AK: PS iu ofron nga 200 euro anëtarëve tanë për të lënë partinë

[Station]

mire qe e more vesh shoku

Shoku unë nuk e mora vesh tani ... e dija që kur doli Jeniçeri.

[murik]

mos, na paska fik fare..

[Albo]

Dorëhiqet Sekretari për Kulturën në AK: Partia u shndërrua në LK, Partia e Lekëve të Kreshnikut

TIRANE-Largohet një tjetër sekretar nga partia Aleanca Kuq e Zi. Largimi më i fundit është ai i Mystehak Xhemali, Sekretar për Kulturën dhe Artin në AK, i ngarkuar për organizimin e degës së Fierit.

Përmes një letre dorëheqjeje ai akuzon kreun e AK, Spahiun për skandalin me listat për deputetë dhe për largimet e njëpasnjëshme nga partia.

Sipas tij, edhe pse është kërkuar një analizë për këtë rrjedhje, Kreshnik Spahiu ka deklaruar se nuk ka nevojë për komente dhe analiza.

“Kjo përbën shkelje të zhvillimit normal të demokracisë së brendshme në parti, përbën devijim nga përgjegjësia e kryetarit të AK, i cili u shmanget kështu ballafaqimeve për çështje të rëndësishme parimore”, shkruan ai, duke thene se AK është shndërruar në LK, ose Partia e Lekëve të Kreshnikut.

(d.b/BalkanWeb)

[Albo]

AK: PS iu ofron nga 200 euro anëtarëve tanë për të lënë partinë. Tahiri: Niku në panik

TIRANË- Aleanca Kuq e Zi ka denoncuar sot nëpërmjet ‘Facebook’ ofertat e Partisë Socialiste për largimin e anëtarëve të saj.

Sipas AK, Saimir Tahiri i PS-së ka telefonuar dhe vazhdon të telefonojë çdo aktivist të Aleancës Kuq e Zi, ku iu bën oferta për tu larguar nga kjo forcë politike.

Aleanca Kuq e Zi bën me dije se Tahiri iu ofron nga 200 euro anëtarëve të AK për tu larguar nga partia.

"Partia Socialiste vijon shantazhin brenda opozitës duke tentuar të krijojë diversion në strukturat e Aleancës Kuq e Zi. Kryetari i PS për Tiranën Sajmir Tahiri sëbashku me deputetin Besnik Bare dhe me deputetë të tjerë të kësaj force politike kanë marrë përgjigjen e merituar nga cdo anëtar apo drejtues i cdo strukture të Aleancës Kuq e Zi, teksa i kanë ofruar 200 euro për largimin e tyre nga AK. Duke përdorur oferta të ulëta për vende pune imagjinare, Partia Socialiste po dëshmon në mënyrë të qartë se fortuna që po krijon nuk i shërben kauzës së opozitës së vërtetë shqiptare por shtetasit Berisha. Kjo parti po dëshmon dita ditës se jo vetëm që nuk vuan nga kriza ekonomike, por është e kapur nga mafia. Kjo parti politike harron se gara për fitimin e zemrës së sovranit nuk kalon nga akte të tilla por nga lufta pa kompromis ndaj korrupsionit", thuhet në deklaratën e AK.

“AK i bën thirrje, cdo deputeti të PS, që të distancohet nga këto akte të cilat dëshmojnë frikë nga gjykimi i sovranit. AK shpreh vendosmërinë se asnjë anëtar apo drejtues i saj nuk do të joshet nga asnjë ofertë ngadoqoftë e prejardhur ajo dhe se kauza e kuqezinjve është udhërrëfyes i sigurt për fitoren e 23 qershorit. AK është sot më e vendosur se kurrë se përballë akteve të tilla të PS, obligohet të kryejë e vetme detyrimin madhor kombëtar, atë të clirimit të qytetarëve shqiptarë nga kthetrat e regjimit kriminal të shtetasit Berisha”, thekson AK.

Reagon Tahiri i PS: Kjo fobi e Nikut
Pas akuzave të Aleancës Kuq e Zi ka reaguar edhe deputeti i Partisë Socialiste Saimir Tahiri. Nëpërmjet profilit të tij në Facebook, Tahiri shprehet se kjo është një fobi që ka prekur kreun e AK, Kreshnik Spahiu.

“Me aq anëtar sa i kanë mbetur Nikut, i bie të kisha kursyer lekë. Ata që besonin se Nik Spahiu ishte alternativë e denjë, kanë ikur. Kanë ikur sapo panë se ishte vetëm një pazar i shpëlarë. Ndaj nuk ka as nevojë të harxhojmë telefonata për të marr asnjë njeri. Kjo është një fobi e kuptueshme e Nik Spahiut”, tha ai.

Tahiri vijoi më tej se, “Niku po sheh se ka mbetur vetëm e i duket sikur ia kanë fajin të tjerët”.

(ma.ar/BalkanWeb)