Kryeministri hungarez krahason Merkelin me Hitlerin

[Akili-A]

Kryeministri hungarez nuk është i treguar i kujdesshëm në deklaratën e lëshuar ndaj kancelares gjermane Angela Merkel, teksa e krahasoi me diktatorin Hitler. Kjo ka shkaktuar zemërim të madh në Berlin, i cili i komentoi deklaratat e kryeministrit, Viktor Orban, si “përkeqësim i mjerueshëm”.

Kryeministri hungarez iu referua pushtimit të Hungarisë nga Hitleri në vitin 1944, pasi Merkel tha se, ajo nuk do të dërgonte “kavalerinë” për shqetësimet mbi ndryshimet që i ka bërë partia e tij Kushtetutës vendase. Kancelarja gjermane tha në Berlin se, ajo dëshironte ta nxiste Hungarinë në një drejtim të qartë demokratik.

Merkel, duke folur në konferencën vjetore, “Europaforum WDR” tha se, “ne do të bëjmë çdo gjë për ta çuar Hungarinë në rrugën e duhur, por jo duke dërguar menjëherë kavalerinë”.

Liderët e Hungarisë kanë reaguar për termin “kavaleri”, edhe pse Merkel e kishte përdorur atë si batutë, duke iu referuar liderit vendës të opozitës, Pier Steinbruk. Rivali i Merkel në zgjedhjet e përgjithshme që mbahen në Gjermani në shtator, zemëroi Zvicrën në vitin 2009 për sistemin e fshehtë bankar, duke paralajmëruar se ky vend përballej me kërcënimin e “kavalerisë”./Shekulli Online

[Antiproanti]

Kryeministri hungarez krahason Merkelin me Hitlerin

Usheheqesi i fundit ne Europe qe ka te drejte te beje krahasime te tilla...