Berisha firmos rritjen e rrogës minimale me 11.3%

[benseven11]

Rriten rrogat e ulta me 11.3%.

Kryeministri në detyrë Sali Berisha ka firmosur rritjen e pagave minimale të cilat nga 21 mijë lekë shkojnë mbi 23 mijë e 300 lekë. Lajmin për të gjithë përfituesit, Berisha e ka ndarë me të gjithë miqtë e tij në faqen zyrtare në “Facebook”, ku shkruan:

“Të dashur miq, sot firmosa vendimin për rritjen e rrogës minimale me 11.3 %. Kjo është rritja e madhe e të gjithë rrogave të ulta. Me këtë vendim rrogat minimale në Shqipëri, krahasuar me fillimin e vitit 2006, rriten me 110 %. Ne mbajmë premtimet!”

Vetëm pak ditë më parë kryeministri hodhi poshtë zërat se nuk do të kishte rritje të pagave dhe pensioneve, pasi buxheti ndodhej në vështirësi. Kështu pritet që pas 15 Korrikut të hyjnë në fuqi edhe rritjet për pensionet, pagat e mesme dhe të larta. Nga rritja e premtuar e kryeministrit Berisha do të përfitojnë rreth 571 mijë pensionistë në masën 3-5 %. Sipas të dhënave të Ministrisë së Financave, pensionet e fshatit do të përfitojnë edhe rritjen më të madhe, ndërsa rritje më të ulët do të përfitojnë pensionet e qytetit. Ky vendim parashikon një rritje më të madhe për pagat e ulëta dhe pensionet në fshat, me synim barazimin e tyre me pensionet e qytetit. Ndërkohë që rritja do të jetë më e ulët për pagat e larta. Rritja e pagave të ulta me 11.3 % është më e lartë se premtimet e bëra të kryeministrit për një rritje pagash e pensionesh nga 4 deri në 6%.

Pavarësisht lajmit të mirë për buxhetorët dhe pensionistët, rritja pritet që të ketë një efekt prej 2.5 miliard lekësh në buxhetin e shtetit. Sipas projektvendimit, rritja llogaritet, sipas kategorive, ku për nivelin e lartë të drejtuesve të shtetit nuk do të kishte shtesa, kurse përfitimin më të madh do ta kishin punonjësit me pagën më të ulët. Sipas rregullit buxhetor dhe ligjeve në fuqi, rritja e pagave dhe pensioneve duhet të ndodhë, pavarësisht vullnetit politik apo pamundësisë financiare të qeverisë, për të balancuar nivelin e inflacionit.



oranews.tv

[Ziti]

le te provoje edvin rama te anulloje kete vendim se kemi per ta vare ne maje te pishers

[shigjeta]

Berisha-Ramës: Hiq dorë nga kërcënimet. Qeveria në detyrë sipas Kushtetutës, jo kujdestare

Antikushtetuese dhe dëshmi e revanshit të papërmbajtur i ka cilësuar Zëdhënësja e Kryeministrit, Erla Mëhilli, kërcënimet, sipas saj të kreut të Partisë Socialiste, Edi Rama, ndaj institucioneve të vendit. Zëdhënësja e kryeministrit Sali Berisha reagoi në përgjigje të akuzave të një dite më parë të kryeministrit të ardhshëm Rama, lidhur me vendimet e marra nga qeveria dhe kryeministri në detyrë.

Mëhilli theksoi se “Kryeministri i kërkon zotit Rama të heqë dorë nga kërcënimet dhe sulmet ndaj institucioneve kushtetuese dhe siguron qytetarët se qeveria në detyrë do të vazhdojë normalisht përmbushjen e detyrimeve të saj dhe se Kushtetuta dhe institucionet e vendit nuk do mund të pengohen, as edhe të ndikohen nga revanshi i papërmbajtur i tij ndaj tyre”.

Zëdhënësja Mëhilli sqaroi më tej se, bazuar në Kushtutën e vendit, kjo qeveri ka mandat të plotë Kushtetues për të ushtruar pushtetin e saj ekzekutiv në zbatim të programit për të cilin është votuar gjer ditën e fillimit të mandatit të mazhorancës së re.

Më poshtë deklarata e plotë e zëdhënëses Mëhilli;

Këto ditë, zoti Edi Rama, kryetar i mazhorancës së re, ka ndërmarrë sulme dhe kërcënime ndaj institucioneve kushtetuese të vendit, veprimtarisë normale të qeverisë, vendimeve të saj. Lidhur me këto qëndrime, shprehje e një revanshi të papërmbajtur të zotit Rama, sqarojmë se Kushtetuta, me nenet e saj 65; 67; 96; 99, përcakton shumë qartë datën e fillimit dhe mbarimit të mandatit të një mazhorancë dhe kryeministrit të saj.

Kështu, sipas nenit 65 të Kushtetutës, mandati i Kuvendit përfundon të njëjtën datë të të njëjtit muaj të vitit të katërt nga data e mbledhjes së parë dhe data e mbledhjes së parë është data 7 shtator 2009 dhe sipas nenit 67 të saj, Presidenti i Republikës mbledh Kuvendin e porsazgjedhur jo më parë se data e përfundimit të mandatit të Kuvendit paraardhës. Pra, Kuvendi i ri nuk mund të mblidhet para datës 7 shtator.

Po kështu, sipas neni 96 të Kushtetutës, Presidenti i Republikës, në fillim të legjislaturës emëron kryeministrin, pra, pasi mblidhet Kuvendi i ri dhe ky i fundit, sipas nenit 99 të saj, para fillimit të detyrës bën betimin para Presidentit të Republikës, çka do të thotë se mandati i kryeministrit mbaron pas betimit të pasardhësit të tij. Pra, kjo qeveri ka mandat të plotë Kushtetues për të ushtruar pushtetin e saj ekzekutiv në zbatim të programit për të cilin është votuar gjer ditën e fillimit të mandatit të mazhorancës së re. Të gjitha vendimet e qeverisë janë dhe do jenë në përputhje me programin e saj të mandatit që ushtron dhe të bazuara në Kushtetutën dhe ligjet e vendit.

Antikushtetuese dhe dëshmi e revanshit të papërmbajtur janë sulmet, kërcënimet e zotit Rama ndaj institucioneve të vendit. Antikushtetues është pretendimi i tij për qeveri kujdestare. Kushtetuta e Shqipërisë dhe e asnjë vendi në Europë, por dhe thuajse në tërësi, me ndonjë përjashtim shumë të rrallë , nuk njohin e nuk parashikojnë qeveri kujdestare, të lidhura me zhvillimin e zgjedhjeve. Ky kuadër ligjor ekziston i sanksionuar në Kushtetutën e Bangladeshit, e cila 3 muaj para zgjedhjeve i jep kryesimin e qeverisë kujdestare kryetarit të Gjykatës Kushtetuese dhe tepër rrallë në ndonjë vend tjetër, mbi bazë ligjore të përcaktuar mirë.

Kryeministri i kërkon zotit Rama të heqë dorë nga kërcënimet dhe sulmet ndaj institucioneve kushtetuese dhe siguron qytetarët se qeveria në detyrë do vazhdojë normalisht përmbushjen e detyrimeve të saj dhe se Kushtetuta dhe institucionet e vendit nuk do mund të pengohen, as edhe të ndikohen nga revanshi i papërmbajtur i tij ndaj tyre.

AlbPress

[Xhuxhumaku]

S'eshte faji I Rames,

eshte e njejta gjuhe si e Berishes.

I perdorin te dy per ti hedhur hi syve militanteve.

[lajmsi]

Fusha te minuara ne ikje e siper.
Akt i pa moral. Shejtan budalla.
Kujdes nga Berisha..ska ik akoma. Prapa e ndjek historia.
Si nuk u beme njeher shtet me fytyre perendimore mor aman.

[Archon]

Berisha po perpiqet te beje me te sigurte rugen per ne gremine te qeverise se re,po jep vendime alucinante ne kohe krize,shpresojme qe financat e vendit te mos jene katastrofe se e mori lumi kete vend pastaj..

[benseven11]

Pensionisteve eshte e emundur tu rritet rroga akoma me shume.
Shteti te taksoje KEshin qe ka miliarda dhe rrise eksportet dhe me te ardhurat
e eksporteve te finacoje per rritjen e rrogave dhe beje te lumtur pensionistat.
Perfitimi nga shteti eshte i madh pasi do rriten shitjet e artikujve te konsumit,blerjet do jene me te medh
bizneset krijojne te ardhura me te larta,fitime me te mira dhe shteti merr me shume takse.
Shteti fiton merr me shume takse nga bizneset
bizneset(tregeti ushqime veshje fitojne me shume)
Edhe pensionisteve u behet jeta me me pak stres.
Politika e drejte eshte qe rrogat e pensionistave duhet te axhustohen
rriten cdo vit per aq kohe sa ka rritje inflacioni.
Ekonomiste te Ministrive te financave ekonomise/tregetise etj, qe jane kunder rritjes se rrogave cdo vit
per pensionistet nuk jane ekonomiste, kane boshlleqe ne njohuri,kane gjykim te ceket,nuk kane soul..

[Antiproanti]

Berisha firmos rritjen e rrogës minimale me 11.3%

Nje veprim i tille eshte absolutisht joserioz dhe i pazakonshem per nje shtet demokratik...
Berisha me kete akt ka treguar hapur se nuk i intereson mireqenja e qytetareve, e popullit dhe e shtetit shqipetar, por vetem pushteti.

[Ziti]

Nje veprim i tille eshte absolutisht joserioz dhe i pazakonshem per nje shtet demokratik...
Berisha me kete akt ka treguar hapur se nuk i intereson mireqenja e qytetareve, e popullit dhe e shtetit shqipetar, por vetem pushteti.

pse eshte jo-serioze ti ngresh pensionistit apo fukarait rrogen me 10 mije leke te verteta?
ca lesh socialistash jeni juve? ne gjithe boten e majta lufton per me te dobetit ju jeni kunder tyre. ik mor far leshi qe paskeni qene.

[Ziti]

Berisha po perpiqet te beje me te sigurte rugen per ne gremine te qeverise se re,po jep vendime alucinante ne kohe krize,shpresojme qe financat e vendit te mos jene katastrofe se e mori lumi kete vend pastaj..

c`do te thote alucinante? apo e ke degjuar nga edi rama qe ka qene barbone ne france.