FRD nis flirtimet politike me PS & LSI!

[DYDRINAS]

Biberaj: Aleanca PS- LSI? Largimi i Berishës legjitimon çdo bashkim forcash

1 Maj, 2013 | Postuar në: Aktualitet,Kryesore,Politika | Shkruar nga: TemA

Nënkryetari i Frymës së Re Demokratike, Aleksandër Biberaj, në një intervistë për revistën Klan, thotë se FRD nuk bëri aleancë me AK, pasi ata zgjodhën një trajektore tjetër.

Duke komentuar aleancën mes PS dhe LSI, Biberaj thotë se largimi i Berishës legjitimon çdo bashkim forcash.

“Opozita në çdo vend demokratik synon pushtetin, dhe kjo është normale. Parë në këtë këndvështrim ajo nuk e ka humbur kauzën e pushtetit, ndërkohë që koalicioni PS-LSI, ka dëmtuar që në embrion kauzën e luftës kundër korrupsionit të qeverisë së nesërme, pasi siç dihet, LSI-ja bashkë me qeverisjen e PD-së, u bënë simbolet e korrupsionit me figurë, zë dhe bllok në dorë. Gjithsesi, për zgjedhjet e 23 qershorit, kauza e largimit të kryeministrit aktual nga pushteti, mbetet kauza kryesore që legjitimon çdo bashkim forcash politike. Në Luftën e Dytë Botërore u bashkuan armiqtë politikë historikë, Çurçilli dhe Ruzvelti nga njëra anë, me Stalinin nga ana tjetër, për të mundur Hitlerin, që ishte e keqja më e madhe e kohës. Edhe sot në Shqipëri, e keqja më e madhe e kohës është kryeministri aktual me kupolën e tij antishqiptare dhe antipopullore, e cila duket larguar patjetër nga pushteti,” tha Biberaj.

Ai thotë se opozita do fitojë zgjedhjet, kurse Berisha do humbasë thellë. Biberaj parashikon se pas largimit të Berishës, do reformohet e djathta dhe këtë reformim do e bëjë FRD.

“Kryeministri aktual do t’i humbasë thellë zgjedhjet, gjë që do të hapë edhe rrugën për reformimin e së djathtës. Përveç largimit të kryeministrit, ka edhe diçka tjetër shumë pozitive, pasi kryeministri do të marrë me vete edhe të gjithë ata që i thirri nën armë në koalicion, gjë që do të pastrojë një herë e mirë të djathtë e deformuar prej tij. Direkt pas zgjedhjeve, hapet rruga për krijimin e një të djathte të re, të moderuar dhe bashkëkohore, mision që do ta kryejë më së miri Fryma e Re Demokratike. Opozita do t’i fitojë zgjedhjet dhe pas 23 qershorit do të kemi një qeveri tjetër”.

[Albo]

Biberaj, Topi, Oketa e gjithe njerezit e tjere te larguar nga PD per te formuar FRD jane ata qe une i quaj "kapadahijte e pushtetit". Keta e duan pushtetin, e duan postin, por nuk duan ta fitojne ate me djerse, duan qe t'ua serviri Berisha ne nje pjate argjendi. Dhe keta te mund te kapardisen bukur para kamerave dhe te japin mendime sikur jane "koka te medha". Ne fakt, ajo qe ata nuk arrijne te kuptojne dhe qe do ta mesojne ne keto zgjedhje eshte se sa u vlen atyre lekura ne politiken shqiptare pa Berishen dhe pa PD. Ishin mesuar qe Berisha bente fushaten e keta ishin te paret te ndanin "trofete e pushtetit" me te. Sot qe jane ne parti me vete, sot qe jane muaj larg zgjedhjeve, sot qe u duhet te bejne vete fushate, sot qe u duhet te perballen me elektoratin e djathte shqiptar, sot qe duhet t'iu japin pergjigje pyetjeve te ketij elektorati, sot do te mesojne se si behet politika.

Ne 24 qershor do te mesojme nese FRD eshte nje force politike parlamentare apo nje parti politike vetem ne leter. Une nuk do te cuditesha qe Spahiu i AK te marri 5 here me shume vota se sa FRD.

Albo