Arrihet marrëveshja Kosovë-Serbi. Thaçi: Na njohu Serbia

[Boy_XL]

“Daily Telegraph”: BE-ja, ngushëllimi i Serbisë për humbjen e Kosovës

03 Qershor 2013

Kryeministri i Serbisë, Ivica Daçiq i ka thënë gazetës britanike “Daily Telegraph” se Serbisë i nevojitet një politikë e re në mënyrë që të bëhet anëtare e BE-së.

Gazeta britanike shkruan se Daçiq ka nënshkruar një marrëveshje paqësore historike me vendin fqinj Kosovën, të cilën Serbia me këmbëngulje nuk dëshiron ta pranojë si shtet.

Megjithatë mbetet shumë për tu bërë, ndër të tjera edhe që të bindet opinioni serb se dhimbja për heqje dorë nga Kosova do të tejkalohet me të mirat që do t’u sjell anëtarësimi në BE, shkruan “Daily Telegraph”


.p.s Ngushllime edhe juve.

[Antiproanti]

Nikolliq: Të vendosur ta zgjidhim problemin e Kosovës deri në fund




Presidenti i Serbisë, Tomisllav Nikolliq ka thënë se Serbia është e vendosur që ta zgjidhë problemin e Kosovës deri në fund si dhe të mbrojë të drejtat e popullit serb atje, transmetojnë mediat serbe, një deklaratë të tij bërë në Beograd.

Ai ka përsëritur se Serbia “nuk do ta njohë kurrë pavarësinë e Kosovës”, por se për të gjitha çështjet e hapura është e gatshme që të merret vesh me “institucionet e përkohshme” në Prishtinë.

Kosova dhe Serbia përmes kryeminstrave të tyre kanë arritur marrëveshje për normalizimin e raporteve në mes të dy vendeve.

Për të është hartuar edhe plani i zbatimit, që është pranuar nga të dy qeveritë, por, zbatimi në praktikë nuk ka nisur ende./rel/
http://www.zeri.info/artikulli/7068/...s-deri-ne-fund

[Antiproanti]

Kuvendi kërkon sqarime për implikimet ligjore të marrëveshjes

Prishtinë, 3 qershor – (E plotësuar) Kuvendi i Kosovës do t’i kërkojë qeverisë që të japë shpjegime në lidhje me ligjet që parashihet të ndryshohen si rrjedhojë e planit të zbatimit të marrëveshjes me Serbinë, para se ajo të shkojë në procedurat e rregullta të ratifikimit.
Një kërkesë të tillë, pritet ta bëjë Komisioni për Legjislacion dhe kryetari, Arben Gashi.
Kurse për shpjegime në Kuvend, pritet të ftohet zëvendëskryeministri Hajredin Kuçi, transmeton Radio Evropa e Lirë.

Marrëveshja bashkë me planin e zbatimit, tashmë edhe zyrtarisht është në duart e deputetëve.
Kryetari i Kuvendit, Jakup Krasniqi, ka konfirmuar se qeveria ka procedura marrëveshjen në formë projektligji për ratifikim, por ende nuk dihet afati kohor se kur do të dalë para seancës për shqyrtim.

“Po, projektligji ka ardhur. Tani u shkon komisioneve dhe më pas komisionet duhet ta kthejnë raportin me rekomandime. Tash për tash nuk është në agjendë”, ka thënë Krasniqi.
Marrëveshja bashkë me aneksin e planit të zbatimit është dërguar te Komisionin për Legjislacion i Kuvendit të Kosovës.

Kryetari i këtij komisioni, Arben Gashi deputet i Lidhjes Demokratike të Kosovës tha se do të kërkohet nga zëvendëskryeministrit Hajredin Kuçi që të shkojë në Komision dhe të sqarojë se cilat janë ato ligje që do të duhet të ndryshohen për zbatimin e marrëveshjes, pasi që me projektligjin e qeverisë vetëm përmendet se do të miratohen disa ligje.

“Problematike dhe shqetësuese është pika e planit të zbatimit ku thuhet se do të miratohen ligje. Ne do të kërkojmë që të dimë se sa ligje do të ndryshohen dhe cilat janë ato nominalisht. Unë do t’i propozoj këto zgjidhje – që të thirret ministri i Drejtësisë i cili ka negociuar dhe është zëvendëskryeministër që ai ta njoftojë Komisionin në mënyrë formale se çfarë lloj ligjesh duhet ndryshuar”, është shprehur Gashi.

Një pikë tjetër problematike, sipas deputetit Arben Gashi është edhe çështja e amnistisë.
Ai ka thënë se do të kërkohet nga ministri i drejtësisë ta sqaroj nëse bëhet fjalë për amnistinë vetëm për strukturat paralele serbe nga veriu, çka sipas tij, do të binte ndesh me amendamentet kushtetuese.

“Komisioni do të rekomandoj që të thirret ministri i Drejtësisë dhe zëvendëskryeministri i Republikës së Kosovës që të raportojë lidhur me Ligjin për Amnistinë se çka parasheh ai dhe cila është fushë-veprimtaria e tij, çfarë lloj kategorish të veprave penale parashihen dhe do ta paralajmërojmë, të paktën prej LDK-së, se një Ligj për Amnistinë nuk mund të ketë lidhje të caktuara territoriale dhe nuk mund të jetë për individ të caktuar por duhet të jetë për kategori të caktuara të veprave penale, siç e parasheh edhe amendamenti kushtetues”, ka thënë Gashi.

Marrëveshja për normalizimin e marrëdhënieve midis Kosovës dhe Serbisë e arritur më 19 prill në Bruksel, ishte operacionalizuar më pas edhe me planin e zbatimit të datës 22 maj.
Me këtë marrëveshje të dyja vendet kanë marrë obligimet për zbatimin e saj.

Por, paraprakisht, nga Prishtina pritet ratifikimi i marrëveshjes në Kuvend dhe miratimi i kornizës ligjore, kurse nga Beogradi, si hapa fillestar parashihen veprimet në drejtim të shuarjes së strukturave paralele në Kosovë.

Ratifikimi i marrëveshjeve ndërkombëtare, sipas legjislacionit të Kosovës bëhet më dy të tretat e numrit të deputetëve.
...
http://www.koha.net/?page=1,13,147810

[Antiproanti]

“Autonomia esenciale e Kosovës” në Ligjin Kushtetues të Serbisë!

Beograd, 4 qershor – Kryeministri i Serbisë Ivica Daçiq ka paralajmëruar se do të formohet grupi punues që do të shqyrtonte se cilat ligje duhet ndryshuar në mënyrë që të zbatohet Marrëveshja e Brukselit.

Daçiq ka shtuar se një numë më të madh ligjesh duhet të ndryshojë Kuvendi i Kosovës.

"Kur bëhet fjalë për Serbinë planifikojmë që të bëjmë një Ligj Kushtetues në të cilin gjithë atë që kemi biseduar, por ndoshta në fund të procesit të bisedimeve, do të definohej për autonominë esenciale e cila do të duhej të vlente për Kosovën”, ka thënë Daçiq për mediet serbe.
http://www.koha.net/?page=1,15,147944

[Boy_XL]

Thaçi: Beogradi e di se Kosova është e pavarur

08.06.2013



Marrëveshja e Brukselit është marrëveshje historike për popullin shqiptar dhe popullin serb, ka thënë kryeministri i Kosovës Hashim Thaçi, në emisionin “Slobodno Sprski” që do të transmetohet nesër.
"Është një realitet i ri. Kemi shikuar drejt të ardhmes, për t\'ju dhënë fund problemeve dhe konflikteve", tha Thaçi.

Sipas tij, me marrëveshjen ka fituar të gjithë: Kosova, Serbia, rajoni, BE, SHBA, NATO dhe të gjithë të tjerët që investojnë në rajon.

"Fituesit më të mëdhenj janë serbët në Kosovë, sepse kemi gjetur zgjidhje që krijon kushte për jetë më të mirë, më të sigurt dhe më të begatë për ta, duke krijuar vende të reja pune dhe përmirësimin e mirëqenies së qytetarëve", tha Thaçi.

Në pyetjen e gazetarit Budimir Nicic, nëse Beogradi me parafimin e marrëveshjes ka njohur pavarësinë e Kosovës, Thaçi tha se Beogradi është i vetëdijshëm se Kosova është shtet i pavarur dhe sovran. /Telegrafi/

[Antiproanti]

Osmani: Votimi me dokumente të Serbisë shkelje e Kushtetutës





Deputetja e Lidhjes Demokratike të Kosovës, Vjosa Osmani ka reaguar ndaj deklaratës së kryeministrit Thaçi, i cili ka thënë se në zgjedhjet lokale që duhet të mbahen në vjeshtë qytetarët serbë në veri të Kosovës mund të votojnë edhe me dokumente te Serbisë.

Deputetja Osmani duke dashur të demantojë deklaratën e kryeministrit në profilin e saj në rrjetin social Facebook ka postuar Nenin 45 të Kushtetutës së Kosovës ku thuhet:

"Çdo shtetas i Republikës së Kosovës që ka arritur moshën tetëmbëdhjetë vjeç, qoftë edhe ditën e zgjedhjeve, gëzon të drejtën të zgjedhë dhe të zgjedhet, me përjashtim kur kjo e drejtë i kufizohet me vendim gjyqësor", shkruan në Nenin 45 të Kushtetutës së Republikës së Kosovës, transmeton ORAinfo

“Si do ta vërtetoje Thaçi që këta qe votojnë me dokumente serbe janë shtetas te Republikës se Kosovës, ashtu siç e kërkon Kushtetuta”, ka shkruar Osmani. /Telegrafi/

Thaçi: Serbët mund të votojnë edhe me dokumente të Serbisë




Kryeministri i Kosovës, Hashim Thaçi ka deklaruar sot se në zgjedhjet lokale që duhet të mbahen në vjeshtë qytetarët në veri të Kosovës mund të votojnë me dokumente identifikuese që i kanë. ...
http://www.telegrafi.com/lajme/thaci...e-2-32940.html

[Antiproanti]

Serbia pretendon prona në Kosovë me vlerë 220 miliardë dollarë





Beograd, 12 qershor - Sipas dokumentacionit ekzistues, prona që pretendon Serbia në Kosovë vlen mbi 220 miliardë dollarë. Siç shkruan sot e përditshmja e Beogradit, “V.Novosti”, e afërt me pushtetin, vetëm pasuria e serbëve të ndjekur, siç i quan kjo gazetë serbët që janë larguar vetë nga Kosova, kalon vlerën e katër miliardë dollarëve.
Përveç 580 mijë hektarëve të tokës bujqësore, pyjore e për ndërtime, që është në pronësi të shtetit të Serbisë,
ajo është edhe pronare e 1,4 milion metrave katrorë të lokaleve zyrtare,
145 mijë metrave katrorë të ndërtesave afariste dhe
25.999 metrave katrorë banesa.
Të gjitha këto, shkruan kjo gazetë, ndodhen në shënjestër të shitjes së kundërligjshme.

Me mija hektarë të tokës së pëlleshme të Kosovës, pronë e subjekteve ekonomike serbe, përmes privatizimit ilegal nga Agjencia Kosovare e Privatizimit po u shiten “pronarëve” të rinj (siç i fut në thonjëza këta “Novosti”) – shqiptarëve.

Shefi i Grupit për gjyqësi në Zyrën për Kosovën (të Qeverisë së Serbisë), Igor Popoviq, citohet nga “V.Novosti” të ketë thënë se tjetërsimi i pronës së ndërmarrjeve serbe, përkatësisht aksionarëve, gjatë vitit të fundit po zhvillohet i përshpejtuar. “Qëllim është shkatërrimi i pozitës ekonomike, por edhe hapësinore e Bashkësisë së ardhshme të komunave serbe”, citon kjo gazetë Popoviqin.
http://www.koha.net/?page=1,13,148802


Kosovaret multimilionera...!
220 miliarde te serbeve dhe te serbise + 500 miliarde te shqipetareve + Trepca+Tymi i Obiliqit=

[Antiproanti]

Kushtetuta po ndryshon



Drejtori ekzekutiv i KIPRED-it, Ilir Deda, ka thënë se për t’u zbatuar plani i marrëveshjes së arritur në Bruksel në mes të Kosovës dhe Serbisë do të ndryshohen më së paku 30 deri në 50 ligje.

“Të tre akterët po përpiqen të vijnë me një shpejtësi të madhe deri te çfarëdo marrëveshje, por pa një analizë të mirëfilltë për efektin e asaj për çfarë po merren vesh. Deri më 20 qershor Kosova duhet t’i ndërrojë 30 deri në 50 ligje. Duhet ta ratifikojë si marrëveshje ndërkombëtare planin, me çka ndryshon edhe Kushtetuta”, ka thënë Deda.

Ai në një intervistë për “Epokën e re”, ka vlerësuar se do të ishte shumë më mirë të ishte një marrëveshje bazë e cila do t’i definonte raportet Kosovë - Serbi, e jo një marrëveshje e tillë ku bisedohet me Serbinë se si do të duket Kosova.

Drejtori ekzekutiv i KIPRED-it, njohës i rrethanave politike në vend, Ilir Deda, ka thënë se për normalizimin e marrëdhënieve në mes të Kosovës dhe Serbisë duhet një marrëveshje bazë në letër, e cila parasheh qartë marrëdhëniet Kosovë – Serbi, se si Kosova të anëtarësohet si shtet i pavarur në të gjitha organizatat ndërkombëtare dhe të fillohet në mënyrë aktive në gjetjen e personave të pagjetur.

Ai ka thënë se me arritjen e marrëveshjes aktuale në Bruksel është legalizuar çështja e krijuar në terren. Gjithashtu, kjo marrëveshje, sipas tij, jep një ombrellë të ligjeve të Kosovës në veri, në të njëjtën kohë jep siguri kushtetuese dhe ligjore nga ana e Serbisë.

“Normalizimi i marrëdhënieve Kosovë - Serbi nuk mund të jetë diskutim për çështje të brendshme të Kosovës. Të tretë po përpiqen të vijnë me një shpejtësi të madhe deri te çfarëdo marrëveshje, por pa një analizë të mirëfilltë për efektin e asaj për çfarë po merren vesh. Deri më 20 qershor Kosova duhet t’i ndërrojë 30 deri në 50 ligje. Duhet ta ratifikojë si marrëveshje ndërkombëtare planin, me çka ndryshon edhe Kushtetuta”, ka thënë Deda. /Telegrafi/

http://www.telegrafi.com/lajme/kusht...n-2-33038.html

[Antiproanti]

Nikoliq: Shteti i Kosovës në “krahinën e Serbisë!”





Kryetari i Serbisë Tomislav Nikoliq po merr pjesë në samitin e 18 - të Evropës Wendrore në Sllovaki. Ai në këtë samit, pasi ka folur për Serbinë, i është kthyer Kosovës pavarësia e saj të mos jetë e njohur nga 100 shtete të botës, për të cilën ka a thënë:

"Nga ky vend apeloj edhe një herë te të gjithë akterët që marrin pjesë në procesin e zgjidhjes së çështjes së Kosovës që të jenë maksimalisht të përkushtuar në kërkimin dhe në gjetjen e zgjidhjes së qëndrueshme të problemit ë Kosovës e cila në të ardhmen do të mundësojë që bashkërisht të fokusohemi në tema të zhvillimit ekonomik dhe përparimin e cilësisë së jetës së të gjithë qytetarëve tanë".

Nikoliq në vazhdim ka thënë se Serbia, krahas problemeve ekonomike është e ballaquar edhe me, siç ka thënë ai, problemin e “pavarësisë së shpallur njëanshëm të”Kosovës” në “territorin serb të Krahinës autonome të Kosovë e Metohisë”(!) dhe për këtë arsye Serbia po përpiqet për zgjidhje paqësore të këtij problemi. Në këtë kontekst ai ka përmendur edhe Marrëveshjen e arritur në Bruksel.
...

Kryetari serb ka thënë se disa vende në samit kanë folur për shtetin e Kosovës.

Ai gjoja atyre u ka thënë: “Më falni,nuk ekziston shteti i Kosovës, dhe, mos flisni për të!”, raporton Koha.

Thaçi: Kosova e Serbia shembull për botën



Kryeministri i Kosovës Hashim Thaçi thotë se Kosova dhe Serbia janë dëshmi se ka mbaruar koha e armiqësive të vjetra, dhe se nën ombrellën e Shteteve të Bashkuara dhe Bashkimit Evropian, edhe rajonet tjera të trazuara mund të shohin dritën.

“Është më mirë të ndërtojmë një të ardhme të përbashkët për paqe dhe prosperitetit, në vend se të lejojmë që të acarohen përgjithmonë urrejtjet arkaike. Shembulli ynë mund të shërbejë si frymëzim për një botë të lodhur nga lufta,” ka shkruar kryeministri Thaçi në një shkrim autorial botuar në gazetën e kongresit amerikan “The Hill”.
...
http://www.zeri.info/artikulli/7763/...bull-per-boten

[Antiproanti]

Ischinger, skpetik që marrëveshja mund të realizohet plotësisht

Diplomati gjerman Wolfgang Ischinger, ish përfaqësuesi i Bashkimit Evropian në bisedimet për statusin përfundimtar të Kosovës, është skeptik që marrëveshja mes Serbisë dhe Kosovës mund të realizohet plotësisht. ...

“Jam i shqetësuar dhe skeptik që implementimi i kësaj marrëveshje do të jetë i vështirë dhe mund të shkoj shumë zvarrë. Tani pyetja qenësore është a mundet kjo marrëveshje të jetë plotësisht e zbatueshme. Shihet që nuk është e lehtë as në letër. Është e vështirë sidomos nëse flasim për vatrën e gjithë brengës që është territori verior i Kosovës, pra Mitrovica e veriut. Kjo është përpjekja për të punuar në javët, muajt dhe shpresojmë jo vitet në vazhdim”, ka thënë Ischinger.

...
Por, Ishinger mbetet ende të nuancat e opsionit të dy Gjermanive si model për bashkëpunimin midis Kosovës dhe Serbisë edhe përtej asaj që një marrëveshje është nënshkruar. Sipas tij, kjo marrëveshje nuk i zgjidh të gjitha problemet mes Kosovës dhe Serbisë, por krijon kushte për bashkëpunim.
http://www.koha.net/?page=1,13,149175