Presidenti shkarkon tre gjeneralë të Forcave të Armatosura

[Albo]

Lirohen nga detyra 3 gjeneralë të FA-vë

Presidenti i Republikës, Bujar Nishani ka dekretuar lirimin nga detyra të tre gjeneralëve të lartë në rradhët e Forcave të Armatosura Shqiptare. Tre dekretet që mbajnë datën 21 maj, lirijnë nga detyra, Gjeneral Brigade Sander Lleshit, Zëvendësshefi i Shtabit të Përgjithshëm të Forcave të Armatosura, Gjeneral Brigade Abaz Lleshi Komandanti i Brigadës së Mbështetjes Rajonale si dhe Komandantit të Forcës Ajrore dhe daljen në lirim, Gjeneral Brigade Dhori Spirollari.

“Në mbështetje të neneve përkatëse të Kushtetutës “Për Pushtetet dhe Autoritetet e Komandimit e të Drejtimit Strategjik të Forcave të Armatosura të Republikës së Shqipërisë, i ndryshuar, me propozim të Ministrit të Mbrojtjes, Presidenti dekretoi: Lirimin nga detyra të Gjeneral Brigade Sander Lleshit, Zëvendësshefi i Shtabit të Përgjithshëm të Forcave të Armatosura, Gjeneral Brigade Abaz Lleshi Komandanti i Brigadës së Mbështetjes Rajonale si dhe Komandantit të Forcës Ajrore dhe daljen në lirim, Gjeneral Brigade Dhori Spirollari.”

Panorama

[Albo]

Gjenerali i shkarkuar: Përplasje me Imamin për NATO-n

Gjenerali i shkarkuar, Sander Lleshi, interviste per gazeten “Panorama”.

Presidenti Bujar Nishani ka dekretuar lirimin nga detyra të zëvendësshefit të Shtabit të Përgjithshëm të Forcave të Armatosura dhe daljen në lirim të gjeneral brigade Sandër Lleshit. Dekreti mban datën 21 maj 2013, por vetëm dje është bërë publik. Duket se as vetë z. Lleshi nuk ka pasur dijeni lidhur me dekretin. Të paktën kështu deklaron ai ndër të tjera, teksa flet për gazetën “Panorama”…

Si e morët vesh lajmin e lirimit nga detyra?

E mora vesh në rrugë krejt të tërthortë, informale. Madje, pa e ditur se unë kam qenë i liruar nga detyra, kam qenë në detyrë këto ditë. Derisa dje, jozyrtarisht, më ra në dorë një fotokopje e lirimit tim nga detyra.

Cila është arsyeja e lirimit nga detyra?

Dekreti është goditje në palcë ndaj parimeve të funksionimit të Forcave të Armatosura, i pambështetur në ligj. Përveç dy rreshtave të lirimit tim nga detyra, nuk ka asnjë lloj arsyeje, asnjë lloj motivi shpjegues. Ishte dekret gjysmak nga ana ligjore e parimore, që shkel mbi ligjin për karrierën e gradave të FA-ve.

Nëse e konsideroni si të pambështetur në ligj dekretin e Presidentit, si do të veproni ju?

Derisa dekreti është zyrtar, pavarësisht se i kundërligjshëm, unë do ta respektoj. E konsideroj veten jo më pjesë e Forcave të Armatosura. Por unë do të ndjek rrugën ligjore lidhur me këtë dekret dhe do t’i drejtohem gjykatës.

Mos keni pasur ndonjë mosmarrëveshje me z. Nishani?

Me z. Nishani nuk kam pasur asnjë lloj mosmarrëveshje dhe asnjë lloj marrëveshje.

Po nga kush mund të ketë ardhur shkarkimi juaj?

Mendoj se lirimi im nga detyra ka ardhur nga ministri i Mbrojtjes, z. Arben Imami. Arsyetoj se ka qenë propozimi i tij.

Si arsyetoni? Keni pasur ndonjë konflikt me z. Imami?

Me z. Imami kam pasur divergjenca që kanë histori të gjatë.

Çfarë divergjencash?

Divergjenca të rëndësishme parimore për mënyrën e funksionimit të drejtimit të FA; Raportet me NATO-n dhe plotësimi i detyrimeve në kuadër të NATO-s, trajtimi i personelit dhe i njerëzve në FA dhe fokusimi i FA brenda misionit të tyre.

(Intervisten e plote marre nga Elisabeta Ilnica e lexoni sot ne Panorama)

[Archon]

Tre gjeneralet e shkarkuar se fundmi nga Presidenti Bujar Nishani, Sandër Lleshi, Dhori Spirollari dhe Abaz Lleshi kanë lëshuar akuza të forta, ndaj kreut të shtetit, ministrit të Mbrojtjes Arben Imami dhe kryetarit të Komisionit të Sigurisë.

Ata kane argumentuar se dekreti per shkarkimin e tyre dhe 30 per qind te gjeneraleve eshte i paligjshem. Ata thane se ne te njejten menyre eshte vepruar edhe per qindra ushtare profesioniste.

"Ne mendojmë se Presidenti i Republikës ka shpërfillur jo vetëm ligjin, por edhe vendimet e formës së prerë të Gjykatës, e cila ka shpallur si të paligjshëm lirimin e disa gjeneralëve të Forcave të Armatosura nga Presidenti i Shqipërisë, në një praktikë të ngjashme të realizuar vetëm para disa kohësh. Vendimi i Presidentit vetëm për të liruar gjeneralët nga detyra dhe mosdekretimi i zëvendësuesve në funksionet përkatëse përbën një precedent serioz. Ngutja për të krijuar vende bosh në strukturën e lartë të komandimit e drejtimit strategjik të Forcave të Armatosura është e pajustifikueshme", tha Sandër Lleshi.

Zoti Sandër Lleshi tha se shkarkimi i tij ka ardhur pasi 'Forumi Shqiptar i Kanadasë' ka kërkuar lirimin e tij.

"Unë shpreh publikisht dyshimin se autoritetet në fjalë janë motivuar nga propozimi i një organizate integraliste me natyrë të errët, e quajtur 'Forumi Shqiptar i Kanadasë', e cila ka dërguar një propozim publik për lirimin tim nga Forcat e Armatosura me pretendime absurde që lidhen thjesht dhe vetëm me besimin tim katolik", tha Lleshi.

E ndersa vendet e ketyre gjeneraleve jane ende bosh, duke sjellë edhe rrezik per sigurine kombetare, vendimi per shkarkimin e tyre eshte marre pas nje shkrese qe mban daten 25 mars, te vitit 2012 qe gjenerali Sander Lleshi ka derguar prane Komisionit te Sigurisë Kombëtare dhe ku theksohet se nuk ka ende nje strategji kombetare per Forcat e Armatosura dhe ende nuk eshte miratuar Ligji per Gradat.

"Testi i gradimit bazohet në një ligj të vjetër dhe ndërkohë të dëmshëm për Forcat e Armatosura. Rekrutimi, emërimi dhe lirimi i personelit ka degraduar në një proces krejtësisht arbitrar, personal dhe jotransparent. Pasojë e këtij sistemi janë shumë emërime pa asnjë kriter profesional dhe dekurajim i personelit cilësor dhe me integritet", tha Lleshi.

Ne deklaraten e tyre ata kane argumentuar se Forcat e Armatosura te Shqiperise po vuajne jo vetem nga emerimet dhe shkarkimet e njeanshme, por edhe nga nje fryrje artificiale e radheve te Ushtrise, te cilat kane mungesa ne uniforma dhe ne automjete.

Gjendja, por edhe trajtimi i Forcave te Armatosura u tha ne deklarate eshte krej ndryshe nga imazhi mediatik qe paraqitet e per te cilin harxhohen miliona. Rekrutimi dhe lirimi i personeli behet permes vendimmarrjeve personale dhe pa kritere profesionale.

Ministria e Mbrojtjes: Shkarkimet të Ligjshme

Por në një reagim të sajin, Ministria e Mbrojtjes i cilëson të pabaza akuzat e tre ish-gjeneralëve dhe thotë se shkarkimet e tyre janë të ligjshme.

“Për lirimin e gjeneralëve nga detyra është zbatuar me përpikmëri kuadri ligjor. Akuza për diskriminim mbi bazë fetare është e papranueshme dhe absurde, pasi Forcat e Armatosura do të mbeten një institucion laik. Me dekretin e presidentit, shkarkimet janë bërë në mënyrën e duhur dhe në kohën e duhur”, deklaroi Ministria e Mbrojtjes.

/ Top Channel

[Archon]

Gjeneralet pretendojne se jane shkarkuar pas nje letre qe nje organizate e quajtur"Forumi shqiptar i Kanadase" i ka drejtuar Presidentit te Republikes
per me shume http://www.albforcan.org/

GJENERALËT E SHKARKUAR, “ALELUJAH” DHE FORUMI SHQIPTAR I KANADASË

EDVAL ZOTO

Largimi nga shërbimi aktiv ushtarak i tre gjeneralëve të Forcave të Armatosura ka shkaktuar debat, sidomos rasti i Gjeneral Sandër Lleshit, i cili ka pasur detyrën më të lartë ndër ta. Një ndër arsyet e largimit, sipas vetë ish-zv/shefit të Shtabit të Përgjithshëm, është influenca e një kërkese drejtuar autoriteteve më të larta shtetërore dhe atyre ndërkombëtare për shkak se ai ishte “një individ që cenon rëndë figurën e ushtarakut, rendin kushtetues, shekullarizmin e shtetit dhe keqpërfaqëson NATO-n”. Kjo kërkesë nënshkruhej nga dikush që quhet Rexhep Karruku, “kryetar i nderit të kryesisë” së një subjekti të titulluar “Forumi Shqiptar i Kanadasë”, pas një shkrimi të Gjeneral Lleshit botuar në të përditshmen “Panorama”, më 1 prill të këtij viti, me rastin e përvjetorit të anëtarësimit të Shqipërisë në NATO, dhe të titulluar “NATO, aleanca jonë”. Në këtë shkrim gjenerali bën një parantezë historike dhe këtu përmend faktin e shkëputjes gjeografike dhe politike të Shqipërisë nga “baza” europiane e kontinentit. Sigurisht, dhe e pranuar botërisht, në një mijë vitet e fundit, ndarja politike, ose më mirë administrativo-politike e Europës, filloi me ndarjen e kishës katolike, e cila në atë kohë e për shumë shekuj me radhë kishte një rol parësor në planin e shtetdrejtimit dhe shtetrregullimit. Më pak e pafat ishte kisha ortodokse, e Lindjes, e cila e humbi autoritetin e saj në krahasim me kishën perëndimore qoftë edhe për shkak të dyndjeve të popullsive të reja nga të katër anët e territorit të saj dhe kërkesave e luftërave të tyre për vetadministrim apo për zotërim.

Gjithsesi, pa rënë në grackën e absolutizmit, dy fakte të pamohueshme lidhen me këtë ndarje gjeografike-politike të kontinentit të vjetër: e para, pjesa lindore mbeti më e varfër, më e pazhvilluar dhe më problematike se pjesa perëndimore e tij; e dyta pozicioni gjeografik i vendosjes së popullsisë shqiptare, ndaloi së qeni një faktor progresi për të. Pak a shumë këtë nënkupton edhe gjeneral Sandër Lleshi kur shprehet se bashkimi i kufijve tanë me kufijtë e NATO-s është dhe thyerje e kufijve të prapambetjes shumëplanëshe. Këtij interpretimi të gjeneralit kundërshtarët i shtojnë ngjyra fetare, luftarake, raciste e çdo ngjyrë tjetër të diapazonit të prodhuar nga një mendje e indoktrinuar që të sjellin në referencë metodat e përdorura nga aktivistë fundamentalistë e radikalistë fetarë për të modifikuar kuptimet e mesazheve të përdorura nga persona publikë. “Forumi Shqiptar i Kanadasë” prezantohet me një faqe internet pa kurrfarë të dhënash mbi objektivat, aktivitetin e tij, anëtarët, kryesinë, apo të dhënat të tjera që e ngrenë nga niveli anonim në një subjekt të mirëfilltë publik.

Një pikë tjetër, e cila ka shqetësuar denoncuesit, qenka ajo pse gjenerali shqiptar përdor fjalën “alelujah”, me të cilën përshëndet anëtarësimin e Shqipërisë në NATO. Fjala “alelujah” është një term biblik, me prejardhje hebraike, që në shqip nënkupton “lavdi i qoftë Zotit”. Si shprehje me origjinë hebraike, ajo ka hyrë në përdorim për shkak të trashëgimisë kulturore jezuito-kristiane. Fare mirë mund të merret edhe si shenjë e mirëkuptimit kulturor dhe fetar. E njëjta ka ndodhur dhe me fjalën “salaam”, pjesë e fjalorit kuranik, por që ka prejardhjen nga fjala hebraiko-jezuite “shalom”. Qoftë “alelujah”, “shalom”, “salaam” janë fjalë të ndërkombëtarizuara dhe të ndërfetarizuara, aq sa për një individ me arsye të shëndoshë, përdorimi i këtyre fjalëve nuk nënkupton domosdoshmërisht apo asfare përkatësinë fetare të tjetrit. Por, denoncuesit e Forumit Shqiptar të Kanadasë, shkojnë më tej dhe vendosin paralelizmin e alelujah-s të gjeneralit me “allahu akhbar” të muzhahidinëve islamikë. Së pari, ky duket një manipulim që tenton të analogjizojë (gabimisht) një thirrje me nuancë fetare me një tjetër, duke vendosur një paralele midis autorëve të tyre. “Allahu akhbar” në shqip nënkupton “allahu i madh” apo “zoti i madh”; dhe kjo shprehi për çdo besimtar mysliman ose jo është më se normale dhe tepër e zakonshme. Nga ana tjetër djallëzia qëndron te tentativa e demonizimit të gjeneralit njësoj si muzhahidinët, paçka se “muzhahidin” nuk ka kurrfarë kuptimi negativ (Termi lidhet me luftëtarët afganë, të cilët morën malet gjatë pushtimit rus të Afganistanit, në tentativë për të çliruar vendin, gjë që e arritën në njëfarë mase me ndihmën e Pentagonit).

Gjenerali ka përdorur fjalën “hallelujah” në shenjë hareje dhe gëzimi! Por, qoftë kjo dhe një ekspresion i një besimtari, a mund të pretendohet se gjenerali tejkaloi ligjin mbi laicitetin e Forcave të Armatosura apo laicitetin e shtetit. Si fillim, përmendja e Zotit apo figurave fetare nuk nënkupton domosdoshmërisht aktivizëm fetar. Ushtarakët shqiptarë, pa përjashtim, në prani të ngritjes së flamurit kombëtar këndojnë himnin, i cili në një strofë të tij përmban “se Zoti vetë e tha me gojë”. Pra, i bie që të gjithë e paskemi shkelur parimin e laicitetit në FA, por edhe në administratën shtetërore e gjithandej, pasi paskemi përmendur “Zotin”. Po kështu, drejtuesit e shteteve, kur përcjellin ushtarakët për në misione jashtë vendit, shtojnë dhe “Zoti qoftë me ju”. Pse nuk janë denoncuar dhe ata vallë? Drejtuesit më të lartë të shtetit, përfshirë dhe ushtarakë të lartë takojnë gjithnjë krerë të komuniteteve fetare për të shkëmbyer urime apo dhe për të bashkëpunuar sipas rregulloreve të ndryshme, të frymëzuara në ligje. Pra, përmendja e Zotit, apo fjalëve me kuptim fetar, jo vetëm në rrethana aspak religjioze, por edhe tepër laike, nuk nënkupton aktivizëm fetar. Argumenti i paraqitur nga denoncuesit kundër gjeneralit nuk ka kurrfarë vlere as ligjore e as morale, gjithnjë nëse denoncuesit flasin nga pozitat e të shqetësuarve, pasi në pozitat e manipulatorëve e radikalizuesëve, argumenti i paraqitur përputhet plotësisht me qëllimet e tyre.

Pas shqyrtimit të argumenteve kundër gjeneralit, le të shikojmë denoncuesin. E para, pasi paraqet disa elementë misteriozë në planin publik të tij dhe, e dyta, pasi jo vetëm është gjenerues i një agresioni publik dhe që tenton të dëmtojë interesat e një prej figurave më të larta ushtarake e shtetërore shqiptare (në kohën e shkrimit të letrës gjenerali ishte në detyrë, por edhe tashmë në lirim ai vijon të mbetet një person i rëndësishëm në kuadrin e sigurisë kombëtare, për shkak të pozicionit që ka mbajtur), por edhe pse synon të radikalizojë dhe manipulojë opinionin publik në aspektin fetar dhe të shtetdrejtimit.

Forumi Shqiptar i Kanadasë prezantohet në web, nëpërmjet një faqeje të gjendur në www.albforcan.org. Faqja nuk përmban asnjë element identifikues siç është e zakonshme për subjekte publike, qoftë të llojit “forume” apo dhe të vendndodhjes, në diasporë. Postimet në këtë faqe janë të pakta dhe ndër të cilat në një postim kundërshtohet vendosja e një statuje të Nënë Terezës në Montreal të Kanadasë. Në postim Nënë Tereza cilësohet si “figurë kontroversiale” dhe “jo heroinë kombëtare shqiptare”. Nota e protestës prej forumit i është dorëzuar në atë kohë dhe ambasadores shqiptare atje, znj. Elida Petoshati, si dhe Zonjës së Parë, znj. Odeta Nishani. Ndërkohë, që prej shkarkimit të gjeneral Lleshit, në faqen e forumit janë shfaqur disa postime që përshëndesin largimin e tij. Përveç një adrese emaili për informacion dhe emrit Rexhep Karruku, nuk ka asnjë informacion tjetër mbi objektivat, organizuesit e forumit apo pjesëtarëve të tij. Nga një kërkim në internet mbi emrin në fjalë regjistrimi i vetëm lidhet me një qytetar të Republikës së Shqipërisë i datëlindjes 1941 dhe banues në Tiranë. Rexhep Karruku nuk figuron në asnjë regjistrim tjetër në internet.

Një tjetër kërkim me emrin e Forumit, tregon se forumi është i regjistruar në regjistrin e bizneseve të Kanadasë si një kompani që prej vitit 2011 dhe me status aktiv. Drejtues të kësaj kompanie janë tre individë: Ilirjan Shehu, Ergys Shehu dhe Olsi Jazexhi. Ilirjan dhe Ergys Shehu rezultojnë nga një kërkim në internet si nënshtetas shqiptarë të datëlindjeve 1979 dhe 1985 dhe banues në Durrës. Olsi Jazexhi nuk gjendet në listat zgjedhore të publikuara nga Ministria e Brendshme shqiptare, gjë që të bën të besosh se ndoshta nuk është nënshtetas shqiptar. Emrat e drejtuesve të Forumit, me përjashtim të Ergys Shehu, janë tepër të njohura në forumet mediatike me tematikë islame, dhe po aq sa të famshme dhe kontroversiale. Qoftë Ilirjan Shehu dhe më së shumti Olsi Jazexhi janë autorë të shkrimeve në shumë forume islame por edhe në gazetat online. Nga një vështrim i shpejtë i shkrimeve të tyre dhe përmendjes së tyre në shkrimet e të tjerëve nuk është e qartë cilës rrymë të fesë islame i përkasin, pasi më së shumti kritikojnë rrymat fetare të Islamit, si dhe një numër të madh figurash kryesore të shtetit shqiptar, por edhe figura politike shqiptare në rajon, kryesisht për qëndrime të tyre fetare. Nga ana tjetër, kundrejt tyre drejtohen kritika dhe akuza të panumërta në lidhje me aktivitetin e tyre mediatik. Gjithnjë nga një vështrim i shpejtë, shprehjet e këtyre dy individëve në shkrime në internet nuk dallohen për tolerancë në aspektin qytetar apo fetar.

Gazeta Shqip

[derjansi]

Sandrin e paskan shkarku se asht katolik edhe Dhorin se asht ortodoks

Po Abazi i shkret pse?

[Mike Oldfield]

Po lere o gjeneral Lleshi fene, mos na ngaterro me ate qe nuk na kane ngaterruar as armiqte me te eger te Shqiperise e shqiptareve. Per shqiptaret e para eshte kombi, me pas per ate qe beson eshte edhe feja. I madhi Gj.Fishta e te tjere kishin yllin polar te tyre thenien "per fe e per atdhe".
Ti duhet te kesh ndonje problem tjeter, me ndonje nga vendet me te rendesishme te NATO-s qe te kane keputur karrigen. Prandaj mos na ngaterro me te tilla problematika e me forume emigrantesh, qe arrinkan deri te presidenti per te shkarkuar zotrote !

[Sayan2003]

Sandrin e paskan shkarku se asht katolik edhe Dhorin se asht ortodoks

Po Abazi i shkret pse?

Abazit shkret sja ma me thon qe m'sharkun se jom myslymon se ja m'shtjellin sikur o terrorist

[Reschen]

Ishgjenerali Lleshi eshte i lindur ne Mirdite ne kufi me Dibren, rreth 1 km pa dale jashte juridiksionit te krahines te emetuar si treve me vete qe ne kohe te kaluara. Megjithate ai quhet mirditor dhe i tille eshte, megjithese presidenti i Shqiperise qyteti i te cilit shquhet per shqyerje pantallonash nga mbrapa, e hoqi me motivacion presionesh nga jashte Shqiperise apo sepse i druhet zgjedhjeve te ardhshme presidenciale te cilat keto zgjedhje jo vetem kane karakter autoritar dhe jane ceshtje e brendshme e parlamentit, qe tregon diktature dhe aspak demokraci. Por megjithate populli nuk pyetet per voten e tij per referendume dhe votime jetike per ceshtjen e identitetit kombetar, zgjedhjet per president behen me vote popullore qe ne fakt qe prej viteve 1700-1800 kudo ku ka republike ne Europé e ashtquajtur latinisht res publica, presidenti zgjidhet nga populli me vote popullore.

Megjithate ishgjenerali qe ishte ne prag te majave te pushtetit si Shef i forcave te armatosura harroi se ka rreth 1000 femije ne veri te Shqiperise qe punojne ilegalisht ne Shqiperi per te ushqyer prinderit e tyre te ngujuar, nderkohe qe per paradoks kryetari i bashkise se Lacit don ta ktheje Lacin qytet turistik fetar, qarku Lezhe shquhet per inagurime zyrash per femije jetime dhe trajtime ne ambiente te tillla te femijeve qe kane kaluar kriza dhe momente te tmerrshme kur prinderit e tyre kane bere krimin, POR QE NE TE VERTETE JANE THJESHTE FORMALITETE per te thithur para. Ne Shkoder komiteti i pajtimit te gjaqeve ka arritur tashme te kaloje ne nje faze tjeter, ate te trafikimit te certifikatave ku thuhet se dikush eshte ne hasmeri per te marre azil ne Bashkimin Evropian.

Atehere neqoftese azili me arsyetimin "ne rrezik per jeten" eshte aktual perseri ne Shqiperi, kush do te futet ne BE?

Ekipi i Minatorit te Rreshenit akoma eshte ekip me nje emer rrenqethes ku shumica e minatoreve te minierave vdiqen nga selikoza pa arritur as te protestojne per kushtet e tyre dhe minatori i rreshenit u shpall kampion i Shqiperise dhe sikur te ishin pak me serioze do kishin fituar zemrat ekomunitareve te vendlindjes se zotit lleshi te cilit i mungonte nje grade per tu shpalluar gjeneral i FSH.

Vjet ishte Ismail Kadare qe e shpalli si kandidature per president, per partine socialiste zotin Sander Lleshi megjithate intervista e zotit sander Lleshit pas zgjedhjes se presidentit , per gazeten panorama ku dukej disi krahasim i popullit me nje kopsht zoologjik, ishte nje minus qe ne nje vend tjeter evropian , do ta hiqnin prej detyre por as edhe nje lloj sigurimi nuk do merrte nga shteti ky gjeneral.

[USA NR1]

Abazit shkret sja ma me thon qe m'sharkun se jom myslymon se ja m'shtjellin sikur o terrorist

lol !!!..........

[benseven11]

Shkarkimi eshte i padrejte dhe askush nuk e ka ate te drejte te behet polic
i ligjerates.
Gjenerali eshte i lire te shprehe opinionet dhe faktet qe ka dhe te pushohet
nga puna pasi dikujt nuk i pelqen ligjerata e tij eshte jo bindese dhe padrejtesi.
Nuk ka ofenduar ndonjeri,nuk ka share,nuk ka shpifur per ndonjeri publikisht,
nuk ka kercenuar,nuk ka nxitur
armiqsira konflikte lufte etj ne ato qe ka shkruar.