Arian Cani dhe xhaxha Namiku

[lajmsi]

I dashur Nipçe,
Të shkruaj nga Saranda, unë xhaxhai tënd, që të kam dashur dhe të dua shumë, njësoj si fëmijët e mi. Unë krenohesha me ti, mor i dashur Arjan, jo vetëm unë, por gjithë familja e fisi tonë në fshatin Mashkullorë e kudo ku jetojnë e punojnë me punë të pastër e të ndershme, krenoheshim për emisionin tënd aq shumë popullor “Zona e Lirë”. Por çfarë të shtiu që të bëheshe shërbëtor i Berishës, njeriut të urryer që aq shumë dëme, e krime i ka bërë Shqipërisë e popullit shqiptar? Çfarë të shtiu që u fute në politikë, kur s’merr vesh nga politika! Ne nuk na lidh asgjë me Berishën e sojin e sorollopin e tij, përkundrazi jemi kundërshtarë të tij për gjithë ato mynxyra që i ka shkaktuar këtij populli. Po çfarë thotë ai i nëmur për luftën dhe dëshmorët a e ke dëgjuar ti? Ti e di, mor i dashur nipçe, që në rrethin tonë familjar kemi tetë dëshmorë të luftës Antifashiste Nacionalçlirimtare. Babai dhe Dajua i babait tënd, katër xhaxhallarë të babait tënd, dy kushërinj të parë, Ali Çani 19-vjeç, partizan i brigadës së gjashtë sulmuese, i cili u vra në Borsh të Sarandës dhe vëllai i tij, Riza Çani, që u vra në luftën e Labinotit në Elbasan. Nuk mjafton gjithë kjo gjakderdhje? Po ti e di edhe çfarë lidhje ka Berisha e Lul Basha me vrasjen në mes të bulevardit në 21 janar të Ziver Veizit, kushëririt tënd, ose nipin e babait tënd, i cili qëndronte me duar në xhepa e shikonte me habi Kryeministrinë, se nuk e kishte parë ndonjëherë?! Ti, mor i dashur nipçe, ke një familje të mrekullueshme. Babai tënd mbeti jetim në moshën 2-vjeç, u rrit me vështirësi, vazhdoi shkollën “Skënderbe” dhe Shkollën e Bashkuar dhe doli oficer. Punoi me devotshmëri dhe arriti deri në komandant prapavije i divizionit të Delvinës. Mamaja jote punoi arsimtare në Gjirokastër e Përmet dhe për punën e saj të përkushtuar është dekoruar nga presidiumi i Kuvendit Popullor. Vëllai tënd, më i vogël është intelektual i shquar, punon me përkushtim e pastërti dhe zotëron shtatë gjuhë të huaja, ne mburremi me të. Pse i harrove gjithë këto, pse u shkëpute ideologjikisht nga trungu jonë familjar? Mendohem unë, ditë e natë dhe nuk gjej asnjë shkak për qëndrimin tënd kaq të neveritshëm. Të kam bërë thirrje vazhdimisht që të ndryshosh rrugën që ke marrë, por nuk më ke dëgjuar, përsëri si xhaxha i dhembshur të bëj thirrje: Ndrysho qëndrim, të presim në familjen tonë të përbashkët. Ky është edhe mendimi i prindërve të tu.
Përshëndetje xhaxhai yt që të do me shpirt!
Namik Çani - sekretar i Komitetit te Partise
Dega e Puneve te Perbrendeshme
Sarandë

Eheeeej, xhaxhi Namiku kerkon te bej show ne prag zgjedhjesh. I ka ngel sahati 7:77

[vagabondo_nyc]

Canit gjithe visi vet i kane dal kundera :P


“Arjan Çani është turpi i fisit, mund të mohojë edhe babanë, jo më xhaxhanë”


Mohimi i xhaxhait Namik Çani, nga ana e gazetarit Arian Çani, pas letrës kritike të tij, ka sjellë reagimin e kushëririt dhe një prej njerëzve që ka ndikuar në jetën e Çanit.

Bëhet fjalë për Flamur Çanin, ish-kryetar i Komitetit Ekzekutiv, i cili i ka siguruar një bursë Arjan Çanit, pavarësisht se sipas tij, nuk e meritonte.

“Arjani? Arjani mund të mohojë dhe babanë, e jo më xhaxhanë. Po baba a ke ti more djalë? Unë këtë pyetje do t’i bëja pas asaj që ka shkruar në gazetë për xhaxhanë. Mirë bën që na mohon. Fisi ynë janë ose dëshmorë, ose heronj, ai është një bakalaro, është bërë turpi i fisit”, ka thënë Flamur Çani për gazetën “Dita”, duke shpjeguar historinë e bursës së Çanit për në shkollën e Gjuhëve të Huaja në Tiranë:

“Ishte vetëm një bursë, e pretendonte një djalë i shkëlqyer me të gjitha notat dhjeta që njihte disa gjuhë të huaja. Unë ndërhyra për t’ia dhënë Arjanit. Ai tjetri ishte nxënës i shkëlqyer, Arjani ishte me mesatare 5.2 nga gjimnazi, por unë e bëra atë punë. Më kritikuan asokohe dhe u mbrojta duke thënë që Arjani është nip dëshmori. Arjani ka shkuar në shkollë të lartë si nip dëshmori”.

“Duket për të qeshur, por kur isha me pushtet Arjani më rrinte pas si këlysh. Tani ka vite që nuk më hap telefonin. Ka përfituar nga ata që sot i mohon. Unë dhe të tjerë në fis e mbanim afër se asokohe dukej si i vonuar nga trutë, por do ti që doli djalli vetë”, tregon Flamur Çani.

“Unë nuk kam ç’t’ju them më shumë për, të i tillë njeri është. Mbaj mend ca vite më parë u fejua me një shkodrane, u tall me atë vajzën sic e ka zakon, erdhën ata njerëzit e saj, donin ta vrisnin, i shpëtuam jetën me ndërhyrje e me miq, ua hoqëm duarsh brenda në shtëpi”, e mbyll ai./b.l

[Pirate of Love]

e forte fare ishte kjo e xhaxhi Namikut O Arjan o gamor ndrysho rrugen qe ke marre, na e more fytyren fare!

sidomos fillimi, une, xhaxhai tende ... huaaaaaaaa, kesaj i thone te qash duke qeshur dhe anasjelltas po kush xhaxhai ????!!!

[loni-loni]

Keto " krtikat" per Arjan Canin kan pak xheloz,i ose si i thone ambicje revolucionare
E them kete sepse Arjanin e njoh personalisht dhe ai kurre nuk e ka tradhetuar te majten ore XHAXHO
E majta jone theu tabute tradicionale duke zgjedhur nji lider lakuriq, majtistet tona konkurojne me bolsheviket Ruse,Moldave,Romune,duke i dhene freskine e humbur trotuareve te Europes

[lajmsi]

Xhaxhai e ka bere lanet Arjanin se i ka turperuar fisin.
Gjynaf o Arjan, me kete biografi qe ke ti mund te ishe bere me i madh nga Rama. Cte duhet ti te ngaterrohesh me Berishen?
O Shqypni e mjera Shqypni, je akoma ne kohen e fiseve.