Alma Lama konfirmon largimin nga VV. Ika se po flirtojne me radikalet islamike

[Llapi]

Ramiqi: Qëndrimet e mia të afërta me Vetëvendosjen
18:55 / 1.07.2013


Fuad Ramiqi i Lëvizjes Islame Bashkohu (LISBA), duke treguar se pse iu bashkua Albin Kurtit në protestën e së enjtes para Parlamentit të Kosovës, thotë se Vetëvendosje mbron parimet e njëjta me ato të partisë së tij.

Duke folur për arsyet se pse iu ka bashkuar VV-së në protestën e fundit, Ramii thotë se qëndrimet e tij janë botërisht të njohura.

“Nëse i hyni historikut, qëndrimeve të pas luftës, gjithmonë kam pas qëndrime përafërsisht të afërta me ato të Vetëvendosjes. Vetë si njëri por edhe koncepti im politik dhe kombëtar ka qenë i përafërt me atë të Vetëvendosjes dhe zakonisht në të gjitha protestat e Vetëvendosjes kam marrë pjesë edhe pa u bërë subjekti politik tash i imi. Zakonisht i kemi mbështet ato kërkesat e tyre sepse iu thashë janë të përafërta me qëndrimet tona por edhe së fundi edhe Lëvizja Islame Bashkohu i ka qëndrimet e afërta sepse nuk e mbështesim as si Lëvizje e as unë si Fuad marrëveshjen e cila është bërë tashmë së fundi me Serbinë dhe jemi munduar që të japim fillimisht një kontributtë vogël në mbështetje të thirrjes së Vetëvendosjes kundër ratifikimit”, ka thënë Ramiqi në intervistën për Express.

Ai thotë se vullnetarisht i është bashkuar protestës së Albin Kurtit dhe nuk ka pasur koordinim mes dy subjekteve poltike.

“Ne e kemi vlerësuar vetë situatën dhe pikat e përbashkëta të cilat janë vitale për atdheun tonë, kombin dhe shtetin, ne nuk kemi nevojë për koordinim, nuk ka askush në fakt do të duhej të ishin të gjithë pa u koordinuar për t’i mbrojtur ato interesa vitale”, tha ai, duke pohuar se e vlerëson shumë qëndrimin, vizionin dhe veprën e Kurtit në të kaluarën dhe tash.

Ramiqi thotë se në qëndrimet e VV-së dhe lëvizjes Bashkohu ka shumë të përafërta, sepse, sipas tij, në fokus është dinjiteti, identitet dhe pse jo edhe ekzistenca e kombit shqiptar në të ardhmen dhe gjithkund ku ka të përbashkëta aty do të bashkëpunojnë edhe pa u koordinuar.

Ai pohon se LISBA do të konkurrojë e vetme në zgjedhje, por pas zgjedhjeve, ndër partitë më të preferuara për koalicione, e konsideron Vetëvendosjen.

“Në politikë jam mësuar me thanë që kurrë mos thuaj kurrë, për momentin nuk them asgjë por thellë parimisht jemi të vendosur që të shkojmë vetë ne zgjedhjet dhe do të tentojmë që vet të fitojmë”, ka thënë ai. /Telegrafi/

[Llapi]

Shefqet Krasniqi: Bravo Albin!
20.06.2013 | 13:24
Deklarata e liderit të Vetëvendosjes, Albin Kurti pro lejimit të mbajtjes së shamive në shkolla, është mbështetur menjëherë nga imami i xhamisë së Madhe në Prishtinë Shefqet Krasniqi.

“Është hera e parë kur një lider me ndikim politik del dhe shaminë e sheh si të drejtë, sigurisht, edhe për shkak të asaj që tashmë kanë parë në botën perëndimore se të qenit laik nuk do të thotë t’ia mohosh të drejtat një komuniteti”, thekson Krasniqi duke shtuar se “Unë tash e një kohë të gjatë kërkoj nga organet tona qeveritare që të drejtat fetare që kërkojmë të mos jenë hiç më shumë se ato që i gëzojnë pakicat myslimane në Angli dhe Amerikë”, ka thënë Krasniqi.



Ai është shprehur i kënaqur siq ka thënë për guximin e Albinit që ta shpreh përkatësinë e tij myslimane, edhe pse thotë se nuk është praktikues.



“Ne lutemi që ai një ditë të na vjen në xhami. Le të merr shembull liderët botëror, të cilët nuk kanë turp të manifestojnë besimin e tyre fetar. Por, ajo që si vërejtje i jepet deklaratës së Albinit është përcaktimi i moshës. Shamia është obligim jo nga mosha 16 vjeçare por nga momenti kur një vajzë hyn në pubertet, pra nga momenti kur shfaqen shenjat e para të pjekurisë seksuale. Është çështje kjo që nuk do kompromis, për shkak të përcaktimit të saj drejtpërdrejtë nga Krijuesi Fuqiplotë. Le të shpresojmë se me Albinin po hapet një kapitull i ri në politikën kosovare. Le ta ndjekin këtë shembull edhe partitë tjera. Le tua plotësojnë kërkesat popullit, pavarësisht përkatësisë fetare”, ka thënë Krasniqi.



Krasniqi ka thënë se nuk dëshiron që reagimi i tij të interpretohet si mbështetje për Vetëvendosjen, por nuk ka mohuar do t’i përkrah ata që ia duan të mirën këtij vendi, pavarësisht partisë që kanë./standardi.info

[Llapi]

Shefqet Krasniqi – Kurtit: Hajde në xhami

Shefqet Krasniqi - Kurtit: Hajde në xhamiImami i Xhamisë kryesore të Prishtinës , Shefqet Krasniqi është shprehur i ngazëllyer nga përgjigjet e liderit të Vetëvendosjes, Albin Kurti gjatë intervistës në Rubikon të KTV-së, për lejimin e shamive te nxënëset 16 vjeçare nëpër shkollat publike.

Krasniqi i ka bërë ftesë Kurtit që të shkoi në xhami për tu falur.
“Ne lutemi qe Albini të vjen një ditë në Xhami”, thotë imam Krasniqi, teksa e fton atë të merr shembull liderët botëror, të cilët nuk kanë turp të manifestojnë besimin e tyre fetar.

Kurti, gjatë intervistës tha se Vetëvendosje është për mësim besimin mbi fetë por jo fenë në shkolla, dhe se VV-ja është edhe për bartjen e shamisë në shkolla.

Hoxha i xhamisë pas kësaj deklarate ka vlerësuar se “është hera e parë kur një lider me ndikim politik del dhe shaminë e sheh si të drejtë, sigurisht, edhe për shkak të asaj që tashmë kanë parë në botën perëndimore se të qenit laik nuk do të thotë t’ia mohosh të drejtat një komuniteti”, thotë Krasniqi.

Krasniqi ka lutur që reagimi i tij të mos interpretohet si mbështetje për Vetëvendosjen, pasi siç thotë ai, nuk i përket asnjë partie.[/img]

[AnaH_M]

Ben mir qe pastruan kete qelbesiren e terbuar!

[Le dévoué]

Alma Lama, ka besuar se asaj i ka mbet ta edukon shqiptarin e Kosoves.

Vetevendosje me Imponim, jan dy gjera qe s'perputhen.

Shamia ? Vetvendos gjithkushi per koken e vet !

Besimi fetar ? Vetevendos gjithkushi per besimin e vet !

Kurse Alma, deshi t'ua ndalon shamijën, t'ua ndalon besimin, dhe t'ua impunon nje besim krejtesisht ndryshe !

Kjo influenc komuniste qe ka len Almen me te meta, diku, edhe i ka kufizuar horizontin e shiqimit !Ose fetarisht then ; I ka fut nje ferexhe para syve, dhe nuk sheh dot e shkreta !

[Llapi]

Alma Lama, i është kundërpërgjigjur akuzave të ish-bashkëpartiakes së saj, Albulena Haxhiu

Pa kaluar as 24 orë, ish-deputetja e “Vetëvendosjes”, Alma Lama, i është kundërpërgjigjur akuzave të ish-bashkëpartiakes së saj, Albulena Haxhiu, për afërsinë me Shërbimin Informativ të Kosovës, duke e quajtur këtë si propagandë speciale që vjen nga simotrat e SHIK-ut. Vetëm pak ditë pasi deputetja Alma Lama vendosi të “shkurorëzohet” njëherë e përgjithmonë me partinë e Albin Kurtit, bashkëpartiakët e dikurshëm kanë filluar hapur me akuza dhe kundërakuza ndaj njëri-tjetrit.

Përplasjeve që kanë ekzistuar për një kohë të gjatë brenda Grupit parlamentar të “Vetëvendosjes”, së fundmi s’po mund t’iu rezistojnë vetë deputetët e kësaj partie politike. Deputetja e VV-së, Albulena Haxhiu, ka lëshuari “breshëri” akuzash ndaj ish-bashkëpartiakes së saj, Lama, për afërsi me SHIK-un.

Por, deputetja e dikurshme e “Vetëvendosjes”, Alma Lama, konsideron se kjo është fushatë speciale që po bëhet ndaj saj, duke i quajtur deklarimet e Haxhiut si shpifje. “Kjo është propagandë speciale që po bëhet ndaj meje e simotrave të SHIK-ut”, ka thënë Lama. E derisa ka përmendur edhe njëherë arsyet që kanë çuar deri te largimi i saj nga “Vetëvendosje”, ajo i ka sugjeruar kësaj partie politike që të mos vazhdojë me akuza ndaj saj, sepse në të kundërtën ka edhe shumë gjëra tjera që do t’i nxjerrë në shesh.

“Nëse ata kanë qejf me iu nxjerr edhe disa gjana tjera le të vazhdojnë si të dojnë. Siç kam thënë edhe në letrën publike kam shumë gjëra për të nxjerrë dhe një nga arsyet e mospajtimeve është mentaliteti totalitar”, ka thënë Lama.

Ajo ka shtuar se pikërisht se pse këta flasin kështu ajo është larguar. “Unë jam larguar nga Vetëvendosje për shkak të parimeve dhe koncepteve, e jo për shkak të pazareve. Çdo gjë tjetër që thuhet kundër meje është propagandë speciale”, ka thënë Lama.

Nuk është vetëm kjo e fundit që akuzon Lëvizjen “Vetëvendosje” për mentalitet totalitar dhe ide komuniste, pasi shpeshherë aktivistët e kësaj partie janë fajësuar nga vetë partia për agjitacion e spiunazh si në kohën e Enver Hoxhës. Deputetja e VV-së Albulena Haxhiu, në mënyrë të hapur ka bërë akuza në drejtim të ish-bashkëpartiakes së saj, Alma Lama gjatë një debati televiziv. Haxhiu ka thënë se Lama ka injoruar forumet e partisë si mbledhjet e Këshillit të Përgjithshëm, dhe mbledhjet e Grupit Parlamentar. Por, mbi të gjithë, Haxhiu ka akuzuar Lamën për afërsi me njerëzit e SHIK-ut.

“Zonja Lama është parë në Kuvend shpeshherë me njerëzit e SHIK-ut. Ajo rri edhe me Adem Grabovcin, gjë që ne të tjerët në Vetëvendosje nuk mund ta bëjmë, duke e ditur kush është ai”, ka thënë Haxhiu. Kjo e fundit ia ka kujtuar bashkëpartiakes së saj se votuesit kanë zgjedhur ‘Vetëvendosjen’, para se t’ia japin votën asaj personalisht. Në lidhje me këto deklarime, deputetja Alma Lama, ka shprehur keqardhjen për diskursin që ka përdorur ndaj saj deputetja e VV-së, Haxhiu.

“Është për keqardhje të dëgjosh diskursin e saj, diskursin qe vazhdon jo vetëm prej deputetes në fjalë, por edhe prej bashkëshortit të saj, Alban Krasniqi, anëtar i KQZ, i cili më ka shkruar një email fyes dhe kërcënues, e po kështu kunatit të saj që bën fushatë shpifjesh në rrjetet sociale kundër meje, duke ma terrorizuar familjen dhe publikun. Ky është diskursi që prodhon Vetëvendosja, e me të cilin s’kam mundur të pajtohem. Edhe këtë herë do t’ia lë publikut që ta japin përgjigjen ndaj shpifjeve të ulëta”, ka deklaruar Lama.

Ndryshe, gazeta gjatë gjithë ditës ka qenë në pritje të një përgjigje nga vetë deputetja Haxhiu, por ajo nuk është përgjigjur.Ndërkohë përfaqësues zyrtarë të “Vetëvendosjes”, nuk kanë dashur të komentojnë, me arsyetimin se s’kanë çfarë t’i shtojnë asaj që kanë thënë më herët në lidhje me dorëheqjen e deputetes Lama.

Me të marrë mandatin kjo parti politike u përball me largimin e dy deputetëve të Lëvizjes për Bashkim (Agim Kuleta dhe Aurora Bakalli). Nga 14 deputetë sa kishte dikur Lëvizja “Vetëvendosje”, tashmë numëron vetëm 11 sosh, e që e renditin edhe si forca e katërt politike brenda Kuvendit të Kosovës.

[Damastioni]

Jo more nuk i ka ofenduar Shqiptaret mysliman, por vetem e ka kritikuar hoxhen i cili i ka fyer dhe ofenduar femrat e Kosoves.

[Llapi]

FRM rithekson: Lamës duhet t’i hiqet shtetësia
Fadil Sertolli Publikuar: 11.07.2013 - 09:19



Forumi i të rinjve mysliman ka reaguar ndaj artikullit të “Zërit”, me titull “Policia zbut anëtarin e LISBA-s”, ku thuhet se anëtari i këtij Forumi, Noli Zhita, ka deklaruar në polici se do t’i kërkojë falje deputetes Alma Lama nëse ajo është ndjerë e fyer, por vetëm atëherë kur ajo do t’i kërkojë falje gjithë qytetarëve myslimanë të Kosovës.

“Ne si FRM dhe anëtari ynë Noli Zhita e konfirmojmë publikisht edhe njëherë se Alma Lamës duhet t’i hiqet shtetësia kosovare, dhe se dyshojmë se ajo është një mercenare për të cilën duhet ta hetoj edhe shërbimi sekret shtetëror, për më tepër FRM denoncon shkruesin e artikullit i cili nuk e ka publikuar intervistën e plotë të dhënë nga Noli Zhita. Po ashtu dënojmë ashpër fushatën denigruse ndaj anëtarit tonë ku shfrytëzohen mediat dhe pushteti. FRM, përkundër presionit politik dhe policor nuk do të ndalet me denoncimin e dhunës ndaj qytetarëve myslimanë të Kosovës”, thuhet në deklaratë.

“Ata mund të na mbyllin në burgje, mund të na shqetësojnë familjet tona në polici, por asnjëherë s’mund të na ndalojnë fjalën e lirë”, thuhet më tej në deklaratë. /Zëri/

***

Policia “zbut” anëtarin e LISBA-s

Anëtari e kryesisë së Forumit të të Rinjve Myslimanë (FRM) dhe anëtari i Lëvizjes Islame “Bashkohu”, Nol Zhitia nuk po duket të ketë aq i guximshëm brenda stacioneve policore ashtu sikurse me deklaratën e tij publike kërcënuese.

Para disa javësh pas kërcënimeve publike që i ka bërë deputetes Alma Lama, ai është marrë në pyetje nga Policia e Kosovës. Deklaratat e tij publike me atë që ka dhënë në polici dallojnë shumë. Në deklaratën që ka dhënë në polici me datë 09.06.2013 pranë njësisë së Hetimeve Rajonale në Prishtinë të cilën e ka siguruar gazeta “Zëri”, Zhitia thotë se nuk ka pasur qëllim ta fyejë Alma Lamën e aq më tepër ta kërcënojë atë. Ai u ka thënë policisë se Lama mund ta ketë keqkuptuar deklaratën e tij porse ky i fundit nuk ka pasur qëllim të keq ndaj saj.

“Unë jam vetëm anëtar i kësaj organizate, thirrjet i kam bërë në emër të organizatës për arsye të debateve politike pasi që ka qenë mes Alma Lamës dhe meje dhe komunitetit mysliman”, citohet të ketë thënë Zhitia në Policinë e Kosovës.

Ai arsyeton reagimin e tij publik duke thënë se “ka qenë reagimi në afekt i etiketimeve që ajo na është referuar neve qytetarëve myslimanë me etiketime si talebanë, fundamentalistë dhe ekstremistë, e kam parë si debat politik të reagoj, por asnjëherë ta kërcënoj apo fyej”. Zhitia më pas thotë së “Nëse ajo ka ndjerë vetën të fyer apo të kërcënuar jam në gjendje t’i kërkoj falje privatisht”.

Të mërkurën, Zhitia i ka thënë gazetës “Zëri”, se qëndron pas deklaratës që ka publikuar ndaj Alma Lames. “Ne qëndrojmë pas çdo vepre dhe deklarate që kemi shkruar. Ne me deklaratën kundër deputetes Lama kemi dashur t’ia bëjmë me dije asaj se qëndrimet e saj kundër qytetareve myslimane të Kosovës janë islamofobi dhe nxitje e urrejtjes”, ka thënë Zhitia.

Rreth zbutjes së deklaratave në Policinë e Kosovës, Zhitia ka thënë se i janë përgjigjur policisë për këtë rast porse nuk janë zmbrapsur nga deklaratat e publikuara.

Policia e Kosovës ka nisur hetime lidhur me fyerjet që i janë bërë deputetes Alma Lama nga Forumi i të Rinjve Myslimanë, duke e vlerësuar atë si kanosje. Nga ana tjetër Lama akuzon Lëvizjen Islame Bashkohu për letër e tyre kërcënuese ndaj saj, duke thënë se atakon moralin e saj dhe është fyese për të gjitha femrat në Shqipëri. Lama ka deklaruar se nëse LISBA nuk distancohet nga Nol Zhita, i cili e ka dërguar këtë letër, atëherë ajo do të ngrejë padi civile ndaj këtij subjekti.

[Anesti_55]

Alma Lama, ka besuar se asaj i ka mbet ta edukon shqiptarin e Kosoves.

Vetevendosje me Imponim, jan dy gjera qe s'perputhen.

Shamia ? Vetvendos gjithkushi per koken e vet !

Besimi fetar ? Vetevendos gjithkushi per besimin e vet !

Kurse Alma, deshi t'ua ndalon shamijën, t'ua ndalon besimin, dhe t'ua impunon nje besim krejtesisht ndryshe !

Kjo influenc komuniste qe ka len Almen me te meta, diku, edhe i ka kufizuar horizontin e shiqimit !Ose fetarisht then ; I ka fut nje ferexhe para syve, dhe nuk sheh dot e shkreta !

Ti e kupton lirin si anarshi, por nje komun itet qe te egzistoje vendos rregulla.Nese keto rregulla me te ciat ka ecur kosova deri me sot jane per nje shoqeri primitive , atehere jane progresisetet ato qe marin inisiativa per ndryshim.Primitivi si puna jote vertete do te vazhdoje te jetoje ne menyren e tije , por shoqeria do te beje te veten.Ne shkolla do te kritikohet shamija dhe dhuna ndaj gruas ne isam, zakonet prapanike qe burojne nga kjo fe , do te trajtohen ne te gjitha zharnet e artit dhe keto nuk fyejne kerken pasi do te jene te mbrojtura me ligj, qe do te thote, se fyese eshte ai qe sillet kunder ligjit.