Teatri absurd

[Dita]

Teatri absurd


Aktorët në skenë
mimikë qesharake pa fytyra
vetulla mprehur mbi sy të munguar
me veshje lakuriqe
Përplasje e pazhurmë këmbësh
absurdë në ajër
publiku hutuar
Pamja si një gjëegjëzë
kush ishte e në çfarë u shndërrua
Thuaj të gjithë të paemër
të qetë në mosqënien reale
Pa rënë perdja
njëri prej tyre i shqua
„Jemi ne gjithkushët e munguar“
me mjegull veshur
deri kur me vdekje u dënuan.








Sikur ajri


Sikur ajri të vendoste një ditë
alfabetin të mësonte e në fjalë të kuptueshme të fliste
Sa gjëma do të çliroheshin nga kthetrat e heshtjeve
dashuri të pashprehura ndrydhur në shpirtrat e ndrojtur
Sa lot do të tradhëtonte që u hodhën faqeve në heshtjen e vetmisë
lamtumirat e pathëna nga varret do të ngriheshin
do të preknin të dashurit e miqtë për ndarjet e pakthim

Hajmalitë e kujtimeve të shkuara

Ajri memec lëviz rreth gojëve e trupave
akoma hesht
Pret për vite ndoshta kur njerëzit
hajmalitë në vegla muzikore t’i kenë kthyer
Violinë e parë ajri me koncertin e dëshmisë do të niste
Mirëpritur larmia e ngjyrave në sallonin madhështor
ku gjyqi i pashpallur do të mbahej
Ajri i stolisur si më i bukuri
deri kur të shpikej dhe vrasësi për të vërtetën e tij.

[Agim Doçi]

URIME DITA me gjithë zemër!

Nëse ajri do të kishte gojë
të rrëfente dëshmitë e tija
njerzimi t'a thithte s'do kish nevojë!
se mbi glob do mbretëronte ASFIKSIA!...

Agim

[Dita]

Ju falenderoj per vleresimin z.Agim!

Shendet!

Dita

[MI CORAZON]

Na me Ditkë !
Po ti na thurrke edhe vargje me. Moj po qenke e tëmerrshme fare ti me çupë.
Këngrexhjullejshën !

[Brari]

Po Corazon, Dita eshte poete e nji lloji te vecante.
Ne poezine "sikur ajri" ajo ka hedhur nje ide interesante.
Ajri eshte nji mrekulli e Natyres.
Ajri mbush Boshllekun. Ajri eshte gjithkund. Ajri eshte ne male, mbi dete, ne Shpella ku jetoi njeriu para 200 000 vjetesh, ne galerite e Bulqizes ku punuan te burgosurit dhe fshataro-atdhetaret tone. Ajri eshte ne zyrat e Milirdereve e ne barqet bosh te femijve ne Kore te Veriut. Ajri eshte ne aeroplana Concord e ne nendetset nuklerare. Pra ajri eshte shume demokratik. Ajer thith Fino me Meten mbas nji dreke te bollshme, ajer thith dhe femijet e sapo lindur ne maternitet.
Mirpo Dita do nga Ajri edhe dicka tjeter.
Ajo mendon se ne ajer qarkullojne valet zanore te dala nga gojet e njerzve ne te gjitha kohet.
Ne fakt ashtu eshte. Nji bubullime vjen nga larg ne veshet tane e na tregon se diku ra nji Rrufe edhe kjo fale forces se vales se ajrit qe krijoi shkarkesa elektrike dhe ndjeshmerise se Vesheve tane. Kjo bubullime vazhdon te valezoje ne atmosfere dhe ne se Ne nuk e degjojme akoma kjo sepse aq ndjen veshi yne. Pra ne fakt ne ajer jane te ruajtura te gjitha zerat e Botes.
Problemi eshte si Njeriu mund ti kapi, ti seleksionoje e ti beje perseri te degjushme ne nivel decibelesh qe i pranon veshi yne.
Ajri eshte pra dhe si nje Hard disk ku ruhet memoria e Njerzimit.
Ne se do te dime nje dite te "dedektojme" kto zera qe bredhin ne atmosfere athere cfar sdo na degjojne veshet..
Pra Dita si filozofe qe eshte don te dije dhe ckane thene psh te paret e saje ose cka thene Skenderbeu ose Ismail Qemali, ckane thene njerzit qe nuk paten rast te flasin po u mbyllen ne Biruca..etj etj..
Pra ka ketu dhe filozofi por dhe Fizik e Shkence e Histori.

cdo te mire..

[AsgjëSikurDielli]

"Lind Dita, e me te edhe vuajtjet e mia..."

Dita, shume te bukura...

Respekt.

T.K.

[shigjeta]

Dita te uroj perzemersisht: Bravo

[Dita]

Mi Corazon,

nese do t'i isha pergjigjur vete pergezimeve nga ana jote, do te kisha qene po aq ne gaz sa ti, e per "Këngrexhjullejshën !" do te kisha shkruar "Denk ju, denk ju". Por Brari ka shkruar ne vnd tim dhe ka shkruar aq sa......Brar, bashke me Dikean je shkaktar qe pranveren po e nis me sy te mbushur me lot. Ajo me Hithrat e ti me kete qe ke shkruar. Nuk dua te shkruaj asgje me teper pervecse Te falenderoj me gjithe zemer!

Tek juke box i kafenese sot do te mund te degjosh nje kenge pershendetese per vesh-muzikalistet, por dedikimi sot eshte per ty Brar.

"Lind Dita, e me te edhe vuajtjet e mia..."

...po kur nata vjen???


Respekt dhe nga une Trim!




Shigjeta, falemnderit.
Degjoje (me imagjinate) edhe ti si vesh-muzikaliste kengen qe kam zgjedhur per sot.


Perzemersisht ju pershendes!
Dita

[Dita]

Rruaza për gjerdan


Ndjenjat për të dobëtit
të fortët gurëzuar
Lëmuar rrallë se gjen
pagdhendur më të pashëm
u duket sikur janë

Më kërkuan rruazat
me to një gjerdan do thurrnin
Dikujt t’ia dhuronin
Pa pranuar
më lidhën e bënë sikur dëgjuan
„Atëherë mendimet e tua
gjithë ç’ke brenda
do rrëzojmë me to pa u munduar“

Ndërruan rrugë prej thirrjeve të lidhura
as gjestet nuk deshën të m’i kuptonin
ndoshta verbuar
Pa guxuar vjedhja ndodhi
Rruaza për gjerdanin e premtuar

[Dita]

Pritja e madhe


E thirrën në qiell
pas mbetën paraardhësit e bashkëkohësit
Mijëra gjuhë pastruan tokën
duar - e këmbëkryq shtruar
për pritjen e madhe.
Nga qielli ka kohë që
nuk ka zbritur kush
Me shumëfishimin e gjeneve
u humb edhe më nga besimi
Diktatorëve u kërkojnë ringjalljen
atyre që bënë luftën
E treta ende s’ka filluar
Po cungjet që rrjedhën po e prishin
po i nxjerrin.

Pak mundi të shquhej pas kohësh,
se toka ish mbuluar me pluhur
naftë prej avionësh e veturash
gjak prej disa miniluftërash
bajga gomerësh e kuajsh
Të shtruarit bashkë me gjuhët
ishin zhdukur
Ku mbeti mençuria dot nuk u mësua.