Marian Kola vritet nga policia greke

[Akili-A]

Pas një përleshjeje të ashpër me armë zjarri, sot herët në agim, është vrarë nga policia greke i arratisuri shqiptar nga burgu i Trikalas, 36 vjeçari Marian Kola, ndërsa i arratisuri tjetër, Ilir Kupa arriti të shpëtojë sërish.
Mediat greke njoftojnë se shkëmbimi i zjarrit ndodhi pranë fshatit Frosini të Sulit, dhe sipas informacioneve, në vendngjarje janë gjetur më shumë se 200 gëzhoja plumbash.
Marian Kola ka vdekur në vend, ndërsa Ilir Kupa arriti të shpëtojë, ndoshta i plagosur.
Kamerat termike i kanë pikasur shqiptarët rreth orës 4:00 të mëngjesit duke ecur në këmbë pranë lumit Kalama, në drejtim të Shqipërisë, zonë ku ata arritën të humbisnin nga sytë e policisë rreth 15 ditë më parë.

Sipas mediave që i referohen burimeve të policisë, pranë trupit të Marian Kolës u gjet një armë tip Kallashnikov, krëhëra me fishekë, një granatë si dhe ushqime të gatuara. Kjo ka bërë policinë të mendojë se ditët e fundit ata nuk kishin qëndruar të fshehur në pyll, por kanë gjetur strehim në një shtëpi.
Ka rreth 20 ditë që për Marian Kolën dhe të arratisurit e tjerë shqiptarë po vazhdon pa ndërprerje operacioni nga qindra forca policore greke, nga toka, deti dhe ajri.
Sipas mediave, sot në mëngjes, kur shqiptarët e pikasën se po ndiqeshin, beteja u bë shumë e ashpër.
Nga plumbat e shqiptarëve mbeti i plagosur një polic, i cili u dërgua në spital për ndërhyrje kirurgjikale, jashtë rrezikut për jetën.

Ndërkaq vazhdon një operacion i gjerë në zonë, për kapjen e të arratisurit tjetër Ilir Kupa .
Policia synon ta kapë të gjallë, sepse Kupa mund të japë informacion për mënyrën e fshehjes së deritanishme, për personat që mund t’i kenë ndihmuar dhe për vendndodhjen e të aratisurve të tjerë.
Shqiptarët e arratisur, të armatosur kanë javë të tëra që enden në zonat malore pranë kufirit, në pamundësi për të hyrë në tokën shqiptare. Gjatë arratisë së tyre, kanë vjedhur disa automjete dhe i kanë braktisur ato në zona të të ndryshme për të humbur gjurmët. Në disa raste ata kanë ndeshur patrulla policore, me të cilët kanë shkëmbyer zjarr dhe për pasojë ka patur edhe viktima.

Marian Kola akuzohet si përgjegjësi kryesor për vrasjen e 25 vjeçares Katerina Zogali në 30 mars, në Istmia dhe policit 37 vjeçar Jorgo Andritsopulu në 17 qershor, në Distomo.
Me vrasjen e Marian Kolës, bëhen 3 shqiptarët e vrarë nga policia greke, pas Ermir dhe Flamur Likës, të cilët u vranë mbrëmjen e 2 korrikut në një përleshje të ngjashme. Në trupat e tyre u gjetën të paktën 20 plagë plumbash.
Mbrëmjen e 22 marsit nga burgu i Trikalas u arratisën 11 shqiptarë, pasi plagosën 2 roje burgu. Tre prej tyre u kapën që atë natë, ndërsa për 8 të tjerët vazhdoi ndjekja policore.

Nga 8 të arratisurit, është arrestuar Ermal Lita pas një grabitjeje supermarketi në Peristeri, Fatos Sulaj mendohet se është larguar në drejtim të Kosovës, ndërsa nuk dihet ku ndodhen të arratisurit e tjerë, Admir Murataj, Flaulent Luli dhe Klement Cala.

[BLEDI_SH]

akil ngreve ndonje dolli per vrasjen mo?u gezove?
-kaq burra jane sa dha kete pas shpine e vrane,kjo del nga vet mjeku i cili vajti ne vengjarje...

[KORCARI 2]

O Aqilis e vrane komandot e ushtrise greke e jo policia.
O Bledi po sikur bashke me Marianin te ishin 200 shqiptar do ta bombardonin vendin me F-16 keta?
Ngushellime familjes Kola ,zoti ja u lehtesohte dhimbjen

[BLEDI_SH]

O Aqilis e vrane komandot e ushtrise greke e jo policia.
O Bledi po sikur bashke me Marianin te ishin 200 shqiptar do ta bombardonin vendin me F-16 keta?
Ngushellime familjes Kola ,zoti ja u lehtesohte dhimbjen

lere vella se behet nje propagande teper e ndyre,aq sa ska nga te famshmet mediat greke..dhe i gjithe sistemi....
NGUSHLLIME FAMILJES KOLA PER HUMBJEN.

[Archon]

Me shume ngushellime beni kur vriten kriminele sesa kur vdesin te pafajshem

[Akili-A]

akil ngreve ndonje dolli per vrasjen mo?u gezove?
-kaq burra jane sa dha kete pas shpine e vrane,kjo del nga vet mjeku i cili vajti ne vengjarje...

nuk i njeh rregullat e burrerise.

burre quhet ai qe merr armen e lufton, dhe nuk ankohet ne fund nese e vrasin.

ata nuk ishin burra, sepse vrane njerez te pafajshem dhe iken si lepuj neper ferra.
dhe e vetmja kauze e tyre ishte "ti binin te tjereve me qafe"

[BLEDI_SH]

nuk i njeh rregullat e burrerise.

Burre quhet ai qe merr armen e lufton, dhe nuk ankohet ne fund nese e vrasin.

Ata nuk ishin burra, sepse vrane njerez te pafajshem dhe iken si lepuj neper ferra.
Dhe e vetmja kauze e tyre ishte "ti binin te tjereve me qafe"

kush u ankua mo??punen e vrasjeve te te pafajshmeve ne flet per vajzen dhe policin e kemi thene shume si ndodhen..nqs do i perserisim...

[Gentian_gr]

Me shume ngushellime beni kur vriten kriminele sesa kur vdesin te pafajshem

E dini akuzen pse u burgos i ndjeri,apo kryqi te ka verbuar e je me strabizem??

[mia@]

Nuk besoj se shqiptaret jane fut ne burg kot. Kur arratisesh i merr mire parasysh pasojat. Per cfare ishin futur ne burg keta shqiptaret?

[Archon]

E dini akuzen pse u burgos i ndjeri,apo kryqi te ka verbuar e je me strabizem??

Jo akuzen nuk e di,po nuk do shume mend per ta kuptuar se pa bere gje nuk perfundon dot aty,,,dhe kryqi ska ndonje lidhje ketu qe e permend