Partia Demokratike zyrtarizon koalicionin me 24 parti

[MaDaBeR]

Nevila Perndoj

Partia Demokratike zyrtarizon koalicionin me 24 parti. Marrëveshja e përbashkët do të bazohet në tri shtylla: Punësim, download (11)mirëqenie dhe integrim. Berisha: Koalicioni do të përsërisë fitoren e ‘92-shit. PDIU-ja qëndron me PD-në në koalicion, Rama firmos me Lëvizjen Çame, ndërsa Partia e Pensionistëve, prej kohësh në negociata me PS-në, mbrëmë firmosi me Berishën. PD merr gjithashtu në koalicion demokristianët e Ndokës dhe Lesit, por humbet ata të Bushatit

TIRANË Përmes një takimi formal, që zgjati rreth 40 minuta, Partia Demokratike shpalli dje koalicionin “Aleanca për Punësim, Mirëqenie dhe Integrim”, ku përfshihen 24 parti të profileve të ndryshme. Në listën e partive që nënshkruan marrëveshjen është edhe Partia Civile e Shqipërisë, e cila nuk arriti të regjistrohej në KQZ. Ndërkohë, nuk kanë munguar edhe lëvizjet e orëve të fundit nga të dy kampet. Gjatë bisedimeve të djeshme në selinë blu, u distancua Aleanca Demokristiane e drejtuar nga Zef Bushati. Ky i fundit firmosi mbrëmë vonë një marrëveshje të beftë zgjedhore me Partinë Socialiste. “Pas 23 viteve, hera e parë që shkel në PS, jo se kjo është seli tek e cila ne pjesa e qendrës së djathtë nuk mund të hymë, por vetë politika ka qenë e ndarë, na krijonte një lloj ndjesie për të mos e parë veten në këtë kamp, por kohët kanë ndryshuar”, tha mbrëmë pas marrëveshjes Bushati. Por, në anën tjetër PD-ja ka siguruar marrëveshjen me PDK-në e Nard Ndokës dhe Lidhjen Demokristiane të Nikollë Lesit. Në rreshtin e parë të partive aleate të PD-së dje ishte edhe kryetari i PDIU-së, Shpëtim Idrizi, ndërsa Rama si kundërpërgjigje firmosi marrëveshjen me Aleancën Popullore, ku bën pjesë edhe Lëvizja Çame. Ndërkohë Partia Bashkimi Popullor i Pensionistëve Shqiptarë, që prej kohësh ishte në negociata me PS-në, dje firmosi marrëveshjen elektorale me PD-në.

Marrëveshja

Ajo që u shpërfaq dje nga koalicioni i mazhorancës në ambientet e hotelit “Shetaron” ishte thjesht një takim vizual, pa ndonjë entuziazëm të madh e ku për herë të parë pas kaq vitesh nuk u panë firma të nënshkruara. Secili prej drejtuesve të partive aleate e kishte hedhur paraprakisht firmën në selinë blu, përmes marrëveshjeve bilaterale, ndërsa mbrëmë rreth orës 18.30 aleatët dëgjuan fjalën e mbajtur nga sekretari i Përgjithshëm, Ridvan Bode, dhe kryeministri Sali Berisha. Bode lexoi publikisht përmbajtjen e marrëveshjes së koalicionit, duke e vënë theksin tek angazhimi për një Shqipëri Europiane përmes tre shtyllave themelore: punësim, mirëqenie dhe integrim. “Ne nënshkruesit e kësaj marrëveshjeje, biem dakord se një Shqipëri e zhvilluar dhe europiane fillon me infrastrukturë të re dhe të modernizuar… Ne qëndrojmë të bashkuar në besimin tonë se më shumë vende pune dhe pagat më të larta, janë thelbësore për krijimin e një Shqipërie të zhvilluar dhe europiane… Ne besojmë në forcimin e klimës së biznesit duke ulur taksat, duke e bërë më të lehtë për të hapur, drejtuar dhe zhvilluar një biznes… Ne gjithashtu besojmë në investimin e në krijimin e vendeve të punës të së ardhmes, në teknologjitë e reja. Dhe ne qëndrojmë afër me fermerin, punëtorin e fabrikave, me elektricistin, me kamerierin, sipërmarrësin, lavazhierin, këpucarin dhe të gjithë qytetarët që kërkojnë një jetë më të mirë”, – ishin disa nga pjesët e marrëveshjes së lexuar dje nga Bode. Partitë e koalicionit të djathtë dhe të qendrës angazhohen gjithashtu për mbrojtjen e pakicave kombëtare, sigurinë financiare të pensionistëve, nderim për veteranët, dëmshpërblimin moral e ekonomik të ish-të përndjekurve, kompensimin e ish-pronarëve, votimin e tre ligjeve me qëllim integrimin e vendit dhe garantimin e zgjedhjeve të lira dhe të ndershme.

Berisha

Ndërsa kryeministri Berisha u shpreh gjatë prezantimit të koalicionit se e djathta do të përsërisë fitoren e viti 1992. “Jam i sigurt që 23 qershori do jetë përgjigjja më e shkëlqyer e shqiptarëve për axhendën e vet europiane. Nga 35 parti që morën pjesë më 2009, 25 prej tyre janë të pranishme në këtë podium, parti me histori të qartë elektorale, kundrejt halave dhe ngjalave të aleancës tjetër. Aleancë e programit që synon t’u japë shqiptarëve mundësi për të ndërtuar jetën e tyre, që të ecin si komb i lirë drejt të ardhmes së tyre më të mirë…”- tha dje Berisha, i cili mori një reagim paralel në Tëitter nga kryetari i opozitës, Edi Rama. “Është fenomenal në konkurrencën që i bën Portokallisë. Nga 35 parti më 2009 sot jemi 25 dhe kjo është një tjetër arritje e madhe e jona” – shkruan Rama.

Gazeta:Mapo

[MaDaBeR]

Domethënia dhe pasojat dëmtuese të vendimit të Bamir Topit

Henri ÇILI

Dje kanë ndodhur dy lajme të rëndësishme për të djathtën: njëri me natyrë unifikuese e tjetri me natyrë përçarëse e Henri-Cili-41-1024x680prereedëmtuese. Aleanca e djathtë, një grupim partish të qendrës e të djathta, ka hedhur firmën nën siglën e përbashkët Koalicioni për Punësim, Mirëqenie dhe Integrim. Por një tjetër lajm, gjithashtu i rëndësishëm, i emëtuar në fakt pak orë para koalicionit, ka pushtuar eterin mediatik: Fryma e Re Demokratike e ish-presidentit Bamir Topi nuk do të bëjë pjesë në asnjë koalicion parazgjedhor, që do të thotë në fakt nuk do të jetë pjesë e paktit të djathtë. Këto dy lajme janë shumë të lidhur me njëri-tjetrin dhe përbëjnë një nga ditët më domethënëse për të djathtën shqiptare dhe për Partinë Demokratike.

Domethënës është një term i hapur, është një term që u drejtohet të gjitha mundësive dhe sidomos një mundësie të cilën në radhë të parë Partia Demokratike dhe lideri i saj Sali Berisha duhet ta shfrytëzojnë në funksion të momentumit të ri politik. Cili është ky momentum i ri politik? Duket qartë se kemi një rreshtim të plotë të së majtës në krahun tjetër të spektrit, por nuk kemi një rreshtim të plotë të së djathtës në krahun e vet, ku partia e Bamir Topit, fatkeqësisht, për interesin e saj dhe për interesin publik, është duke kryer njëfarë funksioni prej kamikazi kundrejt të djathtës, po të kemi parasysh kontekstin dhe mënyrën e garimit në sistemin elektoral shqiptar. Dhe, gjithashtu, mënyrën sesi e majta, në tri javët e fundit u rreshtua qartësisht brenda ngjyrës.

Kanë mbetur edhe 60 ditë deri në zgjedhjet e ardhshme, të cilat janë 60 ditët e të gjitha mundësive, ose të të gjitha pamundësive. Mirëpo, përderisa e dimë që politika është arti i të pamundurës, çdo kufizim mund të kthehet në një mundësi dhe anasjelltas çdo mundësi ose oportunitet mund të kthehet në pamundësi. E kam fjalën te mundësia që kjo ditë sinjifikative për të djathtën shqiptare të mund të kthehej në një energji, në një potencial reforme, për të qenë jo vetëm konkurruese dhe fituese në këto zgjedhje, por edhe e dobishme për interesin publik në funksion të ideve të djathta, të liberalizmit ekonomik dhe në funksion të një Shqipërie të zhvilluar.

Duke cituar komentet e disa kolegëve, si Bushati e Nano, them se veprimi i z. Topi ishte kamikaz, jo për atë se sa dëmtoi veten, por se sa dëmtoi rivalin e tij, në këtë rast PD-në. Fatkeqësisht, në realitetin politik shqiptar, rivali luftohet sikur të ishte armik. Ish-presidenti Topi është krejt legjitim në të drejtën e vet që me këtë sistem politik të ndihmojë partinë e vet politike, të kërkojë alternativën e vet politike. Ai është gjithashtu krejtësisht në të drejtën e vet të kërkojë një rol të ri brenda të djathtës, një rikualifikim ose ripozicionim të forcave brenda të djathtës. Nga ana tjetër, këtë nuk mund ta bëjë në mënyrë dëmtuese, të tipit ‘nuk ka rëndësi se çfarë më ndodh mua dhe njerëzve që më pasojnë, e rëndësishme është që dëmtohet Partia Demokratike dhe Sali Berisha’.

Sido që ta emërtojmë daljen në vete të FRD-së, domethënia e saj është dëmtuese për fatin e të djathtës. Sesa do ta dëmtojë, është diçka tjetër, qëllimi është dëmtues, domethënia është dëmtuese. Sesa do ta dëmtojë realisht: a do ta amortizojë Partia Demokratike dhe koalicioni i saj i gjerë këtë dëmtim, kjo është për t’u parë në 60 ditët e ardhshme. Kemi të bëjmë pak a shumë me rastin LSI, në vitin 2005, kundrejt Partisë Socialiste, por me një ndryshim. Nëqoftëse në vitin 2005, në rivalitetin Nano-Meta, Nano as që e çonte nëpër mend të bënte një ftesë për Metën, Partia Demokratike reflektoi qartësisht dhe i bëri qartësisht ftesë të hapur të gjitha partive që e konsiderojnë veten të djathta. Për këtë veprimi shmangës i FRD-së është me frymë puro dëmtuese.

Me këtë akt FRD ka dëmtuar në radhë të parë interesin e të djathtës, por ka realizuar një ambicion mes liderëve, që fatkeqësisht shpeshherë sundon vendimet e strukturave tona politike. E ka bërë këtë Berisha kundër interesit të Partisë Demokratike, po e bën Bamir Topi kundër interesit të partisë së vet në radhë të parë, dhe të së djathtës në tërësi. Megjithatë, duke parashikuar mundësitë e një riformatimi, duke pranuar se është një moment i vështirë për PD në pushtet dhe Sali Berishën, është gjithashtu një moment për të reflektuar, është një moment për të reaguar. Sigurisht edhe për të kuptuar moralin e fabulës. Cila është fabula? Duke përdorur një simbolikë nga Roma antike, atë të Cezarit, mund të thuhet se Berisha është pak a shumë Jul Cezari. Të themi, i madh, i shndritshëm, ambicioz dhe përkundër tij, të gjithë u përgatitën në këtë komplot, për t’i ngulur një thikë. E fundit ishte ajo e djeshmja nga një Brut i radhës, që ishte Bamir Topi. Simbolika është sigurisht e ekzagjeruar, jemi në kushtet e politikës moderne dhe kthesa në politikën moderne është e çdo-ditshme, është e çdo-minutshme. Jashtë kësaj nuk mund të kuptohet refuzimi absurd i Frymës së Re Demokratike. Në çdo rast, për interesin e vet e të së djathtës, FRD mund të rreshtohej me koalicionin e djathtë e pas zgjedhjeve të krijonte pozicionin e rivalitetit

[drague]

sala ma ka hoger ket rradhe me duket.

imagjino gramoz rucin ,tahirin ,ballen etj ministra.

mjere ai popull

[white_snake]

...ca tallin l*sht me popullin keta!

[Antiproanti]

Partia Demokratike zyrtarizon koalicionin me 24 parti

Keto nuk duhet te quhen parti, por klane...
Jo vetem shume nga keto ne koalicion me PD, por edhe shume nga "partite" ne koalcion me PS.
Koalicionet e tilla paraelektorale, sic praktikohen ne Shqiperi, do te duhej ose te ndaloheshin me ligj ose te rregulloheshin ndryshe, ne menyre qe te zvogelohen manipulimet, mashtrimet, keqperdorimet, perfitimet dhe abuzime te tjera me votat dhe dhe te ardhmen e qytatareve.

Nje emertim me i pershtatshem per keto "parti" te shumta do te ishte "parti te oborrit" apo "kamarillas".

[Albo]

PD dhe PS po i kushtojne kaq shume vemendje koalicioneve, sikur keto te diktonin rezultatin e zgjedhjeve. Koalicionet kane per te ndikuar pak mbi rezultatin e zgjedhjeve. Shqiptaret do t'i drejtohen kutive te votimit ne qershor me dy pyetje ne mendjen e tyre:

- A ka bere nje pune te mire qeveria e Berishes ne keto 8 vjet qe te meritoje nje mandat te trete?

- A kam besim qe ti besoj qeverine kreut te opozites Edi Rama dhe koalicionit te tij ne zgjedhje?

Me pak fjale, zgjedhjet e qershorit do te jene nje referendum mbi punen dhe politikat e qeverise ne keto 8 vjet dhe mbi besimin qe shqiptaret kane per kreun e opozites Rama.

Sipas parashikimeve te mia, shanset jane 60% - 40% qe e djathta do te marri nje mandat te trete dhe rezultati nuk do te jete i ngushte si ne 2009. Dy jane arsyet per kete: politikat sociale te qeverise Berisha jane te prekshme dhe te dukshme per qytetaret ne keto 8 vjet. Arsyeja tjeter po aq e rendesishme eshte se Edi Rama nuk eshte nje figure karizmatike dhe ka zhgenjyer ne menyre te perseritur elektoratin e majte socialist ne keto 8 vjet. Socialistet e thjeshte ne rrethe e kane te veshtire te identifikohen me kryetarin e tyre dhe per ta Edi Rama nuk eshte nje lider tradicional por nje lider i cuditshem. Dhe ne diten e zgjedhjeve, teksa demokratet dhe te djathtet do te dalin te motivuar per te dale ne zgjedhje qe te ruajne pushtetin, elektorati i majte do te jete me pak i prirur per te dale te votoje, ose do te votojne kunder Edi Rames.

Nuk eshte nje ceshtje koalicionesh partish, eshte nje ceshtje besimi: Berisha nje figure te cilen shqiptaret e njohin e besojne prej 20 vjetesh dhe perballe tij Edi Rama, ish-kreu i Bashkise Tirane dhe nje kryetar i PS i paprovuar, qe mundohet per here te trete ti sjelli nje fitore elektorale PS.

Albo