Militantët e PS para shtëpisë së Islamit, Bizhga: S’pendohem për debatin në Kuvend
80
3
Argumente Mërkurë, 17 Prill, 2013 | 09:10 am
Dje gjatë protestës së militantëve të PS para shtëpisë së Islamit
Socialistët e Njësisë 5 dhe FRESSH i Tiranës hedhin parulla fyese ndaj deputetit të përjashtuar nga Rama.
Militantët e PS në shtëpinë e Islamit.
Deputeti: Protesta, presion psikologjik, Rama të jetë i kujdesshëm.
Militantë të PS dhe Forumi Rinor Eurosocialist protestuan para pallatit ku banon deputeti i pavarur Kastriot Islami. Shkak për këtë protestë, sipas organizatorëve, ishte votimi pro i deputetit të pavarur (i cili një vit më parë u përjashtua nga Grupi Parlamentar socialist) në seancën e së hënës për shkarkimin e anëtarit të LSI-së në KQZ. Duke përdorur mjetet e “Pranverës arabe” të lajmëruarit përmes rrjeteve sociale Facebook, të rinjtë e FRESSH të Njësisë Nr. 5 në Tiranë lajmëruan të gjithë mbështetësit e tyre që të merrnin pjesë në këtë tubim. “Përshëndetje të rinjtë e FRESSH Njësia Nr. 5! Ju njoftojmë se sot në orën 18:00 do të zhvillohet një protestë pranë shtëpisë të deputetit Kastriot Islami, te gjimnazi i përgjithshëm ‘Petro Nini Luarasi’, ku do jetë i pranishëm dhe kryetari i Partisë Socialiste Tiranë, Sajmir Tahiri! Pas zhvillimeve të djeshme në Parlament, besoj se e kuptoni rëndësinë e pranisë tuaj në këtë protestë. Lajmëroni dhe miqtë tuaj!”, thuhet në adresën në Facebook të FRESSH Njësia 5. E kontaktuar në telefon, kryetarja e FRESSH-it, Elisa Spiropali, mohoi që ky forum të ketë organizuar një tubim të tillë. “FRESSH nuk ka organizuar asnjë tubim para shtëpisë së zotit Islami. Ata janë qytetarë të indinjuar që janë vetorganizuar”, u shpreh Spiropali për “Panorama”.
Protesta
Rreth orës 18:00 para pallatit ku banon deputeti Islami dhe familja e tij, pranë digës së Liqenit, u mblodhën një grup të rinjsh, por dhe pjesë të strukturave të PS në Njësinë Nr. 5. Protesta ishte e organizuar, se në të nuk munguan banderolat me thirrje dhe fyerje ndaj deputetit. “Kaçi i zi”, “Kastriot tradhtar”, “Këtu banon tradhtari” ishin disa nga pankartat që të rinjtë kishin sjellë me vete në këtë tubim. Në kor pjesëmarrësit nisën të thërrisnin: “Kastriot faqezi, kujt ia hodhe votën ti”. Të shqetësuar nga këto thirrje banorë të pallatit dilnin në dritare për të parë me kureshtje pjesëmarrësit në këtë tubim. Të tjerë dilnin nga hyrjet e pallatit dhe largoheshin nga sheshi ku ishin mbledhur të rinjtë. Protesta ka zgjatur pak minuta sepse në vendngjarje kanë mbërritur disa makina të policisë që merren me ruajtjen e rendit. Në krye të tyre ka qenë zv.drejtori i Policisë së Tiranës, Erzen Breçani, i cili u ka komunikuar protestuesve se tubimi ishte i paligjshëm sepse nuk ka pasur leje. Mes protestuesve dhe zv.drejtorit të Policisë ka pasur një debat të gjatë, duke u harruar qëllimi i protestës. “Ti je i pezulluar, s’ke pse vjen i veshur si polic dhe të na kërkosh të largohemi”, i është drejtuar atij një nga drejtuesit e PS-së në Njësinë Bashkiake Nr. 5. Ndërkohë që Breçani është përgjigjur se vazhdon të jetë në detyrë dhe nuk është i pezulluar. Protestuesit janë shpërndarë pas disa minutash pa incidente. I pyetur nga “Panorama” rreth kësaj proteste, deputeti Islami e cilësoi atë si një presion psikologjik të organizuar nga kryetari socialist Rama. “Ftoj kryetarin Rama që të jetë i kujdesshëm. Ishte vetë ai që më ka përjashtuar dhe tashmë unë jam i lirë të ushtroj të drejtën time për të vendosur. Do të jetë publiku ai që do të vendosë se cili nga ne të dy ka të drejtë. Protesta e FRESSH ishte e karakterit të presionit psikologjik, e papranueshme kjo për një njeri që kërkon të bëhet Kryeministri i Shqipërisë. Konflikti në Kuvend mes deputeteve të PS dhe tre të larguarve nga ky Grup Parlamentar ishte i organizuar nga zoti Rama”, u shpreh Islami.
Njoftimi i FRESSH në Facebook për protestën para shtëpisë së Islamit
Bizhga: Debati me Islamin në Kuvend, nuk jam penduar
Deputeti i PS: Na dënuan si në kohën e Koçi Xoxes.
“Ai është tradhtar, dhe se si i vlerësojmë tradhtarët ne shqiptarët, s’ka nevojë për koment”
Bizhga duke kërcënuar Islamin dje në Parlament
Deputeti socialist i qarkut të Durrësit, Gazmir Bizhga, e cilëson reagim emotiv debatin e zhvilluar me Kastriot Islamin në sallën e Parlamentit ditën e hënë.
Zoti Bizhga, si e vlerësoni seancën e së hënës, kur Kuvendi shkarkoi anëtarin e LSI-së në KQZ?
Ka kohë që ky Parlament e ka humbur legjitimitetin për shkak të vendimeve të paligjshme që po merr dhe të miratimit të akteve nënligjore që përkojnë thjesht me interesat e Kryeministrit dhe njerëzve rreth e qark tij, qofshin ata pjesëtarë të familjes politike apo të afërm të tij. Ndryshimi i anëtarit të KQZ-së është një absurd i madh ligjor, kjo është konfirmuar dhe nga partnerët tanë ndërkombëtarë, të cilët në mënyrë të drejtpërdrejtë e kanë cilësuar si një veprim të kundërligjshëm. Në fund të fundit, institucioni i KQZ-së është një institucion kushtetues i pavarur. Vërtet anëtarët e tij propozohen nga partitë politike, por ata, pasi marrin mandatin, udhëhiqen vetëm nga ligji dhe asgjë tjetër. Përsa i përket kësaj filozofie që përdori kjo maxhorancë fiktive dje, është një arsyetim absurd sepse nesër, kur ne të jemi në maxhorancë, të ndryshojmë të gjithë drejtuesit e institucioneve të pavarura që zgjidhen nga Kuvendi, që nga Presidenti, prokurori i Përgjithshëm, Gjykata Kushtetuese dhe e Lartë etj., vetëm për faktin se janë propozuar nga maxhoranca e sotme dhe pse ne sot nuk kemi President të pavarur, Prokurori të pavarur, gjykata të pavarura, të gjitha kontrollohen nga Sali Berisha. Reagimi i partnerëve tanë ndërkombëtarë ishte shumë domethënës, madje dhe prezenca e tyre në sallë. Pjesa tjetër e seancës ishte një teatralitet absurd i orkestruar nga kryetarja e Kuvendit dhe Kryeministri në hije.
Grupi Parlamentar dhe ju më shumë personalisht patët një reagim të ashpër ndaj deputetit Kastriot Islami. Ka pasur një vendim Grupi për të bllokuar pjesëmarrjen e tyre në votim?
Jo, ka qenë një reagim krejt i natyrshëm. Për hir të së vërtetës, unë jam përpjekur që të justifikoj me veten time veprimin e dëshpëruar të votimit të ministrave të qeverisë. Ndërsa rasti i djeshëm ishte një tradhti e pastër, jo kundrejt Edi Ramës apo Partisë Socialiste, por një tradhti e pastër ndaj atyre që na kanë votuar dhe na kanë dhënë një mandat përfaqësimi si popull opozitar dhe që janë shumica e shqiptarëve. Ne nuk e kemi marrë mandatin as nga kryetari i partisë, as nga KQZ, por nga qytetarët, dhe e kemi marrë për të qenë pjesë e së majtës dhe e opozitës. Nga momenti i djeshëm ajo ishte një tradhti, e cila nuk mund të tolerohej dhe nuk durohej, prandaj nuk kishte nevojë që të kishte organizim, por një reagim spontan në dalje e sipër kur pashë që ish-kolegë të PS po mbanin në këmbë një pushtet që kishte rënë dhe po pranonin të bëheshin pjesë e manipulimit të zgjedhjeve të ardhshme. Ne nuk do ta lejonim këtë dhe ishte një reagim motiv, do ta quaja.
Cili ishte dialogu juaj me zotin Islami?
Përpara meje, kolegu Blushi – dhe dua ta vlerësoj për këtë – po i thoshte që do të ishte në nderin e tij që ai të largohej nga salla bashkë me ne, por Blushi nuk mund të qëndronte më gjatë për shkak të problemit me këmbën, dhe qëndrova unë më shumë duke përsëritur ato që i tha dhe Blushi. Përgjigjja e zotit Islami ishte se “ju po bëni thjesht një moral se keni hallin e kandidimit” dhe të tilla broçkulla të kësaj natyre, gjë që prodhoi fjalë pas fjale dhe ndodhën ato që ndodhën. Unë i thashë: “Mos u bëj tradhëtor, se pastaj do pendohesh” dhe nëse kjo thënie e Nolit konsiderohet si kërcënim, atëherë e ka fajin Noli, jo unë.
Zoti Islami kishte më shumë se një vit që ishte përjashtuar nga Grupi Parlamentar dhe ai ishte i lirë të shprehej me votë jashtë çdo vullneti politik të çdo grupi…
Jua thashë, nuk ishte qëllim në vetvete të shkëmbenim fjalë me zotin Islami, por ishte një veprim spontan edhe për shkak të përgjigjes që ai i dha kërkesës sonë miqësore për të mos u bërë pjesë e këtij votimi.
(Intervisten e plote e lexoni ne numrin e sotem te gazetes Panorama)
ARISTIR LUMEZI
80
3
Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Panorama Online. Moderatori
Lexoni Gazeta Panorama ne formatin PDF »»KLIKO KETU
60 Komente per “Militantët e PS para shtëpisë së Islamit, Bizhga: S’pendohem për debatin në Kuvend”
tini
17 Prill, 2013 - 09:38
Sa veprim i ulet, vetem ne kohen e diktatorit ndalohej fjala e lire, ndersa sot ne PS fjale e lire do te thote, perjashtim, dhune verbale, protesta te dhunshme, bllokime etj… Prandaj z Islami dhe figurat e tjera te PS-se duhet te qendrojne ne integritetin e tyre per ta pastruar partine nga keta habute qe ja kane marre frymen PS-se. Sa turp per ata qe per nje premtim vendi pune kryen kete akt dhe Edvinin qe organizon te tilla palacolleqesh.
Përgjigjjuni
Jimmy
18 Prill, 2013 - 03:50
Me duket se po ngateron Ps-ne me Pd-ne zoteri. Sa per veprimet e Rames dhe Metes vetem nje budalla nuk e kupton qe jane te urdheruar nga nderkombetaret per te rezuar ne rruge demokratike (per te mos pasur nevoje te perdoren metodat e Libise, Egjiptit ….) te new diktatorit SALI BERISHA.
Përgjigjjuni
al
17 Prill, 2013 - 09:38
Kesaj i thone me te “kafshu qeni jot”. Dhe fytyra e vertete e militantizmit te kuq…
Përgjigjjuni
sonil
17 Prill, 2013 - 09:51
U shkriva me kete protesten. Kacin e zi keta e kane perzene me kohe nga nga PS pse protestojne kot.
po te dogjani e kadeli pse s’shkojne per proteste ? apo s’ia mban?
Përgjigjjuni
fredi
17 Prill, 2013 - 10:30
Une mendoj qe Kacit t’i vene edhe nje FLETERRUFE te madhe tek Pallati i Kultures dhe pastaj ta INTERNOJNE ne Saver te Lushnjes ( familjen t’ja cojne ne Maliq ).
Përgjigjjuni
lenci
17 Prill, 2013 - 10:37
puuu cfare turpi! kishim 20 vjet qe nuk degjonim per anti mitingje. po tani edhe e kane perjashtuar nga partia edhe i kerkojne llogari?! kjo eshte me keq se ne komunizem kur edhe e shpallnin armik edhe i kerkonin te thellohej ne autokritike. po me dogjanin dhe kadelin pse nuk ndihen? Ata e thane tulle qe rama eshte i pabese.
Përgjigjjuni
Bushi
17 Prill, 2013 - 10:41
E lejon ligji t’i protestosh nje anetari parlamenti perpara shtepise?
S’behej dot para parlamentit kjo pune?
Fleterrufene mu ne lagje, s’ka problem se terrorizojme familjen dhe komshinjte.
Jane qytetare ne PS, s’ke ç’thua. Ua ka bere komandanti pashaportizimet.
Përgjigjjuni
iliri
17 Prill, 2013 - 10:49
metodat qe perdorte enver hoxha per te denigruar njerezit,ne ate kohe qelloheshin intelektualet me gure, ofendoheshin vetem se nuk i pelqenin rregjimit,e njejta praktike ndiqet edhe sot nga pinjollet e tyre turp mbas kaq vitesh ne liri te tolerohen sjellje te tilla.arena e debatit eshte parlamenti ata qe prekin familjen jane shume primitive.
Përgjigjjuni
zuli
17 Prill, 2013 - 11:11
KETA TE RAMES JAN CORODITUR SJELLJE SI NE KOHEN E ENVER
Përgjigjjuni
sammy
17 Prill, 2013 - 11:21
Tuuuuuuuuuuuuuuuuuuuuuuurrrrpppppppppppppp!!
A thua kështu ndërtohet demokracia?
Përgjigjjuni
Jimmy
18 Prill, 2013 - 03:54
Jo ke shume te drejte. Demokracia ndertohet me plumba ndaj qytetareve te pafajshem, me Gerdece, me uzurpim anti ligjor…….., tamam si ne kohen e diktatorit komunist.
Përgjigjjuni
ibro
17 Prill, 2013 - 11:28
O edvin kristaq rama nuk i imponohet mendimi tjetrit ne demokraci largohu nga kjo rruge se do te demtoje imazhin e ps qe ps nuk eshte ma po vetem emrin ka.
Përgjigjjuni
abc
17 Prill, 2013 - 11:49
po ju e hoqet nga PS nje njeri me mend dhe ne shpi se lini rehat tjeterin tani doni ta perzini dhe nga shpia?:P
Përgjigjjuni
Kid A
17 Prill, 2013 - 11:54
Sa toca jane keta te PS-se. Po mire mo vlla, kur e doni voten e Kacit kaq shume, pse e zbuat nga Shoqata?! Tani pijini lengun!
Kaci je 1-sh! As mos e caj per keta mesjetaret e Piktorit!
Përgjigjjuni
para
17 Prill, 2013 - 12:04
Mos përzieni jet pune me jet shtepie.
Përgjigjjuni
uni
17 Prill, 2013 - 12:14
vete e keni perjashtu..cfare kerkoni me shum…jeni bere qesharake o socjaliste…dramam per ju vazhdon
Përgjigjjuni
iliri
17 Prill, 2013 - 12:22
do te ma vinte shum turp qe te isha pjes e kesaj demostrate,kjo tregon edhe njeher se sa popull i dobet qe jemi,enveri nuk kishte faj,se kete popull e manipulon kur te duash,skandaloze te protestosh kunder mendimit dhe llogjikes se nje intelektuali,ka shum e shum probleme dhe halle per te protestuar,por aty nuk ja u mban se jeni popull servila dhe lapanjoz
Përgjigjjuni
hasan
17 Prill, 2013 - 12:34
Me sa duket duan ta nxjerrin Kacin edhe nga shtepia!!! Si zot shtepie i paligjshem! Duan ta shkarkojne, te mos jete me kryefamiljare. Po cfare m….. duan te shtepia e tij?! Pse nuk u hodhi e shoqja nga dritarja ndonje legen me uje? Pune mikrokomunistesh.
Përgjigjjuni
victor
17 Prill, 2013 - 12:40
dhuna eshte ne programin ekesaj partie kjo eshte rilindja
Përgjigjjuni
boratahiri
17 Prill, 2013 - 12:41
kjo qe ben Fresh eshte nje shkelje flagrante e te drejtave e lirive te njeriut. Keta po dhunojne lirine e familiareve te zotit Islami, traumatizojne femijet e tij, gruan e tij, si dhe banoret e tjere. A e mendon kete lidershipi i PS? Sigurisht qe jo . Kjo me ben te dyshoj se nese kteta do te vijne ne pushtet do te cenojne lirite e qytetareve sepse i tille eshte mentaliteti i tyre. Njerezit qe votojne kunder Ps keta i quajne tradhetare dhe me parrulla shkojne e protestojne para shtepise se tyre. Mos valle keshtu do te bejne me te gjithe ata qe ne 23 qershor do te votojne kunder tyre???…
Përgjigjjuni
eri
17 Prill, 2013 - 12:46
Boooooooooooooooooooh TURP I MADH keta po litikane po e marrin popullin e gjore ne qaf e per vete mbushin millonat me EURO.
SHUUUUUUUUUME TURP PER PSEUDOSOCIALISTET SI DIKTATORE KU SLEJOHET THENIA E MENDIMIT NE PARTI.
Përgjigjjuni
xho
17 Prill, 2013 - 12:54
Ne proteste ishin fidanishtja e PS me disa kokrra militantesh qe presin ndonje kocke ti helli shoku Edvin.
Telenovela Paturpsia me skenar Edvin Rama vazhdon,te tjera do te shikojme ne te ardhmen,frika qe e ka kapur nga humbja e sigurte do te prodhoje akoma me shume te tilla skena skandaloze. A e imagjinoni dot Edvin Ramen ti kete te gjitha ne dore se cfare mund te beje.Large qofte.
Përgjigjjuni
egli
17 Prill, 2013 - 12:57
Njerez me kultur dhe intelektual e tregojn ne cdo moment,keta dhe shpirtin po ja shesin shejtanit per te mare pushtetin,nqs Islami eshte i zi, Rama eshte blozi.sa per protestuesit jane ata qe po presin me padurim qe Rama te fitoj dhe ti sistemoj ne vendet e premtuara te punes.
Përgjigjjuni
Balozibukur
17 Prill, 2013 - 13:16
Sa te neveritshem. Nuk mendojn se tjetri ka familje e komshinj e nje jete jashte parlamentit. Pastaj ke tradhetoi ta marrim vesh, partine qe e përjashtoi apo LSIne e bllokut. Këto jane turmat e majta.
Zoti i madh jua shperblefté njesoj në shtëpitë e tyre.
Përgjigjjuni
billy no fingers
17 Prill, 2013 - 13:26
Rama po kthen edhe njehere gjygjet popullore. Sjellja e FRESHit si e te rinjeve Nacional socialiste ne Gjermani. Heil Rama, qe merr me te keqen e cdo ideologjie dhe e ben te veten.
Përgjigjjuni
SULA
17 Prill, 2013 - 13:31
,Kastriot djali ,as mos ecaj fare Dihet kush je ti ,dhe kush eshte edvin rama
Përgjigjjuni
andi m
17 Prill, 2013 - 13:36
Une mendoj qe te denohet ne fillim me nje flete-rrufe tek kendi i emulacionit te lagjes.Dhe me pas me pune korrektonjese,te beje beton tek shtepia qe po nderton çifti Basha.
Përgjigju Duke Cituar
Krijoni Kontakt