Dy Mondët e mi

[mondishall]

T’U THAFTË GOJA, O FROJD!

T’u thaftë goja, o Frojd!
Nga e gjete, si e gjete?
Ka roitur bota sot
S’di ku është, s’di ku vete.
Eshtë bërë nevrastenike
Siç e the, s’lëviz një gërmë
Për hiçgjë njeriu vritet
Djali babën ha me dhëmbë.
Nusja ha naivin burrë
Burri ha nusen naive
Nderi ha bukën me kurvë
Kurva ha nderin me kile.
Për një shenjë, për një llafkë
Për një lopkë, një kacidhe
Vret vëllai të vëllanë
Motra djallëzisht me hile.
Mbi rogoz e nën rogoz
Fle komshiu me komshien
Internetit orgazmojn’
Natë e ditë, trupa hijesh.
Ah, t’u thaft’ goja, o Frojd!
Nga e dije, si e dije?
Si do çmendej bota sot
Diagnozë psikopatie.
Si do dilnin jashtë mode
Dhe të mbeturit normalë
Në çmendinë si do shndrohej
Botë e tërë kaq miliardë.

@Edmond Shallvari

[mondishall]

ALUCINACION

Zgjohem i xhveshur nga ëndrrat
Kurtizanet e pamëshirshme
m’i shqyejnë rrobat deri në kocka
Shndruar në dorashka e shalle,
ballove me maska të lakuriqta
sisësh e materiesh seksuale
Ku gjethja e Evës
me të Adamit bashkuar,
në puro kurvarësh
masturbon shijuar.
Zgjuar kockërisht veshur,
vrapoj çmendurisht rrathëve të ferrit,
mbitokës tymuar
nga mushkëritë e kurtizaneve,
mbarsur nga purot mashkullore të epshit.
Pas më ndjekin,
dorashka duarsh,
shalle qafrash,
skeletin tim të veshin.

@Edmond Shallvari

[mondishall]

Sa me erdhen ketu ne Selanik disa kopje te librit te posabotuar me poezi nga Shtepia Botuese MUZGU ne Tirane, "ABSURDITET APO..."
Falenderoj botuesin Mark Simoni per punen cilesore ne brendesi dhe ne formen pamore te librit.

[mondishall]

Dashurohemi çmendurisht, deri në ndarje
Çmenduria vazhdon normalisht, deri në heshtje
Normalishtja çmendet dashurisht, deri uri ekstaze
Vazhdojmë ndarjen bashkërisht, deri në vdekje.

@Edmond Shallvari

[mondishall]

NGJASHMËRISHT

Më pëlqen kur më flet qielli me gjuhën e shiut
Filluar urtësisht, por edhe gjëmueshëm filluar
Më ngjan me origjinalitetin e të folurës së njeriut
Filluar urtësisht, por edhe shpërthyeshëm vazhduar.

Më pëlqen kur më flet deti me gjuhën e valëve
Filluar urtësisht, por edhe dallgësisht filluar
Më ngjan me origjinalitetin shpirtëror të fjalëve
Filluar urtësisht, por edhe klithmash vazhduar.

Më pëlqen kur më flet viti me gjuhë stinësh
Filluar pranverisht, por edhe dimërisht filluar
E them sinqerisht, njeriut i ndjej origjinën
Ngjashmërisht me natyrën, filluar, vazhduar.

@Edmond Shallvari

[mondishall]

Tuneli me i erret nuk eshte ai ne mes nje mali real,
por mes nje jete ne udhekryqin e saj.

@Edmond Shallvari