Aktorët e shquar të kinematografisë Shqiptare

[Wordless]

Lazër Filipi





Lazër Filipi lindi në Shirq të Shkodrës më 7 shkurt të vitit 1921, është aktor dhe skenarist i mirënjohur shqiptar. Aktivitetin artistik e filloi që kur ishte partizan në 1943, me grupin teatral të Priskës. Në vitin 1945 vjen aktor në Teatrin Popullor. Gjatë viteve 1947- 1950 kreu studimet në Çeki.

Gjatë karrierës së tijë interpretoi rreth 80 role në teatër e kinematografi si: Vasili, Truviçi, Dobçinski, xha Shazua, Gjica, Ksanti, Klarku etj. Kryeroli i tij mbetet roli i Leninit në dramën “Orët e Kremlinit”. Interpretoi me sukses edhe në shumë filma artisticë në kinematografi. Doli në pension më 1977, por nuk u shkëput nga skena, duke interpretuar role edhe në vitet 2003, Ali pashe Tepelenën, dhe në 2005 Napoleon Bonopartitin nga drama e Aleksandër Moisiut. Ka fituar disa çmime dhe mban titullin "Artist i Merituar".

Filmografia

Tingulli i heshtjes - (2010) telenovela
Ne dhe Lenini - (2008)
Në emër të lirisë - (1987)
Nusja - (1980) Malesori
Koha nuk pret - (1984)
Shembja e idhujve - (1977)
Kapedani - (1972) .... Ropi, funksionar partie
Pylli i lirisë - (1976) Theodhori
Oshëtime në bregdet - (1966)
Tana - (1958)

[Wordless]

Lec Bushati





Lec Bushati lindi më 1940 në Shkodër. Është Artisti i merituar dhe aktor i shquar i Teatrit “Migjeni” të Shkodrës. Përveç dhjetëra roleve në këtë teatër ka interpretuar edhe 14 role mbështetëse dhe episodike në filma, duke filluar me “Detyrë e posaçme” (K. Dhamo, 1963). Ka luajtur rolin kryesor, Vuksan Sadrin, ne filmin televiziv “Ditët që sollën pranverën” (1979), ndërsa role të tjerë të rëndësishëm luan edhe ne filmat “Nusja” (1980) “Flaka e maleve” (1982), “Të paftuarit” (1985), “Muri i gjallë” (1989).

Lista e plotë e filmave përmban edhe “Lugina e pushkatarëve” (1970), “Operacioni zjarri” (1973), “Rrugë të bardhë” (1974), “Shembja e idhujve” (1977), “I treti” (1978), “Qortimet e vjeshtës” (1981) dhe “Fundi i një gjakmarrjeje” (1983).

Filmografia

Muri i gjallë - (1989)... Arbëri
Të paftuarit - (1985)... Babai i Hjorgës
Fundi i një gjakmarrjeje - (1983)
Flaka e maleve (1982)... Kol Marashi
Qortimet e vjeshtës - (1981)... Sokol Marku
Nusja (film) - (1980)
Mëngjese të reja - (1980)... Dyqanxhiu
Ditët që sollën pranverën - (1979)... Vuksan Sadria
I treti - (1978)... Sokrati
Shembja e idhujve - (1977)... Kapedani
Rrugë të bardha - (1974)... Fshatari
Operacioni zjarri - (1973)... Ndreca
Lugina e pushkatarëve - (1970)... Diversant
Ngadhënjim mbi vdekjen - (1967)
Detyrë e posaçme - (1963)

[Wordless]

Liri Lushi





Liri Lushi është aktore shqiptare e lindur në Tiranë, Shqipëri ne 1954. Është diplomuar në Akademinë e Arteve të Bukura, Tiranë dega e Aktrimit. Karrierën artistike e filloi në moshën trembëdhjetë vjeçare kur fitoi çmimin e parë si interpretuesja më e mirë me monologun: “Tregim për katër kufitarët” nga Ferat Cakaj. Trofeun e dytë ja solli Festivali i 9-të në RTSH këtë herë si këngëtare.
Më pas erdhën rolet e para në film dhe teatër. Roli i Shote Galicës tek drama “Gërsheti i luftërave”, i interpretuar me mjeshtëri të lartë artistike e bëri atë të njohur tek shqiptarët kudo në botë.

Jeta e saj artistike në skenën e teatrit “ Aleksandër Moisiu”, Durrës është e mbushur me role dhe krye role gjithmonë të duartrokitura. Në vitin 2000, Liri Lushi largohet nga vendi i saj dhe vendoset me familjen në Cyrih të Zvicrës. Nuk shkëputet në asnjë moment nga profesioni i saj si aktore. Pasioni dhe puna e përkushtuar i sjell role të reja në filma të produksionit zviceran; “Strähl” nga Dschoint Ventschr AG, Zürich, “Dilemma” nga Silvia Film Production AG, Zürich, “Ditë e natë” nga Chris Niemeyer, Schweizer Fernsehen.
Prej marsit 2004, Liri Lushi është drejtor artistik i Studios për Teatër dhe Film të krijuar nga ajo vetë me emrin e aktorit të madh shqiptar “Aleksandër Moisiu”.

Filmografia

1976 - Thirrja ( Regjisor: Femi Oshafi) Roli – Mara
1976 - Zonja nga qyteti (Regjisor: Pirro Milkani) Roli – Shpresa
1978 - Gjyshi partizan ( Regjisor: Jani Tane) Roli - Ermira
1979 - Dorina ( Regjisor: Agim Qirjaqi) Roli - Dorina
1979 – Mysafiri (Regjisor: Hysen Hakani) – Roli - Arta
1982 - Rruga e lirisë ( Regjisor: Esat Musliu) Roli – Dila
1993 - Këtu bën ftohtë ( Regjisor: Pluton Vasi) Roli – Nëna
1989- Kush eshte vrasesi
1999 - Valsi i ngrirë në Prishtinë ( Regjisor: Bashkim Hoxha) Roli-Gazetarja
2000 – Brezi (Regjisor: Liri Lushi) – Roli - Motra
2002 - Dilema – (Regjisor: Tobias Ineichen/ Silvia Produktion AG, Zürich) Roli - Gruaja
2004 - Strähl ( Regjisor: Manuel Flurin Henry / Dschoint Ventschr AG, Zürich ) Roli – Nëna e Bekos
2008 - Ditë e natë ( Regjisor: Chris Niemeyer/Schweizer Fernesehen) Roli- Danijela Vrdoljak

Teater

1977 – Prometeu i lidhur (Regjisor Pirro Mani) – Roli - Hera
1977 – Kush hidheshin themelet ( Regjisor Vangjush Furrxhi ) Roli – Laja
1978 – Të isha njëzet vjeç ( Regjisor: Haxhi Rama) Roli – Centralistja
1978 – Gërsheti i luftrave ( Regjisor: Kadri Pirro) Roli – Shote Galica
1979 – Dorina (Regjisor: Kadri Pirro) – Roli - Dorina
1981 – Netë tragjike amerikane ( Regjisor: Spiro Urumi) Roli – Enxhi
1985 – Serafina Topia ( Regjisor: Kadri Pirro) Roli – Serafina Topia
1986 – Shi në plazh ( Regjisor: Haxhi Rama) Roli –
1987 – Telefon në mesnatë ( Regjisor: Kadri Pirro) Roli -
1987 – Mariana Pineda (Regjisor: Drita Agolli) – Roli – Mariana Pineda
1989 – Monserati ( Regjisor: Foto Vogli) – Roli – Nëna
1991 – Rikardi i tretë – ( Regjisor: Agim Qirjaqi) – Roli – Lady Anna
1993 – Vdekja e një mbretëreshe ( Regjisor: Foto Vogli, Ludmill Çakalli) Roli – Mbretëresha Teuta
1995 – Ishulli i çmendur ( Regjisor: Gëzim Kame) – Roli - Kurtizanja
1995 – Tre burra kërkojnë një grua (Regjisor: Haxhi Rama) – Roli – Aktorja
1996 – Mirandolina (Regjisor: Haxhi Rama) - Roli Mirandolina
1997 – Kolltuku (Regjisor: Haxhi Rama) – Roli - Moderatorja
1997 – Këngë dashurie me korba ( Regjisor: Bashkim Hoxha) – Roli Zana
1998 – Kosova djep Lirie (Skenari dhe regjia: Agim Doçi, Alqi Boshnjaku)
2000 – Shtëpia e kukullës ( Regjisor: Liri Lushi) – Roli – Nora
2008 - Elegji për Teutën ( R.Qosja, M.Kuteli,L.Poradeci,Folku shqiptar) Roli - Teuta
2008 - Bakantet e Euripidit (Versioni i Roul Schrott) Roli - Agave

Regji

2000 Brezi (Naim Kelmendi) – Regjia: Liri Lushi
2004 – Pleshti (Dritëro Agolli) – Regjia: Liri Lushi
2005 – Flaka e Janarit (Libreti dhe regjia: Liri Lushi)
2005 – Planeti Moisi (Bardhyl Kosova) – Regjia: Liri Lushi
2005 – Don Zhuani (Molier) – Regjia: Liri Lushi
2006 – Monserati (Emanuel Robles) – Regjia Liri Lushi
2008 - Elegji për Teutën (R.Qosja,M.Kuteli,L.Poradeci,Folku shqiptar) - Regjia - Liri Lushi
2008 - Bakantet ( Euripidi ) - Regjia Liri Lushi

[Wordless]

Liza Laska





Liza Laska lindi më 6 shkurt të vitit 1926 në Vlorë, Shqipëri, është aktore shqiptare që mban titullin "Artiste e merituar".

Filmografia

Nje dite e mrekullueshme (2002)
Vdekja e burrit, (1991)
Kthimi i ushtrisë së vdekur, (1989)
Familja ime, (1987) .... Teta Kalina
Dhe vjen një ditë, (1986)
Gurët e shtëpisë sime (1985)
Vendimi, (1984) si nëna
Dritat e qytezës, (1983)
Në prag të lirisë, (1981)
Plumba perandorit, (1980)
Liri a vdekje, (1979)
Guna përmbi tela, (1977)
Lulekuqet mbi mure, (1976)
Dimri i fundit, (1976)
Shtigje lufte, (1974)
Brazdat, (1973)
Malet me blerim mbuluar, (1971)

[Wordless]

Luftar Paja






Luftar Paja lindi në Gorishovë të mallakastrës më 1 dhjetor 1941. Pas mbarimit të shkollës së mesme elektrike e pedagogjike në vitin 1963 mbaron studion 1 vjeçare për aktor në teatrin popullor. Qysh në moshë të re spikat talenti i tij si aktor. Kontribut të madhë në formimin e tij si aktor ka dhënë rregjisori Llazar Verria dhe veçanërisht aktori dhe regjisori i talentuar Pëllumb Kulla. Luftëtari është nderuar me medalje të çmimit të parë në vitin 1969 për kontributin e dhënë në grupet amatore, është nderuar me medaljen e Naim Frashëri e klasit të parë.

Në vitin 1968 u emërua aktor profesionist në estradën e Fierit. Në vitin 1971 është ndër të parët në krijimin e Teatrit Bylis Fier. Luan në teatër në dramën "Hijet e natës", "Fejesa e Çehovit". Nder rolet më të spikatura të aktorit Luftar paja janë: "Çobo Rrapushi me shokë" në rolin e Çobos. Në dramën "Vite të paharruara". "Fytyra e dytë". E në qindra e qindra komedi me nje akt. Në vitin 1979 merr titullin Artist i merituar. Luftar Paja ka marrë pjesë dhe në shumë filma artistik. Ku ka spikatur me role në filma patriotik si "Këshilltarët", "Guna përmbi tela", "Nëntori i dytë", "Gjeneral Gramafoni". Filma me teme të asaj kohe si "Ëndrra për një karrige", "Zevendesi i grave" etj. Ai ka luajtur përkrah aktoreve të mëdhenj shqiptar si Rolan Trebicka, Sandër Prosi, Mirush Kabashi, Hajrie Rondo, Kadri Roshi etj. Në vitin 1990 merr titullin e lartë Artist i popullit. Në vitin 2001 është shpallur qytetar nderi i Fierit. Në 31 maj të vitit 2005 atij i jepet titulli Nder i Qarkut Fier.

Filmografia

Pas një lajmi 2001
8 persona plus , teatër-komedi
Zëvendësi i grave 1987
Gurët e shtëpisë sime 1985
Ëndërr për një karrige 1984
Këshilltarët 1979
Udha e shkronjave 1978, Hanxhiu
Pranverë në Gjirokastër 1978, Babi i dhëndërit
Gjeneral gramafoni 1978
Gunat mbi tela 1977, Velo
Streha e re 1977

[Wordless]

Luan Qerimi





Luan Qerimi ka lindur në 15 Tetor të vitit 1929 në qytetin Lushnjës. Aktivizohet në moshë të re në trupat amatore. Gjatë kohës së kryerjes së shërbimit të detyrueshëm ushtarak aktivizohet duke dhënë një ndihmë të madhe në Teatrin e Ushtrisë,ku do të bjerë në sy edhe talenti I tij. Për këtë arsye thërritet në dhjetor të vitit 1954 të bëj pjesë në Trupën Profesioniste të Teatrit Popullor (sot Teatri Kombëtar) duke interpretuar një rol episodik, rolin e Skënderit në komedinë “Prefekti” të Besim Lëvonjës (Artist i Merituar). Ai do të interpretojë mbi 70 role në skenën e këtij teatri duke u bërë i dashur për publikun. Këtu mund të përmendim rolin në dramën “Epoka para gjyqit” e Ekrem Kryeziut, rolin e tij në dramën “Gjenerali i ushtrisë së vdekur” e Piro Manit (Artist i Popullit ), rolin e z.Xhiovani,kuestorit të Tiranës në dramën “Komunistët” e Ruzhdi Pulahës, rolin e tij në dramën “Përkolgjinajt”, rolin e tij në komedinë “Karnavalet e Korçës” e Spiro Çomorrës.

Përveç dramaturgjisë kombëtare ai ka interpretuar edhe në pjesë të dramaturgjisë botërore si psh në komedinë “Arturo Ui” të Bertold Brehtit ku interpreton rolin e Ernesto Rromës, interpretimet e tij tek tragjeditë “Hamleti” dhe “Otello” të Shekspirit, interpretimin në dramën “Orët e Kremlinit” e N.Pogodinit etj. Në vitin 1989 del në pension.

Në kinematografi roli i tij i parë do të jetë në vitin 1964 në filmin “Toka jonë” ku ai do të interpretojë rolin e Cubit. Më tej do të vazhdonin role të tjera të spikatura si roli i Kalosh Camit në filmin “Shembja e idhujve” në vitin 1977, roli i Plakut të Përkolajve në filmin “Besa e kuqe”, roli i Francesk Lukut në filmin televiziv “Koha nuk pret” në vitin 1984, rolin e babai të Merit në filmin “Vdekja e kalit” në vitin 1992. Roli i tij më i fundit të të jetë në filmin televiziv “Qëndresa 2” prodhim i KosovaFilm në vitin 1998.
Për meritat e tij artistike Luan Qerimi në vitin 1989 është vlerësuar me titullin e lartë “Artist i Merituar”.

Kinematografi

1998 -- Qëndresa (Film TV)............................................... ..................
1992 -- Vdekja e kalit............................................. ...........................Babai i Merit
1990 -- Shpella e piratëve.......................................... .........................Gjon Baba
1983 -- Eja............................................... .....................................Mojsiu
1984 -- Koha nuk pret (Film TV)............................................... .............Françesk Luku
1984 -- Vendimi........................................... ...................................Antonio,Kuestor i i Tiranës
1983 -- Gracka............................................ ....................................Majku
1983 -- Zambakët e bardhë (Film TV)............................................... .......Babai i Luljetës
1982 -- Besa e Kuqe.............................................. ........................Ndoc Marku
1982 -- Nëntori i dytë .................................................. .....................Sali Drenica
1977 -- Shembja e idhujve........................................... .......................Kalosh Cami
1976 -- Lulëkuqet mbi mure.............................................. ..................Sandro,Kuestori fashist
1964 -- Toka jonë.............................................. ..............................Cubi

Teatër


16/10/1981 -- “Komunistët” e Ruzhdi Pulahës........................................... .................Xhiovani,Kuestori i Tiranës
14/12/1980 -- “Epoka para gjyqit” e Ekrem Kryeziut
09/11/1974 -- “Tymra që pastrohen” e Zisa Cikulit
24/01/1973 -- “Sinjali i kuq” e Bashkim Kozelit
10/05/1972 -- “Gjenerali i ushtrisë së vdekur” e Piro Manit (Artist i Popullit )
30/10/1971 -- “Viti 61” e Fadil Paçramit
04/03/1971 -- “Arturo Ui” e Bertold Brehtit........................................... .....................Ernesto Rroma
06/04/1969 -- “Prefekti” e Besim Levonjës (Artist i Merituar)......................................... Skënderi
13/02/1969 -- “Shokët” e Bashkim Kozelit
21/01/1968 -- “Heronjtë e Linasit” e Sulejman Pitarkës (Artisti i Popullit )
07/03/1967 -- “Cuca e Maleve” e Loni Papës
22/11/1966 -- “Përkolgjinajt” e Kolë Jakovës
29/06/1966 -- “Tri të shtëna pushke” e Ibrahim Uruçit
04/03/1966 -- “Muri i madh i pakapërcyeshëm” Xhan-Huan
20/02/1965 -- “Qielli i kuq” e Tafik Çaushit
23/01/1964 -- “Karnavalet e Korçës” e Spiro Çomorrës
27/11/1960 -- “Dragoi i Dragobisë” e Xhemal Brojës
24/06/1960 -- “Hamleti” e Shekspirit
03/11/1957 -- “Orët e Kremlinit” e e N.Pogodinit
22/05/1955 -- “Përleshja” e Xhemal Brojës
16/04/1954 -- “Toka jonë” e Kolë Jakovës
21/03/1953 -- “Otello” e Shekspirit

[Wordless]

Luiza Xhuvani





Luiza Xhuvani lindi më 26 mars 1964 në Sarandë është artiste shqiptare. U diplomua aktore në Akademinë e Arteve më 1986, por në Teatrin Kombëtar filloi punën pas një përvoje dy vjeçare në Estradën e Sarandës. Ende studente, fillon karrierën si aktore filmi me “Dhe vjen një ditë” (Infermierja) dhe “Flutura në kabinën time” (Flutura) të V. Priftit, me të cilin fiton Kupën për Aktoren më të Mire në Festivalin e Filmit, të vitit 1985, “Fjalë pa fund” (Magdalena) i S. Pecanit, “Hetimi vazhdon” (Hetuesja), “Rrethi i kujtesës” (Mbesa) i E. Musliut, “Muri i gjallë” (Rozafa) i M. Fejzos.

Nga viti 1991 e në vazhdim ka një bashkëpunim të suksesshëm me regjisorin Gj. Xhuvani, nën drejtimin e të cilit interpreton në filmat “Bardhë e zi”, “Një ditë nga një jetë”, “Dashuria e fundit” (Mirjana), me të cilin fiton përsëri Kupën në Festivalin X të Filmit, më 1995, “Funeral Business” (Sana), me të cilin u shfaq në Festivalin e Venecias në vitin 2000, “Parullat” (Diana), me të cilin fiton Çmimin Aktorja më e mirë e Festivalit të Tokios 2003 dhe së fundi “I dashur armik” (2004).

Në Teatrin Kombëtar interpreton vazhdimisht role protagoniste, si në dramat “Unë dhe Mefistofeli” (Margarita) të B. Hoxhes, “Dhelpra dhe rrushi” (Klea) të Figueiredos, “Dasëm gjaku” (Nusja) të Lorkes, “Rikardi III” (Ledi Ana) të Shekspirit, “Kati VI” të Alfred Zheri, “Këngëtarja tullace” (Misis Martin) të Ioneskos dhe komeditë “Valsi i Titanikut” (Xhena) e “Oportunesku” të Mushateskut, “Kopshti me dallendyshe” (Maria) të Cikliropulosit, “Armiku i popullit” (Pietra) të Ibsenit, “Pulebardha” (Nina) të Çehovit, “Cilindri” (Rita) të De Filipos, regjisor Kastriot Çipi dhe “Kapitulli i dytë” (Xheni) të Sajmonit, regjisor Mehmet Xhelili me të cilin fiton Çmimin për Aktoren më të Mire të Festivalit të Aktrimit, Apollon 2004, në Fier. Jashtë kësaj skene, interpreton në produksionet e pavarura të dramave “Valle Vdekjeje” të Strindbergut dhe “Shërbëtorët” (Kler) të Zhenetit.

Filmografia

I dashur armik - (2004) ... Vefi
Parullat - (2001) ... Diana
Funeral Business - (1999)
Dashuria e fundit - (1995)
8 persona plus - (1994) - komedi-teatër
Loin des barbares - (1994) .... Marieta
Një ditë nga një jetë - (1994)
Dhelpra dhe rrushte - (1991), teatër
Bardh e zi - (1991)
Unë e dua Erën - (1991) (TV)
Valsi i Titanikut - (1990), teatër-komedi
Muri i gjallë - (1989)
Flutura në kabinën time - (1988)
Rrethi i kujtesës - (1987)
Dhe vjen një ditë - (1986)
Fjalë pa fund - (1986)
Apasionata - (1983)

[Wordless]

Llazi Sërbo





Llazi Sërbo lindi më 9 mars të vitit 1945 në Korçë dhe vdiq me 13 shtator 13 shtator 2010, është aktor shqipar.Pasi diplomohet për aktor nga Instituti i Lartë i Arteve (sot Akademia e Arteve) fillon punën si aktor profesionist në teatrin “Andon Zako Çajupi” në Korçë. Prej vitit 1986 deri në vitin 1983 punon si regjisor pranë të vetmes shtëpi filmike Kinostudios "Shqipëria e Re". Këtu fillon si asistent regjisor dhe filmi i tij i parë është si asistent është filmi "Bardhësi" me regji të Besim Kurtit në vitin 1986. Në vitin 1991 do të realizoje skenarin dhe regjinë e filmit "Kush e solli Doruntinën" bazuar mbi novelën e shkrimtarit të mirënjohur Ismail Kadare (Nder i Kombit).

Në kinematografi do të interpretojë më se 15 role. Roli i tij i parë do të jetë në vitin 1972,roli i Dajlanit në filmin "Yjet e netëve të gjata", më tej do të vazhdonin rolet të tjera si roli i Kreshnik Martinit në filmin " Operacioni "Zjarri"" në vitin 1973, roli i Gazmendit tek filmi "Gracka" në vitin 1983, rolin e Andi Ramës filmin "Asgjë nuk harrohet" në vitin 1985 etj. Përveç pasionit të aktrimit dhe regjizurës është i pasionuar edhe pas fotografisë. Me fotografitë e tij ka marrë pjesë në Konkursin Mbarëkombëtar Fotografik “Marubi 2003”. Ai me 13 shtator 2010 vrau veten në banesën ku jetonte i vetëm. Në letrën e fundit tha: "Dua të vdes sikurse Bekim Fehmiu Për meritat e tij artistike Llazi Sërbo është nderuar me titullin i lartë "Artist i Popullit".

Filmografia

Asgjë nuk harrohet, (1985)
Tre njerëz me guna, (1985)
Dasma e shtyrë, (1984)
Kush vdes në këmbë, (1984)
Gracka, (1983)
Nusja dhe shtetërrethimi (1978)... komandanti gjerman
I treti (1978)... Bexheti
Shëmbja e idhujve, (1977) ... mesuesi
Operacioni Zjarri, (1973)... Kreshnik Martini
Yjet e netëve të gjata, (1972)

[Wordless]

Marko Bitraku





Marko Bitraku është një aktor i mirënjohur shqiptar. Marko Bitraku ka lindur në 15 Janar të vitit 1951 Lavdar të Oparit të rrethit të Korçës. Pas mbarimit të studimeve të larta në Institutin e Lartë të Arteve (sot Akademia e Arteve) në vitin 1974 fillon punën si aktor profesionist në Teatrin "Andon Zako Çajupi" të Korçës. Në skenën e këtij teatri do të interpretojë me dhjetëra role të cilat do ta bëjnë të njohur për publikun artdashës. Këtu mund të përmendim interpretimet e tij në rolin e Bomarshesë në komedinë “Berberi i Seviljes” e Bomarshesë apo rolin e Hajnit në dramën “Franku i V-të” i Dyrrenmat. Roli i tij më i fundit do të jetë ai i Jovan Bregut në komedinë "Jovan Bregu, refugjat" e Adelina Balashit.

Më vitin 2008 ai do të realizojë edhe regjinë e monodramës "Velloja e bardhë" e Odise Plakut. Në kinematografi ka interpretuar më se 13 role. Roli i tij i parë do të jetë në filmin televiziv "Flamur në dallgë" në vitin 1977. Më tej do të vazhdonin role të tjera si ai Komandantit të Xhandarëve në filmin "Mësonjëtorja" në vitin 1979, roli i Selmanit në filmin "Asgjë nuk harrohet" në vitin 1985, rolin e Rushkës në filmin "Njerëz në rrymë", rolin e Samiut në filmin "I dashur armik" në vitin 2004 etj. Interpretimi më i fundit i aktorit Marko Bitraku është në filmin "Kronikë Provinciale" në vitin 2009.

Filmografia

Kronikë provinciale (2009)
Mysafiret (2009)
Dhimbja e dashurise (2008) serial
I dashur armik - (2004) .... Sami
Parullat - (2001) ..........Gjini
Njerëz në rrymë -(1989)
Dasem e çuditëshme - (1986)
Fjalë pa fund - (1986)
Asgjë nuk harrohet - (1985)....Selman Hivziu
Mësonjëtorja - (1979)
Gjeneral gramafoni - (1978)

[Wordless]

Marie Logoreci





Marie Logoreci lindi më 23 Shtator të vitit 1920 në Shkodër, Shqipëri. Ishte aktore shqiptare e teatrit dhe filmit. Pioniere e kinematografisë shqiptare. Paraqitja për herë të parë në film ishte tek Skënderbeu, më pas në filmin e parë shqiptar me metrazh te shkurter Fëmijet e saj, dhe me pas ne filmin e pare shqiptar Tana dhe Toka jonë etj. Maria bëri regjinë e dramës Drita te M. Luca. Ajo luajti ne filmin televiziv, Gjenerali i Ushtrise se Vdekur. Ka mbetur si një nga aktoret më të mëdha të Shqipërise. Ajo ngriti në art karaktere te ndryshme të nënave shqiptare duke u kthyer vete në simbol të Nënës shqiptare.

Maria e filloi aktivitetin e saj artistik që në shkollë, ku luante ne teatrin e shkollës vizatonte dhe kendonte. Ne vitin 1945 ajo filloi te kendoje ne Radio Tirana dhe në koncerte qe jepeshin ne qytete te Shqipërise si dhe shkoi turne jashte shtetit si soliste e Korit Pergjithshem i Shtetit. Në repertorin e saj ishin rreth 100 këngë. Në 1947 filloi punen ne Teatrin Popullor (sot Teatri Kombëtar). Interpretoi I pare I saj ne skenen e Teatrit ishte elmira në komedinë “Tartufi” të Molierit. Filmi i pare ku mori pjese ishte bashkpunimi ruso-shqiptar “Skënderbeu”.

Ladi Milford në "Intrigë e Dashuri" nga F. Shiler

Filmografia

Velikiy voin Albanii Skanderbeg/Skënderbeu (1953) - IMDb - Kontesha
Femijet e saj (1957) - IMDB - Fatimeja
Tana (1958) - IMDb - Nena e Stefanit
Detyre e posaqme (1963) - IMDb
Toka jone (1964) - IMDB
Oshëtime në bregdet (1966) - IMDb - Nena
Njësiti guerril (1969) - IMDb - Nena
Operacioni Zjarri (1973) - IMDb
Dollia e dasmes sime (1978) - IMDb

Drama

Çeshtja ruse (1947) - Xhesi
Tartufi (1947) - Elmira
Rrënjë të thella (1949) - Alisa Lengton
Komploti i të dënuarve (1950) - Kristina Padera
Halili dhe Hajria (1950) - Fatimja
Gjashte dashnoret (1952) - Aljona Patrovna
Toka jone (1954) - Loke
Intrige e dashuri (1957) - Ledi Milford
Shtate shaljanet (1958) - Triga
Hamleti (1960) - Gertruda
Shtepia e Bernarda Albes (1961) - Bernarda Alba
Morali i zonjes Dulska (1962) - Tadrahova
Muri i Madh (1966) - Nena Xhun
Perkolgjinajt (1966) - Mara
Drita (1967) - Manushaqja - regjia: Marie Logoreci
Cuca e maleve (1967) - Prenda
Çatia e të gjithëve (1968) - Plaka
Përmbytja e madhe (1977) - Gjela