Pushimet e veres

[sirena_adria]

Shtatori më i lirë, Ksamili i mbushur me turistë të huaj: Plazhi si në Maldive

Turistë të ndryshëm kanë zgjedhur të shijojnë qetësinë dhe freskinë e Shtatorit pranë detit dhe natyrës së bukur që jugu i Shqipërisë ofron.

Pushuesit e huaj, të ardhur nga Zvicra dhe Italia thonë se e kanë zgjedhur Ksamilin pasi kanë konsideruar përshtypjet e marra në internet apo nga miqtë e tyre që kane vizituar më herët.

“Kemi ardhur nga Zvicra, para tre ditësh. Deti është shumë i bukur, uji i freskët Ishim në Durrës edhe Tiranë. Na thanë që Ksamili dhe Saranda janë vende mahnitëse, Maldivet e Shqipërisë, dhe erdhëm ti shohim. Në këtë periudhe te vitit koha është më e freskët dhe çmimet më të ulëta. Do të rrimë këtu 14 ditë.”

“Jemi surprizuar nga klima dhe sjellja e mirë e njerëzve, këtu hahet shumë mirë, prisja plazhe me te mëdha, por shumë mirë është edhe kështu gjithçka është perfekt.”

Rritjen e numrit të turistëve, operatori turistik Albert Sula e lidh edhe me uljen e çmimeve.

Pritshmëritë për Shtatorin sipas Sulës janë pozitive pasi është rritur numri i prenotimeve.


/Abcnews.al/ Tema

https://www.gazetatema.net/sociale/s...ne-mal-i355057

[sirena_adria]

Disa nga ushqimet që nuk duhet t’i konsumoni në plazh

Para së gjithash është e rëndësishme të dini se në plazh nuk duhet të konsumoni shumë ushqim, në mënyrë që të qëndroni të lehtë dhe jo të rënduar.

Për të konsumuar një drekë mjaftojnë pjata të lehta si një sallatë mikse me pak bukë dhe një akullore me madhësi normale.

Në plazh nuk duhet t’u mungojnë frutat, ushqimi i shëndetshëm e që përmban shumë ujë.

Cilat janë ushqimet që nuk duhen konsumuar në plazh?

Nuk këshillohen në plazh: djathi, patatet e skuqura, veza, sallami, salsiçet e të gjitha llojeve, ushqimet me bazë produktet e qumështit, brioshi, biskotat me krem, majonezë dhe të gjitha ushqimet e përpunuara.

Shefat e kuzhinës këshillojnë që të konsumoni një drekë të thjeshtë dhe të shëndetshme, me përbërës natyralë për të mos provokuar aciditetin dhe djegiet në stomak.

Pra edhe në plazh dreka mund të jetë e shijshme dhe e shëndetshme, mjafton të zgjidhni një sallatë të freskët mikse, ose thjesht një akullore.

Sidomos për fëmijët është e këshillueshme të mos u jepni për të ngrënë ushqime të skuqura dhe biskota, por ndonjë tas me drithëra.

Ndërkohë, nëse keni ndërmend të freskoheni gjatë vapës në restorantet afër detit duke pirë pijet klasike të gazuara, mos e bëni më! Çfarëdolloj pije, që nga klasikja Cola e deri tek uji i gazuar, janë produkte tërësisht të ndaluara përpara se të shkoni në det, ose gjatë kohës që jeni në plazh. Me shmangien e tyre, do të mund të shmangni edhe fryrjen e barkut tuaj.

Po kështu, as çamçakëzi nuk është i këshillueshëm pasi mund të duket në fakt si produkti i fundit i cili ka lidhje me fryrjen e barkut tuaj, por ja që edhe ai ka një ndikim negativ. Gjatë kohës që ju e përtypni atë, merrni edhe ajër të konsiderueshëm duke shkaktuar në organizëm një fryrje të bezdisshme dhe sigurisht jo estetike.


TiranaPost.al

https://tiranapost.al/shendeti/disa-...-plazh-i526788

[sirena_adria]

https://gazetasi.al/dilemat-e-prinde...n-nga-mesimet/

Dilemat e prindërve në Shqipëri - Zgjedhje mes kampeve te shtrenjtë verore dhe gjyshërve !

[sirena_adria]

Preferoni më shumë detin apo malin? Zgjedhja e destinacionit mund të thotë shumë për personalitetin tuaj

Gjatë muajve të verës, ne duket se ndahemi në dy lloje njerëzish: në ata që mezi presin të shtrihen në plazh dhe aventurat e detit, dhe në ata që preferojnë të kërkojnë kënaqësi apo qetësi në mal

Ajo që ju pëlqen të bëni tregon shumë për personalitetin tuaj.

Kontrolloni se çfarë do të thotë nëse preferoni detin dhe çfarë ka rëndësi për ju nëse preferoni malet, transmeton Telegrafi.

Dashamirët e detit…

Ata janë socialë: Njerëzit që preferojnë plazhin priren të kenë një grup të madh miqsh. U pëlqen të jenë në kontakt me njerëz të ndryshëm, u pëlqejnë bisedat dhe njohjet e reja në çdo hap.

Atyre u pëlqen muzika: Rezulton se edhe adhuruesit e detit dhe adhuruesit e plazhit e pëlqejnë shumë muzikën. Ndoshta lozin në ndonjë instrument apo kanë dëshirë ta mësojnë.

Ata jetojnë momentin dhe e shfrytëzojnë ditën në maksimum: Dashamirësit e detit jetojnë sipas parimit “kape ditën”. Ata e kuptojnë se jeta është e çmuar, ndaj duan të përfitojnë nga çdo moment. Të shijosh të tashmen do të thotë për ta më shumë sesa të planifikosh për të ardhmen.


Dashamirët e malit…

Janë introvertë: Për ata që preferojnë kodrat thuhet se janë pak më introvertë. Ata preferojnë një grup të vogël njerëzish dhe nuk janë më të mirët në ngjarje të mëdha shoqërore. Ata pëlqejnë të jenë vetëm, madje shkojnë edhe në këmbë pa problem kur janë vetëm.

Janë kreativë: Shkrimi, piktura, këndimi, fotografia… Të gjitha këto mund të jenë hobi të një të dashuruari të maleve. Këto të fundit duket se janë mjaft kreative. Ndoshta kanë interesa krijuese ose në kohën e lirë kërkojnë mënyra për t’u shprehur në mënyrë krijuese.

Ata kërkojnë thellësi: Bisedat sipërfaqësore i çmendin. Njerëz të tillë preferojnë biseda më të thella, përmes të cilave zbulojnë pjesë të reja të vetes, zgjerojnë horizontet e tyre dhe fitojnë një këndvështrim të ri.


/ Telegrafi /

https://telegrafi.com/preferoni-shum...alitetin-tuaj/