Demokratet votojne te zgjedhin kryetarin e ri te Partise Demokratike

[Akili-A]

Kandidati për kreun e Partisë Demokratike, Sokol Olldashi ka votuar ne limitet e kohes se orarit zyrtar, në qendrën e votimit brenda selisë blu. Ai falënderoi të gjithë demokratët që morën pjesë në votime, ndërsa u kërkoi ndjesë atyre që nuk mundën ta bënin këtë.

Sipas Oldashit ka patur një numër të konsiderueshëm anëtarësh që nuk e kanë patur emrin në listë, duke u mohuar kështu të drejtën për të votuar. Olldashi hodhi hije dyshimi, kur tha se një natë më parë janë shtuar në lista një kontingjent prej më shumë se 2400 anëtarësh. Ai tha se kishte menduar se ishin pikërisht persona të cilët nuk e kishin emrin në listë, ndaj pohoi se kjo do të jetë një çështje që do ta ndjek më tej. Olldashi përgëzoi po ashtu edhe kandidatët rival në garën për kreun e PD-së.

Rreth 105 mijë anëtarë të Partisë Demokratike i janë drejtuar sot kutive të votimit për të zgjedhur kryetarin e tyre të ri pas dorëheqjes së Sali Berishës. Qendrat e votimit janë hapur në orën 08:00 dhe mbyllen në orën 19:00, me përjashtim të rasteve kur ka ende anëtarë pa votuar.

Pronocimi i plotë i Olldashit

Procesi i votimit ne PD u mbyll. Votova me fleten nr 040213.
U shpreh mirenjohjen time te gjithe demokrateve qe moren pjese ne votim.
U kerkoj ndjese atyre mijera demokrateve qe nuk votuan dot, sepse nuk gjeten emrin ne liste. Ky eshte nje problem, permasen e te cilit e kam patur te panjohur, pasi, per asnje moment nuk pata ne dispozicion listen e votuesve. Duke ditur qe ne Tirane kishte nje shtese prej rreth 2500 personash, mendova se ishte pikerisht ky kontigjent. Mesa duket paska qene nje kontigjent tjeter, qe mbetet per t’u pare c’eshte. Keto jane probleme qe nuk kane lidhje me rezultatin, por mbeten probleme edhe nese nga kutite raporti i votave del 90 me 10 per Sokol Olldashin. U uroj suksese te gjithe kandidateve rivale./panorama

[BLEDI_SH]

te hapen kutite..hahahahah

[Linda5]

Ishalla JO,se akoma skan mbaruar numerimin e kutive, te 23 Qershorit

[unreal]

Nga PD-ja do te lind nje "LSI" me kryetar Olldashin hahhaha
PD-ja do ta kete fatin e LDk-se se Rugoves.
Apo edhe ne votimet per bosin e ri te PD-se,fajin per vjedhje e ka edrucqosekokdhimaenver...hahahahah

[C.Jack Sparrow]

Hap kutite ose largohu
Rinumerim !!!!!!!!!1

[Albo]

Olldashi: Cilido qoftë rezultati, do punoj për ringritjen e demokratëve

TIRANË Në fund të fushatës së tij 20 ditore, kandidati për postin e kryetarit të partisë, Sokol Olldashi, mendon se mbi gabimet duhet ndërtuar një eksperiencë dhe mbi eksperiencën një platformë suksesi, për qëllimin e vetëm një fillim të ri dhe

rikthim të shpejtë. “Ne na duhet me shpejtësi të përcaktojmë se: vetëm duke iu përmbajtur në mënyrë rigoroze kufijve politikë të qendrës së djathtë, duke identifikuar qartësisht një skenë politike dypolare me partinë e vjetër të punës të rithemeluar në 1 prill në njërën anë dhe Partinë Demokratike në anën tjetër, duke konsoliduar marrëdhënien tonë me të përndjekurit, pronarët, botën akademike, të rinjtë dhe biznesin, duke ndërmarrë një opozitë parlamentare energjike, të paepur, të mirëstrukturuar dhe të pakompromis, duke riorganizuar mekanizmin e Partise Demokratike, përmes inventarizimit të menjëhershëm të kontributeve të secilit anëtar, përmes konsolidimit të mekanizmit të përgjegjësive dhe stimujve, përmes rikthimit tek struktura bazë e PD-së

të cdo të drejte përfaqësimi dhe përmes riorganizimit dhe reformimit të thellë të çdo strukture të Partisë Demokratike, nga seksioni më i vogël, deri tek kryesia qendrore; Partia Demokratike do të rikthehet tek fitorja, në përballjen e parë elektorale, zgjedhjet lokale të vitit 2015”, – tha dje Olldashi përmes një konference për shtyp. Ai theksoi se, mundet të drejtojë Partinë Demokratike, duke radhitur arsyet: “Unë mundem t’i drejtoj demokratët në këtë sipërmarrje të vështirë, por sigurisht të arritshme, sepse e njoh strukturën e partisë demokratike në nivele të ndryshme, nga anëtar i thjeshtë deri në nivelet më të larta drejtuese, kam eksperiencën e duhur opozitare për të ngritur një veprim politik efikas, kam prezencën parlamentare që më jep mundësinë ta kthej foltoren e kuvendit në një tribunë të opozitës, kam 24 orë në ditë, në dispozicion të ristrukturimit, opozitarizmit dhe fitores së shpejtë të Partisë Demokratike”. Olldashi ftoi gjithë anëtarësinë që të marrë pjesë në votim, duke shprehur angazhimin se pavarësisht rezultatit, ai do të punojë në funksion të ringritjes së Partisë Demokratike. “I ftoj të gjithë të marrin pjesë në votim, të vendosin secili në liri të plotë duke i siguruar se, cilido qoftë rezultati i këtyre zgjedhjeve, unë do të vazhdoj me të gjithë energjitë e mia, të punoj për suksesin e Partisë Demokratike dhe për ringritjen e demokratëve dhe të parimeve të shenjta tek të cilat ne bashkarisht besojmë”, – tha ai.

MAPO

[Albo]

Sot votimi në PD Basha: Opozitë të fortë ndaj dyshes Rama-Meta; Olldashi: Do fitojmë zgjedhjet më 2015

Nevila Perndoj

200 kuti votimi dhe 300 dhoma të fshehta janë shpërndarë nga komisioni i Organizimit për të votuar mes Olldashit dhe Bashës për postin e kryetarit të partisë

Pak më shumë se 105 mijë anëtarë janë zyrtarisht të rregjistruar në listat e votimit, nga Komisioni i Organizimit dhe Kontrollit të Operacioneve Elektorale i ngritur në PD

për zgjedhjen e kryetarit të ardhshëm të partisë. Ky komision ka shpërndarë në rrethe200 kutitë e votimit, të marra me kërkesë zyrtare nga Komisioni Qëndror i Zgjedhjeve dhe 300 dhomat e fshehta, ku sot pritet që të votojë anëtarësia nga ora 08.00 e mëngjesit deri në orën 19.00 të mbasdites. Anëtarët e Partisë Demokratike do të votojnë sot mbi një një fletë të vogël e përmasave A5, ku janë shkruar dy emrat e kandidatëve zyrtarë, Lulëzim Basha dhe Sokol Olldashi, sipas rendit alfabetik. Pas orës 19.00 të mbasditës të gjitha kutitë e votimit pritet që të transportohen për Tiranë. Numërimi do të bëhet pa praninë e medias dhe ajo parashikohet të fillojë pas mesnate, me argumentin se ky proces fillon zyrtarisht vetëm pasi të ketë mbërritur edhe kutia e fundit nga rrethet. Ashtu siç është paracaktuar tashmë, numërimi i fletëve të votimit do të bëhet në hollin e Pallatit të Kongreseve nga 10 grupe pune. Secili grup numërimi do të ketë në përbërje katër anëtarë; dy anëtarë do të emërohen nga Komisioni i Organizimit dhe dy të tjerë propozohen respektivisht nga Olldashi dhe Basha. Po sot gjatë gjithë ditës pritet që të votohet edhe në selinë e Partisë Demokratike. Sipas udhëzimit të fundit të nxjerrë nga Komisioni i Organizimit, një qendër votimi do të jetë edhe në selinë qendrore për anëtarët e Këshillit Kombëtar që nuk kanë emrin në listat e grupseksioneve, deputetët aktualë dhe të zgjedhur rishtazi, për grupseksionin 10 dhe administratën e PD-së. Ndërkohë, për çdo qendër votimi është ngritur një komision votimi me 5 anëtarë. Për grup-seksionet e qytetit Tiranë, 3 anëtarë janë propozuar nga kryesia e grupseksionit, ndërsa dy të tjerët janë përfaqësues të kandidatëve. Ndërsa në rrethe komisioni i votimit përbëhet nga sekretari i degës (në mungesë të tij nënkryetari), dy anëtarë kryesie të zgjedhur në kryesinë e degës dhe dy përfaqësues nga kandidatët në degët përkatëse. Anëtarët e komisionit të votimit jo vetëm që do të merren me mbarëvajtjen e procesit të votimit, por gjithashtu janë të detyruar që të shoqërojnë dhe të dorëzojnë kutitë në Tiranë pranë Komisionit të Organizimit. Ky i fundit, për të shmangur burokracitë, ka dërguar paralelisht për vëzhgimin dhe mbarëvajtjen e procesit, edhe nga një përfaqësues të saj për cdo qark. Me mbërritjen e kutive të votimit në Tiranë, puna për komisionerët e votimit përfundon. Pas orës 19.00 të mbasdites së sotme, komisioni i Organizimit do të instalohet në hollin e Pallatit të Kongreseve për të vijuar procesin e dytë dhe atë më të rëndësishmin mbarëvajtjen e proçesit të numërimit, që në rast se fillon sot pas mesnate, nesër në mbrëmje, Partia Demokratike mund të shpallë emrin e kryetarit të ri të partisë.


som

“Ashtu siç është paracaktuar tashmë, numërimi i fletëve të votimit do të bëhet në hollin e Pallatit të Kongreseve nga 10 grupe pune. Secili grup numërimi do të ketë në përbërje katër anëtarë; dy anëtarë do të emërohen nga Komisioni i Organizimit dhe dy të tjerë propozohen respektivisht nga Olldashi dhe Basha”.


Procesi i votimit dhe i numërimit

1. Hapja e qendrës së votimit do të bëhet në orën 08:00, ndërsa mbyllja në orën 19:00 të pasdites

2. Çdo anëtar duhet të jetë i pajisur me kartën dixhitale të anëtarësisë, si dhe kartën e identitetit ose pasaportën biometrike.

3. Anëtarët do të votojnë mbi një fletë votimi e përmasave A5, ku në të janë shkruar vetëm dy emrat e kandidatëve, Lulëzim Basha dhe Sokol Olldashi, sipas rendit alfabetik

4. Pas mbylljes së votimit, kutitë e votimit, fletët e papërdorura, listat e anëtarësisë dhe procesverbali i mbylljes se votimit administrohen nga komisioni i qendrës së votimit

5. Komisioni i qendrës së votimit përbëhet nga pesë anëtarë, ku dy prej tyre u përkasin kandidatëve Olldashi dhe Basha.

6. Komisioni i votimit do të shoqërojë dhe dorëzojë kutitë në Tiranë, pranë Komisionit të Organizimit.

7. Komisioni i Organizimit ka deleguar nga një përfaqësues të saj në çdo qark, që do të merret me vëzhgimin e gjithë proçesit

8. Pas orës 19.00, komisioni i Organizimit do të instalohet në hollin e Pallatit të Kongreseve për numërimin e gjithë kutive të votimit

9. Komisioni i Organizimit ka ngritur tashmë 10 grupe numërimi

10. Grupet e numërimit përbëhen nga katër anëtarë, 2 nga Komisioni i Organizimit dhe dy emra të tjerë të propozuar nga kandidatët respektivë.

11. Numërimi i kutive të votimit pritet të fillojë sonte pas mesnate, vetëm pasi të mbërrijë edhe kutia e fundit e votimit nga rrethet.

12. Numërimi i fletëve të votimit do të bëhet pa praninë e medias.


Kryetari i ri, PD ngre 46 qendra votimi

Në funksion të zgjedhjes së kryetarit të ri të partisë sipas parimit “Një anëtar një votë”, Partia Demokratike ka ngritur 39 qendra votimi në degët e saj nëpër Shqipëri dhe 7 qendra votimi në Tiranë. I gjithë procesi është administruar nga Komisioni i Organizimit dhe Kontrollit të Operacioneve Elektorale që drejtohet nga Gjergj Lezhja. Anëtarë të këtij komisioni janë edhe Halit Shamata, Paulina Hoti, Gazmend Dibra, Bahrije Isufi, Arben Ibro dhe Genti Minarolli. Procesi i votimit do të asistohet edhe nga dy anëtarët teknikë, Florian Xhuti dhe Albert Avduli, zyrtarë të departamentit të organizimit në PD. Ky komision ka njoftuar gjithashtu se për vendvotimet, anëtarët duhet të informohen pranë çdo dege të Partisë Demokratike në rrethe, apo çdo grupseksioni në Tiranë

MAPO

[skender76]

Sapo pashe lajmet tek TOP CHANNEL.

Me t'vertet qe tek ne ka munges t'theksuar profesionaliteti...

Obobo!!

......

Sucialspecialister, Basha po vjen!!!
Olldashi esht nder djemte me t'shkelqyer qe ka PD-ja. Ai esht aq i zgjuar sa t'pranoje qe EdRucKokdhimen e shqyen vetem Lulzim Basha.

Gjeni vrime qe t'futeni...

[Wordless]

Lulzim Basha rezulton të jetë fitues i zgjedhjeve të zhvilluar për postin e Kryetarit të Partisë Demokratike. Nga të dhënat paraprake që zotëron komisioni i organizimit të zgjedhjeve, pavarësisht procesit të numërimit, rezulton që kryebashkiaku i Tiranës do të drejtojë PD deri në përballjen e ardhshme elektorale përballë koalicionit të majtë. Burime nga PD shprehen se pjesëmarrja në votime vlerësohet e kënaqshme, duke pasur parasysh faktin se koha në të cilën zhvillohet procesi nuk favorizon një pjesëmarrje të lartë në votime.



Procesi i votimit ka përfunduar në orën 19:00 të datës 22 Korrik, ndërsa procesi i numërimit të votave do të nisë pasi të gjitha kutitë e votimit të depozitohen në Pallatin e Kongreseve në Tiranë. Pritet që një rezultat zyrtar të dalë gjatë pasditës së sotme (23 Korrik).

Por burime nga PD shprehen se nga të dhënat paraprake Lulzim Basha rezulton të ketë pasur mbështetjen e mbi 60 % të anëtarëve që kanë marrë pjesë në votim, edhe pse disa mijëra anëtarë të kësaj partie nuk mundën të votojnë për shkak se nuk kishin emrat në listë.

Gjithashtu vota për votimin e kryetarit të ri të PD-së ishte pothuajse e identifikueshme, kjo për shkak se cdo fletë votimi kishte një numër vendor. Duket se ky detaj është ‘kapërcyer’ jo pa nervozizëm nga kandidati për postin e kreut të PD-së Sokol Olldashi, i cili në një prononcim për mediat ka konfirmuar nr e fletës së votimit që ka pasur ai.

Lulzim Basha, ashtu sikundër ishte parashikuar, duket se do të drejtojë Partinë Demokratike me një staf të ri drejtues, në të cilin përvec Sokol Olldashit që mund të marrë postin e Nënkryetarit dhe kreut të Grupit Parlamentar, asnjë prej emrave aktualë në postet e sekretarëve nuk do të rikonfirmohen. Kështu Jozefina Topalli, Astrit Patozi, Ridvan Bode apo Flamur Noka, mundet të mos vijojnë të mbajnë të njëjtat poste drejtuese në PD, ndërsa Basha pritet ti paraqesë Këshillit Kombëtar emrat e ekipit të ri që do të drejtojë demokratët deri në zgjedhjet e ardhshme.

albtime

[Antiproanti]

Zgjedhje e mire...