Humb jetën në krye të detyrës shefi i Policisë Mat, Musa Skura

[Albo]

Shefi i Krimeve të Policisë së Matit qëllohet me dy plumba gjatë operacionit për bllokimin e shitjes së armëve. Rëndë në spital.
Mat, Musa Skura qëllohet me dy plumba. Rëndë në Spitalin Ushtarak.
Mjekët: Plumbat në kraharor dhe në shtyllën kurrizore.
Ngjarja, pak orë pas festimit të 100-vjetorit. Operacioni, për të bllokuar shitjen e armëve.
Trafikantët e armëve plagosin shefin e Policisë gjatë operacionit të zhvilluar për kapjen e tyre. Vetëm pak orë pasi mbaroi festa për 100-vjetorin e krijimit të Policisë, një ngjarje e rëndë ka ndodhur në fshatin Suç të rrethit të Matit.
Shefi i Krimeve në Komisariatin e Burrelit, Musa Skura, u qëllua me dy plumba në momentin kur po tentohej kapja në flagrancë e autorëve që po shisnin armët. Babai i tre fëmijëve mori një plumb në trup nga breshëria e lëshuar në drejtim të tij dhe kolegëve në operacion. Gjendja e shefit 50-vjeçar ka qenë kritike për shkak të humbjes së gjakut. Ai u transportua në mbrëmje në Spitalin Ushtarak, ndërsa për ngjarjen u arrestuan tre të rinj, banorë të zonës.


Burimi: Panorama

[Albo]

Noka : Shefi i krimeve të Matit do të transportohet në Itali për kurim


Shefi i Krimeve të Matit Musa Skurra që u plagos një natë më parë do të transportohet në Itali për kurim të specializuar. Lajmi u bë i ditur nga Ministri i Brendshëm, Flamur Noka . “Jemi në pritje të përgjigjes për një avion sanitar që do të mudnësojë transportimin e tij drejt Italisë për siguri absolute të jetës, jemi të vendosur të bëjmë gjithçka për të shpëtuar jetën e tij”- tha Noka. Ai deklaroi se ka një hetim per ngjarjen, por pa dhene detaje rreth tij. “Për dinamikën mund të pyesni profesionistët, ka vendim të qeverisë për të shpëtuar jetën e tij dhe kjo është gjëja e parë”- tha ai. Mjekët thonë se shefi i Krimeve është në parametra stabël, por ende në rrezik për jetën për shkak të situatës postoperatore. Sipas mjekëve pacienti mbahet i lidhur me aparaturë dhe ende nuk mund të thuhet se ka dalë nga rreziku për jetën. “Pacienti kishte shumë dëmtime, veshka e djathtë që iu hoq, çarje stomaku që iu qep, shpretkën që iu hoq, zorrët e hollët e trasha që iu qepën dhe pankreasin që iu qep. Pacienti ka marrë 9 qese gjak, operacioni zgjati nga ora 9-4 të mëngjesit dhe tashmë është në terapi intensive”- deklarojnë mjekët.

MAPO

[Albo]

Trafikantët e armëve plagosin shefin e policisë

Shefi i krimeve, Musa Skura, drejtonte operacionin për kapjen e disa personave të dyshuar për trafik armësh, mbeti i plagosur rëndë në shkëmbimin e zjarrit. Arrestohen dy të rinj pjesëtarë të grupit, njëri prej të cilëve u plagos gjatë shkëmbimit të zjarrit. Policia i bëri pritë bandës pranë një ure në të dalë të Burreli, pasi dyshonte se ata transportonin armë.


Shefi i krimeve të Burrelit u plagos rëndë dje në ditën që shënonte 100-vjetorin e Policisë së Shtetit, pas një përplasjeje me armë me një grup kriminal të trafikut të armëve. Musa Skura mësohet se ka marrë plagë të rënda në trup, pasi grupi prej 4 personash që po ndiqej prej tij dhe 9 punonjësve të policisë qëlloi me armë kundër efektivëve. Burime nga policia e Burrelit thanë se Skura ishte në krye të një operacioni për ndalimin e një grupi me precedentë në grabitje dhe që dyshohej se po kryente trafik armësh. Sipas policisë, Vilson Milkurti dhe Fitim Alla, të dy 18 vjeç, u arrestuan pas përplasjes me armë, ndërsa mësohet se pjesë e grupit kanë qenë edhe persona të tjerë që po ndiqen prej policisë.

Operacioni

Dje në mbrëmje rreth 10 punonjës policie të drejtuar nga shefi i krimeve, Musa Skura, janë vënë në ndjekje të një grupi që dyshohej se merrej me trafik armësh. Policia tha se kishte pasur informacion për grupin e trafikantëve dhe pas ndjekjes forcat e policia u kanë bërë postbllok pranë një ure në të dalë të Burrelit dhe u kanë bërë thirrje për ndalim të rinjve të dyshuar. Burime të policisë thanë se grupi i personave të dyshuar nuk ka ndaluar pas thirrjeve nga policia, por ka hapur zjarr ndaj efektivëve që u kërkonin dorëzimin. Policia tha se në këtë moment ka pasur shkëmbim zjarri mes të rinjve dhe forcave të ruajtjes së rendit, por nuk sqarohet ende nëse shefi i krimeve është plagosur që në fillim të operacionit apo është qëlluar nga plumbat pas shkëmbimit të zjarrit. I plagosur ka mbetur edhe njëri prej personave që ndiqeshin nga policia, i cili u arrestua menjëherë pas ndalimit të zjarrit. I plagosuri quhet Fitim Alla, është 18 vjeç dhe policia e Burrelit e ka skeduar edhe më herët për vepra të ndryshme penale.

Arrestimet

Nuk ka ende të dhëna se sa ka zgjatur shkëmbimi i zjarrit mes palëve, por menjëherë pas përplasjes së forcave të policisë së Burrelit u kanë shkuar të tjerë kolegë në ndihmë dhe pas një operacioni që ka zgjatur disa orë ata kanë bërë të mundur të arrestojnë edhe një person tjetër që mori pjesë në përplasjen me armë me policinë. Vilson Milkurti u ndalua pak pas përplasjes me armë, ndërsa dy të tjerë dyshohet se janë ende në arrati dhe po ndiqen nga policia, ndërsa nuk ka të dhënë për ngarkesën me armë që ata transportonin. Burime të policisë thanë se Milkurti e Alla ishin pjesë e një grupi që po tentonte të trafikonte armë, edhe pse ende nuk ka të dhëna për llojin e armëve dhe destinacionin e tyre. Policia kishte rënë në gjurmët e tyre dhe operacioni i djeshëm kishte për qëllim bllokimin e grupit. Burime nga policia thanë se personat pjesë e këtij grupi ishin të dyshuar edhe për grabitje dhe vepra të tjera penale në këtë zonë. Burime të policisë thanë se grupi dyshohet të jetë pjesë e grabitjeve me armë në rrugën kombëtare mes Burrelit-Bulqizës dhe Tiranës.

MAPO

[BlueBaron]

Nuk arrij t'a konceptoj se si nje bande prej 4 adoleshentesh mund te perballet me zjarr me nje skuader prej 9 policesh, dhe akoma me keq te demtuarit me rende te jene policet !!!


Renea urgjentisht duhet te dale nga kazermat dhe te stervise efektivet e Policise se Shtetit !!!

[juanito02]

Nuk arrij t'a konceptoj se si nje bande prej 4 adoleshentesh mund te perballet me zjarr me nje skuader prej 9 policesh, dhe akoma me keq te demtuarit me rende te jene policet !!!


Renea urgjentisht duhet te dale nga kazermat dhe te stervise efektivet e Policise se Shtetit !!!

Kaq u ka dhjere shteti o lal sa ska qene kurre kaq i dobet.
Seshte krize atje eshte mizerje e vertete jeta
Shume keq

[Mike Oldfield]

Po antiplumbin ku e kane keta njerez ?????
Ministri Noka te SHKARKOJE urgjentisht Drejtorin e Policese H.Burgaj, per PAAFTESI te theksuar!

[Ziti]

ceshtje bandash

[benseven11]

Gabim shume pasi eshte nderhyre ne moment shume te keq,ne momentin kur banda kishte arme neper duar.
Mund te fotografoje personat dhe arrestoje neper shtepia ne befasi.Fotografite e aparatit i degoheshin prokurorise dhe gjykates
si prova inkriminuse.
Mund ti arrestoje pa perdorur armet fare.
Po jelekun antiplumb perse nuk e kane perdorur?
Kush ka qelluar shefin te varet ne litar,shembull per gjithe te tjeret.

[Mike Oldfield]

Shkarkoni urgjentisht Burgajn, eshte i paafte!

[^SHIU^]

Bravo rendi. Ec aty. Qeka rregulllu goxha rendi ne shqiperi. Duhet me ardh me jetu ne shqiperi se rendi qeka shume i sigurt. Gjunah qe sna fusin ne BE ne me gjithe keto arritje.