Pse kosovaret e duan Berishen?

[Archon]

Shkëlzen Maliqi shpjegon pse kosovarët e duan Sali Berishën, e pse jo Edi Ramën

Pse shumica e kosovarëve e duan Sali Berishën? – pyet Shkëlzem Maliqi në një shkrim të vetin të publikuar në gazetën Express. Dhe bën një listë me arsye. Së pari, ngaqë “Sali Berisha, për dallim nga Edi Rama, është shumë më kosovar në botëkuptimet, gjuhën që e flet dhe në sjelljet e tij…. Në Kosovë andaj perceptohet si i ‘yni’, kurse Rama, sipas logjikës, del se është ‘i tyre’”. Dhe me ‘i tyre’, Maliqi ka parasysh Republikën e Shqipërisë, poshtë Bjeshkëve të Nemuna. Së dyti, është ideja se merita e tij është ndërtimi i rrugës së kombit, si një parakusht për afrimin dhe bashkimin fizik, por edhe shpirtëror të shqiptarit të Kosovës me atë të Shqipërisë. Së treti, është ideja [e kosovarëve] se ai ka qenë fitues ndaj komunizmit, ndërkaq që kosovarët në vitet ’90 patën një përvojë shumë të keqe me Partinë Socialiste të Serbisë, dhe nga ajo kohë nuk duan të dinë për asnjë parti apo lëvizje që ka lidhje me socializëm dhe komunizëm, sado të moderuara dhe demokratike të paraqiten. Së katërti, “aversioni ndaj PS-së është thelluar në vitet ’90 të shekullit të kaluar kur LDK-ja dhe organi i saj “Bota sot” për çdo ditë propagandonin idenë e një komploti të madh komunist, ku Tirana socialiste shihej si aleate e “komunizmit ortodoks”, i cili thuhej se po dirigjohej nga tri qendrat: Beogradi, Athina dhe Moska, e ku kjo e fundit ishte aksi i së keqës të antishqiptarizmës dhe antikosovarizmit”. Së3 pesti, “ka kontribuar edhe kritikuesi i tij më i ashpër në Kosovë, akademik Rexhep Qosja, i cili [ka përdorur] po atë logjikë ekstreme si ‘Bota sot’, por në drejtim të kundërt,.. Ndërkaq që të sulmohesh nga një humbës aq i madh politik siç ishte Qosja, në Kosovë vetëm se ia shtonte namin Berishës.”

Shkëlzen Maliqi e mbyll duke thënë se “nëse në Shqipëri fiton koalicioni i majtë me Ramën në krye, për çka i ka gjasat e mëdha, ky do të jetë një shans që Rama të rivlerësohet në bazë të asaj çka do të bëjë, dhe jo në bazë të paragjykimeve”.


Respublica

[Archon]

Shkrimi i plote(http://gazetaexpress.com/?cid=1,75,114487)

Nëse në Shqipëri fiton koalicioni i majtë me Ramën në krye, për çka i ka gjasat e mëdha, ky do të jetë një shans që Rama të rivlerësohet në bazë të asaj çka do të bëjë, dhe jo në bazë të paragjykimeve.

Voajerizmi politik në Kosovë është sport i ri shumë i popullarizuar. Të kapur prej kohësh nga mediat depërtuese të Shqipërisë (DigitAlb, Top Channel, Klan etj.), kosovarët me emocione të ndara përcjellin garën elektorale në mëmëdhe, duke anuar me një shumicë bindëse për Sali Berishën, ose edhe Kreshnik Spahiun në vendin e dytë, kurse Edi Rama gëzon përkrahje margjinale.

Por, kuptohet, këto anime kosovare nuk do të kenë aspak ndikim në verdiktin e elektoratit shqiptar. Fansat e Berishës dhe të “kuqezinjëve”, edhe pse e dëshirojnë dhe prognozojnë fitoren, në të vërtetë janë mjaft të brengosur me mundësinë që idoli i tyre kësaj here do të humbë garën, pasi që disponimet politike në Shqipëri nuk janë të përputhshme me ato në Kosovë. Ata e dinë se gara do të jetë e ngushtë, mbasë sërish si në vitin 2009 edhe në zgjedhjet e Tiranës më 2011, do të mund të vendoset në “fotofinish”, ose në tavolinë!

Pse shumica e kosovarëve e duan Sali Berishën është një tregim në vete i kushtëzuar nga disa procese historike, por edhe nga paragjykimet dhe sterotipat e vlerësimeve të ndërsjella nga dy anët e Alpeve Shqiptare që dikur i quanim Bjeshkët e Nemuna. Po ndalem në disa prej tyre pa pretendime që të jap shpjegime të plota e as të sistematizuara sipas rëndësisë.

Shpjegimi i parë që shumicës i bie në mend është se, për dallim nga Edi Rama, Sali Berisha është shumë më kosovar në botëkuptimet, gjuhën që e flet dhe në sjelljet e tij. Madje vetë fakti se Berisha është me prejardhje nga Tropoja, trevë kjo që si gjeografi po edhe në histori më shumë lidhet me Kosovën, e nxjerr atë si “kosovar”. Në Kosovë andaj perceptohet si i “yni”, kurse Rama, sipas logjikës, del se është “i tyre”. Në Shqipëri, sidomos në jug, Berisha edhe paragjykohet si “kosovar”, i cili ka sjell në Shqipëri frymën dhe nacionalizmin tjetërfare nga ai që do të duhej të mbizotëronte në politikën dhe kulturën e këtij shteti.

Një tjetër element që Berishën e bën kampion të kosovarëve është ideja se merita e tij është ndërtimi i rrugës së kombit, si një parakusht për afrimin dhe bashkimin fizik, por edhe shpirtëror të shqiptarit të Kosovës me atë të Shqipërisë. Një gjakovar po më thoshte këto ditë se në anën e Dukagjinit të gjithë shpresojnë se Berisha do të fitojë edhe një mandat sepse presin që të ndërtojë rrugën Gjakovë - Shkodër nëpër Tropojë, që do të afronte edhe më shumë dy krahët e Bjeshkëve të Nemuna me ato bukuri përrallore të lumit Valbona dhe maleve përreth… Gjakovari ma pohonte këtë duke komentuar antireklamën e PS-së në të cilën Sali Berisha në çdo pyetje çka ka bërë përgjigjet me përsëritjen e një fjale “Rrugët! …Rrugët! …Rrugët…!”. Por unë animin e tij e lidha me një interes pragmatik të gjakovarëve që kohëve të fundit e kanë gjetur një “det të vetin” në Velipojë, dhe rruga që do t’ua shkurtonte kohën dhe shpenzimet e daljes matanë, është në përputhje me mentalitetin e përfolur kursimtar të tyre.

Një tjetër moment, shumë i rëndësishëm për dashurinë e kosovarit ndaj Berishës, është ideja se ai ka qenë fitues ndaj komunizmit, ndërkaq që kosovarët në vitet ’90 patën një përvojë shumë të keqe me Partinë Socialiste të Serbisë, dhe nga ajo kohë nuk duan të dinë për asnjë parti apo lëvizje që ka lidhje me socializëm dhe komunizëm, sado të moderuara dhe demokratike të paraqiten. Kjo është arsyeja pse në Kosovë nuk ka asnjë subjekt serioz që do të vetëcilësohej si socialiste ose e majtë. Madje edhe ato që i kemi kujtuar si të tilla janë kthyer nga e djathta. Andaj edhe Partia Socialiste e Shqipërisë nuk pëlqehet nga shumica e kosovarëve.

Për më shumë, averzioni ndaj PS-së është thelluar në vitet ’90 të shekullit të kaluar kur LDK-ja dhe organi i saj “Bota sot” për çdo ditë propagandonin idenë e një komploti të madh komunist, ku Tirana socialiste shihej si aleate e “komunizmit ortodoks”, i cili thuhej se po dirigjohej nga tri qendrat: Beogradi, Athina dhe Moska, e ku kjo e fundit ishte aksi i së keqës të antishqiptarizmës dhe antikosovarizmit.

“Bota sot” ka bërë aq shumë zhurmë rreth një takimi të Fatos Nanos me Sllobodan Millosheviqin në Kretë, sikur ky të ishte akt i thadhëtisë më të madhe kombëtare. Por, kur pak më vonë edhe Ibrahim Rugova u takua me Millosheviqin, i këshilluar nga fuqitë Perëndimore, në këto qarqe ekstreme antisocialiste, nuk pati reagime të njëjta, ashtu sikur që edhe Berishës do t’i falen bizneset dhe koketimet politike me Beogradin dhe Athinën.

Për popullarizimin e Berishës në Kosovë ka kontribuuar edhe kritikuesi i tij më i ashpër në Kosovë, akademik Rexhep Qosja, i cili me po atë logjikë ekstreme si “Bota sot”, por në drejtim të kundërt, e akuzonte Berishën si tradhëtar të kombit për çdo veprim pragmatist që ky ishte i detyruar ta bënte nën presionin e diplomatëve perëndimorë, apo ngase Shqipëria e varfëruar ekonomikisht dhe pa fuqi politike dhe ushtarake, objektivisht nuk kishte hapësirë manovruese për të ndjekur politika ofensive kombëtare. Ndërkaq që të sulmohesh nga një humbës aq i madh politik siç ishte Qosja, në Kosovë vetëm se ia shtonte namin Berishës.

Kuptohet, e thashë edhe në fillim, në zgjedhjet aktuale në Shqipëri qëndrimi i kosovarëve nuk ka asnjë relevancë. Është vetëm fenomen i voajerizmit të gabueshëm, dhe asgjë më shumë. Në Shqipëri, sovranë janë votuesit shqiptarë, dhe nëse ndër ta ka edhe kosovarë që e kanë marrë shtetësinë shqiptare, numri i tyre nuk është aq i madh që të bëjnë diferencën sado pak ndikuese në rezultat.

Megjithatë, është një aspekt i këtij voajerizmit që nuk është kotësi, por ndikon në edukimin demokratik të shqiptarëve në përgjithësi. Votuesit në Kosovë, sikundër edhe ata në Shqipëri, duhet të tejkalojnë paragjykimet dhe teoritë e komplotit, që një lider e bënë idhull, kurse tjetri kriminalizohet. Nëse në Shqipëri fiton koalicioni i majtë me Ramën në krye, për çka i ka gjasat e mëdha, ky do të jetë një shans që Rama të rivlerësohet në bazë të asaj çka do të bëjë, dhe jo në bazë të paragjykimeve. Rama edhe gjatë mandateve të tija të para si Kryebashkiak i Tiranës fitoi shumë simpati në Kosovë për punën që bëri në transformimin dhe ringjalljen e kryeqytetit shqiptar. Çdo hap tutje në tejkalimin e ndasive artificiale dhe pargjykimeve ndër shqiptarët, çdo koalicion pragmatik mes forcave politike që deri dje janë sharrë dhe urrejtur mes veti, çon në emancipimin e përgjithsëm të politikës shqiptare. Kjo mundësi që na jepet të shikojmë garën politike edhe përtej gardhit, voajerizmin tonë e bën të angazhuar. Ky voajerizëm na krijon edhenjë mundësi më shumë dhe më të shpeshtë, për mësimin e rregullave të demokracisë, se si duhet t’i kontrollojmë emocionet dhe gjejmë interesinë e përbashkët mbipartiak, mbi animet dhe mbi interesat e veçanta partiake.

[Antiproanti]

PDK pro Ramës, LDK dhe AAK pro Berishës





Politikanët kosovarë nuk janë më indiferentë për zgjedhjet parlamentare të Shqipërisë, tash kur gara atje ka hyrë në javën vendimtare.

Këtë të diel, më 23 qershor, shqiptarët do të përcaktohen nëse do t’ia vazhdojnë mandatin Partisë Demokratike të Sali Berishës apo do të përcaktohen që në katër vitet e ardhshme të udhëhiqen nga Edi Rama i Partisë Socialiste.

Gazeta Express ka kontaktuar deputetët e grupeve kryesore parlamentare në Kosovë dhe shumë prej tyre nuk kanë hezituar t’i shfaqin preferencat e tyre.

Kështu, Berat Buzhala i PDK-së uron që zgjedhjet t’i fitojë Edi Rama, Arben Gashi i LDK-së dhe Burim Ramadani i AAK-së preferojnë Sali Berishën, kurse të matur shfaqen Nait Hasani i PDK-së, Alma Lama e Vetëvendosjes dhe Myzejene Selmani e AKR-së.

“Duke çmuar lartë kontributin e Sali Berishës në ndërtimin e Rrugës së Kombit, megjithatë konsideroj se në interesin e Shqipërisë do të ishte një rotacion i pushtetit. Për ketë arsye, jam i bindur dhe do të dëshiroja që zgjedhjet e 23 qershorit t’i fitonte Edi Rama”, ka thënë Buzhala për Express, të hënën.

Kolegu i tij partiak, Nait Hasani, ndërkaq, jep një përgjigje klishe kur pyetet për atë se kush dëshiron t’i fitojë zgjedhjet në Tiranë.

“Unë e favorizoj Shqipërinë”, tha ai.

“Mendoj që partitë që kanë konkurruar kanë gjasë që sikurse në zgjedhjet e kaluara të kenë afërsisht numrin e njëjtë të deputetëve”, konstaton Hasani.

“Besoj që kjo do të ndikojë që edhe partitë e vogla të krijojnë koalicionin”.

Arben Gashi i LDK-së konsideron se rezultati i zgjedhjeve në Shqipëri do të jetë i ngushtë.

“Atje me sa duket partitë janë të barabarta, do të jetë rezultati shumë i ngushtë për mendimin tim. Por presim që partia e djathtë të fitojë”, tha Gashi.

“Mund të them që besoj se Partia Demokratike do të vazhdojë qeverisjen në Shqipëri me Kryeministrin Sali Berisha”, shprehet ndërkaq Burim Ramadani i AAK-së.

Më pak të interesuar për zgjedhjet parlamentare në Shqipëri u treguan zyrtarë të Vetëvendosjes së Albin Kurtit, e cila proklamon bashkimin kombëtar në programin e saj.

Deputetja Alma Lama tha vetëm se mund të urojë që në Shqipëri të mbahen zgjedhje te lira dhe te ndershme.

“Dhe te respektohet vullneti i sovranit”.

Ndërsa për Myzejene Selmanin e AKR-së cilado parti që vjen në pushtet në Shqipëri në raport me Kosovën mbetet e njëjtë.

“Mbetet në të ardhmen të shihen se cilat janë raportet me shtetin shqiptar sepse deri tani kemi pasur pengesa sidomos në fushën e doganave por po shpresoj që në të ardhmen do të ndryshojë në të ardhmen”, tha Selmani. /Telegrafi/
http://www.telegrafi.com/lajme/pdk-p...s-2-33207.html

[mia@]

Dhe mua me ka habit ky fakt. Une propozoj ta marrin ne Kosove, po humbi kete radhe.

[violativo]

Dhe mua me ka habit ky fakt. Une propozoj ta marrin ne Kosove, po humbi kete radhe.

Ta marrin , me ulje cmimi e afrojme , pa dogane dhe pa TVSH !
Madje ne si Lagje e vjeter e Tirones , mund te afrojme edhe 200.000 euro dhurate bleresit me te pare !

S'kemi ku e mbajme ! Kopshtin Zoologjik qe kishim e prishi vete me te gjitha ! Nuk mund t'i shikonte vellezerit dhe motrat ne kangjella hekuri ...........

[Milkway]

E duan se deri ne nje kohe te shkurter Rama s'eshte munduar te bej ndonje gje per kosovaret , ndonje perkrahje morale etj .
Dhe per kosovaret eshte e papranueshme ftesa qe i eshte bere ish presidentit serb Tadiq nga Partia Socialiste , plus nje afri me grekerit e bejne Ramen jopopullor ne Kosove .

Rama duhet me ndrru qasjen ndaj Kosoves .