Shqiperi: Lajmi i fundit zyrtar nga zgjedhjet parlamentare

[Albo]

Votojnë presidenti dhe krerët e partive: Ftesë për pjesëmarrje dhe maturi

Nishani: Kerkohet Maturi


Presidenti i Republikës Bujar Nishani i bëri thirrje qytetarëve që të tregojnë maturi dhe një përgjegjësi civile, duke demonstruar një pjesëmarrje sa më të gjerë në procesin e votimit. “Uroj që të mos ketë incidente të tjera si ai i Lacit. U drejtoj apel të gjithë qytetarëve të vendit që partitë janë ideologji të ndryshme, por e ardhmja është vetëm një”, tha Nishani. Nishani ushtroi të drejtën e tij si qytetar i këtij vendi, i shoqëruar nga bashkëshortja e tij, por edhe djali, që votonte për herë të parë.



Berisha: Vota do respektohet

Kryeministri Sali Berisha ishte i pari ndër politikanët shqiptarë që votoi në këtë ditë zgjedhjesh. I shoqëruar nga bashkëshortja e tij Liri Berisha, Kryeministri ftoi të gjithë votuesit që të marrin pjesë në proces, ndërsa siguroi se vota e cdo qytetari do të respektohet plotësisht. “Ftoj të gjithë shqiptarët që të votojnë sepse këto zgjedhje janë përcaktuese për katër vitet që vijnë. Uroj ata që votojnë për herë të parë, si dhe falenderoj emigrantët që kanë ardhur në Atdhe për të ushtruar këtë të drejtë”, tha Berisha. Kryeministri bëri thirrje për cdo anëtar partie, cdo simpatizant dhe mbështetës që ta shndërrojnë këtë ditë në një ditë feste dhe mirëkuptimi. “I bëj thirrje të gjithë komisionerëve, të gjithë qytetarëve ta shndërrojnë këtë në një simfoni të vërtetë, demonstrim të vlerave të qytetarëve, të vullnetit politik”, tha Berisha.


Rama: Pjesëmarrje në proces

Kryetari i Partisë Socialiste Edi Rama u bëri apel votuesve që të shkojnë të votojnë, pasi në vetëm katër minuta ata vendosin kështu fatin e një gjenerate. “Nuk duhet harruar fjala që kur e keqja ka përfshirë një vend, faji nuk është i të këqijve, por i të mirëve që nuk bëjnë asgjë.I bëj apel qytetarëve që të marrin pjesë në këtë proces, pasi kjo është gjëja më e rëndësishme për ta sot”, tha Rama. Rama shprehu edhe njëherë keqardhjen për ngjarjen e Laçit dhe për rolin e policisë në disa zona të Shqipërisë.



Meta:Ora e ndëshkimit me votën e shqiptarëve

Kreu i LSI-së, Ilir Meta e ka vlerësuar ditën e zgjedhjeve, si ditën e ndëshkimit me votë të pushtetit të dhunës. Pasi ka hedhur votën e tij në kutinë e votimit, Meta i është kthyer sërish ngjarjes së Lacit, duke thënë para medias se ajo që ngjau është përgjegjesi direkte e PD dhe e banditëve të saj. “Ata do e marrin përgjigjen me votë nga gjithë qarku i Lezhës, shqiptarët janë të vendosur më shumë se kurrë për t’i thënë po demokracisë e jo dhunës, për të shkuar drejt BE e jo për t’u kthyer te 26 marsi i Berishës. LSI është e angazhuar për të mbrojtur cdo votë. Berisha nuk diti të largohej me dinjitet duke respektuar votën e lirë të shqiptarëve”, tha Meta.


Topi: Ngjarja në Laç, produkt i politikës së vjetër


Kreu i Frymës së Re Demokratike Bamir Topi, pas votimit, u shpreh per mediat se është i dëshpëruar për atë që ka ndodhur në Laç. “Kam bindjen e plotë se ajo që ka ndodhur në Laç është produkt i një politike të vjetër. Sot Shqipëeria duhet të vendosë t’i japë fund këtij trancizioni sepse nuk e meritojmë të kemi episode të tilla që nuk ndodhin në asnjë vend ballkanik”, tha Topi.

Kreu i FRD-së bëri thirrje që kjo ditë zgjedhore të kalojë në qetësi dhe qytetarët t’i largohen episodeve të panevojshëm dhe të shfrytëzojnë të drejtën e votës për të votuar, pavarësisht se zgjedhin ata.

MAPO



NE KETE TEME MUND TE SILLNI VETEM LAJME ZYRTARE MBI ZGJEDHJET TE DALA NGA KQZ APO NGA SELITE E PARTIVE POLITIKE! KJO TEME ESHTE HAPUR PER TE INFORMUAR PUBLIKUN ME LAJMIN ME TE FUNDIT MBI ZGJEDHJET. KOMENTET MUND TI BENI NE TEMAT E TJERA TE HAPURA NE FORUM MBI ZGJEDHJET!

[Albo]

Vezhguesit: Pjesemarrja 23.5 per qind ne shkalle vendi deri në mesdite


Koalicioni i vëzhguesve vendorë publikoi konkluzionet e vëzhguesve në terren, prej orës 07:00 deri në mesditë. Sipas KVV-së, gjatë procesit të votimit janë vënë re një sërë problemesh, si hapje me vonesë e qendrave të votimit, ngatërresa me vendosjen e kapakëve të kutive, mungesa e materialeve zgjedhore, bllokim procesi nga ana e komisionerëve, orientim votimi, një numër më i vogël fletësh votimi në raport me numrin e zgjedhësve, votim familjar dhe janë ndeshur edhe raste votimi pa mjet identifikimi. Ndërkohë, sipas koalicionit të vëzhguesve vendore deri në mesditë pjesëmarrja në votime ka qenë rreth 23.5% në shkallë vendi. Koalicioni i vëzhguesve vendore do të publikojë konkluzionet e tjera rreth orës 14.00. Burime nga partitë politike flasin për nje pjesemarje te 35 per qind ne Tirane, 17, per qind ne Durres, ndersa pjesa tjeter e vendit eshte mes ketyre shifrave. KQZ ende nuk ka nxjerre shifra zyrtare.


MAPO

[Albo]

KQZ : Deri në orën 13:00 pjesëmarrja 35,24%

35,24% është pjesëmarrja e votuesve në gjithë vendin deri në orën 13:00 bën me dije KQZ. Zëdhënësja e KQZ, Drilona Hoxhaj ka sqaruar ne një deklaratë për shtyp se procesi nisi normalisht me hapjen e qendrave të votimit në orën 07:00 në mbarëvendin. Hoxhaj i ka bërë një përmbledhje të situatës në vend duke pasqyruar ecurinë e procesit të votimit në shkallë vendi. “Në qarkun Tiranë nga 785.086 votues me të drejtë vote deri në orën 13:00 kanë votuar 5.546 votues ose 34,97%, në qarkun e Gjirokastrës nga 122.039 votues me të drejtë vote deri në orën 13:00 kanë votuar 9.290 votues ose 35,41%. Tre qendra votimi në Dukagjin janë hapur me vonese. Në fshatin Mollas në ZAZ numër 46 mungonin fletët e votimit dhe për pasojë procesi ka nisur me vonesë. Në 5 qendra votimi në Lac janë ndërprerë në orën 8:30 minuta”- tha Hoxhaj.

MAPO

[Antiproanti]

KQZ: Deri në orën 16:00 kanë votuar 42,17% e zgjedhësve

...

Pjesmarrja në votime sipas KQZ:
ZAZ nr. 68 në Berat – pjesmarrja 37.51

ZAZ në Dibër- pjesmarrja 32.09%

ZAZ nr. 21 Durrës-pjesmarrja 37.96%

ZAZ nr. 23 Durës – pjesmarrja 29.95%

ZAZ nr. 55 në Fier – pjesmarrja 37.23%

ZAZ nr. 80 në Gjirokastër- pjesmarrja 36.42%

ZAZ nr. 13 Korcë – pjesmarrja 41.2%

ZAZ nr. 72 Korcë- pjesmarrja 42.16%

ZAZ nr. 13 Lezhë- pjesmarrja 30.77 %

ZAZ nr. 15 Lezhë- pjesmarrja 41.54%

ZAZ nr. 3 Shkodër – pjesmarrja 39.2%

ZAZ nr. 6 Shkodër- pjsmarrja 31.3%

ZAZ nr. 7 Shkoder – pjesmarrja 29.01%


TIRANË
ZAZ nr. 28 –pjesmarrja 42.75%
ZAZ nr. 31- pjesmarrja 42.92%
ZAZ nr. 32- pjesmarrja 43.72 %
ZAZ nr. 34/- pjesmarrja 34.52%
ZAZ nr 40- pjesmarrja 34.69 %

VLORË
ZAZ nr. 83- pjesmarrja 23 %
ZAZ nr. 87- pjesmarrja 29.37 %

Bota Sot

[Albo]

Rama shpall fitoren pa u mbyllur kutitë: Rilindja fitoi mbi rrënimin

Kreu socialist Edi Rama ne daljen e tij te pare publike pas perfundimit te orarit zyrtar te votimeve deklaroi se rilindja ka fituar mbi rrënimin dhe se Aleanca për Shqipërinë Europiane do ta realizojë objektivin e shpallur të mandateve. Po ashtu Rama kërkoi që të përfundojë procesi i votimit, kur të votojë edhe votuesi i fundit që ora 19.00 e kapi në radhë. Rama i kërkoi Drejtorit të Përgjithshëm të Policisë së Shtetit Hysni Burgaj dhe zëvendësit të tij, Agron Kuliçaj, që të vihen në shërbim të shtetit dhe të mos kryejnë veprime antiligjore. “Populli sovran është shprehur me votë dhe administrimi i mëtejshëm i procesit duhet të garantohet nga e gjithë administrata zgjedhore. Policia e Shtetit të bëjë detyrën dhe vetëm detyrën”, kërkoi Rama. Kreu socialist kërkoi vijimin me normalitet të procesit të numërimit, me qëllim që Shqipëria të marrë një notë pozitive në zhvillimin e mirë të këtyre zgjedhjeve e që do t’i shërbejnë të ardhmes së saj.

MAPO

[Albo]

Berisha: Qendrat e hapura edhe për votuesin e fundit

Kryeministri Sali Berisha ka kërkuar komisionerëve që qendrat e votimit të qëndrojnë të hapura deri sat ë votojë edhe votues i fundit. Ai ka përshëndetur sot popullin shqiptar për pjesëmarrjen e lartë në votimin për zgjedhjet parlamentare. “Jam sot për të përshëndetur të gjithë qytetarët shqiptarë që me një shkallë të lartë përgjegjësie bënë këtë proces me një pjesëmarrje më masive gjer sot. Komisionerët kanë qenë në lartësinë e duhur, keqkuptimet janë zgjidhur brenda në harku kohor të pranueshëm. Sot procesi i votimit po shkon drejt finalizimit, por unë kam një thirrje për të gjitha komisionerët. Të mbajnë të hapura qendrat e votimit përderisa para derës së tyre ka njerëz që presin të votojnë. Nuk e kanë pasur të lehtë sot njerëzit, shumë kanë ikur dhe në plazh, të moshuarit kanë pritur në një orë të papërshtatshme dhe duam ti nderojmë, të presim të votojnë. Pra është në detyrimin ligjor dhe moral i komisionerëve të forcave politike që të mbajnë hapur qendrat e votimit përderisa para qendrave të votimit ka njerëz që presin të votojnë”, tha Berisha .

MAPO

[Albo]

PBDNJ: Nëse nuk meren masat e duhura numërimi do jetë me pasoja

Partia Bashkimi për të Drejtat e Njeriut ka paralajmëruar se nëse nuk meren masat e duhura do ketë problem në procein e numërimit. Në një konferencë për shtyp, përfaqësuesi i PBDNJ-së, Ligoraq Karamelo denoncoi situatën e krijuar gjatë procesit zgjedhor në disa qendra votimi në vend. “PBDNJ konstaton se në zonat e minoritetit proçesi ka qenë i qetë. Konstatojmë pjesëmarrje të ulët në votim. Konstatojmë disa shkelje të rëndësishme me identitetin dhe profilin e PBDNJ në Himarë. Votojnë më shumë se një herë me kartat e votimit. Shprehim mungesën e përfaqësuesve tonë në komisionet qendrore”, theksoi Karamelo.

MAPO

[Archon]

“Exit-Poll”, e majta fituese me 52-56%

Koalicioni i majtë i udhëhequr nga Partia Socialiste është fitues i zgjedhjeve të sotme, të paktën në “exit-poll”-in e parë të publikuar nga “IPR Marketing” dhe “Ora News”.

Sipas këtij “exit-polli”, e majta ka fituar në total 52-56% të votës kombëtare, e ndarë në 37-41% midis Partisë Socialiste dhe 7-11% me Lëvizjen Socialiste për Integrim.

Në koalicionin e djathtë, Partia Demokratike ka grumbulluar 33-37% të votave, PDIU 1,5-3,5% dhe Partia Republikane 1-3%.

Dy forcat politike të pavarura ne këto zgjedhje, Fryma e Re Demokratike dhe Aleanca Kuq e Zi kanë fituar, midis 1-5% dhe 1-3%, përkatësisht.

[Albo]

Policia e Shtetit: Ja ngjarjet në rrethet kryesore. MB: Opozita sulme të papranueshme Policisë

Policia e Shtetit ne nje njoftim te fundit per mediat, duke perseritur se eshte ne krye te detyres per sigurimin e rendit e qetesise ka numeruar incidentet e regjistruar ne rang vendi.
“Gjatë këtij harku kohor janë evidentuar disa vepra penale për të cilat strukturat e policisë kanë kryer të gjitha veprimet e duhura hetimore e procedurale, duke marrë dhe masa të menjëhershme për identifikimin e kapjen e autorëve të tyre”- ka thene zedhenesi Sulejmani.

Në Qarkun e Elbasanit
Rreth orës 11.00’ është marrë informacioni se në një qendër Votimi në qytetin e Peqinit është goditur me mjete të forta nga tre shtetas anëtari i Komisionit i kësaj qendre votimit, si dhe i kanë marrë kartën e identitetit bashkëshortes së tij. Menjëherë nga ana e policisë u shkua në vendin e ngjarjes, ku u bë i mundur identifikimi i personave, si dhe sekuestrimi në cilësinë provës materiale i mjetit me targa TR 5515 K, me të cilin këta shtetas qarkullonin në qytetin e Peqinit. Tre personat e identifikuar janë:
Gazmend Sinani, drejtuesi i mjetit tip Mitsubishi
- Astrit Kashi
- Aleksander Bajo, që të tre banues në Elbasan.
Këta shtetas janë shoqëruar dhe aktualisht për rastin në fjalë po kryhen veprimet procedurale. Ndërkohë nga kontrolli i ushtruar mjetit u gjeten dhe u sekuestruan ne cilësinë e provës materiale 2 arme zjarri tip automatike, 1 shotgan, si dhe një sasi municionesh.

Në Qarkun Korçë
1. Është bërë arrestimi në flagrancë i shtetasit Pajtim Selman Myrtollari, vjeç 51 nga Korça. Ky shtetas ditën e djeshme, rreth orës 23.10’ në vendin e quajtur Ura e Fajancës është kapur në flagrancë me automjetin tip benz KO 8013, me 11 zarfa me nga 5000 lekë të reja, të cilat dyshohet se do u ndaheshin personave të ndryshëm për të votur për Subjektin Politik LSI , ku ky i fundit ishte dhe Koordinator i këtij subjekti. Po lidhur me këtë rast filloi procedimi në gjendje të lirë për veprën penale të parashikuar nga neni 328 i Kodit Penal për 2 shtetas të tjerë. Materialet ju referuan Prokurorisë së Rrethit Gjyqësor Korçë për veprën penale “Dhënia e shpërblimeve dhe e premtimeve” të parashikuar nga neni 328 i K.Penal.
2. Ndërkohë po në Korçë filloi procedimi penal dhe po punohet për kapjen e shtetasve Shkëlqim Belul Topa, punonjës i Komunës Libonik dhe Naveljan Shkëlqim Topa, përkatësisht 45 dhe 20 vjeç, pasi akuzohen se rreth orës 22.00’ të ditës së djeshme, në Libonik, për shkak të bindjeve partiake kanë goditur me sende të forta shtetasit Armando Pëllumb Cenolli e Maksi Njazi Cenolli, edhe këto banues në fshatin Libonik. Ndaj tyre u kryen veprimet procedurale e materialet i janë referuar Prokurorisë për veprën penale të plagosjes së lehtë me dashje të kryer në bashkëpunim.
3. Rreth orës 10.30’, në qytetin e Korçës, në lagjen nr.4, përballë shkollës 9- vjecare “Nuci Naci”, ka patur një grindje mes shtetasve Edmond Poreci dhe shtetasit Leonard Mitre për motive ende të pasqaruara. Për ndërprerjen e këtij konflikti ka ndërhyrë për ti ndarë kandidati për deputet i partisë socialiste shtetasi Ilirjan Pendavinji, i cili në momentin që po ulte konfliktin është goditur në fytyrë me grushta nga shtetasi Edmond Poreci. Nga ana jonë janë kryer të gjitha veprimet e para procedurale dhe hetimore dhe po punohet për kapjen e autorit. Materialet procedurale ju referuan Prokurorisë së rrethit Gjyqësor Korçe për veprime të mëtejshme për veprën penale dëmtime të tjera me dashje të parashikuar nga neni 90 i Kodit Penal.

Në qarkun Tiranë
1. Mbrëmë rreth orës 23.30’ në ambientet e një lokali në në rrugën “Pandi Dardha”, është plagosur me armë zjarri shtetasi Ardi Rrahman Kacnija, 38 vjec, me banim në Tiranë, si dhe janë goditur me mjete të forta 2 shtetas. Menjëherë në vendngjarje ka shkuar grupi hetimor, i cili kreu veprimet e para hetimore dhe procedurale, ndërkohë që po punohet intensivisht për identifikimin, kapjen e autorëve të këtij konflikti, si dhe dokumentimin ligjor të saj.
2. Është bërë arrestimi në flagrancë i shtetasit Tafil Hysen Daci, vjeç 35, banues në Kamzë, pasi rreth orës 01.45’, në Zall Mner nga kontrolli në mjetin tip “Benz” me targë AA 738 BH, iu gjet e sekuestrua me cilësinë e provës materiale një armë zjarri pistoletë tip TT, të cilën e mbante pa leje.
3. Ndërkohë nga Komisariati i Policisë Kavajë filloi procedimi penal e punohet për kapjen e shtetasit Emiljano Vullnet Leka, vjeç 29, banues në Kavajë, pasi rreth orës 22.00’, në qytet, gjatë kontrollit të mjetit tip “Skoda” me targë AA 312 GM, të cilin ky shtetas e braktisi për t’i shpëtuar kapjes nga forcat e policisë, iu gjet e sekuestrua me cilësinë e provës materiale një armë zjarri automatik si dhe një sasi prej rreth 300 fishekësh, të cilat i mbante pa leje, po ashtu iu gjet dhe sekuestrua një tabelë e Policisë Bashkiake.

Panorama

[Albo]

Bregu: Rama vulosi disfatën përfundimtare. Qytetarët votuan PD-në

TIRANE- Ministrja e Integrimit, Majlinda Bregu ka reaguar pas deklarates se kreut te PS-se, Edi Rama, duke theksuar se qytetaret kane votuar PD-se.

“Sondazhet tona dhe trendi i votes se qytetareve sot konfirmojne fitoren tone. Rama ka pasur nje pritshmeri te mos humbiste ndoshta shume thelle, por ju siguroj se humbje spektakolare nuk kishte menduar”- tha Bregu.

Panorama