Rama nuk kandidon Arben Malaj për deputet, ai kandidon si i pavarur në Vlorë

[AlbaneZ]

Ti je i lire ta marresh per veten tende ........ por mos merr guximin ta na "tregosh" te miren tone !

O Tyrryfyle...

Po ti kush m.... je qe vjen ketu e tregon se kujt ti vemi nga prapa dhe kujt jo?! Jep mendimin tend dhe per veten tende jo per te tjeret matuf.

e dogji komenti i anetarit ' violativo' ? Sepse mua qesh buza kurre shikoje qe ka edhe persona normal ne kete shtet anormal .

Vetem nje njeqelizor mund te adhuroj keta persona qe ne shqiperi quhen 'politikan' , njerez te rendomte me diploma falco qe luajn me fatin e shqiperise , duke vjedhur te ardhmen e shqiptareve .

Mua personalisht as me behet vone as per berishen as per Malajn as per Ramen ( edhe pse me thene te drejten Berishen nuk e shikoj dot me sy ) . Mua me behet vone per shqiptaret qe perdhunohen sistematikisht nga keto plehrat qe ti edhe persona si ti i adhuron .

Si mund ti djegi dikujt komenti i atij hajdarit kur e ka qare me lot ate shkrim plot injorance ?! Ty jo te qeshi buza por te te shkoje der te veshi nga e qeshura me te tille persona "normal" sic i quan ti,por beja nje pyetje vetes!! Po me ju do qeshi njeri me keto shkrime qe beni?!

Nuk te behet vone ?? E pse harxhon kohen kot e shkruan ne kete teme atehere ? Ka plot te tjere qe mund te adhurosh si psh Lek Plepi apo Justin Bieber...ndaj turru i her...

Jepni edhe mend pale

[Anesti_55]

Rama pretendon te shkoje ne Vlore me frymen e sitikamit, te permbysjes se madhe ne saje te betejes se tije permes vlerave intelektuale, saqe pretendon te ndjehet si ne vendin e Ismail Qemalit."do te ndertojme qeverine e pare ne Vlore , do te heqim fotografine e presidentit dhe do te vendosim ate te Ismeil Qemalit.Nje lloje si idete Enver Hoxhes i cili arriti t fuse dhe gjyshin e tije si firmetare te pavarsise dhe ky po tenton te behet pjese si nje satelit i asaj berthame qe shpalli pavarsine.Nese do te mi thote keto fjale nje njeri i zakonshem , natyrishte do tamarre per njeri anormal dhe do beje durim sa te mbaroje muhabetin e te largohem, por kur e thote nje lider, une mendoje se eshte nje fyerje e rende per popullin e Vlores.Si eshte e mundur te votohet nje njeri me shprehje te tilla preverse , te nivelit te foshnjores.Po cjane keto perralla dhe inskenime qe te fyejne dhe ne nivelin e bisedimit dhe jo me, ne vizionin e nje lideri?E beri dhe Berisha , por ishte nje feste e pavarsise ne 100 vjetore dhe hajt mo e kapercyem, pasi ishte kudo nje ngarkese nacionaliste e kundershtareve te tije politik dhe ky kerkoi te konkuroje, por te vazhdojme me te tilla nivele popogandistike, me duket se po na fyen rende.Populli i Vlores duhet ti tregoje vendin njeriut prevers, lakuriqit dhe drogmenit, apo degjenerates ne politiken shqiptare.

[Ziti]

shume poker i forte po luhet ne vlore.
edvin mavria, koco mafia, kac islami, tit patozi

[Prudence]

e ke me te degjuar apo e di vete se ke lexuar, rezultati i fundit me duket se ishte 8 me 5 qpo 6 nuk me kujtohet kur cdo gje shkonte mire pa percarje, kete radhe jane arben malaj dhe camet qe i marrin shume vota ps

Thjesht..jam nga VLora .

Beni vetem ska gje ne vije.PIke u ngre vetem partia.


Flasim ne fund Qershori... Sidoqofte

[Station]

e ke me te degjuar apo e di vete se ke lexuar, rezultati i fundit me duket se ishte 8 me 5 qpo 6 nuk me kujtohet kur cdo gje shkonte mire pa percarje, kete radhe jane arben malaj dhe camet qe i marrin shume vota ps

Rradhën e kaluar kanë dalë 7 me 5 për PS-në.
Më e mira që mund të arrijë PD-ja sivjet është të dali po aq.
Malaj as me dylbi nuk ka për ta parë Parlamentin në këto zgjedhje...nuk është kollaj të bëhen 9 mijë vota si i pa varur.

[Albo]

Malaj shtrin fushatën përtej Vlorës : Kundër Berishës dhe klientëve të PS



TIRANË Me kandidimin e tij si i pavarur, Arben Malaj u shpreh dje se kërkon të përfaqësojë Vlorën, Sarandën dhe Delvinën, me angazhimin e tij për një shtet ligjor dhe kundër “sulltanëve” në politikën shqiptare. Malaj doli në një konferencë për shtyp për t’u pozicionuar kundër Ramës e Berishës. “Qyteti i pavarësisë e meriton deputetin e pavarur, të pavarur nga nënshtrimi, dhe të lirë në fjalën e mendimin e tyre. Për të instaluar sistemin e tyre të varësisë ndaj kryetarit, Berishat dhe Ramat duan ta shqyejnë Vlorën, simbolin e pavarësisë. Janë hequr tre deputetë socialistë dhe janë futur në listën e Vlorës 7 deputetë klientelistë. Sali Berisha nuk na nxori dot nga politika, as Koçot nuk do të na nxjerrin dot. Nuk mund të kalërosh mbi krenarinë vlonjate. Me dashurinë për Vlorën, Sarandën, Delvinën, me detyrimin ndaj njerëzve të mrekullueshëm të çdo familjeje të qarkut të Vlorës, ju bëj thirrje; Së pari të rrisim pjesëmarrjen në votime

Të jemi vigjilentë; asnjë votë për Berishën, asnjë votë për klientelistët në listat e kryetarëve”,- tha dje Malaj. Ai ka kërkuar që të votohen socialistët më të mirë, që sipas tij, janë edhe në listat e partive të tjera në koalicion me PS-në. “Votoni në Berat Flamur Rrogun, kryetarin e burgosur të socialistëve në vitet 1992-1997 dhe jo klientelistët e Ramës në listat e PS-së. Votoni në Lezhe socialistin e përkushtuar të viteve të vështira dhe jo preferencat e çuditshme të Ramës. Kështu vota juaj nuk del nga vota kundër Berishës por është njëkohësisht dhe votë kundër klientelistëve. Kjo do të sjellë në parlament socialistët e vërtetë të përjashtuar nga Rama, në vend të klientelistëve dhe shërbëtorëve të pushtetit të kryetarit”, – tha ai. Malaj u shpreh gjithashtu se Skënder Gjinushi dhe Paskal Milo duhet të ishin në Kuvend. “Për mua, Skënder Gjinushi dhe Paskal Milo meritojnë të jenë në Parlamentin shqiptar si pjesë e historisë dhe suksesit të së majtës, disa herë më shumë se Koço K, … Rama është i vetmi kryetar partie që e përdor mandatin e socialistëve kundër socialistëve”,- tha Malaj.

MAPO

[Albo]

Malaj prezanton faqen zyrtare në internet: Do marr votat e socialistëve të mirë, më shumë seç mendojnë


VLORË- Arben Malaj, kandidat i pavarur për qarkun e Vlorës, në zgjedhjet e 23 qershorit prezantoi sot faqen zyrtare të tij në internet në kuadër të fushatës elektorale.

Në një deklaratë për mediat, Malaj premtoi se do të jetë një zë i fortë për qytetin e Vlorës, duke theksuar se do marrë votat e socialistëve të mirë më shumë se ç’mendohet. Malaj tha se opozita do të përdorë çdo sekondë për të maksimalizuar votat.

Arben Malaj, deputet dhe njëherësh ish-ministër i Financave ka shpallur kandidimin e tij si deputet i pavarur në qarkun e Vlorës, pasi kryesia e PS-së nuk e futi në listat për zgjedhjet e 23 qershorit.
(e.m/BalkanWeb)

[Albo]

Malaj: Gjika merru me punët e Bashkisë


VLORË- Kryetari i Bashkisë së Vlorës, Shpëtim Gjika ka reaguar në lidhje me kandidimin e Arben Malaj në këtë qark. Në një prononcim pë mediat, kryebashkiaku Gjika është shprehur kundër kandidimit të Arben Malajt si deputet i pavarur në Vlorë, ndërkohë teksa e ka cilësuar veprimin politik i ka bërë thirrje të tërhiqet. Gjika duke folur në emër të socialistëve i ka kujtuar Malajt, se “është ende borxhli ndaj Vlorës”.

"Jemi KUNDËR veprimit politik të z. Arben Malaj për të kandiduar si kandidat i pavarur në qarkun e Vlorës në zgjedhjet politike që do të mbahen në 23 qershor. Dhe jo vetëm që ne nuk e mbështesim,jo vetëm që jemi kategorikisht kundër, por jemi të gjithë shumë të indinjuar e të revoltuar për faktin që një anëtar i familjes sonë të madhe socialiste, një drejtues i PS në qendër, me të drejtë fjale e vote në kryesi e në strukturat drejtuese, në një formë që ne e vlerësojmë si të pabesë e të pamoralshme, del nga pas shpine e kërkon të përdhosë atë që do të jetë në qarkun e Vlorës e në të gjithë Shqipërinë: Fitorja historike e këtij populli që prej 8 vitesh mezi pret të çlirohet me fuqinë e votës së tij nga pushteti hajdut e vrastar i Sali Berishës. Dëshirojmë me këtë rast t’i kujtojmë z. Malaj, nëse vërtet e ka harruar, se ai është ende borxhli ndaj Vlorës e vlonjatëve, ndaj socialistëve vlonjatë sidomos. Qysh në korrik 1992 ishim bashkë në të parën betejë politike, në zgjedhjet vendore, ku ai pati privilegjin të ishte kandidati i PS për kryetar bashkie dhe vetëm për një grusht votash nuk u bë i tillë. Që nga ajo ditë, me votën e socialistëve vlonjatë z. Malaj bëri përpara në karrierën e tij politike, në Kuvend e në Qeveri, në të gjitha qeveritë socialiste, në të gjitha grupet parlamentare socialiste", deklaroi Gjika.

Kryebashkiaku i Vlorës, vlerëson se si veprimi i Arben Malajt, Dritan Priftit dhe Kastriot Islamit janë tentativa për t’i dhënë alibi Berishës që synon t’i vërsulet me babëzi ndaj votave për ti vjedhur.

“Si kandidimi i z. Malaj, i z. Prifti, ashtu edhe hedhja në prehrin e Berishës i Islamit etj, janë, për mendimin tonë, tentativa për t’i dhënë alibi Berishës që synon t’i vërsulet me babëzi votës popullore për ta tjetërsuar e për ta vjedhur, e për të thënë pastaj se nuk ishte ai që i vodhi, por ishte PS që humbi për shkak të gjoja përçarjes. Ndaj ju bëjmë thirrje z. Malaj, të hiqeni mënjanë e të mos na futeni në mes, se rrezikoni të bëheni parzmore e mburojë e Sali Berishës”, theksoi Gjika.

Arben Malaj, deputet dhe ish-ministër i Financave ka shpallur kandidimin e tij si deputet i pavarur në qarkun e Vlorës, pasi kryesia e PS-së nuk e futi në listat për zgjedhjet e 23 qershorit.


ARBEN MALAJ: MERRU ME PUNET E BASHKISE, JO ME SULME
Pas deklaratës së kreut të Bashkisë të Vlorës i menjëhershëm ka qenë edhe reagimi i Arben Malaj, ku në një deklaratë për mediat, i kërkon Shpëtim Gjikës që të merret me punët e Bashkisë dhe jo sulmet ndaj kolegëve.

DEKALRATA
Në respekt dhe mirënjohje të përhershme dhe ndaj të gjithë qytetarëve të Vlorës, i detyruar nga agresiviteti shpifës ndaj mbështetjes në rritje për kandidimin tim në detyrim të përfaqësimit dinjitoz të Vlorës, Sarandës dhe Delvinës fillimisht po bëj këtë deklaratë për shtyp nga qyteti i Vlorës. Ju jeni i bindur që më fitoren time opozita do të ketë një rezultat më të thellë dhe më cilësore në 23 Qershor. Zëri i vlonjatëve do të vij nga vota e qytetarëve me 23 Qershor dhe jo nga deklaratat e Gjikës. Shpëtimi ka detyrim të merret me punët e Bashkisë dhe jo me sulme ndaj kolegëve. Unë kurrë nuk do të sulmoj kolegët por vetëm do të qartësoj opinionin publik pas çdo deklarate servile.

Në asnjë rast të angazhimit të tim politik nuk kam votuar për Sali Berishën. Atij i shërbejnë ata që ndryshuan kushtetutën dhe që bashkëpunuan për të rrëzuar socialistët. Jam i bindur se do të ketë shumë lexues fletë rrufesh, edhe kërcënimet do të shtohen. Presioni juaj ndaj strukturave të PS për të penguar fushatën time modeste dhe pozitive është rritur ndjeshëm dhe në nivele të turpshme. PS nuk është bashkia e Tiranës apo e Vlorës. Ndërsa unë ju kam shërbyer dhe do t’iu shërbej socialistëve dhe njerëzve të mrekullueshëm të vendit tim të dashur. Berisha merr më shumë vota në qoftëse Shpëtimi nuk bënë mirë punët e bashkisë ngaqë lodhet me kontrollonin e partisë. Nëse Edi Rama nuk e dëgjoj Shpëtim se kush duhet të ishte në përfaqësimin e Vlorës dhe hoqi tre prej tyre, Vlora nuk do t’a dëgjoj Gjikën se kush i shërben Berishës, aq më tepër që kjo në Vlorë dallohet lehtë që nga buza e detit.

I dashur Shpëtim

Është koha të përdorim të gjithë energjitë pozitive për një rezultat sa me të plotë te opozitës së Vlorës dhe gjithë Shqipërisë. Socialistë nuk të bën lista e Ramës por dashuria dhe përkushtimi për njerëzit. Rama do të kërkoj një ditë ndjesë siç po bënë përditë për gabimet që i përsërit, nuk do të doja që t’iu kërkonte prapë juve personalisht të lexonit fletën e lavdërimit. Kam qenë me fat që kam punuar për Vlorën dhe si përfaqësues i socialistëve të Vlorës me njerëz të përkushtuar si Gëzim Tushe, Niko Veizin, Eduart Alushi, Neki Dredha, Theodhori Shia, Bashkim Habili, Eltar Deda dhe pa dyshim edhe me ju shoku Shpëtim. Ndaj mos harxhoni asnjë sekondë kohë për të sulmuar njëri-tjetrin, populli është më i zgjuar se ne të dy për t’a kuptuar se ku fle lepuri. Frika dhe urrejtja primitive nuk synojnë suksesin e PS por mbijetesën personale. Ata nuk e barazojnë PS në Tiranë me Ramën dhe as PS në Vlorë me Gjikën.

Ndaj nuk jam munduar asnjëherë t’i sundoj ato me klientelizëm. Koncepti se kush ka dhënë dhe kush ka marrë më shumë nga PS është koncept klientelist.
I kam dhënë dhe do t’i jap pa fund Vlorës dhe jo vetëm Vlorës, dashuri dhe përkushtim, për një të ardhme më të mirë. Do t’a bëj këtë pa asnjë frikë nga sulmet tuaja. Do t’a bëj këtë pa asnjë joshje nga ofertat e pista. Do t’a bëj si detyrim mirënjohes ndaj kudo dhe kurdohere.

Në asnjë moment dhe për asnjë motiv nuk do t’i përçaj socialistët dhe mbështetësit tanë, as duke i trembur dhe as duke i joshur.

Jam angazhuar dhe përkushtuar gjithmonë që Vlora të jetë sa më harmonike dhe krenare siç e meriton.

Serish ju qartësoj mos bëni presione, në këtë garë nuk jam për një karrige, por për një detyrim mirënjohës ndaj të rinjve të vendit tim.


I dashur Shpëtim

Mos e keq përdor kohën për deklarata kundër kolegut tënd. Mbështet më të mirët. Thuaj me zë të fortë atë që shpesh e thua me zë të ulët. Thuaje për të mirën e Vlorës dhe të Shqipërisë.

Me fitoren time unë e rrisë cilësinë e fitores së Vlorës.

Miqësisht

Arbeni

(e.m/BalkanWeb)