Rama Kryeministër, Meta Kryetar i Kuvendit

[Ingenuous]

Edi Rama dhe Ilir Meta, liderët e forcave të majta që dolën fituese në zgjedhjet parlamentare të 23 qershorit kanë zhvilluar sot një takim me njëri-tjetrin. Në takim është diskutuar për përbërjen e kabinetit të ri qeveritar.

Burime nga selia rozë bëjne me dije se Rama e Meta kanë rënë dakord për postet që vetë ata do mbajnë në qeveri. Ashtu sic ishte parashikuar Rama do të jetë kryeministri i ri i Shqipërisë, ndërsa Meta kryetari I Kuvendit.

Mësohet se takimi ka nisur rreth orës 11:00 në hotel ‘Sheraton’ dhe ka zgjatur rreth 90 minuta.
Sipas përllogaritjeve të votave, Lëvizja Socialiste për Integrim është partia që mund të përfitojë 4 deri në 5 ministri, pasi në këto zgjedhje ajo ka arritur të marrë afërsisht 200 mijë vota.

Por tashmë është folur se edhe kryetari i Kuvendit do t'i përkasë LSI-së, përpos posteve të tjera në nivel lokal. Nuk dihet nëse vetë kreu i LSI-së do të pranojë të bëhet kryetar i Kuvendit apo këtë do ta marrë dikush tjetër nga LSI.

balkanweb

[klajdi wolf]

Thaçi, uron Ramën: Qeveria e re të ruajë dhe garantojë unitetin kombëtar. Bashkëpunim drejt BE



Kryeministri i Kosovës, Hashim Thaçi ka uruar liderin e Partisë Socialiste të Shqipërisë, Edi Rama per fitoren në zgjedhjet e përgjithshme të 23 Qershorit, per te cilat thekson se vendi “tregoi pjekuri politike dhe kulturë të lartë demokratike”.

“Fitorja e koalicionit Aleanca për Shqipërinë Evropiane, pastaj qetësia, transparenca dhe pranimi i rezultat zgjedhor nga partitë politike shqiptare , janë tregues të përcaktimit të Shqipërisë për vlera dhe integrime evroatlantike”, thotë Thaçi.

Thaci ka shprehur besimin se qeveria e drejtuar nga Rama dhe Meta, “do ta ruajë dhe garantoj unitetin kombëtar, stabilitetin dhe prosperitetin e Shqipërisë”.

Qeveria e Republikës së Kosovës është e “përkushtuar që edhe më tutje ta thelloje bashkëpunimin me institucionet e Republikës së Shqipërisë, në rrugën e përbashkët evropiane, si dy shtete të pavarura”, thuhet në fund të urimit të Thaçit dërguar liderit të Partisë Socialiste të Shqipërisë, Edi Rama.

http://www.panorama.com.al/2013/06/2...etin-kombetar/

[klajdi wolf]

Edi Rama flet për herë të parë si Kryeministër

[Albo]

Rama: Jo aleatë të PD në qeverinë e re, punët e mira që bëri Berisha

Ju keni deklaruar se akti i parë do të jetë anulimi i Planit rregullues të Tiranës, a do të rikonsiderohet kjo ashtu si ristrukturimi i administratës?

Të jeni të bindur që nuk ka paqe pa drejtësi. Me këtë dua të them që sigurisht që do të ndërtojmë një sistem ku nesër, cilido qoftë në pushtet e ne të parët, të mos jetë në gjendje të shpërdorojë liritë dhe të drejtat e njeriut, duke shpërdoruar detyrën shtetërore për të marrë njerëzit e kthyer në kope mitingjesh elektorale. Nga ana tjetër, në qoftë se do të ketë një shembull që “shiko kur gjërat mbarojnë nuk të mbron kush”, të mbron vetëm zgjedhja jote ndaj ligjit. Nëse kjo nuk bëhet, nesër, ata tanët do të bëjnë të njëjtën gjë. Fakti që nëse abuzon me idenë që e je i mbrojtur, siç kanë abuzuar një sërë drejtuesish të Policisë së Shtetit, që janë përgjegjës për situatën që doli jashtë kontrollit me pasojë vdekjen e njerëzve në Laç, atëherë historia përsëritet shumë thjesht. Kështu që ne, pa asnjë dyshim dhe e përsëris, e për këtë jam i bindur, do të bëjmë çmos të japim në radhë të parë njerëzve lirinë për të marrë frymë pavarësisht në janë me ne apo kundër nesh, kudo qofshin, mësues, nëpunës, mjekë, biznesmenë, etj. Nga ana tjetër, kjo s’mund të bëhet me fjalime, por duhet shoqëruar me akte dhe absolutisht konkrete e nuk mund të harrohen ata që i thanë njerëzit o në zyrën elektorale të PD, o në rrugë. Kjo nuk mund të harrohet pasi ky sistem po ndërtohet mbi bazën e kësaj fryme. Mund të kesh një detyrë partiake, por kur ke një detyrë shtetërore të paguan shteti dhe kur merr këtë detyrë e në të mund të bësh ligjin, bindjet politike nuk mund të tolerohen.

Sa i takon Bashkisë së Tiranës, jam absolutisht i bindur që eksperienca ime, e atij rrethimi të Bashkisë nga gjithë ajo hordhi pushteti e abuzimi për të penguar punën, do të më ndihmojë që ky pushtet të mos përsërisë ato gabime për të mirën e qytetarëve dhe marrëdhëniet me Bashkinë do të jenë të një raporti në respekt të qytetarëve dhe jo i diktuar nga marrëdhënia politike e personale me njerëzit që janë në krye të pushtetit vendor.

Andrea Stefani – Nuk mund të mos bie dakord me idenë tuaj që gjithçka duhet të formëzohet nga ligji, e kjo duhet të çojë sjelljen e njerëzve drejt një bashkëvlere, por këtu ka një problem që nuk është hera e parë që ndërrohen pushtetet dhe ne kemi parë që largimi nga pushteti, nuk ka sjellë dënimin e korrupsionin të pushteteve të mëparshme, edhe për faktin që ajo qeveri që ka dashur të veprojë në këtë mënyrë, është akuzuar se ka dashur të hakmerret ndaj një kundërshtari paraardhës. Ne s’kemi një pushtet të pavarur gjyqësor, ndaj si kapërcehet ky handikap?

Edi Rama – Ka dy aspekte, etik dhe penal. Në atë etik, qeveria nuk ka alibi. Nëse drejtori i shkollës nxjerr në rrugë fëmijët në miting ndaj opozitës, këtu jemi në shpërdorim detyre nga ana etike dhe ligjore. Pjesën etike e ka përsipër qeveria, sepse një ministër arsimi dhe një kryeministër që nëse nuk duan që kjo histori të përsëritet, duhet që ata që e kanë shkruar këtë histori si drejtues, s’mund të drejtojnë më. S’mund të drejtojnë më shkolla njerëzit që kanë mbyllur shkollën për të çuar fëmijët në miting dhe ndërkohë, ata që do t’i zëvendësojnë do të marrin mesazhin që vërtet unë mund të shërbejë symbyllurazi, por këta protektorët e mi një ditë s’do të jenë më. Nuk do të ketë më në Shqipëri një kryeministër që do të bëjë të gjitha detyrat, edhe historianin, edhe gjykatësin, edhe trajnerin e kombëtares, të cilin do at kishte bërë po të dinte diçka nga sporti, kryeministër që jepte dënime publike, gjëra që krijuan një gjendje asfiksie duke rrënuar besueshmërinë e institucioneve, duke hapur rrugën e një flirti gjithmonë e më mëkatues midis pushtetit ekzekutiv e atij gjyqësor, duke bërë favore të anasjellta. Pa pretenduar se drejtësia do të ndryshojë sakaq, fillimisht duhet të heqim krejtësisht duart e ekzekutivit nga pushteti gjyqësor. Ndëshkimi i korrupsionit të së shkuarës nuk më takon mua, sepse nuk mund të marr përsipër të bëj një kryqëzatë antikorrupsion, por këtë mund ta bëjë fare mirë një sistem drejtësie i pavarur.

Vendi ka ende një kryeministër në detyrë deri në shtator dhe nga informacionet që kanë dalë në media, duket se ka një ritëm jo të zakontë pushimesh nga puna, marrjesh në punë, shpallje tenderash… Pra në momentin kur vendi ka një qeveri në detyrë, deri në shtator, a do të vazhdoni të bëni opozitën deri në përmbushjen e rotacionit?

Kam ndjekur procesin që pararendi dhe pasoi zgjedhjet në Itali e pati një periudhë kur Mario Monti qeverisi edhe pse kishte humbur mbështetjen e partive dhe e kam ndjekur me shumë vëmendje atë rotacion. I gjithë procesi qeverisës ishte ajo që e quajnë administrimi rutinë pa vendime të reja, pa shpenzime të reja, pa hapje kantieresh të reja, qoftë në aspektin e legjislacionit, qoftë të punëve e kjo është etika qeverisëse në një proces tranzicioni. Madje unë shkoj edhe më tutje, që një tranzicion etik do të duhet të ishte një tranzicion ku të zgjedhurit e rinj kanë hapësirën për të marrë informacion dhe dorëzuar detyrën gradualisht, në një kornizë bashkëpunimi mes palëve. I marr këto të dhëna dhe do të bëjmë ç’mundemi duke kërkuar që në asnjë mënyrë të mos procedohet me çështje dhe punë që si takojnë më kësaj qeverie, e cila veç të tjerash, e ka çuar deficitin buxhetor vetëm gjatë këtij viti në shifra të panjohura më parë për shkak të fushatës elektorale, e ka përgjegjësinë e madhe që e ka zbrazur arkën e shtetit e nuk duhet të lërë vend për dyshim që po punon për një skenar financiar kaosi, për të bërë shpenzime që nuk i takojnë të bëjë. Ndaj bëj një apel, për të gjithë ata që nën ministrat e shohin këtë dy muajsh si atë që të marrin ç’të marrin, se çdo tender dhe procedurë që do të bëhet në këto dy muaj është në monitorim dhe menjëherë do të jetë objekt hetimi.

Ka njëfarë situate agonie në administratë ç’është e vërteta, pasi nisur edhe nga deklarata e aleatëve se të gjithë të hequrit nga detyra do të kthehen, nisur nga këto që ju thatë në pjesën e parë, e duke pasur parasysh mosbesimin që ekziston, cili është mesazhi juaj?

Në Tatime për shembull, ka njerëz që ka arsye të forta që tani duhet të ndihen jo mirë dhe të kërcënuar nga ndëshkimi sepse organet tatimore, me një trajtim arbitrar kanë bërë dëme të mëdha mbi kompanitë, e mbi njerëzit që në këtë vend kanë vendosur të merren me një sipërmarrje. Pse dhe si ka ndodhur që këta drejtues i kanë bërë këta dëme, ku e gjetën këtë forcë? Në mbështetjen politike dhe brenda një modeli abuziv që sidomos në vitin e fundit, nuk ka njohur asnjë cak. Ashtu si në rastin e shkollave, administratës, do të kërkojmë që të gjithë ata që kanë një dëshmi për këtë, për marrjen me pahir në fushatë, të dëshmojnë, ashtu siç do të jenë të mirëseardhura dëshmitë e kompanive. Nga ana tjetër, përsa i përket riformatimit të administratës, ne shumë shpejt do të startojmë një program që bazohet në ftesën për të gjithë njerëzit me kapacitet dhe gatishmëri për të shërbyer shtetin, që të aplikojnë dhe mbi bazën e aplikimeve të marrin sa më shumë burime njerëzore të përgatitura për të ndërtuar një administratë që të jetë në shërbim të shtetit dhe qytetarëve, që do të thotë se të gjithë atyre që i dukej e pamundur t’i shërbehej shtetit sepse do të kalonin nga zyra e kuadrit në partinë që drejtonte ministri i Brendshëm, sot ta kenë të hapur për të ofruar kapacitetin e tyre në shërbim të shtetit. Kthimi i njerëzve në punë ka të bëjë me vendime gjyqësore që kanë përcaktuar se heqja e tyre është bërë arbitrare, ka pasur arbitraritet në heqjen e njerëzve, vetëm për t’i zëvendësuar me besnikë të këtij modeli që shqiptarët e rrëzuan me një votë absolutisht të padiskutueshme.

Në cilat drejtime do të përpiqeni të ftoni opozitën, ta bëni pjesë për aq sa i takon të procesit qeverisës, për shembull në komisione parlamentare, institucione, hartime ligjesh, etj?

Edhe një herë, në çështjet e formimit të qeverisë do të më lejoni të jem shumë i rezervuar sepse e thashë edhe në fillim, nuk është punë negocimi, por bashkëpunimi dhe bashkërendimi i ideve dhe marrjes së vendimeve me aleatët tanë. Përsa i përket pjesës tjetër, edhe një herë besoj se ne do të ndryshojmë vijën e sjelljes ndaj opozitës, në mënyrë radikale. Të mos harrojmë që qeverisja e deri djeshme ka qenë e bazuar në luftën me opozitën më shumë sesa në luftën me varfërinë, papunësinë, planet sociale dhe ka qenë e trazuar shumë më tepër në ushqimin e zjarrit të konfliktit dhe të ndasisë për t’iu dhënë shqiptarëve një pamje bardhezi, o me të bardhën o me të zezën, se sa në krijimin e një trupi që prej historisë erdhi në demokraci i plagosur e sot mbetet i tillë. Të ndryshosh vijën e sjelljes me opozitën do të thotë ta respektosh atë jo thjesht duke thënë që ne e respektojmë duke shtuar nja 7 fjali të tjera mbrapa, por do të thotë që në kushtet kur sot na duhet të administrojmë edhe pushtetin legjislativ, t’i japim jetë një parlamentarizmi europian, me të gjitha parametrat që kjo përmban. S’do të më dëgjoni ndonjëherë duke iu sulur opozitës në Parlament me të shara dhe fyerje, as që besoj të përdor ndonjëherë luftën me opozitën për t’iu shmangur ballafaqimit me problemet reale që ka vendi dhe besoj se duhet të ndryshojmë qasjen ndaj politikës dhe për politikën, duke bërë që ky 20-vjeçar që i ktheu zgjedhësit në tifozë, e i bëri partitë si skuadra, ku pavarësisht produktit e rëndësishme mbetej kush mundi tjetrin, të fillojë t’i lëri vendin një panorame tjetër, me njerëzit shumë më të fokusuar tek mënyra se si ndërtohen dhe zgjidhen problemet, se sa tek mënyra se si i flasim njëri-tjetrit, duke e kthyer Kuvendin në një arenë të mbushur me situata turpëruese për politikën dhe Shqipërinë. Përsa i përket reformave, do të ketë një sërë reformash, do të shfrytëzoj këtë periudhë për të mbajtur takime me figura të njohura ndërkombëtare në fushën e legjislacionit, ekonomisë, etj, për të pasur mbështetje një grup këshillimi me përmasë, eksperiencë e njohje të problemeve që ne këtu se kemi.

Zoti Meta, në qeverisjen e kaluar ka patur 2 nga zyrat më problematike të qeverisë; ekonominë dhe shëndetësinë. Janë dy nga ministritë më të atakuara. Në kabinetin tuaj si do arrini të kufizoni se do të gjeni pika të përbashkëta për të eliminuar një lloj oreksi për poste që LSI-ja e ka?

Dy gjëra, e para unë i qëndroj asaj që kam thënë që Shqipërinë nuk e ka qeverisur Ilir Meta e ka qeverisur dikush tjetër dhe përgjegjësitë si kanë shkuar sektorët nuk janë asnjëherë të një partie me 4 deputetë sa ç’kishte LSI, por janë të partisë që ka marrë mandatin për të qeverisur. E dyta unë nuk besoj asnjëherë se sektorët vuajnë për shkak se dikush i merr. Sektorët vuajnë se s’ka vizion, strategji. Nëse ne nuk bëjmë këtë kapërcim të madh ne do mbetemi po aty. Kjo nuk është çështje personash. Ne kemi ftuar zgjedhjet si Aleanca për Shqipërinë Evropian. Boshti i saj është PS-LSI, ne nuk do të vendosim peshoren e përqindjeve për të bërë ndarje postesh dhe sektorësh. Ne do të vendosim peshoren e kapaciteteve që kemi në dispozicion dhe të asaj që ofrojnë gjithë përfaqësuesit tanë për t’i vendosur në detyrat e duhura. Kjo nuk do të thotë që nuk do të ketë një raport, por ama e thashë dhe e them gjithçka do ta bëjmë të konsultuar dhe nuk do të konsiderojmë sektorët si sinore dhe as ministrat si ushtarë pa lidhje me njëri-tjetrin.

Mendoni se do të gjeni rezistencë në radhët e deputetëve tuaj që do të doni t’i emëroni si ministra, dhe do të detyroheni të merrni dikë nga jashtë?

Edhe kjo është një çështje konsultimesh me secilin, por në instancë të fundit, aq më tepër me këtë votë ne jemi të dënuar të modernizojmë Shqipërinë ose t’i japim shqiptarëve ose atë ndryshim ose jemi të dënuar të presim të përfundojmë si këta që krijuan këtë model. Një qeverisje as kështu dhe as ashtu ne na çon të ballafaqimi me zhgënjimin e shqiptarëve. Sot PD është në kushtet e Partisë së Punës, pasi humbi gjithçka.

Por ka edhe një llogari personale….

Duhet të mbyllim kapitullin që ministri është një person që bën edhe deri ccfarë i teket dhe kërcënon me faktin se s’ke ça i bën dhe për më tepër duhet të hapim kapitullin që çdo ministër duhet ta meritojë me punë dhe raporti i ministrit me parlamenti duhet të jetë një raporti tensioni pozitiv. Luis Ajala ishte këtu për zgjedhjet dhe ai nuk e dinte këtë vendim që kemi marrë dhe më tha që në kushtet e Shqipërisë që është shumë i ngjashëm me Kilin pas rënies së Pinoçetit është gjëja me e mirë që keni vendosur të bëni. E ndan pushtetit legjislativ nga ekzekutivi. Kush është ministër nuk mund të jetë më deputet.

Ju thatë se me opozitën do të silleni mirë. Sa do t’ju përgjigjet nga ana tjetër kjo opozitë?

PD ka një rrugë të gjatë në dimrin opozitar. Ne kemi besuar kur kemi qenë në opozitë se faktori kryesor klimaterik në kushtet e një pluralizmi normal, është qeveria. Ne do të bëjmë tonën dhe do ta bëjmë me vullnet dhe me dëshirën që të kemi një proces sa më gjithëpërfshirës. Shpresojmë të ketë nga ana tjetër të njëjtin rezonim. Por është e sigurt se sa më shumë që PD të vonohet në leximin e votës së 23 qershorit, aq më gjatë do të rrijë në opozitë. Para shtatorit ne do të kemi një konferencë të nivelit shumë të lartë me një grup njerëzisht që po e organizojmë me ekspertë të nivelit më të lartë botëror dhe kjo do të jetë edhe tryeza e parë e konsultimit për të nxjerrë disa konkluzione edhe në lidhje me këtë çështje do t’i japim jetë një Këshilli Ekonomik Kombëtar që do të jetë pranë qeverisë i përbërë nga një numër ekspertësh i nivelit të lartë botëror, me ekspertët tanë dhe përfaqësuesish të sipërmarrjes. Të gjitha do të jenë të konsultuara.

Ju nuk po shkruani më në Tuitter?

I kërkoj ndjesë komunitetit të Tuitter-it dhe pa asnjë dyshim si kryeministër do të jem shumë aktiv.

Po ju vetë zoti Rama do ta lini mandatin e deputetit për postin e Kryeministrit?

Ne do të paraqesim, besoj brenda gushtit, një dokument, dhe do e bëjmë publik qëndrimin se si do të jetë projekti i qeverisë dhe deri në atë moment do të zgjidhim atë çështje. Unë personalisht jam i gatshëm të pranoj qoftë njërin apo tjetrin opsion. Kryeministri është prezent në çdo moment. Këtu ka një diskutim pro ose kundër. Është një gjë që unë, pavarësisht se kam namin si njeriu që vendimin e marr me kokën time, i konsultoj vendimet

Zoti Malaj njihet si një nga ekspertët më të mirë të financave. A do ta ftoni edhe atë në këshillin ekonomik?

Dua të them pa asnjë ekuivok që në funksion të gjithë projektit, në funksion të ndërtimit të modelit të ri qeverisës, shtrirja e dorës nuk do t’i mungojë as kryetarit të opozitës aktuale dhe jo më pastaj të tjerëve.

Kryetari i PD-së mund të jetë një i ri, jo Sali Berisha…

U nisa nga fakti që kryetar i PD-së është Sali Berisha

Është i dorëhequr…

Është kryetar i PD-së. Është i ftuar, ditën e hënë në festën e PS që ne e kemi shtyrë pas zgjedhjeve dhe nuk diskutohet që cilido që do ta pasojë do të jetë kryetari i opozitës dhe do të respektohet ashtu siç nuk është respektuar ndonjëherë një drejtues opozite.

E prisni që të vijë?

Ftesa është bërë do shkojë, jo vetëm ata por edhe kryetarët e tjerë të partive aleate.

Është folur se ka kryetarë të partive të djathta që mund t’i bashkohen koalicionit tuaj, si zoti Ndoka. A ka ftesë për PDIU?

Koalicioni qeverisës është përcaktuar nga shqiptarët. Dhe ne do ta respektojmë vullnetin e shqiptarëve. Sigurisht që ne e mirëpresim bashkëpunimin e të gjitha partive të opozitës në procesin legjislativ dhe do të ishim shumë të kënaqur nëse në këtë proces do të bashkëngjiteshin të gjithë për të patur sa më shumë bashkëpunim dhe sa më shumë konsensus në procesin e ligjvënies.

Bashkëpunim në kuadrin e bashkëpunimit qeveri-opozitë, pra nuk ka ftesa?

Jo

Por nëse trokasin te ju?

Ne do të qeverisim me LSI-në dhe me aleatët që u vunë në dispozicion të një 1 milion shqiptarëve që votuan por natyrisht që do të qeverisim edhe për ata që nuk na votuan. E përsëris asnjë demokrat apo zgjedhës që nuk na ka votuar nuk do të ndjehet keq për shkak se ne po qeverisim.

A mos rrezikohet Shqipëria nga skenari Papandreu?

Nuk bëhet fjalë për një skenar të atillë, sepse struktura është tjetër, masa e problemeve është tjetër dhe pa asnjë dyshim që edhe mësimet e së shkuarës. Mendjet e arsyeshme, me të cilat jemi konsultuar nuk e shohin këtë mundësi, për shkak të strukturës. Nga ana tjetër ju siguroj që unë e di shumë mirë se çfarë duhet të bëj dhe si do ta bëj.

Cila do jetë gjëja e parë që do bëni për arsimin?

Do porosisim testin për të matur analfabetizmin.

Do ta ndaloni me ligj kumarin, si do e bëni?

Unë nuk di ta them këtu sesi do ta bëjmë, por di të them se unë do ta ndaloj kumarin në Shqipëri.

MAPO

[Llapi]

Takohen e majta shqiptare me te djathten kosovare

Nga Express | 29 Qershor 2013 21:20


Dy miqte e vjeter te politikes shqiptare, qe tashme gjenden ne taborre te kunderta ideologjike jane takuar sot ne darke ne Kroaci.

Ky njeherit eshte edhe takimi i tyre i pare prej qe Rama i fitoi zgjedhjet ne Shqiperi, gje e cila shume shpejt do ta katapultoje ne poziten e Kryeminstrit te vendit.

Gjate ketyre zgjedhjeve Thaci ishte treguar teper i kujdesshem ne dhenien e mbeshtetjes per ndonjerin prej kandidateve qe po garonin ne Shqiperi, ndonese raportet e tij private me Ramen thuhet qe jane te shkelqyeshme

[Antiproanti]

Fataliteti Ilir Meta

Adriatik Kelmendi

Kush ka Metën - pushtetin ka! Bën edhe varianti tjetër: Kush s'ka Metën, të mjerët ata!

MUND TË KETË secili të preferuarit, ose të urryerit e vet, matjet e çmatjet e veta, llogaritë e çllogaritë, por për mua politikani më i suksesshëm nga të gjithë shqiptarët në këto 23 vjet pas rënies së komunizmit është - Ilir Meta. E kur e them i suksesshëm, nuk mendoj fare në arritjet e shtetit gjatë udhëheqjes së tij, por kryekëput arritjet e tij personale.

Thjesht, Meta e dëshmoi edhe në zgjedhjet e 23 qershorit në Shqipëri se mund t'i shtjerë në një xhep të vogël si Sali Berishën, si Edi Ramën, si Fatos Nanon e njësoj po të matet me çka dhe si e ka arritur, e njëjta vlen edhe për Ibrahim Rugovën, Hashim Thaçin, Ramush Haradinajn, Albin Kurtin e të tjerë.

Për më tepër, ai tashmë është kthyer në diçka që shumë lehtë mund të quhet jo vetëm Fenomeni Meta, por Fataliteti Meta.

Të gjithë politikanët të cilëve Meta ua ktheu shpinën përgjatë karrierës së tij politike dolën humbës. Kështu që tash shumë lehtë mund të vlejë jo vetëm ajo që vjetra, se i di Meta punët e veta, por edhe ku s'është Meta rrëshqitet me ski të shpejta!

POLITIKANI KONTRAVERS ka një imazh jo fort pozitiv në Kosovë, pasi që në mendjet e kosovarëve më së shumti bëri bujë vizita e tij në Beograd te Boris Tadiq, në kohën kur ishte për herë të parë ministër i jashtëm, si dhe lidhja në fillimvit e koalicionit me Edi Ramën ku sërish u shfaq Tadiqi.

Mirëpo, ai ka ditur ta luajë lojën e vet me një shkathtësi që ia vlen të merret për rast studimi në të ardhmen nga të gjithë teoricienët politikë.

Ka pasur vetëm 23 vjet kur në vitin 1992 u ul për herë të parë si deputet në Kuvendin e Shqipërisë, dhe deri në ditët e sotme asnjëherë nuk ka dështuar që vetes t'ia sigurojë mandatin në të gjitha legjislaturat shqiptare.

Kurse, me vetëm 29 vjet ai u bë edhe Kryeministër i Shqipërisë, pas dorëheqjes së Pandeli Majkos. Në shkurt të 2002-s bëhet sërish rotacioni që kthen Majkon si kryeministër, teksa në korrik të të njëjtit vit caktohet si ministër i Jashtëm, në Qeverinë "Nano 3".

Ikja nga Partia Socialiste për shkak të mosmarrëveshjeve me kryetarin dhe kryeministrin në detyrë dhe themelimi i Lëvizjes Socialiste për Integrim do të tregohet fatal për partinë, qeverinë dhe vetë Fatos Nano. Në zgjedhjet e vitit 2005 LSI-ja fiton vetëm 5 mandate në Kuvend, por PS-ja shkon në opozitë dhe Nano jep dorëheqje nga partia.

Por, mosmarrëveshjet e Metës edhe me kryetarin e ri të socialistëve, Edi Ramën, tregohen sërish fatale për të majtët, pasi që LSI me vetëm 4 deputetë pas zgjedhjeve të vitit 2009 bën kthesën e (pa)parashikueshme dhe i jep edhe një mandat si kryeministër Sali Berishës. E gjatë koalicionit Berisha-Meta ndodh edhe fataliteti tjetër për socialistët, kur Rama humb pas tri mandatesh bashkinë e Tiranës.

Duket se ishte vetë Rama ai që kishte kuptuar i pari fuqinë mistike të Fatalitetit Meta dhe vendosi që t'ia falë të gjitha (përfshirë edhe ofendimet ndoshta më të rënda që ia kishte dhënë ndonjëherë dikush, kur Meta në një konferencë shtypi pas vrasjeve të 21 janarit e quajti Ramën edhe kryetar të sektit të spiunëve të Shqipërisë, fundërrinë e shqiptarëve, mohues i atësisë së të birit, akuzues i babait të vet si baba i djalit të tij, marrës i kokainës në zyrat e bashkisë etj., shih: ), në mënyrë që të mos rrezikonte fundin e karrierës personale politike.

Dhe, profecia u përmbush, në përmasat më të papritshme të mundshme.

Po, që Partia Socialiste fitoi më shumë vota se Partia Demokratike. Po, që e majta mundi të djathtën. Por, PO e madhe që LSI-ja u katërfishua dhe sërish pa të s'mund të jetë fitues i plotë as Rama e as Berisha.

TASH SI MUND t'ia dalë të rritet një politikan dhe një parti që ka bërë gjithë ato ekzibicione e që është përfshirë në aq shumë afera e kundërthënie vetëm përgjatë mandatit të fundit qeveritar, këtu vërtetë zor të japë dikush një vlerësim racional. Ose ndoshta s'duhet fare kërkuar racionalen në këtë rast dhe duhet parë thjeshtë si një nga ato çastet e pashpjegueshme në fatet e shqiptarëve përgjatë gjithë ekzistimit të shtetit shqiptar.

Të shkosh sa majtas sa djathtas, duke përdorur të njëjtat akuza për të dy liderët e poleve, të shkosh në proces gjyqësor me bashkëpunëtorin më të ngushtë lidhur me përgjimet për korrupsion, të koketosh me partitë politike në Serbi, të përfshihesh në akuzat dhe kundërakuzat për vrasjet para kryeministrisë, ta braktisësh qeverinë e të shkosh mbrapsht te kundërshtari më i madh politik pak muaj para zgjedhjeve... dhe të katërfishosh rezultatin zgjedhor?! Seriozisht, no comment!

Sidoqoftë, as dua të gjykoj fare. E as besoj se na takon neve, shqiptarëve kosovarë, të gjykojmë se kush është dashur të fitojë ose kush të humbë në Shqipëri. Në Kosovë duhet një herë e mirë ta kuptojnë se çka ka ndodhur në dy vendet tona përgjatë këtyre dy dhjetëvjeçarëve në mënyrë që edhe të kuptohemi e edhe të duhemi më tepër.

Ka kaluar koha kur Shqipërinë, për arsye të kuptueshme, e kemi parë si mëmëdhe, ose atdhe. Në 2013-s Shqipëria nuk është as nëna as babai i Kosovës, por më tepër një shtet i pavarur vëlla. E vëllezërit s'ka nevojë të kenë ndërmjet vete marrëdhënie prindërore, por të mundohen ta ndihmojnë sa dinë e munden njëri-tjetrin që të ecin të fortë përpara.

Votuesit në Shqipëri kanë dhënë verdiktin më 23 qershor për ata që duhet të udhëheqin vendin. Shqiptarët kosovarë as s'kanë pse t'i përgëzojnë, as t'i ngushëllojnë. Edi Ramës e Ilir Metës u duhet uruar një: Punë të mbarë!

Se Shqipëria ka shumë, tepër shumë punë për të bërë, për t'u afruar me shtetet e zhvilluara në skajin tonë të globit.

E një Shqipëri e zhvilluar, nënkupton edhe ndihmesë në zhvillim të Kosovës, e hap edhe shumë horizonte të tjera të ndritshme përpara.

E NËSE KTHEHEMI edhe një herë të Ilir Meta, ai pra ia doli ose t'ia hajë kokën ose t'i rilindë tre liderët kryesorë të Shqipërisë së viteve të demokracisë.

Rezultatet paraprake që tregojnë se LSI mund të ketë 17 deputetë dhe se pa këtë parti as e majta as e djathta nuk sigurojnë shumicën, i vë edhe PD-në edhe PS-në sërish nën mëshirën e Fatalitetit Meta.

Edhe pse Meta e ka thënë se i takon Ramës që të jetë kryeministër dhe se me të do të formojë koalicion qeveritar, PS-ja duhet të sillet me shumë elegancë e kujdes me LSI-në. Në qoftë se ia prishin - Meta tashmë e ka dëshmuar - mund t'ia lerë qeverinë në dorë dhe të kalojë me krahun tjetër.

Kështu që, ndonëse me partinë e tretë më të madhe, Ilir Meta është sot njeriu më i fuqishëm i Shqipërisë.

Mos qoftsha n’lëkurë të Edi Ramës!

http://www.koha.net/?page=1,9,150698

[ulne]

eshte e cuditshme qe ministrin qe e ka zgjedh populli te detyrohet te lej mandatin keto gjera vetem ne shqiperi ndodhin, ne nje demokraci parlamentare Ministri jep llogari vetem ne kuvendin e popullit dhe jo ne gazeta dhe forume thashethemesh, mesaduket I ka tremb Dritan Prifti

[Viti-5]

Ilir Meta eshte si minoritetet ne Kosove. Ata u sherbejne çdokujt, here serbeve, here shqiptareve, dhe gjithmone i kane punet mire e me mire. Secili qe eshte ne pushtet nuk mund pa ta! Njehere ishte me Faton Nanon, pastaj me Sali Berishen, e tani me Edi Ramen. Ai ha me shume luge, e me nje luge e ha tere Shqiperine!

[Shtimjanii]

Ne mbesim duke fajsu turqit ,e kendej greket marrin pushtetin ,tani edhe bollanon e kemi ne parlament ,ja kemi dhen mundesin qe te na ofendoj dhe shaj edhe nga parlamenti,

Rama për "Kathimerini": “Acari” në marrëdhëniet Greqi-Shqipëri mbaroi Urime Shqiperi

[mali2]

E pyeten Deven, "Kur e kishe barrën më të rëndë ? u përgjegjë; atëhere kur e sollët Gomarin të më prijë!"