Poezi te ndryshme

[hot_prinz]

Një dedikim ...



Për atë që qan mbrëmjeve ..
Sepse të tjerët flenë dhe nuk mund ta dëgjojnë ...
Për atë që vuan por vazhdon të buzëqeshi duke u shtirur...
Për atë që në jetë ka gabuar ,
dhe gjen akoma forcën për të riprovuar ...
Për atë që fshin lotët e miqve dhe nuk kërkon kurrë asgjë në këmbim...
Dedikuar syve të tu që tani po lexojnë ...
por pas një ore ndoshta do ta kenë harruar me siguri...
Por nuk ka asgjë : jeta kështu është bërë!

Falemnderit qe na i sjell keto vargje te bukura.

[Denata]

Falemnderit qe na i sjell keto vargje te bukura.

me vjen mire qe e vleresoni , faleminderit dhe juve

[Foleja_]

Thesari im- Sharl Bodler

Nëse dhomat e shpirtit tim do vizitoje
Çfarë pretendon se do shikoje?
Cilin përbindësh mendon se fsheh?
Po të zhgënjej, por nuk më njeh.
Nuk ka nevojë për të trokitur.
Hyr, shih, kërko, mbet e habitur;
Mure të zbrazët lyer pa ngjyra
Fotografi, por pa fytyra.
Diku e hedhur afër shtratit
Është nje kuti e tersit, fatit
E mbushur plotë është me kujtime.
Brenda gjithë historia ime.
Janë fjalët që kam thënë aty,
gjithkush që njoha, përfshi ty.
Gjithcka që bëra, e ç’veç ëndërrova
Vendet ku shkela, ku jetova.
Janë zënkat tona dhe mërite
Janë puthjet netëve pa dritë
Veset e mia që aq urreve
Mërgimi i ngadaltë i reve.
Dënimet që vuajta për ty
Herët kur s’të pash ne sy
Jetët që pa ty jetova.
Të tjera femra që dashurova
Janë dhe sekretet që s’të kam thënë
E amanetet që kam lënë
Fëmijet që kurrë nuk më lindën
Epshet që vrava se nuk m'u bindën
Ka letra, që për ty i shkrova
Në zarfet që kurrë nuk dërgova
E nëse gjithcka përmbys do kthesh
Sekretin më të madh do gjesh
Se e kam fshehur në fund fare.
Po nuk e pe, s’ke parë gjë fare.
Nxirre mes duarsh në shtrëngim.
K’të më të shtrenjtin sendin tim.
Balsamin që plagët shëronte,
kur kjo djall jete më kafshonte.
Para fytyrës ngadalë afroje.
Dhe mbylli sytë, pastaj zbuloje.
E kur ngadalë ta kesh zbuluar.
Veç një pasqyrë do gjesh në duar.
Do shohësh veten, reflektim.
Se ishe ti thesari im.

Poezia me e bukur qe gjithemone e lexoje me shume endje. Flm Denata qe e ke sjelle ketu