Absurditeti i "Drejtesise" shqiptare

[Redi]

VinnyT, une po te them dhe njeher qe eshte absurditet te mendosh qe Denimi me Vdekje sjell rritjen e nr te krimeve.

Praktika amerikane deshmon per te kunderten dhe jane me qindra shembuj praktike qe mund te te jap per te provuar se si ashpersia e ligjit ka ndikim direkt ne uljen e krimeve.

Megjithate tema eshte tek Absurditeti i Drejtesise Shqiptare dhe tani qe po lexoja nje teme ne kete forum po citoj nje fragment nga nje teme e marre ne lidhje me vrasjen e Mirit te Xhikes.

Arben Grori kushëriri, I parë I Fatmir Ramës dhe Agron Tresa janë akuzuar nga prokuroria se kanë vrarë Edmond Murrën dhe Saimir Calin.Vrasjen e ka marrë përsipër Tresa dhe është dënaur me 18 vjet heqje lirie, duke e shfajësiuar të dyshuarin tjetër Arben Grori.Në Milano Arben Grori ,në vazhden e përplasjeve të mëdha, ka vrarë, sipas prokurorisë, Naim Zyberin në spital. Ikën nga Italia dhe kthehet në Shqipëri. Fqinjët e kanë dënuar me burgim të përjetshëm në mungesë.

Pra me 18 i denuar, dmth qe pas 10 vitesh ai del perseri ne rruge, ne nje kohe qe Italia nje vrasje te njejte e ka denuar shume me teper.

[Vinny_T]

Te ftoj te rilexosh te gjitha post-et e mija Redi dhe te gjesh nje fraze ku une kam thene se denimi me vdekje ka sjelle rritjen e kriminalitetit!!!
Ajo qe kam shprehur eshte se nuk ka ndonje prove qe denimi me vdekje ka ulur kriminalitetin dhe kam dhene shembullin e vendeve evropiane.

[drini_në_TR]

Një hedhje syri atij institucioni aq të harruar sa edhe kyç për jetikën e kombit Shqiptarë. Ç'ndodh në atë endek...

-------------------------------------------------------------------------------

Ministria e Financës parashikon çdo vit 100 milionë lekë për të burgosurit e pafajshëm

Sa vlejnë gafat e Prokurorisë
Shpërblimet për të burgosurit e pafajshëm

Gazmend Janku

TIRANË

Jo më larg se një javë më parë Gjykata e Tiranës ka dhënë pafajësi për një të pandehur që akuzohej për vjedhje me dhunë. Elidon Trota pas 7 muaj e 15 ditë para burgimi ka rifituar lirinë, duke sfiduar organin e akuzës, i cili nuk arriti të provojë fajësinë e të pandehurit. Ky dështim i Prokurorisë, përveç faktit që do të shtojë numrin e dosjeve të dështuara, pritet t'i kushtojë shtetit miliona lekë. I pandehuri Trota, përveç vendimit të pafajësisë, pritet të përfitojë edhe disa miliona lekë si dëmshpërblim material për ditët e vuajtura me të padrejtë në burg. Sipas ligjeve në fuqi, në rast se një i akuzuar i burgosur fiton pafajësinë nga gjykata, atëhere shteti duhet t'i paguajë 5 mijë lekë për çdo ditë të vuajtur në burg. Ky është rasti më i fundit, kur përfaqësuesit e akuzës nuk arrijnë të vërtetojnë fajësinë e të pandehurit. Sipas togave të zeza, dështimi i akuzës vjen si pasojë e mos paraqitjes së provave të duhura për vërtetimin e akuzës. Madje ka patur raste kur edhe vetë prokurorët kanë qenë të bindur se provat nuk kanë qenë të mjaftueshme e megjithëkëtë kanë kërkuar gjykimin e çështjes, e cila ka përfunduar në favor të të pandehurit. Të tilla janë rastet: ish-shefi i Komisariatit nr.1 në kryeqytet, Dritan Avdyli (i akuzuar për vrasjen e bashkëshortes), i cili pas pushimit të çështjes nga akuza përfitoi 1,5 milionë lekë, ish-shefi i Komisariatit të Tropjës, Fatmir Meta, i akuzuar për bashkëpunim në vrasjen e deputetit Azem Hajdari dhe pas marrjes së pafajësisë përfitoi 2,3 milionë lekë, apo edhe rasti i kryeministrit Fatos Nano, i cili përfitoi 7,5 milionë lekë për vitet e kaluara në burgun e Bënçës. Dhe për të gjitha këto gabime të akuzës ai që paguan në fund është shteti dhe taksapaguesi shqiptar.
(Gazeta Shqiptare)

-----------------------------------------------------------------------------------

Mirë që Politikanë i kemi me shumicë, po Prokurorët me "mënd" ku janë? Po ata Prokurorë që duhet të bëjnë punën që quhet "e pavarur" e Qeverisë së Tretë nga po flenë? A duhet të merren prej veshësh këta Prokurorë apo jo? Kush janë më të rëndësishëm në arenën Qeverisëse Shqiptare, Prokurorët që mungojnë me iniciativën për të qëlluar Politikanët e korruptuar, apo Politikanët "Ëngjuj" si Nano dhe Berisha që mendojnë se sjellin "Drejtësi" me kryqëzatat e tyre në politikë?

drini.

[Patrioti]

Aaaaaaaaaaaa !

Nuk eshte vetem prokuroria qe i "ha" para atij populli.
Skema zhvillohet pak a shume keshtu:
Nga Europa apo Ambasada Amer. i terhiqet veshi qeverise per trafiqe, kriminalitet, kontrabande etj.
Ata qeveritaret qe udhetojne me "concorde" qe kalojne pushimet ne Greqi etj, mblidhen dhe shpallin fushaten antitrafik,antiskaf antikontrabande etj etj sic bente Enveri me fjalimet qe mbante ne Mat, Tropoje e ku ta di une, sikur shteti ska ligje qe (duhet te)zbatohen vazhdimisht dhe nga te gjithe.
Pasi urdhri i shkon policise detyrohen ata te kapin me prova dhe pa prova, se perndryshe rezikohet karigja.Per nonji qe shefi vete e ka inat provat sajohen ska problem.Per nonji tjeter qe paguan ska problem ai ose eshte lajmeruar me pare ose del pa lag.
Ceshtja i kalon prokurorise ajo ja kthen policise pastaj prap dhe kur afatet mbarojne dosja cohet ashtu ne gjykate. Kush paguan i pushohet ceshtja ose akuzohet per gjera koti.
Gjykata edhe ajo e sorollat ceshtjen ca kohe sa te mos flasin me gazetat mer leket dhe shpall pushimin e ceshtjes.
E gjitha shoqerohet nga nje propagande e shfrenuar ne TV dhe shtyp pronaret e te cileve per hir te lidhjeve qe kane jane te detyruar tua kthejne nderin politikes, ose me titujt bombastike shpresojne qe ti'u shitet gazeta.
Rezultati: Boset e vertete vazhdojne te jene te paprekur, deri sa me ta te meret "konkurenca", populli qe paguan leket, gjygjtare polica prokurore qe me disa muaj (le te themi edhe vite) blejne shtepi, cojne kalamajte me studime jashte etj.

[drini_në_TR]

Patriot shumë të drejtë ke!

E keqja është se kto gjëra tashmë dihen, populli i dëgjon, nuk është aq shurdh. Po të bëjnë edhe më shumë për budalla Nano dhe Berisha kur hiqen se luftojnë për Drejtësi! Hapin k'të dhe atë komision apo fushatë për Drejtësi, por vetëm zyllym sjellin, veçse fushatë puro për axhendat e tyre personale. Kur vjen fundi, popullit i duhet veçse drejtësi. Popullit i duhet veçse një qeveri që funksionon, një Drejtësi që i mbron. Drejtësia është e përdhosur, kur vjen puna për të qëlluar politikanët e korruptuar në pushtet, por edhe ato që patën bër të kqia në opozitë. Mos të përmëndim çështet e tjera jo-poliktike që tashmë dihet se Gjykatësit edhe marrin lekë në dorë për t'i mbyllur.

Kur do t'mishërohen taksat e pupullit në punë të vërtetë?

Kur të vij Drejtësia në vënd. Kur Prokuroria dhe Prokurorët/Gjykatësit të punojnë ashtu siç duhet, kur të jenë të pa korrupturar...

... kur do të harrijet kjo?

Kur të luftojmë si popull dhe individ për ta risjell në jetë atë institucion. Është i vetmi shpëtim si për gjëndjen e Shqipërisë, por edhe për Bashkimin Kombtarë.

drini.