Kuvendi i Kosoves ratifikon marrëveshjen Kosovë-Serbi

[Antiproanti]

Serbia po luan me Kosovën



Thirrja e Beogradit që serbët e veriut të dalin në zgjedhjet lokale të 3 nëntorit dhe kundërshtimi i tyre, nuk e ka befasuar Lëvizjen Vetëvendosje. Drejtuesit e këtij subjekti politik, konsiderojnë se kjo është pjesë e një skenari të Serbisë, që të dëshiron të manipuloj me shtetin e Kosovës. Për më tepër këtë situatë e shohin që ka ardhur nga bisedimet mes dy kryeministrave, Hashim Thaçi dhe Ivica Daçiq.

Deputeti i Lëvizjes Vetëvendosje, Rexhep Selimi pas mbajtjes së një konferencë për media, ku foli për Ligjin për shtetësi, i është përgjigjur edhe në pyetjet jashtë kësaj teme.

I pyetur për thirrjet e Beogradit për të mos bojkotuar zgjedhjet nga serbët dhe kundërshtimin e tyre për këto zgjedhje, Selimi konsideron se këto janë prurje e negociatave, që janë kundërshtuar nga Lëvizja Vetëvendosje dhe vazhdojnë të kundërshtohen.

“Nuk jam shumë i befasuar nga reagimi e tyre dhe ata po vazhdojnë të luajnë një lojë shumë të rrezikshme kundër shtetit të Republikës së Kosovës dhe njëkohësisht po vazhdojnë që Kosovën duke e nxjerrë nga Serbia të futin një pjesë të Serbisë në Kosovë dhe kështu kanë arritur këto bisedime që një pjesë të Serbisë të futin brenda Kosovës dhe me këtë Serbi të Kosovës, Serbia apo Beogradi të manipuloj në favor të saj. Kështu ky reagim nuk është i papritshëm, këso lloj reagime mund të kemi edhe në të ardhmen dhe nuk do të duhej të befasoheshim, as të hutoheshim, por do të duhej të vepronim ndryshe që të mos vijmë në këso situatash herën tjetër”, është shprehur Selimi.

Ndryshe, ditë më parë, liderët ilegalë të veriut kanë zhvilluar takime me udhëheqësit me të lartë shtetëror të Serbisë, ku këta të fundit u kanë rekomanduar atyre që mos të zgjidhin rrugën e bojkotit të zgjedhjeve lokale të 3 nëntorit.

Por as me këtë kryetarët ilegal të veriut, nuk janë bindur, duke kundërshtuar pjesëmarrjen në këto zgjedhje.

http://www.zeri.info/artikulli/12404...uan-me-kosoven

[Antiproanti]

Dacici vendos edhe për shtëpinë e shëndetit në Graçanicë!?


Rada trajkovic

Kryeministri i Serbisë, Ivica Dacic, ka nënshkruar të premten vendimin për shkarkimin e Rada Trajkovicit nga posti i udhëheqës i shtëpisë së shëndetit në Graçanicë.

Në vend të saj, siç raportojnë Vestionline, për drejtor është emëruar mjeku Aleks andrejevic.

Trajkovic është edhe deputete e Kuvendit të Kosovës, nga Lista Unike serbe. /Telegrafi/

http://www.telegrafi.com/lajme/dacic...a-2-35149.html

[Llapi]

Dacici vendos edhe për shtëpinë e shëndetit në Graçanicë!?


Rada trajkovic

Kryeministri i Serbisë, Ivica Dacic, ka nënshkruar të premten vendimin për shkarkimin e Rada Trajkovicit nga posti i udhëheqës i shtëpisë së shëndetit në Graçanicë.

Në vend të saj, siç raportojnë Vestionline, për drejtor është emëruar mjeku Aleks andrejevic.

Trajkovic është edhe deputete e Kuvendit të Kosovës, nga Lista Unike serbe. /Telegrafi/

http://www.telegrafi.com/lajme/dacic...a-2-35149.html

se kisha besue bash qikaq fort qe te dhimbset rada hahahaha
ngushllime

[Antiproanti]

Serbët e veriut edhe zyrtarisht u thonë JO zgjedhjeve



Përfaqësuesit e të ashtuquajturit Kuvendi i Përkohshëm i Kosovës të cilën serbët e kanë krijuar megjithë kundërshtimin e Beogradit zyrtar, kanë vendosur që zgjedhjet lokale të Kosovës janë të pa pranueshme, sepse siç thuhet janë “në kundërshtim me kushtetutën dhe ligjet e Serbisë dhe rezolutën 1244”.

Në vendimin që është arritur njëzëri, thuhet se "zgjedhjet lokale të 3 nëntorit janë emëruar nga presidentja e Kosovës, Atifete Jahjaga janë në përputhje me kushtetutën e Republikës së Kosovës", diçka që për ata është e papranueshme.
http://www.zeri.info/artikulli/12338...-jo-zgjedhjeve

Ja kush flet ne emer te serbeve te veriut...

Tahiri: Serbët e veriut do të dalin në zgjedhje (Video)




Prishtina zyrtare ka reaguar pas vendimit të delegatëve të të ashtuquajturit Kuvend Autonom i Kosovës dhe Metohisë, për bojkotim të zgjedhjeve lokale të 3 nëntorit.

Zëvendëskryeministrja e Kosovës, Edita Tahiri, ka thënë për Top Channel se nuk kanë peshë zërat që aty-këtu mund të jenë kundër zgjedhjeve në atë pjesë të Kosovës, dhe se ato dalin nga ata të cilët në një mënyrë kanë përfituar në forma të ndryshme nga pushteti ilegal.

Ajo ka kujtuar se këto zgjedhje mbështeten nga BE-ja, SHBA-ja e bota demokratike, dhe se institucionet komunale që do të dalin nga vota e 3 nëntorit do të kenë legjitimitet demokratik. ()

Delegatët e këtij kuvendi ilegal serbe, apo siç e quajnë ata Kuvendi Autonom i Kosovës dhe Metohisë, kanë deklaruar se pjesëmarrja në zgjedhje është në kundërshtim të plotë me Kushtetutën dhe ligjet e Serbisë dhe me rezolutën 1244 të KS të OKB-së. Pavarësisht thirrjes së tyre për bojkot, zëvendëskryeministrja e Kosovës ka thënë se presin një pjesëmarrje në zgjedhje të serbëve në katër komunat veriore të Kosovës.

“Jam e bindur se do të ketë pjesëmarrje mjaft të mirë në këto katër komunat veriore, sepse nga bisedat e ndryshme që kemi pasur në tryeza të ndryshme ndërkombëtare, ku kanë marrë pjesë edhe qytetarët serbë nga pjesa veriore, është dëgjuar zëri i arsyes së tyre, të cilët kanë kërkuar normalitet, demokraci dhe jetë të qetë e të sigurt në shtetin e Kosovës. Ne si Qeveri, së bashku me të gjithë qytetarët, përfshirë edhe serbët e veriut, po punojmë për ta ndërtuar një Kosovës euro-atlantike”, shtoi Tahiri. /Top Channel/
http://www.zeri.info/artikulli/12420...zgjedhje-video

[Llapi]

Kandiq: Qëndrimi i qartë i Serbisë, veriu me Kosovën

Prishtinë, 17 gusht 2013
Drejtoresha e Fondit për të Drejtat Humanitare, Natasha Kandiq, ka thënë për Kosovapress se për herë të parë përmirësimet serbe në Mitrovicë janë përballur me një qëndrim të qartë të Serbisë, që veriu i Mitrovicës duhet të përputhet me sistemin e drejtësisë në Kosovë.
Më e rëndësishmja, sipas Kandiq, është se në Serbi ka ndryshuar situata politike, derisa më parë vetëm organizatat joqeveritare kanë folur për normalizimin e marrëdhënieve me Kosovën, dhe për mundësin e një komunikimi institucional.
Sipas saj, ende ekzistojnë disa grupe ekstreme, të cilat kryeministrin Ivica Daçiq dhe zëvendëskryeministrin e parë të Serbisë Aleksandër Vuçiq e quajnë tradhtarë, por që është duke ndërruar situata dhe se është një ndryshim shumë i madh i pranimeve të realitetit.
“Sot, 9 mijë kërkesa për pagesa të pensioneve tani janë në rend të ditës. Serbia duhet ta përmirësojë atë padrejtësi që e ka bërë ndaj Kosovës duke mos ju paguar pensionet 13 vjetë pensionistëve të Kosovës. Ata po ndryshojnë gjërat në nivelin politik dhe duhet të fillojë të pranojë viktimat e Kosovës, dhe në atë kuptim të flitet me respekt për të gjithë, dhe se Serbia duhet të ketë vetëdije ta pranojë se forcat serbe kanë vrarë pothuajse 10 mijë shqiptarë, po ashtu edhe kombi kosovarë duhet ta kuptojë se këtu janë vrarë në mes të 2 mijë dhe 3mijë joshqiptarë, pra serb, rom dhe ata shqiptarë, siç janë cilësuar si përkrahës të institucioneve të Serbisë. Do të thotë ballafaqimi me të kaluarën është e vetmja mundësi për stabilizimin e situatës politike”, ka thënë Kandiq.
Kandiq ka thënë se pjesëmarrja e serbëve në veri është e rëndësishme për të ardhmen e tyre, dhe ka vlerësuar se serbët në instititucionet e Kosovës do të kenë më shumë hapësirë në ndikimin e tyre politik.
“Mendoj se disa serbë që sot kanë disa funksione politike, deri në fund do të jenë kundër pjesëmarrjes në zgjedhje, dhe kjo është për arsye se ata i humbin disa pozicione të tyre politike, por besoj se një shumicë serbe do të kuptojë që pozita e tyre për situatën politike është shumë e rëndësishme të marrin pjesë në zgjedhjet për institucionet e Kosovës sepse kjo do të thotë që është mundësi e tyre për të vendosur projektet e tyre në kuadër të institucioneve të Kosovës, dhe mendoj se shumë serbë do të dalin, unë mendoj se ata do të duhej ta kishin një listë me shumë mundësi të votojnë atë se kush do t’i përfaqësojë ata në institucionet kosovare, dhe nuk duhet të harrojmë që numri më i madh i serbëve jetojnë jashtë veriut të Kosovës dhe se ata të gjithë do të marrin pjesë në zgjedhje”, ka vlerësuar Kandiq.
Sa i përket situatës në veri, Natasha Kandiq, ka thënë se në veri të Kosovës më se shumti ka pasë ndikim të grupeve kriminale, që nuk implikon vetëm serbë por dhe shqiptarët dhe se ato grupe kanë përfituar nga mosfunksionimi i ligjit atje.
Ata nuk kanë jetuar as në Kosovë as në Serbi, ata kanë jetuar në një hapësirë krejt të ndryshme duke shfrytëzuar vakuumin ligjor, as zbatimin e ligjit të Serbisë, as të Kosovës. Ky është problemi më i madh”, është shprehur Kandiq.
Ajo, po ashtu, ka vlerësuar se serbët në Kosovë duhet të marrin pjesë në jetën politike të Kosovës, dhe se është i pamundshëm ekzistimi i ndonjë regjioni që do të jetë mbi ligjin dhe mbi sistemin juridik të Kosovës./KP/

[Llapi]

Daçiq iu kërcënohet zyrtarëve në veri: Ose në zgjedhje ose ndërrime

14:27 / E hënë, 19 Gusht 2013




Kryeministri i Serbisë, Ivica Daçiq, ka kërcënuar liderët serb të komunave veriore të Kosovës me ndërrimin e tyre nëse vazhdojnë të kundërshtojnë politikat e Qeverisë serbe.



Daçiq ka kërcënuar liderët verior pas vendimit të këtyre të fundit për bojkotimin e zgjedhjeve lokale në Kosovë të shpallura më 3 nëntor. Vendimi i tyre për bojkot paraqitet si sfidë serioze në zbatimin e Marrëveshjes Prishtinë – Beograd të arritur në Bruksel me ndërmjetësimin e Bashkimit Evropian.

Daçiq ka folur me tone tejet të ashpra në raport me qëndrimet e këtyre përfaqësuesve duke thënë se ata nuk mund të udhëheqin politika që bien ndesh me interesin e Serbisë.

“Askush nuk mund të udhëheqë funksione shtetërore në Serbi dhe të udhëheqë politikë që është në kundërshtim me interesat e shtetit të Serbisë. Kjo do të thotë që do të pasojnë ndryshime në funksionet shtetërore në Kosovë të atyre që udhëheqin politika në kundërshtim me interesat e shtetit të Serbisë”, është shprehur Daçiq.

Sipas tij, me zgjedhjet e 3 nëntorit serbët në Kosovë do t’i kenë të zgjedhurit e tyre legalë dhe legjitimë dhe të cilët do të jenë të pranueshëm edhe për bashkësinë ndërkombëtare dhe nuk do të jenë më si struktura paralele, të cilat nuk i njeh askush.

“Ne insistojmë që serbët të marrin pjesë në këto zgjedhje, sepse nga organet lokale do të formohet më pas edhe Bashkësia e Komunave Serbe që është në interesin e Serbisë dhe para së gjithash, të serbëve që jetojnë në Kosovë”, ka thënë Daçiq.

Kryeministri serb edhe këtë herë ka preferuar që serbët e Kosovës në zgjedhjet e 3 nëntorit, të dalin me një listë unike.

Duke i komentuar zhvillimet rreth zgjedhjeve të 3 nëntorit dhe pjesëmarrjes së serbëve nga komunat veriore, Nenad Gjurgjeviq nga Forumi për Marrëdhënie Etnike në Beograd nuk beson që procesi do të rrezikohet. Bojkoti, sipas tij, do të ketë pasoja negative më së shumti për vetë serbët e Kosovës.

Ai nuk beson që liderët veriorë, pavarësisht mbështetjes politike që kanë nga popullata lokale do të mund të sfidojnë zbatimin e Marrëveshjes së Brukselit.

“Nëse Beogradi përcaktohet që të mbështet listën unike dhe të mbështesë fushatën e saj kjo do të ishte përgjigja edhe për zbatimin e marrëveshjes”, ka thënë Gjurgjeviq.

Sipas tij nëse serbët e Kosovës e lëshojnë këtë rast, atëherë ata do të humbin mbështetjen si nga Beogradi, Prishtina ashtu edhe nga bashkësia ndërkombëtare.

Në funksion të bindjes së serbëve nga veriu për pjesëmarrje në procesin elektoral në Kosovë, të martën në Beograd pritet që presidenti serb Tomisllav Nikolliq t’i takojë sërish përfaqësuesit e këtij komuniteti.

Ndërkaq në fund të muajit, pritet që në Bruksel të mbahet një nga takimet vendimtare në nivel të kryeministrave midis Prishtinës dhe Beogradit në lidhje me pjesëmarrjen e komunitetit serb nga komunat veriore në zgjedhjet lokale të 3 nëntorit.

Dështimi eventual që të sigurohet një pjesëmarrje minimale e këtij komuniteti në këto zgjedhje do të vlerësohej më pas nga Brukseli edhe si dështim i zbatimit të Marrëveshjes së 19 prillit, me çka Serbia do të rrezikonte seriozisht marrjen e datës për nisjen e negociatave për anëtarësimin e saj në Bashkimin Evropian.

[Antiproanti]

Daçiq iu kërcënohet zyrtarëve në veri: Ose në zgjedhje ose ndërrime

14:27 / E hënë, 19 Gusht 2013



...

Aha...
Shtypin e Serbise po e poston!
Kuptohet, vetem atehere kur t'pershtatet ty dhe kur eshte ne favor te serbeve dhe te Serbise.

[Antiproanti]

Kundër heqjes së stemës nga aktvendimet



Përfaqësuesit e organizatave joqeveritare kritikojnë sistemin e drejtësisë në Kosovë lidhur me largimin e stemës dhe simboleve të tjera shtetërore nga aktvendimet e Gjykatave të Kosovës. Ata ngrenë shqetësime se veprimet e tilla mund të kenë ardhur si pasojë e bisedimeve politike në ndërmjet Prishtinës dhe Beogradit.

Drejtori ekzekutiv në Lëvizjen “FOL”, Petrit Zogaj, thotë se asnjë institucioni nuk i takon dhe nuk është e drejtë që t'i heqë simbolet nga dokumentet zyrtare. Sipas tij, aktvendimet e sotme të gjykatave në Kosovë, duken sikur të kenë shkruar persona të paautorizuar dhe të rëndomtë.

“Nuk besoj se mund të këtë ndonjë rast në botë, ku vendimet e institucioneve publike të merren në një letër A4, pa logo, pa mbishkrim dhe pa nënshkrim poshtë, vendime këto që në këtë rast janë të Gjykatave të Kosovës. Nuk ka asnjë shpjegim as logjik, as praktik, e as institucional, për këto vendime se si janë nxjerrë kohëve të fundit. Unë e kam parë një aktvendim dhe prapëseprapë nëse nuk e sheh vulën dhe e sheh vetëm pjesën lart, nuk e kupton ti për cilin institucion bëhet fjalë”, thotë Zogaj.

Ai thekson se kjo mund të ketë ndodhur edhe për faktin se serbët po kërkojnë që në fletëvotimet e tre nëntorit të mos ketë logo dhe, sipas Zogajt, kjo është strategjia e serbëve.

“Problemi po më duket se mund të lidhet edhe me debatin aktual për fletëvotimet. Tash nëse eventualisht ne po tentojmë se po diktohet që fletëvotimi të mos jetë me mbishkrim, të barten edhe tek institucionet e tjera, unë besoj që kjo është një lloj heqje dorë nga shteti, gradualisht, për hir të disa praktikave ditore – për hir të negociatave apo çfarëdo qofshin ato”, thekson Zogaj.

Mirëpo, këto pohime se gjoja largimi i stemës ose mbishkrimeve të Republikës së Kosovës nga aktvendimet e gjykatave kanë ardhur si pasojë e bisedimeve me Serbinë, i hedh poshtë Këshilli Gjyqësor i Kosovës.

Kryesuesi i këtij Këshilli, Enver Peci, thotë për Radion Evropa e Lirë, se largimi i stemës së Republikës nuk ka të bëjë asgjë me bisedimet me Serbinë.

“Te vendimet gjyqësore, po mbizotëron mendimi që nuk duhet përdoret kurrfarë logoje, përveç emërtimit të Gjykatës dhe numrit të shkresës së lëndës. Mirëpo, kjo nuk ka lidhje kurrfare me serbë, apo me bisedime në Bruksel, apo diçka e tillë se edhe unë kam qenë në grupet teknike dhe asnjëherë nuk është përmendur kjo çështje”, deklaron Peci.

Kryesuesi i Këshillit Gjyqësor shpjegon se edhe në shtetet e tjera në rajon veprohet në të njëjtën mënyrë siç janë duke vepruar aktualisht Gjykatat në Kosovë.

“Në asnjë vend në rajon nuk vendosen logot, për shkak se gjykatat nuk kanë logo të vet. Ndoshta e keni parë edhe Gjykata Kushtetuese ka logon dhe nuk e ka stemën e Republikës së Kosovës në vendimet e saj. Kështu që ky ka qenë një qëndrim ndoshta edhe me kryetarët e gjykatave në shkresat ku bëhet komunikimi të përdoren logot, po në aktgjykime jo, për shkak se bien në emër të popullit - të mos vendoset kurrfarë logoje”, sqaron Enver Peci, duke shtuar se në vend-nënshkrimin e gjyqtarit është edhe vula ku vërehet stema e Kosovës dhe shkruan Republika e Kosovës dhe gjykata përkatëse.

Përfaqësuesit e shoqërisë civile kanë thënë se në aktvendimet e Gjykatave të Kosovës së fundmi nuk figuron stema e Republikës së Kosovës, derisa në aktvendimet e viteve të kaluara kanë qëndruar ato.

Shoqëria civile konsideron se personat, të cilët kanë marrë vendime të tilla, duhet të japin shpjegime dhe përgjegjësi. Ata, madje, thonë se kjo çështje duhet të shqyrtohet seriozisht. /Rel/Telegrafi/

http://www.telegrafi.com/lajme/kunde...t-2-35201.html

[Antiproanti]

Serbia nuk do t’i ftojë serbët të votojnë me fletëvotimet Republika e Kosovës

Beograd, 20 gusht – Kryeministri serb Ivica Daçiq ka deklaruar sot se Qeveria e Serbisë nuk do t‘i ftojë për dalje në zgjedhjet serbët e Kosovës nëse në fletëvotime do të jenë shenjat e Republikës së Kosovës, njoftojnë medie të Beogradit.

Daçiq ka sqaruar se ndërrimi i funksionarëve serbë në veri ka të bëjë me ata që i vendos Qeveria e Serbisë e jo me përfaqësues e komunave serbe, njofton B92. .

Ai pasi ka përkujtuar se me kryeministrin e Kosovës Hashim Thaçin do të takohet më 27 gusht e se më 29 gusht KS i OKB-së do të debatojë për Kosovën.
http://www.koha.net/?page=1,15,156083

[Antiproanti]

Baraliu: Në veri mund të ketë fabrikim të votave

Fabrikimi dhe rritja artificiale e votuesve serbë në pjesën veriore të Kosovës, në zgjedhjet lokale të 3 nëntorit, është diçka që pritet të ndodhë, ka theksuar ish kryeshefi i Komisionit Qendror të Zgjedhjeve (KQZ),Mazllum Baraliu.

Baraliu thotë se Ligji për zgjedhjet e përgjithshme dhe ai për zgjedhjet lokale e lejon mundësinë që qytetarët e komuniteteve të ndryshme, në këtë rast serbët të cilët janë shpërngulur në Serbi në vitin 1999, të marrin pjesë në zgjedhje.

“Serbët që janë shtetas të Kosovës, sipas Ligjit për shtetësi kanë mundësi të marrin pjesë në procesin zgjedhor. Me fabrikimin e votova ekziston mundësia që të ketë një debalancim ose paraqitje jo reale demografike në aspektin e votuesve veçanërisht të atyre të komunitet serb”, tha Baraliu për Telegrafin, duke potencuar se ata nuk do ta pasqyrojnë realitetin e qytetarëve aktivë dhe që mund të vijnë nga territori i Republikës së Serbisë.

Baraliu ka theksuar se institucionet e Kosovës dhe Komisioni Qendror i Zgjedhjeve duhet ta kenë parasysh rrezikun e fabrikimit të votuesve serb, sepse çfarëdo debalancimi i raporteve demografike sipas tij, mund të shkaktojë debalanca dhe pasoja të tjera.

“Pas këtyre zgjedhjeve në bazë te marrëveshjes së 19 prillit në Bruksel për normalizimin e marrëdhënieve në mes Prishtinës dhe Beogradit, do të dalin organet e një pushteti që është Asociacioni i Komunave Serbe, që është pushtet i nivelit të tretë me ingerenca dhe kompetenca të rëndësishme”, ka theksuar ai.

Baraliu ka deklaruar se mbas zgjedhjeve në teren mund të krijohet disproporcion në përfaqësim në të gjitha nivelet dhe jo vetëm në nivel të asociacionit, por edhe në nivel të parlamentit të Kosovës dhe të asambleve komunale. “Kjo nuk është mirë për askënd as për demokracinë, por as për vetë komunitetet të cilat mund të pretendojnë të krijojnë superioritet në relacion me komunitetet e tjera”, tha ai./Telegrafi/
http://www.zeri.info/artikulli/12732...ikim-te-votave