Shqiperi: Lajmi i fundit zyrtar nga zgjedhjet parlamentare

[Albo]

Exit Poll, Civitas Albania: PD 42%, ndërsa PS 40%

TIRANE-Civitas Albania ka shpallur rezultatin e sotëm te exit poll-it te tyre, ku sipas të dhënave, PD ka fituar me 42%, ndërsa PS me 40%.

Fondacioni Civitas në bashkëpunim me kompaninë amerikane te sondazheve, Anzalone Liszt Grove Research, e cila ka kryer sondazhe per fushaten e Presidentit Barack Obama ne vitin 2008 dhe 2012, me asistencen e drejteperdrejte te nje prej ortakeve te kesaj kompanie z.Jeffrey Liszt, dolen në konferencë për shtyp ku shpallën rezultate e exit poll që kanë realizuar gjatë ditës së diel në të gjithë vendin.

Ndërsa rezultatet sipas koalicioneve, Exit Poll, Civitas theksoi se Ndërkohë si koalicione, Aleanca për Punësim, Mirëqenie dhe Integrim e udhëhequr nga Sali Berisha sipas exit poll ka fituar 48 për qind dhe Aleanca për Shqipërinë Europiane e drejtuar nga Edi Rama ka fituar 46 për qind.
“Koalicioni i majtë 46%, në rang kombëtar. Koalicioni i djathtë 48 % në rang kombëtar”.

Civitas Albania ka realizuar Exit Poll-in me Anzalone Liszt Research (ALR), një firmë e specializuar në hulumtime. Anzalone Liszt Grove Research, është kompania e dytë më e njohur në botë në fushën e sondazheve elektorale dhe exit poll-eve.

ALR operon prej 20 vitesh dhe ka kryer exit poll-e në SHBA duke anketuar në 9 shtete për zgjedhjet e vitit 2008 dhe më pas për zgjedhjet e 2012.

Fondacioni Civitas dhe Anzalone Liszt Grove Research sipas drejtuesve, ka kryer me mijera intervista te shperndara ne 11 qarqe te vendit dhe tha se po evidenton rezultate ne rang kombetar.

Endrit Reka dhe Jeffrey Liszt thanë se marzhi i gabimit është jo më shumë se 1.2 për qind.

(d.b/BalkanWeb)

[Albo]

Meta shpall fitoren: LSI do marë 20 mandate koalicioni i majtë mbi 80

Edhe Kreu i LSI, Ilir Meta nëpërmjet një konference për shtyp ka shpallur fitoren e koalicionit të majtë. Sipas Metës koalicioni i majtë do të marë më shumë se 80 mandate ndërkohë vetë LSI do të marë 20 mandate. “Dua të falënderoj për këtë fitore plebishitare për opozitën dhe për këtë votim të jashtëzakonshëm që ka ndodhur sot për LSI. Jam i bindur nga të dhënat tona dhe vlerësimet e pavarura se ASHE ka tashmë në kuti 80 mandate, dhe LSI ka në kuti 15 deri në 20 mandate”, u shpreh Meta .

Ai u bëri thirrje komisionerëve dhe numëruesve në qendrat e votimit që të vijojnë procesin normalisht, për ti dhënë fund njollës që kryeministri i bëri procesit me trysnin që ushtron mbi votuesit. “E rëndësishëm procesi të vijojë normalisht. Komisionerët dhe numëruesit tanë të bëhen pjesë e një procesi që na nderon si një vend evropian. Jam i bindur se angazhimi qytetar për këtë proces që u minua nga Berisha do të bëjë gjithçka për të lënë pas njollat që procesi mori për të arritur ato objektiva të pamundura të ish-kryeministrit Berisha për të bërë trysni mbi votën e qytetarëve” tha Meta.

MAPO

[Albo]

Exit Poll-et shpallin rezultatet: Civitas PD 42% – PS 40%, ITEXIT Poll PS 43%-PD 39%

Dy Exit Polle kanë publikuar rezultatet e tyre. Sipas të dhënave të Exit Poll Civitas PD ka fituar me 42%, ndërsa PS me 40%. Ndërsa rezultatet sipas koalicioneve, Exit Poll, Civitas theksoi se “koalicioni i majtë 46%, në rang kombëtar. Koalicioni i djathtë 48 % në rang kombëtar”.

Ndërkohë një tjetër EXIT Poll –ITEXIT Poll nxjerr fitues PS dhe koalicionin e majtë. Sipas këtij Exit Polli PS fiton me 43% ndërsa PD 39%. Ndërsa si koalicion ; koalicioni i majtë mer 56% ndërsa koalicioni i djathtë 52%. Ndërkohë pak minuta më parë të dyja palët kanë pretenduar fitore të thellë në këto zgjedhje. Fillimisht kreu i qeverisë Sali Berisha ka kërkuar që qendrat e votimeve të qëndrojnë hapur deri sat ë votojë edhe qytetari i fundit dhe ka deklaruar se do respektoje verdiktin e sovranit. Më pas kreu i opozitës Edi Rama ka dalë në konferencë për shtyp për të thënë se Rilindja ka fituar mbi rrënimin. Pas kreut të opozitës zëdhënësia e PD-së Majlinda Bregu ka dalë në një deklaratë ku thot se humbja eRamës do të jetë spektakolare.

MAPO

[Albo]

Simpatizantët e të dyja koalicioneve nisin festën e fitoreve

Simpatizantë të të dyja kahjeve politike, nisur nga deklaratat paraprake dhe replikuese “flakë pë flakë” të PS dhe PD, që pretendojnë fitoret e koalicioneve të tyre, kanë nxituar të fillojnë demonstrimet festive me makina dhe flamuj në sheshin kryesor të kryeqytetit. Një gjë e tillë njoftohet se ka nisur edhe në Fier nga e majta, madje me fishekzjarre, edhe pse ende nuk është hapur ende asnjë kuti votimi për të nisur procesi i numërimit zyrtar të verdiktit të votuesve. Kutitë e votimit kanë nisur të transferohen tashmë në pikat përkatëse të paracaktuara, ku do të startojë edhe procesi i numërimit.

Panorama

[Albo]

Civitas publikon te dhenat e saj finale te EXIT POLL:

Rezultati i koalicioneve ne rang vendi: PD 48% - PS 46%
Marzhi i gabimit: +/- 2%
7266 intervista ne rang vendi.

Ndarja e mandateve sipas Exit Poll ne rang qarku:

Lezhe: PD 5 : PS 2
Durres: PD 8 : PS 5
Elbasan: PD 7: PS 7
Fier: PD 7 : PS 9
Tirana: PD 16 : PS 16


Burimi: News24


SHENIM: Exit Poll jane intervista qe behen me qytetare pasi ata votojne. Te dhenat e EXIT POLL nuk jane zyrtare, shifrat zyrtare jane ato te KQZ.

[Albo]

Mbyllet procesi i votimit, kutitë drejt KZAZ-ve të numërimit

Eshtë drejt përfundimit transportimi i kutive të votimit drejt qendrave të numërimit, ku do të nisë një tjetër proces tepër i rëndësishëm, nga ku do të nisë të zbardhen hap pas hapi edhe rezultatet e para dhe trendi i verdiktit të votuesve. Në të gjitha qarqet e vendit janë mbyllur qendrat e votimit nga ora 19:00 e dicka më pas, në varësi të njerëzve që kanë qenë në radhë duke pritur për të hedhur votën në kuti, për t’iu drejtuar KZAZ-ve nën mbikqyrjen e policisë, që kanë edhe përgjegjësinë për këtë. Sipas KZAZ-ve të ndryshme kanë mbërritur kutitë e para, ndërkohë që ka nisur sistemimi i tyre, në pritje të fillimit të procesit të numërimit. Nuk ka një orar fiks të numërimit të kutive të votimit, por pas mbledhjeve respektive të personave përgjegjës, sipas KZAZ-ve, do të vendoset edhe ky start. Pritshmëritë janë që numërimi të nisë rreth mesnatës dhe nisur nga fakti se ka vetëm një fletë votimi, përfundimi i këtij procesi mund të mos zgjasë. Përvec incidentit të rëndë që ndodhi mëngjesin e së dielës në Lac, ku mbeti i vrarë një qytetar, simpatizat i LSI-së, dhe u plagos kandidati për deputet i PD-së, Mhill Fufi, së bashku me një të afërm të tij, procesi zgjedhor nuk ka prodhuar probleme të tjera të mprehta. Votimi ka shkuar përgjithësisht normalisht dhe është mbikëqyrur nga vëzhgues të shumtë vendas dhe të huaj. Të dyja kampet politike kanë pretenduar fitoren pa u mbyllur ende kutitë e votimit, cka është shoqëruar edhe me daljen e simpatizantëve të dy koalicioneve në festime në rrugë. Pararelisht me parashikueshmëritë e partive garuese në këtë proces zgjedhor janë publikuar edhe dy exit poll-e, që nxjerrin fitues të ndryshëm.

Panorama

[Albo]

Exit Poll, Anzanlone Research: PD 42%, PS 40% në rang kombëtar. Koalicioni i djathtë 48% dhe ai i majtë 46%


Pas përfundimit të orarit zyrtar të votimit Civitas Albania shpalli exit pollin mbi zgjedhjet parlamentare të 23 qershorit.
Fituese në këto zgjedhje sipas sondazhit të kësaj kompanie është Partia Demokratike me 42%, përkundrejt 40 % të Partisë Socialiste. Ky rezultat është në rang kombëtar.
Po në rang kombëtar kompania në exit pollin e saj nxjerr fituese koalicioni e djathtë të kryesuar nga Partia Demokratike me 48%, i cili ndiqet nga koalicioni i majtë i kryesuar nga partia Socialiste me 46%.
Civitas Albania do të publikojë pas një ore dhe ndarjen e mandateve për deputetë si për koalicionet ashtu dhe për partitë përkatëse.

"Anzaloneresearch" eshte kompania që prezantoi exit poll-et nga Hotel Tirana. Kompania e dytë në botë për sondazhet ka bërë edhe sondazhet e Obamës. Civitas Albania partnerja e Anzanloneresaech në Shqipëri.

Nga Exit Poll i "Anzaloneresearch"/Civitas Albania krahasuar nga zgjedhjet parlamentare të 2009 në këto zgjedhje Partia Demokratike do të ketë një mandat plus në Lezhë, një mandat më shumë në Durrës, po kështu dhe në Fier PD merr një mandat më shumë.


Ndarja e mandateve
PD PS
Durrës 8 5
Elbasan 7 7
Fier 7 9
Lezhë 5 2
Tiranë 16 16


TV KLAN

[Albo]

Rama sms në celularë: Në kuti, fitorja e jona. Ata që po ikin përpiqen ta përmbysin

TIRANË-Në prag të nisjes së numërimit të votave, Kreu i PS Edi Rama ka dërguar një mesazh në celularët e qytetarëve ku bën thirrje që të mbështete fort fitorja e PS, pasi ata që po humbin sipas tij po bëjnë përpjekje ta përmbysin atë.

Mesazhi i plotë i Edi Ramës në celularët e qytetarëve.
“Shqipëria votoi dhe zgjodhi Rilindjen! Fitorja në kuti është e thellë, por zgjedhjet nuk kanë mbaruar. Tani është pjesa më e rëndësishme e të gjithë procesit. Ata që po ikin do bëjnë përpjekjen e fundit të përmbysin fitoren. Secili nga ju, brenda apo jashtë QV, duhet të qëndrojë fort e të mbështesë fitoren! Edhe një përpjekje e fundit miq dhe pastaj ka vetëm Rilindje!”.

Dy orë më parë Rama shpalli fitoren e PS nga selia rozë. Sipas Ramës, Rilindja fitoi mbi rrënimin.

(d.b/BalkanWeb)

[MaDaBeR]

Tiranë, takim Arvizu-Sequi-Wolfarth

Kryetari i OSBE-së në Tiranë, Eugen Wolfarth, u takua rreth orës dhjetë të së dielës me ambasadorët e akredituar në Tiranë.

Takimi i Wolfarth me trupin diplomatik në vendin tonë ka si arsye zyrtare shkëmbimin e mendimeve dhe informacioneve lidhur me procesin zgjedhor.

Në këtë takim, ra në sy edhe prezenca e ambasadorit të Shteteve të Bashkuara, Alexander Arvizu dhe ai i Bashkimit Europian, Ettore Sequi.

OSBE ndodhet në fazën e përpunimit të procesit të votimit dhe numërimit, përpara se të dalë me një qëndrim paraprak mbi standartet e zgjedhjeve në Shqipëri.

Top-Channel

[Albo]

Mblidhet KQZ: Procesi vijon normalisht. Ka nisur numërimi në 7 KZAZ të ndryshme

Komisioni Qëndror i Zgjedhjeve zhvilloi një mbledhje rutinë pas mesnate.
Administrata e KQZ-së bëri me dije se, procesi i transportit të kutive drejt Vendeve të Numërimit të Votave ka vazhduar normalisht dhe pa asnjë problem. Procesi i numërimit të votave ka nisur në 7 KZAZ të ndryshme.
Përfaqësuesi i PS-së, Genci Gjonçaj shprehu shqetësim lidhur me mungesën e një shifre zyrtare nga KQZ për pjesëmarrjen në zgjedhjet e së dielës.
Kryetarja e KQZ-së, Lefterie Lleshi tha se të dhënat po përpunohen dhe në momentin që do të jenë gati do të bëhen publike. Ajo shtoi se, ka qenë e vështirë të merren të dhënat, pasi komisionerët dhe sekretarët, nga ku janë marrë të dhënat, nuk i kanë dhënë në kohë shifrat.

Panorama