Aktorët e shquar të kinematografisë Shqiptare

[Wordless]

Roland Trebicka





Lindi në Korçë në vitin 1947. Kreu shkollën e mesme të përgjithshme "Raqi Qirinxhi" në vendlindje.

Kur ishte i ri punoi si aktor në Estradën profesioniste te SHQUP (Shtëpia Qendrore e Ushtrisë Popullore) ose shkurt "Estrada e Ushtarit". Gjatë këtyre viteve në këtë trupë profesioniste debutuan edhe aktore te tjere te cilet me vone do te beheshin te famshem ne fushen e humorit skenik dhe televiziv si Aleko Prodani, Koco Devole, Zef Deda, Sejfulla Myftari (Cekja), Mehdi Maljak, Behar Mera etj. Në vitin 1971 u bë pjesë e Teatrit Kombëtar (i njohur atëherë si Teatri popullor). Punoi në Teatrin Kombëtar deri më 1999. Pas një përvoje tri vjeçare me kompaninë “Publimedia”, u rikthye në Teatrin Kombëtar.

Kulmin e suksesit në publik e arriti me rolin e Jovan Bregut në komedinë Pallati 176. Mjeshtria e tij në këtë rol ndikoi fort që komedia të thyejë të gjitha rekordet e mëparshme të shikueshmërisë. Edhe sot, me 500 shfaqje në shtatë vjet, me dhjetra transmetime TV dhe dhjetra mijë kopje videokasetash të shitura, "Jovan Bregu" është figura më popullore e skenës shqiptare, batutat e të cilit prej kohësh janë bërë pjesë e folklorit dhe zhargonit të sotëm. Por rolet e Trebickës në teatër janë të shumtë. Shikuesit e kujtojnë me nostalgji në rolet e Xhenarinos tek “Magjia e madhe”, Zganarelit tek “Don Zhuani”, Hlestakovit tek “Inspektori” (“Revizori”).... tek “Një burrë me trandafil”. Në vitin 2002, për rolin e Rojës tek “Mbreti po vdes”, Trebicka ishte kantidat për Çmimin “Aktori më i Mirë Mbështetës” në Festivalin Ndërkombëtar të Teatrit Eksperimental, në Kajro.

Karriera e Roland Trebickës si aktor fillon me rolin e Kostës, në filmin “Debatik”, më 1961. Ishte kjo përvojë që shënoi kursin që do të merrte më vonë jeta e djaloshit korçar. Ka luajtur edhe në disa filma, ndër të cilët vlen të përmenden Ëndërr për një karrige (Vaska) dhe Koncert në vitin 1936 (Nasi).

Në vitin 2011 u sëmur rëndë nga një sëmundje në mushëri që e detyroi të rrijë larg skenës rreth dy vjet. Është nderuar me titullin Artist i merituar dhe Qytetar nderi i Korçës. Vdiq nga kanceri në mushkëri më 6 mars 2013.

Interpretime

Role në teatër

Viti Titulli Shënime
2011 Martesa e avokatit
2010 Berberi i Seviljes
2009 Te gjithë kanë huqe komedi
2009 Kohë për t‘u çmendur
1999 Po vjen ai
1994 8 persona plus komedi
1990 Valsi i Titanikut
1985 Pallati 176 komedi, roli Jovan Bregu
Role në filma

2011 Dua një gënjeshtar komedi
2004 Tifozët serial komik
1984 Endërr për një karrikë interpreton Vaskën
1979 Radiostacioni
1978 Koncert në vitin 1936 interpreton Nestin
1961 Debatik interpreton Kostën

[Wordless]

Rajmonda Bulku





Rajmonda Bulku (lindur më 16 gusht 1958 në Cërrik) Aktore e njohur e skenës dhe ekranit është nderuar me disa çmime. Në vitin 1981 ajo u diplomua si aktore në Institutin e Arteve të Bukura në Tiranë . Filmi i saj i pare, nga e cila u perzgjodh nga shume vajza te tjera, ka qene "Nusja dhe shtetrrethimi" i xhiruar ne 1975 ne Durrës.


Filmografia

Kafeja e fundit - (2010)
pjata prej druri (teater)
Te gjithë kanë huqe - (2009) teatër, komedi
Kohë për t‘u çmendur - (2009) teatër
Familjet - (2009)
Kosova: Desperate Search - Etjet e Kosovës ...Zana (2006)
Omiros - (2005)
Tirana, viti zero - (2001)
Nekrologji (1994)
Vdekja e kalit (1992)
Vitet e pritjes (1990) ... Magda
Një djalë edhe një vajzë (1990) ...mesuese Matilda
Ngjyrat e moshës -(1990)
Kthimi i Ushtrise se Vdekur - (1989)
Muri i gjallë - (1989)....Lina
Binarët - (1987)
Vrasje ne gjueti - (1987)
Dhe vjen një ditë - (1986)
Gabimi - (1986)
Te paftuarit - (1985)
Duaje emrin tënd - (1984).......Jona
Kërcënimi - (1981)
Një shoqe nga fshati - (1980)...Meli
Ballë për ballë - (1979)........Zana
Dimri i fundit - (1976)
Emblema e dikurëshme - (1976)
Zonja nga qyteti - (1976)...Meli
Nusja dhe shtetrrethimi - (1975)

[Wordless]

Agim Qirjaqi





Agim Qirjaqi është një aktor dhe regjisor shqiptar. U lind në Kolonjë në vitin 1950, dhe vdiq më 28 mars të vitit 2010. Karrierën si aktor e fillon në Teatrin Kombëtar, pas mbarimit të studimeve në Akademinë e Arteve në Tiranë, më 1973. Shumë shpejt bëhet i njohur nëpërmjet filmave “Rrugë të bardha” i Viktor Gjikës (Profesori), “Lulëkuqet mbi mure” i Dhimitër Anagnostit (Drejtori i Shkollës) etj. Me këtë të fundit fiton çmimin e parë në Festivalin II të Filmit, më 1977.

Më pas punon si regjisor në TVSH, ku realizon si regjisor e aktor shumë telefilma, mes të cilëve edhe filmin artistik “Dorina” (1980). Gjatë kësaj kohe vazhdon të punojë intensivisht në filma, duke qenë i preferuar nga shumica e regjisorëve tanë. Gjithashtu fillon të japë mësim, mjeshtrinë e aktorit, në Akademinë e Arteve, përvojë të cilën e vazhdon edhe pas rikthimit në Teatrin Kombëtar, më 1981. Në vitet ’80 interpreton rregullisht në teatër dhe në filma, duke qenë njësoj i suksesshëm, si në role dramatikë, ashtu edhe në ata komikë.
Më 1989 largohet për herë të dytë nga Teatri Kombëtar, këtë herë për një trajnim 2 vjeçar pranë të famshmit Xhiorxhio Strehler (Giorgio Strehler) në Teatrin Pikolo (Il Picolo Teatro) të Milanos dhe pastaj në Teatrin Elizeo (Eliseo) të Romës. Rikthehet në Teatrin Kombëtar më 1991, këtë herë më i dhënë pas regjisë. Ndonëse vazhdon të interpretojë në teatër dhe në film, të mbajë herë pas herë kurse me studentët e regjisë në Akademinë e Arteve, është gjithmonë e më aktiv në regji. Lista fillon me “Rikardi III” të Shekspirit (1992) dhe vazhdon me “Fando e Lis” të Arrabalit, me të cilën fiton Çmimin “Aleksandër Moisiu” në Festivalin e vitit 1994, “Marrëzia e madhështisë” të Vangjel Kozma, “Këngëtarja tullace” të Ioneskos dhe mbaron me “Armiku i popullit” të Ibsenit.

Krahas krijimtarisë, angazhohet edhe në veprimtaritë ‘jashtë skene’, si përkthyes dramash (“Fando e Lis” dhe “Këngëtarja tullace”), bashkëpunëtor dhe anëtar i Këshillit Botues të buletinit Teatër, anëtar i bordeve të Studios Alba Film dhe Akademisë së Arteve, bashkëthemelues dhe kryetari i parë i Shoqatës Mbarëkombëtare të Artistëve të Teatrit (1992). Më 1996 fiton titullin “Asistent Profesor”. Në sezonin 2002-2003 ka qenë drejtor i Teatrit Kombëtar. Vdiq më 28 mars 2010 në moshen 60-vjeqare pas një sëmundjeje të rëndë.

Filmografia

Kronikë provinciale (2009)
I dashur armik - (2004)....Ethemi
Parullat - (2001)....Drejtori i Shkollës
Colonel Bunker - (1998)
Dasma e Sakos - (1998)
Viktimat e Tivarit (1996)
Nata e dymbëdhjetë - teater-komedi
Misioni përtej detit - (1988)
Stolat në park - (1988)....Aleksi
Rrethi i kujtesës - (1987)
Tela për violinë - (1987)..... Muço, Kryetar i Komisionit
Apasionata - (1983)
Në prag të lirisë - (1981)
Agimet e stinës së madhe - (1981) Astriti, i dërguari i Partisë
Sketerre 43 - (1980).... Profesori
Radiostacioni - (1979)
Dimri i fundit - (1976)
Lulëkuqet mbi mure - (1976)......Drejtori i Shkollës
Rrugë të bardha - (1974).... Profesori

[Wordless]

Albert Vërria





Albert Vërria është një aktor shqiptar. Lindur në Fier më 3 shtator 1936. Pasi mbaroi shkollën e mesme bujqësore punoi si zooteknik në vitet 1956 - 1959. Përfundon shkollën e lartë për aktor “Aleksandër Moisiu” (1959 -1963). Në vitin 1963 emërohet aktor në Teatrin e Vlorës. Në vitin 1979, Albert Vërrisë i është dhënë titulli “Artist i Popullit”.

Kinematografia

Historiani dhe kameleonët (1988), Historiani
Trapi i Vjetër (2005), komedi
Misioni përtej detit - (1988)
Në emër të lirisë - (1987)
Rrethimi i vogël - (1986)
Melodi e pandërprerë - (1985)
Ditë të qytetit tim - (1982) (TV)
Goditja - (1980) (TV)
Përtej mureve të gurta - (1979), babai Asimes
Koncert në vitin 1936 - (1978), Nuri Beu
Nga mesi i errësirës - (1978)
I treti - (1978), Saliu
Thirrja - (1976), Lec Kabashi
Në fillim të verës - (1975) , Kaporal Pelegrini
Shtigje të luftës - (1974), Jani Ferra
Shpërthimi - (1974) xha Kasemi
Brazdat - (1973), babai Ademit
Operacioni zjarri - (1973), Hiluku
Kapedani - (1972), xha Sulo
Kur zbardhi një ditë - (1971), Bakalli
I teti në bronz - (1970), Alo
Përse bie kjo daulle - (1969), i dehuri

[Wordless]

Aleko Prodani





Aleko Prodani (1942 - 2006), është një aktor shqiptar. Thonë se ëndrra e çdo aktori është të vdesë në skenë. Nëse kjo është e vërtetë, mund të thuhet Aleko Prodani e realizoi këtë ëndërr. Ai ndrroi jetë në skenën e Teatrit “A. Z. Çajupi” të Korçës, ndërsa luante në premierën më të re të këtij teatri.

Prej më shumë se 30 vjetësh, Prodani ishe një nga yjet më të mëdhenj të teatrit shqiptar, i shquar sidomos në zhanrin e komedisë. Në vitin 1961 ai u bë bashkëthemelues i Estradës së Ushtarit, ku edhe u formua si aktor, gjatë një stazhi gjashtë vjeçar. Më pas u emërua aktor në Estradën e Korçës, ku u bë menjëherë margaritari i kurorës. Për shkak të “biografisë së keqe” e largojnë nga Estrada, pas Plenumit IV dhe e dërgojnë për “riedukim në prodhim”. Por burokratët komunistë u bënë shpejt të vetëdijshëm se zbrazëtia që ai kishte lënë pas vetes në Estradën e Korçës, nuk mund të mbushej kurrsesi. Pas rikthimit në Estradë, fillon për të një periudhë e artë. Interpreton në rreth 60 premiera të Estradës së Korçës, ku shquhet për aftësi të rralla në të gjitha zhanret. Për 15 vjet (1980 – 1995) bëhet njeriu kyç i kësaj trupe. Është autor i libreteve, regjisor dhe aktor kryesor në 30 premiera, e dhjetra skeçe e komedi me një akt që shfaqen edhe në TVSH në programet e Vitit të Ri. Nën drejtimin e Prodanit, në vitet ’80, Estrada e Korçës bëhet më e mira në vend.

Cilësitë e tij të rralla bëhen të kërkuara edhe në Teatrin “A. Z. Çajupi”, ku interpreton rreth 20 role në komedi. Pas sukseseve në teatër, arrin të tjera në kinematografi, ku interpreton në tri kinokomedi, si edhe TV, ku interpreton në një seri spektaklesh dhe telekomedish. Këto arritje i japin, më 1992, titullin “Artist i Merituar”. Ka fituar tri herë rresht, në tri pjesëmarrje, çmimin për aktorin joprotagonist në Festivalin e Aktrimit në Fier, në edicionet 2003, 2004 e 2005.

Filmografia

Kronikë provinciale (2009) i xhiruar ne 2005 para se te vdiste
Borxhliu - (1999) (TV)
Dashuri ne krisma - (1997)
Zëvendësi i grave - (1987) ... shoku Miti
Dy herë mat - (1986).......... shoku Kopi

[Wordless]

Anastas Kristofori





Ka lindur më 28 Nëntor të vitit 1943 në fshatin Vuno të rrethit të Vlorës. Pas mbarimit të studimeve të larta në Institutin e Lartë të Arteve (sot Akademia e Arteve) në vitin 1970,fillon punën me Trupën Profesioniste të Teatrit Popullor (sot Teatri Kombëtar) në vitin 1971. Të shumtë do të jenë interpretimet e tij në skenën e këtij teatri. Këtu mund të përmendim rolin e zotit Dëllfit në dramën “Arturo Ui” të Bertold Brehtit, roli I sekretarit të Prefektit në dramën “Prefekti” e Besim Levonjës,rolin e Apostolit në dramën “Komunistët” e Ruzhdi Pulahës, rolin e Perikliut në komedinë “Pallati 176” e Adelina Balashit e shumë të tjera. Roli i tij më i fundit do të jetë në vitin 2009 në teledramën “Burgjet plot liria në derë”. Në kinematografi roli I tij I parë do të jetë në vitin 1976 roli i Stavrit ,Ekonomatit të Strehës Vorfnore në filmin “Lulëkuqet mbi mure” më tej do të vazhdonin edhe role të tjera si psh: roli i Ndoc Markut në filmin “Besa e kuqe” në vitin 1982,rolin e z.Antonio,Kuestorit të Tiranës në filmin “Vendimi” në vitin 1984,rolin e z.Mavrojanis në filmin “Misioni përtej detit” në vitin 1988 etj. Roli i tij më i fundit do të jetë roli i Perikliut në kinodramën “Po vjen Ai” në vitin 1998 një vazhdim televiziv i komedisë së njohur “Pallati 176” i Adelina Balashit. Për meritat e tij artistike Anastas Kristofori është vlerësuar me titullin e lartë “Artist i Merituar”

Filmografia

Po vjen ai - (1999) Perikliu
Misioni përtej detit - (1988) z. Mavrojanis
Stolat në park - (1988) Pirro
Tela për violinë - (1987) Vasili
Vendimi - (1984) Antonio, Kuestori i Tiranës
Kush vdes në këmbë - (1984) Sotiraqi
Dora e ngrohtë - (1983-1984)
Besa e kuqe - (1982) Ndoc Marku
Ditët që sollën pranverën - (1979) (TV) Jaku
Lulekuqet mbi mure - (1976) Stavri, Ekonomati i Strehës Vorfnore

Teatri

Viti 61
Toka jonë
Prefekti
Pallati 176 - (1985)
Një dimër i shkurtër
Komunistët
Gjenerali i ushtrisë së vdekur
Bashkë me agimin
Arturo Ui
Stinë e mërzitshme në Olimp
Burgjet plot, liria në derë

[Wordless]

Alfred Bualoti





Alfred Bualoti lindi në Tiranë në vitin 1953. Është një aktor dhe menaxher i njohur teatri, drejtues i festivalit të parë ndërkombëtar të teatrit në Shqipëri, “Butrinti 2000”.

U diplomua si aktor nga Instituti i Lartë i Arteve, në Tiranë, më 1974. Për një farë kohe punoi në Radio-Televizionin Shqiptar dhe më vonë në Teatrin e Gjirokastrës.

Mbasi kreu një kualifikim pasuniversitar pranë Teatrit Nacional Chaillot në France, kaloi si aktor në Teatrin Kombëtar në Tiranë. Ka interpretuar 9 role në kinematografi duke filluar me rolin protagonist të Vlashit në filmin “Pylli i lirisë”. Filma të tjerë janë :

“Njeriu me top” 1977,
“Përtej mureve të gurta” 1979,
“Fushë e blertë fushë e kuqe” 1984,
“Dy herë mat” 1986,
“Tela për violinë” 1987,
“Misioni përtej detit” 1988.

Me tej u emërua regjisor teatri, ku nder të tjera realizoi komedinë e famshme Palati 176.

Filmografia

Misioni përtej detit - (1988)
Dy herë mat - (1986)
Fushë e blertë fushë e kuqe - (1984)
Një natë pa dritë - (1981)
Përtej mureve të gurta - (1979)... Ramizi
Pylli i lirisë - (1976)... Vlashi

[Wordless]

Antoneta Papapavli





Antoneta Papapavli lindi në Përmet më 17 shkurt të vitit 1938, është aktore e njohur shqiptare.
Kreu studimete larta në ILA, dega e dramës dhe u emërua aktore në Teatrin Popullor më 1964. Ka interpretuar mbi 50 role në TP, ka mbi 20 vjet karrierë artistike si dhe në 16 role në filmin artistik shqiptar.

Në Teatrin Popullor veçohen rolet e Afrovitit “Karnavalet e Korçës”, Cuca “Cuca e maleve”, Drita “Drita”, Mara “Toka jonë”, Deizi “Arturo Ui”, Bajamja “Fytyra e dytë”, Ledi Milford “Intrigë dhe dashuri”, Adela “Shkëlqimi dhe rënia e shokut Zylo”, Gjyshja “Hijet e natës”, etj. Doli në pension në tetor 1985. Ka afro 30 vjet që nuk është ngjitur në skenë, për arsye shëndetësore.

Për aktivitetin e saj artistik është nderuar me titullin "Artiste e Merituar".

Filmografia

Kur ndahesh nga shokët (1986) ... nena e Zanes
Kur hapen dyert e jetës (1986) ... nëna e Lizës
Hije që mbeten pas (1985) ... Sania, nëna e Marjetës
Nxënësit e klasës sime - (1984) ... Vangjelia, bashkëshortja e Kristoforit
Apasionata (1983) ... Profesorja e Mirës
Shoqja nga fshati (1980) ... Lefka
Si gjithë të tjerët (1981) ... Mamaja e Jetës
Kërcënimi (1981) ... Marina, nëna e Emës
Përtej mureve të gurta - (1979)...nena e Asimese
Ata ishin katër (1977) ... Anëtarja e Këshillit
Përballimi (1976) ... Klea
Komisari i dritës (1966) ... Ngjela

[Wordless]

Agim Shuke





Agim Shuke ka lindur në 8 Prill të vitit 1942 në qytetin e Kuçovës. Pas mbarimit të studimeve në Institutin e Lartë të Arteve (sot Akademia e Arteve) fillon punën si aktor në Teatrin Popullor (sot Teatri Kombëtar) dhe më vonë si Pedagog në Institutin e Lartë të Arteve (sot Akademia e Arteve) Në kinematografi do të interpretojë 20 role. Roli i tij i parë do të jetë roli i Dinit në filmin “Oshëtim në bregdet” në vitin 1966.

Më tej do të vazhdonin role të tjerë si roli i Bashkimit në filmin “Plagë të vjetra” në vitin 1969, roli i Sandrit në filmin “Në fillim të verës” në vitin 1975, roli i Komisarit Shqiptar të Bazës Detare në filmin “Ballë për ballë”, roli i Musait në filmin “Militanti” në vitin 1984 etj. Roli i tij më i fundit do të jetë ai i Babait të Anilës në filmin “Një djalë edhe një vajzë” në vitin 1990. Agim Shuke ndahet nga jeta dhe nga familja e tij e dashur në vitin 1992.

Filmografia:

1990 -- Fletë të bardha .............................Kryetari i Kooperativës
1990 -- Një djalë edhe një vajzë ...............................Babai i Anilës
1988 -- Shkëlqimi i përkohëshëm ...............................Trajneri
1988 -- Treni niset në shtatë pa pesë ........................Doktori
1987 -- Telefoni i një mëngjesi ...............................Dhimitri
1986 -- Dy herë mat............................................She fi i Policisë
1986 -- Rrethimi i vogël..............................Faiku, Sekretari i Partisë së Rrethit
1985 -- Të shoh në sy ...............................Zv/Drejtori
1984 -- Militanti .................................................M usai
1984 -- Taulanti kërkon një motër ............................Gëzimi
1982 -- Shi në plazh teatër-komedi
1982 -- Nëntori i dytë ..........................................Jani Minga
1980 -- Një ndodhi në port .....................................Inxhinieri i laboratorit
1980 -- Vëllezër dhe shokë .....................................Dania,nallban i i fshatit
1979 -- Ballë për ballë .....................................Komisari Shqiptar i Bazës
1979 -- Përtej mureve të gurta ................................Doktor Xhema
1978 -- I treti .........................................Gëzimi
1978 -- Vajzat me kordele të kuqe ............................Mësuesi i Historisë
1975 -- Në fillim të verës .......................................Sandri
1969 -- Plagë të vjetra ..........................................Bashkimi
1966 -- Oshëtim në bregdet ...................................Dini

[Wordless]

Ahmet Pasha





Ahmet Pasha lindi më 7 shkurt të vitit 1948 në Kukës, është aktor i njohur shqiptar. Diplomohet në 1970 dhe emërohet menjëherë aktor në Teatrin Kombëtar, ku në janar të 1971 fillon zyrtarisht karriera e tij e gjatë mbi 30-vjeçare me trupën e këtij teatri. Roli i tij i parë në skenën e këtij teatri është roli i Flejkut në dramën "Arturo Ui". Më pas interpreton një sërë rolesh si në dramat "Një dimër i shkurtër",

"Sinjali i kuq", "Cuca e maleve", "Lumi i vdekur", etj. Ndër sukseset në Teatër ngelen kryerolet Isa Boletini ("Udha e flamurit"), Abdyl Frashëri ("Epoka para gjyqit"), Gjenerali ("Gjenerali i ushtrisë së vdekur), Inskerdoja (Monserati), Kadriu (Rajmonda), Mumja (Muzeu), si dhe në dramt "Prometeu", "në jetë", "Roemeo e Zhilieta", Tiranozauri", etj, etj. Në skenën e Teatrit Kombëtar Ahmet Pasha ka interpretuar rreth 70 role. Krahës teatrit ka marër pjesë në disa filma artistikë. Është nderuar me çmime e diploma në konkurrime teatrale dhe në vitin 1989 i është dhënë titulli i lartë "Artist i Merituar".

Veprimtaria artistike

1971: Arturo UI - Flejku, Një dimër i shkurtër - Arbeni, Viti 61 - Petriti, Drita - Petriti, I pazëvendësueshmi - Kandidati i shkencave
1973: Sinjali i kuq - Borisi, Prefekti - Burri me opinga, Orfeu zbret ne ferr - Veli
1974: Toka jonë - Meti, Bashkë me agimin - Osja
1975: Duke gdhirë viti 1945 - Reizi,Curr Beja, Lumi i vdekur - Gaq Gjanica
1976: Karavidhet - Qytetari, Shenomeni dhe mua - Jani, Lulet e shegës - Togeri
1977: Gjëmimi atij dimri - Kabashi, Përmbytja e madhe - Gjergji
1978: Doktori pacient - Astriti, Miq te pafluar - Doktor
1979: Gryka e nëmur - Marku, Tragjedia e fundit e Deas - Ethemi, Cuca e maleve - Gjet Lleshi
1980: Lenini dhe fëmijët - Vasilievski
1981: Nga errësira në dritë - Irfan Dumrela
1982: Vizita e inspektorit - Xheraldi
1983: Epoka Para gjyqit - Abdyl Frasheri
1942: Kulla e Hutajve - Mul Prengu, Korabi
1985: Komunistet - Aleksi
1986: Nata e dymbëdhjetë - Orsino, Udha e flamurit - Isa Boletini
1987: Përball vetes - Lirimi
1988: Prometeu - Prometeu
1989: Në jetë - Jakobin, Monserati - Inskierdo, Gjenerali i ushtrise se vdekur - Gjenerali
1990: Hijet e natës - Selimi
1991: Nën dritat e skenës - Vaso
1992: Romeo dhe Zhulieta - Kapuleti, Besa - Demir Beu, Rikardi i trete - Hastinski
1993: Kati i gjashte - Babai
1994: Revizori - Gjykatësi, Në pritje të Godosë - Poco
1995: Motrat - Heroi, Tiranozauri - Salmoni
1996: Ne katin e dyte është parajsa - Burri me republike, Maria thotë për të gjithë - Djalli
1997: Inspektori - Nepunesi i spitalit
1998: Muzeu - Mumja, Darka e te marreve - Zhylieni, Shtepia ne bulevard - Autori
1999: Martesa me pahir - Filozofi, Absurditeti antik - Radomoni
2000 - 2008: Armiku i popullit - Kryeplaku, Njeriu kafsha dhe virtyti - Doktori, Një njeri në det - Presidenti - Oficeri, Nata e trokitjeve ne xhama - Rupi, Dua burrë - Pandi, Stine e mërzitshme ne Olimp - Epimetheu, Gomone - Intelektuali, Më mirë nesër se pasnesër - Llaqi, Ska te ngopur - Islami, Kulla e Fildishtë - Furtvangler, Si e mposhta Musolinin - Mesuesi, Babai - Prokurori, Një grua për jetë - Plaku, Medea - Kleanti, Alegreto Albania - Mesuesi
2009: Antigona kërkon babanë - Shefi, Emigrantet