Absurditeti i "Drejtesise" shqiptare

[Vinny_T]

Kete po te them dhe une Redi po me duket se nuk po e kupton ose ben sikur!
Ne Shqiperi ka varferi e ne Singapore shume pak.
Nje telefon celular eshte shume per nje shqiptar dhe nje qe nuk ka buke te haje ne Shqiperi do vjedhi çdo gje qe ti dali perpara se nuk ke Moll-e si ne USA e te vjedhi vetem ushqime!
Nqs ti e ke lewuar kete artikull ne New York Times do te thote qe gazetari ka gjetur diçka shume te rralle qe ka ndodhur jashte amerikes dhe qe perben nje scoup dhe per vete lexuesin amerikan.
Kete po them dhe une me siper qe eshte denim i rende per nje vend ku njerezit nuk kane te hane! Kur te jete dhe ne Shqiperi 5% e popullesise papunesia atehere mund te themi qe ai qe vjedh e ben nga vesi dhe jo se nuk ka te haje pasi le te punoje.
Te ftoj te besh nje nje xhiro te partizani i panjohur Redi kur te shkosh ne Tirane e do ta kuptosh qe sheshi Omonia gjendet ne mes te Tiranes tani, ke njerez qe nuk e dine a do kene te hane ne darke per familjen e tyre apo jo....
Keshtu qe eshte pak kollaj te gjykosh dike qe ngordh urie kur vete i ke te gjitha ne terezi.
Anyways çdo njeri ka mendimin e vet keshtu qe....une po rishpreh timin per kete teme.
Pershendetje

[drini_në_TR]

Duhet që ti japim një theks më të madh se çfarë ndodh në institucionin e Drejtësisë. Duhen s'jellë më shumë ide sesi mund ta përmirësojmë edhe më shumë forcën e këtij institucioni ndaj ç'ështjeve të përgjithshme, por edhe atyre gjykimeve që i duhen bërë politikanëve të korruptuar.

Duhet që Presidenti të jetë edhe më efektiv ndaj punës së institucionit të Drejtësisë, pra Prokurorisë. Duhet një sensibilizim më i madh i shoqërisë Shqiptare ndaj rëndësisë së Qeverisë së Tretë, që duhet të jetë krej e veçantë ndaj Politikës.

shumë duhet, duhet, por shpresoj që të gjehet një mynyrë për të sjell më shumë Drejtësi!

sinqerisht
drini.

[Redi]

VinnyT, une te kuptoj plotesisht se cfare do te thuash, por i shoh gjerat nga nje kendveshtrim tjeter.
Eshte fakt qe Shqiperia eshte vendi me i varfer i Europes dhe nje nga me te varferat e Botes, me papunesi te larte etj. Por kjo nuk dmth qe te kemi 1 milion hajdute dhe ti tolerojme meqe nuk kane buke te hane.

Ai qe rri tek Ushtari i Panjohur duhet respektuar pasi mundohet te fitoje jetesen me djersen e ballit. Nuk di ai te shkoje e te grabise dynjane?

Rastin e Singaporit e solla si fakt qe ne duhet te mesojme se cfare bejne vendet me te zhvilluara se ne dhe cfare rruge kane ndjekur ato per te arritur ne kete stad qe jane. Dhe ne vendet e Europes veriore dikur te benin gjemen po te vidhje dicka, pavaresisht se kane qene te varfra e me plot probleme. Ndeshkimi i rrepte i djeshem ka sjelle kulturen e sotme.

[Vinny_T]

Nqs perdoret dhe metoda e eger lind problemi i abuzimit te organeve kopetente me fuqine qe u jepet ne dore per te aplikuar ligjin dhe ne Shqiperi abuzimet jane me te vertete te paparashikueshme e mungesa e edukimit civil mund te çoje deri ne raste ekstreme te shtypjes se te drejtave elementare te njeriut. Nje artikull rreth ketij fenomeni e ilustron mire kete me poshte ....

Dhune ne operacionin "Stuhia", protestojne qytetaret dhe vendoret
Shume familje te fshatrave te Fierit, depozituan ankesa ne policine vendore, nje dite pas aksioneve te befasishme ne banesat e tyre. Ata akuzojne se bashku me kryepleqte e fshatrave, se eshte perdorur "terror psikologjik duke shqyer dhe dyert e banesave, ku nuk u gjet asgje". Drejtoria e policise, mohon te kete perdorur dhune

Operacioni i koduar "Stuhia", qe ka nisur prej tre ditesh ne te gjithe vendin, eshte shoqeruar dje me reagime te ashpra nga qytetaret dhe drejtuesit vendore, ne zonat qe sipas tyre, eshte ushtruar dhune nga forcat policore. Per kete ata kane bere ankime dje ne drejtorine e Policise se Fierit. Ne nje numer rastesh, policia e disa sektoreve kunder krimit, dyshohet se ka abuzuar sipas banoreve dhe kryepleqve te fshatrave, duke demtuar banesat e qytetareve dhe ushtruar dhune psikologjike ndaj tyre, gjate aksioneve te befasishme. Ndersa drejtuesit e policise se Fierit, kane pranuar vetem se kane kryer aksione te befasishme por e kane argumentuar me faktin sipas tyre se, "ne objektet qe kemi ushtruar keto kontrolle, kemi patur informacion paraprak per aktivitet te dyshuar kriminal". Ndersa banoret mendojne te kunderten. Sipas tyre, policet kane shqyer dyert e shtepive duke u shkaktuar dem psikologjik dhe material. Ne kete kontroll policor eshte perfshire edhe fshati Gorishove i komunes Cakran. Vero Dano, banor i Gorishoves tregon: "Une nuk e kuptoj se ku e gjen te drejten policia, qe terrorizon banoret duke shqyer dyert, sikur te ishim kriminele. Ne banesen time ata nuk gjeten asgje, atehere nuk e di ku te ankohem". Nje banor tjeter, Idajet Sabriu 65 vjec, thote: "Policia erdhi ne oren 2 pas mesnate dhe shqeu dyert me force". Per menyren e kontrollit te policise ne fshatin Gorishove ka reaguar edhe kryeplaku i ketij fshati Kamber Osmani. "Policia na ka acaruar se tepermi. Te gjithe jemi per ta mbeshtetur ne ruajtjen e rendit, por cdo gje ka nje kufi. Si perfaqesues i popullit dhe mbeshtetes i ligjit dhe shtetit, them se policia ka ushtruar terror, ka shkelur ligjin". Ndersa drejtues te larte ne Drejtorine e Policise se Fierit, theksojne se "kane kryer aksionin duke mos ushtruar dhune dhe deme ne shtepite e banoreve". Xhemil Beharaj

[Redi]

VinnyT, ke te drejte qe mund te kalohet dhe nga ajo ane, por puna eshte qe gjithmone duhet te llogariten te dyja gjerat bashke, dhe te nxirret nje rezultante. Cdo me mire e ka dhe te keqen nga prapa.

Meqe me permende nje fakt, une po te permend nje tjeter.

Ne Amerike, ish-kryetari i bashkise se New York-ut nihet si nje nga kryetaret me te rrepte qe ka patur ndonjehere ai qytet.

NY ka qene nje qytet me shume probleme kriminale, ose me mire, metropolitana me e dhunshme e Botes.

Ai vuri rregullin e famshem "Toleranca Zero", dyfishoi apo trefishoi numrin e policise dhe i dha atyre liri te plote veprimi.

Kuptohet qe kjo gje mund te linte shkas per abuzime te policise, por popullsia New Yorkut mesa duket nuk gjykon si ju kur e mbeshteti plotesisht dhe tani eshte nje nga personat me te nderuar dhe te respektuar te Amerikes.

Ata e perkrahen kur ai vendosi te luftoje krimin me cdo lloj mjeti dhe menyre dhe rezultatet u pane qarte.

Abuzimet e policise sipas asaj qe ke shprehur ti kane qene teper te pakta ne krahasim me ate qe u arrit. U qellua nje emigrant me 40 plumba dhe qe mendohet qe mund te kete qene i pafajshem, megjithese gjykata nxorri policet e pafajshem ne kete rast, por numri i vrasjeve u ul ne masen 60% gjate 8 viteve dhe tani qe po lexoja statistikat, ai numer ka rene poshte nivelit te viteve 70 qe njihen dhe si vitet me paqesore te NY.

Pra kur thuhet qe vrasjet u ulen 60%, duhet te mendosh qe jane shpetuar 60% me teper jete njerezish qe Krimi do ti kishte perfshire.
Ndofta, ndofta mund te jete vrare NJE si pasoje e abuzimit te policise, por jane shpetuar me QINDRA ose ndofta me MIJERA jete te tjera.

[korçar]

Pallavra, pallavra, pallavra...
Qe ne fillim eshte folur per absurditet dhe te tere pseudo-filozofet moraliste jane leshuar si ujqerit per justifikuar pikepamjet e tyre pa marre parasysh rrethanat ne te cilat ndodhet shteti qe e ka denuar ate katranin. Kjo pune nuk ka te beje fare me ABSURDITET sepse eshte krejt llogjike : duhet thene se ai shtet qe eshte i joni ndodhet ne pozicione te ngushta dhe se ka ndermarre me qindra "kontrata", ka bere me qindra marreveshje ne lidhje me luften kunder krimit te organizuar dhe ata qe i kerkojne llogari mbi rezultatet e arrira jane organizma internacionale, OJQ te ndryshme te botes. Rrjedhimisht duke qene se shteti shqiptar nuk ka si te perparoje ne kete lufte kunder krimit, perderisa kriminelet e vertete jane ne pushtet, ai ja rasen cungun atyre te "pafajshmeve". Ne kete menyre mbushen burgjet per nje kohe te gjate por tregon dhe "arritjet" e tij duke i dhene shifra te ndryshme ketyre organizatave qe i kerkojne. Sepse per shifra e numra kane nevoje keto organizta si dhe opinioni i jashtem, nuk kane kohe te merren me detajet dhe moralin e nje denimi sado i padrejte qofte ai. Ne kete menyre pra shteti ne fuqi perligjon nderrmarrjet e tij ndaj opinionit te jashtem, njekohesisht duke mbajtur ne pushtet kriminelet e vertete, dmth vete pushtetaret.
Duke qene keshtu nuk kini pse diskutoni a e meritonte a jo ate denim, problemi nuk qendron atje...

P.S. Nuk po vazhdoj me tutje se nuk do tja u shpjegoj sa here une gjerat. Me lodhet!

[alvi]

O Redo, e ke gabim ti.
Hajduti duhet kap per qafe, duhet pare ne sy, dhe me krenari i duhet thene: te kuptoj.
Jo vetem qe je i lire te shkosh ne shpi, por na dhe ca pare, se nuk e ke ti fajin qe je hajdut, e kemi ne fajin qe je ti hajdut.
Hajdutit nuk duhet tia shtyppesh koken Redo qe te kesh rezultate, atij i duhet dhene gajret, i duhet dhene perkrahje, se ai i shkreti u be hajdut nga zori, prandaj dhe vodhi celular se s'ka, pse te vidhte buke ai, kur me mire vjedh celular, e shet, dhe pastaj blen buke.
Eh mer Red sa gabim e ke ti, pse si ne kohe te Zogut do behemi ne, kur dhe nje hajdut qe kish Tirana e varen, dhe ngeli Shqiperia pa hajdute? E pse u dashkan tremubr hajdutet? Pse mos jane gje kriminele ata?
Hajdutet jane krenaria e kombit, jo vetem qe nuk duhen prangosur, por duhen studiuar me thelle, per te gjetur se c'i shtyu ata te behen hajdute, dhuna ne familje, baba abuzues, shoqeria apo dicka tjeter?
ME hoqet mallin e liberaleve te San Franciskos.
I rrepte eshte ligji por eshte ligj.
Ai ligj parashikon denime nga x deri ne Y vjet.
Per sa kohe te jen brenda kufijve te parashikuar me ligj, mos u boni te gjithe kot gjykatsa, se pranej vuajm ne si vend, se jemi te gjithe shefa.
Kerkoni drejtesi dhe rend, kur jeni te paret qe i hidhni poshte vendime e gjyqeve te atij vendi.

[Vinny_T]

Alvi ti je duke bere te njeten gje qe po kritikon ketu po behesh gjykates i mendimit te te tjereve!!
Po te fillojme te kritikojme njeri tjetrin me duket se sdo te kete me asnje teme qe mund te trajtohet ketu keshtu qe....
Tema qe hapa ishte nese a eshte e drejte qe nje hajdut celulari denohet me 8 vjet burg e duke qene dhe 15 vjeç ( minoren ) dhe ata qe vjedhin miliona, tarfikojne, shesin arme, merren me prostitucjon e vrasin nuk denohen asnjehere?! Kjo ishte tema qe hapa keshtu qe me duket pak e çuditeshme kur degjoj ketu te shkruhet qe hajdutet nuk duhen denuar!! Nqs keni qef qe te bejme zborr te gjithe po bejme zborr e sejcili po sjell argumenta dhe orjenton diskutimin ne ate menyre qe asnjehere te mos i gjehet fundi kesaj teme keshtu qe.....

[Redi]

VinnyT, qe ne shkrimet e para e pata thene dicka te tille. Fakti qe nuk denohen trafikantet apo mafiozet nuk dmth qe te tolerohen dhe keta hajdutet ordinere. Eshte e kote qe mbajme burgje pastaj dhe duhet ti lerojme te gjithe, perderisa nga keta te medhenjte nuk denohet askush.

Se pse nuk denohen ata, kjo gje duhet pare tek mentaliteti i shoqerise shqiptare qe eshte e brymosur me ide fataliste apo dhe e indoktrinuar ne nje fare mase.

Sepse mafiozet nuk mund te denohen perderisa mbrohen nga politika dhe politikanet dhe ndajne afare me ta.
Sepse kur kerkohet qe te hetohet Edi Rama (jo te denohet), nje pjese e shqiptareve thone: "Le te kete vjedhur ai, por ka bere punen. Te tjeret as punen nuk e bejme por vetem vjedhin".
Sepse Miri i Xhikes sipas Fatos Nanos ka ka patur lidhje te ngushta me Bashkim Finon dhe drejtesia fle gjume dhe ata te dy jane ne nje parti. Sepse djemte e Arta Dades apo te politikanve te tjere (pa marre parasysysh te kujt partie) qellojne ne mes te dites dhe nuk denohen. Sepse korrupsioni dhe trafiku kane lidhje te ngushta me rangjet e larta ne shtet dhe domosdo qe Shteti nuk mund te luftoje vetveten.

Pra me nje fjale, meqe djemte e Dades nuk denohen, nuk duhet te denohet as ky hajduti i celulareve.

[Vinny_T]

Redi me vjen keq po ose nuk po kupton gje fare se çfare shkruaj ose nuk e ke lexuar fare!
Te ftoj ta rilexosh dhe nje here a pastaj mund te kritikosh mendimin tim..

"Tema qe hapa ishte nese a eshte e drejte qe nje hajdut celulari denohet me 8 vjet burg e duke qene dhe 15 vjeç ( minoren ) dhe ata qe vjedhin miliona, tarfikojne, shesin arme, merren me prostitucjon e vrasin nuk denohen asnjehere?!"

E riperserish qe te denosh nje hajdut celulari 15 vjeçar me 8 vjet burg eshte shume pasi me kete gjatesi kohe denohen trafikantet e droges neper vendet perendimore dhe demi qe i shkakton shoqerise nuk eshte i njete!
Ka nje hjerarki demesh ne kodin penal e nqs vjedhja ordinere denohet me 10 vjet çfare mund te flitet per me teper?!
Kur dy persona zihen me grushta dhe denohen nga gjykata me 4 vjet burg dhe tentative per plagosje me arme 2 vjet! kur nipi i Aleksander Meksit qe gjithe jeten e tij ska bere asnje aktivitet dhe ngre kompleks pallatesh ne krah te ekspozites "Shqiperia sot" dhe nuk degjojme ndonjehere luftetarin e flakte te antikorrupsjonit Berisha qe te ngreje nje grup hetimor pasi luan parane e xhaxhait.......dhe xhaxhai ka qene kryeminister i qeverise se tij!
Prandaj dhe temes ja vura emrin absurditeti i drejtesise shqiptare Redi pasi me duket absurditet.