Dalin Maskat ne rruge

[Kermilli]

mos ja fusni kot me konspiracione politike te oreve te fundit.

ceshtja e rendit publik ka te pakten 2 vjet qe eshte skandaloze. me vrasje perdite te llojeve te ndryshme.
sigurisht qe politika eshte e para qe i faturohet kjo gjendje.
pasi rendi publik eshte i veshtire te mbahet nese nuk lufton krimin ne gjenezen e vet. qe eshte Mentaliteti social.
dhe mentaliteti social (sidomos pjesa me regresive e kombit) nuk eshte luftuar keto vite, por perkundrazi i jane ledhatuar veshet dhe jane stimuluar me poste ne administrate.

Ashtu është vëlla, prandaj kemi arritur ketu ku kemi arritur,

[zANë]

Boh!
Duket se krimi ne 'familje' ska te ndalur,nuk di nese ka nje dite qe nuk lexojm raste te tilla,jo se keto nuk ndodhin ne gjithe boten ama ne gjithe boten dhe kur ndodhin ka reagime te lloj llojshme,qe nga organet shtetrore e deri te shoqeria civile,eshte shqetesues dhe fakti qe shoqeria civile ne Shqiperi nuk ben asgje,rritet kurba e krimit ne familje pa reaguar shume njerezit thuaj se po rritet kurba e zhvillimit ekonomik!

Por gjithesesi ky lloj krimi nuk do e krahasoja me kto te maskave qe jan ne teme,nuk eshte e njejta gje fare.
Ky tipi i maskave ka permasa me te medha biles nuk e di ta quaj akt terrorist apo jo,sepse krimi ne familje p.sh shqeteson opinionin publik,sidomos kur ndodh cdo dite,njrezit vrasin mendjen me cfare crregullimesh po perballet shoqeria,ama tipi i maskave perhap panik,prish qetesin,destabilizon vendin,a nuk eshte ky pastaj qellimi i akteve terroriste?!Kjo gje me tmerron !

[Xhuxhumaku]

Vrasja e 47-vjeçarit Edmond Dervishi, flet i ati: Të zbardhen vrasjet e djemve
16 Korrik 2013 | : Aktualitet,Kryesoret | Autor: Silvana Muça
Gëzim Dervishi: Edmondi nuk kishte probleme, e ekzekutuan në pabesi. Drejtësia s’ka zbardhur vrasjen e Gentit

Silvana Muça
edmond-dervishi

Edmond Dervishi

Gëzim Dervishi, babai i Edmondit, 47-vjeçarit që u ekzekutua me 18 plumba mbrëmjen e së dielës në rrugën “Thanas Ziko” në Tiranë, thotë se nuk është në dijeni të problemeve që i biri mund të ketë pasur kohët e fundit. Madje, pak minuta para vrasjes, 47-vjeçari kishte qenë në banesën e të atit, për ta takuar. I ndjeri sapo ishte kthyer nga plazhi dhe sipas të atit, nuk shfaqte asnjë shenjë shqetësimi. Gëzim Dervishi, përveç dhimbjes së madhe për humbjen e djalit, ndien edhe zemërim prej policisë, e cila, sipas tij, nuk ka arritur që të zbardhë vrasjen e djalit tjetër, e ndodhur në vitin 1997. “Unë nuk e dua më jetën, sepse dy djemtë e mi janë vrarë dhe arsyet dhe autorët nuk i di. Jam i zhgënjyer, sepse policia ende nuk ka arrestuar personat që më vrarë djalin e vogël, në vitin 1997 dhe pa marrë përgjigje për vrasjen e parë prej kaq vitesh, ndodh edhe tragjedia tjetër. Gjithçka për ne ka qenë e papritur. Im bir nuk është as biznesmen, nuk është përzier me banda dhe nuk ka pasur konflikte me njeri. Vrasja e tij ka ndodhur si rrufeja në qiell të hapur”, shprehet babai i Edmond Dervishit. Në një intervistë për gazetën “Shqip”, i moshuari ka treguar momentet e fundit me të birin dhe mekanizmin e ngjarjes së rëndë..

Çfarë ka ndodhur mbrëmjen e së dielës?
gezim-dervishi

Gezim Dervishi

Djali, atë ditë, kishte qenë në plazh me shoqërinë e tij. Në mbrëmje u kthye për të më takuar mua, pasi kam disa probleme me shëndetin. Kam bërë ndërhyrje kirurgjikale te sytë dhe ai vinte herë pas here për të më pyetur. Qëndroi pak dhe më tha se do të shkonte në shtëpi së bashku me nusen, për t’u çlodhur. Unë isha shtrirë dhe po merrja ilaçin tek sytë, kur në televizor dëgjoj që tek gjimnazi “Partizani” ishte vrarë njëri që jetonte në katin e tretë. I thashë bashkëshortes që kishte ndodhur vrasje, por nuk ma mori mendja që ishte im bir, sepse ai jetonte në katin e shtatë të pallatit.

Po si e morët vesh vrasjen e djalit?

Nuk tregova interes për vrasjen, ngaqë isha duke marrë mjekim, edhe pse e dija fort mirë vendin e ngjarjes. Pas pak minutash televizori thotë që personi i cili është vrarë e ka emrin Edmond Dervishi. Dola me vrap tek vendi ku ndodhi ngjarja. Aty pashë policinë që kishte rrethuar vendin e krimit. E morën trupin dhe e dërguan në spital. Askush nuk më thoshte gjë, për atë që kishte ndodhur dhe unë akoma nuk e di se sa herë është qëlluar im bir. Nuk jam interesuar.

A ka pasur djali juaj shqetësime?

Ai nuk ka pasur asnjë shqetësim dhe në orën 10:00-12:00 shkonte në shtëpi si një familjar i denjë. Po të kishte probleme im bir, unë do ta dija, por nuk ka pasur asnjë problem, me asnjë person. Në vitin 1997, mua më kanë vrarë edhe një djalë tjetër për tifozllëk motorësh, se djali im më i vogël ka qenë i çmendur pas motorëve dhe bënte gara. U zunë atje dhe e vranë. Sot e kësaj dite, unë nuk e di se cilët janë autorët që ma vranë të voglin.

Ku dyshoni ju?

Unë nuk vë dorë tek askush, sepse nuk di gjë. Im bir po të ishte përfshirë me persona të implikuar me krimin, e dënoja dhe e vrisja vetë, sepse nuk do ta lejoja një gjë të tillë. Atë e njeh gjithë Tirana. Ai nuk ka asnjë biznes dhe ka qenë i papunë për një kohë të gjatë. Në prag të zgjedhjeve elektorale, atë e punësuan si shofer pranë KQZ-së dhe kishte vetëm tre muaj si i punësuar.

Dyshoni se vrasjet e djemve tuaj kanë lidhje me njëra-tjetrën?

Nuk besoj. Atë që kishin për të bërë e bënë që atëherë dhe nuk besoj që u rikujtuan për ne edhe pas kaq shumë vitesh. Ajo është një çështje e mbyllur.

Djali vetëm ka qenë kur u ekzekutua?

Jo, ka qenë me nusen. Ajo ka zbritur për të blerë bukë tek dyqani i lagjes, i cili është disa metra larg vendit të krimit. Mondi ka parkuar makinën dhe më pas ka shkuar që ta presë tek sheshpushimi i shkallëve. Aty pastaj e kanë vrarë.

Nusja ka parë gjë?

Jo. Ajo nuk ka parë asgjë. Në momentin që ajo është kthyer, e ka gjetur djalin të shtrirë për tokë. Nuk ka vënë re asnjë person të dyshimtë dhe vrasja është bërë me armë me silenciator dhe andaj nuk janë dëgjuar krisma prej askujt.

Çfarë kërkoni?

Kërkoj që policia të më japë përgjigje për vrasjen e djalit të vogël Gentit. Që prej vitit 1997 e deri më sot, nuk dihet asgjë për këtë ngjarje. Unë nuk e di se kush ma vrau dhe as arsyen. Nuk dimë asgjë. Kërkoj të vërtetën e vrasjeve dhe arrestimin e autorëve të krimit.





Policia

Hapet dosja e vrasjes së vëllait, krimet e mundshme të Edmondit dhe lidhjet me femrat

“Tri pista nën hetim; hakmarrja,

veprimtaria e viktimës dhe flirtet”

Policia e Tiranës nuk ka arritur që të identifikojë autorët e krimit. Mësohet se grupi hetimor ka mbledhur pak të dhëna në skenën e krimit, e cila do të ndihmonte në identifikimin e vrasësve. Madje nuk ka arritur që të gjejë qoftë edhe një dëshmitar të vetëm, i cili mund ketë parë ngjarjen dhe nuk është në gjendje që të thotë nëse ekzekutorët kanë qenë të maskuar apo jo. Në skenën e krimit janë gjendur 18 gëzhoja, me kalibër 7.65 mm, të cilat janë dërguar në laborator për ekzaminime. Familjarët e viktimës nuk janë marrë në pyetje, proces i cili pritet që të bëhet në ditët në vijim. Thuhet se ekzekutorët kanë ndjekur të gjitha lëvizjet e Dervishit dhe mbrëmjen e së dielës, gjatë kohës kur ai po kthehej në shtëpi, i kanë bërë pritë 47-vjeçarit, duke e lënë në vend të vdekur. Distanca me të cilën ata kanë qëlluar në drejtim të Dervishit ka qenë shumë e vogël dhe banorët e pallatit nuk kanë dëgjuar të shtëna, pasi arma ka qenë e pajisur me silenciator. Ende nuk ka ndonjë pistë zyrtare për motivin e vrasjes, por policia bën me dije se Edmond Dervishi mund të jetë ekzekutuar për çështje pronësie dhe hakmarrjeje, por nuk përjashtohen as pistat e tjera personale. “Pas divorcit nga gruaja, 47-vjeçari ka pasur disa lidhje me femra, ndërsa kohët e fundit bashkëjetonte me një femër. Pikërisht këto lidhje të viktimës po verifikohen, për shkak se ekspertiza mjekoligjore ka përcaktuar se viktima është qëlluar edhe në organet gjenitale”, pohojnë burimet nga policia.

Banorët e lagjes

Komshinjtë e 47-vjeçarit kanë shkuar për ngushëllim tek familja Dervishi. Ata japin disa detaje për mekanizimin e vrasjes. “Edmondi ka qenë duke pritur nusen e tij, e cila kishte shkuar për të blerë bukë. Në ato momente ka ardhur një makinë, me tre persona brenda. Dy prej tyre kanë dalë prej saj, ndërsa njëri ka qëndruar brenda. Ata e kanë ekzekutuar duke qëlluar me armë silenciator rreth 18 herë. Janë larguar brenda disa sekondave. Askush nuk ka arritur që t’i identifikojë sepse ka qenë natë dhe ata janë larguar me shpejtësi” shprehet fqinji i të ndjerit, pa dashur që të identifikohet. Ndërkaq tezja e 47-vjeçarit i kërkon policisë zbardhjen e vrasjeve misterioze të vëllezërve Dervishi në kohë të ndryshme. “Unë kam 16 vjet që qaj për vrasjen e nipit tim, Gentit, i cili u vra në vitin 1997. Prej kaq shumë vitesh, zemra ime lëngon, pasi nuk di të vërtetën e vrasjes së Gentit dhe pa u zbardh ajo, kriminelët më vranë nipin tjetër, vëllanë e Gentit, Edmondin, Ata janë të pafajshëm. Nuk kanë bërë asgjë, nuk kanë pasur konflikt me askënd dhe nuk kanë vrarë njeri. Po të ishin vrasës, nuk do ta qaja në këtë mënyrë që po e qaj sot. Normal që do ndieja dhimbjen si teze, por jo në këto përmasa. Jemi shumë të indinjuar me punën e policisë, e cila nuk ka arritur që të arrestojë vrasësit e Gentit dhe zemërata ime arrin kulmin me vrasjen e dytë. U kërkoj organeve kompetente që të zbardhin vrasjet e djemve tanë. Unë nuk kam besim që do zbardhet, por gjithsesi i kërkoj policisë, arsyen e ekzekutimit të vëllezërve Dervishi. Autorët lëvizin të lirë, ndërsa djemtë tanë janë nën dhe.

http://gazeta-shqip.com/lajme/2013/0...sjet-e-djemve/

[Xhuxhumaku]

kzekutimi i mikut të Franc Konomit, e ëma: Minutat e fundit me Edmondin para vrasjes
6 tweet
Argument, Flash e Martë, 16 Korrik, 2013 | 10:10 am

Qefsere Dervishi
Qefsere Dervishi: Është ngatërresë, im bir nuk kishte hesape të hapura me asnjeri.

“Djali po kthehej në shtëpi nga plazhi kur e qëlluan me armë”

Nëna e 50-vjeçarit, Edmond Dervishi, i cili u ekzekutua në Tiranë të dielën me 9 plumba, nuk gjen ngushëllim për atë që i ka ndodhur.
Njëri djalë, Gentiani, iu vra para 16 vitesh para shtëpisë së saj, e tjetri iu ekzekutua mbrëmjen e të dielës në hyrje të pallatit ku banonte në Tiranë. Në pritje të djalit tjetër, Arbenit, i cili ishte nisur dje nga Franca ku jeton prej vitit 1992, Qefsere Dervishin është e vështirë ta bësh që të paktën për pak sekonda ta ndërpresë vajin. Pak minuta para se të vritej i biri, ajo e kishte takuar atë në kohën kur ai u kthye nga plazhi me të fejuarën e tij, Edrinën. Kur ai po ngjiste shkallët e pallatit që të shkonte për të pushuar, disa persona i kishin zënë pritë dhe e ekzekutuan me breshëri armësh. Nëna e Edmond Dervishit nuk gjen dot asnjë motiv përse mund t’i jetë vrarë i biri. Madje, për të ngjarja është ngatërresë. Autorët sipas saj mund të kenë dashur të vrasin ndonjë person tjetër. “Djali im nuk i bënte keq njeriu. I shmangte gjithmonë debatet, edhe kur bëheshin brenda familjes, jo më me persona të tjerë. S’e ka parë kurrë derën e Policisë për asnjë lloj shkeljeje, jo më krimi”, tregon nëna e 50-vjeçarit. Në një intervistë për gazetën “Panorama”, ajo tregon momentin e fundit kur është takuar me të birin dhe përjashton si motive për ngjarjen pistat e ngritura nga Policia e Tiranës.
Kur e keni takuar për herë të fundit Edmondin?

EDMOND DERVISHI
Pak minuta para se të ma vrisnin, e takova Edin tim. Ishte në plazh dje (të dielën) bashkë me të fejuarën e vet, Edrinën dhe nja dy shokë më duket. U kthye dhe menjëherë erdhi të na takonte te shtëpia jonë. Gjithmonë vinte na takonte, rrinte me mua dhe të atin. Në atë moment që erdhi Edi, unë po i hidhja një ilaç në sy tim shoqi, se ishte bërë operacion në sy dhe duhej t’ia mjekonim. Qëndroi pak aty dhe më pas iku të pushonte në shtëpi.
Po ju si e mësuat ngjarjen?
Nuk kemi dëgjuar asgjë. Ishte shumë qetësi madje. Por në një moment kot se si ktheva kokën nga televizori dhe me bisht të syrit po shihja që shkruhej anash për një vrasje te shkolla “Partizani”. Nisa të shqetësohem, por jo për tim bir. Mendova se mos kishin vrarë njeri nga banorët e lagjes dhe po më vinte keq shumë. Por për pak sekonda aty shkruhej edhe emri Edmond Dervishi. Ndërsa më pas që ishte rreth 30 vjeç. Djali ishte 50, po shpresoja shumë të mos ishte Edi im. Por prapë nuk rrija dot e qetë pa marrë vesh diçka dhe menjëherë u nisa me nxitim për te pallati i Edit. Erdhi edhe Gëzimi (babai i viktimës) dhe aty, çfarë të shikonim!
Ka pasur ndonjë problem Edmondi, ose ju kishte folur ndonjëherë për diçka që e shqetësonte?
Asgjë nuk e shqetësonte Edin. Ai ishte njeri i dashur me të gjithë, i qeshur. Ne atë kishim që na mblidhte në gëzime e hidhërime. Nuk e di sa do jetoj më tani që më iku edhe ai. Asnjë hall nuk ka pasur. Jo thuhet lart e poshtë që djemtë e mi paskan pasur miqësi me Franc Konomin apo edhe të tjerë që janë përmendur sot. Jo, jo. Edi nuk kishte të bënte. Shikonte punën e hallin e vet. Nuk merrej ai me probleme, i shmangte.
Çfarë pune bënte djali juaj?
Gjithë jetën e tij ka punuar. Shumicën e kohës ka punuar edhe në shtet. Jo ndonjë post të rëndësishëm, por shofer ka qenë edhe në Ministrinë e Brendshme dikur. Shoferi i zv.ministres, me sa kujtoj, në kohën e Hajdaragës. Ndërsa tani punonte te KQZ-ja. E ndihmoi Niazi Kosovrasti, që banon këtu pranë nesh që të fillonte punë atje.
A kishte fëmijë Edmondi?
Ne vetëm Enxhin kemi. Ajo është vajza që la një vjeçe djali im, Genti, para 15 vjetësh kur ma vranë, atë vajzë kishte edhe Edmondi. E kishte si vajzën e tij, ishte shumë i lidhur me të. Vetë nuk kishte fëmijë. U martua, por nuk arriti të bëhej baba dhe u nda para disa vitesh nga e shoqja. Kishte gati 4 vjet që ishte lidhur me Edrinën dhe me atë jetonte tani.
Ka pasur ndonjë problem nga divorci me ish-bashkëshorten?
Asnjë problem. Ata u ndanë me mirëkuptim. Ajo jeton te “Don Bosko” dhe, kur takoheshin, flisnin me njëri-tjetrin, por edhe me ne, pa asnjë hatërmbetje.
Po keni ndonjë dyshim se për çfarë motivi mund të jetë vrarë djali juaj?
Nuk kam asnjë dyshim. Asgjë. Lërë çfarë thonë hakmarrje. Çfarë hakmarrje? Unë dyshoj shumë që Edin e kanë ngatërruar me ndonjë tjetër. Nuk kishte arsye pse të ma vrisnin djalin.

Kushëriri: Vëllai i Edit u vra për një goditje me grusht në Francë
“Franc Konomin e kishim çun lagje, s’kishin miqësi”
Kushëriri i Edmond Dervishit, djali i tezes, që veç të tjerash e kishte një prej miqve më të ngushtë, u shpreh dje se ngjarja e mbrëmshme nuk mund të ketë lidhje me vrasjen e Franc Konomit. Madje, sipas tij, përveçse ishin në një lagje, ata nuk kishin asnjë lloj miqësie me njëri-tjetrin. Megjithatë, tregon se vëllai i Edmondit, Gentian Dervishi, u vra në vitin 1998 për një grusht që pati goditur dikë në Francë, gjatë kohës që vizitonte të vëllain që jeton atje, Arbenin. “Genti u vra më 23 gusht të vitit 1998 dhe ne e dimë edhe për kë dyshoi Policia në atë kohë. Për një Fatjon Naxhaku, nuk ia di mirë emrin. Por atë e vranë më pas. Genti u vra vetëm se pas një grindjeje të çastit në Francë, kur po qëndronte disa ditë me të vëllain, e pati goditur këtë me grusht. Po kjo ka qenë arsyeja, shumë banale. S’ka lidhje këtu miqësi apo ku di unë se çfarë thuhet, me Franc Konomin. Ndërsa Edi nuk ka lidhje me asnjë histori të fortësh. Edi të ishte njeri që donte sherre, apo kishte lekë siç thuhet, i merrte hakun vëllait. Por ai gjithçka ia kishte lënë në dorë drejtësisë. Edi, punëtor i thjeshtë, shofer ka qenë gjithë jetën. Kishte fiksim motorët dhe ky ishte vesi i tij i vetëm. Llogariste paratë për të kaluar muajin. Si mund të ngatërrohet ai në çështje të tilla?”, tregoi kushëriri i viktimës.

Fqinja: Pas vrasjes dëgjova hapat e tre personave që dilnin nga pallati
Flet banorja e katit të parë: Pati breshëri armësh
TIRANE – Një prej fqinjëve të Edmond Dervishit, e cila banon në katin e parë të pallatit, ku ndodhi edhe vrasja e 50-vjeçarit, tregon dje se nuk ka dëgjuar të shtëna. Ajo thotë se ka dëgjuar vetëm përplasjen e gëzhojave me kutinë e sahateve të dritave, që asaj i janë dukur si fishekzjarrë. Dëshmitarja që ka dëgjuar pak sekonda pas vrasjes, tregon se ekzekutimi i Dervishit nuk është kryer nga një person i vetëm. Ajo tregoi dje se ka dëgjuar disa hapa të disa personave, që lëviznin me nxitim për të dalë nga hyrja e pallatit, por nuk ka arritur t’i shohë. “Unë banoj këtu në katin e parë. Këtu dëgjohet ndonjë zhurmë çdo natë, por ajo e mbrëmshmja që në fillim ishte disi e çuditshme. Siç e patë edhe vetë, Edmondi është qëlluar kur po ngjiste shkallët që lidhin katin e parë me të dytin. Unë dëgjova disa krisma të dyshimta, por mendova se mos ishin fishekzjarrë. Pastaj, kur dola, pashë që kishin qenë gëzhoja arme, që siç duket mund të jenë përplasur me kasetën e sahateve të dritave, sepse pashë shumë të tilla para tij dhe derës sime. Ishin disa gëzhoja të vogla. Por para se të dilja dhe t’i shihja vetë, dëgjova njerëzit nëpër shkallë që thërrisnin: ‘Edi, Edi…’. Fillimisht kisha dëgjuar disa hapa njerëzish që lëviznin me shpejtësi nga hyrja e pallatit për në dalje. Ishin disa hapa, nuk ishte vetëm një person. Pastaj dola të shihja çfarë kishte ndodhur dhe pashë gëzhojat që ju thashë. Më pas, te shkallët ishin disa persona, ishte edhe e fejuara e Edmondit, e cila i kishte kapur dorën dhe kërkonte ndihmë, pasi thoshte që kishte ende puls dhe ishte gjallë. Kur erdhi ambulanca, ai kishte vdekur”, tregoi dje fqinja e Dervishit.

Vrasja e Dervishit, 32 të shoqëruar
Tirane/ Në vendin e krimit u gjetën 18 gëzhoja, dyshohet se u përdorën dy armë të ndryshme
Policia: Po hetojmë hakmarrjen, lidhje me atentatin e vëllait në 1998

Edmond Dervishi
Dy ditë pas vrasjes së 47-vjeçarit Edmond Dervishi pranë shkollës “Partizani”, në Tiranë, pista kryesore e hetimit të ngjarjes vazhdon të jetë ajo e hakmarrjes.
Policia ka dyshime se krimi lidhet me vrasjen e vëllait të punonjësit të KQZ, në vitin 1998. Pas kryerjes së autopsisë, nisur kryesisht nga zona ku është goditur, nga brezi e poshtë, policia ka ngritur edhe një pistë tjetër, atë të ndonjë konflikti të mundshëm për çështje intime. Për ekspertët, fakti që është qëlluar në organet gjenitale, tregon që mund të ketë qenë ndonjë inat ose çështje xhelozie që lidhet me femrat. Edhe pse të afërmit e tij që janë marrë në pyetje, e fejuara e tij, madje edhe ish-bashkëshortja e kanë mohuar kategorikisht këtë pjesë, sërish mbetet një prej pistave të Policisë, që po verifikohet. Burime nga grupi hetimor thanë se vrasja e Dervishit ngjason shumë me atë të Franc Konomit, që ndodhi më 8 korrik të vitit 2010. Për grupin hetimor ka shumë të përbashkëta në të dy krimet, madje një e përbashkët mes tyre është edhe vrasja e vëllait të 50-vjeçarit, Gentian Dervishi. Për vrasjen e tij u dyshua Fatjon Naxhaku, një prej armiqve të Franc Konomit, i cili u ekzekutua në vitin 2005. Kjo për Policinë e Tiranës është “ura” lidhëse e zinxhirit të vrasjeve që ndodhën që prej vitit 1998 e deri dy ditë më parë.
VEPRIMET HETIMORE
Burime zyrtare nga Policia e Tiranës thanë dje se në vendin ku u vra Edmond Dervishi, janë gjetur 18 gëzhoja arme, të kalibrit 7.65 milimetra. Sipas burimeve, arma dyshohet të ketë qenë me silenciator, por deri në përfundim të ekzaminimit të gëzhojave, nuk mund të përcaktohet saktë se çfarë arme është përdorur, por dyshohet që mund të jenë përdorur dy pistoleta. Gjatë orëve të vona pas ngjarjes dhe ditën e djeshme, janë shoqëruar për t’u marrë në pyetje 33 persona, kryesisht në cilësinë e personave që kanë dijeni për krimin, por edhe dëshmitarë. Nisur nga deklarimet e banorëve të pallatit, dyshohet se në krim kanë marrë pjesë 3 persona, që kanë dalë nga hyrja e pallatit duke vrapuar e më pas nëpërmjet tunelit të pallatit kanë dalë në rrugën kryesore, ku i priste një makinë e zeze tip “Benz”. Oficerët e hetimit të krimeve kanë sekuestruar disa kamera sigurie në lokalet pranë zonës së krimit.
LIDHJA MES KRIMEVE
Dosja e vrasjes së vëllait të Edmond Dervishit, Gentianit, e ndodhur më 23 gusht të vitit 1998, para Shkollës së Kuqe në Tiranë dhe ajo e Franc Konomit, më 8 korrik të vitit 2010, janë rihapur për gjetjen e elementëve të përbashkët, që mund t’i çojnë hetuesit drejt zbardhjes së vrasjes së dy ditëve më parë. Gentian Dervishi u ekzekutua vetëm disa javë pas vrasjes së Taulant Muçës, vëllait të “të fortit” të Rrugës Bardhyl, Gaz Muça. Dy persona u arrestuan për këtë ngjarje 5 vjet më pas, ndërsa për vrasjen e Gentian Dervishit pati vetëm dyshime, por asnjë provë të drejtpërdrejtë që mund ta lidhnin të dyshuarin, Fatjon Naxhaku, me vrasjen e tij. Vetëm disa metra larg vendit ku u vra Dervishi në ‘98-n, po te Shkolla e Kuqe, u qëllua për vdekje edhe Naxhaku më 3 gusht të vitit 2005, pasi ishte arratisur nga një burg në Spanjë dhe ishte nisur për të vrarë Domart Konjarin, mikun e ngushtë të Franc Konomit. Por kjo përballje i shkaktoi vdekjen, pasi u dyshua se Konjari i rrëmbeu armën që i kishte drejtuar dhe e shkrepi drejt Naxhakut duke e lënë të vdekur. Megjithatë, edhe për këtë ngjarje, Policia nuk gjeti asnjëherë prova për ta arrestuar Konjarin, i cili edhe sot e kësaj dite ende nuk dihet se ku ndodhet.

Policia e Tiranës: U përdorën dy armë me silenciator
Në vendngjarje sekuestrohen 18 gëzhoja
TIRANE – Policia foli dje zyrtarisht për vrasjen e ndodhur mbrëmjen e së dielës, në rrugën “Thanas Ziko”, ku u ekzekutua me 9 plumba 50-vjeçari Edmond Dervishi. Megjithatë, në deklaratën e Policisë nuk thuhet asgjë konkrete rreth motiveve të dyshuara pse mund të ketë ndodhur krimi. “Gjatë ecurisë së hetimit, grupi hetimor i përbërë nga specialistë të Drejtorisë së Krimeve të Rënda, në Drejtorinë e Përgjithshme të Policisë së Shtetit, specialistë nga Sektori i Krimeve të Rënda në Drejtorinë e Tiranës, në bashkëpunim me Prokurorinë, po hetohet në disa pista, për të cilat do t’ju informojmë në vijimësi. Në vendngjarje u gjetën dhe u sekuestruan në cilësinë e provës materiale 18 gëzhoja me kalibër 7.65 mm. Aktualisht nga grupi hetimor po punohet intensivisht për identifikimin e kapjen e autorëve dhe sqarimin e plotë të rrethanave të kësaj vrasjeje me paramendim”, thuhet zyrtarisht nga Policia. Ndërsa, sipas burimeve nga grupi hetimor, mësuam se vrasja e Dervishit mund të jetë kryer nga dy armë të ndryshme me silenciator.

Hakmarrja
Një nga pistat kryesore që po heton policia e Tiranës në lidhje me atentatin ku gjeti vdekjen 47-vjeçari Edmond Dervishi, është ajo e hakmarrjes. Policia dyshon për hesape të pambyllura mes grupeve rivale që në kohën e vrasjes së vëllait të specialistit të KQZ, në vitin 1998 në Tiranë. Genti Dervishi është qëlluar me armë zjarri në afërsi të Shkollës së Kuqe.

Flirtet
Edhe pse nuk konsiderohet si pista më e fortë e hetimit në lidhje me vrasjen e 47-vjeçarit Edmond Dervishi, policia nuk ka lënë jashtë vëmendjes hetimin për problemet intime të viktimës. Në pyetje në lidhje me këtë pistë janë marrë gruaja aktuale me të cilën jetonte viktima, por edhe gruaja e tij e mëparshme me të cilën ishte divorcuar kohë më parë me mirëkuptim. Policia ka këqyrur edhe telefonin e viktimës.

Trafiqet
Një tjetër version i hetimeve në lidhje me vrasjen e Edmond Dervishit lidhet me ekzekutimin e tij nga grupe të trafiqeve të paligjshme. Viktima e atentatit të ndodhur pranë shkollës “Partizani” në Tiranë, sipas Policisë nuk ka pasur asnjë precedent penal të mëparshëm dhe asnjë problem me drejtësinë, megjithatë mësohet se nga autoritetet po hetohet implikimi i mundshëm në vrasje i grupeve të trafikut.

Dëshmitë: Makina e vrasësve, pa targa
Benzi i zi u pa të largohej me tre persona pas krimit
TIRANE – Mbrëmjen e të dielës, banorët e zonës dhe dëshmitarët e atentatit të ndodhur në hyrje të pallatit ku banonte Edmond Dervishi, kanë parë një automjet tip “Mercedes Benz” me ngjyrë të zezë, me të cilin dyshohet se kanë lëvizur autorët e vrasjes. Përshkrimi i një makine të tillë u është dhënë që atë natë të gjitha njësive të policisë, me qëllim për ta ndaluar, mirëpo të dhënat që mungojnë në këtë përshkrim janë targat. Disa dëshmitarë i kanë thënë policisë se nuk kanë arritur të fiksojnë targat e mjetit. Ndërkohë, agjentët e krimeve kanë dyshime se makina që ka lëvizur vrasësit, ka qenë pa targa fare ose me targa të vjedhura apo të falsifikuara. Sipas hetuesve, kjo është një taktikë që ndiqet nga autorët e vrasjeve të mirorganizuara, të cilët përdorin targa false për mjetet që shfrytëzojnë në kryerjen e krimit, me qëllim humbjen e gjurmëve dhe shpërqendrimin e Policisë.

Kamerat
Grupi hetimor i Policisë së kryeqytetit, i ngritur për zbardhjen e ngjarjes ku mbeti i vrarë Edmond Dervishi, ka sekuestruar dje nga vendi i ngjarjes një numër të madh kamerash sigurie që u takojnë kryesisht bizneseve private. Burimet nga hetimi thanë se kamerat në fjalë kanë regjistruar sekuenca të ndryshme të lëvizjeve në zonë dhe pamjet janë duke u analizuar me kujdes nga grupi i hetimit, me qëllim përcaktimin nëse ndonjëra prej tyre ka arritur që të kapë imazhet e autorëve të krimit.

ETLEVA DELIA

[Fehmikaciu]

Interesant,Maskat,si ne perendimin e eger,njerzit vrasin per qef ,tani njerzit maten per te ber udhtime atje....eshte nje imazhe i keq per SHQIPERINE!! per keto MASKA TE QELBURA!!....kurse policia thot HETIMET VASHDOJNE!!...keto pamje TRISHTUESE qe i pame me siper!!,jane argument qe diqka e keqe eshte ka pregaditet!!....nese POLICIA nuk i zgjedhe problemet....ather diqka nuk funksionon ...kuptohet pastaj te gjithe do te humbim,ne SHQIPETARET!!.

[violativo]

Letra tronditëse: Skandalet që ndodhin brenda policisë. Ja pse krimi ka dalë jashtë kontrollit
0
DENONCIM
Postuar më: 17 Korrik, 2013 tek Aktualitet
4

Implikime të rënda të drejtuesve të policisë. Rastet në Fier, Shkodër, Vlorë, Dibër, etj. Nga skandalet seksuale te përdorimi i mjeteve të policisë për punë private dhe “shumë private”. Gradë kryekomisar për “besnikë të PD-së” që kanë mbaruar vetëm shkollën e mesme. Policë që marrin rrogën duke nxjerrë nga portofoli fotografinë e Berishës. Shefa që përdorin makina e të vrarëve nga krimi. SHKB dhe Drejtoria e Burimeve Njerëzore, nuk merren me krimin, por me listën e “rebelëve” kundër pushtetit. Arsyet e lëvizjeve të shumta në prag të zgjedhjeve të 23 qershorit. Në 7 muaj, 8 shefa komisariati të ndërruar për “shkak të Lazaratit”, etj



Letra e mëposhtme është dërguar në redaksinë e DITA nga një drejtues policie, i cili kërkon t’i ruhet anonimati. Letra pasohet nga disa denoncime konkrete, të cilat DITA do ti botojë në numrat në vijim. Në këtë letër hidhet sadopak dritë mbi arsyet e degjenerimit të policisë së shtetit. Ky degjenerim është sot shkaku i rënies së frikshem të autoritetit të shtetit dhe shtimit të krimeve dhe vrasjeve që po trondisin edhe këto ditë opinionin publik. Më poshtë, teksti i letrës:





Pak ditë më parë, Drejtori i Përgjithshëm i Policisë së Shtetit, liroi nga detyra dy komisarë policie me motivacionin për thyerje të rregullave të etikës dhe moralit. Në pamje të parë ky është një lajm i mirë për këdo që beson se problemet e policisë më në fund janë zgjidhur të gjitha, derisa ju erdhi radha atyre që “shkelin etikën”. Pra, gjithçka ecka si në vaj dhe të krijohet përshtypja se performanca e policisë së shtetit paska arritur në ato nivele sa do ta kishte zili çdo homologe e saj. Nëse do të ishte kështu vërtetë, cili njeri i mirë në këtë vend, nuk do ta përgëzonte e përkrahte punën e uniformave blu, sidomos në këtë periudhë të ndërrimit të pushtetit e sezonit të pushimeve verore? Por, e verteta nuk është kështu.

Çdo qytetar shqiptar është dëshmitar i asaj që po ndodh. Duke ju hedhur një sy kronikave të zeza që japin mediat, janë në gjendje të vlerësojnë atë që reklamohet dhe atë çka ndodh realisht me punën e policisë. Sidomos pas 24 qershorit, jemi dëshmitarë se uniformat blu kalojnë emocione dhe frikë se çdo të ndodhi me fatin e ardhshëm të tyre. Këtë krizë e përjetojnë jo vetëm ata që kanë shkelur haptazi e dukshëm ligjin, por edhe ata që me heshtjen e tyre, me mospasjen e guximit për të denoncuar kolegët dhe eprorët e tyre për shkeljet e konstatuara në njëfarë mënyre janë bërë të fajshëm, por jo sa ata. Ku të ankoheshin? Te kush? Po pasojat?



Roli i SHKB

Gjatë këtyre viteve në rradhët e policisë së shtetit, është krijuar një kastë kuadrosh arrogante, keqbërëse e aspak njerëzore (profesionalizmi nuk diskutohet që jo), që bënin ligjin kudo e mbi këdo, që abuzonin me detyrën, në dëm të të tjerëve në mënyrë të dhimbshme, që përdornin ndaj vartësve gjithë fjalorin më të keq të mundshëm, që shanin edhe me rob shtëpie, që të bënin leckë para publikut pa asnjë të drejtë e pa asnjë shkak, të paaftë e pa kulturë, që po t’i kundërshtoje të lironin në vend.

Në këto vite kuadrot bënin rrokadë pa kuptim, pa asnjë lloj suksesi, që vendosnin vetë për kurse kualifikimi jashtë shtetit, për vete dhe për miqtë e tyre, por që vetëm eksperiencë pune nuk na sollën prej andej ku shkonin.

Të numërosh raste të tilla duhet kohë, ndërsa të zbulosh lidhjet e tyre, del se uniformat blu këto vite i kanë drejtuar një grusht personash me lidhje miqësore, shoqërore e interesi sa është normale të përdoret fjala “mafie”.

Në krye të kësaj detyre ka qëndruar Shërbimi i Kontrollit të Brendshëm, e cila për rastet që kanë ndodhur në dhe me policinë e shtetit, jo vetëm që nuk e ka kryer detyrën funksionale, por ka qenë thjesht një organizatë partie nëse gjykojmë duke krahasuar përbërjen dhe detyrën që kishte me atë që kryente në të vërtetë.

Në radhët e kësaj drejtorie u futën militantë partie, hakmarrës e të paaftë, që nuk kishin lidhje me formim e njohuri policore. Kjo drejtori, si e tillë duke instaluar dhe psikozën e frikës, ka abuzuar në detyrën e saj dhe është bërë palë e përkrahëse me shkelësit e ligjit sepse ishin besnikë partie. SH.K.B-ja këto vite është mburrur se ka luftuar korrupsionin në radhët e policisë duke liruar nga detyra 2-3 policë rrugore në komisariatin e policisë Tepelenë, sepse kishin marrë rryshfet 2 mijë lekë të reja. Ndërkohë që nuk u mor fare me rastin e Krenar Ahmetit, psh, i cili siç dihet, para katër vitesh në “Shëtitoren Dëshmorët e Kombit” demonstroi hapur bindjet e tij partiake, duke njollosur uniformën e policisë së shtetit me veprime të shëmtuara. Rasti i këtij punonjësi policie nuk është i vetmi dhe për t’u theksuar është se dhe roli i SH.K.B-së ka qenë po i njëjtë: Inekzistent.

Kjo drejtori nuk është marrë asnjëherë me rastet e policëve të vrarë, të dyshuarit e përfolur në këto vrasje, si dhe me asnjë rast të përfolur nga mediat e personalitete të ndryshme për implikime e inkriminime të uniformave blu deri në kupolën e lartë të Drejtorisë së Përgjithshme, me emërimet e pranimet pa kriter që me paaftësinë e tyre janë bërë burim konfliktesh e hakmarrjesh, etj…

Shkurt, SH.K.B-ja e mbylli misionin e vet duke hartuar listat e “rebelëve” kundër pushtetit. Në të njëjtën linjë, me po të njëjtat forma e metoda ka funksionuar dhe Drejtoria e Burimeve njerëzore në Drejtorinë e Përgjithshme të Policisë së Shtetit, e cila vetëm politikë kuadri nuk ka kryer. Me urdhër nga lart apo me iniciativën e vet, kjo zyrë asnjëherë nuk e ka trajtuar kuadrin sipas përkushtimit e profesionalizmit. Me apo pa urdhër ajo ka thyer rregulloren që përcakton rastet e lëvizjeve të kuadrove si vlerësimi i punës, njoftimi të paktën një muaj më parë për transferim, motivacionin e lëvizjes që janë shoqëruar dhe me kosto financiare, pasi një punonjës policie kur transferohet larg banesës përfiton pagë shtesë për largësinë por edhe për bashkëshorten. Lëvizjet janë kryer për arsye preferencash, tendencash, çështje bastesh, duke e kthyer politikën e kuadrit në një pronë private që nuk do ta aplikonte as policia më e dobët private. Primare në lëvizjen e kuadrove, sidomos të atyre me ngritje në detyrë, të atyre përfitonin grada, që caktoheshin në të ashtuquajtura vende të privilegjuara, ka qenë jo meritokracia por partishmëria.



Disa shembuj për këto raste që përmendëm

Në një komisariat në jug të vendit, për shtatë muaj janë ndryshuar tetë shefa komisariati, ndërsa po kaq dhe shefa krimesh e shefa rendi. Arsyeja? Ky rreth ka në juridiksionin e vet dhe malin e Sopotit nga ku duket në pëllëmbë të dorës fshati Lazarat, i njohur për kultivimin e bimëve narkotike, ku kuajt dhe mushkat nuk i kursejnë “vizitat” gjatë natës midis vendeve fqinje.

Para tre apo katër muajsh, në Drejtorinë e Policisë së Qarkut Gjirokastër është hartuar një liste me mbi dhjetë kuadro, të cilët janë transferuar në rrethe të ndryshme të vendit. Thonë se për këtë lëvizje ka dy arsye: e para për bindje politike dhe e dyta, se ata nuk u bënë palë me askënd, e për këtë pika e kontrollit policor në Ujin e Ftohtë Tepelenë ngelej “jo në duar të sigurta”…

Në prag të zgjedhjeve të 23 qershorit, janë bërë lëvizje të shumta nga Tirana e Jugu në Veri, nga Lezha në Korçë, nga Veriu në Jug me të njëjtin motivacion: për nevoja pune. Ky motiv ka qenë refren në politikën e kuadrit të këtij institucioni ndër vite.

Drejtori i Kufirit dhe Emigracionit të Korçës ka qenë më parë dhe 10 ditë si Drejtor i Qarkut të Beratit. Arsyet e kësaj lëvizje janë dy: në Berat si i paaftë, ndërsa në Korçë si i privilegjuar.

Kryepolici i Qarkut të Fierit dy vjet më parë kur ishte drejtor në Qarkun e Shkodrës u lirua për shkak të një skandali seksual siç u cilësua nga media, ndërkohë që më parë kishte marrë masën disiplinore ulje në gradë. Thonë se ky drejtor ka qenë edhe një politikan i zellshëm, pasi kudo që ka punuar në sy të vartësve, e brenda ambjenteve të policisë ka sharë e ofenduar politikanë të majtë. Ngelet i dyshimtë si riciklimi i tij në detyrë por edhe rifitimi i gradës, ndërkohë që largimi i tij është festuar nga vartësit, për shkak të problemeve që ka pasur në komunikimin me ta.

Drejtori i Policisë së Qarkut Vlorë është aq “mediatik” sa edhe për zbulimin e një vjedhje të vogël del jep konferencë shtypi, por hesht kur karabineria italiane kap disa herë rresht 1,5 ton drogë me origjinë nga Shqipëria, e konkretisht nga Vlora.

Drejtori i Policisë së Qarkut Dibër, si dhe Shefi i Qarkullimit rrugor në këtë drejtori, kanë bërë fushatë me mjete të bllokuara për vepra të ndryshme penale.

Tipik është rasti i Shefit të Komisariatit të Policisë Mat, i cili me mjetin e të ndjerit Halit Dedja, i vrarë para 2-3 vitesh në Tiranë për hakmarrje apo larje hesapesh, ka shkuar në çdo fshat, duke bërë haptazi fushatë për partinë e tij të zemrës.

E tepërt të përmendim shumë shefa komisariatesh, të cilët kanë lënë detyrën dhe kanë shoqëruar për fushatën elektorale kryeministrin në detyrë, si dhe ditën e zgjedhjeve janë larguar nga detyra 200-300 km larg, për të votuar duke e lënë ecurinë e procesit zgjedhor në mëshirë të fatit. Ka edhe oficerë me gradën kryekomisar në një qytet verior që ka mbaruar vetëm shkollën e mesme mekanike, por që s’di të punojë as si mekanik, pale më të kryejë detyrën e policit. E vetmja gjë që bën ky njeri, është se i bën mirë picat për shefat.



Të papërmbajtur në fushatën zgjedhore

Kuadro policie dhe policë të zakonshëm janë treguar të papërmbajtur në fushatën zgjedhore duke i shprehur haptazi bindjet e tyre politike seriozisht, duke nxjerrë nga portofoli fotografinë e kryeministrit në ikje, e duke e puthur shpreheshin “të faltë zoti shpirtin”. Të vjen sidomos keq, që një zëvendës drejtor i përgjithshëm ka marrë pjesë në inagurimin e tunelit Tiranë-Elbasan së bashku me familjen e vet, ndërkohë që të qenurit atje sidomos me familjen nuk e përligj dot, pasi me ruajtjen e zyrtarëve të lartë të shtetit, siç dihet merret Garda e Republikës.

Në policinë e shtetit, në dhënien e gradave, nuk ka ndikuar meritokracia, edhe pse në këtë proces janë përfshirë edhe të huaj. Kjo vërtetohet nga niveli i ulët që ata kanë, nga komunikimi, nga të folurit, nga veshja, nga mënyra e të ecurit, etj… Në sektorët e financës e logjistikës nuk ka transparencë dhe për t’u përmendur që ndoshta nuk do të ketë nevojë për komente janë disa fakte.

Karburanti nuk përdoret për punë, për aksione policore, por për punë private, madje shumë private… Shefat lëvizin me mjetet e punës, edhe pse ka një Urdhë të Drejtorit të Përgjithshëm, që ndalon përdorimin e automjeteve të punës jashtë juridiksionit që mbulojnë, ndërsa uniformat e policëve sigurohen duke u blerë me lekë në një dyqan privat diku te stacioni i trenit në Tiranë. Një e vërtetë e shëmtuar kjo, po të kemi parasysh dhe faktin se po këta policë janë futur në pune me lekë, mbijetojnë duke paguar lekë dhe tash së fundi urdhërohen ta blejnë uniformën e policisë me lekë.

Ka dhe gjëra të tjera të cilat Drejtori i Përgjithshëm duhet t’i dijë, e se për këto nuk mund të ketë as ndjesë e as pendesë. I vetmi justifikim i tij mund të jetë shprehja se unë “de jure” kam qenë drejtor, por “de fakto” jo. Atëherë, kush e ka drejtuar kështu në këto vite policinë e shtetit?

Normale që kjo pyetje do të marrë përgjigje së shpëjti, por ajo që duhet të bëjmë është që të nxisim e të përkrahim punën e mirë të shumicës së kuadrove për ta vazhduar kryerjen e detyrës me kurajo e profesionalizëm derisa të vihen pikat mbi “i” ndaj atyre që na kanë nëpërkëmbur e poshtëruar padrejtësisht e qëllimisht deri tani.

[007GoldenBoy]

Gazeta Dita eshte kthyer ne tabelen e flete-rrufeve. Vete niveli i ulet i shkrimit tregon se kemi te bejme me nje flete-rrufe te nje polici me bindje te theksuar anti-PD. Kjo nuk e ben as me te afte e as me profesional se koleget e tij. Biles, po t'a mendosh me gjate, nje flete-rrufe e tille e botuar ne shtyp, te rrit piket ne syte e shefave te ardhshem socialiste.

[violativo]

Gazeta Dita eshte kthyer ne tabelen e flete-rrufeve. Vete niveli i ulet i shkrimit tregon se kemi te bejme me nje flete-rrufe te nje polici me bindje te theksuar anti-PD. Kjo nuk e ben as me te afte e as me profesional se koleget e tij. Biles, po t'a mendosh me gjate, nje flete-rrufe e tille e botuar ne shtyp, te rrit piket ne syte e shefave te ardhshem socialiste.

Ne , ne fakt , kena prit me na i tregu DITA dhe ky polici keto pune !!!!!!!! Ha.....ha....ha.... Po kuka shqiptar qe nuk i di keto gjera ! Po te hapni nje teme ketu ne forum , ose ndonje rubrike ne ndonje gazete , ku te shkruajne njerezit , keni per te pa se cfare keni per te degju apo per te marre vesh !!!!!! Ehheeee

[Valmir.Nuhiju]

Këtë verë kemi pas plan me e vizitu bregdetin Shqiptar, por pasi ndodhi ky krimi i maskave e gjith familja ka nderruar mendje.

[benseven11]

Nuk besoj qe te jete shkaku hakmarrja apo e lidhur me vellain e tij Gencin
Po te ishte rast hakmarrjeje do e kishin vrare shume kohe me pare nuk do e linin per
para nje jave.
Shkaku mund te jete
1.Per para te pista
2.Blerje shitje droge.
3.Aty ku ka punuar duhet te hetohet
se mos ky zoteria do kete bere ndonje vjedhje/pisllik
dhe kjo ka provokuar dike qe te kete derguar njerez per ta vrare.
4.Ndonje argument banal diku me ndonje ne klub/bar kafe.
5.Mund te kete ngacmuar ndonje femer,motra e ndonje te forti.
6.Motive xhelozie ,njerez nga ish gruaja e tij,mundet ndonje te jete pissed off.
Duhet te ishte bere hetim se kush fliste keq ne lagje ,kush e kish inat dhe kish pas konflikt.
Duhen kontrolluar te gjithe benzat e Tiranes kush jane
pronaret dhe cila makine eshte raportuar si e vjedhur.
Skanoji brenda gjithe benzat,merr komplet shenja gishtash shenja ne sedilje per arme
dhe mund te identifikohet benzi i perdorur ne vrasje.
Bashke me shenjat e armeve mund nte merren shenjat
e gishtave ne sedilje dhe dyer per personat qe kane qene ne makine.