Mendime dhe opinione rreth fushates elektorale qershor 2013

[pirro10]

Afrimi i zgjedhjeve i ngjan një tornadoje të fortë e cila do të tundë nga themelet edhe një herë Shqipërinë, si në politikën e brëndëshme ashtu dhe në politikën e jashtme, dhe ashtu si e kemi zakon, do të ngrejmë sytë dhe do tu kërkojmë ndërkombëtarëve të na zgjidhin problemet të cilat duhet t`i kishim zgjidhur vetë.
Dy ceshtjet e forta ligjore për mbarëvajtjen e zgjedhjeve si:
-Komisioni Qëndror i Zgjedhjeve i cili përbëhet nga katër përfaqësues në vënd të shtatë përfaqësuesve, pra faktikisht e ka të pamundur të marrë vendime të rëndësishme zgjedhore, e për pasojë zgjedhjet do të vihen në kontestim që në fillimet e saj.
-Dështimi i numurimit elektronik në Fier i cili sipas mendimit tim është i qëllimtë, dhe dështimi i kontrollit të kartave të identitetit me anë të aparaturave përkatëse në Tiranë i cili gjithashtu është i qëllimtë.
Të dyja këto probleme dështuan të zgjidhen sigurisht për konflikte politike të dy partive të mëdha argumentat e papajtueshme të të cilave shkaktuan mos plotësimin e shtatë vëndeve në KQZ., dhe për pasojë këto numra të cunguar shkaktuan dështimin e zbatimit të të dy vendimeve për të cilat fola më sipër.
Këto ngjarje të rënda të cilat në sytë e elektoratit nuk bëjnë shumë përshtypje sepse janë mësuar me parregullsi dhe i presin anomalitë e zgjedhjeve ashtu si i dehuri që kënaqet kur thyen gotat dhe pjatat në një tryezë lokali të shtruar për aheng.
Këto ngjarje kanë shkaktuar shumë shqetësim tek ndërkombëtarët sidomos tek amerikanët , të cilët presin të parët rotacionin që sipas tyre duhet të jetë i domosdoshëm dhe i detyrueshëm.
Më pak optimistë janë përfaqësuesit europiane të cilët mendojnë se rotacioni mund të jetë i nevojshëm por edhe nëse nuk bëhet nuk duhet të ketë ndonjë problem.
Le të kthehemi tek zgjedhjet që janë në prag të derës dhe të shohim se përse kanë ndodhur këto anomali të formës së mos zbatimit të ligjit të parlamentit përsa i përket moszbatimit të formulës përkatëse prej shtatë anëtarësh.
Në këtë rast pavarësisht se maxhoranca në fuqi nga ana formale duhet të ketë kryetarin e KQZ, një difekt tjetër ligjor ka nxitur si pa dashje këtë cregullim: bëhet fjalë për mos pasjen e një neni i cili ndalon largimin e deputetëve nga një grup parlamentar tek një tjetër , gjë që ka shkaktuar jo pak konflikte dhe crregullime cilësore të parlamentit edhe në të kaluarën. Kjo për arësye sepse deputeti nuk është një individ i vecantë i cili mund të bëjë c`të dojë me mandatitin e tij; ai në rradhë të parë ka obligime të forta ndaj atyre të cilët e kanë zgjedhur dhe si i tillë, nuk mund të shkojë nga një grup parlamentar në tjetrin.
Kështu ndodhi me të tre deputetët socialistë K.Islamin, Dogjanin dhe Kadellin, të cilët si pa gjë të keq, duke u justifikuar me pretekstin se shkonin keq me Kryetarin e P.S., u larguan. Normalisht nëse ligji do të ishte në rregull, këta deputetë duhej të zëvëndësoheshin me të tjerë në rast mos-marrëveshjesh, dhe jo të konvertoheshin sipas dëshirës klienteliste nga të majtë -në të djathtë dhe anasjelltas. Ndonjëri mund të thotë se është e drejta e Deputetit të ketë lirinë e tij për të votuar si të dojë.
Kjo nuk qëndron sipas mendimit tim, sepse për rastet e votimeve jo të rëndësishme ata mund edhe të shprehnin opinionin e tyre personal, por në rastin e vendimeve të rëndësishme për tu votuar, deputeti është i detyruar të votojë sipas Grupit përkatës parlamentar, sepse në këtë rast shpreh në mënyrë identike edhe opinionin e elektoratit.
E parë në këtë prizëm maxhoranca aktuale nuk i kishte numrat e nevojshëm për të qeverisur, dhe kjo do të shkaktonte një mocion mosbesimi, dhe opsionet e ardhshme të parlamentit dhe qeverisë shqiptare duhej të ishin ndryshe: ose do të bëheshin zgjedhje të parakohëshme parlamentare ose do të bëhej një qeveri teknike.
Sigurisht, këto crregullime ligjore të pa rregulluara deri më sot, duke u bërë të pranueshme që në kohën tetë vjecare të qeverisjes socialiste, por vazhduan edhe në këtë periudhë, ku maxhoranca parlamentare është e djathtë, po japin frytet e tyre negative si këto dy shkelje të rënda dhe mos zbatime ligjesh, të cilat do të shkaktojnë menjëherë pas zgjedhjeve, probleme të rënda ligjore në interpretimin e rezultatit të zgjedhjeve dhe për pasojë një konflikt të madh ligjor, etik, dhe me pasoja për aparencën e Shqipërisë në Europë e botë.
Së fundmi unë në nuk mund të them se kush është fajtori, por mendoj se njerëz të arësyeshëm dhe profesionistë do t`i kishin shmangur këto gafa ligjore dhe këtë mos zbatim të vendimit nga KQZ, e cila do të mbajë përgjegjësi të rëndë për dështimin e votimit elektronik ne Fier, dhe dështimin e kontrollit të kartave të identitetit në Tiranë si dhe në përgjithësi për në gjithë vendin.

[TilVolioR]

As me behet fare vone, le te bejne sikur jane ne xhungel afrikane edhe me keq

[Guri i Kuq]

Ky shkrim,sidomos kur flet per gjoja "crregullimet" ligjore lidhur me mandatet e deputeteve,nuk perkon fare me relitetin kushtetues-juridik dhe politik te Shqiperise.Fundja,ky ligj zgjedhor eshte fryt i kompromisit,me mire te themi diktatit te Selise Roze,te para disa viteve....
KQZ ka mandatin ligjor te punoje edhe keshtu,por mosamarrja pjese e perfaqesuesve te PS,tregon per dicka me shume.Trego per orientimin e krereve te PS, per mos pranuar rezultatin,natyrisht nese nuk eshte ne favor te tyre....
Sherbimi me i keq qe mund ti behet Shqiperise eshte ky...kontestim..,kontestim,pasiguri ...deri ne pafundesi...

[pirro10]

I nderuar Guri i kuq, ju mendoni qe nuk ka crregullime ligjore lidhur me mandatet e deputeteve?
Atehere me vjen keq qe ju a them por kundershtimin e beni sepse nuk e kuptoni situaten.
Ju duket noramle qe 3 deputete te se majtes shkojne tek e djathta si pa te keq dhe mbajne ne kembe ne qeveri qe nga ana ligjore eshte e rene?
Si mendoni ju, qe deputeti mund te beje c`te doje me mandatin e tij i cili eshte mandat i elektoratit qe e ka zgjedhur?
Pra, nese ju mendoni keshtu kjo tregon qe nje pjese e mire e njerezve e pranojne si pa te keq shkeljen e ligjeve dhe boshlleqet ligjore qekane mundesuar qendrimin e koalicioneve dhe partive ne fuqi me vota dhe lektorat fallco

[Guri i Kuq]

Inderuar Pirro,

Ne aspektin formal juridik nuk ka "crregullim juridik",ne rastet kur nje akt ligjor miratohet nga organi i percaktuar me Kushtetute.Ne kete rast,kemi nje teme te diskutur shume, gjate gjithe historise....mandati i fituar,cfare eshte ai..
Pervec se ne K. Veriore dhe ndoshta edhe ne KUbe,ende mund te kete mandat imerativ...Perndryshe,ky lloj mandati nuk njihet ne asnje vend demokratik.Votimi i cdo deputeti,presupozon lirine e plote te tij te veproje sipas bindjes dhe ndergjegjes se vet....
Shnet e gjithe te mirat !

[Toffee]

I nderuar Guri i kuq, ju mendoni qe nuk ka crregullime ligjore lidhur me mandatet e deputeteve?
Atehere me vjen keq qe ju a them por kundershtimin e beni sepse nuk e kuptoni situaten.
Ju duket noramle qe 3 deputete te se majtes shkojne tek e djathta si pa te keq dhe mbajne ne kembe ne qeveri qe nga ana ligjore eshte e rene?
Si mendoni ju, qe deputeti mund te beje c`te doje me mandatin e tij i cili eshte mandat i elektoratit qe e ka zgjedhur?
Pra, nese ju mendoni keshtu kjo tregon qe nje pjese e mire e njerezve e pranojne si pa te keq shkeljen e ligjeve dhe boshlleqet ligjore qekane mundesuar qendrimin e koalicioneve dhe partive ne fuqi me vota dhe lektorat fallco

Pirro me vjen keq po ju mendoni se deputet nuk duhet te mendojne? Apo o burra kshu tha partia apo kryetari edhe kshu do bejme si kukulla? Akoma me ideologjira komuniste duhet te vazhdojme?
Inati per qeverin po ju ben te flisni gjera jo reale.

[Albo]

Ambasadori amerikan kish dale nje mengjes heret xhiro me kembe nga kodrat e Liqenit artificial ne Tirane. Teksa ecte i shoqeruar me njerezit e tij, takon nje xhaxho plak qe kish dale edhe ai per te ecur. Xhaxhoja e dallon kush qe dhe i afrohet dhe i jep doren:

- Si je ambasador, si te kam?
- Mire, ju si jeni?
- Shume mire. Nje pyetje kisha une ambasador. Si do t'i veje halli zgjedhjeve?
- Po mundohemi te punojme me te dy palet qe te zgjidhim ngercin me KQZ por akoma pa sukses.
- Po c'eshte kjo pune qe ka ngelur KQZ pa njerez?
- Opozita ka zgedhur te terheqi njerezit e saj nga KQZ.
- Po si do u veje halli zgjedhjeve?
- Zgjedhjet do mbahen si jane planifikuar.
- E nuk u degjon koka ketyre politikaneve tane or jo.
- Ambasadori qesh..
- Sido qe te veje puna, une per vete do dal te votoj ne 23 qershor.
- Me behet qejfi!
- Dite te mbare!

Dhjete hapa me larg pasi u nda me plakun, ambasadori i drejtohet njerit prej shoqeruesve te tij:

Sa mire do te ishte sikur edhe kreret e politikes shqiptare te kuptonin, sic e ka kuptuar ky plak, qe zgjedhjet mbahen per shqiptaret e jo per ta!



Morali i kesaj historie?

Ne perllogaritjet e saj, opozita shqiptare kerkon ti damkosi zgjedhjet si te deshtuara qe para se te mbahen, duke larguar nga KQZ njerezit e saj e duke e lene institucionin e votes te paplotesuar. Kete e shohin si alibi per te justifikuar ndonje qendrim politik post-zgjedhor ne rast se i humbin zgjedhjet. Ne rast se zgjedhjet i fiton PD, socialistet do te dalin e thone: i vodhi Saliu! Kjo nuk do te jete ndonje risi, pasi ne keto 20 vjet, socialistet nuk kane pranuar asnje humbje elektorale. Por ajo qe ata nuk kuptojne dhe bejne gabim ne perllogaritjet e tyre eshte se:

1. Zgjedhjet e 23 qershorit do te jene me te monitoruarat si brenda edhe jashte vendit ne historine e demokracise shqiptare.

2. Mediat shqiptaret do te ndjekin me kamerat e tyre cdo moment dhe cdo vote qe do te numerohet, duke mos lejuar me manipulimin e hapur te votes sic eshte bere ne te kaluaren.

3. Pjesmarrja e shqiptareve ne zgjedhje do te jete e madhe krahasimisht me zgjedhjet e tjera.

Keto te treja se bashku, do te hedhin poshte cdo anomali ligjore apo proceduriale per zgjedhjet. Me e rendesishme se sa certifikimi i votes nga KQZ eshte respektimi i votes se cdo shqiptari. Dhe nese nderkombetare, mediat dhe shqiptaret deshmojne nga afer nje proces zgjedhor te qete e normal, rezultati mund te jete i kontestueshem nga palet e politikes, por nuk do te jete i kontestueshem per monitoruesit e huaj apo per vete shqiptaret. Dhe keto taktika para-elektorale per te demtuar procesin zgjedhor dhe demokracine shqiptare, kane per tu ndeshkuar me vote nga shqiptare ne 23 qershor.

Politikes shqiptare i pelqen te besoje se e terheq prej hunde elektoratin shqiptar ashtu sic i do qejfi. Ne 23 qershor do te mesoje se elektorati shqiptar do t'i japi shkelmin politikaneve te papergjegjshem me voten e tyre te lire.

Albo

[pirro10]

I nderuar Toffee,
nese e keni lexuar pa paragjykim, une nuk jam duke mbrojtur ndokend, thjesht jam duke analizuar disa fakte qe po shkaterrojne politiken shqiptare dhe jane duke dhene rezultate negative edhe ne arenen nderkombetare- pikerisht sepse maxhorancat parlamentare jane fiktive.

Ky fiktivitet qe juve nuk ju duket ndonje problem i madh- ne fakt eshte nje problem i madh sepse shpreh maredheniet deputet elektorat qe ne rastin shqiptar nuk ruhet asnjehere.

[Denata]

Analiza NGA ERION KRISTO
15 Qershor 2013
Pse “ferma e dijes” mungoi në fushatë



TIRANE - Nëse do të kishim lexuar romanin e fundit të Gjerak Karaiskaj, “Ferma e dijes”, do ta kishim fare të qartë, se përse gjatë kësaj fushate të stërzgjatur nuk u shfaqën vetëm akademikët dhe shkencëtarët e vendit. Ata nuk u angazhuan as në këtë proces të rëndësishëm dhe jetik për fatet e vendit. Mungoi prania e tyre në studio televizive, munguan shkrimet e tyre në gazeta, mungoi përgjithësisht gjykimi shkencor për programet e partive.

Prej vitesh ka munguar gjykimi shkencor për çështjet tona jetësore, por nuk ka munguar renditja e akademikëve në lista partish, sa herë që këto kanë pasur nevojë për të demonizuar palën tjetër. Pra, kemi qartësisht rreshtim, po jo analizë dhe guxim intelektual të shfaqur.

Po qëllimi i këtij shkrimi është të japim disa arsyetime se përse klasa e emëruar akademike e vendit, ka heshtur dhe vijon të heshtë, duke u marrë vetëm me pispillosje intelektuale dhe vetëkënaqje, ndërsa vendi prej dekadash qeveriset nga barbarët. Përgjigjet janë krejt të qarta në romanin e sipërpërmendur, që fillon me një shprehje të Milan Kunderës, ku flitet për mungesën e plotë të shpresës në këtë periudhë tranzitive.

Po kur ka filluar tranzicioni, sipas studiuesit Karaiskaj? Ka filluar në vitin 1944 dhe përfundimisht mbyllet tashmë me zgjedhjet e vitit 2013, ku mes gëzimit dhe dhembjes, do ndahemi përfundimisht me periudhën pararendëse. Jo për ndonjë arsye sublime, jo sepse mendësia jonë është evropianizuar, po sepse ndërkaq gjithë pasuria e grumbulluar e diktaturës, tashmë është ndarë, madje dhe grimcat e fundit.

Pra, ata që prodhuan komunizmin, tashmë janë të sigurt në vetvete. Këtë mund ta pikasni lehtë, te retrospektiva që bën personazhi kryesor i romanit, që tashmë ndihet i sigurt. Ai ndihet i sigurt edhe për një fakt tjetër, për shkak të trajnimit që ne u bëjmë të huajve: në vend të na mësojnë, ne i përshtatim.

Penës së Gjerakut nuk i shpëton as i ashtuquajturi revolucion demokratik i vitit ’90, ku mbizotëroi teza, tashmë e realizuar në pikëpamjen kohore, se bota duhet të na pranojë ashtu siç jemi. Revolucioni në të vërtetë ka ndodhur, po ai ka qenë thjesht një revolucion terminologjik, pra ndryshoi vetëm gjuha, po jo thelbi.

Detyrën e vështirë të këtij revolucioni në gotë, e mori përsipër Ferma e Dijes, ajo duhej t’i paraprinte ndryshimit, duke caktuar komisione gjuhësore në të gjitha fushat, ku ca fjalë e shprehje u lanë ashtu siç kishin qenë, e ca të tjera u ndryshuan. Dhe pikërisht kjo ndodhi: të njëjtët personazhe, ishin dhe janë në krye, madje dhe ata që u përndoqën, dhe për cilën arsye?

Sepse treguan zell të tepruar në dashurinë e tyre për sistemin, pra e donin sistemin më shumë se sa duhej. Ata nuk duhej ta donin sistemin më tepër se sa ata që e krijuan, dhe për këtë arsye u dënuan, por me ndryshimin e kohëve, u rehabilituan, ose më mirë të themi se u përgatitën të ishin në krye në kohë të tjera, çka tregon largpamësi. Kjo çështja e largpamësisë, është një çështje që e paskërkemi pas pasur, po që sot çuditërisht e paskemi humbur.

Zgjidhjet ishin shumë të lehta në dukje: ideologjia u zgjerua, që të nxinte më shumë. Termat e përdorur gjatë tranzicionit e tregojnë qartazi: ish-pronarë, dhe jo borgjezë, sepse pikërisht termi ish, heq pasurinë. Dhe tani, me mbylljen e tranzicionit, do të rifillojë përdorimi i termit borgjez, jo sepse kjo fjalë ka ndryshuar ngarkesën e saj negative, por sepse u krijua borgjezia e re e telekomanduar. Pikërisht në ujëra të tilla të ndenjura ka notuar klasa jonë akademike, jo thjesht për të mbijetuar, por për të pasur privilegjet që kishte pasur dikur.

Këtë na thotë me zë të lartë letrari Gjerak Karaiskaj, autori i dy përmbledhjeve me tregime, Horriada dhe Zëvendëskrimineli. Dy vëllime ku peneli humoristik i autorit, ngjyros tablo të tipit të Gojës, si varianti i njeriut që mban gomarin në kurriz, dhe që çuditërisht i afrohen shumë jetës sonë të jetuar.

Dhe nëse do të flasim për letërsinë e realizmit socialist dhe letërsinë bashkëkohore, ka ardhur koha të pyesim, se çfarë vendi duhet të zërë autori ynë në letërsinë shqipe, pra në grupin e shkrimtarëve të padëmshëm që e kanë të lejuar të shkruajnë për seksin, siç ka shumë në qarkullim në kohët tona, të shenjuar edhe prej medaljeve që ja japin vetë njëri-tjetrit.

Dhe për t’u kthyer te fushata që zien e vlon, dhe që ka prekur çdo centimetër katror të vendit, po nuk ka tronditur asnjë vetëdije akademike deri më tani, mund të themi me plot gojën sipas autorit, se kemi arritur në pikën kur është kryer bashkimi i plotë i popullit me parinë e vet, ata janë popull dhe populli është si ata.

Shkrimi u botua në gazetën Shqiptarja.com (print) 15.06.2013 -