Arrihet marrëveshja Kosovë-Serbi. Thaçi: Na njohu Serbia

[Llapi]

Pantiq: S’bëhem kryetar komune në Republikën e Kosovës

09:22 / E hënë, 13 Janar 2014
Pantiq ka përsëritur se nuk ka nënshkruar deklaratën me të cilën do të merrte detyrën e kryetarit të komunës Mitrovica e Veriut, sepse në të ishin stema dhe simbole të tjera të Republikës së Kosovës.


Marrëveshja e 19 prillit, ndërmjet të Kosovës dhe Serbisë po ‘shembet’, kurse formimi i Bashkësisë së Komunave Serbe në Kosovë, nuk do të ecën aq lehtë, ka thënë kryetari i paprovuar i Mitrovicës së Veriut, Kërstimir Pantiq për gazetën Veçernje Novosti.

“Mendoj se shumë shpejt, e tërë marrëveshja e Brukselit do të shembet. Kjo nuk do të ndodh për fajin e qeverisë serbe, por të bashkësisë ndërkombëtar” ka thënë Pantiq.

As formimi i Bashkësisë së Komunave Serbe, “nuk do të ecën mbarë, dhe as shqiptarët nuk do të lejojnë përgjegjësitë të cilat ne do t’i donim, dhe për të cilat ka pasur pajtim në Bruksel, siç nuk kanë lejuar edhe formimin e komunave të reja që janë neutrale ndaj statusit”, vlerëson ai.
Pantiq, i cili ka dhënë dorëheqje të shtunën nga posti i drejtorit të Zyrës së Qeverisë së Serbisë për Kosovën, ka nënvizuar se më nuk mund të punojë me ministrin Alleksandar Vullin, i cili sipas tij më shumë po merret me punët rreth partisë së tij – Lëvizjen e Socialistëve – sesa me punët e shtetit.

“Unë jam gjithmonë i gatshëm që t’i shërbejë shtetit dhe kombit, por me Alleksandar Vullinin nuk mundem më të bashkëpunoj. Kjo është arsyeja e dorëheqjes sime. Nuk mund ta shikoj se si në llogari të partisë së cilës i takoj – në llogari të Partisë Përparimtare Serbe – të ndërtohet infrastruktura e Lëvizjes Socialiste në Kosovë”, ka thënë Pantiq.

Pantiq ka përsëritur se nuk ka nënshkruar deklaratën me të cilën do të merrte detyrën e kryetarit të komunës Mitrovica e Veriut, sepse në të ishin stema dhe simbole të tjera të Republikës së Kosovës.

I pyetur nëse kjo do të thotë se nuk do të jetë në krye të komunës, Pantiq ka thënë se “sigurisht se nuk do të jetë kryetar i ndonjë komune në Kosovën e pavarur”.

[Antiproanti]

FIFA ia lejon miqësoret Kosovës, vetëm me fusnotë



Prishtinë, 13 janar - Komisioni për çështje urgjente i FIFA-së ka kumtuar vendimin për ndeshjet miqësore të Kosovës. Lajmin e ka konfirmuar për KTV-në, kreu i FFK-së, Fadil Vokrri. Ai ka thënë se Kosova është lejuar të zhvillojë ndeshje miqësore , mirëpo në ato takime do duhet përdorur fusnota dhe nuk do të ketë simbole shtetërore. “E rëndësishme është se për zhvillimin e këtyre ndeshjeve si jashtë ashtu edhe brenda Kosovës, më Serbia nuk do të ketë rrol konsultativ , pra Kosova do të vendos vet. Po ashtu për një periudhë , Kosova nuk do të ketë të drejt të zhvillimit të ndeshjeve miqësore me kombëtaret e dala nga shpërbërja e Jugosllavisë”, ka thënë ai.

Ky vendim mësohet se është i përkohshëm dhe në muajin Mars kur dhe do të jetë mbledhja e radhës e Komitetit Egzekutiv të FIFA-së , do të ndryshohet përsëri dhe do të marr formën e kërkuar nga FFK-ja, ku Kosova do të ketë të drejt të zhvillimit të ndeshjeve miqësore me të gjitha shtetet pa kushte dhe me përdorim të simboleve shtëtore.
http://www.koha.net/?page=1,13,171920

Fusnota s'do te hiqet dhe simbolet s'do te lejohen, perderisa FIFA nuk e njeh Kosoven...
Dhe, sic edhe eshte shkruar, behet fjale vetem per ndeshje miqesore. Kjo gjendje do te vazhdoje edhe vite dhe dekada, nese FIFA nuk e njeh Kosoven.
Kosova as me fusnote* dhe pa simbole nuk do te mund te luaj ne kampionate te rregullta apo te organizoje lige te futbollit nen ombrellen e FIFA-s apo UEFA-s.

Edhe nje shembull tjeter qe qet ne shesh faktin e njohur se "shteti" i Thacit&Co ne te vertete nuk eshte shtet i vertete dhe se eshte relativisht larg arritjes se ketij qellimi... Kryesisht fale fusnotes* dhe "marreveshjeve" tjera me Serbine, ner radhe te pare per favore te Serbise, te Thacit personalisht dhe te BE-se...

[Antiproanti]

Republika, mbetet e mbuluar



Logo e Republikës së Kosovës ka mbetur e mbuluar në fletët e nënshkruara të betimit nga asamblistët dhe kryetarët e zgjedhur të veriut.

Burime të gazetës “Tribuna” kanë shpjeguar se pavarësisht përpjekjes së zyrtarëve të Ministrisë së Administrimit të Pushtetit Lokal dhe disa zyrtarëve evropianë që menjëherë pas nënshkrimit, mbulesa (stikeri v.j.) të hiqet nga fletët e nënshkruara të betimit, një gjë e tillë ka qenë e pamundur.

Sipas disa zyrtarëve që kanë marrë pjesë në këtë proces, mbulesa që është vendosur mbi logon e Republikës ka qenë aq mirë e ngjitur për letrën e betimit, saqë e vetmja mënyrë për ta hequr atë ka qenë shqyerja e letrës.

Në fakt, zyrtarët e MAPL-së, sipas burimeve të gazetës, kanë planifikuar që të kërkohet ndihmë profesionale në heqjen e këtyre mbulesave, por një gjë e tillë nuk ka ndodhur.

Si rezultat i kësaj, fletët e votimit kanë mbetur me logo të mbuluar dhe janë arkivuar. Kosova dhe Serbia kanë diskutuar me ditë të tëra në Bruksel për mënyrën se si do të bëhej betimi i asamblistëve dhe kryetarëve të zgjedhur në veri të vendit. /Tribuna/
http://www.telegrafi.com/lajme/repub...r-2-40169.html

[Llapi]

Njohja e Kosovës, kusht përfundimtar për hyrjen e Serbisë në BE
12:48 / E martë, 21 Janar 2014


Serbia do të jetë e detyruar të arrijë marrëveshje gjithëpërfshirëse për normalizimin e marrëdhënieve me Kosovën për të mbyllur procesin negociator me Bashkimin Europian, ka deklaruar Tanja Mishçeviq, kryenegociatorja e Serbisë me BE-në.

“Njoha e pavarësisë së Kosovës nuk përbën një kërkesë formale të BE-së, por duke vënë parakusht këtë marrëveshje, në fakt nga Serbia kërkohet që joformalisht ose formalisht të njohë Kosovën dhe këtë e di Beogradi. Kërkesat e Gjermanisë e të Britanisë së Madhe në dokumentet përfundimtare janë pak të zbutura, por në thelb kanë mbetur” , ka sqaruar për “Blic”, Bodo Veber, eksperti gjerman për çështje të Ballkanit, transmeton Koha.net.

Tanja Mishçeviq, kryenegociatore e Serbisë me BE-në, ka thënë se Kosova do të jetë objekt i dialogut politik midis Beogradit e Prishtinës dhe të përmbushjes së dispozitave të Marrëveshjes së Brukselit.


Kapitulli 35 i Kornizës negociuese i referohet Kosovës. Serbisë sot i dorëzohet në Bruksel dokumenti i BE-së me parimet themelore negociuese – Qendrimi kryesor i BE-së dhe Korniza negociuese.

Në to theksohet se qëllimi i negociatave është përfshirja e Serbisë në BE, por edhe se përfundimi i tyre do të varet nga rezultati që do t’i arrijë Serbia në përshtatjen standardeve evropiane dhe normalizimit të marrëdhënieve me Kosovën.


Konferenca do të zgjasë vetëm 45 minuta. Delegacionin e Serbisë e udhëheqin Ivica Daçiq dhe nënkryetari i tij Aleksandar Vuçiq.
Tweet

[Llapi]

Vucic: Brenda 5-6 vjetësh do t'i zgjidhim problemet me Kosovën
Nga Express | 21 Janar 2014 15:17


Në një intervistë për Gazetën Gjermane "Frankfurter Allgemeine Zeitung" , Zëvendëskryeministri i Serbisë ka folur për të kaluarën e tij duke thënë se ka qenë i mashtruar. Gazeta gjermane e ka pyetur se si është shndërruar nga një nacionalist në eurofanatik. "Kam gabuar. Nuk kam pasur të drejtë. Edhe pse nuk është e lehtë, unë e pranoj këtë" ka thënë ai.

Zëvendëskryeministri i Serbisë Aleksandar Vucic ka thënë se Serbia, në rrugën e saj drejt BE'së nuk i ka problem "vendet e këqija fqinje" ose Gjermaninë por vetveten. Vucic ka thënë se Serbisë nuk do ti zgjidhen problemet nga qielli.Në pyetjen se si nga një nacionalist është shndërruar në një eurofanatik, Vucic ka thënë se tani ka ndryshuar.

"Kjo ka qenë proces. Nuk është se zgjohesh një ditë dhe thjeshtë thua unë jam ndryshe"ka theksuar ai.

"Për dallim prej shumë politikanëve në Serbi të cilët sillen se gjithmonë kanë të drejtë, unë nuk kam turp të them se jam mashtruar. Kam gabuar. Nuk kam pasur të drejtë. Edhe pse nuk është e lehtë, unë e pranoj këtë" ka shtuar ai.

Ai ka thënë se nuk beson që Kroacia si anëtare e re do t'i bllokojë eurointegrimet.

" Nuk besoj se për 5-6 vjet do të ketë probleme të pazgjidhura ndërmjet Kroacisë dhe Serbisë. Kjo vlen edhe për marrëdhëniet Prishtinë -Beograd. Viteve të ardhshme do ti kontribuojmë dialogut racional dhe do ti zgjidhim të gjitha pyetjet e hapura në interes të përbashkët. kjo nuk do të jetë e lehtë por do tia dalim" ka thënë Vucic.

[Antiproanti]

Si të talleni me shtetin...


Flaka Surroi


...ejani në Kosovë, jua mësojnë me një kurs të përshpejtuar. Falas

Kosovarët pos që e kanë kapacitetin mahnitës për t’u marrë me punë të kota, e kanë edhe kapacitetin e pabesueshëm me u tallë me shtetin e vet sa herë që të munden. Për të qenë plotësisht korrekte, këtë prerogativë kryesisht e kanë funksionarët publikë dhe politikë. Këta, nga ana tjetër, për ta plotësuar kushtin për të qenë politikanë, duhet ta përmbushin një kriter – që të jenë ose natyrshëm të papërgjegjshëm, ose që këtë tipar ta përvetësojnë me zgjedhje brendapartiake.
Vështirë kush do të mendonte se një javë që s’është as këndej (me janarin) e as andej (me dhjetorin), ashtu disi në mes kur shkollat sa zgjohen prej pushimit dimëror, e parlamentarët jo (se mos po lodhen kund), do të shënonte një sërë ngjarjesh, që të gjitha me një emërues të përbashkët – si me ia bâ bajat këtij populli, ose thënë ndryshe, si me bâ hajgare me këtë shtet.


Hajde tash te gjermani

Dhe u mbajt një mbledhje. Fshehtas, për t’u bërë publike. Gjithsesi në Dragodan, por nja dy rrugë a qashtu diçka më poshtë se zakonisht. Tema – a doni zgjedhje qetash, në qershor, a në shtator. Se hisja gjithqysh u bie në dhjetor, po hajt pak të luajmë me nerva, e të shohim çka po na përshtatet më së shumti.

Kësaj radhe nikoqir i takimit qe ambasadori gjerman, i cili publikisht u deklarua të ishte “lehtësues” i takimit ndërmjet liderëve të tri partive PDK, LDK dhe AAK. Nikoqiri lehtësues gjithashtu deklaroi se në këtë takim nuk ishte ftuar “Vetëvendosja” se nuk e kishte shumicën dhe se nuk e ndërronte qëndrimin. T’jua them të drejtën, edhe pse mund të ketë qenë problem me përkthimin, nuk e mora vesh se kush e kishte shumicën e çkaje ku, e aq më pak e mora vesh se çfarë qëndrimi duhej të ndryshonte “VV”-ja për të marrë pjesë në takime ku debatohet për të ardhmen e Kosovës, duke qenë subjekt jo i parëndësishëm parlamentar.

Sido që të jetë, u dol me njëfarë informate se zgjedhje do të ketë në qershor, se kështu mendojnë se duhet këta tre liderë të partive politike – ani që vendimi përfundimtar do të jetë i kryetares, natyrisht sipas instruksioneve që ajo do t’i marrë nga miqtë ndërkombëtarë. Më pas doli Ambasada gjermane me një kumtesë për të thënë se nuk është arritur asnjë marrëveshje për zgjedhje dhe se do të ishte fare e papëlqyeshme që ato të mbaheshin pa u kryer reforma zgjedhore. Nëse e keni vërejtur, më nuk flitet për reformën kushtetuese, e as për zgjedhjen e drejtpërdrejtë të kryetarit të shtetit nga qytetarët, që ishte marrëveshje e nënshkruar nga PDK, LDK, AKR nën mbikëqyrjen e Dellit. Atëbotë, ata që e kishin etiketuar atë marrëveshje si kundërkushtetuese ishin shpallur antiamerikanë. Kësaj radhe duket se ka e nuk ka marrëveshje, e meqë s’mund të etiketojmë gjë, shpëtuam nga atributet e zakonshme.

Shihni çfarë liderësh ka ky shtet. Një punë që thjesht do të duhej të ishte e brendshme dhe relativisht lehtë e zgjidhshme, ka nevojë për ndërmjetësim ndërkombëtar. Ashtu siç kanë nevojë që të huajt t’ua tërheqin vërejtjen se po qe se i vodhën votat, zgjedhjet nuk ka me na i njohtë askush.


Deputetë, a ju merr gjumi?

Gjynah që të huajt zgjodhën mos ta kishin këtë qëndrim më 2010 – se ani që këta tanët vodhën, e vodhën e nuk u nginë, na i njohën zgjedhjet dhe na i sollën hajnat e votave në pushtet, dhe aty te vendi, aty ku mbarohen ligjet.

U mbush Kuvendi me diletantë dhe me njerëz të pandershëm e të pandërgjegjshëm që e votuan, me gjithë argumentimin se hairin do t’ia shihnin kryesisht delinkuentët shqiptarë, Ligjin e Amnistisë. Dhe ja, katër muaj pas hyrjes në fuqi të ligjit me gjithë vërejtjet e Gjykatës Kushtetuese, ndodh që me këtë tekst të jenë amnistuar rreth 1200 persona, prej të cilëve madje 1100 për armëmbajtje pa leje. Vlen të theksohet, sa për të evidentuar, se vetëm 59 persona të amnistuar vijnë nga rajoni i Mitrovicës (veri, jug, lindje, perëndim – zgjidhni).

Të shohim se çfarë do të jenë hapat e ardhshëm dhe kush do të jenë të amnistuarit që do të trajtohen, porse mbase duhet shtuar pyetjen nëse këta deputetë mund t’i zërë gjumi kur e dinë se me gishtërinjtë e tyre e kanë kaluar një ligj që mund t’i lirojë nga përgjegjësia penale një varg njerëzish që kanë paraqitur rrezik potencial sa herë janë sjellë me armë e sa herë kanë shtënë nëpër ahengje, e sa herë do të kenë mundur t’u kërcënoheshin zyrtarëve a qytetarëve...

Në vend se të merreshin me atë se si duhet liruar hajnat dhe kriminelët e tjerë, do të duhej të ishin marrë me ndaljen e trafikimit të armëve dhe me mënyrën se si duhet konfiskuar armët pa leje, për të cilat mendohet se janë rreth 300 mijë në Kosovë. Mbase do të duhej t’i brente ndërgjegjja edhe për 14 vjeçin që e vranë me armë zjarrin në oborr të shkollës, e edhe për qytetaren e Pejës që vdiq nga plumbi qorr, veç për shkak se ka dashur ta festonte Vitin e Ri në ballkon.

Por, më duket se po kërkoj shumë: ndërgjegje, nga shumë syresh aty që nuk e kanë. Se po ta kishin, ndryshe do të kishin votuar edhe “marrëveshjen” me Serbinë, edhe fusnotën, edhe krejt hajgaret që i ka bërë kjo Qeveri në llogari të popullit.


“Sticker Republic”

“Marrëveshja” të cilën e votuan dhe me të cilën Kosova ia futi vetes edhe obligimin që të jetë neutrale karshi statusit të vet e prodhoi situatën ndër më bizaret që janë regjistruar në sistemin bashkëkohor politik të Kosovës. U mbajtën zgjedhjet komunale edhe në veri (“Për herë të parë në të gjithë Kosovën”, do të krekosej kryeministri) dhe kur erdhi puna për ta dhënë betimin, për një arsye ose tjetrën afati shtyhej derisa më në fund BE-ja nuk nguli këmbë dhe i tha Serbisë: ose le ta japin betimin, ose keni me pasë probleme me neve gjatë procesit të anëtarësimit.

Dhe erdhi Serbia, bëri trysni te këshilltarët komunalë të katër komunave dhe iu tha; “hajt more jepeni betimin, se s’kemi hesap me i prishë punët tona për inate tuaja! Për punë të stemave, të emërtimeve e të gjërave të ndryshme mos t’ua ndien fare, se ia gjejmë çarenë”. Dhe çareja u gjet në formë të “stikersave”, demek etiketave vetëngjitëse. Dokumentet e betimit që mbanin stemën e Republikës së Kosovës u mbuluan me këta stikera. U nënshkruan dhe tash kemi kuvende komunale të themeluara në komunat e veriut. Shumë hajgare bre e gjithë kjo punë – dhe shumë ofenduese që një Qeveri t’i pranojë si legjitime.

Natyrisht, vendimin nuk e imponoi për zbatim as ministria e cila udhëhiqet nga një politikan serb. E imponoi Evropa, për t’i dëshmuar vetes se kjo që është arritur në Kosovë me ndërmjetësimin e Ashtones është gjë shumë e madhe. E bash po më intereson tash se si do t’ia bëjë po kjo e njëjta ministri për ta imponuar zbatimin e ligjit sa i përket përdorimit të simboleve shtetërore në këto katër komuna – a do të valëvisë flamuri i Republikës së Kosovës në ndërtesat komunale; a do t’i dekorojë ky flamur zyrat dhe sallat e asambleve dhe a do ta kenë logon (për të mos i thënë stemë) shtetërore dokumentet që lëshohen nga këto komuna. Apo jo, do të pretendojmë se ky nuk është ndonjë problem i madh, fundja edhe një hajgare me këtë popull, nuk bën shumë zarar. Ashtu siç na e luajti sërish Daçiqi, duke iu falënderuar “marrëveshjes historike”. I përcjellë nga madje 18 policë të armatosur që e kaluan kufirin e Kosovës me armë, erdhi për ta festuar Vitin e Ri ortodoks. Dhe për të na thënë se nuk e kishte as ndërmend të kërkonte falje për krimet që i ka kryer regjimi, pjesëtar aktiv i të cilit ka qenë, e që tash kjo Qeveri e papërgjegjshme i bën temena.


Hajde ta bëjmë rrugën, e në atë hallakamë ta shesim Postën

Sa e papërgjegjshme është e dëshmon paraqitja e sërishme e temës kinse tashmë të mbyllur – asaj të shitjes së aksioneve të PTK-së, “sa nuk i ka humbur vlera krejt”. Po vlerën vazhdimisht e cungon po kjo Qeveri që është aksionarja e vetme i institucionit në të cilin nuk lejon asnjë cent investim, për shkak se i ka bërë hesapet e veta që i kupton ajo vetë. Dhe përderisa sërish del në sipërfaqe madje ideja se PTK-ja mund të shitet edhe pa pëlqimin e Kuvendit dhe në kundërshtim me ligjin, ndërkohë, ashtu si heshtas, përmbyllet procedura për ndërtimin e autostradës së dytë. Dhe, qëllojani kush po fiton: rastësisht firma e cila tashmë i ka marrë krejt milionat që i patëm të buxhetit për ndërtimin e rrugës më të shtrenjtë në Evropë: “Bechtel&Enka”.

Dhe përderisa nuk i dimë detajet se sa ka kushtuar 100 kilometërshi i papërfunduar dhe i pështjellur i “Rrugës së Kombit”, atë që e marrim vesh për këtë rrugë është se mund të jetë 60 kilometërshe dhe se ndërtimi i saj do të zgjasë gjysmë viti më shumë sesa kjo vepra e parë artistike. Që ndoshta edhe kjo do të kushtojë nominalisht 600 milionë euro. Pra, prapë 10 milionë euro kilometri. Garant ndonjë përbërës të arit e ka ky bitumeni i këtyre rrugëve – meqë e ka gjithë këtë vlerë.

Pra, po ta analizonte dikush jetën e Kosovës në gjashtë vjetët e fundit, nën udhëheqjen e Qeverive të kryesuara nga ky kryeministër, do të konstatonte se gjithë këta muaj na kanë kaluar në kalitjen e sportit më të preferuar të kësaj kaste udhëheqëse – talljen me popullin, e për pasojë edhe me shtetin.

Në gjithë këtë ndërmarrje fizike e besa edhe mendore, u duhet pranuar një gjë: se këta janë ekspertët më të shquar të këtij lëmi. Këta do të ishin idealët për të mbajtur kurse të përshpejtuara për politikanë të rajonit dhe të botës se si duhet luajtur hajgare me popullin. Dhe duke e marrë parasysh mikpritjen tradicionale në të cilën thirremi përherë, kurset do t’i jepnin falas.

Uollkom!

http://www.koha.net/?page=1,9,172757

[Antiproanti]

FIFA e trajton Kosovën sikur edhe BE-ja

Augustin Palokaj

Si duket për Kosovën asnjë pengesë nuk mund të hiqet në tërësi dhe asnjë problem nuk mund të zgjidhet deri në fund. Edhe pse shtet tash e gjashtë vjet, Kosova në skenën ndërkombëtare vetëm po kalon prej një status quoje në një tjetër.Kjo shihet në të gjitha përpjekjet e pjesëmarrjes së Kosovës në nismat ndërkombëtare, por edhe në ato rajonale, qofshin ato sportive apo edhe politike. Për tre vjet sa po zhvillohet dialogu mes Kosovës dhe Serbisë kemi parë se si të gjitha pengesat që thuhet të jenë hequr për Kosovën falë këtij dialogu janë hequr vetëm pjesërisht dhe me kushte. Kosova mund të marrë pjesë në nismat rajonale, por vetëm duke u siguruar se nuk paraqitet si shtet, me shenja shtetërore, me çka sigurohet se nuk është e barabartë me shtetet e rajonit. Edhe në raportet me Bashkimin Evropian Kosova ka atë fusnotën që shkruhet për të sqaruar yllin („fjollën e borës që kurrsesi të shkrihet nga emri i Kosovës) dhe në të gjitha dokumentet sigurohet që ajo në asnjë mënyrë të mos trajtohet si shtet i pavarur.

Tash radha i erdhi edhe sportit, futbollit dhe vendimit të aq pritur të Federatës Botërore të këtij sporti, FIFA-s, që Kosovës t’i lejohet të luajë ndeshje miqësore. Edhe ky ishte një lajm që gëzoi shumë njerëz në Kosovë e edhe më gjerë. Madje pati jehonë më të madhe në opinion sesa vetë vendimi i BE-së që të lejojë nisjen e negociatave për një Marrëveshje Stabilizim-Asociimi me Kosovën.

Por edhe vendimi i FIFA-s ishte me shumë pengesa, të cilat, ngjashëm sikur edhe në nismat rajonale dhe në integrimet evropiane, u bënë për t’ia plotësuar dëshirat Serbisë. Kosova nuk u pranua në FIFA e as UEFA, por asaj vetëm iu lejua që të luajë ndeshje miqësore. Në fakt skuadrave tjera kombëtare të cilat janë anëtare të plota të FIFA-s dhe UEFA-s u lejohet që të luajnë ndeshje të tilla me Kosovën. Po ashtu ka edhe kufizime lidhur me përdorimin e simboleve shtetërore nga ana e skuadrës së Kosovës.

Leja e FIFA-s që të ketë mundësi të luajë ndeshje miqësore ndërkombëtare në futboll për Kosovën duket sikur edhe oferta e BE-së për MSA-në.
Është një hap pozitiv, por nuk e bën Kosovën të barabartë. Nuk mund të luajë ndeshje zyrtare, pra kualifikime për kampionate evropiane apo botërore, por mund të luajë ndeshje miqësore. Edhe me BE-në mund të ketë një MSA, por jo të trajtohet si shtet i pavarur dhe i barabartë me shtetet tjera të rajonit.

Kosovës për të filluar procesin formal të integrimit në BE, e në këtë drejtim MSA shënon një hap, por nuk e hap automatikisht hapjen e procesit formal për integrim në BE, i duhet të jetë e njohur si shtet i pavarur dhe sovran nga të gjitha shtetet e tjera. Vetëm atëherë mund të trajtohet si shtet nga BE-ja në procesin e zgjerimit, sepse ky proces përfshin negociatat me shtetet ekzistuese anëtare.

Edhe për anëtarësim të plotë në FIFA dhe UEFA tash kërkohen kushte politike, siç është ajo që Kosova të jetë anëtare e Organizatës së Kombeve të Bashkuara. Këtë e bllokon me kërkesë të Serbisë Rusia e me këtë e bllokon dhe do ta bllokojë edhe në të ardhmen edhe anëtarësimin e plotë në FIFA dhe UEFA. Pra pengesat politike për pjesëmarrjen e Kosovës në garat sportive nuk janë larguar.

Madje duket sikur kushti sipas të cilit për të qenë anëtar i FIFA-s dhe EUFA-s duhet të jesh anëtar i OKB-së është vënë pikërisht për shkak të Kosovës.
Më parë nuk ka ekzistuar ky kusht, prandaj në FIFA dhe UEFA ka skuadra të hapësirave që nuk janë fare shtete, siç janë Skocia, Wellsi, Irlanda e Veriut. Edhe Zvicra deri vonë nuk ka qenë anëtare e OKB-së fare, por ka qenë gjithmonë në këto federata të futbollit. Tash para disa muajve edhe Gjibraltari është bërë anëtar i tyre dhe do të luajë edhe ndeshje zyrtare, së pari kualifikuese për Kampionatin Evropian në Francë më 2016. Gjibraltari është një qytet me rreth 30.000 banorë, i cili gjendet pothuajse në një shkëmb në ngushticën që lidh Mesdheun me Oqeanin Atlantik apo ndan Afrikën dhe Evropën. Ai është nën administratën britanike, por Spanja gjithashtu dëshiron që t’i kthehet asaj. Por ajo që të gjithë e pranojnë, edhe Spanja edhe Britania, është se Gjibraltari nuk është shtet, pra nuk është në OKB, por është edhe zyrtarisht anëtar i FIFA-s.

Arsyetimi i federatës së futbollit pse Gjibraltari është pranuar e Kosova jo ka qenë se „Gjibraltari e ka bërë kërkesën para se të hyjë në fuqi rregullorja e re, ndërsa vendimi është dashur të merret në bazë të rregullave në fuqi në kohën kur është bërë kërkesa“. Pra sipas këtij sqarimi Kosova qenka dashur të ketë kërkuar anëtarësim para se të shpallej pavarësia, ose në kohën e UNMIK-ut, dhe atëherë, nëse do të ndiqte shembullin e Gjibraltarit, do të pranohej.

Sido që të jetë është për të ardhur keq pse Kosova nuk po pranohet me të drejta të plota në federatat e futbollit. Pikërisht kjo po ndodh në kohën kur dhjetëra talente me prejardhje nga Kosova, të cilët potencialisht do të mund të luanin për Kosovën, janë duke shkëlqyer në ligat më të mëdha botërore të futbollit dhe luajnë për skuadrat e suksesshme kombëtare.

Në Botërorin e këtij viti në Brazil do të luajnë më shumë shqiptarë sesa kurdoherë më parë në histori. Hiç më pak se 5 a 6 në Zvicër. Shaqiri, Xhaka, Behrami, Dzemajli, Kasami e ndoshta edhe Mehmedi. Seleksionuesi i Kroacisë thotë se llogarit në Arjan Ademin, mesfushorin defensiv të Dinamos së Zagrebit. Pa gjasa nuk janë as Berisha i ri dhe Bajrami pak më shumë në moshë në Suedi ndërsa, nëse vendos të luajë për Belgjikën, rast të shkëlqejë në këtë ngjarje të madhe do të mund të ketë edhe ylli më i ri i futbollit evropian, Adnan Januzaj.

Tash kur Kosovës i është lejuar të luajë ndeshje miqësore nuk do të ishte korrekte që nga lojtarët, si Shaqiri, Xhaka apo Behrami të pritet që të heqin dorë nga pjesëmarrja në Botërorin në Brazil me Zvicrën për të luajtur ndonjë ndeshje miqësore për Kosovën. Për këtë ka treguar mirëkuptim edhe trajneri i skuadrës kombëtare të Kosovës. Por sikur Kosova të kishte mundësi të luante edhe ndeshje zyrtare atëherë gjërat do të ishin ndryshe. Motivi për të luajtur për Kosovën do të ishte shumë më i madh. Problem për të marrë leje nga skuadrat e mëdha do të jenë edhe sigurimet e lojtarëve nga lëndimet e mundshme, paqartësitë rreth asaj se a vlejnë apo jo edhe për Kosovën pjesët e rregullores së FIFA-s se kur janë të obliguara e kur jo skuadrat t’i lejojnë lojtarët për të luajtur për skuadrat kombëtare.

Një prej pengesave të papritura dhe po ashtu të padrejta është edhe ajo që Kosova të mos ketë mundësi të luajë me skuadrat nga ish-Jugosllavia.
Është më se e qartë se Serbia ka insistuar pikërisht në këtë për të parandaluar që ndeshja e parë e Kosovës të jetë kundër Kroacisë. Edhe ashtu Serbia e ka të vështirë të pajtohet me faktin se Kroacia është kualifikuar për botëror, ndërsa Serbia jo. Ta shohin Kroacinë të luajë kundër Kosovës do të ishte për Serbinë një goditje e rëndë. Edhe vetë e kanë thënë këtë duke komentuar paralajmërimet e kryetarit të Federatës Kroate të Futbollit, futbollisti legjendar, Davor Shuker, se Kroacia do të jetë e para që do të luajë me Kosovën. „Provokim i rëndë ndaj Serbisë“ ishte reagimi aspak sportiv nga Beogradi.

Në një gazetë kroate javën e shkuar është shprehur keqardhje pse Kroacia nuk do të mund të jetë e para që do të luajë për Kosovën.
Kroatët e dinë vet se çfarë rëndësie ka një simbolikë e tillë dhe sa gjatë mbetet në kujtesë. Edhe pse ka dalë e treta në botë në vitin 1998, edhe pse e ka mposhtur disa herë Italinë, Gjermaninë apo Anglinë, kroatët edhe sot e kësaj dite më së shumti e mbajnë në mend ndeshjen e parë miqësore të Kombëtares së tyre kundër Shteteve të Bashkuara të Amerikës. Prandaj edhe i gëzoheshin shumë mundësisë që Kroacia të luante kundër Kosovës. Një prej doajenëve të gazetarisë së sportit në Kroaci, Tomislav Zhidak, nga “Jutarnji listi” i Zagrebit, në fakt thotë se edhe ashtu në fillim të marsit „Kroacia do të luajë kundër Kosovës, jo në Prishtinë, por në Zvicër!“ Me këtë mendon në faktin se përballë vetes në ndeshjen miqësore kundër Zvicrës kroatët do të kenë Zvicrën me gjysmën e skuadrës me shqiptarë.

E Serbia me sjelljen e saj po e dëshmon se sporti është thellë i zhytur në politikë dhe i politizuar. Sikur të mos ishte ashtu dhe sikur sporti të shfrytëzohej për të krijuar ura e jo mure, Serbia do të ofrohej të zhvillonte dhe vetë ndeshje miqësore me Kosovën. Nëse dy kryeministra mund të takohen, të hanë dhe të pinë bashkë, të merren vesh për shumë gjëra, pse të mos mund të luajnë futboll mes vete Kosova dhe Serbia.

Por në Serbi duket se vlen një thënie e një kolegu serb se „pa marrë parasysh sa shtete do ta njohin Kosovën, në sa organizata politike ndërkombëtare do të anëtarësohet, serbët realitetin se Kosova është shtet i pavarur do ta kuptojnë vetëm kur të shohin Kosovën duke luajtur futboll kundër dikujt“. Këtë mundësi do ta kenë serbët së shpejti, por do të ishte më mirë sikur vendimi të ishte i plotë, që Kosova të mund të luajë ndeshje zyrtare për kualifikime në Evropian dhe në Botëror, ndërsa shteti i Kosovës të mund të ketë MSA me BE-në sikur të gjitha shtetet dhe të aplikojë për anëtarësim. Do të ishte mirë të kishim një garë mes politikanëve dhe futbollistëve, të vinim bast se a do të kualifikohet më parë Kosova për të luajtur në ndonjë kampionat botëror apo evropian apo do të anëtarësohet më parë në Bashkimin Evropian. Për nga kualiteti në ushtrimin e profesionit të tyre, për nga respekti që gëzojnë në Kosovë dhe jashtë Kosovës, futbollistët me prejardhje nga Kosova janë shumë para politikanëve.
http://www.koha.net/?page=1,9,172858

[Llapi]

Jaccobson: Asociacioni serb i komunave sipas ligjeve të Kosovës
22:40 / E enjte, 23 Janar 2014


Ambasadorja e SHBA në Kosovë Tracey Ann Jacobson ka deklaruar se marrëveshja për formimin e Asociacionit serb të komunave do të jetë në përputhje me ligjet e Kosovës.

"Ligjet e Kosovës janë shumë përparimtarë dhe u japin një numër të madh kompetencash pushtetit lokal”, ka thënë ambasadorja amerikane për TV Most në Zveçan duke shfaqur shpresën se bashkësia do t’iu ndihmojë përfaqësuesve të kuvendeve të bashkëpunojnë dhe të marrin vendime të rëndësishme për planifikimin urban, për arsim e për të tjera.

Tracey Ann Jaccobson ka theksuar se kufijtë e Kosovës janë përcaktuar dhe se Qeveria e SHBA e përkrah Kosovën në ata kufij shtet të pavarur e demokratik, transmeton koha.

"Konsiderojmë se Serbia e Kosova duhet të vazhdojnë rrugën e drejt integrimeve evropiane dhe për këtë arsye është i rëndësishëm normalizimi i marrëdhënieve ndërmjet këtyre dy shteteve”, ka thënë ajo.

Ajo ka ftuar qytetarët e Mitrovicës veriore që të dalin në zgjedhjet e 23 shkurtit për të zgjedhur prefektin.

Tracey Ann Jacobson ka qëndruar gjatë ditës në Zveçan dhe ka vizituar tri ndërmarrje që kanë përfituar grante nga Qeveria amerikane.

[Antiproanti]

Jaccobson: Asociacioni serb i komunave sipas ligjeve të Kosovës
22:40 / E enjte, 23 Janar 2014


Ambasadorja e SHBA në Kosovë Tracey Ann Jacobson ka deklaruar se marrëveshja për formimin e Asociacionit serb të komunave do të jetë në përputhje me ligjet e Kosovës.

...

E vetekuptueshme...
Deklarata e kundert do te nenkuptonte rrezimin e qeverise se Thacit.

Amerika nuk eshte e interesuar te krijoje destabilitet politik ne Kosove dhe Ballkan, pavaresisht nese stabiliteti aktual eshte i mire apo ei keq per shqiptaret dhe te ardhmen e tyre te afert dhe te larget. Keshtu qe eshte e kuptueshme qe e mbeshtete cdo vendim te cilen faktikisht e ka bashkevendosur.

[Llapi]

E vetekuptueshme...
Deklarata e kundert do te nenkuptonte rrezimin e qeverise se Thacit.

Amerika nuk eshte e interesuar te krijoje destabilitet politik ne Kosove dhe Ballkan, pavaresisht nese stabiliteti aktual eshte i mire apo ei keq per shqiptaret dhe te ardhmen e tyre te afert dhe te larget. Keshtu qe eshte e kuptueshme qe e mbeshtete cdo vendim te cilen faktikisht e ka bashkevendosur.

po normal bashkevendosin Thaqi SHBA se mos vall keq na ka ra qe e kemi mik Ameriken a
a mos deshte ruset e terroristet islamik ti kemi miq