Aktorët e shquar të kinematografisë Shqiptare

[Wordless]

Sejfulla Myftari





Sejfulla Myftari humorist shqiptar (i njohur si Cekja) lindi në Berat, me 25 dhjetor 1942.

Filmografia

Para nga qielli (2009)
Trapi i vjetër (2005)
Pesha e gruas sime (2002)
Pas një lajmi (2001)
Një baba tepër (2000)
Borxhliu (1998)
Dashuri ne krisma (1997)
Gjithë fajin e ka paraja (1996)
Fund i marrëzisë - Fjalëkryqi (1995)
Pushime në Romë (1995)
Nekrologji (1994)
Gjuetia e fundit (1992-1993)
Agimet e stinës së madhe - (1981)

[Wordless]

Serafin Fanko





Serafin Fanko (24 maj 1937 - 29 shtator 2012), ishte një aktor dhe regjisor shqiptar i nderuar me titullin Artist i Popullit. Serafin Fanko lindi në Shkodër. Studimet e larta i kreu në Akademinë e Arteve në Pragë dhe në Institutin e Lartë të Arteve në Tiranë. Filmi i tij i parë është "Fije që priten". Vitet e fundit spikati si regjisor dramash.

Është nderuar me titullin "Artist i Popullit"

Filmografia

Emblema e dikurshme (film) - (1976)
Fije që priten - (1976) .... Klarku
Shembja e idhujve - (1977) .... Frat Engjëlli
Ditët që sollën pranverën - (1979)
Yjet mbi Drin - (1979) .... Lulzimi
Qortimet e vjeshtës - (1981) .... Profesor Samiu
Vendimi - (1984) .... Filipi
Pranvera s'erdhi vetem - (1988) .... Profesori

[Wordless]

Skënder Sallaku





Skënder Sallaku lindi në Tiranë më 25 janar 1935, një nga aktorët tanë të humorit, ish-kampion kombëtar në mundjen klasike, autor skeçesh e parodish. Ka mbaruar Institutin e Lartë të Kulturës Fizike "Vojo Kushi" dhe ka kryer një kualifikim një vjeçar në Kinë, pranë cirkut të Pekinit.

Fillimisht filloi punë si profesionist në Estradën e Kufirit, më pas si klloun akrobatik në cirk, duke dhënë një kontribut të papërsëritshëm në ecurinë e këtij profili sa të vështirë aq edhe të bukur.


Filmat:

Oreksi i madh (1995)
Revolja e humbur (1995)
Gjuetia e fundit (1992)
Cirku në fshat (1977)
Kur hiqen maskat (1975)
Estrada në ekran (1968)

[Wordless]

Spiro Duni





Spiro Duni është një aktorë dhe regjisor shqiptar.

Filmografia


Treni niset më shtatë pa pesë - (1988) .... Adi
Gurët e shtëpisë sime - (1985)......Gëzimi
Apasionata - (1983)
Në çdo stinë - (1980)

[Wordless]

Sulejman Pitarka





Sulejman Pitarka, lindi më 2 shkurt të vitit 1924 në Dibër dhe vdiq në Tiranë më 24 mars të vitit 2007, ishte nje aktor shqiptar i gjysmës së dytë të shekullit XX, i nderuar me titullin Artist i popullit. Sulejman Pitarka ka luajtur me sukses rreth 50 role në Teatrin Kombëtar të Tiranës dhe 20 të tjerë në kinema. Ka hyrë në historinë e dramës shqipe si autor i dramës “Familja e peshkatarit”. Më 1927, kur ai ishte në moshën tre vjeçare familja e tij u vendos në Durrës. Këtu kaloi fëmijërinë. Pas mbarimit të shkollës së mesme, filloi punë në bankë.

Disa përvoja skenike, pothuaj rastësore, gjatë shërbimit ushtarak (1945 – ’47) e shtynë të interesohej më shumë për teatrin dhe të përfshihej në lëvizjen amatore të Durrësit. Më 1951, u përzgjodh për t’iu bashkangjitur trupës, ende në formim, të Teatrit Popullor (sot Kombëtar) në Tiranë, ku u bë menjëherë margaritari i kurorës. Luajti rreth 50 role, duke shkëlqyer njësoj, si në dramë, ashtu edhe në komedi.

Filmografia

Dramat e Komedite

Loin des barbares - (1994)
Vdekja e burrit - (1991) ...Diplomati
Historiani dhe kameleonët - (1989)...Zenel Beu
Rrethimi i vogël - (1986) ...........Llambi Guri
Nata e parë e lirisë - (1984)
Nxënësit e klasës sime - (1984)......Çelo Kasapi
Në prag të lirisë - (1981)
Shtëpia jonë e përbashkët - (1981)
Agimet e stinës së madhe - (1981).....Ali Beu
Goditja (1980)
Ballë për ballë - (1979).......Zheleznovi, Komandanti Rus i Bazes
Gjeneral gramafoni - (1978)...Xha Avdiu
Pas gjurmëve - (1978)...Xha Lipja
Gunat mbi tela - (1977)...Gjenerali
Tinguj lufte - (1976)...Galip Shkëmbi
Horizonte të hapura - (1968)...Sokrati
Debatik - (1961)...Mësuesi

Teatër

Familja e peshkatarit
Shtatë shaljanët
Vajza nga fshati
Trimi i mirë me shokë shumë
Doktor Aleksi
Besa e madhe
Epoka para gjyqit
Prefekti
Toka jonë (teatër)
Televizori
Otello
Gratë gazmore të Uinsdorit
Valon Drogirashi
Borgjezit fisnik
Arturo Uji
Pjata e drurit
Gratë para drurit

[Wordless]

Sheri Mita





Ka lindur në fshatin Fterrë të Sarandës më 14-03-1943 dhe vdiq me 2-4-2012. Ka mbaruar Institutin e Lartë të Arteve "Dega Dramaturgji". Përveçë se aktor, është edhe një skenarist dhe dramaturg i mirënjohur. Ka shkruar dhe ka vënë në skenën e Teatrit "Migjeni" të Shkodrës Komedinë "Këshilli i Ndrikullave". Ka shkruar dhe ka vënë në skenë në Teatrin e Fierit Dramën: "Dy krisma në Paris", "Vite të Paharruara". Nga Viti 1976 deri në vitin 1989 ka qenë regjizor dhe dramaturg i Teatrit dhe Estradës profesioniste të Beratit "Margarita Tutulani" ku ka vënë në skenë me dhjetera komedi, drama dhe variete. Është dekoruar nga Presidiumi i Kuvendit Popullor me Urdhërin "Naim Frashëri i Artë" si dhe është nderuar me Titullin "Qytetar Nderi' i Krahinës së Lukovës dhe Sarandës.

Filmografia

Kronikë provinciale (2009) Prifti
Gjoleka i biri i Abazit (2006) ...Daja
Piruet (2005) komedi
Oreksi i madh - (1995) (TV)
Përdhunuesit (1995) ... Shefi i sigurimit
Vetmi - (1990) ...Petraqi
Kronikë e një nate (1990) ...Austriaku Jozef
Vitet e pritjes - (1989) ...Qendro Bukhudhra
Njerëz në rrymë - (1989) ...Inxhinjeri
Familja ime - (1987) .... Stavri
Të mos heshtësh - (1985)
Gjurmë në dëborë - (1984)
I paharruari (1984) ... Ndjekesi
Nata e parë e lirisë - (1984)
Skëterrë 43 - (1980) ... nenkolonel Espozito
Ballë për ballë - (1979) ...Gazetari rus
Gjeneral gramafoni - (1978) ...Mikele
Në fillim të verës - (1975) ...major Bertini
Rrugicat që kërkonin diell 1975 ...Kryetari i njësitit
Operacioni "zjarri" 1973 ...Gjin Martini
Yjet e netëve të gjata 1972 ...Xhelo paterica
Ngadhnjim mbi vdekjen - (1967) .... Villi Heller

[Wordless]

Thimi Filipi





Thimi Filipi është një aktor i mirënjohur shqiptar. Thimi Filipi ka lindur në qytetin e Korçës në vitin 1926. Rolet e tij të para do të jenë në trupat jo profesioniste në qytetin e Korçës. Gjatë Luftës së II-të Botërore mori pjesë në formacionet partizane ku punon për krijimin teatrove partizane. Me mbarimin e luftës fillon punë në spitalin e Korçës. Mbaron kursin për Aktrim dhe fillon të luajë disa role me teatrin profesionist të qytetit. Në vitin 1954 fillon punën si aktor profesionist pranë teatrit “Andon Zako Çajupi”. Roli i tij i parë do të jetë në dramën “Lulja e kujtimit”. Më tej do të vazhdonin një sërë rolesh që do ta bënin shumë të njohur tek publiku.

Në kinematografi do të interpretojë në më se 30 filma artistikë dhe televizivë. Roli i tij i parë në kinematografi do të përkojë me filmin e parë, tërësisht shqiptar, “Tana” në rolin e Sekretarit të Partisë. Do të vazhdonin rolet e tjera si a i i Nezirit tek filmi “Përballimi”, Fahredini tek “Njeriu me top”, Xhemal Struga tek “Ballë për ballë”, Nashua tek “Si gjithë të tjerët”, Gramozi, Kryetari i Grupit Hetimor tek "Asgjë nuk harrohet", babai i Irenës “Pranvera s’erdhi vetëm” etj. Më 1986 mori Çmimin “Aleksandër Moisiu”. Ndahet nga jeta në Korçë në 1 Korrik të vitit 1990. Për meritat e tij artistike në 5 Gusht të vitit 1991 Thimi Filipi nderohet me titulli i lartë “Artist i Popullit”.

Filmografia

Rrethi i kujtesës - (1987)
Tri ditë nga një jetë - (1986)...xha Shimo
Enveri ynë - 1985
Asgjë nuk harrohet - (1985).....Gramozi, kryetari i grupit hetimor
Nata e parë e lirisë - (1984)
Shirat e vjeshtës - (1984)
Fraktura - (1983)
Njeriu i mirë - (1982)........Shoku Astrit
Si gjithë të tjerët - (1981)..Usta Nasho
Vëllezër dhe shokë - (1980)...Babai i Vasos
Shoqja nga fshati - (1980)....Shefi i bujqësisë
Një ndodhi në port - (1980)
Ballë për ballë - (1979)......Xhemal Struga
Njeriu me top - (1977)........Fahredini
Përballimi - (1976)...Neziri
Nusja dhe shtetrrethimi - (1974)...Xha Jani
Yjet e netëve të gjata - (1972)
I teti ne bronz - (1970)...Ballist
Vitet e para - (1965) .... Sekretari i Partisë
Tana - (1958) .... Sekretari i Partisë

[Vapaus]

Muhamet Sherri


Skedarët e Bashkëngjitur 161392


Muhamet Sherri (lindi më 1948, Fier) aktor shqiptar.
Nga viti 1973 e deri me sot është aktor në teatrin “Bylis” te Fierit.

Muhamet Sherri ka dy vjet qe ka vdekur.

[Wordless]

Vangjel Heba





Vangjel Heba, artist i merituar shqiptar. lindi në vitin 1933 në qytetin e Durrësit në një familje të njohur qytetare. Shkollën 7-vjeçare dhe atë të mesme i kreu në qytetin bregdetar. Që në këtë moshë spikatën aftësitë e tij në fushën skenike. Në fillim të viteve '50 Heba nis punën aktor në Teatrin e Ushtrisë në Tiranë, ndërsa më 11 janar të vitit 1953 ai do të bëhej një nga aktorët themelues të teatrit "Aleksandër Moisiu" të qytetit të Durrësit. Në skenën e këtij teatri, Vangjel Heba u shqua si aktor i roleve të fuqishme dramatike, duke interpretuar role të heronjve kryesorë.

Ai mbahet mend dhe për rolet e interpretuara në një tjetër gjini shumë të pëlqyer të teatrit. Kështu, nuk kanë munguar edhe rolet e sukseshme në komedi të ndryshme. I njihen më shumë se 120 role në teatër, mes të cilave kanë spikatur, Petriti te "Familja e peshkatarit", Anjuckin te "Martesa" e Gogolit, Adem Reka te "Flamur në stuhi", Breti te "Rrënjë të thella" etj. Kontributi i Vangjel Hebës është mjaft i njohur edhe në kinematografi. Ai ka krijuar 26 figura të ndryshme në filmat "Nëntori i dytë", "Toka jonë", "Malet me blerim mbulur", "Furtuna", "Njësiti gueril" etj. Gjatë karrierës së tij të gjatë artistike, Heba ka provuar me sukses dhe regjinë teatrale. Ai vuri në skenë disa pjesë duke shfaqur edhe talentin e tij si regjisor. Dramat dhe komeditë " Njerëz mbi shkëmb" dhe "Revizori" mbajnë firmën e regjisorit Vangjel Heba. Ditëvdekja: 17 Tetor 2007 , Vendvdekja: Durres

Filmografia

Lista e filmave të aktorit Vangjel Heba.
Balada e Kurbinit 1990, Temal Berati,ikonografi
Misioni përtej detit, 1988, Kapedan Llambros
Botë e padukshme, 1987, Profesor Sokrati
Telefoni i një mëngjezi, 1987, shoku Xhorxhi
Tri ditë nga një jetë, 1986, z. Tanush, veterani
Gurët e shtëpisë sime, 1985,
Gracka, 1983
Një ndodhi në port, 1980
Dorina, 1979 (film televiziv)
Vajzat me kordele të kuqe, 1978,Drejtori i shkollës
Tinguj lufte, 1976, Robertini
Malet me blerim mbuluar, 1971, Halimi (Ballisti)
Toka jonë, 1964, personazhi: Murrashi
Fortuna, 1959, personazhi: Vasili

[Wordless]

Vangjel Toçe






Vangjel Toçe aktor dhe regjisor shqiptar. Ka lindur në 25 Mars të vitit 1953 në qytetin e Korçës. Kryen gjimnazin në qytetin lindjes të cilën e mbaron në vitin 1973. Gjatë shkollës së mesme që e kryen po në Korçë gjatë viteve 1967-1973 bën pjesë në grupin pop “Matura 72” i cili do të shpërbëhej pas goditjes që pushteti komunist çfarëdo lloj liberalizimi në fushën e Arteve. Diplomohet në Institutin e Lartë të Arteve (sot Akademia e Arteve) në vitin 1975 dhe fillon punë po në këtë vit në Teatrin Popullor (sot Teatri Kombëtar). Do të ngelet në kujtesën e publikut roli i Marshallit Fon Kalt në dramën “ Luiza Miler” e Shilerit.

Roli i tij i parë në kinematografi do të jetë një rol episodik në filmi “Vajzat me kordele të kuqe” në vitin e 1978. Do të bëhet i njohur me rolin e Migjenit në filmin “Një natë pa dritë” në vitin 1981.

Për probleme “biografie” pushteti komunist do ta largojë nga Teatri Popullor (sot Teratri Kombëtar) për ta emëruar regjisor i Trupës Amatore në ish- Kombinatin e Tekstileve “Stalin” duke i mbyllur kështu mundësinë për të interpretuar në skenën e e këtij teatri. Pas vitit 1991,me rënien e komunizmit, rikthehet në Teatrin Kombëtar ku do të realizojë rreth 20 role si psh.: mjekun tek “Kush vjedh një këmbë ka fat në dashuri” e Fosë, Antonion tek “Morsa” e Pirandelos, shefin e postës tek “Revizori” i Gogolit, Tranion tek “Zbutja e Kryeneçes” e Shekspirit. Do të shkëlqente në rolin e Kapitenit tek komedia “Inspektori” i Mushateskut e në shumë role të tjera. Në kinematografi ka realizuar rolin e Thimit tek filmi “Pas fasadës”. Roli më i fundit si aktor i Vangjel Toçes është në filmin "Kronikë Provinciale" në vitin 2009.

Kinematografi

2009 -- Kronikë provinciale....................................... .........
2007 -- Mao Ce Dun............................................... .........Tahiri
2004 -- Nata pa hënë.............................................. .........
1999 -- Porta Eva............................................... ............Pirati
1992 -- Pas fasadës........................................... .............Thimi
1991 -- Unë e dua Erën.............................................. .......Miri
1989 -- Muri i gjallë .................................................. ......Klaudi
1988 -- Hetimi vazhdon........................................... .........Vangjushi
1987 -- Binarët........................................... ...................Qafoku
1981 -- Një natë pa dritë............................................. ......Migjeni
1978 -- I treti (Film TV)............................................... ......Piro
1978 -- Vajzat me kordele të kuqe........................................Aktori në rolin e z.Vog-t dhe të policit.

Teatër


“Revizori” i Gogolit........................................... ......................................Shefi i Postës
14/11/2009 -- “Morsa” e Pirandelos........................................ ......................Antonio
20/02/1999 -- “Filumena Maturano” e Eduardo de Filipos.....................................Alfred o Amorozo
25/12/2008 -- “Trojanët” e Vangelis Theodoropoulosit
07/03/2008 -- “Xhaxha Vanja” e Çehovit
04/11/2007 -- “Burri i gruas sime” e Miro Gavranit
02/11/2007 -- “Franku i V-të” i Fridrih Dyrrenmatit....................................... .....Heberlini
15/07/2007 -- “Medea” e Euripidit......................................... ......................Tutori
14/05/2005 -- “Si e mposhta Musolinin” e Haqif Mulliqit
11/10/2002 -- “Stinë e mërzitshme në Olimp” e Ismail Kadaresë ( Nder i Kombit)
20/05/2002 -- “Kush vjedh një këmbë ka fat në dashuri” e Dario Fosë......................Mjeku
-- /10/2001 -- “Hamleti në katranin e poshtëm” e Çehovit
11/06/1998 -- “Zbutja e Kryeneçes” e Shekspirit........................................ .......Tranio
10/03/1998 -- “Muzeu” e Kasëm Trebeshinës
-- /-- /1997 -- “Quo vadis” i Serafin Fankut............................................ .........Qytetari
09/01/1998 -- “Inspektori” i Mushateskut .................................................. .....Kapiteni
04/04/1994 -- “8 Persona Plus“ e Ferdinand Radit ...................................Bojaxhiu
02/01/1992 -- “Dhelpra dhe rrushtë” e Guilherme Figueiredo