PS do te kerkoje shtyrjen e zgjedhjeve parlamentare ose ne te kundert mospjesmarrje.

[DYDRINAS]

Edi Rama: Formacioni i deputetëve do jetë thuajse i njëjti. KQZ duhet riformatuar

1 Maj, 2013 | Postuar në: Aktualitet,Kryesore,Politika | Shkruar nga: TemA

Kështu u shpreh Edi Rama në studion e programit “ZIP” në “Vizion Plus”.

Ai foli për aktualitetin politik në prag të zgjedhjeve të 23 qershorit.

Lidhur me KQZ-në, Rama thotë se duhet riformatuar, por në këtë gjendje, PS nuk do të çojë emra për të plotësuar institucionin. Veç politikës, që sigurisht këtë periudhe më shumë se kurrë është fokusi dhe impenjimi kryesor për kandidatin për kryeministër, ekziston dhe pjesa njerëzore, ajo që ka ndryshuar për shkak të viteve të gjata të këtij angazhimi, dhe që bashkëjeton me pjesën, që nuk mund të zhbëhet.

Pa Lindën, bashkëshorten, Rama rrëfen se nuk do të mund t’ia dilte dot të ndante kohën mes impenjimeve politike dhe atyre miqësore.

Artisti i dikurshëm ka treguar se nuk e ka humbur dozën e ëndrrave dhe idealizmit, por sot i shërben jo për ngjyra e telajo, por për të bërë gjëra të mira për jetën e shqiptarëve.

[DYDRINAS]

EDUARD ZALOSHNJA - VOTA APO KRYENGRIJTA

Sipas Zaloshnjes, Berisha nuk largohet dot me vote, nuk largohet dot as me kryengritje sepse kjo do te çonte ne lufte civile. Atehere cila do te jete zgjidhja? NDOSHTA BOJKOTI I ZGJEDHJEVE!

Me kryengritje apo me votë?

27 Tetor, 2012 | Postuar në: Opinion | Shkruar nga: TemA

Nga Eduard Zaloshnja

Nga ç’thonë e ç’shkruajnë, njerëzit që dëshirojnë të ndodhë sa më shpejt rotacioni i pushtetit në Shqipëri mund të ndahen në dy grupe. I pari, që duket se është më i madhi, përbëhet nga njerëz që shpresojnë se rotacioni mund të ndodhë pas 9 muajve nëpërmjet zgjedhjeve, pavarësisht manipulimeve të mundshme nga ana e Berishës & Co. Më i njohuri ndër ta është Edi Rama, i cili, pas mbarimit të zgjedhjeve lokale të 2011-ës, deklaroi se nuk do të kërkonte t’i vinte zjarrin Shqipërisë për të rrëzuar Saliun, por do të luftonte që ta hiqte atë nga pushteti me anë të votës. Ndërsa grupi i dytë përbëhet nga njerëz që nuk besojnë se Berisha mund të hiqet nga pushteti me votë, pavarësisht se sa përpjekje mund të bëjnë opozita dhe vëzhguesit ndërkombëtarë për të minimizuar manipulimet e Berishës & Co. Më i njohuri ndër ta është Skënder Gjinushi, i cili vazhdimisht deklaron se, për sa kohë Berisha është në pushtet, nuk mund të zhvillohen në Shqipëri zgjedhje që të rezultojnë me rotacion pushteti.

Njerëzit e grupit të parë, duke mos besuar se Berisha mund të hiqet nga pushteti para zgjedhjeve, duket se i kanë përqendruar energjitë dhe fokusimin mendor të zgjedhjet. Secili sipas mënyrës së vet, po punon e shpreson që ato të sjellin rotacionin që aq shumë e dëshirojnë. Dhe pyetja është se ç’alternativë ofrojnë njerëzit e grupit të dytë.

Një alternativë është rrëzimi i Berishës në Kuvend. Por që të ndodhë kjo duhet që opozita të paraqesë një kandidat për kryeministër (nëpërmjet një mocioni mosbesimi), i cili të sigurojë të paktën 71 vota në Kuvend. Dhe mendja ta do se opozita i ka bërë përpjekjet që të marrë përkrahjen e 71 deputetëve për një mocion mosbesimi ndaj Berishës, por nuk ia ka dalë mbanë…

Një alternativë tjetër është ajo e protestave masive. Por kjo rrugë u provua për dy vjet pas 2009-ës dhe nuk dha rezultat. Mësimi prej atyre protestave ishte se Berisha nuk pyet prej tyre dhe vetëm kryengritja e armatosur do të mund ta rrezikonte pushtetin e tij para zgjedhjeve të 2013-ës. Por një kryengritje e armatosur do ta çonte vendin pothuaj automatikisht në luftë civile. Dhe për më tepër, një përmbysje e pushtetit me dhunë do të prodhonte një qeveri që me gjasa nuk do të njihej nga komuniteti ndërkombëtar. Në vitin 14 shtator 1998, praktikisht, PS-ja u rrëzua nga pushteti me kryengritje të armatosur, por ndërhyrja energjike e komunitetit ndërkombëtar e ktheu në pushtet brenda një nate…

Dhe pavarësisht se partizanët e rrëzimit me dhunë të Berishës i dinë të gjitha këto, vazhdojnë të këmbëngulin se është e kotë që të shpresohet se Berisha mund të hiqet nga pushteti me votë. Duke e ndjerë se janë pakicë në atë që është quajtur me eufemizëm si popull opozitar, ata shpresojnë tek ndonjë Avni Rustem i kohëve moderne, ose te ndonjë grevë urie që mund të bëjë ndonjë grup shoqëror i margjinalizuar. Por as bëhen vetë Avni Rustemë e as dalin në mënyrë masive për të përkrahur ndonjë grevë urie…

Sidoqoftë, njerëzit që parashikojnë se Berisha nuk do të hiqet nga pushteti me votë një punë e bëjnë. Ata e thonë dhe e shkruajnë këtë gjë sa herë të munden e ku të munden, duke ndihmuar kështu që profecia e tyre të kthehet në një profeci vetëpërmbushëse. Sa më shpesh të thonë e shkruajnë këta njerëz se është e kotë të shpresosh për një rotacion pushteti nëpërmjet zgjedhjeve, aq më shumë votues të vakët të opozitës mund të dekurajohen për të vajtur në kutitë e votimit në ditën e zgjedhjeve. Dhe shërbim më i mirë se ky si zor se mund t’i bëhet Berishës…

[Antiproanti]

PS do te kerkoje shtyrjen e zgjedhjeve parlamentare. Si justifikim te kerkeses se tyre do te perdoret mosfunksionimi i KQZ. Ata nuk do te paraqesin kandidatura te reja, por do te dalin me kerkesen qe te ulemi ne nje tryeze te perbashket, nga ku do te dale kerkesa per shtyrjen e zgjedhjeve.

Nese zgjedhjet nuk do te shtyhen, atehere do te vihet ne funksion plani B, bojkoti i zgjedhjeve. Eshte provuar dhe ne zgjedhjet e meparshme (pas vitit 2005), mirepo nga presioni nderkombetar PS eshte detyruar qe te hyje ne zgjedhje.

Si mendoni?

Shtyrja e zgjedhjeve nuk do te ishte automatikisht e favorshme per PS...

Gjendja aktuale ne KQZ eshte per disa arsye e favorshme per PS-ne. Prandaj edhe nuk ju duhet patjeter dhe menjehere ta ndryshojne, pasi qe manipulimi i votave ne Shqiperi, per aq sa eshte i mundur pa rrezikuar teresisht legjitimitetin e zgjedhjeve, do te ndodh me dhe pa perfaqesuesit e PS ne KQZ, me dhe pa kryetar "konsesual" te KQZ-se (sic po perflitet), me dhe pa shumice te koalicionit aktual opozitar ne perberjen e KQZ.

E vetmja zgjidhje qe i eventualisht do ti konvenonte opozites, do te ishte kthimi i situates para ndryshimit te fundit. Por kjo sipas te gjitha gjasave nuk mund te ndodh, pavaresisht a mbahen apo shtyhen zgjedhjet. Keshtu qe Rama aktualisht nuk ka arsye per te leshuar pe. Edhe presioni nderkombetar me gjase nuk do te ndryshonte gje, edhe pse nje i ashtuquajtur kryetar konsensual do te mund tia ndryshonte mendjen.
Sali Berisha dhe mazhoranca aktuale kane me shume arsye per ta kompletuar KQZ, p.sh. me zgjedhjen e nje kryetari konsensual.
Nese asnje pale nuk leshon pe sa duhet, atehere Shqiperia sipas shume gjasave do te rrezikonte destabilizimin me te madh politik dhe shoqeror te viteve te fundit. Sepse asnje rezultat i ngusht apo relativisht i ngusht ne disfavor te opozites nuk do te pranohej, kesaj radhe eventualisht as nga pjesa me e madhe e "Bashkesise Nderkombetare". Humbja e Berishes me rezultat te ngusht gjithashtu do te ishte problematike dhe do ti nxiste Berishen dhe aleatet ti manipulonin rezultatet permes rinumrimeve dhe KQZ-se ne favorin e tyre.
Sidoqofte, ende ka pak kohe per Bashkesine Nderkombetare (SHBA-te dhe BE-ne) ta ndryshojne me presion perberjen aktuale e KQZ-se ne ate menyre qe rezultatet e zgjedhjeve te mund te pranohen dhe te miratohen se paku nga vete ata. Sepse nje zgjidhje optimale dhe vertete te pranueshme nga Rama dhe Berisha nuk do te jete e arritshme. Me Berishen e kane pak me lehte ne kete faze dhe ne keto rrethana, sepse mund ti kanosen hapur me mosnjohjen e rezultateve dhe fitores eventuale.

[DYDRINAS]

... Shqiperia sipas shume gjasave do te rrezikonte destabilizimin me te madh politik dhe shoqeror te viteve te fundit...

Ky eshte dhe synimi personal i Rames, qe permes bojkotit te çoje drejt destabilizimit me te madh politik dhe shoqeror, qe shqip perkthehet - LUFTE CIVILE!