Te shohim para por te mos harrojme te kaluaren se perndryshe ajo do te perseritet.

[DYDRINAS]

Te shohim para por te mos harrojme te kaluaren.

Dhe kjo e gjitha permes asaj qe eshte thene nder vite ne Forumin Shqiptar.

15-02-2003

PD reagon pas vendimit kriminal të Gjykatës: Ky është falimentin i Shtetit përballë krimit

"Hakmarrja" në shërbim të SHISH të Klosit"

Ngjela: "Për grupin që ka liruar gjykata, ne kemi të dhëna të plota se kanë qenë në shërbim të SHISH-it, të drejtuar nga ish-kryetari Fatos Klosi. Nëpërmjet Klosit dhe Pobratit, ai grup ka punuar në Shërbimin Informativ"

Partia Demokratike ka reaguar pas pushimit të akuzës ndaj grupit kriminal "Hakmarrje për drejtësi" dhe mbylljes së çështjes nga Gjykata e Tiranës, pa mundur të japë asnjë gjykim, duke e vlerësuar këtë akt si falimentim të shtetit përballë krimit të organizuar dhe rrjeteve mafioze. Këto komente i bëri sekretari i Marrëdhënieve me Publikun i kësaj partie, Spartak Ngjela, gjatë një konference shtypi të dhënë dje në selinë e kësaj partie në Tiranë.

Ngjela ka akuzuar qeverinë shqiptare se është e lidhur me krimin e organizuar, i cili po godet institucionet më të larta. Sekretari i Marrëdhënieve me Publikun i PD-së e ka argumentuar këtë akuzë të opozitës, duke sjellë si shembull çështjen gjyqësore ndaj organizatës kriminale "Hakmarrje për drejtësi", të cilën Gjykata e Tiranës e pushoi atë së gjykuari pa mundur të japë asnjë gjykim.

Sipas drejtuesit të lartë demokrat Ngjela, organizata kriminale "Hakmarrje për drejtësi" ka qenë në shërbim të Shërbimit Informativ Shtetëror dhe të vetë ish-kreut të tij Fatos Klosi.

Skandali i gjykatës, është shprehur Ngjela, dëshmon falimentimin absolut dhe total të shtetit.

"Kjo tregon se shteti po falimenton përfundimisht para krimit, ndryshe nuk shpjegohet edhe skandali i djeshëm ku Gjykata e Tiranës pushoi çështjen për grupin "Hakmarrje për drejtësi", u shpreh ai.

Në vazhdim të komentit të tij, Ngjela tha se "ne e konceptojmë këtë si fillim të falimentimit total të shtetit dhe i bëjmë thirrje organit të akuzës, por edhe gjykatave, që të kenë parasysh se për grupin që kanë liruar, ne kemi të dhëna të plota se kanë qenë në shërbim të SHISH-it, të drejtuar nga ish-kryetari Fatos Klosi. Nëpërmjet Klosit dhe Pobratit, ai grup ka punuar në Shërbimin Informativ. Ne do t’i drejtohemi dhe drejtorit të ri të SHISH-it që të zbardhë këtë çështje", tha në fund sekretari i Marrëdhënieve me Publikun i kësaj partie, Spartak Ngjela.

M.Buçpapaj

[DYDRINAS]

16-02-2003

KERCENOHET KRYEREDAKTORI I GAZETES "TEMA"

Kercenimi pason nje editorial te kryeredaktorit te gazetes rreth rrezikut te formimit te embrionit te "Brigadave te Kuqe" ne Shqiperi, per shkak te perkrahjes nga shteti per grupe te inkriminuara. Te shtunen rreth ores 14 40 minuta ne mesdite ne numrin e telefonit te redaksise, nje ze, i nje djali te ri me dialekt nga Vlora, kercenoi me zhdukje fizike kreyredaktorin e gazetes"TemA", Mero Baze. Fjalori jo i qarte i telefonuesit dhe perpjekja e tij per te folur me shume ne dialekt vlonjat, e ben te paqarte se per cfare konkretisht ai kercenonte kreyredaktorin dhe gazeten. Ne po zbadhim pak a shume permbajtjen e bisedes qe u be rreth ores 14 40 minuta ne telefonin e redaksise me numer 04 251069. -Alo gazeta "Tema".Ore Mero Baze, ti je mor zagar, e di cfare te bejme ne apo jo. Ore cfare te duket vetja ty ore. E di qe vij aty e ju djeg te gjalle per dy minuta, ore shke.... O Mero Baze e di qe te zhduk me cfare te perban pragu.. Ti zhduk ato qe ke ne shtepi e di c'te punoj apo jo....Pse e kruani me ne ore...

Pas kesaj gazetari qe ishte ne linje sqaroi se nuk ishte Mero Baze dhe telefonuesi vazhdoi te sqaronte se po te vinte ne redaksi do tu zhduk te gjalle. Telefonuesi pas kesaj zbuti tonet dhe tha se ishte i prekur nga gazeta se i kishn thene se i kane nxjerre atje numrin e telefonit si vrases ose trafikant. Kercenimi pason nje editorial te kryeredaktorit te gazetes rreth rrezikut te formimit te embrionit te "Brigadave te Kuqe" ne Shqiperi, per shkak te perkrahjes nga shteti per grupe te inkrimunuara. Gazeta po ashtu hapej me titullin mbi lidhjet e organizates "Hakmarrja per Drejtesi" me SHIK-un ne kohen qe drejtohej nga Fatos Klosi.

Redaksia do ti drejtohet Prokurorise per te hetuar telefonaten ne fjale dhe personat qe qendrojne pas saj.

TemA

[DYDRINAS]

06-10-2003

EKZEKUTIMI I SINES/ TELEFONATA ANONIME

Kërcënohet taksisti që pa vrasësin e shoferit

Basir Çollaku

Kërcënohet dëshmitari i vetëm i identifikuar dhe njëkohësisht nën ruajtje, i vrasjes së Genci Sinës, shoferit të prokurorit të përgjitshëm Theodhori Sollaku. Mosmbajtja e premtimit të dhënë, fjalët e nxjerra, dëshmnia e tij në polici dhe në shtyp, sapo janë bërë të ditura për vrasësin kanë bërë që shoferi që transportoi atentatorin e gradistit të marrë mesazhin e dytë brenda një jave të tmerrshme për të. Sipas të njëtave burime, është thënë se në momentin e largimit pas vrasjes, killeri i ka thënë taksistit se "po fole kam për të të zhdukur". Burime nga grupi i hetimit pohojnë se mesazhi i ka vajtur nga të njohur të përbashkët të taksistit dhe të vrasësit. Nuk duhej të kishte folur A.T, sepse ekzekutori i Genci Sinës ka porositur qartë. Burime nga Ministria e Rendit Publik bëjnë të ditur se killeri profesionist ka rënë në dijeni të adresës së re të "shoferit" të tij duke shfrytëzuar avantazhin e mosnjohjes nga forcat e shumta të policisë. Tentativa e bërjes së identikitit nëpërmjet rrëfimeve të dëshmitarëve okularë, nuk ka dhënë ende një foto të pastër që të korrespondojë me të kërkuarin. Njëkohësisht, ai ka dhe telefonin e "mikut" të tij dhe kjo ka shërbyer që të provojë të bisedojë me mikun që, sipas tij, e ka tradhtuar. Polica, pas marrjes së kërcënimit të përsëritur ka shtuar masat e sigurisë për dëshmitarin dhe familjen e tij. Ndonëse dhe vetë taksisti ka qenë i porositur nga policia që të mos flasë, diçka ka pohuar dhe shqetësimi është shndërruar në paralajmërim për jetën e atij që ka parë dhe që njeh vrasësin e Sinës.

Vrasësi
Forcat speciale që e ruajnë njeriun provë janë habitur se si vrasësi ka rënë në kontakt me "pengun" e tyre. Me këtë rishfaqje kërcënuese të vrasësit pranë njeriut që e njeh, ekipi i hetimit ka marrë një tjetër provë, nëpërmjet së cilës tenton adresën e tij. Vrasësi i Genci Sinës nuk është nga veriu, por nga jugu i Shqipërisë. Gjithashtu burime të grupit të hetimit pohojnë se atentatori nuk është me syze. Deri tani, sipas veprimeve që janë kryer, është arritur në konkluzion se pas killerit që ekzekutoi shoferin e familjes Sollaku, ka dhe emra të tjerë po aq të rrezikshëm dhe kontingjent të krimit sa ai. Nga të dhënat e mbledhura prej policisë rezulton se atentatori e ka krim të përsëritur vrasjen. Pistat dhe versionet janë të shumta deri në stadin e tanishëm të hetimit.

Gazeta Shqiptare

[DYDRINAS]

06-10-2003

Hetim 3 mbikqyrësve të VEFA

Shitën për 5 dollarë tokën në Sarandë

Se pronat e firmave piramidale të blera me paratë e kreditorëve të mashtruar janë shitur për 5 lekë, kjo është duke u vërtetuar pas një serie dosjesh penale të hapura nga prokuroria. Para pak ditësh në Prokurorinë e Tiranës është regjistruar hapja e dosjes penale në ngarkim të tre administratorëve të ish-piramidës VEFA, të cilët janë përgjegjës të shitjes së një trualli prej 5000 metra katrorë pranë qytetit të Sarandës me një çmim 10 deri në 20 herë më të ulët se çmimi real. Sipas një burimi të prokurorisë, procedurat hetimore kanë filluar në kuadër të verifikimeve që akuza po kryen mbi shkeljet e vërejtura gjatë shitjes së objekteve në pronësi të skemave piramidale.

Toka e Kanalit të Çukës
Truallin prej 5000 metra katrorë në zonën e Kanalit të Çukës në afërsi të qytetit të Sarandës kishte mundur ta blinte, ndërsa përjetonte lulëzimin e vet, ish-bosi i firmës piramidë Vehbi Alimuça. Pas rrënimit të këtyre skemave, të gjitha pronat u administruan nga shteti i cili më pas i vuri në shitje me ankand. Pikërisht ankandi i truallit prej 5 mijë metra katrorë në Kanalin e Çukës është shitur nga tre administratorë të ish-piramidës VEFA me çmimin e hatashëm 5 USD për metër katror. Sipas akuzës, një çmim i tillë në vitin 1999, në kohën kur është bërë shitja, ka qenë 10 deri në 20 herë më i ulët se sa reali. Po sipas akuzës, 5 mijë metrat katrorë të Kanalit të Çukës i janë shitur një njeriu të afërt të një eksponenti të lartë të Partisë Socialiste me çmimin 5 USD për metër katror. Ndërkohë që çmimi i shitjeve në atë periudhë në Sarandë i trojeve më vlerë të përafërt shkonte nga 50 deri në 100 USD për metër katror. Këtë sipërfaqe trualli blerësi e ka përdorur për aktivitet tregtar. Kështu aty ai ka ndërtuar motele, hotele, një pikë karburanti dhe dyqane. Natyrisht që akuza nuk mund të përfshijë në hetim blerësin derisa të mos vërtetohen veprime të paligjshme të tij për të siguruar këtë pronë të VEFA-s.

Hetimi për tre administratorët
Tre administratorët, dy nga të cilët ende në detyrë, hetohen për veprat penale të "shpërdorimit të detyrës" dhe "dëmit të shkaktuar shtetit". Prokuroria po heton nëse gjatë procedurave të shitjes ka patur shkelje të tjera, veç abuzimit me çmimin e truallit. "Administratorët dyshohet t'i kenë shkaktuar shtetit një dëm financiar të konsiderueshëm", thanë burime të akuzës. Pritet që prokuroria të përcaktojë vlerën e dëmit që është shkaktuar. Së shpejti pritet të merren deklarimet e tre administratorëve. fe.de.


Precedenti me abuzimet e administratoreve të Gjallicës

TIRANE - Parregullsitë në shitjen e pronave të ish-firmave piramidale kanë vënë nën akuzë edhe katër administratore të ish-firmës piramidale "Gjallica" në administrim. Akuza që rëndon mbi to është ajo e "shpërdorimit të detyrës", akuzë e cila parashikon një dënim nga gjobë deri në 7 vite burgim. Katër të pandehurat akuzohen se kanë firmosur shitjen nën vlerë të një vilë në qytetin e Studentëve, e cila ka qenë pronë e "Gjallicës". Nga hetimet e kryera ka rezultuar se vila në fjalë është shitur me 3 milion lekë, shumë më pak se vlera reale. Ndërkohë rezultatet e ekspertimit kontabël kanë konstatuar se nga ky veprim shtetit i është shkaktuar një dëm ekonomik prej rreth 96 mijë dollarësh.


Dënime modeste për trojet e shitura

Për skandalin e shitjes së trojeve në Sarandë të filluar që në vitin 1993, ka patur dy raste të marra nën shqyrtim nga drejtësia. Por në të dy rastet drejtësia është treguar shumë e mëshirshme ndaj të akuzuarve. Para pak muajësh ish-shefja e urbanistikës së Sarandës, Ervehe Çumani, e akuzuar për përfshirje në shitjen e trojeve të shtetit në mënyrë abuzive është dënuar vetëm me 2 milionë lekë gjobë pas startimit të procesit penal në Gjykatën e Shkallës së Parë në Sarandë. Madje burime nga Saranda thonë se ajo tashmë ende drejton në Tiranë një sektor të rëndësishëm në një dikaster. Një tjetër proces edhe më pak serioz që ka lidhje me trojet ka marrë të pandehur ish-kryetarin e Bashkisë së Sarandës Çapajev Zëraj

gazeta shqiptare

[DYDRINAS]

31-10-2003

Diplomatja, ne vrasjen e shoferit te Sollakut

Imelda Tasho, punonjese e Drejtorise se Analizes dhe Prognozes ne ministrine e Jashtme, eshte ndaluar mbreme nga policia. Akuzohet per vrasjen e shoferit te kryeprokurorit, Genci Sina ne bashkepunim. Pranon se eshte e dashura e Altin Arapit, i akuzuar si pjestar i organizates "Hakmarrja...", i cili eshte arrestuar dje ne Belgjike

Imelda Tasho ka ngjitur si gjithmone shkallet e godines se ministrise se Puneve te Jashtme, dje pasdite, pa e ditur se ne zyren e saj, ne Drejtorine e Analizave dhe Prognozave te diplomacise shqiptare, do te trokitnin hetuesit e Prokurorise se Pergjithshme. Ata i kane kerkuar qe te shkonte bashke me ta per nje sqarim dhe diplomatja 25 vjecare, bjonde dhe me syze optike, nuk ka ngurruar aspak.

Ajo ka qene po kaq bashkepunuese gjate disa oreve qe eshte marre ne pyetje nga prokuroret. Ajo nuk ka ngurruar te shpjegoje se kishte pak me shume se nje vit qe pasi ishte diplomuar per Filozofi ne Fakultetin e shkencave Sociale te Universitetit te Tiranes. Qe banonte ne nje pallat dhe ne nje hyrje me Orik Shytin, i akuzuar si koka e organizates "Hakmarrja Shqiptare e Drejtesise". E mbi te gjitha, qe ishte e dashura e Altin Arapit, nje kusheri i Shytit, edhe ai i konsideruar si pjetsar i kesaj organizate.

Si u zbulua

Deri ketu, edhe prokuroret duket se nuk jane habitur shume. Pasi duket se ata i kishin ruajtur per ne fund pyetjet perveluese. Kishte qene nje plot 1 mujore qe i kishte bere ata te bindeshin, se as me pak e as me shume, por se vajza e shumperfolur se ishte ne nje taksi me vrasesin e Genci Sines, shoferit te familjes se Prokurorit te Pergjithshem Sollaku, naten e 30 shtatorit, ishte pikerisht ajo: Diplomatja e re shqiptare, Imelda Tasho.

Por, per te mberritur tek akuza zyrtare, ata duhet te zoteronin prova jo vetem nga deshmitaret e ngjarjes, por edhe prova shkencore. Ndaj, me ane te punes operative, kishin arritur jo vetem ta fotografonin 25 vjecare, por edhe t'i merrnin asaj, shenjat e gishterinjve. Nje prove qe pas kesaj, duhej t'i nenshtrohej proves se te vertetes. Ndaj, hetuesit kane vrapuar ne Laboratorin Kriminalistik te Ministrise se Rendit, ku kishin arkivuar te gjitha shenjat e gishterinjve qe ishin lene naten e krimit tek taksia, por edhe tek makina e Sollakut.

Pasi jane futur edhe shenjat e fresketa te diplomates 25 vjecare, nepermjet metodes se kerkimit me perputhje, makina elektronike e instaluar kete vit ne polici, ka bere "bingo". Pra, njera prej shenjave te gishtave tek taksia e krimit, perputheshin me shenjat e gishtave te Tashos. Pas kesaj, nuk kishte me asnje dyshim. Imelda Tasho, megjithe habine qe kishte krijuar tek hetuesit, ishte e dyshuara kryesore si e implikuar ne vrasje.

Ndaj, kur i kane bere pyetjen, nese me 30 shtator, ka levizur me nje radio-taksi me numer telefoni 244 444, ajo eshte pergjigjur pa hezitim: Si te gjithe qytetaret e Tiranes edhe une, leviz shpesh me taksi. Keshtu qe nuk eshte cudi qe te kem levizur, pasi nuk kam pse ta mbaj mend saktesisht daten qe me kerkoni.

gazeta korrieri

[DYDRINAS]

03/11/2003

Gazeta TEMA:

Liria për të lexuar mesazhin e zotit Xhefri

Arjan Vasjari

Miku i nderuar i Shqipërisë, ish-ambasadori amerikan Jozef Limpreht, nuk ka ditur asgjë kur deklaronte tre vjet më parë, një ditë pas zgjedhjeve lokale të 20 tetorit, se "ato ishin të lira dhe të ndershme". Ai nuk ka pasur si ta dinte që p.sh., në Tiranë, zoti Rama u bë kryebashkiak përmes një procesi që në fund të tij kishte rezultuar me rreth 100 mijë fletë votimi të pavlefshme! Formimi i tij politik nuk mund ta lejonte atë të dyshonte në moralin politik të zotit Rama dhe strukturave shtetërore që u angazhuan në mënyrë ilegale për ta shpallur atë kryebashkiak të kryeqytetit! Por zoti Limpreht me siguri nuk e ka imagjinuar që në përzgjedhjen e zotit Rama si kryetar të kryeqytetit të Shqipërisë, të kenë kontribuar në mënyrë aktive një prej strukturave politiko-kriminale më famëkeqe në historinë e shtetit shqiptar, "Hakmarrja për Drejtësi"!!!

Jo, zoti Limpreht nuk ka ditur asgjë nga këto!

Pas atij 21 tetori të gjithë besuan se ishim në kufijtë e një skenari. Pushteti kaloi në delir duke e përkthyer në publik OK-in me stampë amerikane, si një miratim për masakrën. Opozita u ndie një viktimë e parapërgatitur prej tryezave masone dhe ftoi qytetarët në sheshe. Kandidati i saj në Tiranë, një prej njerëzve më të kultivuar të mjedisit politiko-kultural në Shqipëri iku, si për t'iu shkëputur një galaktike të shfazuar. Ambasadorët e tjerë u ndien mirë përderisa gjërat nuk kishin mbërritur deri tek pushka. Media me shumicë pranë pushtetit, hapi shampanjën, e cila duhej të lante atë pak "pisllëk" që mund të bënte Sali Berisha. Dhe pikë.

Sot, tre vjet pas asaj masakre me një OK vullnetmirë prej ish-ambasadorit Limpreht, ne jemi përgjithësisht në të njëjtën moshë demokratike. Nuk jemi rritur. Por koha me pamëshirën e saj ka nisur t'i ndryshojë gjërat.

Ambasadori Limpreht, miku ynë nuk është më. Zoti Rama e ka shumë të vështirë për të qenë më kryebashkiak. Duke e menduar gjithmonë OK për zgjedhjet po aq të thjeshtë sa dhe OK për lejet e ndërtimit, ai besoi se raporti i parë i ODIHR-it ishte një OK për një fotokopje tjetër të masakrës, ndaj dhe mobilizoi çinxhiskanët e votës. Por beteja e gjatë për votën i ka shtuar shoqërisë shqiptare një shqisë më tepër, ndaj dhe ajo e ka fituar betejën me fenomenin Rama në këtë vështrim. Por deri këtu jemi brenda sferës së interesave të një shoqërie parademokratike, e cila e sheh të mbrojtur pemën e saj të lirive më së pari tek liria e votës. Tani shoqërisë i ka ardhur koha të përballet me detyrat e saj, tek të cilat ajo luan me historinë. Asaj i duhet të përballet me "baronët e krimit" të cilët prodhojnë imunitete politike dhe rigjenerohen prej tyre.

Ambasadori Xhefri ishte i qartë në ndarjen e detyrave: "Vendi im, miqtë tanë dhe shqiptarët ju janë vënë pas". Ndoshta kalibri, ndoshta eksperienca, ndoshta distanca me pushtetin apo ndoshta dhe informacioni mbi kalbëzimin e tij, bënë që ne të shohim një optikë më të korrigjuar, më racionale të zotit Xhefri në raport me zotin Limpreht. Xhefri beson tek shoqëria shqiptare, Limpreht besonte tek pushteti. Dhe ky është sinjali më i mirëpritur për veshët tanë, të cilët gati ishin shurdhuar nga sirenat e pushtetit për "marrëdhëniet e shkëlqyera me SHBA-të". Kushdo tani është i lirë ta lexojë si të dojë këtë.

Pushteti mund ta lexojë si "HAKMARRJE". Shoqëria shqiptare pa dyshim si "DREJTESI".

[DYDRINAS]

04-11-2003

gazeta Shekulli

Fatbardh Likskëndaj është arrestuar mbrëmë nga SHKB, pasi i ka siguruar pasaportën Arapit

"Hakmarrja", pranga oficerit të policisë"

Ndihmoi me një pasaportë false Altin Arapin për t'u arratisur pas vrasjes së Sinës

Ardita Bala

TIRANË - Arrestohet Fatbardh Likskëndaj, inspektori i rendit që i ka dhënë pasaportën Altin Arapit, që akuzohet si autor i vrasjes së Genci Sinës. Burime nga ministria e Rendit Publik bëjnë të ditur se inspektori i Rendit në komisariatin numër 4 të policisë është prangosur në orët e vona të mbrëmjes së djeshme, nga kolegët e tij. Likskëndaj ka qënë duke punuar, në mjediset e komisariatit numër 4 të Tiranës, kur është arrestuar me urdhër të drejtuesve të Shërbimit të Kontrollit të Brendshëm. Pasi është zbuluar itinerari i arratisjes së të akuzuarit për vrasjen e shoferit të kryeprokurorit, Altin Arapit, SHKB ka filluar hetimet për të zbuluar implikimin e punonjësve të policisë në këtë arratisje. Fillimisht është zbuluar se Altin Arapi ka mundur të sigurojë një pasaportë me emrin e tij, pak ditë pas vrasjes. Kjo gjë ka nxitur hetimin e mëtejshme, të cilët kanë zbuluar emrin e inspektorit të policisë, që i ka siguruar antarit të organizatës “Hakmarrje për Drejtësi” pasaportën e arratisjes. Edhe pse emri i Arapit kryesonte listat e personave shumë të kërkuar, i akuzuar për një numër të madh veprash penale, të kryera nën “ombrellën” e organizatës së tij, ai ka mundur të sigurojë pa shumë mundim një pasaportë. Për këtë gjë SHKB ka akuzuar inspektorin e Rendit, Fatbardh Likskëndaj, i cili ndodhet tashmë në pranga. Ai është marrë në pyetje nga agjentët e SHKB-së si dhe drejtues të tjerë të policisë së kryeqytetit, për zbardhjen e enigmën mbi pasaportën e të akuzuarit për vrasje, Altin Arapi

[DYDRINAS]

04-11-2003

EDITORIALI


"Hakmarrja..." e Edi Ramës

Nga Mero Baze

Një javë pas paralajmërimeve të Ambasadorit Amerikan në Tiranë për "baronët" që po shkatërrojnë shtetin shqiptar, u duk se në opinionin publik po fitonte guximi mbi frikën që ngjallin organizata të tilla. Nën efektet e mitomanisë shqiptare mbi fuqinë e padukshme të CIA-s dhe fjalët magjike të Ambasadorit Xhefri, shumë gazetarë, intelektualë, përfshi edhe gazetën "Zëri i Popullit", filluan të pranojnë se kemi të bëjmë me një organizatë kriminale me lidhje politike, që ka vepruar prej vitit 1996. Ky ishte një hap i madh, i cili po ngjallte shumë shpresa për shoqërinë shqiptare, e cila më shumë se e tronditur nga aktet konkrete terroriste të këtij grupimi, ndihej e terrorizuar nga avokatia e shtetit për ta. Por ky oaz shprese, i ngjallur "me urdhër" nga Ambasadori Amerikan, nuk zgjati shumë. Të hënën lajmet pozitive ishin për "Hakmarrjen..." e Ramës. Në gazetën më të afërt të kryetarit të Bashkisë së Tiranës, që shpërndahet falas në autobuzat e unazës, i shpallej dënimi me vdekje një deputeti që ka qenë më parë shef komisariati në Tiranë dhe është marrë me arrestimin e "Hakmarrjes për Drejtësi". Paralelisht Edi Rama, në disa copëza gazetash, akuzonte Sali Berishën që e kishte përfolur atë si të afërt dhe me lidhje familjare me organizatën në fjalë. Dhe ndërkohë që njerëzit po tulateshin sërish nga frika prej ofensivës së të akuzuarve, në qendër të Tiranës, shtëpia e kryekomisionerit të zgjedhjeve në Tiranë, Perikli Dhales, zhytet në flakë, pikërisht në kohën kur Dhalesi po denonconte në prokurori falsifikimin e një procesverbali që kërkonte të nxirrte fitues fals të zgjedhjeve në Tiranë, Edi Ramën.

Pas këtyre tre lajmeve, Tirana u rikthye sërish në guackën e saj, e frikësuar se loja me luftën kundër krimit mori fund. Ndjesia që të jepnin dje pasdite emisionet e lajmeve dhe reporterët e zverdhur të gazetave, ishte një sinjal se "baronët" ishin hedhur në ofensivë. Ekrane televizionesh lajmëronin letra të hapura të personave që fshihen nga Interpoli, por gjejnë mundësinë të kontaktojnë me "Al-Jazirat" shqiptare. Fytyra e përlotur e Perikli Dhalesit dhe ironia e Celibashit me krimin ndaj tij, tregonin se kush ishin palët në konflikt, ndërsa ekranet u pushtuan nga avoketërit që iu rikthyen tezës se "Hakmarrja..." nuk ekziston...

Nuk di pse, por e gjitha kjo më kujtoi ditën kur shpërtheu bomba mbi trupin e Prof. Ylli Pangos dhe Edi Rama filloi të shpërndante mesazhe nëpër redaksi se si duhet t'i jepnin lajmet. Dje ndërsa ndiqja cinizmin e krimit në ekrane, kam përfytyruar Edi Ramën duke bërë të njëjtën gjë... duke mbrojtur "Hakmarrjen..." e tij.

[DYDRINAS]

05-11-2003

Nga Gazeta TEMA

EDITORIALI

Stili i Edi Ramës në letrat e Orik Shytit

E prita me kuriozitet letrën e një të kërkuari në emër të organizatës "Hakmarrja për Drejtësi" në gazetën "Korrieri". Po të mos ishte emri në krye të gazetës dhe lajmërimi në formë reklame në lajmet e "TV Klan", as që do të isha përqendruar se po lexoja një letër të Orik Shytit. Dhe duke bërë humor të zi me disa kolegë të mi gazetarë, iu kërkova të më gjenin autorin e letrës, ta merrja gazetar në punë, se ishte më i aftë si gazetar, sesa si i kërkuar për krime!

Së pari, ishte e trishtueshme të konstatoje se një person i tillë, vetëm disa ditë më parë, kishte pasur konsultime konkrete me figura të rëndësishme politike dhe gazetarë për t'u mbrojtur publikisht për akuzat që pëshpëriteshin se organizata "Hakmarrja..." qëndronte pas vrasjes së shoferit të Sollakut. Dhe shkak për të mos dalë publikisht kishte qenë ambasadori amerikan James Jeffrey, i cili kishte bërë paralajmërimin e ashpër. Më tej e trishtueshme ishte se i përfytyruari si autor i letrës, nuk ishte i shqetësuar nga akuzat konkrete që bëhen nga prova të siguruara nga ekspertët për vrasjen e shoferit të Sollakut, por me Sali Berishën. Nëse letrës do t'i hiqje emrin Orik Shyti dhe objektin e mbrojtjes së tij që kishte të bënte me akuzat për të, teksti ishte i njëjtë si fjalimet e gjata të Edi Ramës kundër Sali Berishës, edhe kur u përmbyt Tirana, dhe kur u ngrit Komisioni i Hetimeve, dhe kur nisi fushata elektorale. Stili i Edi Ramës në letrën e Orik Shytit, nuk është çështje akuze për Edi Ramën, por është çështje modeli. Unë nuk mund të shpall tani se në cilin kompjuter është shkruar letra, por e them me siguri se Orik Shyti ka porositur një letër për t'u mbrojtur në stil gazetaresk që u ngjan miqve të tij anti-Berishë dhe sidomos Edi Ramës. Sipas këtij stili e keqja e këtij vendi nuk është pse vriten disa njerëz, pse bëhen disa atentate, por se është gjallë ende "AI", që siç meret me mend nga shkrimet e Edi Ramës, është Sali Berisha, një pengesë serioze për aspiratat e tij dhe të miqve të vet. Unë nuk e di nëse letërshkruesi e ka bërë vetë letrën, me ndihmën e kushurinjve të vet gazetarë, zyrtarë të shtetit, apo kryebashkiak, por di që ai kishte zgjedhur stilin e Edi Ramës, për të mos thënë dorën e tij, për t'u mbrojtur publikisht. Nga letra kuptohej qartë se të akuzuarit për vrasje në këtë vend kanë model Edi Ramën, i cili duket se u jep siguri për t'u mbrojtur publikisht, duke u vënë në dispozicion, në mos kompjuterin, stilin e të shkruarit, kundër pengesave të krimit në këtë vend.

[DYDRINAS]

26-11-2003

Prokuroria: Takimi i Avokatit të Popullit me Imeldën i paligjshëm

Lajmi i ores 8:45 AM

TIRANE (26 Nëntor) - Avokati i Populllit" kryen një takim të "paligjshëm" me të pandehurin e organizatës "Hakmarrja për Drejtësi Shqiptare", Imelda Tasho .
Burime nga Prokuroria pohojnë se takimi i punonjësve të Avokatit të Popullit me Imelda Tashon ka pasur shkelje ligjore dhe dalja në shtyp e pretendimeve të saj, bisedës mes tyre bërë në burg, në disa episode cënon sekretet e hetimit. Takimi është bërë pas arrestimit të Imelda Tashos. Prindërit e punonjëses së Ministrisë së Jashtme nuk kanë depozituar në ato ditë të para ndonjë ankesë për ushtrim dhune apo shkelje procedurash ligjore. Ndërkohë mbi Imelda Tashon punonjësen e dikasterit të diplomacisë, policia nuk kishte ushtruar aspak dhunë as në momentin e arrestimt apo më pas në qelitë e paraburgimit. Gjithashtu ankesa nga e pandehura nuk ka pasur dhe pas marrjes së masës së sigurisë, sa i përket procedurës ligjore të kryerjes së veprimeve nga prokuroria. Prokuroria ka reaguar me shumë vonëse por ende jo zyrtarisht për këtë fakt. Kanë qenë dy të dërguarit e "Dobjanit" të cilët nuk janë ende komisionerë të këtij institucioni, që nuk ka rol hetues. Iliaz Çeço dhe Jorgo Dhrami kanë vajtur për të dëgjuar pretendimet e të dashurës së vrasësit, të fejuarës së Altin Arapit. Pretendimet e saj "avokatët' më pas i kanë përcjellë në shtyp. Prokuroria sikur ka humbur terren në këtë moment, të fituar me aq mund në aksionin e arrestimit të ekzekutorit të vrasësit të shoferit në Belgjikë. Reagimi i prokurorisë çuditërisht ka munguar në ditët e para të ndodhjes së takimit me të pandehurën. Avokati i Popullit ka marrë parasysh shqetësimet e të akuzuarës, në ngarkim të së cilës nuk është marrë ende asnjë vendim gjykate, por vetëm rëndojnë akuza. Për më tepër sipas ligjit takimi i lejohet komisionerit të këtij institucioni, kur është marrë më përpara një leje nga prokurorët e çështjes.

dxh/dxh (GazetaShqiptare/BalkanWeb)