Arrestohet bosi i krimit në Ballkan, Naser Kelmendi

[Albo]

Arrestohet bosi i krimit në Ballkan, Naser Kelmendi

PRISHTINË- Arrestohet bosi i krimit në Ballkan, Naser Kelmendi. Lajmi konfirmohet për Gazeta Exprres, nga Baki Kelani zëdhënës i Policisë së Kosovës. Sipas Kelanit, arrestimi ka ndodhur orët e vona të natës së mbrëmshme, pas marrëveshjes mes Policisë së Kosovës dhe asaj të Malit të Zi.



“Ai është arrestuar në orët e vona të mbrëmjes dhe i njëjti është dërguar në qendrën e mbajtjes”, ka thënë Kelani.

Naser Kelmendi është bërë pjesë e listës së zezë të SHBA’-së për trafikim droge. Shtëpia e Bardhë e ka sanksionuar shqiptarin nga Kosova për trafikim droge.

Kelmendi, dyshohet se ka udhëhequr njërën nga familjet më të forta kriminale shqiptare në Ballkan. Ka kohë që ai është i dyshuar për drejtimin e një organizate të madhe që merret me trafikimin e heroinës, kokainës dhe anhidridit acetik, një lëndë e parë që përdoret në prodhimin e heroinës dhe në Evropë transportohet nëpërmjet Ballkanit.

(e.m/BalkanWeb)

[anita340]

Ore kah dreqin mbiu ky tash. Sia kam ndi zerin ndonjehere...

[Antiproanti]

[Antiproanti]

Naser Kelmendi, “komshi” me Bajram Rexhepin

Publikuar: 10.05.2013 - 13:18

Prishtinë, 10 maj - Naser Kelmendi, i arrestuar pak ditë më parë në Prishtinë, për disa muaji ka qenë fqinj i ministrit të Brendshëm, Bajram Rexhepi. Ata dy kanë jetuar në fqinjësi në lagjen Mati të Prishtinës. Kelmendi kishte hyrë e dalë nga banesa i patrazuar nga askush, thonë banorët.

Skaj parkimit ku stacionoheshin veturat e tij, ka kaluar çdo ditë eskorta e ministrit Rexhepi, shkruan “Koha Ditore”. Dhjetë metra larg hyrjes jeton edhe Hasan Preteni, drejtor i AKK-së dhe prokurorja Vahide Badivuku.

Aty jeton edhe deputeti i LDK-së, Sadri Ferati, dhe këshilltari i ministrit të Brendshëm, Fisnik Rexhepi. Pse kishte zgjedhur Kelmendi këtë vend për të jetuar, nuk ka mundur të përgjigjej ministri Bajram Rexhepi.

“Nuk e di, nuk mund të spekuloj”, i ka thënë ai “Kohës Ditore” nëpërmjet telefonit. Kelmendi që cilësohet boss i drogës në Ballkan, ndodhej në kërkim nga Interpoli prej kohësh nën akuzat për kryerjen e shumë krimeve.

http://www.koha.net/?page=1,13,145339



S'ka nevoje te pergjigjet ministri se secili e dine se pse ka banur pikerisht ne ate mjedis...

[Doni-88]

Mire ja bene, nje kriminel me pak por do ishte mire edhe mafiozet e politikes te denoheshin si ky

[Antiproanti]

Raporti i Obama’s: Haradinaj kishte lidhje me Naser Kelmendin


Njeriu më i besueshëm i tij (Naser Kelmendit) është Muhamet Ali Gashi, i dyshuar si ‘shef i mafisë shqiptare në Bosnje e Hercegovinë’. Ai raportohet se ka lidhje me edhe me biznesmenin kosovar, Ekrem Lluka, me ish-kryeministrin e Kosovës, Ramush Haradinaj, dhe me malazezët, Rok Stanaj dhe Safet Kalic, thuhet në raportin e nënshkruar nga presidenti amerikan, Barack Obama. Nga ana tjetër, njëri ndër njerëzit më të kërkuar në Ballkan jetonte i qetë në një lagje të Prishtinës, në fqinjësi me ministrin e Brendshëm të Kosovës, Barjam Rexhepi.

Në raportin e Departamentit amerikan të Thesarit, të datës 4 qershor 2012, thuhet se, ish-kryeministri kosovar, Ramush Haradinaj, është njeri që mban lidhje të afërta me të dyshuarin për kontrabandë ndërkombëtare të drogës, Naser Kelmendin. Bazuar në një fletarresti ndërkombëtar, ky i fundit u arrestua ditë më parë në lagjen Mat, të kryeqytetit të Kosovës.

Naser Kelmendi dyshohet për vrasje, por edhe për atë se, në bashkëpunim me personat e tjerë që përmenden në raport, organizoi blerjen, transportin dhe shitjen e drogës nga Amerika Jugore dhe Turqia në Kosovë, Serbi,Bosnje e Hercegovinë (BeH), Kroaci dhe nëpër vendet e ndryshme të Europës.


Në raportin zyrtar të Departamentit amerikan të Thesarit, mes tjerash, thuhet se:

“Presidenti amerikan, Barack Obama, ka njoftuar Kongresin për sanksionimin e Naser Kelmendit, sipas ligjit Kingpin, i cili implementohet nga Zyra për Kontrollin e Aseteve të Jashtme të Departamentit amerikan të Thesarit”.

Sipas po këtij raporti, Naser Klemendi, bijtë e tij, Elvisi,Liridoni dhe Besniku, dhe i vëllai, Beqiri, posedojnë disa biznese në BeH, Mal të Zi , Serbi dhe Kosovë, në mesin e të cilëve edhe hotele dhe kompani për transportin e natës. Veç kësaj, Kelmendi kishte kontrata edhe me disa biznesmenë të mëdhenj boshnjakë, si ajo me biznesmenin me patundshmëri, Fahrudin Radoncic – i cili aktualisht është pronar i gazetës më të madhe ditore në BeH, ‘Dnevni Avaz’, dhe ministër i Sigurisë në BeH. Veç kësaj, Departamenti i Thesarit në raport përmend edhe “lidhjet e Kelmendit me dy liderët e njohur ushtarakë boshnjakë të kohës së luftës, ish-komandantin e mbrojtjes së Srebrenicës, Naser Oric, dhe kolonelin e ushtrisë së BeH, Nihad Bojagic”.

“Njeriu më i besueshëm i tij është Muhamet Ali Gashi, i dyshuar si ‘shef i mafisë shqiptare në Bosnje e Hercegovinë’. Ai raportohet se ka lidhje me edhe me biznesmenin kosovar, Ekrem Lluka, me ish-kryeministrin e Kosovës, Ramush Haradinaj, dhe me malazezët, Rok Stanaj dhe Safet Kalic”, nënvizohet tutje në raportin e presidentit amerikan.

Nga ana tjetër, lideri i AAK-së, ka mohuar kategorikisht çfarëdo lidhje me Kelmendin. Nëpërmjet këshilltarit të tij, Avni Arifi, ish-kryeministri Haradinaj ka hedhur poshtë të premten çfarëdo lidhje me Kelmendin.

“Kurrë në jetë nuk e kam njohur. Kurrë në jetë nuk e kam takuar. Kurrë në jetë nuk kam folur me të. Për herë të parë kamë dëgjuar për të kur, kohëve të fundit, ka dalë në media”, citoi Arifi fjalët e Haradinajt.

Në ndërkohë, Naser Kelmendi duket se ka jetuar për muaj të tërë në lagjen Mat, gjegjësisht në të njëjtin bllok të banesave ku jeton edhe ministri aktual i Punëve të Brendshme të Kosovës, Bajram Rexhepi. Banesa e Kelmendit me atë të Rexhepit janë rreth 100 metra larg njëra-tjetrës.

Sipas banorëve, Kelmendi kishte hyrë e dalë lirshëm nga atje, ishte vizituar nga shumë miq e partnerë – zakonisht me vetura me targa të Malit të Zi, të cilat parkoheshin “para hundëve” të eskortës së përditshme të ministrit Rexhepi. /express/
http://www.zeri.info/artikulli/5606/...aser-kelmendin

[Mike Oldfield]

Po tani normal qe duan te perziejne edhe Haradinajn me kete histori, pasi po behet gati te marre drejtimin e Kosoves e se bashku me Doktorin te bejne bashkimin e kombit. Jane te pashprese ata qe e akuzojne Haradinajn, nje nga simbolet e kombit!

[sheneri]

I paskan hjet do leke nga qarkullimi, ku ta dim se qfar pasojash do te kete biznisi.

[Boy_XL]

Arrestohet bosi i krimit në Ballkan, Naser Kelmendi

- ky e financonte dhe e financon Levizjen Vetfundosje te albin kurtit.
- shikone pas disa dite ose muajve kur te shkrihet vetfundosja , ndoshta edhe jo krejt sepse i ka edhe do bossa serb qe e financojn ket levizje t'pist

[Boy_XL]

- ky e financonte dhe e financon Levizjen Vetfundosje te albin kurtit.
- shikone pas disa dite ose muajve kur te shkrihet vetfundosja , ndoshta edhe jo krejt sepse i ka edhe do bossa serb qe e financojn ket levizje t'pist

- Vetfundosja eshte duke u munduar qe ta njollosin Ramush Haradinin.