Kuvendi i Kosoves ratifikon marrëveshjen Kosovë-Serbi

[Llapi]

Ligji për Amnisti u miratua pa asnjë ndryshim
Nga Leonora Aliu | 11 Korrik 2013 08:29


(E plotësuar) Me 90 vota "për", 17 kundër dhe një abstenim, Kuvendi i Kosovës miratoi në tërësi Ligjin për Amnistinë pa asnjë ndryshi.

Janë rrëzuar katër amandamentet e propozuara nga Deputeja Lumnije Mroina dhe Alma Lama.

Tre nga amandamentet e propozuara nga Lama, Express i sjellë më poshtë.

"Amendamenti 1: Të fshihen të gjitha veprat penale që janë kundër individit pra e që nuk janë drejtuar kundër rendit kushtetues të Kosovës; Arsyetimi: Përfshirja e veprave penale kundër individit është kund nenit 22 të Kushtetutës dhe kundër 13 të Konventës Europiane", thuhet në amandamentin e parë.

Ky amandament nuk kaloi sepse morri vetëm 18 vota "për", 63 kundër dhe 3 abstenime

"Amendamenti 2:Të përcaktohet koha e fillimit të amnistitë si data 17 shkurt 2008; Arsyetim: Deri më 17 shkurtkanë funksionuar Gjykatat në Veri dhe rregullorja e UNMIK’ut", ishte amamdamenti i dytë i deputetes Lama e që mori vetëm 16 vota për, 61 kundër dhe 4 abstenime

Amendamenti i tretë thotë të përcaktohen grupacionet që përfitojnë nga ky projektligj e të cilët kanë vepruar për shkak të bindjeve të tyre politike pra kanë kryer vepra të motivuara politikisht.

"Arsyetim: Vepra të tilla penale si evazion fiskal apo zjarrëvënia mund të jenë të kryera edhe si vepra kundër shtetit edhe si krimeve ordinere", thuhet në ndryshimin e tret♪7 të propozuar nga Lama.

Por as ky amandament nuk kaloi sepse mori vetëm 13 vota për, 68 kundër dhe 2 abstenime. Për miratim amandamenteve iu duheshin 2/3 e votave sikurse edhe vetë Ligjit.

Filloi shqyrtimi i dytë pë Amnistinë

Ka filluar seanca e dytë plenare e Kuvendit të Kosovës, në të cilën Adem Grabovci në emër të Grupit parlamentar të PDK’së ka propozuar procedimin e Projektligjit për Amnisti në leximin e dytë.

“Propozojmë që si pikë e rendit të ditës të futet leximi i dytë i Projektligjit për Amnsiti”, tha Garabovci i cili mori përkrahjen e Grupit parlamentar të LDK’së.

“Ne si LDK jemi për ta futur në rend të ditës të kësaj pike”, tha shefi i Grupit parlamentar të LDK’së, Ismet Beqiri.

Procedimin e kanë përkrahur edhe AAK dhe AKR dhe grupet tjera parlamentare, përvec VV'së.

Arben Gashi në emër të Komisionit funskional për Legjislacion dje Gjyqësi kërkoi miratim të Projektligjit edhe në leximin e dytë.

"Miratim pa amandamentim", tha Gashi.

Ndërsa Kryeparlamentari Krasniqi paralajmëroi votim për katër amandamentet, tri prej tëcilave i ka propozuara Deputetja Alma Lama.

Për të kaluar këto amandamente dyuhen 2/3 e votave të deputetëve.

Miratohet në lexim të parë Ligji për Amnistinë

Kuvendi i Kosovës ka miratuar ne parim Ligjin për Amnistinë.

91 deputete kane votuar "për", kurse 17 kane qene "kundër".

Seanca vazhdon ne ora 15:00 ku Ligji për Amnistinë do te votohet edhe ne leximin e dyte.

PDK, LDK, AKR dhe AAK pro Amnistisë, VV kundër

Në seancën plenare të Kuvendit të Kosovës, po vazhdon debati i deputetëve për Projektligjin për Amnistinë. Deputetët e grupeve të ndryshme parlamentare kanë dhënë mendimet të ndara rreth ligjit.

Deputeti i VV’së, Glauk Konjufca ka numëruar disa nga të metat që sipas tij ka projektligji i propozuar nga Qeveria e Hashim Thaçit.

Ai tha se Ligji për Amnistinë është një kontratë që e vendos me një pjesë të qytetarëve të vet, e që ndodh nga kalimi i një gjendje politike në një tjetër me që rast në shoqëri lindin konflikte të thella apo konflikte të armatosura.

“E në Kosovë nuk është ky rast prandaj kur analizohet Ligji për Amnisti duhet të vendoset në kuadrin e plotë juridik për të cilin ai është propozuar e pastaj të sillet në Kuvend për miratim”, tha ai.

“Shtrohet pyetja cili është konteksti politik i këtij Ligji. Së pari nuk është kontratë mes shtetit të Kosovës dhe një pjesë e qytetarëve të vet, në këtë ligj nuk e kemi si palë të vetmuara shtetin dhe qytetarët e amnistuar por është kontratë e qeverisë së Kosovës dhe asaj të Beogradit që doli n

Kuvendi i Kosovës ka rrëzuar 4 amandamentet e propozuara nga Deputeja Lumnije Mroina dhe Alma Lama.

Amendamenti i 2:

Të fshihen të gjitha veprat penale që janë kundër individit pra e që nuk janë drejtuar kundër rendit kushtetues të Kosovës

Arsyetimi: përfshirja e veprave penale kundër individit është kund nenit 22 të Kushtetutës dhe kundër 13 të Konventës Europiane.

(votohet: 18 për 63 kundër 3 abstenime nuk kalon

Amendamenti 3:

Të përcaktohet koha e fillimit të amnistitë si data 17 shkurt 2008

Arsyetim Deri më 17 shkurtkanë funksionuar Gjykatat në Veri dhe rregullorja e UNMIK’ut. (16 për 61 kundër 4 abstenime nuk kalon

Amendamenti i 4:

Të përcaktohen grupacionet që përfitojnë nga ky projektligj e të cilët kanë vepruar për shkak të bindjeve të tyre politike pra kanë kryer vepra të motivuara politikisht, .

Arsyetim: Vepra të tilla penale si evazion fiskal apo zjarrëvënia mund të jenë të kryera edhe si vepra kundër shtetit edhe si krimeve ordinere.

13 për 68n kundër 2 abstenime

ga bisedimet mes tyre në Bruksel”, vazhdoi Konjufca. Sipas tij bisedimet me Serbinë janë thelbi i Ligjit derisa përmes tij, tha se qeveria e Kosovës po i bënë të paprekur kriminelët e veriut

“Tash ata të cilët e krijuar rajonin e spastruat të Veriut të Kosovës me dhunën e armëve dhe barrikadave amnistohen nga Qeveria jonë kurse Beogradi i vendos ata në pozita udhëheqëseve të Autonomisë së Veriut”, tha ai.

Problem tjetër sipas tij është se Amnistia nuk po bëhet për shkak të qytetareve të thjeshtë të Kosovës të cilët kanë gabuar ndonjëherë duke shkelur ligjin.

“Këtu amnistia po ndodh për njerëzit të cilët deri sot kanë zhvilluar aktivitet ilegale dhe tash me këtë ligj do të kenë mundësi ë kthehen e të konkurrojnë për postë publike në institucionet e Kosovës”, tha deputeti i VV’së.

Menjëherë pas deputetit të VV’së, fjalën nga mazhoranca e mori deputeti i PDK’së, Berat Buzhala.

Ai tha se të gjithë ata të cilët po kundërshtojnë Ligjin po thirren në emër të moralizimit të çështjes për t’i ikur esencës së problemit.

“Në politikë sikurse në jetën e përditshme nuk asgjë më të pavlerë dhe të kotë se moralizimi megjithatë disa njerëz e shohin ende këtë gjë sikur diçka atraktive sepse i shpëtojnë detyrës për t’u thelluar në esencën e problemit" - Lev Davidovich Bronshtein i njohur si Leon Trotsky shkruan në veprën e tij “Korrespodenca nga luftërat ballkanike”.

“Ju dhe ne jemi lodhur me moralizimin rreth çështje, i madh e i vogël të shumtën pa e lexuar Ligjin e të tillë e konsiderojë edhe atë që e lexon por nuk e kupton apo atë që e lexon e kupton por e transmeton qëllimshëm gabimisht”, shtoi Buzhala.

Sipas tij krejt moralizimi po ndodh vetëm se në Krye të Ligjit nuk shkruan që vlen vetëm për pjesën veriore të territorit të Kosovës apo vetëm për serbët e asaj pjese apo pjesës tjetër. “Sepse ky ligj do të quhej në rregull sipas këtyre moralizuesve po që se në krye të atij shkruan se nga dënimet nuk do të liroheshin punëtorët e sigurimit shtetëror, rojet e urave etj”.

“Të parin, atë që e përmenda më lartë kryesisht e përdorin revolucionarët e vetmuar të këtij shekulli derisa të dytin e përdorin të gjithë ata që dëshirojnë ta okupojnë hapësirën mediale prapa demagogjisë populliste por edhe më tutje shpresojnë të mos i këpusin fijet e fundit të donacioneve të cilat i lidhen me miq ndërkombëtarë.

Për këtë kategori thesari popullor ka rezervuar një thënie të bukur “Kryt te nana e pjesën tjetër të trupit te burri”, tha Buzhala.

Sipas deputetit Buzhala me amnistinë falen deri në një përqindje kriminelët të cilët cenuan shtetësinë e Kosovës duke hyrë kështu në rendin kushtetues të Kosovës e që dëshmon se Kosova është shtet i pavarur dhe sovran.

“Të nderuar qytetarë kur ka ndodhur që Kryeministri i Serbisë të mbajë kryet kah puna që ne po bëjmë.

Ne po falim komunitetin serbë se[se ka cenuar integritetin e shtetit të Kosovës, pra nëse ua falim atyre çka kanë bërë deri në qershor atëherë ata edhe Daçiç që po besoj po na përcjellë do të hyjë në rendin kushtetues të Kosovës e kjo konfirmon se Kosova është shtet i pavarur”, tha Buzhala.

PDK, LDK, AKR dhe AAK pro Amnistisë, VV kundër

Po vazhdon shqyrtimi i parë i Ligjit të ndryshuar për Amnistinë, ndërsa përkrahjen e tij deri më tani e kanë deklaruar grupet parlamentare të PDK’së, LDK’së, AKR’së dhe AAK’së. Kundër është shprehur sërish vetëm Vetëvendosja.

Behar Selimi në emër të PDK’së tha se Ligji do të mundësojë ndarjen e strukturave ilegale dhe kriminale kudo që ndodhen në vend, derisa ka pranuar se akti i miratimit është më tepër politik sesa juridik.

“Të bindur se me aprovimin e këtij Ligji ne po krijojmë mundësi për shpërbërjen e strukturave ilegale apo paralele kudo që ndodhen ato si në Veri si në jug dhe ne emër të integrimit të atyre që akoma s’ janë integruar sot e kemi edhe më lehtë të votojmë për arsye se sot projektligjit e ka karakterin e qartë politik ndonëse është akt juridik për më tepër është arrit konsensus për heqjen e nenit 3 . Gjithashtu përmes neni 5pesë bëhet ndarja e strukturave ilegale dhe kriminale”, tha Selimi.

Haki Demolli nga LDK ndërkaq dha arsyet pse partia e tij do të votojë pro këtij Ligji. “Arsyeja e parë është heqja e nenit 3, arsyeja e dytë është se pas aprovimit të draftit të parë ka pasur debat si pasoje e të cilit ka rezultuar ndryshimi, kërkojmë që versioni t të parë ti shtohet një dispozitë ku theksohet se nuk do të amnistohen kryerësit e veprave penale kundër jetës dhe trupit”, tha Demolli.

Nga Grupi parlamentar i AAK’së foli Ardian Gjini i cili adresoi disa kritika ndaj disa deputetëve subjekteve politike por edhe mediave duke thënë se duhet të kuptohet njëherë e mirë që vrasësit nuk amnistohen dhe se kjo është recidive edhe në Projektligj.

“ne kemi thënë herën e parë që e votojmë në parim për shkak se kemi kërkuar ndryshimet e nevojshme që e kemi parë që tash janë bërë. Duhet të kuptohen që ekzistojnë provizionet. Nuk ka amnisti për vrasësit. Është e turpshme se si disa në Kuvend manipulojnë me masën duke thënë se do të amnistohen vrasësit kjo nuk është e vërtetë”, tha Gjini.

Myzejene Selmani ndërkaq tha se AKR e voton Ligjin në emër të obligimit q del nga dialogu me Serbinë dhe marrëveshja e arritur në Bruksel si dhe pas heqjes së nenit. 3.

Derisa Albulena Haxhiu nga Vetëvendosja iu drejtuar Zëvendëskryeministrit Hajredin Kuçi duke thënë se asnjëri nga tri kriteret e ligjit të përmendura nga ai nuk figurojnë në Projektligjin për Amnisti.

“Asnjë nga kriteret që ju përmendet nuk i plotëson ky Projektligj. Me këtë Ligj po amnistohet krimi”, tha ajo.

Filloi shqyrtimi i parë, Kuçi kërkon miratimin e Amnistisë

Zëvendëskryeministri Hajredin Kuçi, njëherit ministër i Drejtësisë, ka kërkuar miratimin e Projektligji për Amnisti. Derisa duke iu është drejtuar deputetëve si propozues i projektligjit, ai ka arsyetuar ndryshimin e tij, repsketivisht heqjen e nenit 3.

“Kur një ligj nuk i përshtatet popullit duhet të ndryshohet Ligji e jo populli. Në këtë rast këtij Kuvendit nuk i ka ra tamam Ligji andaj ai është ndryshuar”, tha Kuçi.

Minsitri ndër të tjera ftoj deputetët ta përkrahin duke pasur parasysh tri kritere për një ligj të mirë, cfare sipas tij është ai për Amnistinë.

“Edhe në këtë rast si në raste të tjera do të nxirren ligjet më të mira e për të bërë këtë konsiderojë se ai ligj duhet të ketë tri kritere, e para: që të respektojë interesat e qytetarëve, e dyta: të respektojë standardet më të larta ndërkombëtare dhe e treta: t'i bie tamam apo të jetë funksional për vendin tonë, sepse e gjithë kjo ka për qëllim që njerëzit të jetojnë të lirë në bazë të perceptimeve të tyre dhe të planifikojnë të ardhmen e tyre të mirë me familjet e tyre”, tha ai.

“Në demokraci të brishta, çfarë jetojmë ne ligjet tentojnë ta ndryshojnë realitetin për të mirë, andaj ju ftojë ta miratoni atë”, shtoi Zëvendëskryeministri Kuçi.

Arben Gashi në emër të Komisionit funksional për Legjislacion dhe Gjyqësi ka shprehur përkrahje për Ligjin duke kërkuar nga deputetët votimin pro tij.

“Komisioni ka shqyrtuar projektligjin për Amnisti dhe duke marrë parasysh se është një ligj i ri Komisioni kërkon nga Kuvendi që ta përkrah dhe miratojë”, tha Gashi.

Deri më tani përkrahjen e kamë deklaruar LDK, AAK dhe AKR derisa kundër është Vetëvendosja.

Kryeparlamentari Jakup Krasniqi në fillim të shqyrtimit të parë njofoti se në seancën plenare janë prezent 81 deputetë fizikisht derisa 101 në total janë në mënyrë elektronike.

[Antiproanti]

Mblidhen 10 mijë nënshkrime kundër amnistisë, vendos Jahjaga




Prishtinë, 11 korrik – Shoqëria civile, e cila në fillim të kësaj jave organizoi peticionin kundër miratimit të Projektligjit për amnisti, të propozuar nga Ministria e Drejtësisë dhe Qeveria e Kosovës, ka arritur të mbledhë 10 mijë nënshkrime të qytetarëve të cilët janë shprehur kundër miratimit të këtij projektligji.

Lajmin për nënshkrimin e 10 mijë qytetarëve e ka konfirmuar edhe drejtori i KIPRED-it, Ilir Deda.

Si njofton KTV-ja, peticioni me nënshkrimet e nevojshme të mbledhura do t’i dërgohet presidentes Atifete Jahjaga, para se ajo të dekretojë ligjin e miratuar sot në Kuvendin e Kosovës
http://www.koha.net/?page=1,13,152005

[Antiproanti]

Beogradi mirëpret miratimin e Ligjit të amnistisë në Kosovë



Beograd, 12 korrik – Beogradi zyrtar e ka mirëpritur miratimin e Ligjit për Amnistinë në Kuvendin e Kosovës. Aleksandar Vulin, drejtor i Zyrës për Kosovën në Qeverinë e Serbisë, e ka cilësuar si “sinjal të mirë” të Prishtinës miratimin e këtij ligji.

“Miratimi i Ligjit për Amnistinë është sinjal i mirë. Prishtina e ka kuptuar se duhet t’i përmbushë obligimet që i ka marrë”, ka thënë Vulin.

Sipas tij, ky ligj do të kontribuojë për “jetë më të qetë dhe më të sigurt” të serbëve në Kosovë.

"Ligji për Amnistinë, gjithsesi, do të kontribuojë për një jetë më të qetë, më normale dhe më të sigurt të serbëve në Kosovë, por do të kontribuojë edhe që Prishtina të kuptojë se obligimet e saj ndaj ligjit janë mbi politikat ditore”, ka thënë ai.

Sipas Vulinit, procesi i miratimit të ligjit ka dëshmuar se është pala kosovare ajo që paraqet pengesa në zbatimin e Marrëveshjes së Brukselit dhe jo pala serbe, dhe këtë duhet ta kuptojë bashkësia ndërkombëtare.

E, megjithatë, ky zyrtar i Qeverisë së Serbisë ka vënë një pikëpyetje për përmbajtjen e ligjit. Ai ka thënë se pret ta shohë tekstin e ligjit të miratuar para se të thotë diçka për të, pasi ka marrë informacione se teksti i ligjit të miratuar i ka pësuar disa ndryshime në krahasim me tekstin e miratuar në Bruksel.

http://www.koha.net/?page=1,15,152010

[Antiproanti]

Kush voton këtë ligj për amnisti i njollos duart me gjak viktimash!

(I)

Një apel përfaqësuesve të bashkësisë ndërkombëtare në Kosovë dhe deputetëve të Kuvendit të Republikës për tërheqjen e plotë të të ashtuquajturit Ligj për amnisti. Kosovës i duhen ligje cilësore, të cilat e çojnë vendin drejt përvetësimit të standardeve europiane. Kosova nuk ka nevojë për legalizim të krimeve të kallashnikov-politikanëve shqiptarë në emër të amnistisë për disa banditë në veri të vendit

I nderuar z. Borchardt, shef i EULEX-it

Të nderuar ambasadorë:

- Jacobson (SHBA)
- Blomeyer (Gjermani)
- Cliff (Britani e Madhe)
- Daviet (Francë)
- Giffoni (Itali)

Të nderuar diplomatë të vendeve të tjera të akredituar në Prishtinë,

Të nderuar deputetë me ndërgjegje të Kuvendit të Kosovës,

Opinioni publik dhe kritik i Kosovës është i tronditur me synimin e Qeverisë së Republikës së Kosovës që në Kuvendin e Kosovës të kalojë një ligj të ashtuquajtur për amnisti. Ky ligj opinionit publik i shitet si normë e domosdoshme në kuadër të Marrëveshjes për normalizimin e raporteve mes Beogradit dhe Prishtinës. Argumentohet, mes tjerash, se përmes ligjit duhet të amnistohen ata që do të integrohen në shtetin e Kosovës, pra pjesëtarët e komunitetit serb në veri të vendit, të cilët në 14 vjetët e fundit nuk kanë respektuar asnjë autoritet kosovar apo ndërkombëtar dhe janë marrë me veprimtari të paligjshme.

Për t’i dhënë fund anarkisë në veri mbase duhet një ligj që do të rregullojë kalimin nga një shtet jofunksional në një shtet funksional, për aq sa kjo është e mundshme në rrethanat kosovare. Për këtë ligj si shembull mund të merret modeli i Maqedonisë apo edhe i vetë Serbisë, ku janë amnistuar kategori të caktuara (ta zëmë kryengritësit e armatosur dhe të paarmatosur shqiptarë). Nuk mund të ketë amnisti paushall, siç po synon pushteti kosovar për hesape të veta.

Opinioni publik dhe kritik i Kosovës sheh i tronditur se përmes këtij ligji po synohet të amnistohen shumë krime të kryera edhe në pjesën tjetër të Kosovës, ku që nga viti 1999 nuk ka pasur konflikt etnik, për dallim prej veriut. Autorë të këtyre krimeve në Kosovën e dominuar dhe qeverisur nga shqiptarët jo rrallë janë militantë, anëtarë dhe funksionarë të atyre që vetëprezantohen si parti të “krahut të luftës”. Autorë të këtyre krimeve janë pjesëtarët e shërbimeve sekrete dhe ilegale partiake, siç ka qenë shërbimi PDK-së, SHIK. Amnistia do të duhej të bëhej aty ku kishte konflikt etnik (në veri të Kosovës) dhe jo aty ku kishte qeverisje me elemente kriminale (në pjesën tjetër të Kosovës).

Rrjedhimisht një ligj për amnisti do të duhej të ishte i kufizuar për territorin e katër komunave veriore (Leposaviq, Zubin-Potok, Zveçan dhe Mitrovicë). Vlefshmëria e tij nuk duhet të shtrihet në gjithë territorin e Kosovës, sepse po ndodhi kjo, atëherë në Kosovë do të faleshin haraçi, dhuna, kërcënimet, shpifjet, vrasjet, fyerjet, mospagimi i tatimeve, falsifikimi i dokumenteve me qëllim të përfitimit dhe shumë vepra të tjera penale. Në emër të integrimit të veriut në Kosovë nuk guxojnë të amnistohen krimet, të cilat dyshohen t’i kenë kryer që nga viti 1999 eksponentë të afërt me pushtetarët e sotëm dhe me ndonjë parti që hiqet si opozitare.

Ligji për amnisti është prerë tamam për nevojat e kastës sunduese dhe votëvjedhëse, e cila ka grabitur pushtetin me zgjedhjet e manipuluara të vitit 2010 dhe ka legjitimitet shumë të cunguar për të përfaqësuar Kosovën. Një ligj amnistie që do të synonte të merrej me veriun do të ishte shkruar e miratuar enkas për veriun, jo për gjithë Kosovën.

Opinioni publik dhe kritik në Kosovë është shumë i vetëdijshëm për domosdoshmërinë e zgjidhjes së çështjeve të hapura me Serbinë, është i vetëdijshëm edhe për nevojën e negociatave, por në këtë proces populli i Kosovës ka të drejtë të jetë i përfaqësuar nga të zgjedhurit e vetë dhe jo nga ata që janë vetëzgjedhur duke futur duart në kuti votimi. Rezultati i përfaqësimit të Kosovës nga kryeministri Hashim Thaçi është ky: bashkësundues zyrtarë të Kosovës janë bërë edhe homologu i tij serb Ivica Daçiqi dhe zëvendëskryeministri Aleksandar Vuçiqi. Këta emëruan komandantin e policisë në veri, këta caktuan datën e zgjedhjeve lokale në Kosovë. Thaçi në këtë mes është vetëm kamerier politik, i ngjashëm me një hyzmeqar dasmash, të cilin mysafirët cinikë e urdhërojnë të shkojë herë andej-herë këndej me legen e ibrik në duar.

Ligji për amnisti ia mundëson çdo vrasësi që krimin e tij ta arsyetojë me gjendjen jostabile mendore.

Ligji për amnisti indirekt është ligj edhe për faljen e vrasësve të shumë atdhetarëve të Kosovës të vrarë gjatë dhe pas luftës. Duhet thënë shumë hapur: Kosova sidomos pas vitit 1999 ka qenë në prag të luftës civile ndërshqiptare. Nga njëra anë “komandantët” e etur për pushtet dhe të gatshëm që në këtë vijë të vrasin e të presin pa mëshirë. Në anën tjetër shoqëria shqiptare e Kosovës e shkatërruar nga lufta dhe politika shfarosëse e Serbisë dhe e frikësuar nga bashkëkombësit barbarë, të cilët politikën e bënin dhe e bëjnë me kallashnikovë.

Ky ligj, përkundër krejt përbetimeve të rrejshme, mund të krijojë rrethanat juridike që të amnistohen nesër qindra vrasje me motive politike në Kosovë. Ky ligj mund të jetë ligj edhe për faljen e vrasësve të Xhemail Mustafës, Enver Malokut, Haki Ymerit, Smajl Hajdarajt dhe shumë e shumë të tjerëve. Është ligj që e amniston edhe atë tipin e UÇK-së që pas plagosjes së Sabri Hamitit kishte thënë: “A pshtoi profa, a? Herën tjetër s’pshton!”

E shihni kush ka interes ta bëjë këtë ligj: në radhë të parë partia e Adem Grabovcit, Hashim Thaçit dhe tarafit të tyre! Kjo parti nuk është politike, por autoritare dhe plaçkitëse e pasurisë publike. Për Partinë Demokratike të Kosovës (PDK) demokracia dhe ligji janë nocione abstrakte përtej kornizës shtetërore. Shtetin kjo parti e sheh vetëm si mekanizëm për realizimin e planeve të prijësve të saj. Këto plane lidhen vetëm me botën e paligjshme dhe ilegale. PDK ka interes që me këtë ligj të amnistojë ata militantë dhe të dyshuar si kriminelë nga radhët e saj, të cilët me dhunë e krime, me frikësim të rivalëve politikë dhe me terror i ndihmuan PDK-së të marrë pushtetin. Këtë pushtet ata zor s’e e lëshojnë pa rezistencë të fuqishme të popullit të Kosovës.

PDK do të vazhdojë të vjedhë vota derisa opinioni publik i Kosovës nuk i mbush rrugët dhe sheshet në protesta paqësore dhe këmbëngulëse kundër një pushteti që fytyra dalluese i ka protagonistët e “Aferës Pronto”. Deri aty ka shkuar pafytyrësia, saqë përmes ligjit për amnisti do të falen edhe djemtë e dhunshëm të Adem Grabovcit – ndonëse ata do të duhej të dilnin para gjyqit për rrahjen e një polici. Sot, më shumë se kurrë pas vitit 1999, kërkohet rezistencë popullore kundër kësaj murtaje politike. Është e patolerueshme që të lejohet qeverisja e kësaj PDK-je siç është sot.

Për këtë ligj amnistie mund të ketë interes edhe Ramush Haradinaj për shkak të “kontributit” të tij madhor pas luftës në rajonin e Dukagjinit. Kështu lufta civile dhe haraçi në Dukagjin do të shpallen disiplina të Lojërave Olimpike. Deri aty shkon cinizmi dhe etja për pushtet e këtij politikani, saqë ka varrosur çdo parim. Prej se ka dalë nga burgu i Hagës Haradinaj asnjëherë nuk ka kërkuar që autoritetet të zbulojnë vrasësit e vëllait të tij, Enver Haradinaj. Prej se ka dalë nga burgu Haradinaj i bie në sy opinionit me bankete opulente me 700 e 800 veta, të cilat i organizon në hotelin “Emerald”. Ai bie në sy edhe me gatishmërinë dhe servilizmin për t’u bërë pjesë e çfarëdo konstelacioni qeverisës. (Duket se kryetari i AAK-së paratë për të paguar banketet e “Emeraldit” i ka kursyer në Hagë).

E ardhmja jo fort e largët do të tregojë se kasta aktuale sunduese dhe ndonjë opozitar joparimor si rasti i Haradinajt e kanë futur shtetin e Kosovës në një pazar për interesa personale dhe klanore. Motoja e këtij pazari është: pranojmë çdo lloj marrëveshjeje me Serbinë në shkëmbim të ligjit për amnisti.

Për këtë amnisti mund të kenë interes edhe disa politikanë të diskredituar brenda LDK-së, të cilët kanë përlyer duart me korrupsion kur qeverisnin me “partinë” e Haradinajt dhe më vonë kur bashkëqeverisnin me pushtetarët e sotëm. Të gjithë kemi qenë dëshmitarë se si njëri prej sulmuesve më mizorë të EULEX-it javëve të fundit ishte edhe një deputet i LDK-së.

Dhe kjo kaloi pa u dëgjuar zëri kundërshtues i kryetarit të LDK-së, Isa Mustafa, i cili gjithnjë e më shumë po e përkund LDK-në në kllapinë e saj tashmë legjendare. Ata deputetë të Lidhjes Demokratike të Kosovës që votojnë për këtë ligj duhet të jenë të vetëdijshëm se janë duke i përlyer duart në gjakun e bashkëpunëtorëve më të ngushtë të Ibrahim Rugovës, të cilët u vranë pas lufte. Vota për këtë ligj do të ketë pasoja afatgjata për LDK-në, e cila po qe se vazhdon kështu shumë shpejt mund të shndërrohet në fusnotë historike.

Nëse falet “vrasja e kryer në gjendje të afektit mendor”, atëherë do të shohim se si vrasësit, po qe se zbulohen, do t’i prezantojnë letrat e psikiatrisë nga Zvicra a Gjermania, ku mund të jenë shpallur mendërisht jostabil. Ose shpejt e shpejt mund të falsifikojnë në Kosovë ndonjë “dëshmi mjekësore” për çmenduri. Fahredin Gashi, punëtori i SHIK-ut për punë të përgjakshme, është dënuar me 18 vjet burg për vrasje. Nuk është rastësi që ai po thotë se ka probleme mendore, duke bërë skena palaçoje derisa shoqërohet nga policia. Ky ligj e përgatit terrenin për faljen e krimeve të SHIK-ut!

robelli@bluewin.ch

(Vijon nesër: Si ia sheh hairin krimineli shqiptar banditit nacionalist serb në veri? Pse ata që në fund të viteve 80-të përkrahnin heqjen e autonomisë së Kosovës nga Serbia sot mbështesin ligjin për amnisti? Si u bë që ligji për veriun të shndërrohet në ligj për faljen e krimeve të Draganëve dhe Xhabirëve? Pse Kosova sidomos sot ka nevojë për rezistencë dhe jo rehati të rrejshme?)
http://www.koha.net/?page=1,9,152016

[Antiproanti]

Peticioni kundër Ligjit për amnisti me 12.564 nënshkrime dërgohet në Presidencë




Prishtinë, 13 korrik - Ligjin për Amnisti e kundërshtojnë 12 564 qytetarë. Kështu tregojnë nënshkrimet e grumbulluara në peticionin e organizuar nga Shoqëria civile, e cila vazhdon ta kundërshtojë ligjin për amnisti, të miratuar në Kuvendin e Kosovës gjatë seancës së të enjtes.

Ilir Deda, drejtor i KIPRED, gjatë një konference të sotme për shtyp, ka paralajmëruar se këtë peticion javën e ardhshme do ta dërgojnë tek presidentja dhe tek organizmat ndërkombëtarë.

Ai ka thënë se shoqëria civile kërkon që ky ligj të specifikojë personat dhe natyrshmërinë e veprave kriminale.
http://www.koha.net/?page=1,13,152175

[Antiproanti]

Kur amnistia e krimit bëhet krim i amnistisë! (II)

Enver Robelli

Ky ligj, të nderuar diplomatë të akredituar në Prishtinë dhe deputetë të Kuvendit të Kosovës, prodhon efekte absurde: amnistohen disa shkelës ligji në veri dhe falë tyre, meqë ligji vlen për krejt Kosovën, do të amnistohen edhe haraçmbledhësit dhe vrasësit shqiptarë nga Prishtina e Peja, Skenderaj dhe Podujeva, Deçani dhe Lipjani

Të marrësh një certifikatë çmendurie për të hequr fajin për krimet që ke kryer është punë fare e lehtë në Kosovë, sepse në këtë vend pushteti i krijon rrethanat për “vetëvrasje” (siç ishte rasti me shefin e Agjencisë së Privatizimit, Dino Asanaj). Në vendin tonë “mjekët” (si në rastin e zyrtarit qeveritar Hamdi Sopa) njëherë thonë me dyshim se i ndjeri “vrau veten”, mandej thonë “e vranë”. Në Kosovë arsyet e vdekjes i jep pushteti i tanishëm, varësisht nga nevojat e tij politike. Ju mund të vdisni si të doni, por shkaqet ua kumton regjimi. E keni vërejtur se regjimi i Hashim Thaçit i ka dy akuza kundër agjentit të SHIK-ut, Nazim Bllacës. E para: Bllaca – “spiun i Serbisë” dhe, e dyta, Bllaca – “i sëmurë psikik”. Kështu synohet që vrasësi të prezantohet si jo fort në rregull me mend, andaj merituaka lirinë – me ligj amnistie!

Nëse falet “shtrëngimi”, “kanosja”, “fyerja”, “shpifja”, atëherë deputetët e Kuvendit të Kosovës lirisht mund ta shpallin Kosovën zonë të lirë të krimit me potencial për zhvillim të turizmit për evropianë e amerikanë të interesuar për spektakle të përgjakshme.

Nëse miratohet ky ligj, atëherë bashkë me të amnistuarit kriminelë mund të quhen lirisht edhe ata që votojnë për të. Bashkëpjesëmarrës në krim do të bëhen edhe ata diplomatë, që symbyllur dhe për arsye të ftohta politike, që nuk kanë të bëjnë me Kosovën në radhë të parë, përpiqen të imponojnë një ligj të paprecedent në historinë e re të Europës.

Këtë ligj do ta përqafojë edhe Behgjet Pacolli, emisari i Rusisë dhe i Serbisë për “zgjidhjen” e çështjes së Kosovës, i dërguari i Slobodan Milosheviqit për të sabotuar angazhimin perëndimor në luftën e Kosovës. Për një ligj të tillë ka mjaft nevojë Pacolli, sepse planet e tij për të “ndihmuar” Kosovën do të vazhdojnë. Ashtu siç e “ndihmoi” Kosovën me disa privatizime jostransparente dhe të shoqëruara me akuza të drejtpërdrejta për manipulim e korrupsion. Aktualisht po bëhen përgatitje nga ana e tij për futjen nën thonj të “Trepçës”.

Ky ligj – dhe kjo s’mjafton të thuhet njëherë - nuk ka të bëjë me veriun e Kosovës, por kryekëput me një klasë të papërgjegjshme dhe dashakeqëse politike, e cila pasi e ka vjedhur e terrorizuar vendin prej vitit 1999 tash e amniston veten me ligj!

Ata që i japin votën ligjit për amnisti nuk meritojnë kurrë votën e popullit të Kosovës. Përkrahësit e sotëm të krimit nesër mund të bëhen kriminelë tamam! Kuvendi i Kosovës nuk duhet të jetë çerdhe kriminelësh. Deputetët e Kosovës nuk duhet të jenë dorë e zgjatur e krimit, por përfaqësues të votuesve të tyre, përfaqësues të qytetarëve. Kuvendi duhet të jetë log i mbrojtjes së ligjshmërisë, nderit publik dhe mbi të gjitha mbrojtës i shtetit. Kuvendi nuk duhet t’ia mundësojë që në organin më të lartë ligjvënës të sjellë projektligje Hajredin Kuçi, njëri prej shërbëtorëve më të paskrupullt të shkelësve të ligjit, i cili tashmë është shndërruar në njërën prej figurave më të neveritshme që ka njohur jurisprudenca e Kosovës viteve të fundit.

Të shtunën korrespondenti i “Kohës Ditore” nga Brukseli njoftoi se zyrtarët e BE-së janë tronditur nga një deklaratë e Hajredin Kuçit, i cili citohet të ketë shprehur keqardhje që në mesin e krimeve që do të amnistohen nuk janë krimet e luftës. “Kjo është një deklaratë skandaloze – sidomos nëse vjen nga një ministër i Drejtësisë”, ka thënë një zyrtar i lartë i Bashkimit Europian. E vërteta është që Kuçi është ministër për fshehjen e gjurmëve të krimeve derisa me ton bukurtingëllues na flet për të ardhmen e mirë të fëmijëve të Kosovës. Sigurisht zyrtarët e BE-së dhe të EULEX-it në Prishtinë e dinë që Kuçi, si ministër i Drejtësisë, i ka mundësuar sharlatanit Astrit Haraqia vizitë në burgun e Dubravës, ku kishte takuar mjekun kontrovers Ilir Tolaj, i cili po hetohej për shpërdorim detyre. Dyshohet se këta dy janë takuar për të ndikuar në procesin e hetimeve. Ndërkohë Tolaj është dënuar me 18 muaj burg.

Shikoni kush e arsyeton këtë ligj, krahas Hajredin Kuçit. Njëri ndër ta është Arsim Bajrami, profesor i drejtësisë, i cili në fund të viteve 80-të e mbronte me “argumente juridike” heqjen e autonomisë së Kosovës nga Serbia. I njëjti sot arsyeton ligjin për amnisti, i cili, në fakt, nuk është amnisti, por tallje me kushtetutshmërinë dhe drejtësinë e vendit.

Ky ligj, të nderuar diplomatë të akredituar në Prishtinë dhe deputetë të Kuvendit të Kosovës, nuk po miratohet për paqësimin e veriut. Ky ligj prodhon efekte absurde: amnistohen disa shkelës ligji në veri dhe falë tyre, meqë ligji vlen për krejt Kosovën, do të amnistohen edhe haraçmbledhësit dhe vrasësit shqiptarë nga Prishtina e Peja, Skenderaj dhe Podujeva, Deçani dhe Lipjani. Etj. Ky është shembull se si në Ballkan lidhjet mes krimit të organizuar kalojnë kufijtë etnikë. Kështu krimineli shqiptar ai sheh hairin atij serb dhe anasjelltas. Propaganda komuniste jugosllave dikur na e prezantonte rënien e partizanëve Ramiz Sadiku dhe Boro Vukmiroviqi si shembull të sakrificës për liri në Luftën e Dytë Botërore. Sot propaganda e këtij pushteti dhe ndonjë diplomati cinik nga Brukseli na e prezanton amnistinë e Zvonkos dhe Samiut, Zhivkos dhe Fadilit, Draganit dhe Xhabirit si “standard europian”.

Është palaçollëk të flasësh për demokraci e sundim ligji duke u ngrefosur para opinionit publik, siç bëjnë ca diplomatë, e pastaj, sapo ia kthejnë shpinën këtij opinioni publik, pranojnë që të vazhdojë shkelja e çdo rregulli demokratik dhe çdo ligji - në emër të “miqësisë së përhershme” me Amerikën dhe Europën! Jo, kjo është hipokrizi e përhershme! Ata që s’pajtohen me hipokrizi janë miqtë e vërtetë të demokracisë dhe rrjedhimisht edhe dashamirës të vlerave europiane dhe amerikane, siç është sundimi i ligjit, respekti për pronën publike dhe private, patriotizmi dhe bashkimi rreth ideve fisnike dhe civilizuese, të cilat janë shtrat i mirë i mirëqenies dhe kreativitetit. Ka në Kosovë njerëz që miqësinë me Amerikën dhe Europën perëndimore s’duan ta demonstrojnë duke vjedhur vendin e vet! Ndonjë diplomat i huaj mund të ndihet komod me ata që vjedhin vendin e vet (Kosovën e varfër), por së paku të mos e bëjë këtë duke u përbetuar se kështu po promovon vlera amerikane apo europiane. Ne vërtet jemi të varfër materialisht, por jo edhe të verbër.

Ligji për amnisti përmban edhe një nen, i cili amniston ushtrimin e kundërligjshëm të veprimtarisë mjekësore ose farmaceutike. Ky nen – dhe këtë duhet ta dijë opinioni – vetëm në shikim të parë ka të bëjë me veriun (gjoja për shkak se atje ka funksionuar ilegalisht një spital), por qëllimi i vërtetë i këtij neni është të amnistohet krejt rrethi i mjekëve, politikanëve dhe kriminelëve të lidhur me Partinë Demokratike të Kosovës, të cilët ishin të përzier në aferën “Medicus” për transplantim ilegal të organeve dhe në afera të tjera, të cilat do t’i dëshmojë koha.

Të nderuar diplomatë, të gjithë ju do të jetoni përkohësisht në Kosovë. Ju nuk do t’i vuani pasojat e këtij ligji të tmerrshëm. Por, nëse nuk ndikoni në tërheqjen e këtij ligji, atëherë mos u thirrni në asnjë standard europian. Pas miratimit të këtij ligji lirisht mund të shpërbëhen edhe prokuroritë dhe gjykatat e Kosovës, sepse nuk do të kenë më punë!

Të nderuar deputetë të Kuvendit të Kosovës! Për dallim prej diplomatëve që shkojnë e vijnë, ju do të jetoni këtu dhe gjeneratat e tanishme dhe të ardhshme do t’ju mbajnë në mend për gjithçka që keni bërë apo nuk keni bërë. Pasojat e vendimeve tuaja do t’i bartin gjeneratat e tanishme dhe ato që vijnë. Shoqëria e Kosovës vuan prej vitesh nga kriza e përfaqësimit. Gati 70 për qind e elektoratit nuk merr pjesë në zgjedhje për shkak se ka humbur besimin te politikanët. Për këtë fajin kryesor e bartin politikanët e papërgjegjshëm të Kosovës. Një pjesë e konsiderueshme e deputetëve kanë zënë vend në parlament pa meritë dhe me vota të vjedhura. Ata deputetë që në Kuvend janë zgjedhur me vota të qytetarëve duhet të tërheqin vijën e kuqe mes krimit dhe pjesës së shoqërisë, e cila respekton ligjet dhe institucionet. Ju, deputetë të nderuar, keni nevojë për qytetarë të ndershëm që ju japin votën dhe besimin. Mos pështyni mbi popullin e Kosovës!

Në të gjitha partitë ka deputetë që meritojnë besimin tonë. Madje edhe në PDK disa prej tyre javën e kaluar treguan pak dinjitet dhe refuzuan ligjin në leximin e parë. Disa deputetë kanë paralajmëruar se edhe në leximin e dytë do të votojnë kundër këtij ligji me pasoja të rënda për demokracinë edhe ashtu jofunksionale të Kosovës. Njëjtë sikur këta deputetë duhet të veprojnë edhe shumë të tjerë. Në çastin e votimit secili deputet me “jo”-në e tij do të pozicionohet në anën e asaj pjese të shoqërisë, e cila beson se është e mundshme që Kosova të bëhet shtet ku sundon drejtësia dhe ku individët i kanë shanset e barabarta për t’u zhvilluar. Pothënësit dhe puthadorët që nuk respektojnë asnjë parim do të përfundojnë në bërllokun e historisë. Dhe kjo do të jetë zgjedhje e tyre. Ne nuk duhet t’i lejojmë që të na marrin me vete në marshin e tyre kriminal. Sot Kosova ka nevojë për rezistencë dhe jo për rehati të rrejshme!

(FUND)



robelli@bluewin.ch

http://www.koha.net/?page=1,9,152134

[Antiproanti]

Serbia s’e ratifikon marrëveshjen pa presionin e Brukselit



Përderisa pala kosovare me nguti ka ratifikuar në Kuvend të Kosovës, marrëveshjen për normalizimin e marrëdhënieve mes Kosovës dhe Serbisë, një gatishmëri e tillë s’po shihet edhe nga pala serbe. Partitë politike në vend duke e konsideruar këtë si një papërgjegjësi të palës serbe, kanë kërkuar nga Brukseli që të bëjnë presion ndaj shtetit serb për ta ratifikuar këtë dokument.

Javën e kaluar Kuvendi i Kosovës ka ratifikuar marrëveshjen për normalizimin e marrëdhënieve Kosovë-Serbi me 2/3 e votave të deputetëve, ndërsa gjatë kësaj jave ka miratuar edhe Ligjin për Amnistinë, siç thuhet, kjo si rezultat i marrëveshjes së arritur në Bruksel më 19 prill. Ndërkohë, tek pala tjetër, ajo serbe, nuk ka një vullnet të tillë. Atje s’ka ratifikimim pasi ajo marrëveshjen nuk e konsideron si ndërkombëtare, respektivisht midis dy shteteve siç e interpreton Kosova.

Deputeti i Partisë Demokratike të Kosovës, Behar Selimi ka thënë se një hap të tillë, Serbia mund të bëjë vetëm atëherë kur ka një presion serioz nga Brukseli.

“Është një sjellje e papërgjegjshme e palës serbe në këtë proces dhe ata ratifikimin do të bëjnë vetëm atëherë kur marrin presion serioz nga Brukseli, presion të pakthyeshëm dhe kur të jenë të vetëdijshëm se atij presioni nuk mund t’i rezistojnë. Përndryshe ata duhet të konsiderojnë marrëveshjen ndërkombëtare, sepse është akt i tillë. Është marrëveshje që e ka firmën edhe të bashkësisë ndërkombëtare në këtë rast të Bashkimit Evropian, që si e tillë duhej të ratifikohej dhe të fuqizohej si akt i karakterit juridik ndërkombëtar”, ka theksuar Selimi.

Sipas tij, nëse nuk ratifikohet marrëveshja nga Serbia, në kuptimin juridik-formal do të ketë probleme të konsiderohet si një akt marrëveshje e karakterit ndërkombëtar.

Edhe deputeti i Lidhjes Demokratike të Kosovës, Lutfi Haziri e sheh të nevojshme që edhe Serbia të ratifikoj këtë dokument në Kuvendin e saj.

“Faktikisht do të duhej Beogradi me ratifikuar në nivelin e njëjtë, sepse të gjitha aktet dhe vendimet deri tash kanë qenë në nivel të kuvendeve si organet vendimmarrëse edhe marrëveshja do të bënte me gjak nëse Kuvendi i Serbisë nuk e miraton dhe garanton implementimin pas ratifikimit. Kjo është ajo që ne besojmë. Procesi si i tillë ka korniza të parimeve të fqinjësisë së mirë që janë në kuadër të parimeve të Kopenhagës dhe Serbia do të mund që në këto korniza në këtë raport ta ratifikonte marrëveshjen pa asnjë lloj problemi. Ajo që unë e shoh avancim në raport me statusin e Kosovës është rrëshqitja e qëndrimit zyrtar të Serbisë nga mos pranimi në neutralitet”, ka deklaruar Haziri.

Ndërkohë nënkryetari i Kuvendit të Kosovës nga radhët e Lëvizjes Vetëvendosje, Glauk Konjufca ka thënë se përgjatë këtij procesi Serbisë i është garantuar që mos të ketë kurrfarë problemi të brendshëm të legjislacionit të saj.

Sipas tij, po të ratifikohej kjo si marrëveshje ndërkombëtare, do të prejudikohej Kosova si shtet nga ana e Serbisë dhe për këtë ajo nuk e bënë një gjë të tillë.

Konjufca nuk sheh që ka një reciprocitet nga të dyja palët në këtë proces, pasi që njëra palë ratifikon marrëveshjen, ndërsa pala tjetër nuk e bënë një gjë të tillë.

“Nëse e marrim nga aspekti formal çështjen e zbrazim nga aspekti përmbajtjesorë këtu nuk ka as reciprocitet, kjo do të duhej të ishte kritika minimale e atyre që të pajtohen me marrëveshjen. Por ne që nuk pajtohemi me marrëveshjen i kemi edhe arsyet përmbajtjesore dhe jo vetëm formale. Por këto arsyet formale dhe përmbajtësore nuk e përjashtojnë njëra tjetrën, bile janë të lidhura. Pse?! Se kemi hyrë në një proces të pabarabartë, në një proces që në thelb është i padrejtë dhe forma e tij nuk ka se si të ketë reciprocitet”, ka deklaruar Konjufca.

Ndërsa Shefi i Grupit Parlamentar të AAK-së, Ardian Gjini, partia e të cilit ka përkrahur marrëveshjen, thotë se Serbia nuk po e bënë një gjë të tillë, pasi që nuk e konsideron Kosovën shtet.

“Ratifikimi bëhet për një marrëveshje ndërkombëtare për të qenë e plotfuqishme në mënyrë që mos të ketë ndryshime në marrëveshje nëse ka ndryshime politike. Ka vende të cilat nuk e parashohin me kushtetutë fare ratifikimin, ka vende që e parashohin si Kosova. Te ne është e qartë të ratifikohen marrëveshjet ndërkombëtare. Serbia nuk e ratifikon se nuk e konsideron Kosovën shtet, mirëpo vendimin që e kanë marrë është i plotfuqishëm atje. Ne e kemi bërë të plotfuqishëm me një konsensus, ratifikimi esencialisht e kërkon konsensusin të një numri më të madh të votave se sa miratimin e ligjit”, ka theksuar ai.

Ndryshe me obligimet që kanë dal nga marrëveshja e 19 prillit, mes Kosovës dhe Serbisë, Qeveria e Kosova menjëherë ka marr obligimet me seriozitet që dalin nga kjo marrëveshje, duke ratifikuar marrëveshjen për normalizimin e marrëdhënieve javën e kaluar dhe Ligjin për amnisti gjatë kësaj jave. /Telegrafi/

Kerkohet ratifikimi i nje "marreveshje nderkombetare" nga Parlamenti i Serbise, edhe pse marreveshja e tille nuk ekziston fare, dhe madje nuk eshte ratifikuar as nga vete keta qe kerkojne nje akt te tille...

[sheneri]

Dke i pare keta surata deputetesh mjerana asgje me shum nuk do te pritej prej tyre perveqse;
Tani per tani kuvendi duhet ti shpall te pavlefshme luftat sakrificat deshmoret te gjallet dhe te vdekurit shqiptar, tu ngrit permendore shkive tradhtarve teroristve gjatatarve shki e shqiptar, tu hape deren e burgjeve krahe e krahe dhe ato ti mbyll pergjithmone, dhe ne funde po ai kuvende ta shpall Garashaninin hero dhe tu kerkoj falje gjelatve.
Kjo do te ishe maja e piramides qe ligjerishte munde te funkcinonte per brezat e ardhshem me kete surat deputetesh servil.

[Antiproanti]

Dacic kundërshton kushtëzimin e serbëve me dokumentet e Kosovës




“Serbia nuk mund të lejojë që në zbatimin e asaj për çka është arritur marrëveshja në Bruksel, të bëhet mbi bazën e shtetësisë së Kosovës”, ka thënë kryeministri serb, Ivica Dacic, duke përkujtuar se përfaqësuesja e Lartë e BE-së, Catherine Ashton, është pajtuar me atë se marrëveshja e Brukselit është neutrale ndaj statusit, prandaj duke u nisur nga kjo duhet gjetur zgjidhje për implementimin e marrëveshjes pa dëmtuar këtë parim.

Dacic, siç transmeton Tanjug, ka thënë se kjo është e rëndësishme për motivimin e serbëve që të dalin në zgjedhjet lokale, të cilat, sipas tij, janë shumë të rëndësishme për implementimin e marrëveshjes së Brukselit.

"Pas zgjedhjeve pason e drejta për konstituimin e Bashkësisë së Komunave Serbe dhe atëherë do të jenë të zgjedhur përfaqësuesit legjitimë të popullit serb në Kosovë”, ka thënë Dacic.

Kryeministri serb ka potencuar se serbët nuk duhet të marrin pjesë në zgjedhje që të forcohet pavarësia e Kosovës por që të legjitimohen udhëheqësit e serbëve në Kosovë. /Telegrafi/
http://www.telegrafi.com/lajme/dacic...s-2-34074.html

[optimus.prime]

e ai lajmi se jane mbylle zyrat e mpb se serbise nuk te ben pershtypje apo jo? apo i poston veq lajmet tallava?