AK: Jo koalicionit me PS pasi PBDNJ eshte pjese e atij koalicioni

[Akili-A]

kuptohet qarte sulmi i PS ndaj Spahiut, pasi AK doli me nje kauz te forte anti-berishiane, madje shkuan deri ne propozimin per arrestimin e Berishes.
dhe kjo politike beri qe AK te krijoje menjehere fansa anti-berishiane qe vijne nga shporta e majte por edhe votues te nivelit te ulet nga te dyja krahet, qe genjehen me sllogane nacionaliste.
Keshtuqe PS duke goditur AK-ne kerkon ti japi mesazh atyre te majteve qe u genjyhen nga Spahiu.
Besoj se gjate fushates edhe PD do ta godasi si AK-ne ashtu edhe FRD-ne per eliminuar rrjedhjet e votave ne keto parti.

[Albo]

kuptohet qarte sulmi i PS ndaj Spahiut, pasi AK doli me nje kauz te forte anti-berishiane, madje shkuan deri ne propozimin per arrestimin e Berishes.
dhe kjo politike beri qe AK te krijoje menjehere fansa anti-berishiane qe vijne nga shporta e majte por edhe votues te nivelit te ulet nga te dyja krahet, qe genjehen me sllogane nacionaliste.
Keshtuqe PS duke goditur AK-ne kerkon ti japi mesazh atyre te majteve qe u genjyhen nga Spahiu.
Besoj se gjate fushates edhe PD do ta godasi si AK-ne ashtu edhe FRD-ne per eliminuar rrjedhjet e votave ne keto parti.

PD nuk do ta godasi as AK dhe as FRD gjate fushates, do t'i injoroje te dyja sikur nuk ekzistojne fare. Fushata e PD do te fokusohet totalisht ne politikat e suksesshme te saj ne pushtet ne keto 8 vjet, dhe do ta vere theksin tek "punesimi" dhe "integrimi" i vendit. Me pak fjale, do t'iu japi shqiptareve mesazhin: "Ne jemi Partia qe ju mund ti besoni pushtetin, pasi ne jemi ata qe ndertojme rruge, rrisim rrogat e pensionet, e kemi integruar vendin ne Evrope duke siguruar liberalizimin e vizave." Grupet e votuesve qe PD do te vere ne shenjester jane te rinjte, grate dhe voten e fshatit. Dhe ne rang vendi, qarku i Tiranes dhe Durresit jane te me te rendesishmit se kane me shume vota e mandate.

Votuesit e AK do te jene te pakenaqurit nga pushteti ne rradhet e te djathtes, dhe te zhgenjyerit nga lidershipi i Rames ne PS. Nese i peshon dhe i krahason keto dy grupe, do te kete shume te pakenaqur ne rradhet e elektoratit te majte, qe nuk duan te votojne per Ramen, nuk duan te votojne per Saliun, por do te hedhin nje vote absternimi per AK apo FRD. Hidhu nje sy sondazheve te mbajtura ne forumin shqiptar, te shikosh se sa anetare te forumit me bindje te majta, jane kthyer ne simpatizante te AK.

Albo

[Archon]

Përse (s)’duhet të refuzonte Kreshnik Spahiu!

Nga Mero Baze

Aleanca Kuqezi do të dalë e vetme në zgjedhje, duke lënë të paqartë kauzën e saj anti- Berishë dhe duke forcuar papritur një kauzë, e cila nuk ka qenë deri më sot betejë e saj. Shpjegimet publike të Kreshnik Spahiut për një refuzim të koalicionit të majtë për shkak të pranisë së Vangjel Dules, janë të pasinqerta dhe të dëmshme nëse qoftë dhe një minutë do t’i marrim si të vërteta.

Arsyeja përse Aleanca Kuqezi duhet të dalë e vetme në zgjedhje ishte e plotë dhe e qëndrueshme nëse ajo do të vendoste të dilte e vetme si një aleancë e vlerave opozitare dhe që do të tentonte një pol të ri në politikën shqiptare. Kjo do të ishte një arsye e fortë, që socialistët e zhgënjyer nga aleanca Rama- Meta, apo të tjerë të dëshpëruar nga gjuha e moderuar e tyre kundër regjimit, t’i bashkoheshin Aleancës Kuqezi. Unë hyj tek ata opozitarë kritikë të qeverisë, që realisht janë zhgënjyer nga performanca e re e opozitës dhe shpresoja që dikush të gjente diçka të re për të dhënë shpresë. Por kjo nuk ndodhi.

Arsyeja publike që shpjegoi Kreshnik Spahiu, nuk ka të bëjë as me frymën e tij opozitare dhe as me patriotizmin mbi të cilin tha se do të mbështesë betejën e tij politike kur u formua. Ai vetë ka kritikuar Vangjel Dulen për kushtëzimet që i bënte koalicionit të majtë lidhur me Aleancën Kuqezi dhe pikërisht kur Dule e pranoi ta gëlltisë këtë sfidë, e ringjalli pa asnjë besueshmëri Kreshnik Spahiu.

Partia Bashkimi për të Drejtat e Njeriut është një parti e qytetarëve shqiptare, shumica e të cilëve nuk kanë origjinë etnike shqiptare. Të kushtëzosh hyrjen në një koalicion apo në një betejë politike me qëndrimin ndaj kësaj partie, do të thotë jo vetëm të mos bazosh parimet e partisë tënde mbi patriotizmin që ke trumbetuar, por të hedhësh bazat e një partie raciste dhe të nxisësh urrejtjen etnike, çka Spahiu është betuar se nuk do ta bënte kurrë. Ka disa intervista në gazetën Tema që mund t’ia ribotojmë për këtë. Unë besoj se dhe kur e tha para gazetarëve, nuk e kishte të qartë se çfarë po thoshte, pasi në kokën e tij vlojnë arsye të tjera nga ato që thotë. Një njeriu kur duhet të gënjejë për diçka publikisht, duhet të mbajë mend shumë gjëra që të duket i besueshëm. Spahiu duket se nuk e ka këtë aftësi.

Duke dashur të besoj, ashtu dhe siç jam i bindur se Spahiu nuk është çmendur akoma të na flasë për një parti me bazë urrejtjen etnike dhe fetare dhe të mbështetur mbi luftën ndaj një partie pakicash në Shqipëri, m’u krijua përshtypja se ky njeri nuk është i lirë të thotë arsyen reale përse do të duhet të dalë i vetëm në zgjedhje.

Personalisht më duken broçkulla thashethemet e disa socialistëve se ai ka marrë pare nga Berisha për të dalë i vetëm. Bile më të zellshmit të vizatojnë dhe Shkëlzenin me çantë në dorë duke i çuar lekët, herë duke zbritur nga një BMW e herë duke hipur në një Benz. As tek vazhdimi i filmi halucinant se një ambasadë e botës myslimane ka paguar lekët. Më ngjajnë si paranoja të një shoqërie të sëmurë nga ëndrra për para.

Nuk besoj as tek fakti që Spahiu kishte një pakt me 6 pika dhe nuk ia përfillën. Një parti e paprovuar në elektorat, sado e fryrë të jetë, nuk mund t’i imponojë një koalicioni programin e saj. Ajo mund të bashkojë disa angazhime në koalicion, dhe për pikat e identitetit të saj, ajo duhet të luftojë të fitojë votat e shqiptarëve për t’i fituar.

Nuk besoj po ashtu që Spahiu është në kërkim të një kazusi politik për arrestimin e Berishës, pasi nëse do të ketë një deklaratë politike paraprake që “do arrestojmë Berishën kur të vijmë në pushtet”, i bie ta shpallim Berishën të burgosur politik, ende pa e çuar në gjykatë. Dhe kjo thënë nga një ish- drejtues i KLD-së ngjan karagjozllëk.

Nuk besoj po ashtu se Spahiu beson se meqë ka Myslym Pashain në parti, ka mbrojtur dhe kufirin detar me Greqinë. Ai thjesht e ka parë atë një herë me dylbi. Ajo ishte një betejë e kolonel Myslym Pashait, një figurë e nderuar dhe fisnike, që ia doli i vetëm të bënte atë që s’bëri dot shteti, dhe të mbështetej nga Partia Socialiste në Gjykatë Kushtetuese për ta fituar kauzën e tij. Aleanca Kuqezi nuk ishte krijuar ende kur kjo kauzë u fitua nga Myslym Pashaj dhe Partia Socialiste.

Nuk besoj ashtu siç prisja që ky të dilte i vetëm i dëshpëruar nga koalicioni i së majtës së bashkuar, ku LSI mund të përbënte një arsye për një opozitarizëm më të pastër. Por në fakt ai ishte negociatori i orëve të fundit të AK dhe ndarja nuk kish të bënte me të.

Ajo që besoj është se Kreshnik Spahiu nuk ishte i lirë dhe nuk ishte transparent gjatë gjithë periudhës kur tentoi të bënte koalicion me opozitën. Që nuk ishte i lirë e shikoja tek përpjekja e tij e stërmundimshme të shpikte çdo orë nga një shkak dhe që nuk ishte transparent e shikoja që nuk i thoshte kurrë dy vetëve të njëjtën arsye.

Ndjehem i përdorur që kam besuar se ky mund t’ia dalë të jetë ose një opozitar i mirëfilltë, ose një patriot modern. Këtë e them si një mik i tij dhe si dikush që di më shumë se publiku se çfarë ka kërkuar, çfarë nuk ka marrë dhe çfarë ka thënë publikisht. Për lirinë e tij le të luftojë vetë se nuk e ndihmoj dot më, por për transparencën e arsyeve që thotë publikisht mund ta ndihmoj nëse ka nevojë.

TEMA

[Archon]

Shënim: Pse u zhgënjeva nga Kreshnik Spahiu

Është e vërtetë se Aleanca Kuqezi ka patur kuota të larta në sondazhe, si publike edhe private. Është e vërtetë se fushata e saj nacionaliste, paçka se folklorike, ndikoi në të gjithë politikën shqiptare, për t'i trajtuar më shpesh çështjet kombëtare. Është e vërtetë se teza e saj e kufizimit të mandateve ekzekutive e legjislative solli një risi në debatin politik shqiptar.

Për këto arsye, kam qënë një nga përkrahësit e Aleancës Kuqezi në media. Por Kreshnik Spahiu i përdori të gjitha këto, si gjithë demagogët e tjerë të kësaj bote, për të bërë presion që të fuste shoqet dhe shoket e tij në listën e deputeteve te PS, e jo Myslym Pashajn apo Lisien Bashkurtin. Dhe këto mandate i donte në tavolinë, perveç mandateve ekstra që mund të përfitonte duke u futur ne koalicionin opozitar. Dhe kjo s'është hamendja ime - këtë gjë e di dhe pikë.

E.Zaloshnja


Pula dhe sorra

Kur s’ke pulën, ha sorrën, thotë një proverb ballkanas. Po kur ke pulën, a duhet të mërzitesh për sorrën, është pyetja që lind natyrshëm, tek dëgjon reagimet e opozitarëve ndaj largimit nga koalicioni opozitar të “sorrës” Kreshnik Spahiu, siç e quajne ata.

Në zgjedhjet e fundit parlamentare, partitë që sot janë në koalicionin opozitar të majtë kanë marrë plot 52% të votës popullore, ndërkohë që koalicioni mazhoritar është ndarë në dy pjesë – në pjesën e madhe, por të vjetër, të udhëhequr nga kryeministri i lodhur 69 vjeçar Berisha, dhe në pjesën e vogël, por të re, të udhëhequr nga ish-presidenti 55-vjeçar Topi, i cili ka qenë edhe nr.2 i të djathtës për 16 vjet.

A duhet, në këto kushte, të shqetësohen opozitarët nga largimi i “sorrës” Spahiu drejt Berishës? Në qoftë se kuotat e sondazheve të publikuara deri dje, kur “sorra” ishte brenda kampit opozitar, nuk ndryshojnë edhe pas fluturimit të saj drejt Berishës, opozitarët do të duhej të shqetësoheshin. Por sondazhet nuk janë statuja të gdhendura në gur. Rezultatet e tyre ndryshojnë me javë, për të mos thënë me ditë…

Pra, pyetja është nëse do të ketë ende votues opozitarë që mund të votojnë per një “sorrë berishiane” jashtë kampit opozitar, kur kanë pulën e tyre brenda kampit opozitar. Në qoftë se vetem votues jo-opozitarë, pra jo opozitarë, votojnë per “sorrën berishiane” Spahiu, kjo nuk e prek “pulën” 52-përqindshe opozitare…

[Archon]

Komentatorët zhbirilojnë në vendimin e AK-së për të dalë më vete në zgjedhjet e 23 qershorit

Janë disa vetë që kanë dhënë shpjegimet e tyre lidhur me vendimin e djeshëm të Spahiut. Vladimir Karaj që shkruan për Mapon, në tentativën për të shpjeguar kandidimin më vete të Kreshnik Spahiut, thotë se “ai gjeti një pretekst për të refuzuar Ramën, por {arsyet janë të tjera]”, dhe teksa duket se nuk përjashton asnjë variant, ai i mbahet më shumti tezës së protagonizmit të Spahiut, që nuk do të gjente hapësirë për t’u shpalosur në një koalicion me 40 parti.

Ky është shpjegimi “më dashamirës” që i është bërë deri më tani këtij gjesti politiko-elektoral të AK-së. Nuk është se kanë qenë të shumtë ata që kanë shkruar (nuk kanë kaluar, veçse disa orë nga momenti që është bërë publik lajmi), por ata që kanë shkruar, kanë dhënë shpjegime të tjera. Andi Bushati, një ditë para se Spahiu të deklaronte refuzimin e koalicionit të opozitës, bënte aluzion në shkrimin e tij me titull “Të gjithë kundër Berishës”, se “[Spahiu] po joshet me të gjitha mënyrat nga familjarët dhe nga kontrabandistët e pushtetit për të dalë i vetëm në zgjedhje duke gërryer kështu votat e opozitës, me shpresën se do të krijojë një alterego politike të Topit në të majtë”.

Mero Baze nuk e ka vonuar shumë komentin e vet lidhur me këtë argument. Këtë koment ai e pati gati dy orë pasi Spahiu doli në konferencën për shtypin. Baze i eviton, madje nuk i beson skenarët, që flasin për Spahiun si vegël të Berishës, por nuk ka gjetur ende një shpjegim të vetin. Ai mjaftohet të thotë, se “Kreshnik Spahiu nuk ishte i lirë dhe nuk ishte transparent gjatë gjithë periudhës kur tentoi të bënte koalicion me opozitën. Që nuk ishte i lirë e shikoja tek përpjekja e tij e stërmundimshme të shpikte çdo orë nga një shkak, dhe që nuk ishte transparent e shikoja që nuk u thoshte kurrë dy vetëve të njëjtën arsye.” Dhe lë plot gjëra të kuptohen kur thotë se “për transparencën e [motiveve pse ka refuzuar koalicionin me PS-së] mund ta ndihmojë [Kreshnikun] nëse ka nevojë”.

Më i qartë e konkret është Eduard Zaloshnja, i cili flet “jo me hamendje, por për gjëra që i di mire”: “[Spahiu ka] bërë presion që të fuste shoqet dhe shokët e tij në listën e deputetëve të PS-së, e jo Myslym Pashajn apo Lisen Bashkurtin; dhe këto mandate i donte në tavolinë, përveç mandateve ekstra që mund të përfitonte duke u futur ne koalicionin opozitar”

[Albo]

Mos lodhni shqipen kot, por lexoni e mesoni nga Albo qe ua ka thene muaj me pare:

Misioni i Kreshnik Spahiut qe i ka dhene Erdogani qe eshte punedhenesi dhe sponsorizuesi i tij ne Tirane, nuk eshte "te rrezoje Berishen". Misioni i tij eshte qe te krijoje partine e minoritetit turk ne Shqiperi, si turqit i kane krijuar edhe ne Kosove edhe ne Maqedoni. Dhe arsyeja e tij qe "nuk hyra ne koalicion me PS pasi PS pranoi Dulen ne koalicion" eshte e sinqerte. Sulmet e tij ndaj minoritetit grek ne Shqiperi kane per qellim qe te zgjojne minoritetin turk mes shqiptareve nga gjumi, ne menyre qe keta te votojne ne bllok jo per PD, jo per PS, por per partine e Erdoganit ne Tirane, AK-ne.

Dhe kjo eshte arsyeja perse Spahiu nuk hyri ne koalicion me PS dhe u prish edhe me njerezit e partise se tij. Sa i vlen mbeshtetja e Turqise dhe leket qe dalin nga njerezit e ambasades turke ne Tirane, nuk i vlen as Rama e as Berisha, e as Shqiperia.

Albo

[Archon]

Fatkeqësisht dyshimi im se AK ishte një sorrë e pushtetit për të çoroditur popullin opozitar e jo një shqiponjë e opozitarizmit, ka marrë formë gjatë procesit qesharak e të shëmtuar që imponoi ajo parti për të (mos)negociuar me PS dhe është provuar sot, kur Kreshniku i nacionalizmës është shfaqur si xhuxhmaxhuxhi i radhës në përpjekjen e kotë për ta shitur një produkt të diktaturës së korrupsionit si një forcë vetmitare opozitare që aleat të vetëm paskej popullin! Çfarë turpi ky i shpërdorimit të simbolit kuqezi për të fryrë një komerdare shpëtimi për pushtetin e korrupsionit që medemek po lufton, duke tërhequr prej hunde njerëz të ndershëm e te lodhur nga politika e nga partitë aktuale! Çfarë pështirosje prej atyre kërkesave të shtruara skuthërisht mes tekstesh provokative, ku mbërrihej deri në marrëzinë e një lufte të ftohtë ballkanike, dhe këmbënguljes për të desantuar 5 diversantë deputetë në listat e PS apo për të përcaktuar se për çdo 10 mijë vota AK duhet të merrte një portofol ministror! Çfarë talljeje me idealet e me aspiratat e Myslym Pashait e të Pëllumb Xhufit që e kanë mbështetur me zemër këtë farsë të Saliut, i gjithë ky sharlatanizëm spektakolar! Shkurt fjala, Aleanca Kuqezi të dashur miq s’qenkej gjë tjetër përveçse grahma e fundit e Saliut dora vetë. Ndërsa vetë Kreshniku xhuxhmaxhuxh i oborrit të Saliut na dha me ketë rast, ilustrimin më të freskët të proverbit të famshëm që thotë se nacionalizmi është streha e fundit e maskarallëkut.

(edi rama)

[Archon]

Mos lodhni shqipen kot, por lexoni e mesoni nga Albo qe ua ka thene muaj me pare:

Misioni i Kreshnik Spahiut qe i ka dhene Erdogani qe eshte punedhenesi dhe sponsorizuesi i tij ne Tirane, nuk eshte "te rrezoje Berishen". Misioni i tij eshte qe te krijoje partine e minoritetit turk ne Shqiperi, si turqit i kane krijuar edhe ne Kosove edhe ne Maqedoni. Dhe arsyeja e tij qe "nuk hyra ne koalicion me PS pasi PS pranoi Dulen ne koalicion" eshte e sinqerte. Sulmet e tij ndaj minoritetit grek ne Shqiperi kane per qellim qe te zgjojne minoritetin turk mes shqiptareve nga gjumi, ne menyre qe keta te votojne ne bllok jo per PD, jo per PS, por per partine e Erdoganit ne Tirane, AK-ne.

Dhe kjo eshte arsyeja perse Spahiu nuk hyri ne koalicion me PS dhe u prish edhe me njerezit e partise se tij. Sa i vlen mbeshtetja e Turqise dhe leket qe dalin nga njerezit e ambasades turke ne Tirane, nuk i vlen as Rama e as Berisha, e as Shqiperia.

Albo

Nqs AKZ sponsorizohet nga Erdogani sic thua ti,ajo nuk do kishte interes largimin e Berishes,sepse ai i pershtatet Erdoganit(mos harro para disa vitesh Berisha na beri nje gjak me turkun),por une mendoj se ai po luan rolin e terheqesit te votave te majta me ide nacionaliste sic e the edhe ti me lart dhe pas zgjedhjeve mund te nxjerre justifikim se po shkon me Berishen sepse nuk mund te futet ne nje koalicion me nje parti greke,pra me pak fjale do luaje rolin qe luajti edhe Hysni Milloshi ne zgjedhjet per kryetar te bashkise se Tiranes.

[Albo]

Nqs AKZ sponsorizohet nga Erdogani sic thua ti,ajo nuk do kishte interes largimin e Berishes,sepse ai i pershtatet Erdoganit(mos harro para disa vitesh Berisha na beri nje gjak me turkun),por une mendoj se ai po luan rolin e terheqesit te votave te majta me ide nacionaliste sic e the edhe ti me lart dhe pas zgjedhjeve mund te nxjerre justifikim se po shkon me Berishen sepse nuk mund te futet ne nje koalicion me nje parti greke,pra me pak fjale do luaje rolin qe luajti edhe Hysni Milloshi ne zgjedhjet per kryetar te bashkise se Tiranes.

Sali Berisha eshte "armiku numer nje" i Turqise ne keto momente, pasi Sali Berisha eshte kryeministri i Shqiperise qe i ka vene objektiv vetes te anetaresoje Shqiperine ne BE, dhe eshte me prane se kurre per t'ia arritur ketij qellimi. Objektivi i Turqise eshte qe ta ndali me cdo kusht Berishen dhe Shqiperine, Kosoven e Maqedonine nga anetaresimi me te drejta te plota ne BE, pasi Turqia i konsideron keto vende "vasale e satelite" te saj ne Ballkan. Anetaresimi i tyre ne BE i largon njehere e pergjithmone keto vende nga ndikimi turk pasi nuk do t'i kene me nevojen Turqise per asgje, as per sigurine qe ua garanton NATO, e as per interesat ekonomike qe ua mundeson Brukseli.

Lexo komentet e mia ne temen e vizites se Berishes ne Ankara e komentin e tij, qe ishte nje ofeze fine per Erdoganin dhe Turqine, packa se mediat ne Tirane nuk e kapen dot thumbin e Berishes. Turqit pretendojne se identiteti shqiptar nuk ekziston, por eshte nje identitet turk. Kjo eshte ajo qe ata nenkuptojne me "populli yne vella shqiptar", qe ju jeni turq si ne. Berisha me komentet e tij, i tha Erdoganit e turqve qe ne shqiptaret u dhame identitet ju turqve sot, e jo ne te marrim identitet nga ju. Se jemi me autoktone e me homogjene se ju si populll, e nuk jemi nje kazan etnish e popujsh te mbetur te Perandorise Otomane, sic jeni ju sot. Prandaj Berisha tha publikisht ne Ankara: "Pyetja e pare qe bej ne takimet me delegacionet turke eshte, cili prej jush eshte shqiptar?"

Albo

[Albo]

AK refuzon aleancën e PS, Rama: Kreshniku xhuxhmaxhuxh kërkoi 5 deputetë diversantë

Spahiu refuzon PS, vetëm në zgjedhje.

“Aleanca Kuqezi” nuk do të jetë pjesë aleancës me PS. Kreu i AK: S’ka kompromis për hetimin e Berishës.

“Nuk tradhtojmë kauzën e bashkimit kombëtar me parti greke”

Kreu i PS u përgjigjet deklaratave të Spahiut, Rama: Kreshniku xhuxhmaxhuxh, na kërkoi 5 deputetë diversantë.

Në limitet kohore të regjistrimit të koalicioneve në Komisionin Qendror të Zgjedhjeve, Aleanca Kuq e Zi deklaroi se do të dalë e vetme më 23 qershor. Lideri i AK-së, Kreshnik Spahiu, doli mbrëmë në një konferencë për shtyp ku bëri të ditur vendimin për të mos u bashkuar me koalicionin e drejtuar nga Partia Socialiste. “Këto ditë nuk kemi reshtur nga negociatat për t’u bërë pjesë e një fronti tërësisht opozitar, jo mbi doktrina politike. Personalisht, larg çdo paragjykimi, kam kontaktuar çdo lider politik të spektrit opozitar. Me bindje të plotë kemi punuar me qëllimin e vetëm për domosdoshmërinë e një rrotacioni politik, ku të gjithë kundërshtarët e këtij regjimi të mblidheshin, të bashkoheshin në një kauzë, sjelljen e një filozofie të re që do të ndryshonte Shqipërinë”, tha Spahiu. Sipas tij, një çështje shumë e rëndësishme e Aleancës Kuq e Zi është bashkimi kombëtar dhe përfshirja në një koalicion me PS-në ku është edhe PBDNJ, do të ishte tradhti e kauzës. “Shqiptarët kërkojnë shpresë, jo ndryshim xhaketash në pushtet. Me këtë qëllim propozuam dje disa kërkesa që lidhen me një ndryshim thelbësor të standardeve dhe të ardhmes së Shqipërisë. Në kauzën e AK-së është realizimi i aspiratës për bashkim kombëtar. Për hir të prezencës së një partie greke ne nuk mund të tradhtojmë kauzën e bashkimit kombëtar, se është një kauze e cila nuk mund të tradhtohet”, deklaroi Spahiu. Kreu i Aleancës Kuq e Zi tha në daljen para mediave se sot Shqipëria ka vetëm një kundërshtar, dhe ai është Kryeministri. Sipas tij, AK-ja nuk mund të pranonte të hiqte dorë nga kushti për të hetuar dhe gjykuar Sali Berishën. “Kërkuam diçka tjetër, ajo çka ishte tashme kërkesa e të gjithë shqiptarëve që shtetasi Berisha të bëhet subjekt i hetimit, i gjykimit dhe i dorëzimit. Dikush mund të thotë se nuk mund të ndërhyjë sistemi politik në sistemin e drejtësisë. Gaboheni! Çdo njeri i drejtësisë e ka ëndërr ta hetojë e ta gjykojë atë njeri por ka çekiçin e klasës politike në kokë që nuk lejon asnjë prokuror apo gjyqtar të guxojë të çojë në bangën e të akuzuarve kasapin e votës së lirë, njeriun që ka kryer krime për 23 vite dhe ne nuk mund të binim në kompromise për heqjen e emrit të shtetasit Berisha nga kërkesat e AK”, tha Spahiu. Sipas tij qëllimi i AK-së është maksimalizimi i votave për të rrëzuar Berishën. “Nëse dikush pretendon se AK po hyn e vetme, jo! Kjo është një aleancë kuqezi, etnike shqiptare dhe ne nuk mund të lejojmë ta bëjmë pis edhe sikur mos fusim 50 deputetë dhe po t’i kemi 15 por ama 15 do të jenë të vendosur në kauzën e tyre”.

Rama: Kreshniku xhuxhmaxhuxh, na kërkoi 5 deputetë diversantë
Kryetari i PS-së, Edi Rama reagoi dje në “Facebook” pas vendimit të AK-së për të dalë e vetme në zgjedhje. “Fatkeqësisht dyshimi im se AK ishte një sorrë e pushtetit për të çoroditur popullin opozitar e jo një shqiponjë e opozitarizmit, ka marrë formë gjatë procesit qesharak e të shëmtuar që imponoi ajo parti për të (mos)negociuar me PS dhe është provuar sot, kur Kreshniku i nacionalizmës është shfaqur si xhuxhmaxhuxhi i radhës në përpjekjen e kotë për ta shitur një produkt të diktaturës së korrupsionit si një forcë vetmitare opozitare që aleat të vetëm paskej popullin! Çfarë turpi ky i shpërdorimit të simbolit kuqezi për të fryrë një kamerdare shpëtimi për pushtetin e korrupsionit që medemek po lufton, duke tërhequr prej hunde njerëz të ndershëm e te lodhur nga politika e nga partitë aktuale!”, shkruan Rama. Lideri i opozitës flet për herë të parë edhe për kushtet që i vendosi AK-ja gjatë negociatave të ditëve të fundit. Sipas tij Spahiu kërkoi 5 deputetë në listën e PS-së apo post ministror për çdo 10 mijë vota të fituara. “Çfarë pështirosje prej atyre kërkesave të shtruara skuthërisht mes tekstesh provokative, ku mbërrihej deri në marrëzinë e një lufte të ftohtë ballkanike, dhe këmbënguljes për të desantuar 5 diversantë deputetë në listat e PS apo për të përcaktuar se për çdo 10 mijë vota AK duhet të merrte një portofol ministror! Ndërsa vetë Kreshniku xhuxhmaxhuxh i oborrit të Saliut na dha me ketë rast, ilustrimin më të freskët të proverbit të famshëm që thotë se nacionalizmi është streha e fundit e maskarallëkut”, përfundoi Rama komentin e tij.

ADI SHKEMBI

Panorama