Edi Rama i ka dhënë udhë një praktike të panjohur deri më sot. Nga pozitat e kryeministrit që pret të marrë detyrën u ka dërguar një thirrje të gjithë atyre që mendojnë se mund të japin një kontribut për vendin brenda kornizave të programit e të vizionit të koalicionit të udhëhequr prej tij. “Ju drejtohem të gjithëve ju, çdo shqiptari të zot e të etur për ndryshim, për t’ju pyetur çfarë mendjeje keni për më tutje; dhe atyre që dëshirojnë, u lutem të mendojnë çfarë roli mund të luajnë për këtë skuadër, si mund t’i përdorin aftësitë e tyre për të ndihmuar në realizimin e ndryshimit që i nevojitet vendit tonë”, shkruan ai.
Motivi i këtij gjesti del i qartë aty ku ai shkruan se “themeli i kësaj përballjeje historike me të shkuarën në pushtet që rrënoi Shqipërinë është rimëkëmbja e sistemit institucional të republikës sonë; në kryeministri, po edhe në çdo ministri e agjenci shtetërore, ne do të kemi nevojë për prurje të reja energjish dhe aftësish njerëzore të harmonizuara me eksperiencën e gjithkujt që në zyrat e shtetit gjendet sot për arsye të meritës, e jo thjesht për shkak të lidhjeve të gjakut, teserës apo korrupsionit me tribën në fuqi; shumë struktura të vjetra do të zhbëhen dhe një sërë të rejash do të ngrihen, për të çuar përpara projektet e programet prioritare të qeverisë që të ecim më shpejt në rrugën e Rilindjes e të bashkimit të Shqipërisë me Familjen Europiane”.
Teksti i plotë i apelit mund të gjendet në blogun e Ramës, tok me një formular për t’u plotësuar (http://www.shqiptarja.com/home/1/edi...-me-te-zotet-t...). Tingëllon e bukur si nismë. Por nga e thëna në të bërë është në mes një det i tërë. Përveç kësaj, ka rrezik që me këtë të krijohen pritmëri të mëdha te shumë njerëz, dhe aty ku ka pritmëri, ka dhe zhgënjime.
Prandaj ndoshta Rama i paraprin kësaj situate, kur shkruan: “Shumëkush mund të mos e mbërrijë menjëherë synimin. Por ….”.
RESPUBLICA
Përgjigju Duke Cituar
Postuar më parë nga Linda5
Krijoni Kontakt