Kuvendi i Kosoves ratifikon marrëveshjen Kosovë-Serbi

[Antiproanti]

Krasniqi: Nëse keqqeverisja është arsyetim, të privatizohet dhe Qeveria



Prishtinë, 16 shtator - Kryetari i Kuvendit Jakup Krasniqi nuk e ka parë të nevojshme raportimin e kryeministrit, Hashim Thaçi lidhur me procesin e bisedimeve me Serbinë. Pas mbledhjes së kryesisë së Kuvendit, kryeparlamentari Krasniqi ka folur edhe për shitjen e PTK-së. Ai ka thënë se nëse shitja është bërë për shkak të keqmenaxhimit, atëherë duhet që edhe Qeveria të dalë në shitje, raporton RTK..

Nëse keqpërdorimi dhe keqqeverisja, janë arsye për të privatizuar pasurinë e vendit, atëherë deputetët kanë të drejtë që ta bëjnë një kërkesë edhe për shitjen dhe privatizimin e PTK-së. Kështu mendon kryetari i Kuvendit Jakup Krasniqi.

“Atë kërkesë duhet ta bëjë dikush por deri më tash nuk e ka bërë askush. Unë nuk pagëzoj asgjë por nëse dikush në kuvend apo grupet parlamentare nuk janë të kënaqur me funksionimin e Qeverisë, ata mund at parashtrojnë një kërkesë. Por një kërkesë të tillë nuk e ka bërë askush”, th ai.

E, sa i përket raportimit para Kuvendit të kryeministrit Hashim Thaçi, lidhur me procesin e bisedimeve me Serbinë, Krasniqi nuk e sheh të nevojshme që shefi i ekzekutivit të dalë para deputetëve.

“Kuvendi e ka miratuar me mbi 80 vota marrëveshjen si tërësi dhe për mua nuk është më e domosdoshme që të raportohet në Kuvend. Edhe pse rezoluta e Kuvendit e obligon kryeministrin që të raportojë në Kuvend”, tha ai.

http://www.koha.net/?page=1,13,158944

[Llapi]

Jakup Krasniqi tenton të shpërlahet
17:31 - 16.09.2013 |
Jakup Krasniqi ka gëzuar të gjitha benefitet duke qenë pjesë e PDK'së që prej 13 vitesh.Ka qenë për disa herë radhazi deputet, ministër, ushtrues detyre i Presidentit dhe aktualisht Kryeparlamentar i vendit.
Me një hipokrizi të pashoqe, duke gëzuar këto privilegje ai nuk e ka guximin e as kurajon që të heq dorë prej tyre edhe pse është zgjedhur me votat e deputetëve, që ai i ka quajtur hajna.

Nëse supozojmë se PDK është fajtore për nivelin e lartë të korrupsionit, nivelit të lartë të krimit të organizuar dhe të keqqeverisjes, si ka mundësiqë Jakup Krasniqi, duke qenë në hierarkinë më të lartë PDK'së, të mos ketë as më të voglën pjesë të përgjegjësisë.

Tendenca e Krasniqit për ta riformësuar karakterin e tij duke kritikuar ashpër, por duke mos u larguar nga PDK'ja flet më së miri për moralin e pështirë të politikanit të sotshëm kosovar, cfarë në këtë rast shohim te z.Krasniqi.

Të kësaj natyre janë edhe komentet që Krasniqi i bën herë pas here në rrjetet sociale, si këto të fundit që mund t'i vlerësoni vetë dhe të vendosni a t'i besoni apo mos t'i besoni atij.

Në postimin e fundit në Facebook, Krasniqi shkruan se tani ka ardhur kohapër tua treguar vendin "komandantëve".

Derisa në një prononcim për media të hënën sërish ka luajtur politikanin e purifikuar duke thënë se Qeveria duhet të shitet për shkak të keqqeverisjes./express/

[Llapi]

Ku eshte dallimi me...



09.09.2013
Dacic u taku me abasadoret e vendeve te Quint-it
...
http://www.vesti-dana.rs/Politika/da...malja-kvinte-9

Ivica Daçiq qava ditën kur Thaçi shpalli Pavarësin e Kosoves

http://www.youtube.com/watch?v=aSdout_wP9s


I


Qava ditën kur Kosova shpalli pavarësinë
Më 17 shkurt 2008 kur Kosova e shpalli Pavarësinë, ka qenë një ditë e rëndë për kryeministrin aktual të Serbisë, Ivica Dacic, i cili ka thënë se ka qarë atë ditë




Kryeministri i Serbisë, njëkohësisht ministër i Policisë dhe kryetar i Partisë Socialiste të Serbisë, Ivica Daçiq, ka deklaruar se ka qarë kur Kosova, më 17 shkurt 2008, shpalli pavarësinë nga Serbia.

Ai gjithashtu ka zbuluar se atë ditë e ka kaluar në Graçanicë.

“Hymë në kolonë, ata shkonin për Prishtinë, e unë për Graçanicë. Bori të makinave, flamuj që valëviteshin, e ndërsa ne ngisnim makinën, shoferi nxori dorën nga makina dhe u tregoi tre gishtërinj. Ka qenë një atmosferë jo-elektrizuese, kishte emocione si nga ana ynë, ashtu edhe nga ana e tyre. Kam qarë. Ishte atmosferë shumë e rëndë”, ka zbuluar Daçiq.

Daçiq, duke folur për jo-seriozitetin e tij në prononcimet për media, ka thënë se ai s’e ka problem këtë fakt, duke iu referuar një rasti në Sarajevë.

“Patëm bisedime të mrekullueshme në Sarajevë me politikanë boshnjakë, ndërsa pas atij takimi jam takuar me Halid Beshliq dhe kam kënduar me të. Çfarë të bëja? Të shtijë me topa në Sarajevë? Këtë gjë e kemi bërë përpara, dhe kemi dështuar”, ka thënë kryeministri serb, Daçiq. /Zëri/

[Antiproanti]

Dyzet mijë votues nga Serbia



Beogradi ka dorëzuar në OSBE hiç më pak se 40 mijë aplikacione të votuesve nga Serbia. Pesë mijë prej tyre janë dorëzuar në KQZ nga misioni i Organizatës për Siguri dhe Bashkëpunim Evropian. Edhe 35 mijë të tjera janë në proces, shkruan sot “Koha Ditore”. Për shkak të mungesës së bazës ligjore ky mision nuk i ka dorëzuar ato drejtpërdrejt në KQZ por nëpërmjet postës.

Vetë zyrtarët e OSBE-së nuk besojnë në validitetin e të gjitha aplikacioneve por nuk duan që të interferojnë. Thjesht duan t'ia lënë në dorë KQZ-së që të vendosë për legjitimitetin e secilit aplikacion, shkruan shtypi i sotëm. Burime të gazetës kanë shpjeguar se shumica e serbëve të Kosovës që jetojnë në Serbi janë të regjistruar në listat e votuesve të vitit 2000, kur serbët patën marrë pjesë në zgjedhje.

Dyzet mijë aplikacionet sipas Beogradit janë serbë të tjerë që kanë të drejtë vote mbi parimin se kanë lindur në Kosovë. Zyrtarët e KQZ-së nuk kanë dashur të prononcohen. Sipas tyre, ata do t'i verifikojnë të gjitha aplikacionet dhe do të vendosin mbi të drejtën. “Ligji është i qartë, çdokush që ka të drejtë vote do ta fitoj atë. Çdo aplikim jolegjitim do të hidhet poshtë”, citohet të ketë thënë një zyrtar i KQZ-së./Koha/.
http://www.zeri.info/artikulli/15462...ues-nga-serbia

[Antiproanti]

Dacic sërish kërkon këmbim territoresh



Kryeministri i Serbisë, Ivica Dacic, ka thënë se Kosova është një territor i veçantë, por jo edhe shtet i pavarur. Ai ka thënë se vetëm këmbimi i territoreve do të siguronte paqe të qëndrueshme në rajon.

“Ne pranojmë se Kosova është territor i veçantë, por jo se është shtet i pavarur”, ka thënë Dacic, në një intervistë për televizionin e Podgoricës “Atlas”, gjatë vizitës së tij në Mal të Zi.

Kryeministri serb ka thënë se Serbia dëshiron të marrë pjesë në rregullimin e jetës në atë “territor te veçantë”.

Dacic ka thënë se formulimi i tij “serbët e Thaçit”ka bëjë me ata serbë që janë në pushtetin e Kosovës, por që nuk bëjnë asgjë për të mbrojtur interesat e serbëve.

Ai gjithastu ka thënë se Kosova dhe Serbia nuk janë armiq.

"Unë nuk jam armik me Thaçin. Ai është kundërshtari i imi ", tha Dacic.

I pyetur për çështjen e shqiptarëve në Luginën e Preshevës, kryeministri serb ka thënë se ajo nuk mund të krahasohet me Kosovën.

Dacic ka thënë se statusi i tanishëm i Kosovës është “një zgjidhje e përkohshme”.

Sipas tij, shqiptarët duan të blejnë territore edhe në shtetet e tjera, në të cilat janë popullsi shumicë

Në këtë kontekst ai ka përmendur “këmbimin e territoreve, si zgjidhje e përhershme” në këtë pjesë ë rajonit.

“Këmbim territoresh, për paqe të përhershme”, ka thënë Dacic. /Telegrafi/

http://www.telegrafi.com/lajme/dacic...h-2-36313.html

[Llapi]

Thaçi: Asnjë pazar për territoret

Asnjë këmbim territoresh apo autonomi speciale për pjesën veriore të Kosovës. Ky ka qenë qëndrimi i ripërsitur i kryeministrit të Kosovës, Hashim Thaçi në një intervistë për Time, duke theksuar se "kohërat e luftërave në Kosovë dhe në Ballkan kanë perënduar".

"E tëra për çka unë luftoj është të ruajmë integritetin dhe sovranitetin e Kosovës, si një vend i pavarur, por me kufij të hapur dhe të integruar plotësisht në Bashkimin Evropian dhe në NATO", ka thënë kreu i ekzekutivit, duke tërhequr vërejtjen se ndryshimi i kufijve do të kishte efekte zinxhirore.

[Llapi]

Ban e Thaçi, bisedë për zbatimin e marrëveshjes së Brukselit

Publikuar: 22.09.2013 - 21:10

New York, 22 shtator - Në ditën e parë të vizitës së tij në New York, kryeministri i Kosovës u prit nga sekretari i përgjithshëm i OKB-së, Ban Ki-moon. Pas takimit, Thaçi ka bërë të ditur se me sekretarin e OKB-së ka biseduar për proceset politike nëpër të cilat po kalon Kosova.

Zbatimi i marrëveshjes së arritur në Bruksel në mes të Prishtinës dhe Beogradit ka qenë tema kryesore e këtij takimi.

Si raporton RTK, Thaçi, i shoqëruar edhe nga ministri i Punëve të Jashtme, Enver Hoxhaj, gjatë tërë javës do të ketë takime me udhëheqës të shteteve nga mbarë bota, të cilët do të marrin pjesë në punimet e Asamblesë së Përgjithshme të OKB-së.

[Antiproanti]

Kosovës nuk i është siguruar kodi telefonik



Është thënë se Kosova me marrëveshjen e fundit në Bruksel, mbi telekomin, përfundimisht ka siguruar marrjen e kodit telefonik ndërkombëtar, me ç’rast marrëveshja është proklamuar si e suksesshme.

Por realiteti është ndryshe. Marrëveshja e arritur më 9 shtator mes dy kryeministrave, Hashim Thaçi dhe atij serb, Ivica Daçiq, në Bruksel, e parasheh, por nuk e siguron kodin për shtetin e Kosovës dhe për të ardhur deri te realizimi i këtij propozimi Brukseli kërkon edhe një marrëveshje mes dy palëve.

Ekrem Hoxha, drejtues i Autoritetit Rregullator të Komunikimeve elektronike dhe Postare (ARKEP), i përzgjedhur për të udhëhequr grupin punues të palës kosovare për implementimin e marrëveshjes në fjalë me Serbinë, gjatë një bisede për gazetën “Zëri”, shfaq dyshimet e tij për fundin e këtij procesi.

Marrëveshja ka disa pika, njëra prej tyre kërkon nga palët që brenda tre muajve, Kosova dhe Serbia të gjejnë modalitetet dhe t’i nënshkruajnë përmes të cilave do të tregohet se si Kosova të aplikojë në Bashkimin Ndërkombëtar të Telekomunikacioneve (ITU) për marrjen e kodit.

Hoxha shpreh shqetësimet, nëse Serbia do të bashkëpunojë për gjetjen e këtyre modaliteteve dhe nëse më pas nuk do të pengojë aplikimin e Kosovës në ITU.

Vetë biseda më të ia tregon dyshimet që ka, derisa thotë “nëse”, Kosova do të marrë kodin, “nëse”, Kosova do të gjejë modalitetet me Serbinë, “nëse”, Serbia nuk do ta pengojë procesin. E dyshimet dhe shqetësimet e tij, vijnë për shkak se Beogradi vazhdon ta lexojë ndryshe marrëveshjen dhe të mos tregohet bashkëpunues...

(Shkrimin e plotë mund ta lexoni në numrin e sotëm të gazetës Zëri)

[Boy_XL]

Ivica Daçiq qava ditën kur Thaçi shpalli Pavarësin e Kosoves

- Aiiii ti ke kajt qat dit , Vetfundosja edhe LeDeku-cat hala jan tu kajt prej asaj dite qe ja ndau Hashim Thaqi Kosoven prej Serbis.

[Antiproanti]

Rifunksionalizohet linja hekurudhore Beograd-Mitrovicë



Hekurudha e Serbisë ka paralajmëruar se deri në fund të këtij muaji do të vëhet në funksion lidhja hekurudhore Beograd – Mitrovicë.

Drejtori i Hekurudhave të Serbisë, Dragolub Simonoviq, u ka thënë medieve serbe, se treni Kralevë-Zveçan do të qarkullojë deri te ura e Ibrit, në pjesën veriore të Mitrovicës, ku sipas tij, janë në përfundim e sipër punët në ndërtimin e stacionit të ri hekurudhor.

Sipas Simonoviqit punët janë duke u kryer në bashkëpunim me ministrin pa portofol në Qeverinë e Serbisë, i ngarkuar për Kosovën, Aleksandër Vulin, dhe se me të do të precizohet data e lëshimin në punë të linjes hekurodhore Beograd-Mmitrovicë.

Simonoviq nuk ka sqaruar nëse rifunksionalizimi i linjës hekurodhore Beograd-Mitrovicë është pjesë e marrëveshjes së Brukseli, apo stacioni i ri hekurudhor do të jetë urë tjetër ndarëse, e vendosur brenda territorit të Kosovës së pavarur e sovrane.

http://www.zeri.info/artikulli/15766...grad-mitrovice