve ç’ka ndikoi në tensionimin e situatës dhe nisjen e konfrontimeve fizike. Historia e konfliktit mes Kishës Ortodokse dhe Bashkisë Përmet nis në vitin 1997, kur Komisioni i Pronave i jep kishës të drejtën e pronësisë mbi Pallatin e Kulturës së qytetit. Objekti dykatësh u ndërtua 51 vjet më parë, në vitin 1962. Pas Luftës së Dytë Botërore, në truallin ku është ngritur Pallati i Kulturës dhe lulishtja e qytetit, jetonin në baraka 30 familje. Në vitin 1958 ata u shpërngulën, pasi sistemi komunist hartoi një plan rregullues. Në nëntor të vitit 1962 u inaugurua lulishtja e qytetit së bashku me Pallatin e Kulturës. Gjykata Kushtetuese në vitin 2002 ka vendosur në favor të pushtetit vendor, por prej 11 vitesh ky objekt u mbajt forcërisht nga Kisha Ortodokse.

MAPO

[Luftetari Ilir]

Shqipëri-Greqi drejt përplasjes totale, vendoset reciproriteti nga pala shqiptare

Shqipëria dhe Greqia duket se po shkojnë drejt një përplasje totale për shkak të çështjes së Kishës në Përmet.

Pas kthimit në pikat kufitare doganore nga ana e palës greke të shtetasve shqiptarë, edhe pala shqiptare ka vendosur që të bëjë të njëjtën gjë.

Drejtori i policisë kufitare në Kakavijë, Admir Abrija, ka urdhëruar zbatimin e masave të reciproritetit. Kështu, pala shqiptare ka vendosur që të kthejë prapa shtetasit grekë që kërkojnë të futen në Shqipëri.

Abrija ka urdhëruar që të mos lejohen të kalojnë shtetasit grekë, nëse s’justifikojnë kalimin.

“Do jemi rigorozë me shtetasit grekë. Do zbatojmë kriteret ligjore, do kërkojmë garanci në vlera monetare. Do kërkojmë prenotimet e hoteleve ku do qëndrojnë, pra me pak fjalë ato gjëra që u kërkohen dhe shqiptarëve”, tha ai.

Për këtë urdhër është vënë në dijeni edhe pala greke, ndërkohë që deri më tani janë ndaluar rreth 50 grekë të hyjnë në Shqipëri. /gazeta tema

[peshkatari2011]

Drejtori i policisë kufitare në Kakavijë, Admir Abrija, ka urdhëruar zbatimin e masave të reciproritetit. Kështu, pala shqiptare ka vendosur që të kthejë prapa shtetasit grekë që kërkojnë të futen në Shqipëri.

Abrija ka urdhëruar që të mos lejohen të kalojnë shtetasit grekë, nëse s’justifikojnë kalimin.

“Do jemi rigorozë me shtetasit grekë. Do zbatojmë kriteret ligjore, do kërkojmë garanci në vlera monetare. Do kërkojmë prenotimet e hoteleve ku do qëndrojnë, pra me pak fjalë ato gjëra që u kërkohen dhe shqiptarëve”, tha ai.

Vetem keshtu merresh vesh me greket..... reciprociteti,,,,,,,,, ata kthe ne kthe,,,,

[Elian70]

urraaaaaaa fituammmmm per sot.... Po neser kush o fitoje mo???!!!???!!???!!???!!???!!????
Ka njeri deshire te hedhim ca baste na duhen ca euri

[ane]

TGCOM24: Mbyllet kufiri Shqipëri-Greqi

ROMË-Kaosi në kufijtë shqiptarë me kalimet në pikat doganore është përkthyer sot si situatë dramatike nga media italiane. Mbyllet kufiri Shqipëri-Greqi. Ky është titulli i lajmit më të fundit rreth orës 14:10 minuta në agjencinë e lajmeve italiane online, TGCOM24.

“Tensionet e forta, ditët e fundit mes Greqisë dhe Shqipërisë kanë sjellë sot mbylljen e kufijve mes këtyre 2 shteteve, duke bllokuar kalimin e udhëtarëve në të dyja krahët. Shkak i kësaj ‘lufte diplomatike’ është bërë një kishë në Përmet, por njerëzit e saj tepër të lidhur me Athinën. Kisha ndodhet në një pronë publike dhe shteti njeh vetëm këtë të fundit”, thekson lajmi në TGCOM.

(d.b/BalkanWeb)

Shpresoj se kjo sjellje e grekeve ti mbush mend shqiptaret ...

[lajmsi]

Lenda : Stervitje paramilitare
Tema: Rimarja e objekteve te kultit te marra perkohesisht nga armiku
Terreni : Permet
Qellimi: pregatitje per situata edhe me te komplikuara
Mjete: fjale, shenja dhe sms
Vendkomanda e terenit : diku ne konsullaten greke ne Gjirokaster
Komanda qendrore: Min Jahtme Greke
Perforcimet : paramilitar te mbledhur andej kendej nga Korca gjer ne Mursi.
Koha e sulmit : 10:00
Zmbrapsje nuku ka
Tre dite buke me vete.
Pjesemarja: vetem te krishtere pa dallim rrace, ngjyre dhe kombesie.

Hahahahaha. I forte papu prifti i permetit. E ka bere zborin ne cetat vullnetare me femrat

[drague]

jepjani qishen fukarenjve