PS: Behen publike listat e kandidateve ne zgjedhje

[Albo]

Arta Dade: Po imponohet kandidimi i humbësve

Analiza e anëtares së Kryesisë së PS.

Dade: PS të mos bëjë gabimet e 2009 me listat e deputetëve.

“Po imponohet kandidimi i humbësve, emrat mund t’i mësojë e para Lefterija e KQZ”

Anëtarja e Kryesisë socialiste, Arta Dade, nisur nga opinionet që qarkullojnë rreth listave dhe publikimeve të ditëve të fundit në media, kërkon që forumi më i lartë i kësaj partie t’i japë fund hamendësimeve rreth listave për deputetë, sipas kritereve që duhen përcaktuar qartë. Duke bërë ballafaqimin mes dy partive kryesore, Dade shprehet se PS, ndryshe nga PD, duhet të sjellë në listat e deputetëve njerëz që përfaqësojnë vlera të së majtës dhe jo thjesht individë që elektorati duhet t’i votojë pse refuzon qeverisjen e Sali Berishës. Anëtarja e Kryesisë kërkon që të mos përsëriten gabimet e 2009-s që u bënë me listat, ku u përfshinë njerëz që nuk kishin lidhje të forta me PS-në e që u larguan nga Grupi socialist. Ajo kërkon përcaktimin e disa kritereve bazë, mbi të cilat Kryesia që pritet të mblidhet këtë fundjavë duhet të ballafaqojë emrat që do të ofrohen. Dade shprehet se në listat e kandidatëve të PS-së për deputetë nuk duhet të përfshihen persona që kanë humbur në zgjedhjet e kaluara, të cilët pse nuk bindën elektoratin për t’i votuar ata, duhet të përfshihen në zona të sigurta të listave. Sipas anëtares së Kryesisë socialiste, “një forcë serioze si PS, këto duhet t’i analizojë me kujdes e kriteret për përfaqësim duhet t’i konsolidojë dhe të krijojë koracën mbrojtëse për t’i rezistuar klientelizmit”.

Nga ARTA DADE

Opinioni publik, por edhe elektorati, ka kohë që presin të kthjellohen se cilët do jenë ata që do t’i përfaqësojnë në Kuvendin e paszgjedhjeve të 23 qershorit. Sipas hamendësive, që vënë në dyshim transparencën, ka gjasa që këtë gjë më parë ta mësojë Lefterija e KQZ-së, sesa vetë deputetët aktualë, ata që aspirojnë t’u zënë vendin aktualëve, strukturat e partisë që pa asnjë kontestim zbatojnë deri në sfilitje çdo detyrë që u ngarkohet lidhur me zgjedhjet.
Sipas praktikave në zbatim të statutit dhe rregulloreve të brendshme, duhej të kishte nisur procesi për vlerësimin e punës së deputetëve aktualë dhe marrja e mendimeve nga baza e partisë, si edhe përpunimi i një numri kriteresh, normash e parimesh, të cilat do të lehtësonin punën e përbashkët të strukturave të partisë nga baza në qendër.
Imponimi në zona tradicionalisht të majta i një numri kandidaturash që kanë rezultuar humbëse zgjedhje pas zgjedhjesh, duke hequr mandate të PS edhe në zona të sigurta, pas promovimit të tyre jashtë çdo norme në nivelet më të larta të drejtimit, më e pakta ul motivimin e strukturave të partisë për të punuar me energji të plotë dhe druaj nëse maksimizon rezultatin e PS-së dhe të koalicionit opozitar.
Është e vërtetë që Berisha do të ikë, me gjithë përpjekjet që bën për të luajtur me ndonjë figurë të pakonsumuar në listat e kandidatëve për deputetë. Por, PS nuk mund të ketë pikë reference PD-në për të ofruar vlera të pakontestueshme në listat e saj, për të lehtësuar fushatën e saj, sepse listat e kandidatëve për deputetë nuk mund të përbehen prej numrash, gra apo burra, por ato duhet të jenë përfaqësuese të vlerave socialdemokrate, të integritetit individual, besnikërisë ndaj forcës politike që e kandidon dhe ndaj parimeve e bindjeve pse aderon e punon për këtë forcë politike, në respekt të elektoratit që nuk mund të votojë symbyllazi, vetëm se kërkon që të mos i dëgjojë më as emrin Sali Berishës.
Përvojat e kaluara në PS ofrojnë sinjale se punët me listat në 2009-n mund të ishin bërë më mirë. Rastet e deputetëve socialistë që kurrë nuk i kishte lidhur ndonjë element me PS-në, refuzuan të qëndrojnë me ne në betejat politike, si dhe rastet e largimit nga Grupi socialist për arsye ngushtësisht vetjake, duhet të na bëjnë të reflektojmë. Një forcë serioze si PS-ja, këto duhet t’i analizojë me kujdes dhe kriteret për përfaqësim duhet t’i konsolidojë e të krijojë koracën mbrojtëse për t’i rezistuar klientelizmit. Druaj se në lista po përfshihen kolegë që rezultojnë humbës në një numër të njëpasnjëshëm procesesh zgjedhore, ata mund të kenë cilësi të tjera pozitive, por ja që rekordet flasin për dështim në një numër zgjedhjesh. Puna me partinë, me mbështetësit, me komisionerët, me elektoratin është art më vete, e jo të gjithë e zotërojnë dhe e përdorin me efektshmëri e kjo shkon në drejtim të kundërt me elektoratin socialist, që vjen duke u rritur e që kërkon garanci për respekt në përfaqësim, por edhe përkushtim për të zgjidhur problemet e panumërta me të cilat përballet. Portreti i liderit dhe i partisë në një zonë të caktuar është fytyra e personit që ne ia imponojmë elektoratit për ta votuar.
Në botën demokratike ku duam të integrohemi, e në veçanti në partitë socialdemokrate, praktika tregon se kandidati për deputet që dështon një herë nuk mund të kthehet të rikandidojë në zgjedhjet e ardhshme, kjo, në respekt të njerëzve që nuk arriti t’i bindë ta votonin. Sigurisht që ai nuk largohet nga politika, se mund të jetë i dobishëm për të kryer detyra të tjera. Ai vetë nuk merr kurajën të dalë për herë të dytë apo të tretë para elektoratit, sepse punën në Parlament nuk e sheh të lidhur me interesat e veta, por me interesat e elektoratit. Ai nuk mund të fshihet padrejtësisht pas votave që grumbullon partia, duke siguruar vend në zonën e sigurt të listave. Po te ne çfarë ndodh? A respektohet njësia matëse për punën në politikë, rezultati në zgjedhjet paraardhëse? Si rregull duhet të ndodhë që të jetë një prej kritereve kryesore në përcaktimin e kandidatëve, në respekt edhe të statutit. A duhet të përfshijmë në lista individë që kanë sjellë kosto dhe të mbyllim sytë kur humbësit tentojnë të strehohen në zona pa lidhje me veten e as me votuesit, që janë njerëz të rrënuar ekonomikisht, por edhe shpirtërisht për shkak të rrënimit të tërë vendit prej qeverisë që ata do ta rrëzojnë me vullnetin e tyre të lirë, por edhe të motivuar prej shpresës se në këtë vend duhet vendosur rregull, i cili fillon e duhet të fillojë brenda nesh.
Çoroditja e elektoratit nga artikuj gazetarësh matrapazë e sondazhe spekulative e të pabesueshme, të sponsorizuara nga parabërës (që bëjnë para) matrapazë të të gjitha kallëpeve është e tepërt dhe e dëmshme në këtë prag zgjedhjesh. Si një forcë politike që do të qeverisë vendin, ne do të manifestojmë pjekurinë përkatëse në hedhjen e hapave të rëndësishëm, duke nisur me listat e kandidatëve e duke studiuar çdo element që na çon drejt fitores së pashmangshme në zgjedhjet e 23 qershorit.
Java në vazhdim do të jetë vendimtare e shpresoj fuqishëm se do t’u japë fund hamendësive dhe darovitjeve nën dorë për ata që fushatat elektorale i kanë veprimtari fitimprurëse gjobavënëse për të dizorientuar opinionin publik e krijojnë pasiguri te elektorati. Kryesia e PSSH-së, në zbatim të njërës prej detyrave funksionale të saj, duhet të shqyrtojë çdo kandidaturë që do të përfshihet në listat për deputetë në zbatim të kritereve. PSSH, si partia më e demokratizuar dhe alternativë qeverisëse e besueshme, me vizion të qartë për të udhëhequr vendin drejt Bashkimit Europian, jo si qëllim në vetvete, por si mjet për të rritur cilësinë e jetës së shqiptarëve, standardet dhe respektin për standardet e ka nisur gjithnjë nga vetvetja.

Titujt janë të redaksisë. Titulli i autores: “Matrapazët e listave, të sondazheve dhe të gazetave”

Panorama

[Brari]

arta po te kish mundesi do kandidonte imellde tashon e orik shtyin..
po dhe aldo baren po te ish i lire..

[murik]

E paskan hequr nga lista kete kukumjacken me duket.

[Albo]

Grupi i deputetëve, lista e PS, Rama paralajmëron ndryshime të mëdha

Fejzi Braushi

Një pjesë e konsiderueshme e depu-tetëve aktualë të Partisë Socialiste në shtator nuk do jenë më pjesë e Kuvendit. Ndryshe nga sa kishte deklaruar më parë vetë kryetari Edi Rama, se grupi nuk do kishte ndryshime të mëdha, dje ai ka konfirmuar të kundërtën. Duke folur ndoshta në mbledhjen e fundit të këtij grupi parlamentar, Rama teksa ka falenderuar deputetët e vet për gjithçka kanë bërë në këto 4 vite opozitë, ka bërë të ditur se për shkak të filozofisë së ndarjes së punëve të legjislativit nga ato të ekzekutivit, grupi i ardhshëm parla-mentar i kësaj force do pësojë ndry-shime të mëdha. Por për të shmangur çdo lloj përçarjeje nga qejfmbetjet e mundshme që mund të krijohen me këtë rast, Rama u ka kërkuar të zgjedhurve socialistë që të vënë interesat e partisë mbi interesat personale. “Duke treguar sot, në këtë moment dhe pikërisht në këtë çast, kur mbyllet një kapitull dhe hapet një kapitull i ri, kur mbaron mis-ioni i një grupi parlamentar dhe fillon misioni i një tjetër grupi parlamentar, që sigurisht në përbërjen e vet do të ketë shumë ndryshime, se ne jemi mbi çdo interes vetjak, mbi çdo klithmë të brend-shme për të vendosur vetveten mbi as-piratat dhe mbi interesat që mbron kjo forcë e madhe politike”, – tha Rama në fjalën e vet. Për Ramën këto janë zgjed-hjet më të rëndësishme që Shqipëria ka pasur pas atyre të vitit 1992. Dhe kjo pa-si, sipas tij, këto zgjedhje “do të vendo-sin nëse Shqipëria do të rilindë, apo do të vazhdojë në të tatëpjetën e rrënimit të mëtejshëm”. Por rilindja e Shqipërisë, sipas Ramës, dikton reforma të thella dhe ndaj ai ka vendosur që t’i aplikojë ato duke filluar që nga ndarja e punëve të legjislativit nga ato të ekzekutivit. “Me vetëdijen se sa të rëndësishme janë këto zgjedhje jo për 4 vitet e ardhshme, por për një gjeneratë, si dhe me bindjen se programi ynë për Rilindjen dikton re-forma të thella rrënjësore dhe një parla-ment e një qeveri që duhet të bëjnë me pasion dhe fuqi të plotë punën e tyre, ne do ta ndajmë legjislativin nga ekzeku-tivi”, – tha Rama. Për kreun socialist “kjo ndarje do të rrisë numrin e protag-onistëve që do të udhëheqin Shqipërinë në rrugën e kalimit të reformave dhe të realizimit të programit tonë të Rilindjes, duke bërë që edhe numri i deputetëve që do të përfshihen në këtë fushatë për të kontribuar më tej në legjislativ apo në ekzekutiv, të jetë më i madh sesa numri i vendeve që do të fitojmë në 23 qershor”. Ndaj ai është përpjekur të qetësojë ata de-putetë që e ndjejnë veten jashtë listave, se në qeverisjen e ardhshme të socialistëve do të ketë vend dhe nevojë për të gjithë. “Në këtë grup janë zhvilluar dhe kon-soliduar profile të reja, krahas profileve të konsoliduara në vite të tëra jete parla-mentare. Nga ky grup do të dalë edhe skuadra fituese e 23 qershorit, ndërsa ndryshimet e natyrshme brenda tij sigur-isht që do të ndodhin, por nuk do të nxjer-rim jashtë rrugës së mëtejshme të PS-së pas 23 qershorit as edhe njërin. Gjithsecili do të marrë përgjegjësitë e veta të mëdha për të garantuar suksesin e mandatit qe-verisës që do të marrim nga shqiptarët në 23 qershor. Ky grup meriton të gjitha vlerësimet më të larta për çka ka bërë në këto katër vjet. Çdo pjesëtar i këtij grupi mbetet një kapital shumë i çmuar njerëzor i Partisë Socialiste për të udhëhequr ven-din në katër vitet e ardhshme”, – u shpreh Rama. Duke bërë bilancin e punës katërvjeçare të grupit, Rama teksa ka fal-enderuar deputetët e tij për punën dhe kontributin e dhënë, iu ka kërkuar atyre edhe ndjesë për gabimet që ai vetë mund të ketë bërë në marrëdhëniet me ta. Më tej ai ka shprehur se ngjarja e 21 janarit mbetet amaneti që duhet zbardhur në qe-verisjen e ardhshme. “Kemi humbur njerëz, si të ishim në një fushë lufte me një armik, jo në një vend pluralist përballë një kundërshtari politik. 21 janari mbetet am-aneti i madh i këtij 4-vjeçari në opozitë dhe një prej synimeve tona madhore për dre-jtësi gjatë 4-vjeçarit tjetër në qeverisje”, – u shpreh Rama.

MAPO

[Albo]

Zonat e mbyllura, emrat e deputetëve të PS për 6 qarqet

Fejzi Braushi

Kur mbeten edhe pesë ditë nga skadimi i afatit të dorëzimit të listave të kandidatëve për deputetë, Partia Socialiste i ka mbyllur ato vetëm për tre qarqe: Elbasan, Shkodër dhe Gjirokastër. Ka qenë vetë kryetari Edi Rama ai që ka negociuar me deputetët aktualë të këtyre zonave dhe kryetarët e bashkive respektive, aty ku ata janë socialistë, duke i dhënë në fund formë përfundimtare listave të kandidatëve për deputetë që do garojnë në zgjedhjet e 23 qershorit. Dje Rama ka tentuar t’i japë zgjidhje edhe situatës së listës së qarkut të Vlorës, për të cilën ka pritur në zyrën e tij kreun e Bashkisë së këtij qyteti, Shpëtim Gjika, por pa mundur që të dalë me një rezultat konkret dhe përfundimtar. Sot dhe në ditët në vijim Rama pritet të kryejë të njëjtën procedurë edhe me qarqet e tjera, listat e të cilave ende kanë dilema për t’u zgjidhur.

Qarqet e mbyllura

Lista e kandidatëve për deputetë të PS për Qarkun e Elbasanit është një nga listat e para që ka marrë formë pothuaj përfundimtare. Megjithëse pjesa dërmuese e saj ishte bërë e njohur muaj më parë, ditët e fundit Rama në konsultim të vazhdueshëm me të deleguarit e kryesisë Ben Blushi dhe Damian Gjiknuri, si dhe me kryetarin e Bashkisë së Elbasanit, Qazim Sejdini, ka mundur të përcaktojë dhe emrat e tjerë që janë në vendet e sigurta në listë. Kështu, veç Ben Blushit, Damian Gjiknurit, Evis Kushit, Alfred Pezës dhe Taulant Ballës, një pjesë e të cilëve janë prezantuar edhe publikisht, ditët e fundit është vendosur në listë në zonën fituese edhe Musa Ulqini. Me Ulqinin mbyllet kështu lista prej 6 emrash të sigurt. Kaq vende ka PS të sigurt në këtë zonë, pasi me bashkimin me LSI-në, një nga deputetët e opozitës e merr LSI. Mësohet se Rama ka biseduar edhe me deputetët që nuk do jenë në listën fituese, si Agim Lekën, Ilir Bejtjan dhe Shega Ligorin, të cilëve u ka kërkuar që të mirëkuptojnë vendimin e tij dhe se ata do të “shpërblehen” me diçka tjetër gjatë qeverisjes së socialistëve. Një qark tjetër ku gjërat janë qartësuar në mënyrë përfundimtare është edhe Shkodra. Gjatë bisedimeve me krerët e partisë në këtë rreth dhe me deputetët aktualë të PS-së, Rama ka përcaktuar katërshen e deputetëve fitues, përfshi këtu Tom Doshin, Mimoza Hafizin, Paulin Sterkajn dhe Keti Bazhdarin. Edhe me deputetët e tjerë që s’do jenë më në listë Rama ka kryer të njëjtin rit, duke kërkuar prej tyre mirëkuptim për moskandidimin dhe mbështetje për fitoren e socialistëve. Një qark tjetër që ka marrë zgjidhje ditët e fundit është edhe ai i Gjirokastrës, ku janë vendosur të kandidojnë Arben Ahmetaj në Tepelenë, Erion Veliaj në Përmet, Anastas Angjeli në Gjirokastër. Pra siç shihet, mungon në listën e Gjirokastrës emri i Arta Dades, e cila mësohet se do kandidojë në një vend të sigurt në Tiranë. Ndërkohë që deputeti tjetër i këtij qarku, Et’hem Ruka mbetet jashtë liste. Lista ka marrë formë përfundimtare pas takimit që Rama ka zhvilluar të martën me kryetarin e Bashkisë së Gjirokastrës, Flamur Bime.

Përveç këtyre tre qarqeve, situata është e qartë, megjithëse nuk është mbyllur në mënyrë zyrtare edhe në tre qarqe të tjera dhe më konkretisht në Kukës, Lezhë dhe Dibër, kjo edhe për shkak të numrit të paktë të deputetëve që nxjerrin këto zona. Në Kukës dihet tashmë kandidimi i Vexhi Muçmatës, në Dibër Shkëlqim Cani dhe Qemal Minxhozi, dy të parët të prezantuar nga vetë Edi Rama. Gjithashtu lista mund të konsiderohet e mbyllur edhe në Lezhë, ku kandidojnë Mimi Kodheli, Armando Prenga dhe Arben Noka.

Qarqet e pambyllura

Një nga zonat më problematike sa i përket emrave të kandidatëve dhe konjukturës mes socialistëve është qarku i Vlorës. Ndaj për t’i dhënë një zgjidhje kësaj situate të paqartë, Rama ka pritur dje në zyrën e tij kryebashkiakun e Vlorës, Shpëtim Gjikën, i cili ka shumë influencë mbi socialistët e zonës. Gjatë takimit mësohet se Rama i ka bërë të ditur atij se po mendon që të kandidojë vetë në këtë qark, por duke theksuar se për këtë gjë nuk kishte vendosur ende në mënyrë përfundimtare. Për pjesën tjetër të listës, mësohet se biseda nuk ka prodhuar një produkt konkret, pasi Gjika ka kërkuar që në përcaktimin e saj të njihen kontributet e disa socialistëve dhe deputetëve aktualë. Në pamundësi për t’i dhënë një zgjidhje situatës, të dy bashkëbiseduesit janë ndarë duke rënë dakord që të vijojnë konsultën. Për qarqet e tjera situata është ende e paqartë për një pjesë të listës së tyre, ndërkohë që shumica e emrave janë konfirmuar tashmë. Nuk dihet ende se ku do kandidojë Erion Braçe, Arben Malaj dhe Namik Dokle, ndërkohë që Bashkim Fino mësohet se ka kaluar nga Fieri në Korçë. Gjithsesi, Rama do tentojë t’i mbyllë edhe këto qarqe në ditët në vijim, pasi të hënën në mesditë ai duhet ta prezantojë skuadrën e plotë në Konventën zgjedhore.


Rama prezanton dy “kundërshtarët”, Ulqini dhe Hafizi

Mimoza Hafizi dhe Musa Ulqini janë dy emrat e rinj në listën e kandidatëve për deputetë të PS-së. Ulqini do të jetë pjesë e listës së kandidatëve për deputet në Qarkun e Elbasanit, ndërsa Hafizi në atë të Shkodrës. Rama duke i prezantuar publikisht gjatë një konference për shtyp, i ka vlerësuar maksimalisht të dy kandidatët e rinj me fjalët më të mira. Ai vlerësoi më tej se Ulqini është një socialist 24 karat, që kurrë nuk u nda nga PS, pavarësisht se në vitin 2009 nuk u përfshi në listat e kandidatëve për deputetë. “Përfshirja në skuadrën tonë e Musa Ulqinit nuk është thjesht reflektimi i tij për një socialist 24 karat si Musai, me të cilin politika e njohu dhe i bëri miq, si rrallëherë ndodh të të bëjë politika dhe i ndau përkohësisht për disa kohë kur Musai nuk u përfshi në pjesën e sigurt të listës së vitit 2009. Politika na ndau përkohësisht. Ky është momenti për të nënvizuar konkretisht respektin për kontributin e një pjesëtari të kësaj familjeje politike, që pavarësisht se në atë kohë u ndje i ngrënë në hakun e vet, nuk u gremis në sedrën vetjake, por pavarësisht kësaj punoi për PS”. “Ky është edhe momenti për të nënvizuar respektin për kontributin e një pjesëtari të PS që, pavarësisht se në atë kohë u ndje duke iu ngrënë haku i vet, nuk doli në rrugën e mllefit në emër të egoizmit e sedrës, por pavarësisht ndarjes me mua në këndvështrime, kontribuoi për PS në komunitetin ku jeton. Por edhe më shumë se kaq, se lista e deputetëve nuk ndërtohet si stenda e një muzeu, apo kapitulli i një historie, Ulqini vjen sot si një vlerë e shtuar në atë pjesë të patjetërsueshme të ballafaqimit zgjedhor”,- tha ai. Po kështu edhe për Hafizin, Rama theksoi se ky emër ka qenë gjatë në strukturat e PS, por hera e parë që kandidohet për deputete. “Nuk u përfshi dhe pse ishte anëtare e PS. Zgjodhi të rrinte në PS jo me mllef, por me arsyet e veta m’u kundërvu pa e shkelur asnjëherë etikën, por pa e lënë asnjëherë bosh vendin si anëtare e PS në raport me njerëzit e kësaj familjeje, në raport me detyrën e saj dhe detyrimin përkarshi kësaj familjeje politike”.



Lista e kandidatëve për deputetë

(Renditja e emrave është rastësore dhe s’ka të bëjë me renditjen e tyre në listën zyrtare që do të dorëzohet në KQZ)


Qarqet e mbyllura

Qarku Elbasan

Ben Blushi

Damian Gjiknuri

Evis Kushi

Alfred Peza

Taulant Balla

Musa Ulqini



Qarku Gjirokastër

Anastas Angjeli

Erion Veliaj

Arben Ahmetaj

Vladimir Kosta



Qarku Shkodër

Mimoza Hafizi

Tom Doshi

Paulin Sterkaj

Keti Bazhdari

Namik Kopliku



Qarku Lezhë

Mimi Kodheli

Armando Prenga

Arben Noka



Qarku Kukës

Vexhi Muçmata



Qarku Dibër

Shkëlqim Cani

Qemal Minxhozi

Ulsi Manja







Qarqet e pambyllura


Qarku Berat

Fidel Ylli

Eduart Shalsi

Ermonela Felaj

Eduard Bejko



Qarku Durrës

Blendi Klosi

Ilir Beqja

Eglantina Gjermeni

Agron Duka

Gazmir Bizhga

Klodiana Spahiu

Hazir Gashi



Qarku Fier

Gramoz Ruçi

Ilirian Celibashi

Armando Subashi

Arben Çuko

Ervin Koçi

Besa Kokëdhima (nuk është vendosur)




Qarku Korçë

Pandeli Majko

Bashkim Fino

Olta Xhaçka

Ylli Ziçishti

Ilir Pendavini



Qarku Tiranë

Edi Rama?

Sajmir Tahiri

Lindita Nikolla

Fatmir Xhafaj

Ditmir Bushati

Erion Braçe?

Arta Dade

Parid Cara

Besnik Bare

Vasilika Hysi

Artan Gaçi

Xhemal Qefaliaj

Pjerin Ndreu

Sadri Abazi

Arbi Mazniku





Qarku Vlorë

Edi Rama?

Valentina Leskaj

Luiza Xhuvani

Arben Malaj?

Arben Isaraj

Eltar Deda

Eduard Leka

Fatmir Toçi


MAPO

[Albo]

Deputeti i PS-së, Marko Bello, nëpërmjet një njoftimi në Facebook, njofton se nuk do të jetë pjesë e listës së kandidatëve për deputet.

“Sot mësova se nuk do të kandidohem në zgjedhjet parlamentare të 23 qershorit 2013. Shpresoj të mos i kem zhgënjyer; Gjithashtu u shpreh mirënjohjen time qytetarëve dashamirës dhe fisnikë të Beratit për mbështetjen dhe respektin ndaj meje. Ndihem i nderuar që i kam përfaqësuar në Kuvendin e Shqipërisë për 12 vjet dhe dua t’i siguroj se mbetem në shërbim të tyre në vijimësi; Jam krenar se nga politika aktive nuk po më largon vota e qytetarëve, por kapricioja e një tekanjozi, i cili, ata që populli i përzuri nga dera, po i fut nga oxhaku… Gjithsesi, u uroj socialistëve dhe progresistëve fitore më 23 qershor”, shkruan deputeti i PS.

(Panorama)

[Albo]

Fejzi Braushi

Pak orë nga skadimi i afatit ligjor për dorëzimin e listës shumemërore të kandidatëve për deputetë për zgjedhjet e 23download (1)qershorit, kreu i socialistëve, Edi Rama kishte ende shumë dilema për një numër të konsiderueshëm emrash të njohur në këtë parti. Figura me peshë të këtyre viteve, si Erion Braçe, Arben Malaj, Ilir Gjoni, Arben Isaraj, të paktën deri dje në orët e mbrëmjes, në rastin më të keq nuk kanë qenë konfirmuar si pjesë e listës së kandidatëve për deputetë dhe në rastin më të mirë nuk iu janë përcaktuar zona dhe vendi në listë. Burime nga selia rozë kanë bërë të ditur dje se në dy ditët e fundit ka patur përpjekje nga kryetari Rama për ta çuar nënkryetarin e grupit dhe një nga emrat më të spikatur të opozitës 8-vjeçare, Erion Braçen, që të kandidojë në qarkun e Fierit dhe më konkretisht në qytetin e Lushnjes. Ofertë kjo, që siç mësohet, nuk është pranuar nga Braçe, i cili tashmë është përjashtuar në mënyrë përfundimtare nga lista e qarkut të Beratit që e ka zgjedhur disa herë resht. E vetmja alternativë mbetet qarku i Tiranës, të cilin Braçe vetë më parë edhe publikisht e kishte kundërshtuar. Megjithatë, burime nga PS-ja konfirmuan dje se Braçe do të jetë pjesë e listave shumemërore të PS-së, por askush nuk mund të thoshte me siguri se në cilin qark ai do kandidonte. Një emër tjetër i njohur në radhët e socialistëve është edhe ai i ish-ministrit të Financave, Arben Malaj, për të cilin gjithashtu deri dje në mbrëmje ekzistonte dilema nëse ai do ishte pjesë e listës së PS-së apo jo. Edhe për këtë figurë, dje në PS nuk kishte askush një informacion të saktë nëse ai do ishte pjesë e listave fituese. Emri i Malajt është folur si kandidaturë në zonën e Delvinës në qarkun e Vlorës, por për shkak të marrëdhënieve jo fortë miqësore me kryetarin e partisë, emri i tij deri në mbrëmjen e djeshme ishte në pikëpyetje. E njëjta gjë mund të thuhet edhe për një emër tjetër të njohur të PS-së, deputetin aktual Arben Isaraj, i cili në zgjedhjet e 2009-ës kryesoi listën e socialistëve për qarkun e Vlorës. Pavarësisht se Isaraj është edhe anëtar i kryesisë, burime në PS bënë të ditur se emri i tij ishte sërish me pikëpyetje në listë. Një dilemë që kreu socialist duhet t’i japë një zgjidhje gjatë ditës së sotme është edhe ajo për të kandiduar një nga pjesëtarët e familjes Kokëdhima. Ndërsa deri para pak ditësh ishte folur për kandidimin e mundshëm të vajzës së kësaj familjeje, këngëtares Besa Kokëdhima, dje në ambientet e selisë rozë përflitej dhe kandidimi i mundshëm i Brixhida Kokëdhimës në qarkun e Vlorës.

“Të djegurit”

Por ndërsa emrat e mësipërm mund të konsiderohen si emra që kanë ende mundësi të bëhen pjesë e listave, një numër tjetër i konsiderueshëm deputetësh aktualë të PS-së kanë prerë biletën për ta parë ndeshjen e ardhshme elektorale ose nga stoli i rezervave (pra duke qenë pjesë e listave, por jo në vendet fituese), ose nga jashtë fushe) d.m.th duke mos qenë fare në listë). Dhe bëhet fjalë për një numër prej rreth 15 deputetësh të tjerë, të cilëve, vetë kryesocialisti Edi Rama në takime direkte me ta u ka bërë të ditur vendimin e tij ose për të mos i kandiduar fare, ose për t’i kandiduar në vende të pasigurta. Kështu bie në sy emri i ish-ministrit të Brendshëm, Ilir Gjoni, i cili aktualisht mban dhe pozicionin e nënkryetarit të komisionit të Sigurisë Kombëtare. Burime nga PS kanë bërë të ditur se emri i Gjonit nuk është përmendur fare këto ditë si pjesë e listave. Ndërkohë që është konfirmuar moskandidimi ose kandidimi në vendet plotësuese i emrave të tillë, si Marko Bello, Agim Leka, Shegushe Ligori, Ilir Bejtja, Alfred Dalipi, Eltar Deda, Albert Çaçi, Et’hem Ruka etj. Duke patur parasysh edhe faktin se tashmë tre deputetët aktualë, Kastriot Islami, Asllan Dogjani dhe Gjovalin Kadeli, të cilët në 2009-ën u zgjodhën nën siglën e PS-së dhe tashmë janë larguar prej saj, i bie që nga lista fituese e zgjedhjeve pararendëse të mos rikandidohen afërsisht 30 % e saj.



Lista e kandidatëve për deputetë

(Renditja e emrave është rastësore dhe s’ka të bëjë me renditjen e tyre në listën zyrtare që do të dorëzohet në KQZ)



Qarku Elbasan

Ben Blushi

Damian Gjiknuri

Evis Kushi

Alfred Peza

Taulant Balla

Musa Ulqini


Qarku Gjirokastër

Arben Ahmetaj

Erion Veliaj

Anastas Angjeli

Vladimir Kosta


Qarku Shkodër

Mimoza Hafizi

Tom Doshi

Paulin Sterkaj

Namik Kopliku



Qarku Lezhë

Mimi Kodheli

Armando Prenga

Arben Noka

Ndrecë Deda



Qarku Kukës

Vexhi Muçmata

Vladimir Elezi



Qarku Dibër

Shkëlqim Cani

Qemal Minxhozi

Ulsi Manja





Qarku Berat

Eduart Shalsi

Fidel Ylli

Ermonela Felaj

Eduard Bejko



Qarku Durrës

Blendi Klosi

Klodiana Spahiu

Namik Dokle

Ilir Beqja

Edison Konomi

Gazmir Bizhga



Qarku Fier

Gramoz Ruçi

Ilirian Celibashi

Eglantina Gjermeni

Armando Subashi

Erion Braçe?

Ervin Koçi

Fatos Klosi



Qarku Korçë

Bashkim Fino

Olta Xhaçka

Ylli Ziçishti

Ilir Pendavini

Ilir Xhangolli

Irena Kallço



Qarku Tiranë

Pandeli Majko

Sajmir Tahiri

Lindita Nikolla

Fatmir Xhafaj

Ditmir Bushati

Erion Braçe?

Arta Dade

Parid Cara

Besnik Bare

Vasilika Hysi

Artan Gaçi

Milena Harito

Xhemal Qefaliaj

Pjerin Ndreu

Sadri Abazi

Arbi Mazniku



Qarku Vlorë

Edi Rama

Valentina Leskaj

Luiza Xhuvani

Fatmir Toçi

Arben Malaj?

Brixhida Kokëdhima?

Arben Isaraj?

Eduard Leka





Deputetët që nuk janë ose që janë në dyshim për të qenë në listë

Agim Leka

Ilir Bejtja

Shegushe Ligori

Ilir Gjoni

Marko Bello

Pirro Lutaj

Arben Çuko

Paulina Hoxha

Skënder Hasa

Albert Çaçi

Et’hem Ruka

Hazir Gashi


MAPO

[Brari]

Listat, Rama: Unë në Vlorë, në kryeqytetin e pavarësimit të shtetit shqiptar. Braçe, në listë

TIRANE- Pak kohe para publikimit te listes zyrtare te kandidateve per deputete ne zgjedhjet e qershorit, kreu i PS-se, Edi Rama ka garantuar se skuadra e krijuar do te jete e gatshme dhe e afte te fitoje dhe te qeverise.

Me shume gra per vleresim te barazise gjinore, shprehje te vullnetit per te ndare pergjegjesi, konsolidim te asaj qe eshte ndertuar nder vite dhe riafirmim te vlerave duke perfshire energji te reja.

Keshtu e ka komentuar listen e re te deputeteve, kreu i PS-se, Edi Rama, duke e cilesuar rikonfigurimin e saj te domosdoshem.

Ai ka falenderuar deputetet per gjithe rezistencen dhe kontributin e dhene.

Rama, ja pse kandidoj ne Vlore

Rama ka deklaruar se ai ka vendosur te jete ne Vlore, me nje mesazh te qarte, ate te kryeqytetit të pavarësimit të shtetit shqiptar

“Kam vendosur të jem në krye në listën e Vlorës me një mesazh shumë të qartë jo për Vlorën, por për Tiranën, Shkodrën e Prishtinën, me mesazhin e kryeqytetit të pavarësimit të shtetit shqiptar dhe fillimit të rrugës së shtetit shqiptar, të domosdoshmerise që të gjithë bashkë të rinisim rrugëtimin për të hapur me faqe të bardhë kapitullin e dytë të 100 vjetëve të dyta të shtetit tonë, që sapo fillon dhe s’mund të vazhdojë si inerci e 8 viteve rrënim skandaloz”- tha Rama.

Brace, ne liste

Rama ka konfirmuar se Erjon Brace eshte ne listen e kandidateve per deputete.

“Mosqenia në liste e Erjon Braces është spekulim, ai është një nga pjesetarët e skuadrës dhe për të mos bërë përjashtim nga të tjerët ka vendin që i takon në frontin e një beteje ku ne nuk jemi për vete po për qëllimin e përbashkët, duke përputhur atë që japim me atë që kërkohet nga cdo territor. Brace gëzon të gjithë respektin dhe vlerësimin tim në funksion të një beteje ku askush nuk është i domosdoshëm por të gjithë janë të nevojshëm”- tha Rama.

Panorama






nuk eshte e rastit kjo zgjedhje.

edvin vlonjati e di mire se diktatura e eger barbare enveriste hysni kapoiste.. kishte vloren si djep..
aty filluan vrasjet pritat e pabesite.. pushkatimet e mizorite.. qe ne dizet e dinë..
jo me kot zgjodhen vloren ne 96-97 per te permbysur demokracine me revolucionin barbar "te vonuar" me pershpejtim..
dhe tani edvini qarte e jep mesazhin.. se perseri nga vlora do ta ri-nisin ri-vendosjen e diktatures neo bllokqene.. neo enveriste..

[mia@]

Pyetje e leshte, pergjigje te leshta. .

[MaDaBeR]

Mendoj se elektorati I majte u zhgenjye serish nga kryetari. Edi Rama i shmanget serish perballjes me Berishen dhe iken ne Vlore nderkohe qe duhet te ishte udheheqesi i listes se Tiranes perballe Berishes. Lista e PS shume shume me arrogante se sa lista e PD megjithese PD futi ne lista 3 socialiste dhe aleatet. Koco Kokedhima eshte nje kosto e shumefishte ne Vlore. E para, largon nga PS nje nga figurat me te spikatura te PS, Arben Malaj, ne kontribute te padiskutueshme ne te majten Shqiptare. E dyta, Koco Kokedhima eshte mjaft I perfolur per mospagimin e rrogave te punonjesve te tij, nje gjest krejt ordiner ky nga nje biznesmen.

Nuk e kuptoj se si nje Parti Socialiste, e majte, largon vlerat dhe idealistet e majte per biznesmene. Me falni, por ketu nuk kemi fare te bejme me politika e ideale te majta. PS eshte kthyer ne nje pari shume me konservatore se nje parti e djathte.