Kuvendi i Kosoves ratifikon marrëveshjen Kosovë-Serbi

[zANë]

Beogradi i do edhe 40 mijë votues serbë në Kosovë



Beograd, 2 tetor – Ministri pa portofol i ngarkuar për Kosovën në Qeverinë e Serbisë, Aleksandar Vulin, i tha televizionit publik serb se do të argumentojmë se ekziston secili nga të 40 mijë serbët që dëshirojnë të përfshihen në listën e votuesve për zgjedhjet e 3 nëntorit në Kosovë. “Nëse do të jetë e nevojshme do të sjellim secilin në komunën ku dikur ka jetuar” është shprehur ai, duke shtuar se “votimi në këto zgjedhje është mënyra për të anuluar pastrimin etnik në Kosovë”, është shprehur Vulin.

Vulin i tha RTS-së se pas marrëveshjes me delegacionin e Prishtinës në Bruksel për përfshirjen në listën e votuesve të e 12.700 serbëve nga pjesa veriore e Kosovës, mbetet problemi i përfshirjes edhe të 40 mijë të tjerëve, siç i trajton ai – të të zhvendosurve të brendshëm. Ai u deklarua optimist se edhe për këta do të arrihet marrëveshja.

Vulin ka paralajmëruar mundësinë që të premten, në ditën kur zyrtarisht fillon fushata zgjedhore në Kosovë, “nëse do të jetë çdo gjë në rregull”, kryeministri i Serbisë, Ivica Daçiq do të jetë në Shtërpcë. Por “njeriu të cilin serbët në Kosovë dëshirojnë më së shumti ta shohin është Aleksandar Vuçiq”, sipas Vulinit, së shpejti do të vizitojë Kosovën.

http://www.koha.net/?page=1,13,160692

Le t'shkon Hashimi ne Presheve, ose edhe ne Leposaviq...!

Nuk ka qejf....se jo per ndonje gje tjeter

P.S.Me habisin Serbet me kembenguljen e tyre!

[Llapi]

Nuk ka qejf....se jo per ndonje gje tjeter

P.S.Me habisin Serbet me kembenguljen e tyre!

po nuk kan perse te habisin i nderuar
qdo serb qe eshte normal e ka pa qe nuk ka ndarje te kosoves
nuk ka autonomi per veriun e nuk ka asgje nga ajo qe ju ka premtue beogradi qe 14 vite
prandaj ata deshiroin qe ne keto zgjedhje ti kthehen Kosoves tu kthehen institucioneve te
Republikes te Kosoves prandaj kerkoin qe sa ma shum te dalin ne zgjedhje lokale
per ta qeveris veten e vet

[Llapi]

Samarxhiq: Bisedimet kanë përfunduar, Serbia i dha të gjitha

Publikuar: 02.10.2013 - 22:23


Nënkryetari i Partisë Demokratike të Serbisë (DSS) dhe ish ministri për Kosovën në Qeverinë e Serbisë, Sllobodan Samarxhiq, ka thënë se bisedimet me Kosovën, për të cilat kryeministri Ivica Daçiq “kërcënon” se do t’i ndërpres, në të vërtetë veç kanë përfunduar, sepse, sipas tij, “Serbia ka dhënë gjithçka që ka pasur për të dhënë”.

“Meqë Daçiq ka kontribuuar që Kosova të bëhet shtet i pavarur dhe provoi që serbët t’i shtyjë me dhunë në atë shtet të pavarur, pse tash habitet kur pushteti i shtetit që ai e ka njohur nuk i lejon të bëjë fushatë në zgjedhjet që i organizon ai shtet”, ka thënë Samarxhiq, transmeton Beta.

Ai ka thënë se Daçiq me marrëveshjet, që i ka pranuar bashkë me presidentin serb Tomisllav Nikolliq dhe zv.kryeministrin Aleksandar Vuçiq, e kanë sjell veten në pozitë që “në Kosovë të shkohet, sikurse p.sh, në Hungari”.

“Serbia ka dhënë gjithçka që ka pasur të japë dhe tash i ka mbetur vetëm edhe të nënshkruaj marrëveshjen obliguese me Prishtinën nga pika 7 e kërkesës së Gjermanisë, e këtë Daçiq e di shumë mirë”, tha Samarxhiq. /telegrafi/

[Llapi]

Rasmusen i thotë Nikoliqit: FSK nuk bëhet ushtri (?)



Sekretari i Përgjithshëm i NATO-s, Anders Fogh Rasmussen, sipas medieve serbe, “i ka ofruar siguri të plotë presidentit të Serbisë se Forca e Sigurisë e Kosovës nuk do të shndërrohet në Ushtri të Kosovës”.

“Serbia është faktor kyç i paqes dhe stabilitetit në rajon”, ka thënë Rasmussen gjatë një bisede me Nikoliqin në margjinat e Asamblesë së Përgjithshme të OKB-së, citon tanjug burime nga delegacioni i Serbisë në Nju Jork.

Nikoliq ka theksuar besimin e madh që është ndërtuar ndërmjet KFOR-it dhe serbëve në Kosovë.

“Shumëçka ka ndryshuar dhe sot ekziston një besim më i madh në mes pjesëtarëve të KFOR-it dhe serbëve dhe ia kemi dalë të ndërtojmë këtë mirëbesim”, ka thënë Nikoliq.

Ai ka premtuar se Serbia do të implementojë marrëveshjen e Brukselit dhe nga ana e Beogradit nuk do të ketë befasi.

Nikoliq ka kërkuar nga sekretari i NATO-s që të ftojë EULEX-in që sa më parë ta zbardh vrasjen e policit doganor të EULEX-it, transmeton Tanjugu./Telegrafi/

http://www.zeri.info/artikulli/15959...k-behet-ushtri




Nikoliq: Rasmussen më dha garanci se Kosova nuk do të ketë ushtri

Beograd, 26 shtator – Sekretari i përgjithshëm i NATO-s, Anders Fogh Rasmussen më ka garantuar në bisedimet e sotme se Forca Mbrojtëse e Kosovës kurrë nuk do të bëhet ushtri, por që është paraparë që ai të reagojë në rast të fatkeqësive elementare, por në asnjë rast nuk do të kalojë në veri të Kosovës pa pëlqimin e komunitetit serbe”, tha sonte për televizionin publik serb presdineti serb Tomisllav Nikoliq. Duke komentuar takimin me Catherine Ashton, ai tha se përfaqësuesja e lartë e BE-së edhe një herë ka konfirmuar se BE do të mbetet neutrale sa i përket statusit të Kosovës dhe ka premuar se që sot do të bisedojë për zgjidhjen e disa problemeve në organizimin e zgjedhjeve lokale të 3 nëntorit në Kosovë.

Si transmeton Koha.net shkrimet e medieve serbe, Nikoliq ka theksuar që mendon se është gjetur gjuha e përbashkët dhe se tashti me Osumë më optimizëm shikon në raportin e BE-së karshi Serbisë, “veçmas pasi Ashton më ka thënë se në dhjetor nuk do të kemi kurrfarë problemesh sa i përket fillimit të bisedimeve për anëtarësim në BE”. “Mund t’i njoftoj qytetarët e Serbisë se negociatat për anëtarësim me BE-në do të fillojnë më së largu në janar të vitit 2014”, tha ai.
http://www.koha.net/?page=1,16,160118

Kriza në veri, Ushtria e Kosovës në gjendje gatishmërie!
Bota Sot | 03.10.2013 18:07

FSK-ja stërvitje në tërë Kosovën gjatë fushatës zgjedhore

Kosova është vënë në gjendje gatishmërie për të përballur provokimet që mund të ndodhin në veri nga Serbia, përkatësisht strukturat ilegale.
Përplasjet e shkaktuara së fundi Kosovë-Serbi, pas ndërhyrjes së vazhdueshme të Serbisë tek serbët në Kosovë, dhe kërcënimit serb për ndërprerje të bisedimeve, që rezultoi me anulimin e takimit të sotëm për lirinë e lëvizjes, është kthyer në shqetësim, edhe në bazë të indikatorëve të tjerë, se serbët mund të kryejnë veprime të paparashikuar sidomos pas vrasjes së doganierit serb.
Forca e sigurisë së Kosovës, është mobilizuar dhe po zhvillon stërvitjen fushore “Shqiponja2”.

[Llapi]

Berlini dhe Londra: Kapitulli 35 të hapet menjëherë

19:04 / E mërkurë, 09 Tetor 2013


Këto dy vende kanë kërkuar që menjëherë të hapet kapitulli i veçantë që mban numrin 35, i cili do të përcjellë dhe mbikëqyr procesin e normalizimit të marrëdhënieve të Serbisë me Kosovën që kjo të jetë obligim i detyrueshëm për Serbinë. Kështu është shkruar në dokumentin jozyrtar “non –pejper”, për të cilin agjencia serbe e lajmeve Beta thotë se e ka parë. Gjithashtu, në dokument thuhet se ”duhet të futet mekanizmi i cili do të ndalojë Serbinë dhe Kosovën të pengojnë njëra - tjetrën në rrugën e anëtarësimit të tyre në Bashkimin Evropian”.

Berlini dhe Londra janë të vendosura që normalizimi i marrëdhënieve me Kosovën, të shqyrtohet dhe vendoset si kusht në kuadër të kornizës për negociatat e anëtarësimit të Serbisë në BE. Këto dy vende kanë kërkuar që menjëherë të hapet kapitulli i veçantë që mban numrin 35, i cili do të përcjellë dhe mbikëqyr procesin e normalizimit të marrëdhënieve të Serbisë me Kosovën dhe që kjo të jetë obligim i detyrueshëm për Serbinë. Kështu është shkruar në dokumentin jozyrtar “non –pejper”, për të cilin agjencia serbe e lajmeve Beta thotë se e ka parë. Ky dokument, sipas agjencisë Beta i është vënë në tavolinë të gjitha vendeve anëtare dhe partnere të BE-së duke kërkuar prej tyre mbështetjen e tij.

“Përkrah kapitullit e negociatave për të drejtat, liritë, gjyqësinë dhe shtetin ligjor, menjëherë duhet të nisë edhe kapitulli 35 për normalizimin e marrëdhënieve me Kosovën, në mënyrë që të gjithë kapitujt pastaj me urdhëresë të veçantë të ndërlidhen me procesin e normalizimit të marrëdhënieve të Serbisë me Kosovën” thuhet në dokument. Sipas ligjeve dhe rregulloreve të BE-së Serbia duhet të sigurojë që Kushtetuta e Serbisë, duke përfshirë edhe përkufizimin gjeografik - kufijtë e shtetit, të mos bie në kundërshtim me procesin e normalizimit të marrëdhënieve me Kosovën, thuhet në dokument, i cili sipas agjencisë Beta është i përbërë nga dhjetë pika.


Diplomatë evropianë i kanë thënë agjencisë serbe të lajmeve Beta se sipas qëndrimit gjermano – britanik, në çastin kur Serbia bëhet gati për anëtarësimin e plotë të saj në BE, duhet që qartë të dihen kufijtë e saj gjeografikë pa Kosovën dhe të mos përsëritet situata si në rastin e Qipros, e cila në BE është pranuar si një shtet i ndarë në pjesën greke dhe turke.

Kapitulli 35-të thuhet në pikën 1. të dokumentit, duhet të hapet menjëherë dhe ai nuk mund të mbyllet pa normalizimin e plotë të marrëdhënieve të Serbisë me Kosovën. Gjithashtu, thuhet në dokument, duhet të futet mekanizmi i cili do të ndalojë Serbinë dhe Kosovën të pengojnë njëra - tjetrën në rrugën e anëtarësimit të tyre në Bashkimin Evropian.(RTK)

[Llapi]

Pranimi i Kosovës, kushti “evropian” për Serbinë

Publikuar: 13.10.2013 - 19:37

Beograd, 13 tetor - Dëshmia që ekziston dokumenti joformal gjermano-britanik, i cili parasheh që Beogradi dhe Prishtina duhet t’i zgjidhin marrëdhëniet ndërmjet vete, është pohuar nga ambasadori gjerman në Serbi, Heinz Wilhelm, i cili ka porositur që kjo duhet të ndodhë në fund të bisedimeve të Serbisë me Bashkimin Evropian.

Ky dokument, sipas Dushan Janjiqit, drejtor i Forumit për Marrëdhënie Ndëretnike në Beograd, është një kuadër dialogu për normalizim të marrëdhënieve të Serbisë dhe Kosovës dhe si dokument sqarues zyrtar që ka arritur në Qeverinë e Serbisë.

“Nuk është e qartë pse Qeveria (serbe) e ka futur shenjën e ‘sekretit shtetëror’ dhe pa përgatitur e ka pritur dialogun. Si duket nuk i kanë kuptuar pasojat e asaj se çfarë kanë bërë në bisedime në Bruksel në prill dhe atë që do të pasojë në nëntor, e ajo është që dyert për pranim u janë të hapura edhe vendeve të BE-së që deri më tani nuk e kanë njohur pavarësinë e Kosovës”, ka thënë Janjiq, shkruajnë mediat serbe, transmeton Telegrafi.

Ai ka shtuar që Kosovën do ta pranojnë edhe Sllovakia, Greqia, Rumania, ndërsa me këtë çështje ende tregton Spanja. Sipas tij, mbetet vetëm Qipro, e cila nuk do ta bllokojë politikën e BE-së rreth këtij problemi.

Gjithnjë, sipas Janjiqit, Brukseli më nuk do të ketë qëndrim neutral ndaj statusit, gjë që Qeveria e Serbisë, kur ka filluar dialogu, nuk e ka llogaritur përderisa ka qenë dashur ta dinte këtë.

Beogradit i është ofruar kuadri i bisedimeve, ndërsa kjo çfarë ka thënë ambasadori gjerman, praktikisht është amendament i Gjermanisë dhe i Britanisë së Madhe, të cilave i është bashkangjitur edhe Holanda, ka thënë Janjiq.